Ciencies 9 (2019)

Cartafueyos Asturianos de Ciencia y Teunoloxía Payares 2019 // Númberu 9

Plumeru de La Pampa, un vecín peligrosu pa desaniciar /// L’ACCIDENTE DE CHERNÓBIL Y LA FAUNA SALVAXE /// /// DOS ASTEROIDES: (704) INTERAMNIA Y (349) DEMBOWSKA ///

REDAICIÓN Conseyu de redaición

SUMARIU 4/

Un vecín peligrosu pa desaniciar n’Asturies: El Plumeru o Yerba de La Pampa (Cortaderia selloana) Por Tomás E. DÍAZ GONZÁLEZ

56 /

Monteses, endotermos ya indicadores del cambéu global: los abeyones cantábricos Por José Ramón OBESO SUÁREZ

66 /

L’impautu del accidente nuclear de Chernóbil sobre la fauna salvaxe Por Germán ORIZAOLA PEREDA

78 /

Carauterización taxonómica de los asteroides (704) Interamnia y (349) Dembowska per aciu de téuniques fotométriques y espectroscópiques Por Isabel VÁZQUEZ GONZÁLEZ, María RODRÍGUEZ MORÁN, Enrique DÍEZ ALONSO y Javier DE COS JUEZ

90 /

Una güeyada al avieyamientu asturianu dende la Sanidá: problemes socioeconómicos, nueves teunoloxíes y considerances étiques Por Manuel Germán GARCÍA BENITO

Presidenta: Ana María Cano González Direutor: Carlos Lastra López Secretariu Téunicu: Héctor García Gil

Comité d’espublización Mario Díaz Fernández Santiago García-Granda Xabiel García Pañeda Eva García Vázquez Juan José Lastra Menéndez Carlos López Fernández David Melendi Palacio Xosé Antón Suárez Puente Pedro Suárez Rodríguez

Diseñu gráficu y maquetación ARAZ.NET

Semeya de portada Cortaderia selloana Semeya: Tomás E. Díaz González

EDITA Academia de la Llingua Asturiana C/ L’Águila 10 Apartáu de Correos 574 33080 Uviéu Tfnu. 985 211 837 Fax. 985 226 816 www.academiadelallingua.com alla@academiadelallingua.com AcademiadelaLlinguaAsturiana @ALLA_ast Depósitu Llegal: AS-4862-2011 ISSN: 2174-9639 Imáxenes: fontes al pie de semeya Les opiniones y artículos equí recoyíos son responsabilidá de los sos autores y nun han ser necesariamente compartíos pola revista.

/2/

Ciencies 9 (2019)

(2019) Ciencies 9

/3/

Un vecín peligrosu pa desaniciar n’Asturies: el Plumeru o Yerba de La Pampa (Cortaderia selloana) Por Tomás Emilio Díaz González Caderalgu de Botánica Departamentu de Bioloxía d’Organismos y Sistemes (Botánica) Profesor Eméritu Honoríficu Universidá d’Uviéu

/4/

Ciencies 9 (2019)

(2019) Ciencies 9

/5/

/Un vecín peligrosu pa desaniciar n’Asturies: el Plumeru o Yerba de La Pampa (Cortaderia selloana)

ENTAMU i bien hai abondes definiciones sobre’l conceutu de «especie exótica invasora» (eei), pola so cenciellez tomamos la qu’apaez nel Real Decretu 1628/2011 del 14 de payares (BOE 298 del 12/12/2011) que la define como «…aquella que s’inxer o afita nun ecosistema o hábitat natural o seminatural, y que ye un axente de cambéu y amenaza pa la diversidá biolóxica nativa, bien pol so comportamientu invasor, bien pol riesgu de contaminación xenética».

Les plantes exótiques invasores tán consideraes como la segunda causa de perda de biodiversidá, namás per detrás del desaniciu de los hábitats. Sabedores d’esti problema, estremaos organismos internacionales, gobiernos y ong tratáronlu dende diferentes frentes: regulando’l comerciu d’especies exótiques, previendo les introducciones non intencionaes y amenorgando l’impautu de les especies exótiques yá asitiaes.

De les presentes n’Asturies, la denomada «Yerba de La Pampa» o «Plumeru» (Cortaderia selloana) ye la más agresiva, con una alta capacidá invasiva tanto d’hábitats naturales o seminaturales como d’orixe antrópicu, amosando una distribución amplia per tol territoriu, namás llendada por determinaes condiciones climátiques.

S

N’agostu de 2018 preséntase, per parte del que soscribe, a la Viceconseyería de Mediu Ambiente de la Conseyería d’Infraestructures, Ordenación del Territoriu y Mediu Ambiente del Principáu d’Asturies, el «Plan d’Aición contra’l Plumeru de La Pampa» (Cortaderia selloana) nel Principáu d’Asturies» (Díaz González, 2018) que quier valir de marcación p’afitar les midíes acionaes pa tornar l’avance d’esta especie. Los oxetivos del Plan céntrense n’acotar la especie nes fasteres de mayor proliferación, atayar l’avance de los estremos escontra la fastera central, menguar la so presencia naquelles fasteres de distribución media y baxa y desaniciar la so presencia naquelles fasteres que se camiente, pola so singularidá, prioritariu’l so desaniciu (espacios naturales protexíos, hábitats prioritarios, riberes, sistemes dunares, marismes, superficies pre o post-industriales con una elevada cobertoria de la planta y que son focos o centros d’invasión, etc). Pa ello afítense los métodos de xestión (Midíes de desaniciu y los mecanismos y métodos qu’hai qu’emplegar; Sensibilización y participación ciudadana) y los periodos de vixencia y revisión del Plan.

Les plantes exótiques invasores tán consideraes como la segunda causa de perda de biodiversidá, namás per detrás del desaniciu de los hábitats. N’Asturies, el «Plumeru» (Cortaderia selloana) ye la más agresiva, con alta capacidá invasiva tanto d’hábitats naturales o seminaturales como d’orixe antrópicu, amosando una distribución amplia. Nel oriente d’Asturies cultívase dacuando como ornamental un conxénere, Cortaderia jubata, que resulta ser una especie invasora entá más peligrosa

/6/

Ciencies 9 (2019)

I. CARAUTERÍSTIQUES DE Cortaderia Selloana I.1. CARAUTERÍSTIQUES MORFOLÓXIQUES Y REPRODUCTIVES DE LA PLANTA El nome científicu de la planta ye Cortaderia selloana (Schultes y Schultes f.) Ascherson y Graebnner, descrita na obra Synopsis der Mitteleuropäischen Flora 2(1): 325. 1900, y tien como sinónimos Arundo selloana Schult. y Schult. f., Arundo dioica Spreng., Arundo kila Spreng. ex Steud., C. argentea (Nees) Stapf, C. dioica (Spreng.) Speg., Gynerium argenteum Nees., G. argenteum var. argenteum, G. dioicum Dallière, G. purpureum Carrière y Moorea argentea (Nees) Lem. Son dellos los nomes comunes o populares como se conoz la planta n’estremaes llingües y territorios. Asina en castellanu: plumeros, hierba de la Pampa; carrizo de la Pampa, cortadera, plumacho, plumerillo, cola de zorro, paja penacho, paja brava, paina, cortaderia o ginerio; euskera: panpa-lezka; catalán: gineri, plomalls, plomes, plumeros, cortadèria; inglés: Uruguayan Pampas grass, Pampas grass, silver Pampas Grass y n’asturianu: plumeru, yerba de La Pampa o cortaderia.

El xéneru Cortaderia compriende unes 24 especies de gramínees cespitoses vivaces distribuyíes per Nueva Zelanda, Nueva Guinea y América del Sur (Starr et al., 2003). Esti nome xenéricu vien del castellanu «pa cortar», por mor de que les fueyes tienen unos bordes aserraos, constituyíos por «dientes» de síliz. Pertenez a la familia de les Poaceae (Gramineae), Orde Poales, Clase Liliopsidae, Division Magnoliophyta.

En dalgunos llugares de la Cornisa Cantábrica cultívase dacuando como ornamental un conxénere, Cortaderia jubata (Lemoine ex Ca-

rrière) Stapf., en concreto nel oriente d’Asturies (De la Torre, 2003), y que resulta ser una especie invasora perpeligrosa (Sanz-Elorza et al., 2004) qu’habría ser oxetu de siguimientu. Tal que s’indica na conclusión cuarta de les xornaes feches al rodiu de «Problemática d’Actuación contra’l Plumeru de La Pampa (Cortaderia selloana)» (indurot, Universidá d’Uviéu), al presentar una bioloxía reproductiva estremada a C. selloana (ye apomíctica) el so control pue que seya más problemáticu. Les diferencies reproductives y morfolóxiques ente entrambos taxones [que dalgunos autores consideren como dos races xeográfiques de la mesma especie: Cortaderia selloana subsp. selloana y Cortaderia selloana subsp. jubata] son les que vienen darréu: Cortaderia selloana ye una planta xinodioica (esceicionalmente pue presentar individuos provistos namás de flores pistilaes) coles panícules (plumeros) de piramidales a fusiformes, denses o laxes, colos pedúnculos de les inflorescencies más curtios o más llargos que les fueyes y na que la so distribución natural ye per Brasil, Uruguái y Arxentina. Pela so parte, Cortaderia jubata ye una planta con flores pistilaes namás, coles panícules (plumeros) piramidales laxes, colos pedúnculos de les inflorescencies más llargos que les fueyes y con una distribución natural per Arxentina y Colombia (Testoni y Peter Linder, 2017).

Cortaderia selloana ye una gramínea vivaz, mui robusta, formando grandes macolles d’hasta 3,5 m de diámetru y onde, nel so centru, surden los pedúnculos florales d’hasta 4 m d’altor, reutos, macizos o agüecaos, nel que se desendolquen nel cabu les inflorescencies en panícula (plumeros) de grandes dimensiones. Les fueyes

(2019) Ciencies 9

/7/

/Un vecín peligrosu pa desaniciar n’Asturies: el Plumeru o Yerba de La Pampa (Cortaderia selloana)

azul averdosaes (glauques) dispónense nos 2/3 basales de la planta, cola llámina lliniar y plana d’hasta 180 cm de llargor por 1-3 cm d’anchor.

El llimbu foliar ye carenáu, atenuáu en pica colos bordes aserraos, de tautu gafu por cuenta de presentar dientes formaos por cristales de síliz, lo que les fai cortantes y poco apetecibles pa los herbívoros. La carena tamién presenta dientes cortantes. Vaines de les fueyes de márxenes llibres; lígula representada por una filera de pelos d’al rodiu de 2 mm de llargor.

Magar que tradicionalmente estes plantes se describieron como dioiques, les más de les especies del xéneru Cortaderia son xinodioiques, lo que quier decir qu’hai dos tipos de plantes: nún d’ellos les más de les flores son funcionalmente masculines y nel otru, toles flores son funcionalmente femenines (Connor, 1971, 1973).

N’entrambos tipos de flores fórmense frutos provistos d’una única semiente. Les inflorescencies son grandes panícules, denses, de 4070 (100) cm de llargor, con unes tonalidaes que puen dir del blancu platiao al crema, rosa o malva, según la madurez y el sexu. Les flores dispónense n’espiguines d’ente 15-25 mm de llargor siendo variable’l númberu de flores darréu que les plantes femenines tienen más flores por espiguines (5-7) que les hermafrodites (3-5).

Les flores tán comprimíes llateralmente y les glumes son llanceolaes, desiguales y membranoses con un nerviu visible. Les lemes o glumeles inferiores de les flores hermafrodites presenten un llargor de 10-13 mm, mentanto que nes flores femenines el llargor ye d’ente 5 y 12 mm, tando cubiertes de llargos pelos y remataes nuna aresta terminal.

El patrón normal de desendolcu floral del plumeru de La Pampa tien llugar del mou siguiente (Connor, 1971, 1973): primero desendólcase

/8/

Ciencies 9 (2019)

FENOLOXÍA

X

F

M

A

M

X

XT

AG

S

O

P

AV

Xerminación Xorrecimientu vexetativu Florecimientu Fructificación Dispersión grana Senescencia foliar

ARRIBA Figura 2. Fenoloxía de Cortaderia selloana na Cornisa Cantábrica (Fonte: Herrera y Campos, 2006; Fernández Rojo et al., 2015)

ARRIBA Figura 1. Cortaderia selloana. a) porte de la planta; b) lígula de la fueya; c) detalle del faz de la fueya; d) ápiz de la fueya; e) detalle del envés de la fueya; f) detalle del marxe de la fueya; g) grupu d’espiguines na panícula compuesta; h) espiguina d’un exemplar hermafrodita; i) flor hermafrodita; j) lema de la flor hermafrodita; k) pálea de la flor hermafrodita; l) xinecéu y androcéu de la flor hermafrodita, m) lema de la flor femenina; n) flor femenina (Fonte: Herrera y Campos, 2006).

l’androcéu (estames) y dempués el xinecéu, onde’l desendolcu del ovariu ye primero que’l de los estilos y el d’estos que’l de los estigmes. Hai una correllación ente los carauteres morfolóxicos y fisiolóxicos y les formes sexuales en Cortaderia selloana que pue sintetizase de la forma que vien darréu: 1) Les anteres son de dos menes, les de les flores femenines, pequeñes (menores de 0,1 mm) ya imperfeutamente formaes (estériles), mientres que les de les flores hermafrodites son mayores, de 20-30 veces el tamañu de les femenines. 2) El xinecéu ye más grande nes flores femenines y el tamaño de los estigmes/ estilos de les flores hermafrodites ye de 0,3 a 0,5 vegaes el llargor de los de les flores femenines. 3) Los frutos (cariópsides) son de dimensiones mayores nes flores hermafrodites. 4) La floración ye más seronda nes flores

femenines. 5) El númberu de flores por espiguina ye mayor que nes hermafrodites.

La yerba de La Pampa (C. selloana) ye una gramínea que s’esparde principalmente per aciu de la división de cepa pal usu como especie ornamental (Robacker y Corley, 1992). Nel mediu natural, sicasí, reproduzse sexualmente produciendo flores al cabu de 1, 2 o 3 años dende la so xerminación. En consecuencia, de forma natural, la planta reproduzse per grana, si bien tamién pue propagase de forma asexual por fragmentación de la cepa a partir de pequeños cachos radiculares que presenten capacidá d’enraigonamientu.

Na Cornisa Cantábrica’l tiempu de florecimientu entama a primeros de agosto y allárgase hasta setiembre, siendo a lo cabero’l branu cuando’l florecimientu del plumeru llega a la mayor exuberancia, y poro, ye más evidente la so presencia. La Figura 2 amuesa’l ciclu vexetativu añal del plumeru, onde se representen les seis fases fenolóxiques de la especie na Cornisa Cantábrica: xerminación, xorrecimientu, florecimientu,

(2019) Ciencies 9

/9/

/Un vecín peligrosu pa desaniciar n’Asturies: el Plumeru o Yerba de La Pampa (Cortaderia selloana)

Por mor de la baxa capacidá competitiva na etapa moza, sobre manera frente a les herbácees, la invasión suel producise cuando hebo una degradación de la estructura de la comunidá vexetal. Pero n’asentándose, la yerba de La Pampa forma macolles que favorecen la so supervivencia, al empar que mermen o torguen les posibilidaes d’asentamientu d’especies autóctones, herbácees y lleñoses. C. selloana, amás, pue estender les raíces llaterales hasta 2 m alredor y 3,5 de fondura, ocupando un volume de suelu de más de 30 m3, y pudiendo llegar a vivir cada individuo ente 10 y 15 años fructificación, diáspora y senescencia foliar. Ente ochobre y payares l’aire esparde la semiente a llargues distancies, favorecíes polos finos pelos que les cubren.

Na fas moza la yerba de La Pampa tien una capacidá amenorgada de competencia, pero n’afitándose y llegando a la madurez, amuesa una firme tendencia a sobrevivir al traviés d’una elevada velocidá de xorrecimientu y maduración, aspeutu clave nel so éxitu de colonización.

Por mor d’esa baxa capacidá competitiva na etapa moza, sobre manera frente a les herbácees, la invasión suel producise cuando hebo una degradación de la estructura de la comunidá vexetal que cubre’l terrén (por apertura de claros, movimientos de tierres, etc.) o bien porque la grana, espardío pol aire, llogra asitiase sobre zones desprovistes de cobertoria vexetal. Les plántules son entós pa xenerar nuevos individuos instalándose en claros que se producen davezu por cuenta d’aiciones antrópiques o en llugares onde amenorgó la presión agroganadera. Nesta fas compite intensamente polos nutrientes, especialmente nitróxenu y fósforu, que consume en grandes cantidaes y con rapidez, lluz y agua (Gadgil y Guruprasad, 1992), xenerando asina un «efeutu solombra» que torga notablemente’l xorrecimientu d’otres especies baxo la so cubierta.

/10/

Ciencies 9 (2019)

de seca moderaos. Les plántules, sicasí, son bien sensibles al fríu (Knowles y Ecroyd 1985), polo que la so capacidá de colonización vese mui mermada de la que baxen les temperatures mínimes ivernales.

N’estableciéndose, C. selloana pue estender les raíces llaterales hasta 2 m alredor y 3,5 m de fondura, ocupando un volume de suelu de más de 30 m3, pudiendo llegar a vivir cada individuo ente 10 y 15 años (Moore, 1994).

Como yá señalemos, esta especie considérase xinodioica, ello ye, presenta exemplares hermafrodites con unes flores que tienen estructures femenines (xinecéu) y masculines (androcéu)

DiTomaso (2000) y Lambrinos (2001) ilústrennos sobre esta cuestión poniendo como exemplu’l casu de California. Nesti territoriu, y a lo largo munchos años, les empreses de xardinería namái escoyíen los pies femeninos con fines ornamentales, siendo por tanto la producción de grana viable mínima, colo que la Cortaderia apenes se naturalizaba. Sicasí ,nos últimos tiempos, dellos viveros entamaron a comercializar yerba de La Pampa procedente de grana y énte la imposibilidá d’estremar los exemplares masculinos de los femeninos na fas de grana, prodúxose una notable medría de la proporción de pies masculinos, qu’orixinó un gran aumen-

En determinaos casos, la grana pue llegar, dende poblaciones mui alloñaes, viníes pel aire o apegaes a la superficie de vehículos, ropa, calzáu, etc. Estímase que cada inflorescencia (plumeru) produz unes 100.000 semientes, polo qu’un exemplar adultu femenín produz una media d’un millón de semientes. Nel espardimientu d’esta planta xueguen un gran papel les víes de comunicación, qu’amás d’ufiertar estenses árees de suelu desnudu o bien alteriáu nos sucos y cunetes, actúen como víes de dispersión amañoses pa la grana d’esta especie N’asentándose, la yerba de La Pampa forma macolles que favorecen la so supervivencia de mou que les poblaciones son pa caltenese en tiempu, al empar que mermen o inclusive torguen les posibilidaes d’asentamientu d’especies autóctones, tanto herbácees como lleñoses. Los exemplares adultos son pa tolerar xelaes ivernales que nun seyan mui intenses en duración, yá que les xemes de medría tán protexíes dientro de les grandes macolles; les fueyes seques permanecen na planta tol iviernu contribuyendo a aisllar térmicamente les partes sensibles de la planta del esterior. Per otra parte, la especial morfoloxía y anatomía de les fueyes fai que seya a soportar temperatura alto en branu y periodos

pero les más de las veces namái les masculines son funcionales (Connor, 1973), mientres que otros individuos presenten flores que namái desEndolquen les sos estructures femenines. Magar que los individuos hermafrodites son pa producir semiente viable por ellos, pero nuna cantidá mui baxa, la principal función consiste en ser los donantes de polen, polo que, na práutica, C. selloana actúa como una especie dioica, que precisa d’entrambos tipos d’individuos pa reproducise y producir grana viable. Esta ye una de les razones poles qu’en munchos territorios, la presencia d’una mayor o menor proporción de pies funcionalmente masculinos (hermafrodites en realidá) y femeninos, determinó un mayor o menor éxitu d’invasión (Herrera y Campos, 2006).

tu de grana viable producío de manera espontánea; en consecuencia la yerba de La Pampa empecipió una fuerte espansión per tola costa californiana, constituyendo una de les principales especies exótiques invasores del territoriu.

Como señalen Herrera y Campos (2006), ye probable que la gran medría de poblaciones naturalizaes d’esta especie na Cornisa Cantábrica nos postreros 20 años, tenga que ver con una medría na proporción d’exemplares hermafrodites, donadores de polen, como resultancia de la mesma dinámica poblacional de la especie y, poro, aumentará esponencialmente’l númberu de grana viable producío polos exemplares femeninos, daqué que yá apuntaron nel so día Silván y Campos (2001) sobre la so espansión na

(2019) Ciencies 9

/11/

/Un vecín peligrosu pa desaniciar n’Asturies: el Plumeru o Yerba de La Pampa (Cortaderia selloana)

Reserva de la Biosfera d’Urdaibai.

La invasión de la yerba de La Pampa entama normalmente en fasteres nes que se produz grana viable, bien a partir d’exemplares ornamentales en parques y xardinos, o bien procedentes d’individuos naturalizaos que xorrecen na contorna de víes de comunicación. En determinaos casos, la grana pue llegar, dende poblaciones mui alloñaes, veníes pel aire o apegaes a la superficie de vehículos, ropa, calzáu, etc. Estímase que cada inflorescencia (plumeru) produz unes 100.000 simientes (Ecroyd et al., 1984), polo qu’un exemplar adultu femenín produz una media d’un millón de semientes. Estes despriéndense xuntes coles lemes que tán provistes de llargos pelos, lo que facilita’l so espardimientu pel aire, pudiendo algamar distancies d’hasta unos 33 km (Starr et al., 2003). Pol contrario, les lemes de les semientes de les plantes hermafrodites al nun tener estos llargos pelos (McGlone, 2004), presumiblemente la so capacidá de dispersión a llarga distancia pol vientu (anemocoria) va vese amenorgada. La grana de C. selloana nun paez que sobreviva enforma tiempu en suelu (DiTomaso, 2000); nel casu de C. jubata, unos cuatro meses aprosimao (Drewitz y DiTomaso, 2000). Domenech (2005) atopó diferencies ente la cantidá de grana viable que producen los individuos femeninos (303.252) y los hermafrodites (17.131), siendo la tasa de xerminación de 71,4% nos primeres y 14% nos segundos, colo que los individuos femeninos producen del orde de 17 vegaes más grana viable que los hermafrodites. Por esta razón, y como yá señalamos, los individuos hermafrodites actúen principalmente como donantes de polen, esto ye, son funcionalmente masculinos.

La xerminación y l’establecimientu de les plántules tienen llugar pel iviernu. L’éxitu inva-

/12/

Ciencies 9 (2019)

sor de C. selloana paez tar rellacionáu, en parte, cola so capacidá pa granar baxo un ampliu rangu de condiciones ecolóxiques. Anque la xerminación de la grana se ve favorecida por condiciones de solombra en suelos con altu conteníu en sable y alta disponibilidá hídrica, C. selloana ye pa granar en condiciones muncho menos favoratibles, a plenu sol y en suelos con baxu conteníu en sable y baxa disponibilidá d’agua (Domenech, 2005).

Nel procesu d’espardimientu de la Cortaderia selloana xueguen un papel preponderante les víes de comunicación (autopistes, carreteres, víes de ferrocarril, caminos, etc), que, amás d’ufiertar estenses árees de suelu desnudu o bien alteriáu nes sos turries y cunetes, actúen como víes de dispersión amañoses pa la grana d’esta especie.

Esta semiente, gracies a les estructures peloses que comentamos enantes, álcense fácilmente del suelu poles turbulencies d’aire que se producen al pasu de los vehículos, sobre manera aquellos de grandes dimensiones como autobuses

ARRIBA Figura 3. Distribución de les fasteres invadíes por Cortaderia selloana n’Asturies, en rellación cola rede de carreteres. Ye evidente qu’hai una correllación ente la densidá de poblaciones d’esta especie y la presencia d’autopistes y carreteres, yá qu’estes actúen como verdaderos «corredores migratorios» pelos qu’esta planta llega a nuevos territorios qu’invadir (Fonte: Fernández Menéndez et al., 2017)

o camiones, dexando’l so desplazamientu inclusive nos díes con pocu vientu. Na Figura 3 pue reparase en cómo de la que nos movemos escontra l’interior del territoriu, les poblaciones de C. selloana concéntrense al pie de les principales carreteres y autopistes, destacando l’autopista A-8, na que la roza de los plumeros y la circulación de los vehículos favorecen la dispersión de la semiente (Fernández Menéndez et al., 2017). Por ello, gran parte de los esfuerzos empobinaos a controlar esta especie n’Asturies tendríen que se concentrar nes cunetes, turries y árees axacentes a les principales carreteres pa desaniciar tolos individuos y torgar la so espansión.

I.2. ORIXE Y DISTRIBUCIÓN MUNDIAL DE LA PLANTA Cortaderia selloana ye nativa de determinaos territorios estratropicales de Sudamérica, asitiaos ente los paralelos 30º y 40º de llatitú sur. Potencialmente la so área de distribución estiéndese per diversos territorios de clima templáu (ensin periodu de seca braniega o de menos de dos meses) pertenecientes a Arxentina, Uruguái y sur de Brasil, amás d’en zones costeres y valles internos baxo clima mediterraneu (con periodu de seca braniega superior a dos meses) de Chile, ente los paralelos 30º y 34º de llatitú

(2019) Ciencies 9

/13/

/Un vecín peligrosu pa desaniciar n’Asturies: el Plumeru o Yerba de La Pampa (Cortaderia selloana)

ARRIBA Figura 4. Distribución mundial de Cortaderia selloana; en verde escuro (dientro del redondel blancu) área nativa; en coloráu fasteres invadíes. (Fonte: Herrera y Campos, 2008).

sur aprosimadamente. Magar qu’hai información sobro la so presencia natural en Paraguái, yá en territorios tropicales, esta nun pudo ser abondo contrastada.

Paez ser que la yerba de La Pampa introduxéronla n’Europa ente 1775 y 1862, siendo citada per primer vegada n’Inglaterra en 1850 por Lawson y Son y en California (EE.XX.) en 1848 (DiTomaso, 2000). El so usu como elementu ornamental entamó en 1874 nos EE.XX. y Europa y dende entós se fixo popular el so usu como planta de xardinería per tol mundu. Anguaño, frutu de la so comercialización abondosa como especie ornamental, convirtióse nuna importante planta exótica invasora en diverses zones del planeta (Fig. 4), principalmente ente los para-

/14/

Ciencies 9 (2019)

lelos 30º y 51º de llatitú norte (España, Portugal, Francia, Italia, Gran Bretaña, Islles Canaries, Madeira, Azores, H.awai, EE.XX.) y 30º y 40º de llatitú sur (Nueva Zelanda, Australia, Tasmania, Islles Cook, Islles Kermadec, Suráfrica, Swazilandia) (Herrera y Campos, 2006).

De la Figura 4 vemos que la yerba de La Pampa namái se naturaliza práuticamente en fasteres de macrobioclima tanto templáu como mediterraneu, siendo nesti postreru onde xeneralmente tien de compensar el déficit hídricu branizu ocupando suelos más húmedos. La so presencia en climes tropicales paez ser puntual, siendo por casu en H.awai el so conxénere C. jubata, la que constitúi una verdadera plaga (Herrera y Campos, 2006).

I.3. DISTRIBUCIÓN DE LA PLANTA NA PENÍNSULA IBÉRICA La primer referencia de la so naturalización n’España ye gracies a Guinea (1953) quien la citó como especie escapada de cultivu na bahía de Santander, siendo E. Loriente quien en 1969 herborizó’l primer pliegu ibéricu (depositáu nel Herbariu MA del Real Xardín Botánicu de Madrid), procedente d’exemplares naturalizaos en Liencres (Cantabria), (Sanz Elorza et al., 2004).

De mou dispersu apaez en dellos puntos de Cataluña, Llevante y delles provincies del interior, anque estes postreres refiérense na so mayoría a exemplares cultivaos. Espardióse igualmente per delles provincies d’Andalucía occidental (como Huelva y Cádiz), pero ye nel norte peninsular (País Vascu, Cantabria y Asturies) onde s’atopa realmente espardida y con calter netamente invasor (Sanz Elorza et al. 2004), algamando nos últimos tiempos Galicia (Callejo, 2017) y Canaries (Fernández Rojo et al., 2015).

Herrera y Campos (2006) ellaboraron el mapa de la Figura 5A que representa la fastera norte peninsular potencialmente susceptible d’invasión por Cortaderia selloana, que se basa na correllación esistente ente diversos parámetros climáticos y la so distribución actual. Como señalen entrambos autores, esti modelu namái contempla aquelles fasteres climáticamente afayadices pa la especie, según los datos de distribución asoleyaos disponibles hasta’l momentu; en delles fasteres de clima mediterraneu onde C. selloana nun podría sobrevivir a la seca braniega, podría naturalizase naquellos territorios con índiz de termicidá It superior a 240, en suelos compensaos hídricamente, como cunetes húmedes, marismes y zones de güelgues, tal qu’asocede en delles zones del Llevante, Baleares, Cataluña y sur d’Andalucía (Fig. 5B).

ARRIBA Figura 5. Modelización de la distribución potencial de Cortaderia selloana na España peninsular. Modelu xeneráu per aciu del software DivaGis, utilizando l’algoritmu Desktop-Garp, que combina estremaes capes de datos ambientales, principalmente climáticos A: en base a 605 llugares onde la especie apaez naturalizada nel norte peninsular. B: en base a 637 llugares qu’amiesten a los anteriores dellos llugares de Cataluña, Valencia, Mallorca y sur de Andalucía onde la especie apaez naturalizada namás en suelos compensados hídricamente, como llamorgales, cunetes húmedes, etc. (Fonte: Herrera y Campos, 2006)

(2019) Ciencies 9

/15/

/Un vecín peligrosu pa desaniciar n’Asturies: el Plumeru o Yerba de La Pampa (Cortaderia selloana)

DERECHA Figura 6. Cartografía de los pisos bioclimáticos termotempláu (termocolinu) y mesotempláu (colinu) de la Península Ibérica (Rivas Martínez et al., 2017), susceptibles de ser invadíos por Cortaderia selloana (Fonte: Del Río, 2017, inéd.).

Herrera y Campos (2006) n’analizando la correllación ente la distribución de Cortaderia selloana en Vizcaya (con 1.336 llugares) y diversos parámetros ya índices bioclimáticos calculaos a partir del mapa climáticu dixital de la Península Ibérica (Ninyerola et al. 2005), constataron que’l parámetru que meyor esplicaba por sí solo la distribución de les poblaciones naturalizaes d’esta especie en Vizcaya yera l’Índiz de termicidá (It).

Estí Índiz llógrase per aciu del siguiente polinomiu: It = (T + M + m) x 10. Onde T ye la temperatura medio añal, M ye la media de les máximes del mes más fríu (xineru) y m ye la media de les mínimes del mes más fríu (Rivas-Martínez et al.

2002). Según les conclusiones d’Herrera y Campos (2006) el conxuntu de los llugares con It > 284, l’estragal inferior que determina la esviación estándar (±14), axunta’l 87,5% de les poblaciones, con un error estándar, amás, de 0,38.

Por esa razón tomaron esi valor d’It como estragal pa establecer la fastera potencial con alta probabilidá d’invasión por C. selloana en Vizcaya. Considerances asemeyaes podemos señalar p’Asturies, por cuenta de la semeyanza macroclimática d’entrambos territorios como vamos indicar nel apartáu que vien darréu.

/16/

Ciencies 9 (2019)

I.4. DISTRIBUCIÓN DE LA PLANTA N’ASTURIES Nel catálogu de la flora asturiana de Mayor y Díaz González (1977) nun figura Cortaderia selloana, si bien na edición y enanchadura posterior d’esti (Mayor y Díaz González, 2003) sí apaez la planta como «cultivada y amontesada».

La primer mención de la planta n’Asturies, como amontesada, ye de Lastra (1989) que la menciona de les orielles del Nalón en Pravia. Pela so parte, nel catálogu rexonal de la flora asturiana asoleyáu por Díaz González et al. (1994) méntase la yerba de La Pampa colos mesmos calificativos de «cultivada y amontesada», acordies cola citada mención de Pravia y del llugar d’Ordoño

en Siero que Nava et al. espublicen en 1995).

Darréu, Fernández Prieto y De la Torre (2000), De la Torre (2003), Díaz González y Nava (2005) y González Costales (2007) yá la cataloguen como una planta invasora en territoriu asturianu, con una presencia y bayura qu’empieza a ser esmolecedora. La so fastera de distribución potencial n’Asturies y na Cornisa Cantábrica queda afitada, tal que señalamos n’apartaos anteriores, polos valores del Índiz de Termicidá (It) inferior a 284 aprosimao, polo que se conclúi que la yerba de La Pampa pue crecer y xorrecer con puxu nos pisos bioclimáticos termotempláu (termocolinu) [It ente 410 y 290] y mesotempláu (colinu) [It ente 190 y 290], esto ye, dende’l nivel del mar hasta los 600800 m en función de la topografía.

Na Figura 6 apaecen cartografiaos los territorios ibéricos de los pisos termotemplaos y mesotemplaos que son susceptibles de ser invadíos pola yerba de la Pampa.

I.5. COMPORTAMIENTU ECOLÓXICU DE LA PLANTA Nel so territoriu orixinal d’América del Sur Na so fastera natural, Cortaderia selloana crez y desendólcase en zones de clima templáu oceánicu, con iviernos suaves, y en dellos territorios axacentes con clima mediterraneu onde la especie compensa la seca braniega acutando la so presencia a depresiones y veres de cursos d’agua onde’l suelu permanez húmedu más tiempu (Herrera y Campos, 2006). Na rexón de

La Pampa arxentina y SE d’Uruguái ye una planta propia y carauterística de determinaos yerbazales viviegos denomaos pajonales, que consisten en comunidaes vexetales qu’ocupen suelos hidromorfos en zones baxes y de morfoloxía plana (Alonso y Bassagoda, 2005).Tamién forma comunidaes vexetales trupes nes orielles de cursos d’agua, constituyíes por gramínees arundinoides como C. selloana y C. rudiuscula, a les qu’acompañen dacuando dalgunes otres gramínees ellí introducíes como Phragmites australis y Arundo donax (Morello, 1958; Koepcke, 1961; Cabrera, 1964; Cabrera y Zardini, 1978). En fasteres templaes de la costa atlántica d’Arxentina y na costa mediterránea chilena tamién apaez en depresiones dunares, nuna posición asemeyada a la qu’ocupa nel nuesu territoriu Juncus acutus (Herrera y Campos, 2006).

N’árees costeres seques de Chile, ente Coquimbo y Maulin y nos valles interiores asitiaos dende Ovalle a Santiago de Chile, C. selloana apaez en formaciones arbustives higrohalófiles dominaes por Tessaria absinthioides, que colonicen principalmente porreos no fondero de rambles y márxenes de llagunes y cursos d’agua temporal en condiciones de salinidá elevada. Amás d’estes dos especies suelen apaecer tamién Baccharis pingraea, Pleocarphus revolutus, Frankenia chilensis, Cotula coronopifolia, Distachlis spicata, Psoralea glandulosa y Selliera radicans, ente otres plantes propies d’estos medios (Gajardo 1994; Amigo com. pers. n’Herrera y Campos, 2006).

Na Cornisa Cantábrica En Vizcaya, Cortaderia selloana coloniza principalmente hábitats artificiales o alteriaos, tales como baldíos, zones removíes, turries y cunetes de víes de comunicación. Sicasí, cada vegada con más frecuencia pue vese n’hábitats menos

(2019) Ciencies 9

/17/

/Un vecín peligrosu pa desaniciar n’Asturies: el Plumeru o Yerba de La Pampa (Cortaderia selloana)

alteriaos y n’ocasiones d’altu valor medioambiental, como carbes, pacionales, güelgues, marismes (comunidaes vexetales del Glauco-Juncion, Agrostio-Paspalenion y Agropyrion pycnanthi) y sableres y sistemes dunares costeros (comunidaes vexetales del Euphorbio-Helichrysion); nes dunes fixes esta especie ve llendada la so supervivencia a depresiones o zones retrasaes más húmedes, anque supón una amenaza importante una y bones esti hábitat alluga especies y comunidaes d’interés pal so caltenimientu. Tamién la yerba de La Pampa apaez infestando plantíos forestales nuevos de Pinus radiata. De fechu, constatóse que de la qu’aumenta la densidá de poblaciones

del Dauco-Melilotion y Bromu-Oryzopsion); per otru llau, apaecen especies higrófiles, como correspuende al hábitat primariu de la yerba de La Pampa nel so llugar d’orixe, qu’equí tán representaes por taxones como Equisetum telmateia, Calystegia sepium, Pulicaria dysenterica o Dorycnium rectum, (Molinio-Holoschoenion, Bromu-Eupatorion) ente otres plantes (Herrera y Campos, 2006).

Tanto En Cantabria (Fernández Rojo et al., 2015) como n’Asturies Cortaderia selloana pórtase tamién como una invasora nuna amplia variedá d’ecosistemes, pues apenes presenta esixencies ecolóxiques que la llenden. A pesar

Paez ser que la yerba de les pampes introduxéronla n’Europa ente 1775 y 1862, siendo citada per primer vegada n’Inglaterra en 1850 y en California en 1848.

El so usu como elementu ornamental entamó en 1874 nos EE.XX. y Europa, y dende entós fízose popular como planta de xardinería per tol mundu. La primer mención de la planta n’Asturies, como amontesada, ye de J.J. Lastra (1989) que la menciona de les orielles del Nalón en Pravia. Pela so parte, nel Catálogu rexonal de la flora asturiana asoleyáu por Díaz González et al. (1994) méntase la yerba de La Pampa colos mesmos calificativos de «cultivada y amontesada», acordies cola citada mención de Pravia y del llugar d’Ordoño, en Siero, que Nava et al. espublicen en 1995 de C. selloana, aumenta la frecuencia y variedá d’hábitats non artificiales que coloniza. La composición florística de les comunidaes vexetales onde s’instala C. selloana ta carauterizada por dos grupos principales d’especies: per un llau especies nitrófiles biañales primocolonizadores (Dipsacus fullonum, Foeniculum vulgare, Picris echioides, P. hieracioides, Daucus carota, Conyza sumatrensis y C. canadensis, ente otres), como correspuende al so calter neocolonizador de zones alteriaes (comunidaes vexetales

/18/

Ciencies 9 (2019)

de querer meyor llugares húmedos, la yerba de La Pampa ye muncho más frecuente y abondosa n’hábitats ruderales, como puen ser baldíos y turries de víes de comunicación, que, anque constitúin hábitats subóptimos pa esta especie, presenten una mayor facilidá de colonización. Tocántenes a les condiciones edáfiques, la planta ta presente en tou tipu de suelos y ye tolerante a aquellos probes en nutrientes, poco desenvueltos y ricos en barru. Presenta elevada tolerancia a terrenales halófilos, magar amuesa

preferencia pelos terrenos frescos y eutróficos.

Ye pa xorrecer y desendolcase en cantidaes bien amenorgaes de sustratu, siendo habitual vela en cantos de ceres, teyaos d’edificaciones abandonaes, xuntes de baldoses o inclusive en pequeños rellabicos verticales de muries o otros elementos constructivos ellí onde s’atropó pequeñes cantidaes de suelu (Fernández Rojo et al., 2015).

Sicasí, ye nes turries y desmontes creaos poles infraestructures viaries del norte de la Península onde ye bien abondosa esta planta (Sainz-Elorza et al., 2004) asina como nes árees industriales abandonaes o en fas de construcción.

N’otros territorios de macroclima non templáu, como son los correspondientes a la costa catalana, Domenech (2005), nel so estudiu sobro C. selloana d’esa zona, señala que n’hábitats ruderales les carauterístiques biolóxiques y demográfiques (tamañu d’individuos, producción d’inflorescencies, proporción de sexos y exemplares nuevos, etc.) nes poblaciones catalanes son distintes a les de los hábitats non ruderales.

Nos primeros, Cortaderia presenta una menor eficiencia reproductiva, que se ve compensada, sicasí, pola gran bayura d’esti tipu d’hábitats y una menor competencia coles especies natives.

Baxo condiciones de moderáu o severu estrés hídricu, C. selloana maximiza la toma d’agua del suelu aumentando la biomasa soterraño (radical) y minimiza la perda d’agua por evapotrespiración amenorgando la biomasa aéreo (produciendo menos fueyes) (Domenec,h 2005). Esto da-y cierta ventaya competitiva frente a munches especies natives, sobre manera en fasteres como en gran parte de la costa central cantábrica onde, magar que predomina la vexetación de calter eurosiberianu, con frecuencia hai periodos de seca inferiores a 2 meses (submediterraneu) ente xunu y agostu (Herrera y Campos, 2006).

I.6. IMPAUTOS, AMENACES Y ESTATUS LLEGAL DE LA PLANTA INVASORA Como señalen Herrera y Campos (2006), plantegase’l desaniciu de Cortaderia selloana na Cornisa Cantábrica ye un oxetivu práuticamente utópicu, por mor del so ampliu espardimientu como especie de xardinería, poles mesmes carauterístiques biolóxiques de la especie que la convierten nun invasor eficaz, pola gran disponibilidá d’hábitats alteriaos de que dispón y la esistencia d’una gran presión de propágulos provenientes d’otres fasteres cercanes al territoriu (Cantabria, País Vascu, Galicia…) lo mesmo que d’una amplia rede de carreteres y autovíes qu’actúen como eficaces víes de migración. Por too ello, l’oxetivu habría empobinase a amenorgar al máximu les sos poblaciones y llendar no posible la so espansión escontra zones ensin invadir.

Herrera y Campos (2006) y Herrera y Fernández Prieto (2017) sintetizaron, en dellos puntos, la problemática qu’implica la invasión de la Cortaderia selloana col fin d’entamar cola variada y complexa actividá de la planta nestos territorios del norte peninsular tan alloñaos de la so fastera natural. Trescribimos darréu los puntos mentaos: 1. En montes nuevos y plantíos forestales la yerba de La Pampa compite coles plántules y árboles nuevos pol agua y los nutrientes, pudiendo torgar el so establecimientu y ralentizar la so medría.

2. L’acumulación de fueyes ya inflorescencies seques de la planta invasora aumenta’l riesgu de quemes.

3. La presencia masiva de la yerba de La Pampa mengua la calidá forraxera y la biodiversidá de les camperes qu’invade, amenorga’l valor

(2019) Ciencies 9

/19/

/Un vecín peligrosu pa desaniciar n’Asturies: el Plumeru o Yerba de La Pampa (Cortaderia selloana)

económicu de los terrenos y torga los llabores de manexu y aprovechamientu d’estos ecosistemes seminaturales.

4. En zones con vexetación natural d’interés conservacionista, Cortaderia selloana compite coles especies natives, pudiendo llegar a desplazar a delles especies amenazaes, sobre manera en zones húmedes.

5. La yerba de La Pampa provoca una fonda alteración de la secuencia sucesional, ralentizando la evolución natural escontra les fases forestales y preforestales.

6. La presencia de Cortaderia selloana, magar que nun seya n’altes densidaes, mengua’l valor estéticu y d’usu recreativu de munches árees naturales.

7. Les trupes poblaciones d’esta planta invasora alterien visiblemente la calidá del paisaxe, menguando la so naturalidá.

8. La elevada producción de polen de la yerba de La Pampa a lo cabero del branu y principios de la seronda, pue producir problemes alérxicos naquelles zones cercanes a poblaciones de la planta de grandes dimensiones y bien trupes.

El 30 de payares de 2017, tuvo llugar el Seminariu qu’organizó l’INDUROT (Universidá d’Uviéu) nel Edificiu d’Investigación del Campus Universitariu de Mieres (Principáu d’Asturies) sobre la «Problemática d’actuación contra’l plumeru de la Pampa (Cortaderia selloana)», con una amplia representación d’espertos medioambientales y representantes de les alministraciones implicaes, universidaes y centros d’investigación procedentes de Galicia, Asturies, Cantabria, Castiella y Lleón y el País Vascu.

Esti seminariu celebróse dientro del marcu del proyeutu «Protocolu d’actuación contra’l plumeru de la Pampa (Cortaderia selloana) n’Asturies», que l’INDUROT fixo pa la Direición

/20/

Ciencies 9 (2019)

Xeneral de Biodiversidá (Gobiernu del Principáu d’Asturies), al abellugu del Conveniu de collaboración ente’l Principáu d’Asturies y la Fundación Bancaria La Caixa pal desendolcu d’actuaciones en materia de «investigación, salú y mediu ambiente» nel Principáu d’Asturies. A lo llargo de la Xornada de trabayu, inaugurada pol Direutor Xeneral de Biodiversidá, xestores, téunicos ya investigadores venceyaos a estremaes alministraciones y universidaes, aldericaron sobre la problemática de la invasión del plumeru nel norte de la Península Ibérica. Al traviés d’una serie de ponencies ya intervenciones de los asistentes, y con aportaciones de comunidaes autónomes que nun pudieron tar presentes, analizóse la bioloxía de Cortaderia selloana, establecióse la situación actual de la especie nos estremaos territorios ya indicáronse les actuaciones feches en materia de control y desaniciu, acordies con posibles téuniques pa la xestión de los sos restos, según el programa que s’axunta darréu. Por mor del interés xeneral de les Xornaes y la so influencia nos futuros proyeutos d’actuación, trescribimos les conclusiones llograes nesta Xornada:

Conclusiones de la «Xornada sobre la Problemática d’actuación contra’l plumeru de la Pampa (Cortaderia selloana)» (INDUROT, Universidá d’Uviéu, 30/XI/2017) 1. Considérase que Cortaderia selloana ye una especie tresformadora de los medios nos que s’asitia, yá qu’alteria l’ecosistema, esclúi otres especies, en dellos casos protexíes, y amenorga drásticamente la biodiversidá.

2. Constátase la espansión de Cortaderia selloana peles zones baxes de la fachada cántabro-atlántica (País Vascu, Cantabria, Asturies y Galicia), al igual qu’en Cataluña y Andalucía, y alértase del avance del plumeru per fasteres hasta agora consideraes non afayadices pa esta especie, como zones de monte, territorios al sur del Cordal Cantábricu ya inclusive pel centru de la Península.

3. Ye posible que, amás de Cortaderia selloana,, nes poblaciones de plumeros del norte peninsular heba Cortaderia jubata, con una bioloxía reproductiva que ye distinta, yá que se trata d’una especie apomíctica, y la so xestión pue resultar entá más problemática. Per otru llau, comprobóse que dellos clones de Cortaderia selloana tienen una mayor capacidá invasiva.

4. Constátase que nes declaraciones d’impautu ambiental el muérganu ambiental competente inclúi condicionantes relativos a eliminación d’invasores, restauración de los terrenos y siguimientu de les actuaciones. Sicasí, considérase que’l muérganu sustantivu frecuentemente nun cumple de mou afechiscu cola so función de control y siguimientu de les actividaes. Considérase que’l muérganu ambiental tien de recordar al sustantivu les sos responsabilidaes.

5. Podría esistir una responsabilidá subsidiaria de les Comunidaes Autónomes y de l’Alministración Central na espansión del plumeru. Dende los gobiernos autonómicos ten-

dríen que se llevar alantre llabores d’eliminación que sirvieren de demostración de la magnitú del problema en términos ambientales (perda de biodiversidá, degradación del paisaxe, etc.) y en términos económicos (costos derivaos de la xestión d’una especie invasora) y treslladalo a la sociedá.

6. Hai un consensu xeneralizáu tocante a que la llucha contra la invasión tien que se facer «de fuera pa dientro», esto ye, atacar dende la periferia de les zones invadíes pa zarrar les víes d’espansión, tornando l’avance escontra les cabeceres y controlando la presencia n’espacios naturales protexíos y l’afeición a Hábitats d’Interés Comunitariu.

7. Nos núcleos de gran concentración de plumeru, les actuaciones van ser viables si se dispón de recursos abondo y de forma siguida. Pa ello, ye necesariu’l compromisu y la coordinación del conxuntu d’alministraciones y propietarios, que dexe encarar el problema de mou integral, per aciu del diseñu d’iniciatives conxuntes y l’entamu de programes pluriañales. Nesti sen, pue valir d’exemplu la forma d’actuación de la Diputación de Vizcaya, que lleva alantre programes d’eliminación integrales en zones concretes y cola participación activa y coordinada de tolos actores implicaos (Alministraciones Autonómiques, Alministraciones Llocales, empreses y particulares).

8. Nun hai opinión unánime tocante a quién tien de facese cargu del desaniciu de los plumeros en propiedaes privaes. Dende Vizcaya interprétase que, tal qu’afita’l códigu civil, les plantes (tamién les invasores) son parte de los bienes inmuebles y polo tanto la responsabilidá de la so eliminación tien de recayer nel propietariu del terrén. Seya que non, en Vizcaya l’alministración

(2019) Ciencies 9

/21/

/Un vecín peligrosu pa desaniciar n’Asturies: el Plumeru o Yerba de La Pampa (Cortaderia selloana)

ambiental tamién desanicia los exemplares de particulares que roblen un compromisu de caltener llimpio d’invasores el so terrén. Sicasí, tamién hai la opinión de que, en munchos casos, nun tendría d’imputase económicamente la eliminación a propietarios particulares que nun son responsables de la espansión del plumeru nos sos terrenos. Tendría que s’estremar la responsabilidá ente los que contribúin a que s’esparda la Cortaderia (Alministración, xestores de polígonos industriales, propietarios de terrenos removíos, etc.) y los propietarios de terrenos cuidaos que, en realidá, resulten perxudicaos polos anteriores. Nesti sen, considérase que, dada la gran responsabilidá de les alministraciones públiques (estatal, autonómica y llocal) na espansión del plumeru, ye imprescindible qu’estes asuman el control y el desaniciu de la especie en terrenos de la so propiedá o del ámbitu del dominiu públicu correspondiente.

9. Frente a la opinión más estendida, de nun executar llabor d’eliminación en plenu floriamientu del plumeru, en Vizcaya camiéntase que, si nun ye posible acometer l’actuación primero del floriamientu, nun se dexe por ello d’actuar, yá que se considera meyor desaniciar que dexar que tolos exemplares completen el so ciclu y, poro, lliberen la grana d’estes plantes.

10. En materia d’investigación tienen que s’entamar trabayos sobre: • Identidá específica de les plantes que crecen nel ámbitu cantábricu y sobre manera, analizar si, amás de Cortaderia selloana, apaez C. jubata, yá que la so bioloxía reproductiva y ecoloxía podríen enanchar la capacidá invasiva del plumeru.

• Diversidá xenética dientro de les poblaciones de plumeru de La Pampa y ente elles, con cuenta d’identificar aquellos cultivares

/22/

Ciencies 9 (2019)

con mayor capacidá invasiva.

• Proporción de plantes hermafrodites y femenines nes poblaciones de Cortaderia selloana que crecen nesti ámbitu xeográficu, yá que d’ello depende, en bona midida, la capacidá espansiva de les poblaciones.

• Periodu de viabilidá de la grana, p’axustar amañosamente los periodos d’actuación.

• Téuniques d’eliminación novedoses o con nueves teunoloxíes que supongan menor efeutu ambiental, especialmente n’árees sensibles y de mal accesu. Esmolez sobre manera la apaición recién de la especie en cantiles costeros.

• Posibles efeutos alerxénicos, teniendo en cuenta que la so polinización tien llugarnuna época del añu de mínimos polínicos d’otres gramínees.

• Importancia de les roces nos cantos de les infraestructures lliniares como mecanismu que favorez la dispersión de la especie.

• Revexetación d’espacios lliberaos de la invasión pa torgar la probabilidá de nueves infestaciones.

• Téuniques d’inertización y valorización enerxética de los sos restos.

11. Camiéntase necesario desendolcar campañes d’información y sensibilización sobre les especies invasores. Darréu que’l plumeru de La Pampa ye una de les más reconocibles y abondoses, puede utilizase como exemplu pa la concienciación social del problema xeneráu pola presencia d’especies exótiques invasores nel nuesu territoriu. Estes campañes de calter xeneral tienen de facese estensives al ámbitu escolar. Ún de los aspeutos qu’hai que considerar nel marcu de la sensibilización empobinada tanto a los estamentos políticos, como a los axentes sociales y a la opinión pública polo xeneral, podría

ser la valoración económica del impautu negativu de la invasión de Cortaderia, confrontando, per una parte, el costu económicu que representa la perda de biodiversidá, de calidá de paisaxe, de calidá turística, etc., en casu de nun actuar, y, per otra, el costu del desaniciu.

12. Propónse la creación d’una unidá operativa sobre Cortaderia selloana, con una mínima estructura de calter permanente, que pudiera caltener una actuación siguida, con cuenta de resalvar les posibles interrupciones d’actuaciones, planes o estratexes derivaes de cambeos políticos, y con capacidá pa sofitar/diseñar propuestes en cualquier sentíu pa evitar la repetición d’errores na xestión del problema del plumeru de la Pampa.

13. El posible financiamientu ministerial a les ccaa pa llabor de control y eliminación de plumeru tendría de superar les llimitaciones presupuestaries de cada exerciciu y tener una duración tresañal. Sía que non, dende tragsatec indícase que’l Ministeriu puede sofitar económicamente la realización d’ensayos de técniques d’eliminación de Cortaderia.

14. A propuesta de les ccaa de Cantabria y Principáu d’Asturies, el Ministeriu d’Agricultura y Pesca, Alimentación y Mediu Ambiente, va coordinar, xunto coles ccaa afectaes, la ellaboración d’una Estratexa frente a la invasión de Cortaderia. El procedimientu pa la ellaboración d’estratexes ta recoyíu nel Real Decreto 630/2013, de 2 d’agostu, pol que se regula’l Catálogu español d’especies exótiques invasores. Sía que non, hai que tener en cuenta que la Estratexa nun tien calter normativu, esto ye, les sos midíes son orientatives, non obligatories.

15. La Estratexa tien de recoyer una batería de mecanismos de control y eliminación que dexe escoyer los métodos más afayadizos

en función de les carauterístiques del terrén, l’accesibilidá, la fraxilidá y vulnerabilidá del mediu, la presencia d’especies o hábitats catalogaos, la condición d’espaciu protexíu, etc. Nesti sen, ha tenese en cuenta les esperiencies esitoses de les ccaa y de les Diputaciones y tien de tar abierta a la esperimentación d’otres nueves.

16. La Estratexa nacional de llucha contra’l plumeru tien de contemplar la incorporación activa de tolos actores rellacionaos cola temática: Comunidaes Autónomes (tolos departamentos implicaos), Diputaciones, Conceyos, Federación Española de Conceyos y Provincies, Alministración del Estáu (Carreteres, Confederaciones Hidrográfiques, Demarcaciones de Costes, Puertos del Estáu, adif…). D’igual miente, la Estratexa tien de tar abierta a la participación d’otros axentes sociales y económicos interesaos (coleutivos ambientales, grupos de desendolcu rural, sindicatos, empreses, etc.), al traviés de programes sociales, financiamientu priváu o voluntariáu y siempres cola coordinación del organismu responsable en cada casu.

17. Los representantes de l’Alministración Central señalen que les competencies en materia de caltenimientu correspuenden a les ccaa, una y bones los organismos estatales como Costes, Puertos del Estáu o Demarcaciones Hidrográfiques xestionen l’espaciu, pero non les especies.

Por ello, manifiesten les sos duldes al respeutive de cuál ha ser la so participación na xestión d’especies invasores nel ámbitu del Dominiu Públicu. Los representantes autonómicos consideren que l’Estáu tien de participar de mou activu y, nesti sen, indícase que l’Estáu ye custodiu del Dominiu Públicu y que la custodia implica’l caltenimientu del bon estáu d’esos dominios.

18. Les especies del xéneru Cortaderia tienen una gran capacidá invasiva y tresformadora del

(2019) Ciencies 9

/23/

/Un vecín peligrosu pa desaniciar n’Asturies: el Plumeru o Yerba de La Pampa (Cortaderia selloana)

mediu, tán ocupando na actualidá amplies superficies en terrenos intensamente antropizaos (fasteres industriales abandonaes o en desusu, turries d’infraestructures viaries, escombreres, terrenes removíos, etc.), al igual que cultivos y praos, y afeuten yá a numberosos espacios protexíos y hábitats d’interés comunitariu de zones costeres, sistemes fluviales y otros medios, polo que se solicita que la Xunión Europea incluya a toles especies del xéneru na llista d’especies exótiques invasores esmolecedores pa la Xunión, acordies col Reglamentu (xe) nº 1143/2014 del Parllamentu Européu y del Conseyu, situación que favorecería la captación de fondos europeos pa la so eliminación.

La Llei 42/2007 de 13 d’avientu, del Patrimoniu Natural y la Biodiversidá, nel Títulu iii (Caltenimientu de la Biodiversidá) señala’l riesgu que les especies exótiques invasores suponen pal caltenimientu de les especies y hábitats autóctonos y crea’l Catálogu Español d’Especies Exótiques Invasores. Nesti Catálogu inclúinse toes aquelles especies y subespecies exótiques invasores que constituyan o puedan llegar a constituyir una amenaza grave pa les especies autóctones, los hábitats o los ecosistemes, l’agronomía, o pa los recursos económicos venceyaos al usu del patrimoniu natural. Nel Real Decretu 630/2013 de 2 d’agostu, pel que se regula esti Catálogu d’Especies Exótiques Invasores (boe, nu 185 de 3 d’agostu y nel Testu

ARRIBA Figura 7. Mapa de la densidá máxima estimada de Cortaderia selloana por conceyos d’Asturies (Fonte: Fernández Menéndez et al., 2017).

/24/

Ciencies 9 (2019)

Consolidáu del so últimu cambéu de 17 de xunu de 2016), figura’l plumeru de La Pampa (Cortaderia selloana), yá que se considera que puede llegar a constituyir una amenaza grave pa les especies autóctones, los hábitats, los ecosistemes y pa los recursos económicos venceyaos al usu del patrimoniu natural. Como yá indicamos n’apartaos precedentes, sobre esti calter invasor n’Asturies yá se pronunciaren diversos autores primeramente: Fernández Prieto y De la Torre (2000), De la Torre (2003), Sanz Elorza et al., 2004), Díaz González y Nava (2005) y González Costales (2007).

II. SITUACIÓN N’ASTURIES Y PLAN DE DESANICIU II.1. SITUACIÓN GÜEI DEL PLUMERU DE LA PAMPA N’ASTURIES Acordies coles conclusiones dek estudiu previu amentáu de Fernández Menéndez et al.

(2017) sobre’l plumeru de la Pampa n’Asturies, les abondancies mínima y máxima d’esta planta invasora nel Principáu d’Asturies estimábense en 853.000 y 1.402.000 individuos respeutivamente, con una superficie total invadida de pelo menos 1.220 ha. Sicasí, como yá alvertíen los autores mentaos, estes cifres considérense conservadores darréu que se basaron namái nos rexistros con un polígonu asociáu, y qu’en xunto suponen el 34% del total, y polo tanto ye esperable que la fastera afeutada seya mayor. Xixón yera’l conceyu con una mayor abondancia de plumeru estimada, tanto mínima como máxima, con valores al rodiu de 397.816 y 521.958 individuos, y que representen el 46,6% y el 37,2% del total estimáu n’Asturies. Siero, Avilés, Uviéu, Ribeseya y Sotu’l Barcu, ente otros, tamién presenten unes abondancies elevaes (Fig. 7). La densidá de plumeru n’Asturies estímase en 80

Nel añu 2017 estimóse l’abondancia mínima y máxima del Plumeru n’Asturies en 853.000 y 1.402.000 individuos, con una superficie de pelo menos 1.220 ha. Yeren cifres conservadores, y Xixón yera’l conceyu con mayor abondancia: agora tien ente 2.186 (mín.) y 2.868 (máx.)

Contabilícense exemplares/km2. seis hábitats d’interés comunitariu prioritariu afeutaos ind./km2 (mínima) y 132 ind./km2 (máxima). En Xixón, estos valores asítiense en 2.186 y 2.868 ind./km2, siendo’l conceyu con mayor densidá de plumeru rexistrada.

El tipu d’usu de suelu más afeutáu tocantes a superficie correspuende con praos y camperes xunto coles fasteres urbanes ya industriales, con valores de 537 y 461 ha respectivamente (82% del total afeutáu), algamando’l 90% de la bayura total estimada p’Asturies. Contabilícense seis hábitats d’interés comunitariu prioritarios con presencia de plumeru (Códigos 1150, 4020, 4040, 6210, 91Y0 y 9340), anque la superficie afeutada total ye d’aproximadamente 37 ha, y en nengún casu supera’l 2% del total d’hábitat declaráu n’Asturies. A pesar de que cuasi’l 50% d’Asturies ta baxo dalgún tipu de figura de proteicción, estímase que la población total de plumeru n’espacios protexíos ta ente 58.093 y 135.671 individuos, y una superficie afeutada de 77,7 ha. La mayor incidencia dase na zona d’El Cabu Bustu-Lluanco (diba, zepa y lic). Al rodiu del 86% del total d’observaciones y más del 99% de

(2019) Ciencies 9

/25/

/Un vecín peligrosu pa desaniciar n’Asturies: el Plumeru o Yerba de La Pampa (Cortaderia selloana)

Presencia PERALTA: ente 1.000 y 10.000 individuos/Km2 que se traduz nun númberu d’individuos por conceyu que ta ente 100.000 y 1.000.000

l’abondancia estimada ta per debaxo de los 250 m d’altor, fechu qu’evidencia la querencia de la especie por terrenos antropizaos, sobre manera a lo llargo ‘¡autovíes, víes de tren y parceles industriales y urbanes en desusu, al igual que la so llendada capacidá d’espansión altitudinal (Fig. 8).

II.2. OXETIVOS Y PLANIFICACIÓN DE LES LLINIES D’ACTUACIÓN DEL PLAN D’AICIÓN CONTRA’L PLUMERU DE LA PAMPA N’ASTURIES Como s’indica nel Plan d’Aición (Díaz González, 2018), l’oxetivu principal quier o tiende al confinamientu de la especie a curtiu y mediu plazu ensin renunciar dafechu al so desaniciu futuru, teniendo en cuenta la situación güei de la planta n’Asturies. Pa llevar alantre esti confinamientu va ser necesario’l desaniciu, pasu ente pasu y constante, de bona parte de los exemplares aisllaos y dispersos col envís de controlar y contener la población invasor dientro d’unes llendes

/26/

Ciencies 9 (2019)

Presencia ALTA: ente 100 y 1.000 individuos/Km2 que se traduz nun númberu d’individuos por conceyu que ta ente 10.000 y 100.000 ARRIBA Figura 8. Distribución confirmada de Cortaderia selloana n’Asturies. (Fonte: Fernández Menéndez et al., 2017)

aceutables y asina evitar el so espardimientu nes fasteres entá non infestaes.

Pa la planificación de les llinies d’aición tuviéronse en cuenta les actuaciones tanto a nivel autonómicu o integral como a nivel municipal o llocal y siguiendo los criterios afitaos nel Real Decretu 630/2013, de 2 d’agostu, pel que se regula’l Catálogu español d’especies exótiques invasores”; col fin de confinar la planta Cortaderia selloana hasta unos niveles o ámbitos territoriales almitibles, y partiendo de les bases propuestes nos oxetivos del Plan d’aición, plantegáronse los tipos d’actuaciones que vienen darréu: a) Prevención. Aición que s’establez col envís de torgar la presencia de nuevos individuos o poblaciones que pudieren actuar como focos

Presencia BAXA: ente 10 y 100 individuos/Km2 que se traduz nun númberu d’individuos por conceyu que ta ente 1.000 y 10.000 Ensin presencia o PERBAXA: ente 0 y 10 individuos/Km2 que se traduz nun númberu d’individuos por conceyu inferior a 1.000 ARRIBA Figura 9. Presencia de Cortaderia selloana nos conceyos asturianos en función de la densidá máxima estimada por conceyu (individuos/Km2) y nel númberu d’individuos totales estimaos na fastera.

(Fonte: Fernández Menéndez et al., 2017)

de dispersión de la planta (aición preferente nes fasteres llibres d’exemplares invasores). b) Desaniciu. Aición qu’hai que facer pa desaniciar les poblaciones disperses y los exemplares aisllaos (preferentemente nes fasteres perifériques) y los de fasteres sensibles d’altu valor medioambiental como puen ser los espacios naturales protexíos, hábitats prioritarios pa les Direutives europees, zones con presencia d’especies amenazaes y/o protexíes, etc.

c) Control. Aición p’amenorgar el potencial colonizador de les poblaciones nes fasteres nucleares, procurando que los sos efeutivos tean en niveles mínimos determinaos con criterios científicos, llevando alantre tamién el desaniciu naquellos núcleos nos que se considere viable dicha posibilidá o naquelles situaciones nes que les necesidaes de caltenimientu pola esistencia d’espacios naturales protexíos (lic, Zones d’Especial Caltenimientu, Paisaxes Protexíos,

(2019) Ciencies 9

/27/

/Un vecín peligrosu pa desaniciar n’Asturies: el Plumeru o Yerba de La Pampa (Cortaderia selloana)

ARRIBA Figura 10. Prioridá d’actuación sobre Cortaderia selloana por conceyos

Reserves Integrales, Parques Naturales, etc.), fasteres d’interés (riberes, marismes, sistemes dunares, cantiles, etc.) hábitats prioritarios o fasteres con especies amenazaes y/o protexíes, asina lo precisen.

Pa ser pa definir y concretar el mou d’aición en cada zona oxetivu, esto ye, pa definir les midíes de control, prevención y posible desaniciu necesaries pa la llucha contra la Cortaderia selloana nun ámbitu dau, tuviéronse en cuenta tres aspeutos básicos: a) un análisis fondu y documentáu de la situación de partida, b) una definición clara del algame de l’actuación y c) una escoyeta afayadiza del métodu d’aición. Pa ello atendióse a los factores vinientes, como primer pasu pa escoyer les fasteres prioritaries d’actuación: 1. Presencia de potentes corredores de tresporte y víes de comunicación qu’actúen como vector de dispersión (autopistes, autovíes,

/28/

Ciencies 9 (2019)

carreteres nacionales, víes de ferrocarril, etc.).

Esto ye, analizóse’l Factor riesgu.

2. Determinación del algame de la invasión teniendo en cuenta les densidaes de les poblaciones y la superficie invadida. Ye decir, un análisis de la demanda de recursos necesarios pa l’aición correspondiente.

3. Valoración ambiental y carauterístiques bioxeográfiques, bioclimátiques, ecolóxiques y edáfiques de la fastera oxetu d’actuación. Esto ye, un análisis de la valoración de la fraxilidá ambiental del sistema na zona oxetu.

Estos análisis fixéronse pa caún de los conceyos que conformen el Principáu d’Asturies, primeramente per aciu d’estimaciones suxetives, teniendo en cuenta los tres apartaos anteriores. Como resume fíxose una tabla de valoración de presencies pa los conceyos del Principáu d’Asturies (Fig.9). Na Figura 9 ilústrase la

presencia de Cortaderia selloana nos distintos conceyos asturianos a partir de la estimación de la so presencia, que, al empar, afítase en función de la densidá máxima estimada por conceyu (individuos/Km2) y númberu d’individuos totales estimaos en cada zona, d’acordies colos datos de Fernández Menéndez et al. (2017).

Aquellos conceyos con menor densidá poblacional de plumeros y mayor fraxilidá ambiental allugaos nes fasteres perifériques constitúin la prioridá máxima d’actuación, teniendo en cuenta la presencia de les principales infraestructures de comunicación (autopistes, autovíes, carreteres nacionales, ferrocarriles, etc) qu’actúen como vectores de dispersión.

Nesti sen siguimos los principios del Métodu Bradley qu’enconta les llinies d’aición a estos niveles y qu’afita qu’han priorizase les actuaciones nes fasteres perifériques pa prosiguir darréu nes allegaes al nucleu actual d’invasión, que, nel nuesu casu, coincide colos conceyos de

la fastera centro-septentrional d’Asturies.

Teniendo en cuenta estes prioridaes d’actuación por conceyu, na Figura 10 establécense les prioridaes d’actuación (Prevención, Control o Desaniciu), acordies con cuatro categoríes (Peralta, Alta, Media y Baxa) de los 78 conceyos asturianos.

Dende los datos de partida establecíos procedióse a precisar l’algame de l’actuación pa poder establecer l’orde d’intervención, yá que non toles fasteres y conceyos presenten les mesmas carauterístiques ecolóxiques y necesidaes de conservación y, por disponibilidá de recursos, nun ye posible actuar en toles fasteres al empar.

N’aplicación del artículu 15.3 del Real Decretu 630/2013, de 2 d’agostu, procedióse a priorizar les actuaciones sobre les fasteres de mayor valir y con mayores posibilidaes de desaniciu. Un esquema orientativu pa la toma de determín nestes llinies d’aición integrada sedría’l de la Figura 11.

ARRIBA Figura 11. Distribución nucleada de Cortaderia selloana n’Asturies

(2019) Ciencies 9

/29/

/Un vecín peligrosu pa desaniciar n’Asturies: el Plumeru o Yerba de La Pampa (Cortaderia selloana)

Al igual qu’asocede n’otros territorios de Norte d’España (por exemplu en Cantabria acordies con Fernández Rojo et al., 2015) la distribución güei del plumeru n’Asturies, teniendo en cuenta la so capacidá de dispersión natural por grana y les sos mínimes restricciones ecolóxiques, pue definise como un tipu de distribución nucleada (Fig. 11). Na Figura 12 establécense les actuaciones qu’hai que facer en cada fastera y los conceyos implicaos nesta. Defínense darréu caúna de les tres actuaciones qu’hai qu’executar nel Plan d’Aición: II.2.1. Prevención Como señalen Wittenberg y Cock (2001) y Hoshovsky y Randall (2000), la prevención ha constituyir la primer llinia de defensa, darréu que ye’l sistema más deseable, amañosu y económicu na llucha contra las especies exótiques invasores.

Nel casu de la Cortaderia selloana, la prevención tien que s’empobinar a prevenir la dispersión natural de la planta, yá que por mor del so calter anemocóricu (dispersión de la grana y estructures acompañantes por efeutu del aire) y la so gran capacidá d’adautase a nuevos nichos ecolóxicos, pue perpasar les llendes bioclimátiques que la condicionen ya invadir otros conceyos güei ensin la so presencia. El mayor impautu del plumeru céntrase nes face llitorales y nel nucleu central d’Asturies, polo que, siguiendo’l protocolu d’actuación propuestu, l’oxetivu principal de la prevención ha centrase nes fasteres llibres d’individuos o con pocos exemplares y sobre manera naquelles fasteres nes qu’heba hábitats o especies d’altu valir ecolóxicu que puen vese afeutaes.

La principal midida preventiva ha centrase na creación d’una Rede d’Alerta Temprana, igual que la que se diseñó na comunidad autónoma

/30/

Ciencies 9 (2019)

FASTERES DE DISTRIBUCION NUCLEADA

ACTUACIONES

CONCEYOS

PREVENCIÓN

Allande, Ayer, Bimenes, Bual, Cabrales, Cabranes, Candamu, Cangues d’ Onís, Cangas del Narcea, Casu, Degaña, Grandas de Salime, Ibias, Eilao, Illas, Llaviana, L.lena, Miranda, Noreña, Onís, Peñamellera Alta, Peñamellera Baxa, Piloña, Ponga, Proaza, Les Regueres, Lariber, Riosa, Salas, Samartín d’Ozcos, Samartín del Rei Aurelio, Santiso d’Abres, Santalla d’Ozcos, Santu Adrianu, Sobrescobiu, Somiedu, Taramundi, Tinéu, A Veiga, Vilanova d’Ozcos, Villayón, Yermes y Tameza

DESANICIU

Castropol, Cuaña, Colunga, El Franco, Grau, Llangréu, Llanes, Mieres, Morcín, Nava, Parres, Quirós, Ribedeva, Sariegu, Tapia, Teberga

FASTERA PERINUCLEAR

DESANICIU o CONTROL

Caravia, Carreño, Castrillón, Corvera, Cuideiru, Gozón, Llanera, Navia, Pravia, Ribeseya, Siero, Uviéu, Valdés, Villaviciosa

NUCLEU

CONTROL (puntualmente DESANICIU)

Avilés, Xixón, Muros, Sotu’l Barcu.

FASTERA LLIBRE O CUASI D’INDIVIDUOS

FASTERA PERIFÉRICA

ARRIBA Figura 12. Actuaciones qu’hai que facer nos distintos conceyos de cada fastera de distribución nucleada d’Asturies

vecina de Cantabria (Fernández Rojo et al., 2015) qu’axunte una coordinación acionada ente les alministraciones competentes na materia y los estremaos elementos de la sociedá (ONG, Asociaciones de Vecinos, Grupos Naturalistes, etc.) al traviés de campañes de sensibilización de tolos sectores implicaos y a estremaos niveles.

Nun territoriu tan diversu como ye Asturies, onde conflúin numberoses alministraciones (Estatal, Autonómica, de Conceyu) y entes (Empreses privaes, ONG, Coleutivos de voluntarios, Asociaciones ciudadanes, Coleutivos ecoloxistes, Organismos d’investigación, etc)

ye necesario qu’heba un control minuciosu del territoriu y una coordinación afayadiza de les actuaciones qu’hai que facer, de mou que nun se monten esfuerzos o se fagan aiciones poco planificaes que normalmente tán destinaes al fracasu. Hai abondosos estudios sobre’l plumeru, tanto n’Asturies como en territorios vecinos, que xeneraron una gran cantida d’información al igual que diveres actuaciones de control, lo que demanda una coordinación qu’ufierte una marcación de referencia común qu’ameyore les actuaciones, optimice los resultaos y recompile amañosamente la información llograo. Ye por

eso polo qu’esta coordinación habrá facela un Grupu de Trabayu con calter permanente, encabezáu pola Conseyería que tenga atribuyíes les competencies en materia de xestión d’especies exótiques invasores y, cola esperiencia de los sos xestores, coordinar toes aquelles entidaes y organismos que tengan interés y dispongan de recursos pa la llucha y desaniciu dafechu de la Cortaderia selloana. Les funciones d’esti grupu de coordinación plantegaránse nel Informe Final del Proyeutu d’Aición y afitaránse d’igual mou les pautes pal establecimientu y desendolcu de les estremaes fases de la Rede d’Alerta Temprana.

II.2.2. Desaniciu Esti procedimientu consiste na eliminación de los individuos (inflorescencies, sistemes foliar y radicular) pa torgar el rebrote o espansión de la planta. Esta ye la opción más acionada pa la Fastera Periférica, mientres que na Fastera Perinuclear habrá valorase y analizar con procuru si esta ye la opcion más amañosa dende’l puntu de vista de disponibilidá de recursos pal desaniciu y siguimientu posterior de la eficacia. De nun aplicase esti procedimientu pasaríase al Control de la planta.

Los «exemplares aisllaos» o los «exemplares dispersos» tienen que se desaniciar darréu pa que’l procedimientu seya eficaz. Énte la entruga ¿aú actuar? La respuesta ye clara: nos conceyos de les fasteres perifériques y nucleares, el desaniciu habrá centrase nos espacios de mayor valir ecolóxicu (espacios naturales protexíos, hábitats d’interés, fasteres con presencia d’especies amenazaes y/o protexíes,

(2019) Ciencies 9

/31/

/Un vecín peligrosu pa desaniciar n’Asturies: el Plumeru o Yerba de La Pampa (Cortaderia selloana)

fasteres con vexetación autóctono d’altu valir medioambiental). Nesti casu, el mou d’obrar, sedrá el desaniciar les poblaciones de plumeros presentes tanto na fastera protexida como nes fasteres perifériques y facer una restauración del terrén col envís de llograr una cubrición vexetal afechisca (na qu’ha analizase la so estructura y tipoloxía en cada casu concretu) que torgue de nueves la colonización del plumeru o de cualquier otra planta exótica invasora.

Hai que tener en cuenta que si nun se dispón de los recursos económicos necesarios pa entamar la restauración y afitar un siguimientu del tratamientu, el procesu de desaniciu pue tar condenáu al fracasu dafechu y, por tanto, nun resultaría ser el métodu más afayadizu.

Nel restu de les fasteres non protexíes o d’escasu valor medioambiental (fasteres pre o postindustriales, árees viaries, zonas ruderales, etc.) primero de proceder al desaniciu del plumeru habrá facese una valoración, tanto dende’l puntu de vista estratéxicu como de consumu de recursos, col envís de valorar el métodu d’aición más apode qu’en dalgunos casos pasará pel control de la planta.

II.2.3. Control Les aiciones de control fadránse naquellos llugares con presencia continua de grandes poblaciones onde’l desaniciu nun ye factible a curtiu plazu (ye dicir nos conceyos definíos como pertenecientes al «Nucleu») yá seya pola non disponibilidá de recursos o poles carauterístiques propies del mediu o la invasión.

De mou esceicional habrán facese desanicios puntuales naquelles fasteres onde la densidá poblacional ye tan elevada (por exemplu los polígonos industriales de la zalia en Xixón o Bobes en Siero, ente otros) col envís d’amenorgar o in-

/32/

Ciencies 9 (2019)

Aquellos conceyos con menor densidá poblacional de plumeros y mayor fraxilidá ambiental allugaos nes fasteres perifériques constitúin la prioridá máxima d’actuación, teniendo en cuenta la presencia de les principales infraestructures de comunicación (autopistes, autovíes, carreteres nacionales, ferrocarriles, etc.) qu’actúen como vectores de dispersión. Pero amás, y con calter xeneral, nel casu de Cortaderia selloana sedría deseable y recomendable prohibir el so usu como planta ornamental

clusive cortar pela freba la cantidá descomanada de grana qu’ellí se produz y que lliberen al mediu pa, de dalguna miente, controlar o tornar la invasión esponencial que producen en fasteres cercanes.

Les actuaciones de Control tienen como finalidá nun dexar l’espardimientu de la planta a otres fasteres de mayor valor o con poblaciones menos asentaes, ello ye, pa caltener nos niveles actuales el tamañu del so nucleu de población.

Estes actuaciones puen incluyir dende la eliminación de les inflorescencies (per aciu de sistemes o mecanismos que torguen el desprendimientu de la grana al mediu) hasta’l siguimientu de les poblaciones a fin d’acotar la so dispersión.

Esto quier dicir que nun periodu más o menos llargu de tiempu, habremos convivir col plumeru nestes zones, daqué que nun ha asumise indefinidamente. Nuna fas posterior (que nun pue allargase muncho nel tiempu) si s’aprecia que la invasión aumenta o bien hai recursos económicos acionaos pal tratamientu, podrá ser factible’l so desaniciu.

II.2.4. Calendariu d’actuaciones Teniendo en cuenta los criterios espuestos n’apartaos anteriores, los principales factores que llenden la distribución del plumeru son, per un llau la termoclina, darréu que, pel momentu, esta planta exótica invasora namái espoxiga nos pisos bioclimáticos termotempláu (termocolinu) y mesotempláu (colinu), teniendo la llende altitudinal, de media, nos 600 m.s.n.m. aproximadamente. Per otru llau, la composición anemométrica predominante tamién inflúi decisivamente nel so patrón d’espansión. Por ello utilizaremos estos dos condicionantes como instrumentos básicos pa la llucha y control de la especie invasora.

Las principales llinies d’aición siguiránse según un calendariu que tien como oxetivu acotar y reducir al máximo la posible ocupación de la planta n’Asturies, acordies con un patrón xeneral d’actuación qu’entame la llucha contra’l plumeru dende los conceyos con menor incidencia poblacional, allugaos nes ales occidental y oriental d’Asturies, asina como nos territorios meridionales, hasta los que presenten mayores tases d’invasión, allugaos na fastera centro-septentrional d’Asturies.

Les llinies básiques d’aición plantéguense teniendo como oxetivos prioritarios los aspeutos que vienen darréu: 1. Prevención d’invasión sobre fasteres llibres de plumeros y desaniciu d’exemplares en fasteres d’altu valor medioambiental (espacios naturales protexíos, riberes, sistemes dunares, marismes, cantiles, etc.).

2. Desaniciu d’exemplares pioneros que dean en focos d’invasión.

3. Actuación sobre les poblaciones de plumeros presentes na fastera periférica de distribución, contemplando’l desaniciu siempre que seya posible previu análisis de la so situación.

4. Actuación sobre les grandes mases continues de plumeros asitiaos na fastera perinuclear o na nuclear, al traviés de procesos de desaniciu o control, axustando les actuaciones a la disponibilidá de recursos.

Toles actuaciones que tengan como oxetivu’l desaniciu d’exemplares o poblaciones habrán siguir dafechu un procedimientu qu’analice y cumpla coles llinies vinientes: Una xestión amañosa de los restos xeneraos nel desaniciu del plumeru.

La correspondiente restauración de la cubierta vexetal, teniendo en cuenta, si ye posible, la serie o series de vexetación de la fastera, pa que

(2019) Ciencies 9

/33/

/Un vecín peligrosu pa desaniciar n’Asturies: el Plumeru o Yerba de La Pampa (Cortaderia selloana)

les comunidaes vexetales restauraes s’inxerten de mou afayadizu nel biotopu alteriáu.

Siguimientu y vixilancia posterior de toles aiciones feches.

Ye evidente que si nun se contemplen dalgún de los procedimientos indicaos, l’aición que se faiga tendría como fin el control y la contención de la población tratao, pero non el so desaniciu, darréu que la posibilidá de recolonización o rebrote del plumeru pue estimase como elevada.

Pal desendolcu amañosu (ye decir, eficaz y coordináu) d’estes llinies básiques, plantegóse un calendariu d’actuaciones coherente col

periodu de revisión, acordies con cuatro Fases o metes que comprienden delles temporaes d’actuación, como s’esquematiza na Figura 13.

En función de los recursos disponibles, les Fases Primera y Segunda puen facese al empar, colo que podría menguar la duración de cuatro a tres años, aproximadamente.

Esquematícense darréu cada fas del Plan d’Aición teniendo en cuenta los oxetivos xenerales y particulares, asina como les fasteres d’actuación (incluyendo los conceyos implicaos) y delles observaciones sobre’l desendolcu de les fases.

AICIÓN 1er TEMPORADA FAS PRIMERA (2 años) AICIÓN 2ª TEMPORADA

Revisión y Caltenimientu Temporada 1ª

AICIÓN 3er TEMPORADA

Revisión y Caltenimientu Temporada 1ª y 2ª

FAS PRIMERA Duración: 2 años Oxetivos xenerales • Prevención sobre aquellos espacios llibres de plantes invasores.

• Desaniciu de tolos exemplares y poblaciones trupes nel ámbitu de los espacios naturales d’Asturies, existentes na zona definida (Occidente d’Asturies).

• Desaniciu puntual de les poblaciones con alta densidá de plumeros nes fasteres definíes con PRESENCIA PERALTA o ALTA (por exemplu L a Z alia en Xixón o Bobes en Siero, ente otres) o con graves problemes medioambientales en fasteres protexíes como la Reserva Natural Parcial de La Ría de Villaviciosa.

Oxetivos particulares • Afitamientu de les fasteres llibres o cuasi llibres de plumeros nos conceyos d’Allande, Bual, Candamu, Cangas del Narcea, Degaña, Eilao, Grandas de Salime, Ibias, L.lena, Miranda, Pezós, Proaza, Les Regueres, La Ribera, Riosa, Salas, Samartín d’Ozcos, Santalla d’Ozcos, Santiso d’Abres, Santu Adrianu, Somiedu, Taramundi, Tinéu, A Veiga, Vilanova d’Ozcos, Villayón y Yernes y Tameza.

• Desaniciu de les poblaciones o individuos de plumeros de los conceyos con Presencia Baxa: Castropol, Cuaña, El Franco, Grau, Morcín, Quirós, Tapia, Tapia y Teberga.

• Desaniciu o control de les poblaciones de plumeros de los conceyos con Presencia Alta: Cuideiru, Navia y Pravia.

• Desaniciu puntual de les poblaciones con alta densidá de plumeros nes fasteres definíes con Presencia Peralta o Alta (por exemplu L a Z alia en Xixón o Bobes en Siero, ente otros) o con graves problemes medioambientales en fasteres protexíes como La Ría de Villaviciosa.

• Establecimientu de la Rede d’Alerta Temprana pal desaniciu de los individuos pioneros qu’afeuten a nueves fasteres na parte occidental d’Asturies.

Fasteres d’actuación

FAS SEGUNDA (2 años) AICIÓN 4ª TEMPORADA

Revisión y Caltenimientu Temporada 2ª y 3ª

Revisión y Caltenimientu Temporada 3ª y 4ª AICIÓN 5ª TEMPORADA FAS TERCERA (3 años)

Revisión y Caltenimientu Temporada 4ª y 5ª

AICIÓN 6ª TEMPORADA

Revisión y Caltenimientu Temporada 5ª y 6ª

AICIÓN 7ª TEMPORADA

Revisión y Caltenimientu Temporada 6ª y 7ª

ARRIBA Figura 13. Fases y Aiciones por temporada, Revisión y Caltenimentu d’estes

/34/

Ciencies 9 (2019)

Observaciones. En función de los recursos disponibles, la Fas Primera pue facese al empar que la Fas Segunda y el tiempu total podría reducise de cuatro a tres años.

(2019) Ciencies 9

/35/

/Un vecín peligrosu pa desaniciar n’Asturies: el Plumeru o Yerba de La Pampa (Cortaderia selloana)

FAS SEGUNDA

FAS TERCERA

Duración: 2 años

Duración: 3 años

Oxetivos xenerales

Oxetivos xenerales

• Prevención sobre aquellos espacios llibres de plantes invasores.

• Desaniciu de tolos exemplares y poblaciones trupes nel ámbitu de los espacios naturales d’Asturies existentes na fastera definida (Oriente d’Asturies).

• Desaniciu puntual de les poblaciones con alta densidá de plumeros nes fasteres definíes con PRESENCIA PERALTA o ALTA (por exemplu L a Z alia en Xixón o’l Polígonu de Bobes en Siero, ente otros) o con graves problemes medioambientales en fasteres protexíes como La Ría de Villaviciosa.

Oxetivos particulares • Afitamientu de les fasteres llibres o cuasi llibres de plumeros nos conceyos d’Ayer, Amieva, Bimenes, Cabrales, Cabranes, Cangues d’Onís, Casu, Llaviana, Onís, Peñamellera Alta, Peñamellera Baxa, Piloña, Ponga, Samartín del Rei Aurelio y Sobrescobiu.

• Desaniciu de les poblaciones o individuos de plumeros de los conceyos con Presencia Baxa: Colunga, Llangréu, Llanes, Mieres, Nava, Parres, Ribedeva y Sariegu.

• Desaniciu o control de les poblaciones de plumeros de los conceyos con Presencia Alta: Caravia, Ribeseya y Villaviciosa.

• Desaniciu puntual de les poblaciones con alta densidá de plumeros nes fasteres definíes con Presencia Peralta o Alta (por exemplu La Zalia en Xixón o Bobes en Siero, ente otros) o con graves problemes medioambientales en fasteres protexíes como La Ría de Villaviciosa.

• Establecimientu de la Rede d’Alerta Temprana pal desaniciu de los individuos pioneros qu’afeuten a nueves árees na zona oriental d’Asturies.

• Vixilancia y siguimientu de les actuaciones entamaes na Primer Fas, n’especial sobre les poblaciones con alta densidá de plumeros nes fasteres definíes con Presencia PERALTA o ALTA (por exemplu L a Z alia en Xixón o’l Polígonu de Bobes en Siero, ente otros), o con graves problemes medioambientales en fasteres protexíes como La Ría de Villaviciosa, asina como les actuaciones acabaes nesta, acordies colo afitao na Tabla correspondiente.

• Prevención sobre aquellos espacios llibres de plantes invasores.

• Desaniciu de tolos exemplares y poblaciones trupes nel ámbitu de los espacios naturales d’Asturies existentes na fastera determinada (centro-norte d’Asturies).

• Desaniciu puntual de les poblaciones con alta densidá de plumeros nes fasteres definíes con Presencia peralta o alta (por exemplu L a Z alia en Xixón o Bobes en Siero, ente otros), o con graves problemes medioambientales en fasteres protexíes como La Ría de Villaviciosa, en casu de que nun se desaniciaren dafechu na 1er y 2ª Fas. • Vixilancia y siguimientu de les actuaciones previstes nes Fases 1ª y 2ª, asina como les feches na 7ª Temporada d’esta 3er Fas, acordies colo afitao na Tabla correspondiente.

Oxetivos particulares • Afitamientu de les fasteres libres o cuasi libres de plumeros nos conceyos d’Illas y Noreña.

• Desaniciu o control de les poblaciones de plumeros de los conceyos con Presencia Alta: Carreño, Castrillón, Corvera, Gozón, Llanera, Siero y Uviéu.

• Control y contención de les poblaciones carauterizaes como «grandes manches continues» col fin de mermar la densidá hasta categoríes de «presencia continua» o «elementos dispersos». En determinads casos y en función de la densidá de población procederáse al so desaniciu nos conceyos vinientes: Avilés, Muros, Sotu’l Barcu y Xixón.

• Establecimientu de la Rede d’Alerta Temprana pal desaniciu de los individuos pioneros qu’afeuten a nueves fasteres na zona centro-norte d’Asturies.

Fasteres d’actuación

Fasteres d’actuación

Observaciones. En función de los recursos disponibles, la Fas Tercera pue facese en menos tiempu (2 años).

Observaciones. En función de los recursos disponibles, la Fas Segunda pue facese al empar que la Fas Primera y el tiempu total podría reducise de cuatro a tres años.

/36/

Ciencies 9 (2019)

(2019) Ciencies 9

/37/

/Un vecín peligrosu pa desaniciar n’Asturies: el Plumeru o Yerba de La Pampa (Cortaderia selloana)

II.3. ACTUACIONES CONTRA’L PLUMERU DE LA PAMPA A NIVEL LLOCAL Por mor de lo complexo del llabor qu’hai qu’entamar, les actuaciones a nivel llocal que se propongan han tar coordinaes pa xenerar les sinerxes afayadices na llucha integrada contra la yerba de La Pampa. Nesti sen, espónense darréu un refileru d’encamientos y llinies básiques d’orientación pa que les alministraciones públiques y les entidaes privaes actúen de forma consensuada: 1. Facese con tola información disponible, tanto de les alministraciones públiques como de les entidaes privaes sobre les aiciones qu’hasta güei se fixeron pal control y desaniciu de Cortaderia selloana. Esto fadría posible la reorientación o replanteamientu de los proyeutos existentes, en función de los recursos, prioridaes establecíes y enfoque xeneral del plan.

2. L’enfoque xeneral a nivel llocal ha coincidir col plantegamientu global a nivel autonómicu, priorizando les actuaciones de control y desaniciu dende la periferia hasta’l nucleu sobre exemplares aisllaos y poblaciones continues en fasteres de valor paisaxísticu, ecolóxicu, natural o recreativu, como fasteres de moente, sistemes dunares, riberes de corrientes d’agua, marismes, güelgues, fasteres d’espardimientu y ociu, territorios que llenden con espacios naturales protexíos, etc.

3. Les actuaciones d’eliminación d’exemplares o poblaciones de la yerba de le pampes tienen de llevar implícitos llabores de restauración de la cubierta vexetal col fin d’incrementar la eficacia de les xeres de desaniciu y mermar los riesgos de nueves colonizaciones o reinvasiones. Tien que se facer un siguimientu de les aiciones pelo menos dos años dempués de l’actuación. Los llabores preventivos y de desaniciu de la planta invasora han ser contundentes y áxiles p’amenorgar los riesgos d’invasión en fasteres non indemnes.

/38/

Ciencies 9 (2019)

4. Los proyeutos y obres tienen de llevar arreyaos llabores de restauración de la cubierta vexetal col fin de nun dexar que la yerba de La Pampa tenga nuevos espacios onde seya un nichu preferente de colonización y esto ye necesariamente aplicable a les obres d’urbanización, remoción de tierres y cualquier xera qu’implique la eliminación de la cubierta vexetal primitiva de calter autóctonu.

5. Por mor de la magnitú qu’algama la invasión de la Cortaderia selloana n’Asturies, ye preciso afacer ya implementar los cambeos normativos necesarios nes respeutives ordenances de los conceyos, col fin d’asegurar el cumplimientu del ornatu nes parceles urbanes y periurbanes ocupaes por exemplares o poblaciones de la planta invasora, sobre manera aquelles que comprometan los oxetivos d’actuación a nivel de conceyos, incluyendo les aiciones subsidiaries afayadices per parte de l’alministración llocal.

6. Pa una aición amañosa de control y desaniciu de la yerba de La Pampa, ye necesario impulsar ente la población llocal aiciones de divulgación y conocencia de la problemática social, medioambiental, económica y sanitaria venceyada a esta planta, col envís de concienciar sobre los recursos que demanda la llucha contra esta especie invasora. Por ello ye mui importante que s’ufierte a los medios de comunicación, de forma reiterada y continua, la información necesario sobre les xeres que vienen faciéndose pal control y desaniciu de la Cortaderia selloana, col envís de qu’esto llegue al mayor númberu de persones y se sientan corresponsables d’eses xeres. Tamién ye mui deseable y eficaz la convocatoria, de forma periódica, d’alderiques, conferencies, meses redondes, talleres informativos y llabores de campu pal desaniciu de la planta pa implicar a la sociedá nestes cuestiones.

III. MÉTODOS DE XESTIÓN PAl DESANICIU, CONTROL Y EL SO AFITAMIENTU Los métodos de xestión pal afitamientu, desaniciu y control del plumeru afitaos nel Plan d’Aición (Díaz González, 2018) estableciéronse en función d’una xerarquización de les funciones pa lo que determinaron tres periodos estremaos: Prevenir la entrada de nuevos individuos yá que ye la función más económicamente rentable y medioambientalmente compatible.

Detectar rápidamente nueves fasteres tomaes pol plumeru y desaniciales darréu llueu de la so observación ya identificación.

Minimizar y contener los sos posibles impautos al traviés d’actuaciones de control y contención, si se detectaren fracasos nel so desaniciu.

Teniendo en cuenta esta socesión xerárquica, diseñáronse un refileru de midíes d’actuación con diversos fines, y con unes interacciones sque s’esquematicen na Figura 14, siguiendo los criterios espuestos nel Plan d’Aición contra’l Plumeru en Cantabria (Fernández Rojo et al., 2015).

ARRIBA Figura 14. Métodos de Xestión previstos nel Plan d’Aición contra Cordaderia selloana n’Asturies

(2019) Ciencies 9

/39/

/Un vecín peligrosu pa desaniciar n’Asturies: el Plumeru o Yerba de La Pampa (Cortaderia selloana)

En llinies xenerales les Midíes preventives inclúin les aiciones empobinaes a torgar la colonización de nuevos territorios. Pela so parte, les Midíes d’aición son actuaciones que s’empobinen, al traviés de métodos direutos, a desaniciar o controlar la invasión en consumándose. Les Midíes d’afitamientu empobínense a afitar por métodos indireutos lo fecho na fas o fases anteriores, que fundamentalmente son el desaniciu de los restos xeneraos y la restauración ambiental (básicamente revexetación afayadiza al mediu) de la zona onde se fixo l’actuación. Les Midíes de siguimientu tán orientaes a la vixilancia y siguimientu de les actuaciones feches pa torgar que la planta vuelva a recolonizar la fastera. Les Midíes de comunicación y espardimientu busquen la recopmilación y acondicionamientu de los datos y resultaos algamaos nes actuaciones feches y l’establecimientu d’una coordinación pa les futures. Les Midíes de sensibilización y participación pública quieren buscar la máxima implicación de la sociedá na defensa del mediu ambiente y na problemática de los efeutos negativos de les plantes exótiques invasores y, nesti casu concretu, el papel que xuega Cortaderia selloana.

III.1. MIDÍES PREVENTIVES Cómo yá se dixo nun apartáu d’enantes, tolos científicos y xestores del mediu natural tán d’acuerdu en que la prevención ye la estratexa más económica, deseable y eficaz na llucha contra les plantes invasores (Wittenberg & Cock, 2001; Hoshovsky & Randall, 2000). Los documentos que traten con fondura’l tema de les especies exótiques invasores enfaticen que la prevención tien que ser siempre la primer llinia de defensa y por ello los esfuerzos na prevención tienen que s’empobinar a regular les

/40/

Ciencies 9 (2019)

introducciones intencionaes, minimizar el riesgu de les non intencionaes y prevenir la dispersión natural de les especies exótiques yá que, magar l’impautu d’eses especies seya xeneralmente llocal, puen fácilmente superar les llendes y afeutar a otres rexones y países.

Les midíes llegales, tanto a nivel estatal como a nivel autonómicu, son per agora claramente insuficientes polo que sedría necesario establecer, a partir del catálogu de plantes invasores reales y potenciales de la comunidá autónoma, unes llendes llegales de los sos usos dependiendo del grau d’amenaza de la planta en cuestión y, por exemplu, nel casu de Cortaderia selloana sedría deseable y recomendable prohibir el so usu como planta ornamental.

Amás de les midíes llegales, otru preséu fundamental nel tema de la prevención ye la educación ambiental. La concienciación y el sofitu de la población polo xeneral puen contribuyir descomanadamente al ésitu de la llucha contra les plantes invasores. “Los cambeos nes midíes y nes lleis tienen llugar cuando una masa crítico de persones determina qu’un problema o un dañu esiste y pide soluciones” (Reichard, 2001).

Les aiciones relatives a les midíes preventives comprienden dos fases bien estremaes: Na primer fase los ecosistemes llibres de la Cortaderia selloana y que potencialmente puen vese afeutaos, han afacese, tanto nel so caltenimientu como nel so estáu de conservación, p’amenorgar cualquier perturbación que favoreza la colonización de la planta invasora. Un estáu ecolóxicu afayadizu de les comunidaes vexetales autóctones ye’l meyor mecanismu pa torgar la colonización de la yerba de La Pampa.

La segunda fase céntrase na deteición temprana y una rápida y eficaz respuesta

énte l’apaición de nuevos exemplares, que normalmente van surdir en fasteres alteriaes primeramente. Nesti sen la Rede d’Alerta Temprana prevista nel artículu 14 del Real Decretu 630/2013 de 2 d’agostu pel que se regula’l Catálogu d’Especies Exótiques Invasores y nel Testu Consolidáu del so últimu cambéu (de 17 de xunu de 2016), tien un importante papel a la hora d’identificar nuevos focos d’invasión antes del so afitamientu o conversión escontra poblaciones de mayor entidá, moderando d’esta manera los posibles recursos necesarios pal so desaniciu.

Pa establecer esta Rede d’Alerta ye necesario: 1) Disponer d’una capacidá básica de diagnósticu afayadiza, 2) Disponer de conocencies taxonómiques y ecolóxiques de la yerba de La Pampa afayadices, 3) Que s’impliquen toes y caúna de les alministraciones afectaes y con competencia nel territoriu, 4) Establecer y definir los ámbitos d’actuación por capacidá competencial de les alministraciones y actores intervinientes na llucha contra la Cortaderia selloana, 5) Tienen d’esistir unos elevaos niveles de coordinación y de comunicación ente les distintes alministraciones, 6) Tienen que s’optimizar los recursos que dimensionen les necesidaes particulares, y 7) La implantación de la Rede d’Alerta tien que se siguir nel tiempu.

III.2. MIDÍES D’AICIÓN SOBRE LA PLANTA Una deteición aína y una aición inmediata de desaniciu son factores clave a la hora de torgar l’afitamientu y propagación de la planta invasora que yá s’estableció. Si fracasa’l desaniciu habrán executase midíes de control y/o contención a llargu plazu, magar qu’esta opción ye la menos deseable yá qu’a la llarga resulta ser la más costosa.

(2019) Ciencies 9

/41/

/Un vecín peligrosu pa desaniciar n’Asturies: el Plumeru o Yerba de La Pampa (Cortaderia selloana)

Nes Midíes d’aición hai qu’estremar ente los oxetivos plantegaos (control o desaniciu) y los métodos d’aición usaos pa llograr esto.

ta. meyorando la estética del entornu, si bien la efeutividá ye temporal y mui llendada yá que les raíces permanecen actives.

III.2.1. Oxetivu de desaniciu El desaniciu consiste na eliminación dafechu de la planta, tanto de les partes aérees (masa foliar ya inflorescencies o plumeros) como de les soterráñes (raigañu y parte inferior del tallu) hasta llegar a una fondura abondo p’asegurar la eliminación del sistema radicular, faciendo un tratamiento amañosu de los restos xeneraos y una restauración afayadiza de la fastera oxetu de tratamientu.

III.2.3. Métodos de les Midíes d’Aición Los métodos de desaniciu y control (aición direuta) sobre la planta invasora pueden estremase nos tipos vinientes: Métodos físicos, químicos y mestos:

III.2.2. Oxetivu de control y contención Toes aquelles actuaciones que nun contemplen el desaniciu dafechu han considerase de control y contención, yá que la planta pue volver a rebrotar. Cuando’l desaniciu dafechu nun ye posible nun momento determináu, hai que recurrir al control y contención pa torgar la propagación de la planta. Asina, puen plantegase dos menes d’aiciones: a) Desaniciu de les inflorescencies (plumeros), pa torgar la reproducción sexual y, por tanto, la formación y espardimientu de la grana, favoreciendo la mengua del polen que puen causar problemes alérxicos a determinaos grupos de poblaciones humanes. Tien que s’aplicar cuando la urxencia de les actuaciones asina lo esixa y la disponibilidá de recursos seya escasa. El so mayor inconveniente ta nel periodu temporal d’aplicación yá que tien que se facer primero de setiembre, mes nel que se produz la diseminación de la grana. b) Desaniciu de la parte aérea. Esta aición restrinxe la reproducción y espardimientu de la grana y propágulos vexetales (fragmentos de caules y fueyes) eliminando los impautos visuales que produz la plan-

/42/

Ciencies 9 (2019)

Métodos físicos Nesti grupu inxérense toes aquelles téuniques que nun contemplen l’aplicación d’herbicíes o cualquier clas de productu químicu sobre les plantes. Estrémense, al empar, nos subtipos vinientes: a) Métodos manuales. Aquellos que-y manden a ferramientes d’usu individual pa les operaciones, yá seyan mecánicos (esbrozadores) o manuales (podadores, gadañes, rozones, fesories, picos, pales, etc.). La eliminación manual encamiéntase cuando’l númberu d’exemplares qu’hai qu’eliminar seya pequeñu, de curtia edá y n’ambientes mui sensibles. Cuando se quiera sacar el sistema radicular habrá tenese en cuenta’l volume y capacidá de rebrote. Si nun se desanicia dafechu la planta, hai que decatase qu’esta ye pa rebrotar y, si se dexen partes de la planta sobre’l suelu, pue enraizar, sobre too si esos suelos son húmedos (Harradine, 1991). Tamién ha tenese en cuenta’l procesu de la eliminación de les inflorescencies (plumeros): ye una opción fácil pero rique vixilancia continua porque resulta vital que les inflorescencies se corten primero de que’l polen s’esparda y madureza la grana (esto asocede xeneralmente a partir de setiembre). Pa evitar la posibilidá d’espardimientu de daqué grana viable ye preciso meter les inflorescencies nuna bolsa grande bien zarrada y dexar

La eliminación mecánica de la parte soterraña de la planta ye daqué más costosa y pue ser imprauticable en munches zones por mor de les condiciones orográfiques nes que xorrecen dalgunes poblaciones de plumeros. La saca de les raíces, en función del mediu nel que se faiga, pue provocar un aumento del riesgu d’erosión y perturbación del suelu, y ha facese con munchu procuru pa nun dispersar accidentalmente propágulos y grana a otres partes llibres d’invasión, teniendo especial procuru tamién cola maquinaria, les ferramientes y la ropa y calzáu que s’use. L’usu de maquinaria pesao, nesta y notres plantes invasores, nun ye mui recomendable, yá que ye un métodu poco selectivu, que desanicia tamién a les plantes autóctones qu’apodreza enantes de tirales al vertidoriu. En cualquier casu, el personal que faga estos llabores manuales tien que se protexer con ropa especial y guantes. b) Métodos mecánicos. Compriende aquellos qu’utilicen maquinaria pesao pa la retirada y eliminación de les poblaciones o exemplares de la yerba de La Pampa, como les esbrozadores de cadenes o les retroescavadores empobinaes al arrinque y estraición de macolles (ello ye, el conxuntu de retueyos, espigues y fueyes de la planta). El corte mecánicu de la parte aérea namái ye recomendable en fasteres nes que l’aplicación d’un herbicida seya altamente perxudicial pal medioambiente o la salú de la población humano.

Tien la ventaya de poder facese la mayor parte del añu, el costu ye ciertamente eleváu y la so eficacia pue ser escasa por cuenta de los posibles nuevos rebrotes. La eliminación mecánica de la parte soterraña ye daqué más costosa y pue ser imprauticable en munches zones por mor de les condiciones orográfiques nes que xorrecen dalgunes poblaciones de plumeros. La saca de les raíces del suelu, en función del mediu nel que se faga, pue provocar un aumento

del riesgu d’erosión y perturbación del suelu polo qu’ha facese con munchu procuru pa nun dispersar accidentalmente propágulos y grana a otres partes llibres d’invasión, teniendo especial procuru cola maquinaria, les ferramientes y la ropa y el calzáu que s’use. Munches vegaes l’aplicación de maquinaria pesao, tanto nel casu de Cortaderia selloana como nel d’otres plantes invasores, nun ye mui recomendable, yá que ye un métodu poco selectivu, que desanicia tamién a les plantes autóctones (Gosling et al., 2000) y amás xenera suelos desnudos que se convierten en nuevos nichos pa la entrada de plantes invasores. L’indurot esperimentó con daqué éxitu’l tratamientu mecánicu y posterior voltéu de les plantes, xunto con otros mecanismos como l’usu de plásticos negros pa torgar la fotosíntesis, etc. (Valderrabano y Álvarez, 2017). Podría ser recomendable l’emplegu de teles negres biodegradables pal desaniciu de la Cortaderia selloana n’hábitats mui sensibles como puen ser les marismes y los sistemas dunares, onde l’emplegu de cualquier triba de maquinaria podría afeutar gravemente a estos ecosistemes tan sensibles. El tratamientu d’ocultación

(2019) Ciencies 9

/43/

/Un vecín peligrosu pa desaniciar n’Asturies: el Plumeru o Yerba de La Pampa (Cortaderia selloana)

emplegáu por Valderrabano y Álvarez (2017) consistió na utilización de maya antiyerbes (gramaxe 140 g/m2) tipu Horsol 140 de color negro texío en trenza plana de polipropilenu, con alta resistencia al resgatu y al punzonamientu, permeable al agua y con tratamientu uv. Si bien esti método aplicóse esclusivamente a parceles esbrozaes, sería posible’l so emplegu pa estayes d’escases dimensiones ocupaes por ún o pocos exemplares de la yerba de La Pampa.

Métodos químicos El control químicu supón l’aplicación d’herbicides que maten o dañen les plantes. Hai munches clases d’herbicíes, dellos d’orixe vexetal y otros sintéticos. En xeneral, los herbicíes clasifíquense acordies al mou d’aición ya interfieren de maneres estremaes nel metabolismu de les plantes. La escoyeta del herbicida más amañosu en cada casu depende de la planta qu’heba tratase, de la testura del suelu, de la presencia o non d’especies natives d’interés pa la conservación, de la distancia al agua y de les condiciones ambientales (Bussan y Dyer, 1999). Ún de los más usaos y encamentaos na llucha contra Cortaderia selloana ye’l GLIFOSATU. Ye un herbicida de tresllocación, lo que supón que la salvia tresporta la sustancia activo hasta zones inaccesibles de la planta. Esti herbicida nun ye residual y actúa inhibiendo la síntesis d’aminoácidos aromáticos necesarios pa la formación de proteínes. Ye fuertemente absorbío poles partícules del suelu, polo qu’ha prevese l’escesu de lixiviación asina como la toma d’esto dende’l suelu por otres plantes que nun son l’oxetivu. La fórmula química del Glisofatu ye N-(fosfonometil) glicina (C3H8NO5P, CAS 1071-83-6), y comercialízase baxo distintos nomes: RoundUp®, RoundUpPro®, Rodeo®, GlyPro®, Accord®, Glypho-

/44/

Ciencies 9 (2019)

max®, Touchdown®. La solubilidá n’agua ye de 900.000 ppm, y la so vida media nel suelu ye de 47 díes. El so usu en fasteres protexíes o d’altu valor ecolóxicu nun ye aceptable yá que pue desaniciar especies natives. N’ecosistemes terrestres pue aplicase en plantes herbales y maderices (tallos nuevos verdes o maderizos cortaos; nun pue caltriar en corteyes maderices).

Namái ciertes fórmules de glifosatu (ex. Rodeo®) tán rexistraes pa usu acuáticu. El glifosatu por sí solu ye esencialmente non tóxicu pa les plantes somorguiaes pero los compuestos surfactantes o otros ingredientes que s’amiesten en delles formulaciones puen ser tóxicos p’animales y plantes (Tu et al., 2001). Por casu demostróse que l’herbicida non selectivu Roundup, a base de glifosatu y llargamente usáu en tol mundu, ye bien tóxico pa los anfibios (Relyea, 2004).

Nes investigaciones que fixo l’indurot (Valderrabano y Álvarez, 2017) usando como herbicida de base’l Glifosatu con soluciones ente’l 2% y el 4%, el porcentaxe reparáu de plantes de Cortaderia selloana con síntomes de marchitez algamó’l 98%.

Magar el Real Decretu 3.349/1983 establez que’l Glifosatu tien los niveles de toxicidá más baxos llegalmente establecíos en función de la clasificación toxicolóxica d’esta normativa, como yá comentemos, el so usu xeneralizáu pue resultar peligrosu, y asina nel 2015 la Organización Mundial de la Salú (oMs) declaró’l glifosatu como «un probable carcinóxenu pa los seres humanos», incluyéndolo nel Grupu 2º de la clasificación de l’Axencia Internacional pa la Investigación sobre’l Cáncer (arc). Pela so parte, la Xunión Europea, el 28 de payares de 2017, anovó la llicencia del polémicu herbicida otros cinco años (hasta’l 28 de payares de 2022). Por too ello, la principal llimitación ambiental nel

usu d’herbicíes sistémicos (como’l glifosatu) ye’l so usu en fasteres d’altu valor ecolóxicu y próximes a sistemes acuáticos (regueros, ríos, llamargues, güelgues, marismes, etc) o bien qu’heba un nivel freáticu a escasa fondura, lo que s’ha de tener en cuenta a la hora d’establecer el «Protocolu de xestión del plumeru n’Asturies».

Valderrabano y Álvarez (2017) tamién esperimentaron con un herbicida selectivu pa monocotiledónees y de baxa ecotoxicoloxía como’l Quizalofop. Nesti casu’l porcentaxe de plantes de la yerba de La Pampa con síntomes de marchitez o muertes pa les estayes rozaes llegó al 90%.

De mano hai que tener en cuenta un refileru d’encamientos pa una aplicación eficiente de l’herbicida, seya’l que seya’l so principiu activu.

Asina han considerase una serie de condicionantes como los factores ambientales, tales como la temperatura (dalgunos herbicíes riquen d’una temperatura mínimo pa l’aición), la humedá relativo del aire (polo xeneral tien de ser superior

al 60% col envís d’evitar l’ensugáu del productu pulverizao que torgue la so introducción nos conductos vexetales), la velocidá del vientu (nun tien de ser superior a los 10 hm/hora, col fin d’asegurar que’l productu algame l’oxetivu y evitar el perxuiciu n’otres plantes), y la posibilidá d’agua, darréu que nun ye recomendable aplicar l’herbicida cuando heba riesgu inminente de lloviu, dada la posibilidá de llavadura y consiguiente infiltración nel subsuelu.

El segundu tipu de factores condicionantes son los fenolóxicos que dependen de la propia bioloxía de la planta. Asina la época del añu ye decisiva, teniendo en cuenta que’l periodu amañosu va ser la fase de medría del plumeru (primavera-branu) pa que’l principiu activu del herbicida seya movilizáu rápido. Tamién tien la so importancia la hora del día, siendo recomendable la so aplicación nes primeres hores (hasta les 12 h) y les postreres de la tarde (a partir de les16 h pel branu) pa evitar los periodos de mayor soleyera de la planta yá que son los momentos en qu’esta asimila peor l’herbicida.

Métodos mestos Consisten na combinación de métodos físicos col usu d’herbicíes (químicos), siendo los más utilizaos güei pa desaniciar exemplares de grandes dimensiones o poblaciones esaxeradamente trupes, onde la eliminación manual de les macolles ye inviable.

Nel casu d’exemplares aisllaos o esvalixaos, siempre y cuando l’aplicación del herbicida nun suponga nengún riesgu d’afeición pa la vexetación circundante, esta pue facese ensin roza previa, lo qu’amenorga’l númberu de brotos qu’hai que desaniciar. Nel casu de que la población de

(2019) Ciencies 9

/45/

/Un vecín peligrosu pa desaniciar n’Asturies: el Plumeru o Yerba de La Pampa (Cortaderia selloana)

plumeros tenga dimensiones considerables, resulta más efeutivo realizar una roza mecánica, treslláu de los restos a un vertidoriu (o bien per aciu d’un tratamientu direutu sobre’l terrén pa tresformar los restos en material inerte) y aplicar finalmente l’herbicida sobre los restos que puedan quedar.

A lo último, nel casu de que’l periodu de maduración de la inflorescencia (plumeru) tea cerca de rematar, podría optase por una primer fase de «desaniciu de la inflorescencia», con una inversión de tiempu y recursos menor, pa darréu, nuna segunda fase, llevar alantre’ltratamientu químicu, lo que nun implica necesariamente una única temporada, pudiendo facese en dos: una primera pa la roza previa al floriamientu y una segunda pa l’aplicación del herbicida nos posibles rebrotes.

Nel Plan d’Aición (Díaz González, 2018) nun se contempla l’usu de Métodos térmicos que consisten en desaniciar les plantes con fueu. Ello ye por cuenta de delles causes. La primera ye que namái personal formáu afechiscamente y con abonda esperiencia tien de facer quemes controlaes o aplicar un lanzallames por cuenta de los munchos riesgos que trai. Amás, al igual que nel casu del control con maquinaria pesao, puen xenerase nichos aparentes pa l’apaición de nueves invasiones y por aición del fueu y les turbulencies aérees que xeneren, la grana pue ser tresportao a llargues distancies aumentando’l factor d’invasión. Nos Estaos Xuníos, la quema controlada usóse frecuentemente pa xestionar especies invasores en comunidaes d’especies que toleren el fueu o dependen d’él (Wittenberg y Cock 2001). Estos métodos puen ser amañosos pa desaniciar especies añales o perennes en fase de plántula, pero non p’aplicar a plantes perennes con rizomes o raigaños fondos. Nel

/46/

Ciencies 9 (2019)

casu de la yerba de La Pampa, la parte aérea desaníciase col fueu pero la planta nun muerre y pue biltar con fuerza tres la quema.

III.2.4. Protocolu de Desaniciu El Plan d’Aición contra’l plumeru de La Pampa (Díaz González, 2018) establez tres posibilidaes de desaniciu o control de la planta invasora y qu’impliquen la execución de tres métodos: a) Usu de Métodos Físicos naquelles fasteres dientro de los 5 m inmediatos a una llámina d’agua (nun se va llevar a cabu un tratamientu con herbicida cuando heba nes proximidaes un sistema acuáticu), en contornes d’altu valor ecolóxicu (Llugares d’Interés Comunitariu, Zones d’Especial Proteición, Paisaxes Protexíos, Monumentos Naturales, etc.) o cualquier otra zona siempre y cuando los exemplares que heba que desaniciar seyan de porte pequeñu, ye dicir que presenten un altor inferior a 1 m. b) Usu de Métodos Químicos naquelles fasteres asitiaes a una distancia supreior a 5 m dun sistema acuáticù y sobre exemplares asitiaos n’entornos onde nun seya posible l’aplicación de los métodos físicos pola orografía del terrén sobre los que s’asienten. Va tenese especial procuru en nun aplicar estos métodos cuando se tenga constancia de qu’esista una capa freática per debaxo del exemplar o la población de la yerba de la pampes. c) Usos de Métodos Mestos naquelles fasteres asitiaes a una distancia superior a los 5 m d’un sistema acuáticu, onde les condiciones del terrén dexen usar ferramientes (manuales o mecániques) pa la eliminación física de los exemplares.

Ha tenese en cuenta lo indicao nel puntu anterior sobre la presencia d’una capa freática baxo los individuos o poblaciones de la planta invasora.

III.3 MIDÍES D’AFITAMIENTU Como s’especifica nel Plan d’Aición (Díaz González, 2018), n’efectuándose les midíes d’aición direuta, tien que se facer una fas d’afitamientu de les actuaciones previamente realizaes, que se desendolquen básicamente con dos tipos d’aiciones: la xestión amañosa de los restos xeneraos y la restauración de la fastera afeutada.

Xestión de los restos xeneraos Los llabores d’eliminación d’inflorescencies y remanamientu de restos vexetales han faces con gran procuru a fin d’evitar la so dispersión tanto sexual como asexual o vexetativa non intencionada nel treslláu del material a les plantes de tratamientu. El tratamiento acionáu d’estos restos pue condicionar l’ésitu d’una actuación pol riesgu de recolonización de les fasteres interveníes. Por ello esti procesu tien el mesmo nivel d’importancia que los anteriores.

En función del métodu de control emplegáu, xeneraránse estremaos tipos de restos, unos con capacidá de xerminación vexetativa (fragmentos radiculares, macolles, plántules, etc.) otros con material contaminao por productos químicos o fragmentos capaces de revivir en pocu tiempu.

Como regla xeneral hai que treslladar tolos restos a vertidorios autorizaos en tresportes zarraos, con garantía dafechu que nel treslláu nun va producise perda involuntaria del material y descartando en tolos casos la so reutilización como base pa la xeneración de compost.

Otru métodu de xestión de los restos que pue faceae en condiciones bien determinaes, ye’l soterramientu de los restos únicamene vexetales na mesma fastera d’intervención, a una fondura abondo pa torgar el so rebrote y con una cobertoria edáfica natural ya inalterada d’un metru d’espesura, que favoreza la rexeneración natu-

Ta probándose agora mesmo una Carbonatación Hidrotermal nel Institutu Nacional del Carbón (incar)csic que llogra dexar inactiva la grana y amenorgar los restos del Plumeru in situ (con una planta hidrotermal móvil), nun procesu rápidu y que dexa trabayar en continuu, camudando los restos vexetales nun hidro-carbón non contaminante y susceptible de valorizase: ta estudiándose si los subproductos del procesu tienen valor pa enmiendes de suelu

ral de la vexetación primitiva. Sicasí esti métodu nun ye aplicable na mayoría de los casos por cuenta de les condiciones orográfiques de les fasteres invadíes pol plumeru.

La Carbonatación Hidrotermal ye un novedosu métodu aplicable a la Cortaderia selloana diseñáu por Centeno et al. (2017) nel Institutu Nacional del Carbón (incar)-csic. El procesu de «Carbonatación Hidrotermal» consiste nun métodu simple con baxa emisión de gases qu’utiliza la mesma humedá del plumeru, qu’actúa como reactivu, y nun precisa ensugáu previu. Con esti tratamientu la grana dexa de ser activa, hai un amenorgamientu de la humedá y del volume de restos y llógrase in situ (una y bones l’aparataxe ye móvil y treslládase a la zona d’eliminación evitando’l treslláu de los restos vexetales al vertidoriu) un material carbonáceo

(2019) Ciencies 9

/47/

/Un vecín peligrosu pa desaniciar n’Asturies: el Plumeru o Yerba de La Pampa (Cortaderia selloana)

ARRIBA Figura 15. Procesos d’hidrocarbón de Cortaderia selloana y el retu teunolóxicu que supón la creación d’una «planta hidrotermal móvil» (Fonte: Centeno et al., 2017)

estable, non contaminante, bono de manipoliar y susceptible de valorizase. Esto ye, llógrase un hidro-carbón del plumeru. Trátase d’un proyeutu pilotu que representa un gran retu teunolóxicu, esto ye, la inertización de los restos vexetales in situ. Ye un procesu rápidu y que dexa trabayar en continuu, magar hai qu’evaluar los costos del proyeutu y analizar si los subproductos llograos tienen valor pa enmiendes de suelu (Fig. 15).

III.4. MIDÍES DE SIGUIMIENTU Y VIXILANCIA Posiblemente una de les ferramientes de xestión más importantes ye’l «siguimientu y vixilancia», básica pa que, acompañada d’una respuesta rápida pueda llograr el desaniciu de nuevos focos d’invasión, siempre y cuando s’actúe antemanadamente a que la so estensión faiga inviable cualquier intentu d’eliminación. Pa ello ye ne-

/48/

Ciencies 9 (2019)

cesario desendolcar un sistema d’información que dexe a tolos actores intervinientes (alministraciones públiques a tolos niveles, estamentos d’investigación, universidaes, asociaciones conservacionistes, entidaes privaes con intereses na xestión d’especies, etc) la conocencia inmediata de la situación de la Cortaderia selloana en tol territoriu pa poder planiar correutamente tol conxuntu d’actuaciones que tienen de facese.

Como yá comentamos nun apartáu anterior, disponer de tola información posible sobre la yerba de La Pampa al traviés de plataformes dixitales y accesibles vía Internet pue a la deteición temprana, desaniciu y control de la planta invasora y, por tanto, facilitar la toma de determinos a nivel de polítiques públiques o iniciatives privaes empobinaes a iguar el problema.

L’asoleyamientu na rede pue xenerar consultes

más rápides, contribuyendo a entainar colos trámites burocráticos y favorecer l’intercambiu d’información ente los axentes implicaos ya inclusive ente comunidaes autónomes vecines, faciendo posible llograr conclusiones d’esperiencies análogues. Ensin dulda que la efeutividá de la so xestión va depender en gran midida de la rigorosidá, actualización y bayura de la información disponible sobre la xestión de la Cortaderia selloana, incluyendo distribución, abondancia relativa, superficie ocupada, tendencies poblacionales, nuevos vectores d’espansión, etc.

III.5 MIDÍES DE COMUNICACIÓN Y ESPARDIMIENTU Pa que’l Plan de Control y Desaniciu de Cortaderia selloana funcione amañosamente ye necesario qu’heba una bona coordinación y re-

manamientu de la información, a tolos niveles y direiciones. Polo tanto ye preciso crear un centru de receición y organización de la información. Esti centru d’alministración de la información fadrálu’l Grupu de coordinación de llucha contra la yerba de La Pampa, que correspuende a una nueva estructura dependiente de la Viceconseyería de Mediu Ambiente del Gobiernu del Principáu d’Asturies y que se propón nel Plan d’Aición (Díaz González, 2018).

Como yá diximos n’apartaos anteriores, sedría mui deseable que tolos actores implicaos, amás d’unviar a esti Grupu de coordinación tola información que recueyan, tuvieren una plataforma de comunicación y espardimientu empobinada al públicu en xeneral y a los medios de comunicación en particular, pa informar de tolos aspeutos relevantes de les sos respeutives aiciones, daqué qu’enllaza cola participación pública que se comenta nel apartáu viniente.

Al nuesu paecer, ye necesario dafechu l’usu de recursos mediáticos pa esparder un mensaxe claru y creyible sobre la problemática de las Especies Exótiques Invasoras y en concreto la Cortaderia selloana: reportaxes televisivos rexonales y nacionales, artículos en prensa, publicación de guíes, informes, etc.; Namás d’esti mou’l públicu tomará interés non solo pola flora invasora sinón tamién pola flora nativa y la necesidá de la so conservación, asina como pol costu económicu y social arreyáu a esta problemática.

III.6. MIDÍES DE SENSIBILIZACION CIUDADANA Y PARTICIPACIÓN PÚBLICA Pa xestionar de mou amañosu’l control y desaniciu de la yerba de La Pampa ye necesario contar col compromiso y la cooperación ciudadana, instrumentu fundamental p’algamar la máxima efeutividá na aición. L’únicu mou

(2019) Ciencies 9

/49/

/Un vecín peligrosu pa desaniciar n’Asturies: el Plumeru o Yerba de La Pampa (Cortaderia selloana)

conocíu pa llograr qu’heba una concienciación social sobr’l tema ye al traviés de campañes de sensibilización permanente pa dar continuidá a les actuaciones pendientes y encarar nuevos retos y oxetivos. Pa ello nel Plan d’Aición (Díaz González, 2018) propónense les direutrices vinientes de les que camentamos de gran interés que s’implanten: 1) Hai qu’informar, a los medios de comunicación y a los actores implicaos, de forma continuada sobre les afeiciones ya impautos que la Cortaderia selloana pue causar (tanto dende’l

lloana lleva venceyada y que repercute direutamente sobro los presupuestos públicos.

3) Ye preciso favorecer ya impulsar la participación de la sociedá nel procesu de control y desaniciu dando a esti un calter preferente y encontando les iniciatives y nueves idees que puedan apurrir en tolos niveles de la planificación. El caltenimientu de canales d’información (como yá comentamos n’apartaos precedentes) abiertos y actualizaos ye la meyor manera de facer llegar al públicu en xeneral el problema qu’orixina la Cortaderia selloana, yá que d’esti

Na primer temporada de la Fas I (añu 2018), el númberu total estimáu d’exemplares eliminaos foi de 2.815.165 (cifra mui superior a la inicialmente calculada), incluyendo tanto los exemplares de plumeros trataos químicamente (2.811.778, fundamentalmente nos polígonos industriales) como aquellos desaniciaos por arrinque manual y mecánicu (3.387). El total d’inflorescencies (plumeros) retiraos foi de 11.160 Kg, siendo los conceyos de Xixón (con 2.535.892 exemplares eliminaos), Cuideiru (179.828), Navia (43.685) y Villaviciosa (38.392) nos que mayor númberu d’exemplares se trataron o desaniciaron. La Fas I SIGUIÓ nesti añu 2019, d’acordies coles especificaciones del Plan d’Aición. puntu de vista medioambiental, como social, económicu y sanitariu) y la necesidá d’afitar midíes pal so control y desaniciu.

2) Ha concienciase a la sociedá del papel cimeru que cumple dientro del plan d’aición contra la planta invasora, pa que faiga de so que’l beneficiu del control y desaniciu de la yerba de les pampes nun ye una cuestión namái de l’alministración nin de las entidaes implicaes. Ye evidente que nel procesu d’información y concienciación social xuega un papel predominante la educación ambiental, y nesti sen la población tien que tar informao de los costos que la xestión de control y desaniciu de la Cortaderia se-

/50/

Ciencies 9 (2019)

mou la población pue tar informao en tou momentu de les aiciones y xeres que tán faciéndose a tolos niveles. Tamién ye necesario identificar los axentes estratéxicos (coleutivos vecinales, asociaciones ambientales, conservacionistes, etc.) colos qu’ha trabayase activamente pal desendolcu de campañes d’información y otres xeres como son el voluntariáu o la participación pública. En resume, la cooperación ciudadana ye una parte importante del procesu de control y desaniciu de la planta invasora pa implicar a la población como principal usuaria de los llugares onde se van facer los llabores de restauración y rehabilitación d’espacios degradaos.

4) Ha sensibilizase a los elementos de la sociedá responsables del espardimientu non intencionáu de la Cortaderia selloana pa que se comprometan a collaborar activamente col plan de control y desaniciu, evitando, por casu, la utilización de la planta invasora como ornamental en xardinos privaos.

IV. RESULTAOS DE LES ACTUACIONES CONTRA’L PLUMERU DE LA PAMPA NA PRIMER FAS (2018-19) Nel Calendariu d’actuaciones del Plan d’Aición (Díaz González, 2018) contempláronse tres fases acordies con un patrón xeneral: acometer la llucha contra la Cortaderia selloana dende los conceyos con menor incidencia poblacional, allugaos nes ales occidental y oriental d’Asturies, asina como nos territorios meridionales de l’autonomía, hasta los que presenten mayores tases d’invasión, asitiaos na zona centro-septentrional d’Asturies. D’esta manera na Primer fas (con una duración de 2 años) actuóse nos conceyos del occidente d’Asturies y puntualmente en fasteres de la zona central. La Segunda fas (con una duración de 2 años) tien como oxetivu los conceyos de la zona oriental y va incidir nes fasteres yá controlaes na primer fas de la zona central. A lo cabero, na tercer fas va actuase (per 3 años) na fastera asturiana que güei presenta una mayor abondancia y densidá de la planta invasora: la fastera del centro-norte d’Asturies.

La empresa tragsa foi la encargada de facer estes actuaciones siguiendo les direutrices recoyíes nel Plan d’Aición na Fas I, incluyendo los Polígonos de La Zalia y La Lloreda (Xixón) y el Polígonu de Bobes (Siero), amás del desaniciu de los exemplares presentes dientro de le llendes de la Reserva Natural Parcial de La Ría

de Villaviciosa. Estes actuaciones foron dende’l 1 d’ochobre hasta’l 20 d’avientu de 2018. Nel informe final que presentó la empresa indica que’l númberu total estimáu d’exemplares desaniciaos nesta Fas foi de 2.815.165 (cifra mui superior a la inicialmente estimada), incluyendo tanto los exemplares de plumeros trataos químicamente (2.811.778, fundamentalmente presentes nos polígonos industriales) como aquellos desaniciaos por arrinque manual y mecánicu (3.387). El total de quilogramos d’inflorescencies (plumeros) retiraos foi de 11.160, siendo los conceyos de Xixón (con 2.535.892 exemplares eliminaos), Cuideiru (179.828), Navia (43.685) y Villaviciosa (38.392) nos que mayor númberu d’exemplares se trataron o desaniciaron. La Fas I continuó nesti añu 2019, d’acordies coles especificaciones del Plan d’Aición.

(2019) Ciencies 9

/51/

/Un vecín peligrosu pa desaniciar n’Asturies: el Plumeru o Yerba de La Pampa (Cortaderia selloana)

Referencies bibliográfiques Alonso Paz, E. & M.J. Bassagoda. La vegetación costera del SE uruguayo: ambientes y biodiversidad. http://www.mec.gub.uy/natura/DdD5.htm (10-9-2017).

Ecroyd, CE, Knowles, B. & D.J. Kershaw (1984).- Pampas recognition of a new forest weed. What’sNew-in-Forest-Research. 128, 6 páxs.

Bussan, A.J. & W.E. Dyer (1999).- Herbicides and rangeland. In: R.L. Sheley y J.K. Petroff (eds.), Biology and Management of Noxious Rangeland Weeds. Oregon State University Press. Corvallis, Oregon.

468 páxs.

Fernández Menéndez, D., D. Menéndez Pérez & I. García García (2017).- Estudio diagnóstico de la Invasión del Plumero de La Pampa (Cortaderia selloana) en Asturias. Gobiernu del Principáu d’Asturies.

Biosfera, Consultoría Medioambiental. Set. 2017.

Cabrera, A.L. (1964).- Las plantas acuáticas. Buenos Aires, Editorial Universitaria.

Fernández Prieto J.A. & F. De la Torre Fernández (2000).- Protocolos de eliminación de plantas invasoras en el litoral asturiano. Indurot (Universidá d’Uviéu) y Demarcación de Costes n’Asturies (Direciión Xeneral de Costes, Ministeriu de Mediu Ambiente).

Cabrera, A.L. & E.M. Zardini (1978).- Manual de la flora de los alrededores de Buenos Aires. Buenos Aires, Editorial Acme.

Callejo Rey, A. (2017)-. Experiencias de actuación de las comunidades autónomas del noroeste: Galicia. Conselleria de Medio Ambiente e Ordenacion do Territorio. Xunta de Galicia. Seminario sobre la Problemática de actuación contra el Plumero de la Pampa (Cortaderia selloane). indurot. Universidá d’Uviéu. 30/11/2017.

Centeno, T.A., L. Guardia, & L. Suárez (2017).- Gestión de los residuos de Cortaderia selloana. Seminario Técnico «Problemática de actuación contra el Plumero de la Pampa (Cortaderia selloana)». indurot.

Mieres. Pay. 2017.

Connor, H.E. (1971).- A naturalized Cortaderia (Gramineae) in California. Madroño 21: 39-40.

Connor, H.E. (1973).- Breeding systems in Cortaderia (Gramineae). Evolution, 27: 663-678.

De la Torre Fernández, F. (2003).- Las plantas invasoras en Asturias. Naturalia Cantabricae, 2: 33-43.

Díaz González, T.E. (2018).- Plan de Acción contra el «Plumero de la Pampa» (Cortaderia selloana) en el Principado de Asturias. Informe Conseyería d’Infraestructures, Ordenación del Territoriu y Mediu Ambiente. Gobiernu del Principáu d’Asturies. 111 páxs.

Gadgil, S. & A. Guruprasad (1990).- An objective method for the identification of the intertropical convergence zone. Washington J. of. Climate, 3: 556-567.

Gajardo, R. (1994).- La vegetación natural de Chile. Santiago de Chile, Editorial Universitaria.

González Costales, J. A. (2007).- Plantas alóctonas invasoras en el Principado de Asturias. Conseyería de Mediu Ambiente, Ordenación del Territoriu ya Infraestructures. Gobiernu del Principáu d’Asturies.

190 páxs.

Gosling, D.S., W.B. Shaw & S.M. Beadel (2000).- Review of control methods for Pampas grasses in New Zealand. Science for Conservation 165: 1-32.

Guinea, E. (1953)-. Geografía botánica de Santander. 420 páxs. Diputación provincial de Santander.

Santander.

Díaz González, T.E., J.A. Fernández Prieto, H.S. Nava & M.A. Fernández Casado (1994).- Catálogo de la Flora Vascular de Asturias. Itinera Geobotanica, 8: 529-600.

Harradine, A.R. (1991).- The impact of Pampas grass as weeds in southern Australia. Plant Protection Quarterly, 6:111-15.

Díaz González, T.E. & H.S. Nava (2005). Catálogo previo de plantas alóctonas invasoras reales y potenciales en Asturias (inéd). Xornaes téuniques sobre plantes invasores. Uviéu, febreru de 2005.

Herrera, M. & J.A. Campos (2006).- El Carrizo de La Pampa (Cortaderia selloana) en Bizkaia. Guía Práctica para su control. Bilbao. Instituto de Estudios Territoriales de Bizkaia.

DiTomaso, J.M. (2000).- Cortaderia selloana. In: Bossard, C.C., Randall, J.M. y Hoshovsky, M.C. (eds.), Invasive Plants of California Wildlands. University of California Press.

Herrera, M. & J.A. Fernández Prieto (2017).- Biología del Plumero de la Pampa (Cortaderia selloana).

Seminario Técnico «Problemática de actuación contra el Plumero de la Pampa (Cortaderia selloana)». indurot. Mieres. Pay. 2017.

Domenech, R. (2005).- Cortaderia selloana invasion in the Mediterranean Region: invasiveness and ecosystem invasibility. Tesis doctoral inéd. 152 páxs. creaf, Centre de Recerca Ecològica i Aplicacions Forestals, Universitat Autònoma Barcelona. Barcelona.

Drewitz, J.J. & J.M. DiTomaso (2000). Seed biology and control of jubatagrass. CalEPPC Symposium 2000 Presentation Abstracts.

/52/

Fernández Rojo, J., J. Ruiz Osés & H. Lucas Villanueva (2015).- Plan de acción contra el Plumero en Cantabria. Consejería de Medio Rural, Pesca y Alimentación. Gobierno de Cantabria. Empresa de Desarrollo Ambiental y Civil. S.L.

Ciencies 9 (2019)

Hoshovsky, M. & J. R andall (2000).- Management of invasive plant species. In: C.C. Bossard, J.M. Randall and M.C. Hoshovsky (eds). Invasive Plants of California’s Wildlands. University of California Press, Berkeley. 360 páxs.

Knowles, B. & C. Ecroyd (1985).- Species of Cortaderia (Pampas grasses and toetoe) in New Zealand.

FRI Bulletin No. 105. New Zealand.

(2019) Ciencies 9

/53/

/Un vecín peligrosu pa desaniciar n’Asturies: el Plumeru o Yerba de La Pampa (Cortaderia selloana)

Koepcke, H.W. (1961).- Synökologische Studien an der Westseite der peruanischen Anden. Bonn,Ferd.

Dümmlers Verlag.

Relyea, R.A. (2004).- The impact of insecticides and herbicides on the biodiversity and productivity of aquatic communities. Ecological applications 15 (2): 618-627.

L ambrinos, J.G. (2001).- The expansion history of a sexual and asexual species of Cortaderia in California, USA. Journal of Ecology 89: 88-98.

Rivas-Martínez, S., T.E. Díaz, F. Fernández-González, J. Izco, J. Loidi, M. Lousa & A. Penas (2002). Vascular plant communities of Spain and Portugal. Addenda to the syntaxonomical checklist of 2001. Itinera Geobot. 15 (2): 433-922.

L astra, J.J. (1989).- Estudio de la Flora y Vegetación del Concejo de Grado (Principado de Asturias) y sus contornos. Tesis Doctoral ined. Facultá de Bioloxía. Universidá d’Uviéu.

Mayor, M. & T.E. Díaz González (1977).- La Flora Asturiana. Ayalga Ediciones. Col. Pop. Asturiana, vol. 27, 710 páxs.

Rivas-Martínez, S., Penas, A., del Río, S., Díaz González T.E. & S. Rivas-Sáenz (2017). Bioclimatology of the Iberian Peninsula and the Balearic Islands. En: Loidi, J. (ed.). The Vegetation of the Iberian Peninsula. Vol. 1: 29-80. Ed. Springer.

Martínez, J.C. (2017).- Las Plantas Invasoras. Seminario Técnico «Problemática de actuación contra el Plumero de la Pampa (Cortaderia selloana)». indurot. Mieres. Pay. 2017.

Robacker, C.D. & W.L. Corley (1992).- Plant regeneration of Pampas grass from immature inflorescences cultured in vitro. HortScience. 27:841-43.

Mayor, M. & T.E. Díaz González (1977).- La Flora Asturiana. Ayalga Ediciones. Col. Popular Asturiana, vol. 27. 710 páxs.

Sanz Elorza, M., E. Dana & E. Sobrino (2004).- Atlas de las plantas alóctonas invasoras en España.

Dirección General para la Biodiversidad. Madrid, 384 páxs.

Mayor, M. & T.E. Díaz González (2003).- La Flora Asturiana. Edición Actualizada. Real Institutu d’Estudios Asturianos (ridea), 761 páxs.

Silván, F. & J.A. Campos (2001).- Flora exótica de la Reserva de la Biosfera de Urdaibai. Evaluación del impacto actual. Informe Inéditu fechu pal Patronatu de la Reserva de la Biosfera d’Urdaibai. Gernika.

202 páxs.

McGlone H.M. (2004).- Quantifying the threat posed by Pampas (C. selloana and C. jubata) to the Waikato Region. Masters Thesis at the University of Waikato, Nueva Zelanda.

Moore, K. (1994).- Pulling Pampas: controlling Cortaderia by hand with a volunteer program. Cal-IPC News. 2:7-8.

Morello, J. (1958).- La provincia fitogeográfica del Monte. Opera. Lilloana 2: 5-155.

Nava, H.S., M.A. Fernández Casado & I. Zabaleta (1995).- Consideraciones sobre algunas plantas alóctonas presentes en Asturias. Bol. Cienc. Nat. ridea ., 43: 107-109. Uviéu.

Ninyerola, M., X. Pons & J.M. Roure (2005).- Atlas climático digital de la Península Ibérica. Metodología y aplicaciones en bioclimatología ygeobotánica. Universitat Autònoma de Barcelona.44 páxs. [Datos ya información cartográfico disponibles en http://opengis.uab.es/wms/iberia/index.htm].

/54/

Ciencies 9 (2019)

Starr, F., K. Starr & L. Loope. (2003).- Cortaderia spp. United States Geological Survey: Biological Resources Division, Haleakala Field Station, Maui, Hawai’i.

Testoni, D. & H. Peter Linder (2017).- Synoptic Taxonomy of Cortaderia Stapf (Danthonioideae, Poaceae). Phyto Keys 76: 39-69.

Tu, M., C. Hurd & J.M. R andall (2001).- Weed Control Methods Handbook: Tools and Techniques for use in Natural areas. The Nature Conservancy.

Valderrabano, J. & R. Alvarez Arbesú (2017).- Problemática de actuación contra el Plumero de La Pampa (Cortaderia selloana). Seminariu Téunicu, indurot. Mieres. Pay. 2017.

Wittenberg, R. & M.J.W. Cock (eds.) (2001).- Especies exóticas invasoras: Una guía sobre las mejores prácticas de prevención y gestión. cab International, Wallingford, Oxford, Reinu Xuníu. 240 páxs.

(2019) Ciencies 9

/55/

ENTAMU l cambéu global y en particular el cambéu climáticu reconócense como una de les mayores amenaces pa la riqueza biolóxica, incluyíos los inseutos polinizadores que tán sufriendo un amenorgamientu a escala global (Goulson et al., 2015; Kerr et al., 2015). Ente los polinizadores, los abeyones tán menguando les sos poblaciones a escala global y tán produciéndose estinciones llocales y, por ello, son un grupu animal amañosu pa estudiar los efeutos d’esti cambéu global.

Los abeyones son les diferentes especies del xéneru Bombus, que pertenez a la familia Apidae, una de munches families d’himenópteros.

En xeneral son de tamañu grande en rellación a otres abeyes, tienen el cuerpu arredondiáu y enllenu de pelos (setae llargues y ramificaes) que-yos da un aspeutu pelosu. Presenten delles carauterístiques que los faen perinteresantes dende munches perspeutives científiques.

E

Monteses, endotermos ya indicadores del cambéu global: los abeyones cantábricos Por José Ramón Obeso

Catedráticu d’Ecoloxía Departamentu de Bioloxía d’ Organismos y Sistemes (Ecoloxía) Unidá Mesta de de Biodiversidá (uo-csic-pa) Universidá d’Uviéu

/56/

Ciencies 9 (2019)

Exemplar de Bombus sylvarum sacando néctar d’una flor de Sempervivum sp. En primer términu pue vese la llarga probóscide, como continuación de les pieces bucales, cola que ta succionando néctar.

(2019) Ciencies 9

/57/

/ Monteses, endotermos ya indicadores del cambéu global: los abeyones cantábricos

ABAXO Exemplar de Bombus sp. nuna flor de Cirsium sp. Pue apreciase l’alternancia de bandes negres y marielles con una banda acolorazada a lo cabero del abdome. Sobre’l protórax y les ales puen distinguise granos de polen.

Son inseutos con un ciclu vital asemeyáu a l’abeya del miel, namás que nesti casu les colonies son muncho menos abondoses, algamando como muncho unes poques docenes d’obreres enantes de la reproducción cabera de la colonia onde la reina produz reines y machos (bázcaros).

Delles especies nun constrúin colonies sinón que son parásites de crianza, invaden colonies d’otres especies, maten a la reina residente y queden cola colonia, ponen los sos güevos y les obreres trabayen pa criar la descendencia de la reina usurpadora. Estes especies parásites incluyíense antes nel xéneru Psithyrus magar que de va pocos años p’acá inxértense tamién nel xéneru Bombus.

Tienen una coloración denomada aposemática, llamadera pa señalar la so potencial peli-

/58/

Ciencies 9 (2019)

grosidá, que consiste en bandes onde suelen alternase diferentes combinaciones de colores, mariello, negro y colorao (Ver semeyes). Estes coloraciones de bandes marielles, negres y coloraes compártenles estremaos grupos animales alvirtiendo de la so peligrosidá a depredadores potenciales. Les reines y obreres de los abeyones puen picar si les fadien, y amás repitíes vegaes, yá que’l so aguiyón o obleru nun tien arpón y nun queda engancháu tres el primer picotazu como nel caso de l’abeya del miel. Les especies que viven nuna fastera xeográfica tienden a compartir estes bandes de señalización coloreada. Esti fenómenu conozse como mimetismu müllerianu, y supón una amplificación de la señal unviada a los potenciales depredadores, pero al empar fai práuticamente imposible determinar les especies per aciu de la coloración de les bandes que se circunscriben a unos pocos diseños compartíos por munches especies.

Otra carauterística mui reseñable ye’l fechu de que los abeyones, al igual qu’otros munchos inseutos de tamañu grande, son a termorregulase. Pente medies de la contraición rápida de los sos músculos d’esnalíu (vibración o zumbíu) son a xubir la temperatura del tórax, de mou que cuando la temperatura ye baxo (< 10 ºC) esti mecanismu fai que puedan aumentar la temperatura del tórax a más de 30º C y esnalar. Por tanto puen vivir en climes relativamente fríos y son carauterísticos, de fechu, de los sistemes de montes, onde amás tienen una ventaya sobre les abeyes melíferes que nun tienen esti mecanismu de termorregulación.

Los abeyones aliméntense de néctar y polen; el primeru úsenlo fundamentalmente los adultos como fonte d’enerxía y el segundu utilícenlo como alimentu les llarves por mor del so mayor conteníu en proteínes, necesaries pal xorrecimien-

tu. Esta xera como visitantes florales conviértelos en polinizadores, dando llugar a un mutualismu d’intercambéu d’un bien (polen o néctar) por un serviciu (tresporte de polen d’una planta a otra).

El néctar suel sacase de nectarios que tán nel fondu de flores tubulares a los qu’acceden gracies a la so llarga probóscide (apéndiz del aparatu bucal güecu que dexa absorber llíquidos, (Ver semeya). Inda que’l llargor de la probóscide ye pervariable tanto ente especies como dientro de la mesma especie, en xeneral suelen ser más llargues que les d’otres abeyes colo que se convierten nos polinizadores más importantes de les flores entubaes de los climes fríos. Sicasí, magar d’esta especialización tamién son importantes polinizadores de colleches agrícoles con flores non entubaes (frutales, tomates, …).

Hai unes 250 especies d’abeyones qu’orixinariamente son del hemisferiu Norte.

Namás hai dalgunes especies en Sudamérica, mui poques nel trópicu y dalguna especie europea introducida en Nueva Zelanda y Tasmania.

Magar que la rexón china de Sichuan-Gansu ye la más bayurosa con 70 especies, les fasteres con más diversidá nel vieyu mundu son los montes terciarios del sur del Paleárticu, que van del altiplanu tibetanu y L’Himalaya hasta Los Alpes (47 especies) y Los Pirineos (40 especies).

El Cordal Cantábricu ye una prollongación d’esti sistema, con unes 24 especies. Otra banda rica n’especies ye la que va del Bálticu hasta Mongolia y nel Neárticu (Norteamérica), la mayor bayura d’especies ta en Los Montes Rocosos (hasta 31 especies).

LOS ABEYONES CANTÁBRICOS Nel Cordal Cantábricu, como en munchos sistemes de clima frío de tol mundu, los abeyones coNformen ún de los principales grupos

De les 79 especies reconocíes pal Paleárticu Occidental, describiéronse nel Cordal Cantábricu un total de 24, incluyendo dalgunes especies con pergraves problemes de conservación a nivel européu como ye’l casu de Bombus cullumanus (Nieto et al., 2014) Estudios de recién, sicasí, demostraron que los patrones de distribución de los abeyones na cordalera tán camudando, y que dalgunes d’elles (ente elles B. cullumanus) paecen desaniciaes rexonalmente

d’inseutos polinizadores (Goulson, 2010). En gran midida, esto esplícase pol fechu de que, a diferencia d’otros grupos d’inseutos más pequeños, son a autorregular la so temperatura corporal y, poro, capaces de soportar el clima frío que carauteriza a los sistemes montañosos (Goulson 2010) La bayura d’abeyones nel Cordal Cantábricu ye, de fechu, relativamente alta.

Asina, de les 79 especies reconocíes pal Paleárticu Occidental, según Rasmont et al. (2015), describiéronse na rexón un total de 24 especies, incluyendo dalgunes especies con pergraves problemes de conservación a nivel européu como ye’l casu de Bombus cullumanus (Nieto et al., 2014) Estudios de recién, sicasí, demostraron que los patrones de distribución de los abeyones nel Cordal Cantábricu tán camudando, y que dalgunes de les especies (ente les que s’inxer B. cullumanus) paecen desaniciaes rexonalmente

(2019) Ciencies 9

/59/

/ Monteses, endotermos ya indicadores del cambéu global: los abeyones cantábricos

DERECHA Figura 1. Cambeos na distribución altitudinal d’estremaes especies ente’l periodu 1988-1989 y 2007-2009.

Represéntase l’altitú media (puntu negru), los dos cuartiles centrales (rectángulu) y el rangu altitudinal (llinia de puntos). Preséntense namái aquelles especies que se desplazaron a mayor altitú de mou significativu, amosando a la derecha los diseños de bandes d’estes.

Los subxéneros (inicial mayúscula ente paréntesis), toos nel xéneru Bombus son: 8 y 3, M.= Melanobombus; 7 y 2, P.= Pyrobombus; 6, T.= Thoracobombus; 5, B.= Bombus; y 4, A.= Alpigenobombus.

(Ploquin et al., 2013). Otra especie mui rara nel Cordal Cantábricu ye B. gerstaeckeri, que tien densidaes estremadamente baxes en tola fastera de la distribución de so que va de la Cantábrica a Los Alpes. Tien una probóscide particularmente llarga y apaez venceyáu a les flores d’acónitu (Aconitum napelus).

Pa investigar los camudamientos potenciales nos patrones de distribución de los abeyones nel Cordal Cantábricu como consecuencia del cambéu climáticu, Ploquin et al. (2013) fixeron comparanza de los patrones distribución y abondancia de les diferentes especies en 2007-09 cola información existente en 1988-89 (Obeso, 1992). Estos autores atoparon que la distribución de los abeyones nel Cordal Cantábricu dempués de dos décades camudó de mou non aleatoriu. Asina, munches especies amosaron un incrementu na altitú media a la que s’atoparon nel segundu periodu (2007-09) en comparanza col primer periodu (1988-89). Amás, estos cambeos na altitú media foron principalmente por mor d’incrementos nes llendes baxeres de distribución (quedando les llendes cimeres práuticamente ensin cambeos), por tanto l’amplitú

/60/

Ciencies 9 (2019)

del rangu de distribución altitudinal viose fuertemente menguada pa les más de les especies (Ploquin et al., 2013). Per otru llau, los resultaos llograos amosaron que los eventos de desaniciu d’especies (estimaos como’l númberu d’especies presentes nel primer periodu y ausentes nel segundu) foron particularmente frecuentes n’altitúes baxes (0-900 m) y medies (900–1500 m), mientres que n’altitúes elevaes (>1500 m) predominaben los eventos de colonización (estimaos como’l númberu d’especies ausentes nel primer periodu y presentes nel segundu). Pyke et al. (2016) observaron tamién dalgunos desplazamientos n’altitú pa los abeyones de Los Montes Rocosos llueu d’observar los cambeos dempués de 33 años (1974-2007).

Si nos entrugamos qué especies son les que se desplazaron, hai que destacar que los abeyones xeneralistes dende un puntu de vista tróficu (consideraos asina por tener una probóscide de llargor curtiu o mediu: Goulson y Darvill, 2004) como por exemplu B. terrestris, volviéronse particularmente abondoses –sobre manera a altitúes medies y altes– en detrimentu d’especies más especialistes (aquelles que tienen una probóscide llarga) como ye’l casu de B. sylvarum; Ploquin et al., 2013). En conxuntu, esti patrón non aleatoriu nos cambeos de distribución d’especies provocó una fuerte homoxeneización na comunidá d’abeyones a lo llargo del gradiente d’altitú, non solo dende un puntu de vista estructural (diversidá d’especies), sinón tamién dende un puntu de vista funcional (diversidá trófica). Les consecuencies d’esta homoxeneización biótica sobre la polinización de les plantes presentes na rexón tán, sicasí, lloñe de ser aclaraes.

Magar d’amosar una respuesta xeneralizada de la comunidá d’abeyones que consistió nun incrementu de l’altitú media d’apaición nel segundu periodu respeutive al primeru, Ploquin et al.

(2013) atoparon, sicasí, importantes diferencies

ente especies. Asina, non toles especies amosaron la mesma magnitú de respuesta y dalgunes, de fechu, amosaron una inesperada mengua na altitú media a la qu’apaecíen nel segundu periodu con respeuto del primeru. Exemplu d’esto último ye B. hortorum (Ploquin et al., 2013). Estes pautes de respuesta suxeríen que, a pesar de que toles especies que componíen la comunidá taben merguyaes nun mesmu escenariu de cambéu climáticu, determinaos atributos o carauterístiques especie-específiques taben modulando la respuesta de caúna d’elles al camudamientu nes condiciones climátiques.

P’aclariar esta cuestión, Herrera et al. (2014) estudiaron la posibilidá de que les variaciones na magnitú y del signu de la respuesta de les especies foren por mor de diferencies na susceptibilidá al cambéu nes condiciones climátiques ente periodos.

La susceptibilidá de les diferentes especies estimóse considerando la influencia relativa de variables climátiques (temperatura y precipitación) y de paisaxe (importancia proporcional de praos, pastos, mates y viesques) sobre la so presencia y abondancia, en caún de los periodos d’estudiu.

Usando esta aproximación, Herrera et al. (2014) atoparon tres grupos d’especies en función de les sos pautes de respuesta: (1) Especies qu’amosaron un siguimientu de les condiciones climátiques independientemente de la estructura del paisaxe (exemplos d’ello fo-

La susceptibilidá de les diferentes especies al cambéu nes condiciones ambientales estimóse considerando la influencia relativa de variables climátiques (temperatura y precipitación) y de paisaxe (importancia proporcional de praos, pastos, mates y viesques) sobre la so presencia y abondancia, en caún de los dos periodos d’estudiu. Usando esta aproximación, Herrera et al. (2014) atoparon tres grupos d’especies en función de les sos pautes de respuesta

(2019) Ciencies 9

/61/

/ Monteses, endotermos ya indicadores del cambéu global: los abeyones cantábricos

ARRIBA Obrera de Bombus sp. recolectando polen nuna flor de Sempervivum sp. Pue apreciase l’alternancia de bandes coloreaes y la «cesta» del polen (superficie nidia de la tibia trasera con serdes llargues curvaes a mou de blimes) con una masa de polen que tresportará a la colonia.

DERECHA Exemplar de Bombus del subxéneru Bombus (el final del abdome ye blancu y la primer banda del protórax, o collar, ye mariella y el restu del protórax negru), nel qu’hai tres especies: B. (B.) terrestris, B. (B.) lucorum y B. (B.) magnus que son práuticamente indistinguibles morfolóxicamente (especies críptiques o ximielgues) y la so determinación segura ha facese per aciu del análisis xenéticu.

/62/

Ciencies 9 (2019)

ron B. hortorum, B. lucorum, B. mesomelas, B. muscorum, B. pratorum y B. ruderarius).

(2) Especies qu’amosaron un siguimientu de la estructura del paisaxe independientemente del clima de los llugares habitaos (B. sichelii, B. soroeensis y B. wurflenii).

(3) Especies que nun amosaron nengún patrón de respuesta al cambéu nin de variables climátiques nin de paisaxe (B. terrestris).

Enfrentando estos patrones de respuesta con aquellos atopaos por Ploquin et al.

(2013), estos autores deduxeron qu’aquelles especies qu’amosaron un siguimientu de les condiciones climátiques (ello ye, aquelles nes que la importancia relativa de les variables climátiques nun camudó significativamente ente periodos) foron aquelles qu’amosaron les respuestes más fuertes al cambéu nel clima rexonal (en términos de desplazamientos altitudinales), mientres qu’aquelles qu’amosaron un siguimientu de variables rellacionaes cola estructura del paisaxe foron les qu’amosaron respuestes más leves o una baxada na altitú media ente periodos. Nesti sen, quedó demostrao que determinaos atributos propios de los abeyones como’l grau de dependencia d’un escenariu climáticu determináu, condicionen fuertemente la so capacidá (o necesidá) de respuesta al cambéu climáticu.

Quedaben inda por determinar, sicasí, los atributos funcionales que condicionen la diferente susceptibilidá al cambéu de les condiciones climátiques. De fechu, la nuesa conocencia de los rasgos ecolóxicos que determinen les respuestes al cambéu climáticu ye tovía mui superficial. P’allegase a esta cuestión, Herrera et al. (2018) esaminaron la rellación qu’hai ente’l nichu climáticu de cada especie d’abeyón y el desplazamientu n’altitú observáu nel Cordal Cantábricu (Ploquin et al., 2013). Como nichu climáticu utilizóse una combinación de variables de temperatura y precipitación nes qu’apaez cada especie a escala continental. Los resultaos alcontraron una fuerte asociación ente l’amplitú del nichu climáticu y la respuesta de les especies d’abeyones al aumentu de temperatura. Aquelles especies con nichos más amplios (pueden ocupar mayor diversidá de condiciones climátiques) foron les que sufrieron mayores desplazamientos altitudinales na so fastera de distribución cantábrica. Esto nun ye trivial darréu que nos indica que l’amplitú de nichu climáticu ye por tanto un rasgu que nos dexa predicir la respuesta de les especies al calecimientu global.

En resume, la distribución xeográfica de los abeyones cantábricos ta moviéndose a mayores altitúes nel Cordal Cantábricu en términos xenerales. Pero non toles especies respuenden cola mesma pauta: los nichos tróficos y climáticos determinen les pautes de respuesta. Les especies que son especialistes trófiques y climátiques (nichos más restrinxíos) tienen menos capacidá pa responder siguiendo les nueves condiciones climátiques. Esta asociación ente rasgos específicos y respuesta al cambéu climáticu conviértelos n’organismos modelu pal siguimientu d’estos procesos.

(2019) Ciencies 9

/63/

/ Monteses, endotermos ya indicadores del cambéu global: los abeyones cantábricos

Referencies bibliográfiques Goulson, D. (2010).- Bumblebees: behaviour, ecology and conservation. Oxford University Press, Oxford, Reinu Xuníu.

Goulson, D., Darvill, B. (2004).- Niche overlap and diet breadth in bumblebees; are rare species more specialized in their choice of flowers? Apidologie 35:55–63.

Goulson, D., E. Nicholls, C. Botías & E.L. Rotheray (2015).- Bee declines driven by combined stress from parasites, pesticides, and lack of flowers. Science 347: 1435.

Herrera, J.M., E.F. Ploquin, J. Rodríguez-Pérez & J.R. Obeso (2014).- Determining hábitat suitability for bumblebees in a mountain system: a baseline approach for testing the impact of climate change on species presence and abundance. Journal of Biogeography 41: 700-712.

Herrera J.M., E.F. Ploquin, P. R asmont & J.R. Obeso (2018).- Climatic niche breadth determines the response of bumblebees (Bombus spp.) to climate warming in mountain areas of the Northern Iberian peninsula. Journal of Insect Conservation 22: 771-779.

Kerr, J.T., P. Galpern, L. Packer, S.G. Potts, S.M Roberts, P. R asmont, O.Schweiger, S.R. Colla, L.L.Richardson, D.L. Wagner, L.F. Gall, D.S. Sikes & A. Pantoja (2015).Climate change impacts on bumblebee converge across continents. Science 349: 177-180.

Nieto, A., S.PM. Roberts, J., Kemp, P. R asmont, M. Kuhlmann, M. García Criado, J.C. Biesmeijer, P. Bogusch, H.H. Dathe, P. De la Rúa, T. De Meulemeester, M. Dehon, A. Dewulf, F.J. Ortiz-Sánchez, P. Lhomme, A. Pauly, S.G. Potts, C. Praz, M. Quaranta, V.G. R adchenko, E. Scheuchl, J. Smit, J. Straka, M. Terzo, B. Tomozii, J. Window & D. Michez, D. (2014).- European Red List of bees. Luxembourg: Publication Office of the European Union.

Obeso, J.R. (1992).- Geographic distributions and community structure of Bumblebees in Northern Iberian Peninsula. Oecologia 89: 244-252.

Ploquin, E.F., J.M. Herrera 6 J.R. Obeso (2013).- Bumblebee community homogenization after uphill shifts in montane areas of northern Spain. Oecologia 173: 1649– 1660.

Pyke, G. H., J.D. Thomson, D.W. Inouye, & T.J. Miller (2016).- Effects of climate change on phenologies and distributions of bumble bees and the plants they visit.

Ecosphere 7(3):e01267.

R asmont, P., M. Franzén, T. Lecocq, A. Harpke, S.P.M. Roberts, J.C., Biesmeijer, L. Castro, B. Cederberg, L. Dvorák, Ú Fitzpatrick, Y. Gonseth, E. Haubruge, G. Mahé, A. Manino, D. Michez, J., Neumayer, F. Ødegaard, J. Paukkunen, T. Pawlikowski, S.G. Potts, M. Reemer, J. Settele, J. Straka, & O. Schweiger, O. (2015).- Climatic risk and distribution atlas of European bumblebees. Biorisk 10 (Special Issue), 246 páxs.

/64/

Ciencies 9 (2019)

(2019) Ciencies 9

/65/

L’impautu del accidente nuclear de Chernóbil sobre la fauna salvaxe Por Germán Orizaola

Departamentu de Bioloxía d’Organismos y Sistemes (Zooloxía) Universidá d’Uviéu umib-Unidá Mesta d’Investigación en Biodiversidá (Universidá d’Uviéu-csic-Principáu d’Asturies)

/66/

Ciencies 9 (2019)

Llagu Azbuchyn cola central nuclear de Chernóbil al fondu

(2019) Ciencies 9

/67/

/ L’impautu del accidente nuclear de Chernóbil sobre la fauna salvaxe

A

la 1:23:40 de la mañana del 26 d’abril de 1986 el reactor númberu 4 de la central nuclear de Chernóbil españó, causando la mayor catástrofe nuclear de la Historia. Nesi momentu, la Central Nuclear Vladimir Ilich Lenin, asitiada nel norte d’Ucraína, cuntaba con cuatro reactores nucleares en funcionamientu, dos más en construcción, y tres más planificaos.

El complexu yera una de les mayores plantes nucleares del mundu. L’accidente asocedió mientras unes pruebes de resistencia que teníen por envís probar cómo’l reactor yera a reaicionar énte una perda de tensión llétrico. Una mestura de fallos graves de diseñu del reactor RBMK y fallos humanos nel remanamientu, llevaron al desastre. L’españíu en reactor tuvo acompañáu d’una quema de les barres de grafitu qu’ardió a lo llargo de diez díes, contribuyendo a empeorar l’accidente y faciendo que la radiación s’espardiera per una zona peramplia. De fechu, si bien la mayor parte de la radiación espardióse pela contorna de la central, l’aire arrastró material radiactivo a fasteres tan alloñaes como Escandinavia o Austria.

Nos díes posteriores al españíu evacuóse tola población de la zona, creándose una Faza d’Esclusión, na que se vedó l’asentamientu humanu permanente. Cálculase qu’al rodiu d’unes 300.000 persones abandonaron los sos llares na contorna de la central n’evacuaciones socesives. La Faza d’Esclusión estiéndese güei per unos 4.000 km2 ente Ucraína y Bielorrusia.

L’asentamientu permanente sigue vedáu nel llugar, inda qu’unes 2.000 persones residen de manera temporal ellí, trabayando entá en llabores de control y esmanteladura de les instalaciones nucleares. Magar l’españíu del reactor 4, los otros reactores de la central siguieron dellos

/68/

Ciencies 9 (2019)

Nel momentu del españíu del reactor númberu 4 (abril del 1986), la Central Nuclear Vladimir Ilich Lenin, asitiada al norte d’Ucraína, cuntaba con cuatro reactores nucleares en funcionamientu, dos más en construcción, y tres más planificaos. Yera una de les mayores plantes nucleares del mundu. L’accidente asocedió mientras unes pruebes de resistencia. Los otros tres reactores funcionaron dellos años más. Peslló definitivamente nel añu 2000

años más en funcionamientu, hasta’l pieslle dafechu del reactor 3 nel añu 2000.

L’impautu del accidente sobre la población humana foi severu. Los principales afeutaos foron los equipos d’emerxencies y bomberos qu’acudieron a la central nuclear nes primeres hores tres l’accidente. Bona parte d’esos efeutivos morrió en pocos díes por mor de la esposición estrema a la radiación. L’impautu físicu y psicolóxicu sobre’l restu de los habitantes de la zona foi igualmente importante, si bien ye malo de cuantificar. Les estadístiques sobre’l númberu de muertes causaes pola esposición a radiación van d’ente unos pocos miles y munches decenes de miles.

L’efeutu que l’accidente tuvo sobre la naturaleza de la fastera contaminada foi oxetu d’investigación yá daquella. Nel momentu del accidente, el consensu xeneral yera que la fastera afeutada pola contaminación radiactiva diba convertise nun ermu pa la vida, un basureru nuclear desprovistu de fauna per sieglos, inclusive milenios.

L’impautu primeru sobre la naturaleza de les fasteres alredor de la central foi, como s’esperaba, mui importante. Un gran exemplu d’esi impautu ye un pinal allugáu al oeste de la central nuclear: Esa parte recibió l’impautu inicial de la radiación de mou especialmente intensu. Les acícules de los árboles dieron en coloráu nel intre y los árboles morrieron, conociéndose dende entós esta zona como La Viesca Colorada de Chernóbil.

Esta fastera sigue siendo ún de los llugares más radiactivos del planeta, con niveles de radiación dellos órdenes de magnitú per enriba de los niveles basales de radiación. Estudios iniciales, empobinaos por científicos llocales deteutaron tou un ampliu rangu d’efeutos morfolóxicos y

ARRIBA Cuatro grandes mamíferos na Faza d’Esclusión de Chernóbil (semeyes de fototrampéu): Bisonte, Llobu Cerval, Alces y Osu.

xenéticos n’abondes especies animales y vexetales que vivíen nes partes más afeutaes pola contaminación. Estos efeutos iniciales reforzaben la idea de que la zona quedaría falta de vida salvaxe per sieglos.

Estudios fechos nes décades vinientes tamién amosaron efeutos negativos de la radiación sobre l’abondancia, diversidá, fisioloxía y

Evacuáronse 300.000 persones. Les estadístiques sobre’l númberu de muertes causaes pola esposición a radiación van d’ente unos pocos miles y munches decenes de miles. Na Faza d’Esclusión (que tien agora 4.000 km2 ente Ucraína y Bielorrusia) sigue vedáu l’asentamientu permanente, magar qu’unes 2.000 persones residen de manera temporal ellí

(2019) Ciencies 9

/69/

/ L’impautu del accidente nuclear de Chernóbil sobre la fauna salvaxe

parámetros xenéticos de delles especies. Una de les especies más estudiadas na Faza d’Esclusión ye l’Andarina Común, pa la que se comunicaron efeutos como una mengua nos niveles de respuesta inmune, alteraciones na producción de la espelma en machos, y camudamientos cromosómicos. Sicasí, l’andarina ye una especie venceyada a ambientes humanizaos, que podría tar sufriendo tamién l’efeutu negativu de despoblamientu de la fastera. Esto amuesa tamién la complexidá d’estudiar los efeutos del accidente, y lo necesaria que ye una planificación con munchu procuru pa coles especies y los rasgos biolóxicos qu’hai qu’estudiar. Arriendes d’ello, estos estudios iniciales presenten problemas

real, muncho más altes n’entrambos casos que fuera de la Faza d’Esclusión. Dos especies que nun taben presentes na zona nel momentu del accidente, como l’Osu Pardu y el Bisonte Européu tienen agora una presencia constante nel llugar. Más de doscientes especies d’aves usan la faza d’esclusión como área de cría, ivernada, migración, o a lo llargo de tol añu. L’abondancia y diversidá d’otres especies animales, como los anfibios, ye tamién elevada. Un casu mui relevante de la situación güei de la fauna del llugar ye’l de los Caballos de Przewalski. Esta castra de caballu salvaxe, amenazada a nivel mundial, caltién una de les sos escases poblaciones naturales na Faza d’Esclusión. Estos caballos nun

Los Caballos de Przewalski, una ESPECIE de caballu salvaxe amenazada a nivel mundial, caltién una de les sos escases poblaciones naturales na Faza d’Esclusión. Nun los había na zona nel momentu del accidente, pero lliberáronse 30 individuos a principios de los años 90. Tiempu dempués la población d’esta especie habita too a lo llargo de la Faza d’Esclusión, y non solo se caltuvo, sinón que medró hasta más de 150 individuos acordies col censu de 2018. Nesi añu estimóse que nacieron 22 nuevos caballos na temporada de cría

metodolóxicos y d’análisis adicionales que compliquen enforma la so evaluación.

Per otru llau, y gracies a la colocación de numberoses cámares de fototrampéu, viose llueu que la Faza lloñe de tar deshabitada, yera ocupada por bien d’especies de grandes vertebraos. Güei la Faza d’Esclusión acueye poblaciones de tolos grandes mamíferos del este d’Europa. Esta caltién poblaciones de grandes depredadores como’l Llobu Européu o’l Lince Bo-

/70/

Ciencies 9 (2019)

taben presentes na fastera nel momentu del accidente, pero lliberáronse trenta individuos a principios de los años noventa. Pasáu’l tiempu la población d’esta especie habita too a lo llargo de la Faza d’Esclusión, y non solo se caltuvo, sinón que medró hasta más de 150 individuos acordies col censu de 2018. Nesi añu estimóse que 22 nuevos caballos nacieren na temporada de cría, lo que demuestra una vegada más que les poblaciones animales de la Faza non solo se

caltienen, sinón que desendolquen los ciclos vitales con normalidá dafechu.

Estudios fechos en Bielorrusia esaminando buelgues dexaes na ñeve por grandes mamíferos pel iviernu amosaron que les poblaciones d’estes especies xorrecieron considerablemente dempués del accidente. Tres sufrir los sos efeutos, les poblaciones d’especies como’l xabaril o l’alce recuperáronse llueu, y amuesen güei niveles iguales o superiores a los d’otres reserves naturales cercanes. Amás, estos trabayos constataron que nun hai nenguna rellación anguaño ente los niveles de radiación na Faza y l’abondancia d’especies como’l llobu o l’alce. Ello ye, eses especies son tan abondoses en fasteres con radiación alto, como en fasteres non contaminaes.

Estos estudios planteguen un gran retu científicu. Ye preciso estudiar cómo ye posible qu’una fastera entá contaminada con material radiactivo, y que se suponía que diba tar desprovista de vida per milenios, convirtióse namái nunes décades nun llugar d’abellugu pa la gran fauna salvaxe.

De fechu, tanto la zona ucraína, como la bielorrusa tán clasificaes güei como reserves biolóxiques yá qu’acueyen abondes especies amenazaes n’entrambos países y a escala europea.

Pa entender cómo esta aparente contradicción ye posible, y determinar con precisión l’efeutu a llargu plazu qu’un accidente d’esta mena pue causar nos organismos vivos, ye necesario tener en cuenta dellos aspeutos.

De primeres, ye necesario conocer el tiempu de desintegración de los materiales radiactivos.

Esti tiempu de desintegración conozse como «vida media» d’un compuestu y fai referencia al tiempu que tien de trescurrir pa que la metá d’un compuestu radiactivu inestable por naturaleza se tresformare nun compuestu estable y non radiactivu. En términos xenerales, los elementos

Los trabayos fechos constataron que güei nun hai neguna rellación ente los niveles de radiación na Faza y l’abondancia d’especies como’l llobu o l’alce: son tan abondantes en fasteres con radiación alto, como nes non contaminaes. ¿Cómo ye posible qu’una fastera entá contaminada con material radiactivo, y que se suponía que diba tar desprovista de vida per milenios, camudó nunes décades nun llugar d’abellugu pa la gran fauna salvaxe? Sicasí, tanto la zona ucraína, como la bielorrusa tán clasificaes güei como reserves biolóxiques con mayor potencial de causar dañu son aquellos con una vida media más curtia. Esti ye’l casu de los isótopos radiactivos de Yodu sobre manera’l Yodu-131. Esti compuestu ye descomanadamente peligrosu y ta direutamente venceyáu al desendolcu de cáncer de tiroides, ún de los problemes más graves tres un accidente nuclear. El Yodu-31, sicasí, tien una vida media de namái ocho díes. Esto ye, ocho díes dempués d’un accidente como’l de Chernóbil namái quedaría yá la metá d’esti compuestu, que desapaecería dafechu de la fastera nunes selmanes. Otra manera, los isótopos con una vida media de miles d’años son aquellos con

(2019) Ciencies 9

/71/

/ L’impautu del accidente nuclear de Chernóbil sobre la fauna salvaxe

IZQUIERDA/ABAXO Llagu Hluboke, na fastera d’estudiu, y Xaronquina Arbórea Oriental (Hyla orientalis) nel agua.

menor capacidá de caltriadura nel organismu, y por tanto menos peligrosos. Esti ye’l casu del Uraniu-239, con una vida media de 24.000 años, pero que la so radiación nun traviesa la piel. Nuna faza entemedia atópense los isótopos que son güei la principal fonte de radiación nel llugar. El Cesiu-137 y l’Estronciu-90 son la principal fonte de radiación actual en Chernóbil, entrambos dos con una vida media d’unos 30 años, y entrambos dos son a caltriar el cuerpu d’organismos vivos.

Pa estos compuestos la metá de la so cantidá yá desapaecería de la fastera.

Otru aspeutu que fai falta conocer ye cómo la radiación afeuta a un ser vivu. L’impautu de

/72/

Ciencies 9 (2019)

la radiación sobre les célules, y en particular sobre’l material xenético, pue ser de dos tipos.

La radiación pue impautar direutamente sobre’l material xenético y producir rotures nes cadenes d’adn, o pue impautar de mou indireutu al traviés de radicales llibres que se xeneren al impautar la radiación sobre molécules d’agua.

N’entrambos casos, estes rotures puen dar llugar a efeutos bien estremaos. Una posibilidá ye que la maquinaria d’arreglu celular repare les rotures de manera rápida y precisa. Nesti casu’l dañu quedaría iguáu y el posible efeutu de la radiación quedaría llendáu a efeutos indireutos rellacionaos col usu de recursos per parte del

organismu. Nel casu opuestu, si’l dañu xenómicu causáu pola radiación ye bien intensu pue llegar a causar la muerte celular, y si esto asocede de manera xeneralizada nun individuu, pue inducir la muerte d’esi individuu. Otros posibles resultaos del impautu de la radiación sobre’l material xenético de los organismos, ye que s’igüe esti dañu, pero de manera defectuosa.

Nesti casu ye cuando se xeneren mutaciones.

Estes mutaciones puen tener al empar dellos resultaos. Si’l cambéu xeneráu nel material xenético produz cambeos sinónimos, ye dicir que nun alterien la composición d’aminoácidos, la función básica de les célules nun se verá afeutada. Si la mutación nun ye sinónima, y por tanto alteria funciones celulares, pue llevar a efeutos como un mal funcionamientu de les célules, a acelerar la senescencia o muerte celular, o al desendolcu de tumores. La radiación, al tener un potencial de xeneración de mutaciones bien altu, tamién podría dar llugar a cambeos xenómicos que fixeren que los organismos pudieren facer frente a la radiación de mou más eficaz, y eses seríen mutaciones beneficioses.

Ye imprescindible conocer toos estos factores pa poder evaluar de manera rigorosa l’impautu d’un accidente como’l de Chernóbil sobre los organismos vivos.

Dende 2016, el nuesu grupu d’investigación n’Ecoloxía Evolutiva d’Ambientes Estremos de la Universidá d’Uviéu trabaya en Chernóbil tentando d’evaluar la situación de la fauna salvaxe de la fastera. A lo llargo d’estos años, centremos el nuesu trabayu n’esaminar la morfoloxía, la fisioloxía y la xenómica de los Anfibios de Chernóbil. La escoyeta de los anfibios como modelu d’estudiu ye por cuenta de que siendo Vertebraos, presenten una serie de ventayes pal so estudiu nun contestu de

(2019) Ciencies 9

/73/

/ L’impautu del accidente nuclear de Chernóbil sobre la fauna salvaxe

Nestos años, el nuesu trabayu foi esaminar la morfoloxía, la fisioloxía, y la xenómica de los Anfibios de Chernóbil. La escoyeta de los anfibios como modelu d’estudiu ye por mor de que, siendo Vertebraos, presenten una serie de ventayes pal so estudiu nun contestu de contaminación radiactiva. El principal ye que son especies con capacidaes de dispersión bastante reducíes, colo que munchos individuos acaben reproduciéndose nes mesmes llamargues nes que nacieron, y eso fai que tean espuestos a niveles de radiación bastante constantes, seyan altos o baxos

/74/

Ciencies 9 (2019)

contaminación radiactiva. El principal ye que son especies con capacidaes de dispersión bastante amenorgaes, colo que munchos individuos acaben reproduciéndose nes mesmes llamargues nes que nacieron. Eso fai que tean espuestos a niveles de radiación bastante constantes, seyan altos o baxos. Esto ye una gran ventaya a la hora de determinar el so grau d’esposición a la radiación, si se compara con especies con amplies zones de campéu, como un llobu o un osu, pa los que ye muncho más complexo determinar la so esposición real a la radiación a lo llargo del so ciclu vital. Otra carauterística interesante de los anfibios como oxetu d’estudiu ye qu’al desendolcar el so ciclu vital tantu nel mediu acuáticu (fase embrionaria y llarvaria), como nel mediu terrestre (fase moza y adulta), tán espuestos a fontes diverses de radiación n’entrambos medios, faciendo que’l so estudiu resulte más integrador de les condiciones xenerales de la zona. Amás, son especies nes que pue determinase con facilidá la edá de los distintos individuos estudiaos a partir de métodos d’esqueletocronoloxía. Estos métodos básense nel contéu de les llinies de medría nos güesos, una per añu de vida, de manera asemeyada a los aniellos de medría nos árboles. Esto facilita esaminar si la esposición a radiación podría tar afeutando a la duración de la vida d’estos individuos, amás de dexar usar la edá como un factor esencial a la hora d’estudiar otru tipu de respuestes biolóxiques.

La nuesa dinámica de trabayu en Chernóbil afítase en campañes intensives de trabayu de campu n’Ucraína na época de reproducción d’anfibios en mayu-xunu. Mientres esa temporada, trabayamos a lo llargo d’un gradiente de radiación qu’inclúi dende delles de les fasteres más radiactives del planeta dientro de la Faza

Munchos de los nuesos trabayos centráronse na Xaronquina Arbórea Oriental (Hyla orientalis), pariente mui próxima de la europea (Hyla arborea) que vive n’Asturies. Esta especie fai un usu intensu del mediu terrestre, y por tanto ta expuesta a niveles de radiación más altos qu’otres especies más acuátiques (los niveles de radiación son más altos en zones terrestres que nos medios acuáticos). Amás, al tener un periodu d’actividá reproductora mui llargu (de mayu a xunetu na Faza d’Esclusión), dexen facer trabayos de campu ensin les llendes temporales d’otros anfibios con un comportamientu reproductor más esplosivu

d’Esclusión, como fasteres ensin afeutar pol accidente n’árees fuera de la Faza. D’esta miente podemos evaluar, sobre les mesmes poblaciones, l’efeutu que los distintos niveles de radiación tienen sobro distintos aspeutos del so ciclu vital.

Munchos de los nuesos trabayos centráronse na Xaronquina Arbórea Oriental (Hyla orientalis), pariente bien próxima de la europea (Hyla arborea) que vive n’Asturies. Esta especie presenta un ciclu de vida con un usu intensu del mediu terrestre, y por tanto ta espuesta a niveles de radiación más altos qu’otres especies más acuátiques, una y bones los niveles de radiación son más altos en zones terrestres que nos medios acuáticos. Amás, al tener un periodu d’actividá reproductora bien estensu (dende mayu a xunetu na Faza), dexen facer trabayos de campu ensin les llendes temporales d’otros anfibios de la zona con un comportamientu reproductor más esplosivu.

Nes xornaes de campu visitamos pela nueche llugares afayadizos pa la reproducción de la especie, intentando alcontrar a los machos pol so cantar intensu. N’atopándolos y prindán-

dolos treslladámoslos al nuesu llaboratoriu de campu dientro de la Faza d’Esclusión, calteníu polos nuesos colegues del Centru Chernóbil d’Investigación en Seguranza Nuclear, Restos Radiactivos y Radioecoloxía, dependiente del Gobiernu d’Ucraína. Nel llaboratoriu evaluamos a tolos individuos y recoyemos les amueses necesaries pa los nuesos estudios qu’inclúin trabayos sobre edá, condición corporal, coloración, fisioloxía sanguínea, respuesta inmune, microbioma de la piel y dixestivu, estrés oxidativu, llargor de telómeros, xenética poblacional, acumuladura de mutaciones, metilación d’ADN, y camudamientos xenómicos. Pa cada individuu, usando métodos radiométricos, calculamos amás la dosis total de radiación tanto interno como esterno a lo que tuvo espuestu. En resume, un estudiu multidisciplinar col que queremos estudiar en detalle los distintos aspeutos del ciclu vital de la especie oxetu d’estudiu. Namás d’esta manera vamos poder determinar con precisión la respuesta de los organismos vivos frente a la contaminación radiactiva nuna fastera como Chernóbil.

(2019) Ciencies 9

/75/

/ L’impautu del accidente nuclear de Chernóbil sobre la fauna salvaxe

Delles referencies bibliográfiques Beresford, N.A., E.M Scott & D. Copplestone (2019).- Field effects studies in the Chernobyl Exclusion Zone: Lessons to be learnt. Journal of Environmental Radioactivity. In press.

Beresford, N., N. Horemans, D. Copplestone, K.E. R aines, G. Orizaola, M.D. Wood, P. L aanen, H.C. Whitehead, J.E. Burrows, M.C Tinsley, J.T. Smith, J.M., Bonzom, B.Gagnaire, B., C. Adam-Guillermin, S. Gashchak, , A.N. Jha, , A. de Menezes, N. Willey. & D. Spurgeon. (2019).- Towards solving a scientific controversy - The effects of ionising radiation on the environment. Journal of Environmental Radioactivity, In press.

Deryabina, T.G., S.V. Kuchmel, L.L. Nagorskaya, T.G. Hinton, J.C. Beasley, A. Lerebours & J.T. Smith (2015).- Long-term census data reveal abundant wildlife populations at Chernobyl. Current Biology, 25: 824 -826.

Møller, A.P. & T.A. Mousseau (2006).- Biological consequences of Chernobyl: 20 years on. Trends.

Ecology and Evolution, 21: 200-207.

Møller, A.P. & T.A. Mousseau (2016).- Are organisms adapting to ionizing radiation at Chernobyl? Trends in Ecology and Evolution: 31: 281-289.

Yablokov, A.V., V.B. Nesterenko & A.V. Nesterenko (2009).- Consequences of the Chernobyl catastrophe for the environment. Annals of the New York Academy of Sciences, 1181: 221-286.

L’accidente nuclear de Chernóbil sigue xenerando, más de trenta años dempués, un interés social, científicu, y económicu bien eleváu.

L’análisis científicu de les respuestes a mediu y llargu plazu de la contaminación radiactiva sobre los organismos vivos ye un tema d’estudiu d’enorme interés dende’l puntu de vista de la bioloxía evolutiva y la ecoloxía animal. Amás, estos resultaos son indispensables a escala socio-económica y pa poder establecer polítiques afayadices pa la xestión d’accidentes nucleares, asina como pal remanamientu rigorosu de los restos radiactivos xeneraos pola actividá médica, militar ya industrial.

/76/

Ciencies 9 (2019)

ARRIBA L’equipu d’esti trabayu: nel mediu los dos investigadores d’Asturies y a los llaos colegues ucraínos.

(2019) Ciencies 9

/77/

1. ENTAMU üei hai numberoses teoríes sobre la formación del Sistema Solar, siendo la más aceutada la teoría nebular moderna. Acordies con esta, la formación y evolución del Sistema Solar entamó hai más de 4.500 millones d’años col colapsu gravitacional d’una pequeña fraición d’una nube molecular xigante, dende la que se formaron el Sol, los planetes y los cuerpos menores.

Un cuerpu menor, según la uai (Unión Astronómica Internacional), ye un cuerpu qu’orbita al rodiu del Sol y que nun ye planeta, planeta nanu o satélite. Poro, los oxetos tresneptunianos, los cometes, los meteoroides y los asteroides pertenecen a la categoría de cuerpos menores.

Los asteroides son oxetos peñosos qu’orbiten al rodiu del Sol y que tienen un tamañu enforma pequeñu pa consideralos planetes o planetes nanos. La composición d’estos cuerpos ye mui variada y bayurosa en dellos metales de gran

G

Carauterización taxonómica de los asteroides (704) Interamnia y (349) Dembowska per aciu de téuniques fotométriques y espectroscópiques

Por Isabel Vázquez González

María Rodríguez Morán Enrique Díez Alonso Francisco Javier de Cos Juez Institutu Universitariu de Ciencies y Teunoloxíes Espaciales d’Asturies (ictea) Universidá d’Uviéu

/78/

Ciencies 9 (2019)

Asteroide (243) Ida, vistu pola sonda Galileo.

Fonte: https://photojournal.jpl.nasa.gov

(2019) Ciencies 9

/79/

/ Carauterización taxonómica de los asteroides (704) Interamnia y (349) Dembowska per aciu de téuniques fotométriques y espectroscópiques

interés económicu polo que, nos últimos años, el conceutu de minería espacial evolucionó notablemente.

La idea d’esplotar recursos de los asteroides escomenzó a desendolcase a lo cabero del sieglu xx, esperimentando un gran puxu nel añu 2015 cola robla nos ee.xx. de la llamada Llei del Espaciu. Esta dexa a les compañíes del país la esplotación mineral espacial y l’apropiación d’asteroides y otros recursos espaciales per parte d’aquelles persones o empreses que desendolquen la teunoloxía acionada pal desplazamientu y la esplotación d’estos cuerpos, ricos en minerales como’l platín, l’oru o’l fierro.

Sicasí, la reivindicación d’estos recursos per parte de los gobiernos ta espresamente prohibida nel Tratáu Internacional del Espaciu Ultraterrestre redautáu pola unoosa (Oficina de les

La sobreesplotación güei de los recursos presentes na Tierra ta escosando les reserves d’estos, polo que la carrera pola esploración y esplotación llucrativa privada del espaciu yá entamó Naciones Xuníes p’Asuntos del Espaciu Esterior), tratáu en vigor dende 1967, onde s’afita que la esploración y l’usu del espaciu ultraterrestre han facese en beneficiu ya interés de tolos países.

Arriendes d’ello, la Lluna y otros cuerpos menores nun puen ser oxetu d’apropiación nacional o reivindicación de soberanía.

La sobreesplotación anguaño de los recursos presentes na Tierra ta escosando les reserves d’estos, polo que la carrera pola esploración y esplotación llucrativa privada del espaciu yá

/80/

Ciencies 9 (2019)

entamó. Numberoses empreses tán merguyaes nel desendolcu d’avances teunolóxicos quedexen averase a los asteroides pa sacar los sos recursos.

Estes empreses persiguen que l’aprobación de la Llei del Espaciu per parte de los ee.xx. desanicie lo afitao nel tratáu de la unoosa, definiendo asina la marcación llegal d’un negociu que podría ser mui rentable.

La minería d’asteroides ye un conceutu recién, pero la idea de que l’espaciu ye fonte de recursos mineralóxicos surde hai dos sieglos, cuando l’investigador de la Universidá de Berlín Ernst Chladni propunxo que los meteoritos nun tienen un aniciu terrestre. Esta hipótesis supón un finxu na mineraloxía, magar la oposición inicial de tola comunidá científica.

Los asteroides reflexen parte de la lluz solar incidente xenerando un espectru de reflexón que los carauteriza. Estos espectros de reflexón amuesen gran asemeyanza col espectru solar pero, por cuenta de los elementos presentes na superficie de los asteroides, amuesen bandes d’absorción que los estremen del espectru del Sol y amás faen posible identificar los elementos presentes nellos.

Nel añu 1984, David J. Tholen propunxo una clasificación de los asteroides d’acordies coles observaciones del espectru en banda ancha (ente 0,31 y 1,06 µm) de 600 asteroides, en combinación con midíes del so albedo1 [1]. Esta clasificación, la más espardida güei, estrema 14 tipoloxíes englobaes en dellos grupos, ente los que rescamplen el grupu c (asteroides carbonáceos), el s (composición peñosa) y el x (asteroides con espectros asemeyaos, pero con diferentes composiciones y albedos).

1. Fraición de la lluz o otra radiación qu’incide sobre un cuerpu non lluminosu, como un planeta, o sobre una zona d’una superficie planetaria, que ye reflexada.

Evidentemente, como pasu previu a la esplotación de los asteroides, ye necesario carauterizar dafechamente la so composición. Una carauterización mineralóxica previa de la qu’inferir el grupu de Tholen pue facese pente medies de filtros fotométricos, lo mesmo que per análisis espectroscópicu. Entrambos métodos desendólquense nesti artículu.

Les empreses mineres persiguen que la llei norteamericana del Espaciu (2015) desanicie lo afitao pol tratáu de la unoosa (1967): que la esploración y l’usu del espaciu ultraterrestre han facese en beneficiu ya interés de tolos países. Arriendes d’ello, la Lluna y otros cuerpos menores nun puen ser oxetu d’apropiación nacional o reivindicación de soberanía.

2. INSTRUMENTACIÓN L’Observatoriu Astronómicu de la Escuela de Mines d’Uviéu (Fig. 1) dispón de la instrumentación necesaria pa carauterizar un asteroide, faciéndose nel cursu académicu 2018-2019 l’estudiu, per aciu de filtros fotométricos, del asteroide (704) Interanmia y per aciu d’espectroscopía del asteroide (349) Dembowska. Entrambos dos escoyéronse por tar visibles cuasi tola nueche nel tiempu nel que se fixeron les observaciones (febreru y marzu de 2019), por presentar un brillu lo suficientemente alto pal instrumental disponible y porque foi oxetu d’estudios anteriores, lo que facía posible validar los resultaos algamaos.

Interamnia descubriólu’l 2 d’ochobre de 1910 Vicenzo Cerulli. Pertenez al Cintu Principal d’Asteroides 2, y con un diámetru mediu de 317 km destaca por ser el quintu asteroide en masa.

Describe una órbita con una semiexa mayor que mide 3.05 Unidaes Astronómiques3 (en delantre ua), asitiándose a 2.58 ua del Sol nel periheliu4 y a 3.52 ua nel afeliu5. El so periodu de tresllación ye de 5 años y 127 díes. La so magnitú aparente6 algama’l valor m~11 cerca de la oposición7.

Dembowska descubriólu’l 9 d’avientu de 1892 Auguste Charlois. Pertenez tamién al Cintu Principal d’Asteroides y destaca pol so albedo inusualmente altu (0.384), siendo’l segundu mayor albedo, per detrás de (4) Vesta, de los asteroides con un diámetru superior a 75 quilómetros (el so diámetru mediu ye de 140 km). La so semiexa mayor mide 2.92 ua, tando a 2.66 ua del Sol nel periheliu y a 3.19 ua nel afeliu. El so periodu de tresllación ye de 5 años y la so magnitú aparente mientres la oposición ye de ~ 9.2.

Nel procesu de la carauterización mineralóxica d’un asteroide empléguense un refileru d’elementos ópticos, mecánicos y electrónicos.

En primer llugar, ye necesariu un telescopiu afayadizu pa facer les observaciones, siendo un telescopiu de tipu catadióptricu l’emplegáu nesta 2. El Cintu Principal d’Asteroides ye una rexón con gran acumulación d’asteroides asitiada ente les órbites de Marte y Xúpiter.

3. La Unidá Astronómica (ua) ye’l radiu mediu de la órbita terrestre, ~149 598 000 000 km.

4. El periheliu ye’l puntu de la órbita nel que la distancia al Sol ye mínima.

5. L’afeliu ye’l puntu de la órbita nel que la distancia al Sol ye máxima.

6. La magnitú aparente fai referencia al brillu col qu’un oxetu celeste ye visible dende la Tierra.

7. Momentu nel que s’allinien o arringleren el Sol, la Tierra y un oxetu más alloñáu como un planeta esterior o un asteroide.

(2019) Ciencies 9

/81/

/ Carauterización taxonómica de los asteroides (704) Interamnia y (349) Dembowska per aciu de téuniques fotométriques y espectroscópiques

ARRIBA Figura 1. Telescopiu Schmidt-Cassegrain y Observatoriu Astronómicu de la Escuela de Mines de la Universidá d’Uviéu

investigación, en particular un telescopiu Schmidt–Cassegrain de 203 mm d’abertura con una rellación focal f6 (Fig. 1).

L’allugamientu na bóveda celeste del campu nel que s’alcuentren los asteroides al igual que l’apuntáu del telescopiu, son aspeutos críticos, polo que la montura del telescopiu, de tipu ecuatorial alemán (skywatcher neq6), ha tar computerizada (Fig. 2). Amás, por mor de los llargos tiempos d’esposición (~ 200 s) de les imáxenes algamaes, ha tar asistida cola función d’autoguiáu. Esta consiste na deteición d’irregularidaes nel siguimientu per aciu de la monitorización continua d’una estrella próxima

/82/

Ciencies 9 (2019)

al campu que se va fotografiar, corrixendo estes imperfeiciones con sutiles impulsos unviaos a la montura. Nel nuesu montaxe, la vixilancia de la estrella de guiáu faise con una cámara de guiáu (Luna qhy 6) sobre un tubu en paralelo de 50 mm d’abertura (Fig. 3).

Pa la carauterización espectroscópica del asteroide Dembowska emplegóse la rede de difraición Star Analyser (resolución 100 llinies por mm), encargada de dispersar la lluz del asteroide pa tener el so espectru de reflexón (Fig. 4), amás d’un filtru infrarroxu que bloquia llonxitúes d’onda per baxo de 750 nm y que tien como función iguar el problema de la superposición de los diferentes órdenes del espectru (esto esplícase con detalle más alantre).

Na carauterización del asteroide Interamnia per aciu de filtros fotométricos empléguense los diferentes filtros Johnson-Cousins (sistema ubvri). Esti sistema desendólcalu en 1953 Johnson y Morgan y meyóralu en 1973 Cousins. Les siglas ubvri correspuenden col rangu de llonxitúes d’ onda que cada filtru ye pa tresmitir: u: violeta, b: azul, v: verde, r: roxu, i: infrarroxu (Fig. 5).

Pa cabu, otru elementu necesariu pa entrambos métodos de carauterización ye la cámara ccd. Les cámares ccd no respuenden d’igual mou pa toles llonxitúes d’onda. Na so curva de respuesta pue observase la dependencia de la sensibilidá énte les diferentes llonxitúes d’onda.

ARRIBA Figura 4. Rede de difraición Star Anlyser Figura 5. Curves de sensibilidá espectral de los diferentes filtros del sistema ubvri

DERECHA Figura 2. Montura emplegada Figura 3. Tubu y cámara de guiáu emplegaos

(2019) Ciencies 9

/83/

/ Carauterización taxonómica de los asteroides (704) Interamnia y (349) Dembowska per aciu de téuniques fotométriques y espectroscópiques

El modelu de cámara emplegáu yel Luna qhy6 (Fig. 6), refrixerada col fin d’amenorgar el ruíu térmico, y con una curva de respuesta na que s’aprecia que pa una llonxitú d’onda superior a 830 nm la respuesta relativa d’esta ye inferior a 0,4 (Fig. 7).

ARRIBA Figura 6. Cámara ccd qhy6 Figura 7. Curva de respuesta de la cámara ccd qhy6

/84/

Ciencies 9 (2019)

3. TÉUNIQUES EMPLEGAES 3.1. Fotométrica La téunica de carauterización fotométrica consiste en facese con múltiples imáxenes del campu del asteroide con caún de los filtros fotométricos. Coles imáxenes llograes, calcúlase’l brillu del asteroide en cada rangu de llonxitúes d’onda por comparanza con estrelles del mesmu campu que nun seyan variables y con brillu bien determináu, téunica conocida como fotometría diferencial. D’esti mou pue llograse la magnitú del asteroide en cada banda y construyir un espectru de perbaxa resolución, del que se pue inferir el so tipu de Tholen, y polo tanto facer una estimación preliminar de la composición. Hai que comentar que pa la carauterización fotométrica del asteroide Interamnia, namái s’emplegó fotometría llograda a partir de los filtros b, v y r.

Col envís de calibrar el nuesu sistema d’adquisición, la toma d’imáxenes del asteroide ha acompañase de l’adquisición d’imáxenes d’un campu de fotometría estándar con cada filtru fotométricu. Nel nuesu casu escoyóse’l campu de fotometría estándar correspondiente al cúmulu estelar Messier 67, asitiáu na constelación de Cáncer, próximu a la zona del cielu na que s’atopaba l’asteroide Interamnia.

Amás de la toma de las imáxenes de ciencia con cada filtru pa estrayer la fotometría, ye crucial una correuta adquisición d’imáxenes de calibración (darks, flats y bias). L’oxetivu ye tomar una serie d’imáxenes que representen les fontes de señal non astrofísica (ruíu térmico, ruíu de llectura, inhomoxeneidaes de sensibilidá nel deteutor ccd, manches nel tren ópticu…) pa corrixir darréu eses señales de les nueses imáxenes de ciencia.

En calibrando correutamente les imáxenes de ciencia (tanto del campu del asteroide

Los asteroides reflexen parte de la lluz solar incidente xenerando un espectru de reflexón que los carauteriza. Estos espectros de reflexón amuesen gran asemeyanza col espectru solar pero, por cuenta de los elementos presentes na superficie de so, amuesen bandes d’absorción que los estremen del espectru del Sol y amás faen posible identificar los elementos presentes nellos.

ARRIBA Figura 8. Captura del programa Fotodif coles imáxenes llograes col filtru b

como del campu de m 67) ha estimase’l brillu del asteroide en cada filtru. Pa estrayer esta fotometría escuéyense nel campu del asteroide una serie d’estrelles afayadices de calibración, con un brillu en cada rangu de llonxitúes d’onda que sacaremos de los catálogos astronómicos 2mass [2] y ucac4 [3]. Esti procesu fíxose nel nuesu casu col paquete fotodif 8 (Fig. 8).

En calculando’l brillu del asteroide en cada filtru, llógrense los denomaos índices de color b-v y v-r; L’índiz b-v ye la diferencia ente la magnitú midida col filtru b y la magnitú midida col filtru v. Pela so parte, l’índiz v-r ye’l resultáu de facer la diferencia ente la magnitú tomada col filtru v y el filtru r. La rellación ente entrambos dos va dexanos conocer el tipu espectral aproximáu. Úsense darréu les imáxenes del campu estándar de Messier 67 pa calibrar el puntu cero del nuesu equipu. Ye un campu ampliamente estudiáu y pal que se determinó previamente la fotometría y los índices de color d’un gran númberu d’estrelles. Les diferencies ente los índices de color pa les estrelles d’esti campu algamaos per aciu de fotometría diferencial col nuesu sistema y les tabulaes oficialmente, sedrán por mor de les peculiaridaees del nuesu sistema (sensibilidá de la cámara, tresmisión de los filtros, tren ópticu…) y van valinos pa iguar estes peculiaridaes. Nel nuesu casu obtúvose que la diferencia ente los índices de color b-v y v-r instrumentales (sacaos pol nuesu sistema) y teóricos (los tabulaos) ye de 0.00 ± 0.04 pa entrambos índices, concluyendo unos índices de color finales pa Interamnia v-r=0.18 ± 0.08 y b-v = 0.63 ± 0.10.

Con estos valores, representamos la posición de Interamnia nel espaciu v-r / b-v [4] (Fig. 9).

8. http://www.astrosurf.com/orodeno/fotodif/

(2019) Ciencies 9

/85/

/ Carauterización taxonómica de los asteroides (704) Interamnia y (349) Dembowska per aciu de téuniques fotométriques y espectroscópiques

Una inspeición visual yá apunta a qu’Interamnia pertenez al grupu c de Tholen. Esto verifícase cuantitativamente calculando la distancia a una serie d’asteroides de diferentes tipos de Tholen con índices de color conocíos [5]. Escoyéronse dellos asteroides de cada tipu espectral (c, s y x) y calculóse la norma mínima con respeuto a Interamnia, sacando’l valor mínimu pal tipu espectral c.

3.2. Espectroscópica Pa la carauterización espectroscópica del asteroide Dembowska, procedióse a l’adquisición d’imáxenes del so espectru llográu per aciu de la rede de difraición Star Analyser. Nestes imáxenes apaecen superpuestos los diferentes órdenes del espectru, de mou que la rexón azul del segundu orde superpónse a la rexón infrarroxa del primer orde y asina de mou socesivu.

Esta superposición implica que con una toma clear (ensin filtros) nun ye posible observar la parte infrarroxa del primer orde (el más brillante y d’interés), de gran relevancia pa determinar la taxonomía del asteroide, darréu que s’alcuentra entemecida cola rexón azul del segundu orde.

Pa iguar esti problema, amás de les tomes clear, de les que se sacará la información del espectru hasta una llonxitú d’onda de 750 nm (non afeutada de la superposición) fadránse tomes con un filtru infrarroxu que namás dexa’l pasu de llonxitúes d’onda superiores a 750 nm, evitando d’esta miente’l pasu de fotones más azules que contaminen la zona infrarroxa del primer orde.

En teniéndose les diferentes tomes clear ya infrarroxes del espectru del asteroide, calíbrense y apilen pa tener tomes promediu clear (con información del espectru hasta 750 nm) ya infrarroxa (con información de 750 nm en delantre, cortando en 830 nm por cuenta

/86/

Ciencies 9 (2019)

ARRIBA Figura 9. Espaciu v-r / b-v. El puntu coloráu gordu representa l’asitiamientu del asteroide Interamnia Figura 10. Espectru de reflexión de Dembowska Figura 11.Espectru de la estrella hip 51574

la cayida de sensibilidá del sensor ccd).

Darréu, usando’l software Visual Spec 9, los espectros calíbrense en llonxitú d’onda y axúntense, llográndose l’espectru de reflexón del asteroide (Fig. 10).

La determinación del tipu de Tholen del asteroide faise calculando’l fluxu relativu del espectru en cada llonxitú d’onda respeutive al fluxu del Sol. Pa calcular esi fluxu relativu ha adquirise un espectru d’una estrella análoga solar. El Sol ye una estrella de tipo g2v, polo que la nuesa estrella análoga solar ha ser tamién d’esta mena.

Nesti casu emplegóse la estrella hip 51574, lo suficientemente brillante y próxima a les coordenaes de Dembowska nel tiempu de les observaciones (Fig. 11).

La determinación del tipu espectral faise estudiando’l llamáu espectru de rellación del asteroide (Fig. 12). Esti ye’l resultáu de la división de los espectros del asteroide y de la estrella análoga solar, previu suavizáu d’estos pa desaniciar les llinies d’absorción y telúriques presentes nellos.

Una y bones que s’obtuvo l’espectru de rellación, la taxonomía infierse comparando esti espectru col d’asteroides prototipu de los diferentes grupos. En particular, la comparanza fíxose con (24) Themis del grupu c, (27) Euterpe del grupu s y (16) Psyche del grupu x.

Na Figura 13 represéntase l’espectru de rellación algamáu nel nuesu estudiu pa Dembowska colos espectros consiguíos pol proyeutu smass (Small Main – Belt Asteroid Spectroscopic Survey, [6]) pa Themis, Euterpe y Psyche. Una inspeición visual yá indica que la tipoloxía ye la d’Euterpe (tipu s), lo que se pue

ARRIBA Figura 12. Espectru de rellación de Dembowska Figura 13. Perfiles de los espectros de Dembowska (negro), Themis (azul), Euterpe (rojo) y Psyche (verde) Figura 14. Azul: perfil del espectru de Dembowska llográu.

Rosa: espectru de Dembowska llográu pol proyeutu smass

9. http://astrosurf.com/vdesnoux/

(2019) Ciencies 9

/87/

/ Carauterización taxonómica de los asteroides (704) Interamnia y (349) Dembowska per aciu de téuniques fotométriques y espectroscópiques

cuantificar estimando l’error cuadráticu mediu ente l’espectru de Dembowska y el de caún de los asteroides prototipu, siendo esti mínimu (0.03804, 2.97%) pa Euterpe.

Dientro del grupu s tán presentes dellos subgrupos d’asteroides polo que, col envís de determinar con mayor precisión la tipoloxía de Dembowska, comparóse’l so espectru col espectru d’un asteroide de tipo a, (289) Nenetta, un asteroide de tipu v, (4) Vesta, y un asteroide de tipu R, (2371) Dimitrov (espectros tamién sacaos del survey smass). Nesti casu obtiénse que Dimitrov ye l’asteroide con espectru de rellación más cercanu a Dembowska, concluyendo que la so tipoloxía de Tholen ye la r.

Na Figura 14 compárase’l perfil del espectru de Dembowska col llográu pol proyeutu smass.

4. DISCUTINIU Y CONCLUSIONES Nesti estudiu concluyimos per aciu del métodu fotométricu qu’Interamnia pertenez a la tipoloxía c de Tholen, mientres que’l métodu espectroscópicu da una tipoloxía r pa Dembowska. ¿Qué información mineralóxica pue sacase a partir d’estos resultaos?

Los asteroides del grupu C (carbonáceos) al que pertenez Interamnia carauterícense por una banda d’absorción centrada en 0,7 µm qu’algama fondures del 5% baxo’l continuu.

Esta carauterística espectral atribúise a filosilicatos productu de procesos d’alteración acuosa.

Tamién tán presentes bandes más débiles, cen-

/88/

Ciencies 9 (2019)

traes en 0.43 µm [7] y a 0.60-0.65 µm y 0.800.90 µm [8], que tán asociaes cola posible presencia d’óxidos de fierro nel so interior, resultáu de l’alteración d’anhídridos de silicatu. Amás del fierro, l’análisis espectral eshaustivu d’asteroides de tipu s revela la presencia d’amoniu, nitróxenu ya hidróxenu.

Per otru llau, los asteroides del tipu s como Dembowska carauterícense por tener dos bandes d’absorción centraes en 0.60 y 0.67 µm. La banda de 0.60 µm atribúise a la existencia del compuestu metálicu Fe-Ni na superficie del asteroide, mientres que la centrada en 0.67 µm ta rellacionada con minerales del grupu espinela.

Nesti estudiu nun se foi a algamar l’espectru de reflexón del asteroide nuna llonxitú d’onda superior a 0.83 µm pero estudios anteriores concluyeron que los asteroides de tipu s presenten una banda d’absorción de 0.9 a 1.0 µm atribuyida a ciertes combinaciones d’ortopiroxenu, clinopiroxenu y olivín de diversos conteníos de Mg, Fe y Ca, qu’han tar presentes tamién na superficie d’estos asteroides.

Con esti estudiu queda patente como, con medios modestos y dende tierra, ye posible facer una carauterización preliminar d’asteroides que sirva como orientación pa futuros programes d’observación qu’estudien estos con mayor detalle y concluyan el so interés d’esplotación, acercando más la llegada de la minería espacial.

Referencies bibliográfiques [1] T. D.J., Asteroid taxonomy from cluster analysis of photometry, 1984.

[2] R. M. S. M. F. v. D. S. e. a. Cutri, «The Two Micron All Sky Survey (2MASS),» 2003.

[3] N. F. C. T. G. T. M. e. a. Zacharias, «The Fourth US Naval Observatory CCD Astrograph Catalog (UCAC4),» The Astronomical Journal, 2013.

[4] C.-H. L. et al., «Detection of large color variation in the potentiallyhazardous asteroid (297274) 1996 SK,» Research in Astronomy and Astrophysics, 2014.

[5] J. Piironen, «Physical studies of asteroids. XXXII. Rotation periods and UBVRI-colours for selected asteroids,» A&A, 1998.

[6] S. B. R. P. B. T. H. a. B. S. J. Xu, «Small Main-Belt Asteroid Spectroscopic Survey: Initial Results.,» Icarus, 1995.

[7] F. Vilas, S. M. Larson, E. C. Hatch y K. S. Jarvis, «CCD Reflefctance Spectra of Selected Asteroids.

II. Low-Albedo Asteroid Spectra and Data Extraction Techniques,» de Icarus, ElServier, 1993, pp. 67-78.

[8] F. Vilas, K. S. Jarvis y M. J. Gaffey, «Iron Alteratiojn Minerals in the Visible and Near-Infrared Spectra of Low-Albeldo Asteroids,» de Icarus, ElSevier, 1994, pp. 274-283.

(2019) Ciencies 9

/89/

Una güeyada al avieyamientu asturianu dende la Sanidá: problemes socioeconómicos, nueves teunoloxíes y considerances étiques Por Manuel-Germán García Benito Graduáu n’Enfermería m.uvieu.asturies@gmail.com

/90/

Ciencies 9 (2019)

Semeya: Pixabay

(2019) Ciencies 9

/91/

/ Una güeyada al avieyamientu asturianu dende la Sanidá: problemes socioeconómicos, nueves teunoloxíes y considerances étiques

L

a estaya económica asturiana vien menguando dende los años 80 col entamu de la reconversión industrial. Asina, la perda del nuesu texíu empresarial ya industrial dio nunes cifres de desemplegu perelevaes. El cambéu de ciclu económicu asocedíu n’Asturies nos años 90 del sieglu pasáu y principios d’esti sieglu concretóse nuna meyora de les cifres del paru y una xuba de l’actividá, sobre manera nos servicios (hostelería, pequeñu comerciu, turismu, ente otros) cifres que se reduxeron cola crisis del 2008 y que persisten güei. Les tresformaciones económiques nun produxeron cambeos llamaderos no qu’a estructura demográfica se refier. La dómina d’espansión nun vieno apareyada d’una medría nel númberu de nacimientos nin tampoco nun llegaron a Asturies continxentes de población estranxero significativos; Asturies foi nestos años, xunto a Estremadura, l’autonomía cola tasa d’inmigrantes más baxa de tol Estáu. Al panorama demográficu axúntase la escasa inversión n’I+D+I que s’atopa nos presupuestos autonómicos de tol periodu. Les llamaes d’atención de munchos investigadores pola escasa cantidá de dineru, al igual que la discontinuidá de munchos de los sos programes tanto formativos como d’investigación, fixeron que dellos profesionales escoyeren colar d’Asturies en cata d’ufiertes de trabayu acordies coles sos espeutatives.

La hipótesis de la que parte esti trabayu ye qu’Asturies nun ta preparada p’afrontar por sigo mesma’l procesu d’avieyamientu de la so xente.

Asturies nun cuenta güei colos medios económicos afayadizos pa facer frente a esto de mou amañosu. Per otru llau, el grau de desendolcu teunolóxicu asturianu nun fai posible entá baxar los costos de mou suficiente p’atender a una población cada vegada más vieyo.

/92/

Ciencies 9 (2019)

La hipótesis de la que parte esti trabayu ye qu’Asturies nun ta preparada p’afrontar por sigo mesma’l procesu d’avieyamientu de la so xente. Nun cuenta güei colos medios económicos afayadizos pa facer frente a esto de mou amañosu.

Per otru llau, el grau de desendolcu teunolóxicu asturianu tampoco nun fai posible entá baxar los costos de mou suficiente p’atender a una población cada vegada más vieyo

Asina, esti artículu tien como oxetivu fundamental l’estudiu del avieyamientu n’Asturies centrándose no que vien darréu: • Analizar el papel de les nueves teunoloxíes nel procesu d’avieyamientu.

• Falar de mou curtiu al rodiu de los problemes éticos que plantega l’usu de estes ferramientes.

• Atopar exemplos n’otres partes del mundu que puedan asemeyase a Asturies.

• Estudiar el grau de desendolcu nel que s’alcuentren estes teunoloxíes na nuesa comunidá.

• Valorar de mou críticu los desafíos y oportunidaes qu’ufiertarán les nueves teunoloxíes nel campu de les ciencies de la salú en xeneral nos años vinientes.

PROBLEMES SOCIOECONÓMICOS La pirámide de población que se ve na Figura 1 reflexa de mou ilustrativu cuála ye la situación demográfica d’Asturies. Les cifres son del añu 2014 pero, grosso modo, seríen cuasi les mesmes qu’anguaño. Como pue vese, los mayores continxentes de población tán nes edaes asitiaes penriba de 40-45 años, lo que se traduz en qu’a partir del añu 2025-2030 esti volume de xente tará cobrando la so pensión.

La parte baxera de la pirámide ye mui pequeña, lo que quier dicir que se ta lloñe del reemplazu xeneracional de 2,1 fíos por muyer. Sicasí, nun s’estremen nesta figura les cifres de neños nacíos de madre estranxera, porque esti datu nun yera significativu entós yá que’l númberu total

ARRIBA IZQUIERDA Figura 1. Pirámide de población. Fonte: sadEi ARRIBA DERECHA Figura 2. Previsiones d’avieyamientu n’Asturies.

Fonte: sadEi. Ellaboración propia.

d’estranxeros n’Asturies tampoco nun lo foi estadísticamente y cola llegada de la crisis munchos d’ellos tornaron a los sos países d’orixe.

Les consecuencies d’esta situación son perconocíes: falta de dineru pal caltenimientu del sistema públicu de pensiones y del sistema sanitariu autonómicu. La solidaridá territorial del conxuntu d’España fai posible al traviés de la caxa única de la Seguranza Social y de los fondos de suficiencia global y de garantía de servicios públicos fundamentales que la calidá de les prestaciones seya asemeyada en tol Estáu.

La Figura 2 pon delles cifres al procesu d’avieyamientu. Tal que s’amuesa, la mayoría de los continxentes de población medrarán nos

años asitiaos ente 2016 y 2030. Facer previsiones ye siempre arriesgao, aunque nesti casu’l plazu nun ye mui alloñáu polo qu’abulten creyibles.

Amás del avieyamientu de la población, nun hai qu’escaecer la xuba na esperanza de vida que n’Asturies, sobre manera ente les muyeres, ye de les más altes del mundu. Anguaño, Asturies

(2019) Ciencies 9

/93/

/ Una güeyada al avieyamientu asturianu dende la Sanidá: problemes socioeconómicos, nueves teunoloxíes y considerances étiques

ARRIBA SUPERIOR Figura 3. La inversión estatal n’Asturies.

Fonte: Presupuestos del Principáu d’Asturies.

Ellaboración propia.

ARRIBA INFERIOR Figura 4. Evolución presupuestaria de Fasad.

Fonte: Presupuestos del Principáu d’Asturies.

Ellaboración propia.

ye cabezalera nel avieyamientu nel Estáu: n’Asturies hai 214 mayores de 60 años por cada 100 menores de 161. Estes cifres compleméntense n’otres dos bien llamaderes: 249.988 asturianos tán per enriba de los 65 años y 88.196 tienen más de 80 años. N’otres pallabres, Asturies tien güei la previsión d’avieyamientu que la Xunión Europea prevé pa tol continente nel añu 20602.

Otru puntu que hai que tener en cuenta ye l’espardimientu de la población asturiana y de la so dinámica nel conxuntu del territoriu. Asturies estrémase en dos faces mui clares: l’Área Metropolitana d’Asturies o Ciudá Astur y les fasteres oriental y occidental. Esta xebradura tamién se nota na demografía. La población de les ales ta más avieyao y espardío que nel centru, pero esti modelu pue camudar por mor del avieyamientu creciente y la natalidá concentrada nel centru urbanu, polo que dará n’insostenible nel plazu de 20 años si too continúa asina.

P’acabar, convién solliñar les dificultaes que tien estudiar esti fenómenu. Asturies ye un país diversu polo que nin los estudios nin les polítiques públiques puen desendolcase del mesmu mou en

1. https://www.europapress.es/asturias/noticia-asturiastiene-214-personas-mayores-64-anos-cada-100-menores-16-20180718125629.html 2. https://www.lne.es/asturias/2016/02/10/asturiasroza-envejecimiento-ue-preve/1880700.html

/94/

Ciencies 9 (2019)

tol territorio y asina los estudios fechos a nivel de conceyu son los más averaos a la realidá 3.

La Figura 3 recueye la inversión de dellos organismos nacionales nel Principáu d’Asturies.

Nesti sen, pue comprobase que les distintes barres tienen un comportamientu apareyáu a la estaya macroeconómica del país. La cantidá de dineru nos primeros años yera elevada darréu que’l contestu facía que fore posible. Apocayá, nel 2009, les partíes presupuestaries estatales dirixíes a la Dependencia asturiana empecipiaron a baxar. Los exercicios de 2013 y 2014 foron los más baxos y dende entós les cifres volvieron algamar cantidaes mayores.

Un datu que nun convién escaecer ye que la diversidá d’organismos implicaos na Dependencia, delles vegaes amestaos, pon de relieve que nun taba mui claro qué ministeriu o departamentu alministrativu diba a ocupase del tema.

La Figura 4 amuesa un comportamientu económicu estremáu del vistu enantes pal conxuntu d’España. Equí les cantidaes de dineru garren puxu a lo llargo de los años, anque’l ritmu ye mayor dende l’añu 2011. Esti fechu convién solliñalu yá qu’amuesa’l compromisu del gobiernu asturianu cola realidá. Con tolos problemes que taben asocediendo n’Asturies daquella, (paru, perda de puestos de trabayu, pieslle d’empreses, ente otros) l’executivu autonómicu nun-y quedó más remediu que xubir la cuantía de dineru dirixida a la Dependencia, anque fore pal funcionamientu de los servicios más básicos.

Sicasí, esta Figura 4 amuesa una peculiaridá: Asturies vivió, falando alministrativamente, una dómina d’inestabilidá que se ve reflexada nel gráficu. Nel mes de mayu de 2011, Foro 3. https://www.elcomercio.es/asturias/201410/02/ envejecimiento-natalidad-concentrada-ciudades-2014100 2145203.html

Asturies algamó la presidencia del Principáu, pero l’ausencia de sofitos colos qu’aprobar los presupuestos fixo que la formación d’ÁlvarezCascos entamase nueves eleiciones pa marzu de 2012. El resultáu quedó perasemeyáu ente derecha y esquierda, polo que’l diputáu rexonal d’upyd decidió sofitar al bloque formáu pol PSOE ya Izquierda Xunida. Esto nun supunxo estabilidá pal executivu autonómicu: como recueyen los datos, nos años 2014 y 2016 prorrogáronse los presupuestos.

No que cinca a la llexislación, la proteición a los mayores apaez recoyida nel artículu 50 de la Constitución española y concrétase nel art.

15 de la Llei estatal 39/2006, de Fomentu de l’Autonomía Personal y Atención a las Persones en Situación de Dependencia, nel art. 10 del Estatutu d’Autonomía y otres normes asturianes como la Llei 1/2003, de Servicios Sociales, los Decretos 108/2005, 68/2007 y el 144/2010, o la Resolución de 30 de xunu del 2015 NUEVES TEUNOLOXÍES Les nueves teunoloxíes suponen una oportunidá amañosa pal caltenimientu de los nuesos sistemes de prestaciones y pensiones. El desendolcu teunolóxicu fai posible una Xuba de la productividá y eficiencia baxando asina los costos, atopando nueves víes de financiamientu y medrando la cantidá de xente que pue disfrutar de meyores tratamientos y servicios. Sicasí, la estensión d’un articulu d’estes carauterístiques obliga a destacar namás daquellos aspeutos perimportantes y centrarémonos asina nel sistema toyotista nel ámbitu sanitariu, la lóxica difusa y les sos aplicaciones, el hard&soft computing, la imprentación 3D y les nueves téuniques quirúrxiques (ciruxía 4.0).

(2019) Ciencies 9

/95/

/ Una güeyada al avieyamientu asturianu dende la Sanidá: problemes socioeconómicos, nueves teunoloxíes y considerances étiques

Les nueves teunoloxíes suponen una oportunidá amañosa pal caltenimientu de los nuesos sistemes de prestaciones y pensiones. El desendolcu teunolóxicu fai posible una xuba de la productividá y la eficiencia, baxando asina los costos, atopando nueves víes de financiamientu y medrando la cantidá de xente que pue disfrutar de meyores tratamientos y servicios

Sistema toyotista El sistema de producción toyotista sustituyó al vieyu modelu fordista de primeres na industria del automóvil, especialmente no que cinca a la cadena de montaxe. Esti nuevu paradigma tien como referente’l preceutu anglosaxón just in time evitando asina perdas de tiempu innecesaries. Otres ventayes que podemos destacar son: • Cambeos siguíos de trabayadores dándoyos dellos roles y flexibilidá.

• Promover el trabayu n’equipu, favoreciendo’l deprendizaxe autónomu y deprendiendo de los demás.

• Baxa del preciu del productu gracies al aforru nel procesu de fabricación.

La ventaya principal d’esti sistema tocántenes a la sanidá ye qu’esti mou de producción entama a producir col productu yá mercáu, refugando asina perdes en gastos d’almacenaxe.

Esti aspeutu tamién evita demores innecesaries (burocracia, equivocaciones, averíes nos equipos, etc.)4 tan importantes nun llugar con llistes 4. https://definicion.de/toyotismo/

/96/

Ciencies 9 (2019)

d’espera elevaes. D’esta miente, les intervenciones podríen abaratase y facese de manera más cenciella especialmente en dellos servicios como traumatoloxía o tresplantes, baxando d’esti mou, los sos costes de producción y los tratamientos. El desendolcu de les enfermedaes, normalmente, requier tratamientos más agresivos, colo que s’encarecen col pasu’l tiempu y amás pue nun ser soportable pol enfermu, rebaxando asina les sos probabilidaes d’éxitu.

Lóxica difusa El cuerpu humanu ye un conxuntu de muérganos y sistemes percomplicáu: llocomotor, respiratoriu, visual, mental, dixestivu, inmunitariu, ente otros. Caún d’ellos tien el so funcionamientu y la so complexidá intrínseca y asina falar de certeces dende una visión global en temes

como tratamientos o enfermedaes ye güei más un suañu qu’una realidá. Anguaño, tán desendolcándose melecines que tienen el nanómetru como patrón de referencia. Esta unidá de midida sigue’l patrón del adn colo que pue ufiertase tratamientos más axustaos a la diversidá de caún.

Nesti sen, la lóxica difusa ye’l gran avance nesti campu. Esta pue entendese, a diferencia de la lóxica formal, clásica o determinista como una lóxica multivaluada que fai posible representar matemáticamente la incertidume y la vaguedá ufiertando ferramientes formales pal so tratamientu. N’otres pallabres, un problema clásicu pue solucionase axuntando les variables d’entrada hasta algamar un valor afayadizu de salida. La lóxica difusa dexa establecer esti mapéu d’un mou amañosu atendiendo a criterios de significáu y non de precisión, regulando

l’antiguu conceutu binariu sí/non: 1 o 0.

Esti modelu teóricu tien delles ventayes respeuto del tradicional como pue ser l’automatización de les xeres, evitando l’usu de mano d’obra y trabayadores en dellos puestos y, per otru llau, estos sistemes son cenciellos de diseñar, modificar y caltener. Sicasí, l’aspeutu positivu cimeru ye qu’esti mou de trabayu dexa diseñar soluciones d’alta calidá qu’eviten les patentes existentes n’otros sistemes de control5.

Esti puntu ye capital. Les patentes encarecen toles estayes del procesu sanitariu y amás ye un círculu viciosu. Los proyeutos d’investigación son percaros polo que les compañíes esixen a los gobiernos tiempos llargos d’usu esclusivu con los que cubrir los gastos. Normalmente estos productos céntrense naquelles enfermedaes más rentables, escaeciendo a les persones más probes o que carecen d’enfermedaes rares. La lóxica difusa fadría posible que los desendolcos científicos, teunolóxicos y sanitarios algamaren a toles estayes de la sociedá.

Hard&soft computing El primer módulu informáticu pensáu pa desendolcar programes rellacionaos coles ciencies de la salú foi’l hard computing. Esti ye un paradigma que necesita d’un modelu analíticu precisu, produz un resultáu garantizáu, determinísticu, y define aiciones de control marcaes faciendo usu d’un modelu o algoritmu matemáticu. La so base ye la lóxica binaria y perclara que requier los datos d’entrada esautos de mou secuencial.

Pelo contrario, nun ye pa iguar problemes del mundu real, imprecisu, nel que la información camuda de contino6.

5. http://www.esi.uclm.es/www/cglez/downloads/docencia/2011_Softcomputing/LogicaDifusa.pdf 6. https://pc-solucion.es/2018/12/28/hard-computing/

(2019) Ciencies 9

/97/

/ Una güeyada al avieyamientu asturianu dende la Sanidá: problemes socioeconómicos, nueves teunoloxíes y considerances étiques

/98/

El soft computing enllaza colo dicho primero pa la lóxica difusa. Carauterízase por7: • Tolerancia a la imprecisión, a la incerteza, verdá parcial y averamientu. El so modelu ye la mente humana.

• Ta basáu na lóxica difusa, nes redes neuronales y el razonamientu probabilísticu.

• La tolerancia y la imprecisión son aprovechaes p’algamar tratabilidá nos datos, rebaxa de costos, máquines con eleváu cociente d’intelixencia y aforru comunicativu.

• Capacidá pa desendolcar los sos propios programes.

• Incorporar estocasticidá.

• Pue trabayar con datos ambiguos ya imprecisos (tamién nomaos na xíriga informática «ruidosos»).

• Dexa siguir cálculos paralelos.

• Pue funcionar de mou operativu con respuestes paraleles.

El principal usu del soft computing na sanidá ye l’análisis intelixente de los datos, incluyíos los big data. Los trabayadores sanitarios de cualesquier grau puen compartir tola información de salú nel rodiu del paciente a lo llargo de la cadena de cuidaos. Tamién ye afayadizo pa la xestión sanitaria, facilita la tresparencia y la comparanza empequeñeciendo la variabilidá na práutica asistencial, ameyorando la calidá y la seguridá n’atención y dexando asina a los reguladores, les compañíes de seguros y los consumidores de servicios establecer contratos y precios más afayadizos. Na estaya analítica tamién ye una oportunidá perbona, pa la investigación de nuevos tratamientos, servicios y productos, qu’algamen la promesa d’una medicina personalizada y predictiva. En tolos casos, el paciente

Imprentación 3D Les aplicaciones de la imprentación 3d nes ciencies de la salú tán focalizaes güei nel ámbitu de los tresplantes tanto d’órganos comu de texíos.

La bioimprentación pue entendese como una alternativa acionada a los tresplantes tradicionales especialmente nuna dómina carauterizada pol avieyamientu de la población y l’insuficiente númberu de donantes, tanto vivos como muertos, pa cubrir les necesidaes del sistema. Elena Garreta, investigadora del Institutu de Bioinxeniería de Catalunya ponía l’exemplu d’un reñón: «El procesu consistiría en, o bien utilizar célules madre pluripotentes capaces d’actuar como proxenitores o crear un minimuérganu que reproduz les funciones d’un reñón sanu, o bien imprimir el muérganu en 3d ».

Les imprentadores 3d de texíos funcionales, n’opinión d’esta investigadora podríen reproducir el muérganu a tamañu real, gracies a l’ayuda de diseñadores gráficos, utilizando como tinta les célules de reñones que, pese a tar sanos, nun son afayadizos pal tresplante.

Josep Samitier, direutor del mesmu institutu, amosó que’l tresplante cada vegada sedrá menos viable porque los muérganos sanos pal tresplante estráense de mozos que morrieron, normalmente, n’accidentes de tránsitu y, gracies a les campañes de prevención, cada vegada ye

7. https://rgpv8thsem.wordpress.com/2011/04/20/hardcomputing-vs-soft-computing/

8. http://informatica.blogs.uoc.edu/2017/07/03/uso-inteligente-de-datos-en-sanidad/

Ciencies 9 (2019)

tien accesu de mou amañosu a los sos datos ya información8, calteniendo siempre la so titularidá y los sos derechos, tal como s’amuesa na Llei 41/2002, de 14 de payares, básica reguladora de l’autonomía del paciente y de derechos y obligaciones en materia d’información y documentación clínica.

menos frecuente cuntar con un donante d’estes carauterístiques9.

Estos nuevos ensayos de muérganos creaos al traviés d’imprentadores 3d (reñones, corazones, pulmones y fégados) tovía tán na fas d’esperimentación en rates y royedores en xeneral. El postrer pasu ye n’animales más grandes, estaya previa a los humanos. Dende entós, fadrán falta tovía 4 o 5 años pa ponelos en práutica n’humanos10. Nel añu 2017 espublizóse un trabayu d’un grupu d’investigadores del centru ETH (Escuela Politéunica Federal, poles sos sigles n’alemán) de Zúrich nel que presentaben el primer prototipu de corazón humanu. Tenía la mesma fisioloxía d’ún «normal» magar que llatía namás 3.000 vegaes, una media hora11.

La imprentación 3d tamién s’usa como encontu pa dellos tratamientos, por exemplu nel cáncer de piel. L’Hospital del Mar (Barcelona) ye’l primer centru español n’utilizar la plesioterapia.

Manuel Algara, Xefe del serviciu d’Oncoloxía Radioterápica esplícalu asina: «Trátase d’un tratamientu de radioterapia totalmente innovador qu’avera muncho la fonte radioactiva a la piel del enfermu. Pa ello, ye necesario la creación d’un moldu, al traviés d’una imprentadora 3d, que ye’l que fai que la fonte radioactiva pueda incidir direutamente nel tumor, algamando una efeutividá muncho mayor»12.

9.http://imprimalia3d.com/noticias/2017/11/10/009440/ bioimpresi-n-3d-alternativa-escasez-rganos-trasplantes 10.https://www.abc.es/sociedad/abci-organos-fabricados-impresoras-y-otros-ejemplos-medicina-regenerativa-201604262210_noticia.html 11. https://www.redaccionmedica.com/secciones/cardiologia/el-primer-corazon-impreso-en-3d-dura-3-000-latidos-5148 12.https://www.redaccionmedica.com/secciones/oncologia-medica/-el-hospital-del-mar-pionero-en-espana-entratar-el-cancer-de-piel-con-3d--2205

Nueves téuniques quirúrxiques L’avieyamientu de la sociedá vendrá apareyáu d’una xuba nes intervenciones quirúrxiques elevando’l costu d’estes. Nesti sen, faise necesario’l desendolcu de nueves téuniques ya instalaciones que fagan posible un usu racionalizáu del sistema sanitariu al igual que de los sos recursos. Esta ye la nomada como ciruxía 4.013.

El nuevu modelu quirúrxicu utiliza’l paciente como una fonte cuasi infinita de datos que se rexistren, almacenen y procesen. Na ciruxía 4.0 el profesional restola, diseca, corta, y texe datos en cuenta de texíos: los datos xeneraos puen servir pa midir y cuantificar, al empar que pa rediseñar y modelar los dispositivos emplegaos y el mou nel que facemos les operaciones.

Estos cambeos traxeron dellos nuevos moos de deprendizaxe, especialmente en contestos virtuales. Un bon exemplu d’esto ye ais Channel (Advances in Surgery). Güei, la estaya líder mundial n’educación quirúrgica tien una inxente cantidá d’información de llibre accesu, lo que fai posible l’entamu de congresos, alderiques y charres.

Esta plataforma facilitó’l desendolcu de la realidá virtual aplicada a la medicina, tresformándose nuna ferramienta amañosa en dellos aspeutos profesionales, como por exemplu la familiarización col quirófanu, simulación d’una intervención y suma de tou tipu de variables (dificultá, carauterístiques d’un paciente concretu, d’entre otres).

Otru cámbeu perimportante ta n’otres partes del procesu d’enseñu-deprendizaxe, como la telementorización. D’esti mou, el ciruxanu espertu pue enseñar y tutorizar delles 13. Antonio de Lacy (2019).- Cirugía 4.0 La revolución digital a través de la experiencia de un cirujano. National Geographic, xineru 2019, páxs. 26-41.

(2019) Ciencies 9

/99/

/ Una güeyada al avieyamientu asturianu dende la Sanidá: problemes socioeconómicos, nueves teunoloxíes y considerances étiques

El quirófanu Optimus ye quiciabes el meyor exemplu del nuevu tipo de ciruxía.

Ye una instalación robotizada y dixital, qu’axunta teunoloxíes tan novedoses como’l big data o la illuminación intelixente. El desendolcu teunolóxicu favorez un amenorgamientu del númberu d’infeiciones quirúrxiques, una meyor eficiencia asistencial, baxa de los costos quirúrxicos y meyorar nel rindimientu diariu del equipamientu, allargando asina la vida útil de tolos componentes

intervenciones en tiempu real, al traviés de señes verbales o recursos gráficos (pantalles) tamién pue monitorizase y acompañar movimientos pa completar el procedimientu con ésitu.

D’igual miente, tamién foron bien importantes los avances nel campu de les comunicaciones y l’intercambéu d’información, gracies al desendolcu de la teunoloxía 5g y l’anchu banda 46 Gb, evitándose agora mesmo problemes n’interpretación de los datos y confusiones.

Finalmente, la intelixencia artificial facilitará la toma de determinos enantes y na propia intervención quirúrxica, faciéndola más afayadiza y segura, permitiendo al ciruxanu la interpretación d’aspeutos de tipu funcional que nun son valorables a simple güeyada pol profesional.

El quirófanu Optimus del Hospital Clínic de Barcelona ye quiciabes el meyor exemplu d’esti nuevu tipo de ciruxía. Ye una instalación robotizada y dixital, qu’axunta teunoloxíes tan novedoses como’l big data o la illuminación intelixente, faciendo d’él ún de los quirófanos punteros del mundu. Esti desendolcu teunolóxicu favorez una mengua del númberu d’infeiciones quirúrxiques, una meyor eficiencia asistencial, baxa de los costos quirúrxicos y meyor rindimientu diariu del equipamientu, allargando asina la vida útil

/100/

Ciencies 9 (2019)

esti modelu son: big data, l’internet de les coses, la intelixencia artificial y la robótica. El plan ta integráu na reforma fiscal y económica fecha pol gobiernu nipón. La inversión proyeutada pal futuru ye indiciu de la so centralidá na política económica ya industrial del país.

Esti proyeutu quier facer frente a la realidá presente y futura del avieyamientu xaponés. Les principales previsiones remanaes pol gobiernu xapones son clares:

• Nel añu 2065, les persones con 65 años o más sedrán un 38,4% de la población del país.

• El gastu médicu xaponés medrará de 41,3 billones de yenes (2016) a 57,8 nel 2025.

• Les llinies maestres d’esti plan concrétense nos puntos que vienen darréu: • Converxencia ente l’espaciu físicu y el ciberespaciu.

• Vida superintelixente.

• L’internet de les coses.

de tolos componentes. Nel Optimus yá ye posible rexistrar, en formatu audiovisual y dende tolos ángulos posibles, tolo qu’acontez nuna intervención, favoreciendo la telementorización y l’intercambéu d’información en tiempu real con cualesquier profesional ya institución.

L’EXEMPLU XAPONÉS Xapón ye güei’l país más avieyáu del mundu y cola mayor esperanza de vida, polo que’l restu de países occidentales que, d’un mou o otru siguirán el mesmu camín, tán garrándolu como espeyu. Les dificultaes a les que s’enfrenta la sociedá nipona son: despoblamientu, estancamientu de la productividá, gastu social eleváu y falta de reemplazu xeneracional, principalmente. Tou esti conxuntu de problemes ye conocíu polos espertos como «enfermedá xaponesa»14.

El gobiernu xaponés asoleyó nel añu 2016 el Quintu Plan Básicu de Ciencia y Teunoloxía tamién nomáu la sociedá 5.0 o sociedá superintelixente15. Los pegollos nos que s’afita 14. Hisakazu Katao (2019).- ¿Sobrevivirá Japón con una sociedad despoblada y envejecida?. La Vanguardia dossier, Xineru/Marzu 2019, páx. 51-55.

15. Mateja Kovacic (2019).- Sociedad 5.0 la sociedad japonesa superinteligente como modelo global. La Vanguardia dossier, Xineru/Marzu 2019, páx. 56-61.

(2019) Ciencies 9

/101/

/ Una güeyada al avieyamientu asturianu dende la Sanidá: problemes socioeconómicos, nueves teunoloxíes y considerances étiques

Xapón ye güei’l país más avieyáu del mundu y cola mayor esperanza de vida. Les dificultaes a les que s’enfrenta la sociedá nipona son despoblamientu, estancamientu de la productividá, gastu social eleváu y falta de reemplazu xeneracional, principalmente. Tou esti conxuntu de problemes ye conocíu polos espertos como «enfermedá xaponesa». Nel añu 2065, les persones con 65 años o más sedrán un 38,4% de la población del país. El gastu médicu xaponés medrará de 41,3 billones de yenes (2016) a 57,8 nel 2025.

Güei la sanidá asturiana tamién representa un porcentax perimportante del presupuestu autonómicu: Represento’l 39% del presupuestu nel añu 2018 y somos, nesti añu 2019, la comunidá autonóma con mayor gastu per cápita en sanidá, concretamente, 1.717, 49 €. Si les perspeutives d’avieyamientu de la sociedá asturiana s’asemeyen a les indicaes nesti artículu, ¿pue caltenese el sistema de güei per munchu tiempu?

Asturies ye cabezalera nel avieyamientu nel Estáu: hai 214 mayores de 60 años por cada 100 menores de 16. Estes cifres compleméntense n’otres dos bien llamaderes: 249.988 asturianos tán per enriba de los 65 años y 88.196 tienen más de 80. N’otres pallabres, Asturies tien güei la previsión d’avieyamientu que la Xunión Europea prevé pa tol continente nel añu 2060 Los aspeutos sociosanitarios venceyaos a esta estratexa socioeconómica son perimportantes pa entender los cambeos qu’asocederán nel futuru más próximu. Asina la información y los datos médicos compartiránse ente dellos hospitales y empreses de servicios sanitarios, mientres que la teleasistencia, la intelixencia artificial y la robótica garantizarán que les persones puedan vivir de mou independiente nes sos

/102/

Ciencies 9 (2019)

cases y siguir al empar coneutaos col mundu.

Los robós encargaránse de la vivienda, del estáu de la salú de les sos habitantes, fadrán compañía y sedrán acionaos pa mercar comida, alministrar agua, lluz, gas, asistencia sanitaria, ente otres munches aplicaciones.

El so aspeutu esterior camudará muncho averándose cada vegada más a los humanos y amás tarán coneutaos al esterior gracies al internet de les coses y al big data, mientres que la intelixencia artificial dará l’autonomía afayadiza pa executar les sos xeres ensin ayuda humana.

DELLES CONSIDERANCES ÉTIQUES En llegando a esti puntu tendríemos que nos facer delles entrugues qu’abarquen dalgunos aspeutos éticos. A primer vista puen atalantase como cuestiones secundaries, pero que cualesquier sanitariu alcontraría como fundamentales. ¿Ónde queda’l factor humanu? ¿La sociedá teunolóxica de güei ye la más afayadiza pa nós?

La respuesta a estes entrugues pue dánosla la fras del conocíu poeta asturianu Ramón de Campoamor: «nada hay verdad ni mentira: / todo es según el color / del cristal con que se mira». Les nueves teunoloxíes nun son nin bones nin males per se sinón que too depende del usu que se faga d’elles. A tol mundu diba presta-y un tratu personalizáu y cercanu dende los profesionales de les ciencies de la salú, onde’l paciente pueda sentise escucháu y les sos demandes atendíes de mou amañosu. El problema ye que güei la sanidá asturiana representa un porcentaxe perimportante del presupuestu autonómicu. Dos cifres falen por elles mesmes: la sanidá asturiana represento’l 39% del presupuestu asturianu nel añu 201816, y, per otru 16. https://www.asturias.es/portal/site/webasturias/ menuitem.6282925f26d862bcbc2b3510f2300030/?

llau Asturies ye nesti añu 2019 la comunidá autonóma con mayor gastu per cápita en sanidá, concretamente, 1.717,49 €17. Si les perspeutives d’avieyamientu de la sociedá asturiana s’asemeyen a les indicaes arriba, ¿pue caltenese el sistema de güei per munchu tiempu? La respuesta ta perclara: non. Los costos elevaríense enforma, llegando a un puntu ensin retornu y faciendo difícil la torna del sistema.

Per otru llau, la sanidá asturiana caltiénse gracies a les aportaciones de les autonomíes más desendolcaes del Estáu, pero de xuru esti mou

Vgne xtoid=5b923c4948787610VgnVCM1000009703 0a0aRCRD&vgnextchannel=441502a263b6e210VgnV CM1000002f030003RCRD&i18n.http.lang=de 17. https://www.elcomercio.es/asturias/asturias-gastosanidad-20190104142412-nt.html

de financiamientu camudará nos años venideros. Too amuesa que’l dineru d’estos territorios dirá únicamente destinao a un fondu que faga posible’l caltenimientu de dellos de los servicios más básicos.

L’automatización de dellos sectores productivos amenacen cola destrucción de munchos puestos de trabayu y, nesti sen, la sanidá podría siguir el camín percorríu per otres rames económiques como l’automóvil, la siderurxa, la naval, ente otres. A vegaes, siempre surden más emplegos que los que se pierden. Esti procesu describiólu l’economista austriacu Joseph Schumpeter nomándolu «destruición creativa».

Les tresformaciones próximes planteguen dellos desafíos, sobre manera al rodiu de la formación de los trabayadores. Munches vegaes

(2019) Ciencies 9

/103/

/ Una güeyada al avieyamientu asturianu dende la Sanidá: problemes socioeconómicos, nueves teunoloxíes y considerances étiques

los planes d’estudiu de les universidaes queden obsoletos al poco d’empecipiase. Los estudiantes salen d’elles con unes conocencies qu’en dellos casos tán bien lloñe de les necesidades del mercáu llaboral. Esti mesmu problema tiénenlu los trabayadores n’activo. Les empreses nun desendolquen programes d’actualización, xeneralmente pol so tamañu: la mayoría d’elles son microempreses y poro, cada vegada sedrá más necesario axuntar fuercies ente empreses pa entamar dellos proyeutos averaos al sector teunolóxicu, amás d’otros aspeutos como la enseñanza d’idiomes o’l desendolcu de nueves estratexes productives. Seya como fore, l’automatización de dellos procesos llegó pa quedar y la sociedá tendrá que s’adautar a esta.

ASTURIES: LLUZ Y SOLOMBRA NEL FUTURU L’aplicación de les nueves teunoloxíes n’Asturies nun ye tovía lo bastante grande como ferramienta amañosa pa tratar el problema del avieyamientu, polo que queda confirmar la hipótesis cola que s’iniciaba esti estudiu. El númberu d’empreses dedicaes a esta xera ye escasu. Sicasí, puen alcontrase delles esperiencies que señalen la direición que s’entamará nos años vinientes. El númberu d’empreses dedicaes a

/104/

Ciencies 9 (2019)

la imprentación 3d ye mayor agora qu’hai años polo que ye probable que dalgunes d’elles puedan trabayar o especializase nestos campos, pero pa eso necesítense grandes empreses, casu de Prodintec o Triditive entrambes dos asitiaes en Xixón. Agora mesmo, nel Institutu Oftalmolóxicu Fernández-Vega d’Uviéu ta trabayándose nel Proyeutu Humaninks: el so oxetivu fundamental ye, como se pue ver na so páxina web, la investigación y desendolcu de texíos corneales al traviés de la imprentación 3d dende biotintes d’orixe humanu18.

La lóxica difusa, asina como’l soft computing tuvieron una dómina bona n’Asturies col centru asitiáu nel campus de Barreo (Mieres del Camín), pero esta instalación peslló nel añu 2015. El centru sumaba una delda añal d’un millón d’euros, consumiendo asina’l so propiu dineru, amás la salida de l’antigua Caxastur del patronatu fixo insostenible’l so caltenimientu; pesllaba asina un centru qu’entamó’l so camín nel 2006 con una aportación inicial de 12 millones d’euros (6 de fondos mineros y 6 de Cajastur). El gobiernu asturianu punxo 1.810.000 € nel periodu comprendíu ente los años 2006 al 2015.

18. https://www.fernandez-vega.com/articles/5791-proyecto-humaninks

CONCLUSIONES La sociedá asturiana camina escontra l’avieyamientu d’un mou perrápidu polo que se fai necesario estudiar el fenómenu d’una manera global. Munches vegaes, sobre manera dende los medios de comunicación, trátase’l tema namái que plantegándolu, ensin recoyer munches de les midíes que tán desendolcándose dende dellos ámbitos.

La llexislación tanto estatal como autonómica, dando la importancia que merez tanto l’aprobación de la Llei de la Dependencia como al so desendolcu autonómicu y presupuestariu ponen de relieve que tovía queda muncho por facer.

Les nueves teunoloxíes, nes variantes más estremaes constitúin exemplos d’alternatives, teniendo presentes dos oxetivos: l’abaratamientu de los costos, especialmente tocántenes a l’asistencia sanitaria, y el caltenimientu de un bon sistema sanitariu caltenible económicamente al algame de la mayor parte de la población. Esti ye, ensin dulda, un fechu perimportante, como elementu redistribuidor de la riqueza a toles estayes de la sociedá y como seña d’equidá y xusticia social.

L’asistencia sanitaria cada vegada sedrá más cara polo que namái les alministraciones públiques podrán garantizar un accesu a la mesma en con-

diciones d’igualdá, al marxe de cualesquier otru condicionante social o económicu.

Como yá se dixo enantes, la investigación confirma la hipótesis d’iniciu. Asturies nun desendolcó una estratexa pa enfrentase amañosamente a esti problema. Sicasí l’avieyamientu ye un tema complicáu, polo que naide habría esperar atopar una respuesta cenciella.

L’alternativa más favoratible ye l’incrementu de la productividá al traviés de la innovación teunolóxica. Una xuba del gastu n’I+D+I tornaríase de xuru nunes mayores cotes de productividá y competitividá. Estes permitiríen algamar unes cifres de recaudación fiscal más curioses, colo que podríen ameyorase los servicios y prestaciones que güei esfruten los mayores asturianos.

Equí tamién se plantega la siguiente entruga ¿pue una autonomía d’esti tamañu, desendolcar dellos programes d’I+D+I tan ambiciosos comu pa cubrir toos estos gastos? Güei abulta complicao por mor del tamañu y el volume de la mayor parte de les empreses asturianes.

Como pue vese l’avieyamientu amuésase como un tema con delles aristes, pero que requier de les aportaciones de tola sociedá p’algamar una solución xusta que dexe a los mayores d’Asturies vivir d’un mou dignu. .

(2019) Ciencies 9

/105/

/106/

Ciencies 9 (2019)