Ciencies 7 by Academia de la Llingua Asturiana

Cartafueyos Asturianos de Ciencia y Teunoloxía Payares 2017 // Númberu 7

Plantes invasores /// /// ///

NEUTRINOS /// CACHIPARRES D’ASTURIES /// TRESTORNOS DEL SUEÑU ///

(2016) Ciencies 6

/1/

REDAICIÓN Conseyu de redaición

SUMARIU 4/

Presidenta: Ana María Cano González Direutor: Carlos Lastra López Secretariu Téunicu: Héctor García Gil

Miembru d’egads, Super Kamiokande, t2k Hyper Kamiokande, t2hk Departamentu de Física Teórica Universidá Autónoma de Madrid

Comité d’espublización Mario Díaz Fernández Santiago García-Granda Xabiel García Pañeda Eva García Vázquez Juan José Lastra Menéndez Carlos López Fernández David Melendi Palacio Xosé Antón Suárez Puente Pedro Suárez Rodríguez

20 /

38 /

ARAZ.NET

Semeya de portada

Les plantes invasores como exemplu d’adautación a un territoriu. Situación actual n’Asturies Por Eduardo Cires Rodríguez & José Antonio Fernández Prieto Departamentu de Bioloxía d’Organismos y Sistemes Universidá d’Uviéu

58 /

EDITA Academia de la Llingua Asturiana C/ L’Águila 10 Apartáu de Correos 574 33080 Uviéu Tfnu. 985 211 837 Fax. 985 226 816 www.academiadelallingua.com alla@academiadelallingua.com AcademiadelaLlinguaAsturiana @ALLA_ast

Estudiu de riesgos xeolóxicos esternos nun tramu d’El Ríu de Trubia ente San Andrés y Veiga Trubia Por Iyán González Castro Xeólogu

Diseñu gráficu y maquetación La mimosal (Acacia dealbata), una especie invasora perconocida. Semeya: E. Cires

Neutrinos, les pantasmes del universu Por Pablo Fernández Martínez

Les cachiparres (Arachnida, Ixodida) n’Asturies: faunística d’un taxon quizaleru na tresmisión de malures Por Vítor Xuan Melero Cimas Biólogu

86 /

Los trestornos del sueñu: dormir de más, dormir de menos Por Xesús González Rato Médicu especialista en Neurofisioloxía Clínica Responsable del la Unidá del Sueñu del Hospital Universitariu Central d’Asturies (huca)

Depósitu Llegal: AS-4862-2011 ISSN: 2174-9639 Imáxenes: fontes al pie de semeya Les opiniones y artículos equí recoyíos son responsabilidá de los sos autores y nun han ser necesariamente compartíos pola revista.

/2/

Ciencies 7 (2017)

(2017) Ciencies 7

/3/

Neutrinos, les pantasmes del universu Por Pablo Fernández Menéndez (c) Kamioka Observatory, icrr (Institute of Cosmic Ray Research), The University of Tokio

/4/

Ciencies 7 (2017)

Miembru d’egads, Super Kamiokande, t2k Hyper Kamiokande, t2hk Departamentu de Física Teórica Universidá Autónoma de Madrid

(2017) Ciencies 7

/5/

/Neutrinos, les pantasmes del universu

Notes del Editor: Nesti artículu empléguense términos propios de la física de partícules, como les “especies” o los niveles enerxéticos de los neutrinos y de los quarks («sabor», «lo baxo» etc.). Otramiente, los estremaos «esperimentos» que se citen puen ser asimilaos a instalaciones pa la investigación neses materies («Kamiokande», «Baksan», «Super Kamiokande», «IceCube», etc.). Nes referencies bibliográfiques respetámosles como les apurre l’autor, faciendo esceición a la norma que ye vezu nesta publicación.

ENTAMU os neutrinos son, güei, les partícules más desconocíes, misterioses ya interesantes nel llamáu Modelu Estándar de la Física de Partícules, que describe toles partícules y les sos interaiciones. Magar que los neutrinos namás interaicionen por aciu de les fuercies débil y gravitatoria, tán rellacionaos con munchos campos de la física fundamental por cuenta de les sos peculiaridaes. Nesti artículu –y cola escusa del premiu Nobel de 2015 que se-yos concedió a Takaaki Kajita y Arthur McDonald– recuéyense a cencielles y accesible a tolos públicos los descubrimientos más señalaos rellacionaos colos neutrinos, percorriendo la so historia dende’l so postuláu teóricu hasta los últimos descubrimientos y futures investigaciones p’afayar les sos propiedaes ya implicaciones na conocencia de la naturaleza del universu onde vivimos. Esperando qu’esta llectura sía namás un primer pasu nesti tema y que nun sía’l postreru, les referencies bibliográfiques indicaes son abondoses.

DESCUBRIMIENTU La historia de los neutrinos empecipia nel añu 1930, cuando’l físicu W. Pauli los propunxo per primer vegada teóricamente. Pauli [23], [25], postuló la existencia d’una partícula neutra y de masa mui pequeña que surdiría en dalgunos decayimientos radioactivos, en concreto los llamaos decayimientos β. Estos procesos asoceden cuando un nucleu nun ye estable y decái a otru nucleu emitiendo delles partícules. Los decayimientos β. esprésense asina:

onde X ye un elementu cualquiera de la tabla periódica, Y ye l’elementu que tien un protón más que X, N ye’l númberu de protones y neutrones del isótopu, e ye un electrón y ve ye’l neutrín collaciu del electrón. Nos esperimentos que midíen les propiedaes del electrón víase que la so enerxía nun yera lo que s’esperaría si los neutrinos nun existieren, ye dicir un valor fixu, la diferencia de les mases N N de Y y X. Pela cueta, la enerxía del electrón tomaba tolos valores posibles ente cero y la diferencia de mases. Esto violaba’l caltenimientu de la enerxía total del conxuntu. Asumiendo la existencia del neutrín soluciónase darréu que la suma de les enerxíes d’electrón y neutrín sí puen sumar la diferencia de mases d’entrambos dos.

Figura 1. El primer neutrín interaicionando nuna cámara d’hidróxenu detectóse’l 13 de payares de 1970. Argonne National Laboratory.

/6/

Ciencies 7 (2017)

(2017) Ciencies 7

/7/

/Neutrinos, les pantasmes del universu

Los neutrinos supónense ensin masa por cuenta lo difícil que ye detectar ún: traviesen el planeta y apenes interaicionen col restu la materia. Unos 3x1015 neutrinos traviesen el nuesu cuerpu cada segundu pero namái 1 ó 2 interaicionarán con elli a lo llargo de la nuesa vida

IZQUIERDA Figura 2. Probabilidá de qu’un neutrín electrónicu camude de sabor según la distancia que percuerre (L) y de la so enerxía (e)

Esta nueva partícula propuesta nun s’afitó nun esperimentu hasta l’añu 1956 por C. Cowan y F. Reines cuando afayaron el neutrín electrónicu [24]. Col tiempu y pola mor del continuu desendolque del entendimientu de la interaición débil, otros físicos decatáronse de que yera natural pensar que si l’electrón tenía otres dos xeneraciones de leptones cargaos, el muón y el tau, tendría d’haber neutrinos qu’acompañaren a estos leptones como nel casu electrónicu. Los neutrinos del muón y del tau descubriéronse tamién esperimentalmente nos años 1962, por L. Lederman, M. Schwartz y J. Steinberg, y 2000 per aciu del esperimentu donut respeutivamente. Esto dexa una imaxe del Modelu Estándar con un neutrín pa caúna de les xeneraciones de leptones y tamién habiendo una analoxía ente quarks y leptones, entrambos dos con dos tipos pa caúna de les xeneraciones. Al contrario de la mayoría de les partícules descubiertes, daqué tan fundamental como la masa de los neutrinos sigue siendo una incógnita y asina, de fechu, nel Modelu Estándar supónense ensin masa. Les demás propiedaes son abondo bien conocíes y coincidentes cola predicción teórica. Esto ye por cuenta de lo difícil que ye detectar un neutrín: la mayoría traviesa’l nuesu planeta ensin problema y apenes in-

/8/

Ciencies 7 (2017)

teraicionen col restu de la materia. Afortunadamente, los neutrinos, magar ser una de les partícules más llixeres del universu, conformen aproximao’l 0,3% de tola masa del mesmu, polo que la cantidá de neutrinos ye impresionante, faciendo posible la so deteición. Talo ye asina, qu’unos 3·1015 neutrinos traviesen el nuesu cuerpu cada segundu, pero namái ún o dos d’ellos interaicionarán con él a lo llargo de la nuesa vida. OSCILACIONES DE NEUTRINOS Cuasi en paralelo colos descubrimientos anteriores, la física teórica yá formulara la teoría cuántica de la fuercia débil, lo más intenso pa los neutrinos. Con esto predíxose cómo se portaríen y produciríen. Les fontes más abondoses de neutrinos son el sol, les supernoves y los rayos cósmicos al interaicionar. En 1957, B. Pontecorvo estudió per primer vegada l’impautu que tendría nes midíes de neutrinos d’estes fontes si los neutrinos tuvieren masa. Les consecuencies del calter masivu de los neutrinos ye qu’estos podríen camudar d’un tipu de neutrinos a otru conforme s’arrobinaren. Les oscilaciones determínense por una matriz ortogonal nomada pmns (Pontecorvo-Maki-Nakagawa-Sakata).

(2017) Ciencies 7

/9/

/Neutrinos, les pantasmes del universu

A lo cabero de la década de los 60, l’esperimentu Homestake midió per primer vegada neutrinos solares, pero nunes cantidaes que yeren más o menos un terciu de les predicciones teóriques feches por J. Bahcall acordies col so modelu solar [22]. Esti desalcuerdu ente les midíes y el modelu teóricu permaneció cuasi trenta años hasta los esperimentos Sudbury Neutrín Observatory (sno, Fig. 3) en Canadá y Super Kamiokande (sk) en Xapón (Fig. 5). Estos dos esperimentos foron los responsables del Nobel de 2015 otorgáu a A. MacDonald y a T. Kajita. El primeru d’ellos midía los neutrinos solares con muncha más precisión que Homestake; inda qu’asina nun dexó de ver un defeutu de cuasi dos tercios nos neutrinos que midía en comparanza col modelu solar. sno yera un esperimentu asitiáu cerca d’Ontario, 2.100 m baxo tierra nuna antigua mina de níquel. sno consistía en 1.000 tonelaes d’agua pesao contenío nuna esfera de 6m de radiu ya instrumentau con 9.600 deteutores de lluz llamaos fotomultiplicadores. La lluz que deteuten ye lo producío poles partícules cargaes surdíes nes interaiciones de neutrinos (de normal estes partícules cargaes son los leptones cargaos correspondientes al sabor del neutrín qu’interaiciona). Esta lluz produzse por

/10/

Ciencies 7 (2017)

cuenta de que la velocidá d’estes partícules ye mayor que la velocidá de la lluz nesi mediu –nesti casu l’agua pesao–. Los datos de sno foron afechos al fluxu de neutrinos del sol y asumiendo la existencia de les oscilaciones de neutrinos, llogrando la resultancia de qu’estes oscilaciones teníen d’esistir pa esplicar les midíes. El segundu esperimentu produxo la evidencia necesaria pa les oscilaciones de los neutrinos al midir los neutrinos atmosféricos. Super Kamiokande ye asemeyáu a sno, pero utilizando agua perpuro en llugar d’agua pesao y con un volume de 50.000 tonelaes. Esti ta asitiáu nuna antigua mina de zinc na costa oeste de Xapón ya instrumentáu con más de 11.000 fotomultiplicadores de mediu metru de diámetru y onde se produz lluz pol mesmu mecanismu esplicáu enantes [1-13]. Gracies al so tamañu y a lo avanzao de los sos fotomultiplicadores, Super Kamiokande sigue siendo’l mayor deteutor soterrañu del mundiu y líder na física fundamental, sobre manera la de neutrinos.

DERECHA Figura 3. Vista dende fuera del deteutor sno. The Sudbury Neutrino Observatory.

(2017) Ciencies 7

/11/

/Neutrinos, les pantasmes del universu

Entrambos esperimentos midieron escesos y defeutos nos neutrinos de dellos tipos, siendo les sos resultancies consistentes ente sigo y coles predicciones teóriques de Pontecorvo asumiendo la existencia de les oscilaciones de neutrinos.

IZQUIERDA Figura 4. Tresparencia presentada por T. Kajita esplicando los resultaos de neutrinos atmosféricos midíos por sk en 1998

ABAXO Figura 5. Vista interior del deteutor Super Kamiokande. The Kamioka Observatory.

/12/

Ciencies 7 (2017)

LOS NEUTRINOS COMO ASTROPARTÍCULES La física de neutrinos nun apara namái na física de partícules, sinón que son producíos na mayoría de procesos astrofísicos. Como diximos enantes, lo baxo produz neutrinos y de la mesma manera toles estrelles del universu. Pero ensin dulda, onde más neutrinos se producen ye nes esplosiones d’estrelles muncho más masives que’l nuesu sol cuandu algamen el final de la so vida. Estes esplosiones llámense supernoves y son más brilloses que galaxes enteres. Magar la cantidá de lluz qu’emite ye magnífico, la cantidá de neutrinos qu’emite ensombrécelo, y que’l 99% de tola enerxía desatao na esplosión ye en forma de neutrinos.

(2017) Ciencies 7

/13/

/Neutrinos, les pantasmes del universu

El 24 de febreru de 1987 [32], l’esperimentu precursor de Super Kamiokande, Kamiokande, y otros dos esperimentos, imb, nos Estaos Xuníos y Baksan en Rusia, tuvieron la fortuna de qu’una estrella españare en forma de supernova diba unos 160.000 años na Gran Nube de Magallanes. Nesta supernova estímase que se produxeron 1058 neutrinos, de los que 1.013 nos travesaron a caún. Pero por cuenta de nueves de lo esmucidizos que son los neutrinos, ente los tres deteutores, namái se midieron 25 d’ellos, 12 Kamiokande, 8 imb y 5 Baksan (Fig. 6). Estos neutrinos llegaron a la Tierra tres hores primero que los fotones, esto ye, primero que pudiera vese la supernova. Esto nun ye por cuenta de que los neutrinos viaxen a mayor velocidá que

DERECHA Figura 6. Enerxía y tiempu de tolos neutrinos detectaos en Kamiokande, imb y Baksan de la supernova 1987a. S. L. Shapiro et al.

LA MASA DE LOS NEUTRINOS Y LA SO TRESCENDENCIA NA FÍSICA FUNDAMENTAL El que los neutrinos camuden, como dicimos d’un sabor a otru significa que los neutrinos tienen masa, polo que se tuvo que camudar el Modelu Estándar de la física fundamental. Darréu que los neutrinos nun tienen carga llétrica nin de color, ábrese la posibilidá de que los neutrinos

L’españíu d’una supernova produxo 1058 neutrinos, de los que 1.013 travesáronnos a caún. Pero namái 25 d’ellos foron midíos polos 3 deteutores que funcionaben nesi momentu, febreru del 1987 la lluz, como se llegó a pensar colos resultaos del esperimentu opera, sinón que viaxen práuticamente a la velocidá de la lluz y por cuenta de qu’apenes interaicionen col restu de la materia puen escapar enantes al traviés de tola materia espardío pola supernova. Con too y con eso, de los pocos neutrinos deteutaos, espublizáronse miriades d’artículos en rellación a los neutrinos d’esta supernova, tanto de física de partícules y fundamental como d’astrofísica, ayudando al desenvolvimientu y entendimientu de la complicada física de les supernoves. Esti descubrimientu tradúxose n’otru premiu Nobel pa los neutrinos, personificáu en M. Koshiba y R. Davis Jr., direutores de Kamiokande ya imb respeutivamente.

/14/

Ciencies 7 (2017)

sían partícules Majorana, esto ye, que los neutrinos sían la so mesma antipartícula. Anguaño, namás qu’hai valores llende de les mases de los neutrinos pola so masa pequeña, de fechu los neutrinos son hasta güei la partícula masiva más llixera que’l Modelu Estándar contién. Los neutrinos namás interaicionen con otres partícules por aciu de les fuercies de la gravedá y la débil; magar el nome, la fuercia gravitatoria ye enforma menor que la débil. Cola conocencia actual, los neutrinos camuden igual que los quarks, pero siendo l’amiestu ente los distintos tipos de neutrinos enforma mayor, esto podría indicar la existencia d’una simetría adicional a les del Modelu Estándar nel sector de los quarks.

Lo mesmo asocede al respeutive de la violación de la simetría ente partícules y antipartícules, tamién llamada simetría cp. Nel sector de los quarks apenes hai violación de cp, ente que les últimes resultancies, anque non definitives, indiquen que nel sector de los neutrinos esta simetría ta fuertemente rota. Los neutrinos son importantes tamién en cosmoloxía porque’l so númberu d’especies

determina la bayura de caún de los elementos nel universu. Munches incógnites hai al rodiu de los neutrinos, siendo estes de gran importancia pa la descripción de la física de partícules elementales [34].

(2017) Ciencies 7

/15/

/Neutrinos, les pantasmes del universu

EL FUTURU DE LOS NEUTRINOS Ta claro que’l futuru de cualquier neutrin tará perlloñe pa nós al viaxar práuticamente a la velocidad de la lluz respeuto a nós y ser asina la dilatación temporal enorme. Otra cosa ye lo que podamos deprender nel nuesu futuru de los pocos que queden nos nuesos deteutores y de qué nuevos llugares del universu nos lleguen. Güei, la física de neutrinos ye una de les puertes al descubrimientu de nueves partes de la física fundamental qu’entá nun conocemos. Dende’l puntu de vista teóricu especular cola conexón que pueda existir cola física d’altes enerxíes, cercana a la de la unificación de toles fuercies físiques que conocemos, col descubrimientu de nueves simetríes del universu y de nuevos oxetos cósmicos. Gustaríame albidrar cuatro descubrimientos que se fadrán nel curtiu plazu: la masa de los neutrinos, la so violación de la simetría cp, fenómenos astrofísicos nos que tán implicaos, y los neutrinos ultraenerxéticos. Los neutrinos son tán estraños respeutive del restu de les partícules qu’inclusive pue que sían la so propia antipartícula: esti tipu de partícules son llamaes de Majorana, n’honor al gran físicu que les formuló teóricamente. Esa sigue siendo una gran incógnita y vien amestada a la masa de los neutrinos, y que esti ye un mecanismu alternativu d’alquisición de masa a la interaición col bosón de Higgs. Esti descubrimientu depende en gran parte de la masa que tengan los neutrinos, pero anguaño esisten munchos esperimentos en tol mundiu buscando respuestes que se podríen llograr nunos 10 años. Ente ellos destaquen gerda [29], cobra [30], KamLANDZen [35] o sno+ [36]. Acordies colos últimos datos, la simetría carga-paridá (cp) ye fuertemente violada polos

/16/

Ciencies 7 (2017)

neutrinos, al contrariu que polos quarks, onde la fas que mide esti caltenimientu ye práuticamente nula. Esta diferencia ente entrambos sectores abre munches entrugues sobre’l porqué de les sos diferencies y el so orixe. Per otru llau, la gran violación de cp nos neutrinos ye clave pa esplicar l’asimetría ente materia y antimateria nel nuesu universu. Esto ensin dulda, va poder resolvese nos próximos 10 o 15 años cola ayuda de los presentes esperimentos como t2k [14] (Fig. 7), Nova o’l futuru t2hk [20], con neutrinos de aceleradores y Super Kamiokande o los futuros Hyper Kamiokande [19] y dune [31], midiendo neutrinos atmosféricos. Ensin dulda, Super Kamiokande y tolos esperimentos de neutrinos de gran tamañu tán sollertes énte’l casu de qu’asoceda una supernova como 1987a. Colos deteutores actuales la información que podría atropase d’estos neutrinos sedría de gran relevancia pa la física fundamental y l’astrofísica. Nesti sentíu, Super Kamiokande ta un pasu per delantre y ta entamando una gran meyora llamada SuperK-Gd, que consiste n’amestar gadoliniu al agua pa poder deteutar tamién los neutrones que produzan los neutrinos al interaicionar nel deteutor. Esto va dexar estremar ente neutrinos y antineutrinos, lo que va facer posible estudiar les sos diferencies apurriendo información crucial de los procesos que caún d’ellos traviesa. Amás de les supernoves cercanes que puedan asoceder, SuperK-Gd [21], [15], va poder tamién midir los antineutrinos de toles supernoves qu’asocedieron en tola historia del universu, dando información sobre la evolución estelar y galáutica de la mesma. La incógnita postrera y abondo recién al rodiu de los neutrinos ye la existencia de neutrinos d’enerxíes enormes y en cantidaes enforma mayores a les esperaes. Estos neutrinos midié-

ARRIBA Figura 7. Esquema del Esperimentu t2k en Xapón. Esperimentu t2k.

ABAXO Figura 8. Neutrín más enerxéticu midíu por IceCube, nomáu Bert. Esperimentu IceCube.

ronse nel esperimentu IceCube (Fig. 8), deteutor formáu por más de 5.000 fotomultiplicadores somorguiaos en fileres nel xelu del polu Sur. Deteútaronse, hasta’l día de güei unos 20 neutrinos de más de 100 TeV (unes 10 veces más enerxéticos que los protones del lhc). L’orixe d’estos neutrinos ye desconocíu entá, pero sí se tien la certidume de que provienen de fuera del sistema solar. Propunxéronse delles teoríes pa esplicar esto magar que nun hai nada definitivo. Nel futuru cercanu más esperimentos van atacar el problema, como l’ampliación d’IceCube [26], [27], [28], km3net [33] (nel mar Mediterraneu) o Baikal (nel llagu Baikal en Rusia). Amás de too esto, y probablemente de la que s’esclarien los problemes anteriores, entá quedará por midir los neutrinos producíos nel Big Bang, conocíos como’l fondu cósmicu de neutrinos [19]. Hai unos 300 neutrinos provenientes del Big Bang en cada centímetru cúbicu del universu, pero son esaxeradamente difíciles de deteutar pola so enerxía perbaxo, unos -271ºC – cuasi el cero absolutu– pola mor de la espansión continua del universu, faciéndolos práuticamente imposibles de deteutar güei en día. La conocencia y midida d’estos neutrinos dexaríanos viaxar a namás un segundu dempués del Big Bang, coles obvies ya importantes consecuencies qu’esto tendría pal nuesu entendimientu de la mayor de les entrugues que’l ser humanu foi a facese, ¿d’aú vien too y cómo funciona?

(2017) Ciencies 7

/17/

/Neutrinos, les pantasmes del universu

Referencies bibliográfiques [1] Solar Neutrino Measurements in Super-Kamiokande-IV, The Super-Kamiokande Collaboration, Phys. Rev. D 94, 052010 (2016), arXiv: 1606.07538 [2] Real-Time Supernova Neutrino Burst Monitor at Super-Kamiokande, The Super-Kamiokande Collaboration, Astropart. Phys. 81 (2016) 39-48, arXiv: 1601.04778 [3] Supernova Relic Neutrino Search with Neutron Tagging at Super-Kamiokande-IV, The Super-Kamiokande Collaboration, Astropart. Phys. 60, 41 (2015), arXiv:1311.3738 [4] First Indication of Terrestrial Matter Effects on Solar Neutrino Oscillation, The Super-Kamiokande Collaboration, Phys. Rev. Lett. 112, 091805 (2014), arXiv:1312.5176 [5] Evidence for the Appearance of Atmospheric Tau Neutrinos in Super-Kamiokande, The SuperKamiokande Collaboration, Phys. Rev. Lett. 110, 181802 (2013), arXiv:1206.0328 [6] Search for Differences in Oscillation Parameters for Atmospheric Neutrinos and Antineutrinos at Super-Kamiokande. The Super-Kamiokande Collaboration, Phys. Rev. Lett. 107, 241801 (2011 [7] Evidence for oscillation of atmospheric neutrinos. The Super-Kamiokande Collaboration, Phys. Rev. Lett. 81 (1998) 1562-1567 [8] Measurements of the Solar Neutrino Flux from Super-Kamiokande’s First 300 Days. The SuperKamiokande Collaboration, Phys. Rev. Lett. 81 (1998) 1158-1162 [9] Search for Proton Decay via p -> e+ π0 in a Large Water Cherenkov Detector. The Super-Kamiokande Collaboration, Phys. Rev. Lett. 81 (1998) 3319 [10] Study of the atmospheric neutrino flux in the multi-GeV energy range. The Super-Kamiokande Collaboration, Phys. Lett. B436 (1998) 33-41 [11] Measurement of a small atmospheric vμ / ve ratio. The Super-Kamiokande Collaboration, Phys. Lett. B433 (1998) 9-18 [12] Constraints on neutrino oscillation parameters from the measurement of day-night solar neutrino fluxes at Super-Kamiokande. The Super-Kamiokande Collaboration, Phys. Rev. Lett. 82 (1999) 18101814 [13] Measurement of the flux and zenith-angle distribution of upward through-going muons by SuperKamiokande. The Super-Kamiokande Collaboration, Phys. Rev. Lett. 82 (1999) 2644 [14] Measurement of Muon Antineutrino Oscillations with an Accelerator-Produced Off-Axis Beam, Phys. Rev. Lett. 116, 181801 (2016) [15] GADZOOKS! Antineutrino Spectroscopy with Large Water Cerenkov Detectors. Phys.Rev.Lett. 93 (2004) 171101

/18/

[18] Can one measure the Cosmic Neutrino Background?, Nuclear Theory (nucl-th) [19] Letter of Intent: The Hyper-Kamiokande Experiment Detector Design and Physics Potential ―, High Energy Physics - Experiment (hep-ex) [20] T2HK: J-PARC upgrade plan for future and beyond T2K, High Energy Physics - Experiment (hepex) [21] Status of GADZOOKS!: Neutron Tagging in Super-Kamiokande, Nucl.Part.Phys.Proc. 273-275 (2016) 353-360 [22] Bahcall, John N.; Serenelli, Aldo M.; Basu, Sarbani (2005). “New Solar Opacities, Abundances, Helioseismology, and Neutrino Fluxes”. The Astrophysical Journal. 621 (1): L85–8 [23] E. Fermi (1934). “Versuch einer Theorie der β-Strahlen. I”. Zeitschrift für Physik A. 88 (3–4): 161–177 [24] C. L. Cowan Jr.; F. Reines; F. B. Harrison; H. W. Kruse; et al. (1956). “Detection of the Free Neutrino: a Confirmation”. Science. 124 (3212): 103–4. [25] “Liebe Radioaktive Damen und Herren”, Lettre du 4 décembre 1930 adressée pour lecture au congrès des physiciens de Tübingen (Allemagne). [26] The Contribution of Fermi-2LAC Blazars to the Diffuse TeV-PeV Neutrino Flux IceCube Collaboration: M. G. Aartsen et al [27] Very High-Energy Gamma-Ray Follow-Up Program Using Neutrino Triggers from IceCube. IceCube, MAGIC and VERITAS Collaborations: M. G. Aartsen et al [28] Constraints on Ultra-High-Energy Cosmic Ray Sources from a Search for Neutrinos Above 10 PeV with IceCube. IceCube Collaboration: M. G. Aartsen et al [29] Search of Neutrinoless Double Beta Decay with the GERDA Experiment Nucl. Part. Physics Procs. 273 -- 275 (2016) 1876 [30] Results of a search for neutrinoless double-β decay using the COBRA demonstrator, Physical Review C Vol. 94, 024603 (2016) [31] Long-Baseline Neutrino Facility (LBNF) and Deep Underground Neutrino Experiment (DUNE) Conceptual Design Report Volume 1: The LBNF and DUNE Projects, Instrumentation and Detectors (physics.ins-det) [32] Observation of a neutrino burst from the supernova SN1987A, Phys. Rev. Lett. 58, 1490 [33] Letter of Intent for KM3NeT 2.0, Instrumentation and Methods for Astrophysics (astro-ph.IM)

[16] First measurement of muon-neutrino disappearance in NOvA, Phys.Rev. D93 (2016) no.5, 05110

[34] Theoretical Status of Neutrino Physics, High Energy Physics - Phenomenology (hep-ph)

[17] First measurement of electron neutrino appearance in NOvA, Phys.Rev.Lett. 116 (2016) no.15, 151806

[35] Search for Majorana Neutrinos near the Inverted Mass Hierarchy Region with KamLAND-Zen

Ciencies 7 (2017)

[36] Current Status and Future Prospects of the SNO+ Experiment. Phys. Rev. Lett. 117, 082503 (2016)

(2017) Ciencies 7

/19/

Estudiu de riesgos xeolóxicos esternos nun tramu d’El Ríu de Trubia ente San Andrés y Veiga Trubia ENTAMU a interaición ente les sociedaes humanes y el mediu ambiente que les arrodia lleva condicionando les nueses maneres de vivir dende l’entamu de la nuesa civilización. Na sociedá de la información de güei, na qu’un eventu catastróficu acaba siendo noticia global en cuestión de segundos, cada vegada tienen más impautu mediáticu los desastres naturales, pudiendo facese la interpretación de que, pola so cantidá ya intensidá, el nuesu planeta ye, cada vuelta, menos acoyedor. Sicasí, los datos amuesen otra realidá bien estremada: cada vegada ocupamos más terrén, cada vegada esponemos más los nuesos bienes y cada vegada somos más vulnerables al efeutu d’eventos que, n’otres dómines, o nun llegaben a facese noticia, o nun xeneraben tantes perdes humanes y económiques. Poro, l’estudiu de los riesgos xeolóxicos, al traviés de la integración de datos multidisciplinares llograos per aciu d’estremaos instrumentos

/20/

Ciencies 7 (2017)

y téuniques, fai que podamos prever y facer por amenorgar los efeutos de los eventos naturales cuando acaben apaeciendo. Por too ello, ye preciso facer incidencia en conceutos como riesgu, riesgu xeolóxicu, peligrosidá, esposición y vulnerabilidá, lo mesmo

que’l de recurrencia, que van dexar averanos d’un xeitu afayadizu a les problemátiques potenciales xeneraes polos fenómenos naturales y, tamién, a les midíes que se podríen proponer a les instituciones p’amenorgar posibles daños.

Por Iyán González Castro Xeólogu

(2017) Ciencies 7

/21/

/Estudiu de riesgos xeolóxicos esternos nun tramu d’El Ríu de Trubia ente San Andrés y Veiga Trubia

ÁREA D’ESTUDIU L’oxetivu d’esti trabayu ye estudiar los riesgos xeolóxicos nun tramu d’un ríu asturianu –El Ríu de Trubia– ente los llugares de San Andrés y Veiga Trubia, pertenecientes al conceyu d’Uviéu y parroquia de Trubia (Fig. 1). Pa too ello, fixéronse delles salíes de campu a la zona pa, de siguío, cruzar los datos y observaciones que se fixeren colos obteníos pol Serviciu Nacional de Cartografía de Zones Inundables. A ello tamién hai qu’amestar los datos recoyíos per aciu d’otros servicios gis online, les semeyes aérees y demás recursos de cartografía xeolóxica y topografía. El Ríu de Trubia, afluente d’El Ríu Nalón, cumple les carauterístiques xenerales de la ma-

yoría de ríos del país: naz nel Cordal Cantábricu y percuerre’l so camín agües abaxo, con una direición xeneral sur a norte, p’apurrir el so caudal al Mar Cantábricu. Los ríos, como esti, que pertenecen a la Confederación Hidrográfica del Cantábricu, tienen cuenques pequeñes, son curtios y de caudal relativu abondante tol añu. Amás, tien un enclín mediu bien altu –que va faciéndos menos emprunu a midida que s’avera a la costa–, carauterística que-yos da una capacidá erosiva notable. Asina, namás la intervención humana –per aciu de banzaos, preses y la mesma vexetación de los calcesye quien a torgar esa potencialidá erosiva.

ABAXO Figura 1. Asitiamientu del área d’estudiu, col llugar de San Andrés en primer términu y, contra’l norte –ríu abaxo– la población de Veiga Trubia, nel conceyu d’Uviéu

/22/

Ciencies 7 (2017)

Agües arriba, contra’l conceyu de Quirós, El Ríu de Trubia va encaxándose, ta embalsáu y la so cuenca hidrográfica tien xenerao grandes llenes ya inundaciones nos últimos años con perda de vides humanes y graves consecuencies económiques. Exemplu d’ello, por poner un casu, ye la cayida d’una ponte’l 7 de febreru de 2012, unes selmanes nes que se rexistraron, de siguío, altes precipitaciones en toa Asturies (Fig. 2). Poro, l’estudiu de los eventos que se dieron nos últimos tiempos, fainos posible entender meyor la dinámica fluvial, la so rempuesta énte precipitaciones d’estremaes carauterístiques y validar los dixebraos modelos que se pueden proponer pa prever y torgar l’apaición de futuros desastres. D’igual mou, anque l’enfotu d’esti trabayu se punxo n’estudiar dinámiques fluviales, tamién se describen otros fenómenos que s’atopen nel área d’estudiu –asociaos a dinámiques de tipu torrente y de lladera– y que pueden suponer tamién una fonte de riesgu importante qu’hai que tener en cuenta. Estremaos trabayos, como los qu’espublizó de recién l’indurot (Institutu d’Urbanismu y Ordenación del Territoriu de la Universidá d’Uviéu), ufren una base a les autoridaes polítiques del conceyu y del del país, xunto a los cuerpos de proteición civil, p’abordar una planificación afayadiza de los usos y disponibilidaes de suelu y pa ellaborar protocolos d’actuación y emerxencia énte eventos naturales esceicionales.

ARRIBA Figura 2. Inundaciones, nel añu 2012, n’El Ríu de Trubia

Poro, l’interés d’esta triba d’estudios empobinaos a la proteición de persones, bienes, patrimoniu ya infraestructures queda xustificáu dafechu nun país como Asturies, onde la densidá de población, la ocupación sistemática de les zones de vega y riberes de los ríos, les lluvies abondo y les carauterístiques xeolóxiques, xeomorfolóxiques y topográfiques de los nuesos valles, aporten condiciones mui favorables pa la ocurrencia de desastres asociaos a riesgos xeolóxicos esternos.

(2017) Ciencies 7

/23/

/Estudiu de riesgos xeolóxicos esternos nun tramu d’El Ríu de Trubia ente San Andrés y Veiga Trubia

IZQUIERDA Figura 3. El llugar de San Andrés, na parte más occidental del Conceyu d’Uviéu

ABAXO Figura 4. Detalle de la fueya 52 del magna , na zona d’estudiu. Los colores encarnaos correspuenden al Complexu Rañeces. Vemos la peña «caliar de montaña» na parte más al sur.

ASITIAMIENTU Y CONTESTU XEOLÓXICU L’área d’estudiu atópase na zona central d’Asturies (Figura 3). Asina, forma parte de los materiales hercínicos del noroeste de la Península Ibérica, na denomada Zona Cantábrica. Atopámonos, entós, con peñes del Macizu Ibéricu, formaes na Oroxenia Varisca –nel choque ente les plaques d’Euroamérica (Laurasia) y Gondwana– que formaría, a la fin del Paleozoicu (finales del Devónicu a mediaos del Pérmicu, ente los 380 y 280 millones d’años), la integración del supercontinente Panxea. Contra l’occidente tenemos el nucleu Precámbricu del Narcea, mentanto que pal oriente atopámonos cola Cuenca Carbonífera Central. Los materiales d’esta zona definen un arcu cola so concavidá escontra l’este que correspuende cola denomada «Rodilla Astúrica». Los materiales son mayoritariamente Palezoicos, siendo más en concreto los qu’atopamos na

/24/

Ciencies 7 (2017)

zona d’estudiu, asitiada ente San Andrés y Veiga Trubia, del Devónicu, correspondientes al denomáu «Complexu de Rañeces». Esti complexu ta formáu por elementos llitolóxicos mui estremaos y de potencies considerables, que van dende los materiales calcáreo-dolomíticos a los terríxenos. Nesta zona apaecen una bayura de capes mui bien cartografiables de roca caliar (Fig. 4). Pa la zona más meridional de la vega d’inundación atópense les arenisques de la formación Furada, d’edá más antigua (SilúricoDevónica), siendo estes arenisques de tipu ferruxentu con tonalidaes buxu, verde y encarnáu.

Lo fondero del valle ta cubierto por materiales cuaternarios de tipu aluvial, con espesores poco importantes y formaos por regodones de formaciones palezoiques que correspuenden a les peñes asitiaes ríu arriba, sobre manera la denomada «caliar de montaña». Ye precisamente, agües arriba, onde’l ríu s’encaxa más al pasar pente unes formaciones calcárees carboníferes de la mentada enantes «caliar de montaña», lo que xenera que’l perfil tresversal del ríu seya muncho más vertical. El cambéu de llitoloxía entama a vese na zona más al sur del área d’estudiu, cola apertura d’una vega bien desendolcada en materiales más blandios. LOS RIESGOS XEOLÓXICOS ESTERNOS Cuando falamos de riesgu falamos de la probabilidá de qu’heba persones o bienes apreciaos socialmente que sufran un dañu. Les nueses vides, la salú, les nueses viviendes, el mediu ambiente, el patrimonio, etc. son los oxetos de riesgu. Sicasí, el riesgu ye un conceutu que podemos definir cola siguiente ecuación: RIESGU = PELIGROSIDÁ x ESPOSICIÓN x VULNERABILIDÁ Queda claro, entós, que’l riesgu depende de la peligrosidá -esto ye, la probabilidá de qu’asoceda un eventu que xenere daños nun sitiu y tiempo determináu -, la esposición -la cantidá d’elementos valoratibles qu’hai nun llugar espuestos a un riesgu- y la vulnerabilidá -o lo que ye lo mesmo, la predisposición d’un sistema a ser afeutáu negativamente por una amenaza-.

(2017) Ciencies 7

/25/

/Estudiu de riesgos xeolóxicos esternos nun tramu d’El Ríu de Trubia ente San Andrés y Veiga Trubia

Asina, el riesgu xeolóxicu esternu ye’l conxuntu d’amenaces que tienen les actividaes humanes énte’l socesu d’un determináu fenómenu natural, asociáu a dinámiques xeolóxiques esternes determinaes pol relieve, el clima, les carauterístiques del sustratu o l’actividá antrópica. PROCESOS XEOLÓXICOS XENERADORES DE RIESGU L’allugamientu del área d’estudiu, ente les poblaciones de San Andrés y Veiga Trubia, precisamente llevantaes na vega o llanura fluvial d’El Ríu de Trubia, condiciona los riesgos xeolóxicos que van describise, principalmente determinaos pola dinámica aluvial. Sicasí, na zona tamién tán presentes otros fenómenos rellacionaos con procesos de lladera –como son los movimientos en masa– y la dinámica de tipu torrente, cola formación d’abanicos como consecuencia de los fluxos perpendiculares a la direición xeneral del valle n-s. Poro, vamos pasar a describir llenes, inundaciones, esnidiamientos y sistemes de tipu torrente. Llenes ya inundaciones Son bien d’ellos los factores qu’influyen na apaición de llenes o medría del caudal de los ríos que, en determinaes condiciones, pueden provocar inundaciones. Pa qu’asoceda una llena tienen de dase unos procesos que la desendolquen; nesti casu sedríen les precipitaciones abondoses o’l dexelu de sópitu de grandes cantidaes de ñeve. Una inundación implica’l somorguiar temporalmente unos terrenos que, de normal tán secos, como consecuencia d’una cantidá d’agua superior a la que ye vezu na zona. P’atalantar cómo se desendolquen les llenes o riaes ya inundaciones ye preciso conocer

/26/

Ciencies 7 (2017)

les estayes en que se dixebra’l Dominiu Públicu Hidráulicu (dph) (Fig. 5). En primer llugar, tenemos el calce propiamente dichu, qu’inclúi’l terrén cubiertu pol agua nes situaciones de máxima medría avezada del caudal. A los dos llaos, el calce tien les riberes, que queden xusto per enriba del nivel d’agües baxes. El marxe asítiase per enriba precisamente del calce y la zona de policía ta constituyida por una fastera llateral de 100 metros d’anchor a los llaos, cuntaos a partir de la llinia que separta’l calce del marxe. Esta zona, onde se condiciona l’usu del suelu, puede enantase hasta la zona de fluxu preferente, qu’inclúi les árees qu’afeuten a una medría del ríu de 100 años d’índiz de periodu de retornu. La zona de pasu permite 5 metros de pasu llateral nel marxe del ríu dedicaos a la vixilancia, la pesca o a salvamentos. P’acabu, la zona d’inundación ta dixebrada per aciu de niveles teóricos qu’algamaría l’agua pa periodos de retornu d’hasta los 500 años. Na vega o llanura aluvial de San Andrés, como vamos dir viendo, la zona d’inundación ta estrada d’edificaciones, que lleguen práuticamente al estremu de la ribera del calce d’El Ríu de Trubia. Esti, ente otros, va ser un factor importante a tener en cuenta.

Esnidiamientos Nos esnidiamientos y otres dinámiques avezaes de lladera, el factor que condiciona principalmente la so apaición ye’l relieve –ello ye, la gravedá– que xenera una inestabilidá que puede tener estremaos fenómenos que la provoquen: la climatoloxía, les precipitaciones, los movimientos sísmicos, etc. Esti relieve, como ye intuitivo atalantar, ta controláu pola llitoloxía (el tipu de peña, la so orientación, l’enclín, etc). Nel área d’estudiu, esti tipu de procesos afeuta a dalgunos bienes inmuebles, como consecuencia de la edificación –esto ye, la esposición– en zones llaterales del valle averaes a turries.

ARRIBA Figura 5. Corte tresversal d’un ríu

Sistemes de tipu torrente Los sistemes de tipu torrente son formes de transición ente los sistemes de lladera o gravitacionales a sistemes fluviales, nos que predomina’l tresporte per agua. Estos sistemes cuenten con zones de receición, de desagüe y de depósitu. Na primer zona, la de receición, predomina la erosión; na segunda, la de desagüe, el tresporte; y na tercera, la de depósitu, l’apaición d’espesores de materiales. Los conos que se xeneren nes zones baxes tán suxetos a fluxos esporádicos y medres intermitentes, polo que son quién a xenerar eventos de tipu catastróficu. Amás, el tiempo de rempuesta ye mui curtiu y la enerxía abonda. Nel área d’estudiu atopamos un par de sistemes d’esti tipu, col riesgu añadíu de que son zones nes que s’asitiaron construcciones que, en dellos casos, tienen sistemes de drenaxe ente edificios mui precarios que pueden facer medrar el riesgu pa les persones y los bienes espuestos.

(2017) Ciencies 7

/27/

/Estudiu de riesgos xeolóxicos esternos nun tramu d’El Ríu de Trubia ente San Andrés y Veiga Trubia

IZQUIERDA Figura 6. Modelu de vulnerabilidá/esposición na zona d’estudiu

DERECHA Figura 7. Modelu de peligrosidá na zona d’estudiu

DATOS HISTÓRICOS Y EVENTOS ASOCEDÍOS NEL ÁREA Como adelantábemos na introducción d’esti artículu, El Ríu de Trubia tien una historia d’eventos catastróficos bien bayurosa. Mesmamente, nel llugar de San Andrés, atópase nel mediu’l calce un pilar d’una ponte medieval esbarrumbada, al llau del que tán edificaes una llinia de cases xusto enriba de la zona de pasu del ríu (Fig. de portada d’artículu).

/28/

Ciencies 7 (2017)

Nes salíes de campu que se fixeron pa la ellaboración d’esti estudiu, aprovechóse pa entrugar direutamente a les persones vecines de San Andrés sobre la recurrencia de les riaes nel pueblu, siendo la población relativamente consciente del riesgu que cuerren dalgunes de les propiedaes del llugar y les persones que viven nelles. Los últimos capítulos no tocante a los eventos de riada na zona son bayurosos dende

l’añu 2007 a anguaño, con una gran cantidá d’exemplos. Nestos años, precisamente, vienen faciéndose obres pa facer por amenorgar los efeutos d’estes llenes. Por casu, la presa d’El Machón, en Trubia, tiróse llueu de les inundaciones del 16 de xunu del añu 2010 provocaes pol efeutu barrera que xeneraba esta construcción, lo mesmo agües arriba qu’agües abaxo.

VULNERABILIDÁ/ESPOSICIÓN Y PELIGROSIDÁ Modelu de vulnerabilidá/esposición El mapa propuestu pa la vulnerabilidá (Fig. 6) ye’l resultáu del análisis de los bienes espuestos nel área d’estudiu. Principalmente, falamos de viviendes unifamiliares que, na so mayoría, nun superen les tres plantes y que tienen una antigüedá que lo más ye centenaria. Les viviendes agrúpense en dos núcleos principales: al llau de la ponte pela que cruza la carretera as-228 y al este de la llanura d’inundación, nel barriu conocíu como El Pedregal, topónimu mui a tener en cuenta, al que s’entra per una cai con viviendes tamién a lo llargo d’ella. Amás, tenemos a lo llargo de la carretera qu’une San Andrés con Veiga Trubia estremaes construcciones ente les que destaca un conxuntu de casona noble y capiya de valor artísticu a l’altura de Santiagu, xunto con dos capiyes en San Andrés. Per otru llau, tamién se punxo en valor l’usu tradicional de la vega’l ríu, con una zona de producción ganadera minifundista y praos estayaos a lo llargo, bien regaos. D’igual manera, hai tamién una zona na parte norte, haza Veiga Trubia, con una producción agrícola intensiva con ivernaderos, instalaciones que se veríen afeutaes en casu d’un eventu catastróficu. Modelu de peligrosidá El mapa propuestu pa la peligrosidá (Fig. 7) ta fechu a partir de la información atropada nes salíes de campu y na integración del Sistema Nacional de Cartografía de Zones Inundables (snczi) del Ministeriu d’Agricultura, Alimentación y Mediu Ambiente. Nelli podemos ver les árees afeutaes y separtaes por tiempos de retornu de 10, 50, 100 y 500 años, definíes como «Alta

(2017) Ciencies 7

/29/

/Estudiu de riesgos xeolóxicos esternos nun tramu d’El Ríu de Trubia ente San Andrés y Veiga Trubia

antigua de la que namás queden los pilares (semeya del entamu del artículu)―. Cuasi toles viviendes d’esta zona tán habitaes y lo único que les separta del ríu ye una parede sólida de piedra de menos de 2 metros d’altor (Fig. 9). Nel mapa de riesgu integráu, esta zona correspuéndese col área de color azul escuro más escontra’l sur. Ye especialmente sensible’l casu d’un bloque de pisos de dos altures y baxocubierta asitiáu en plena curva del meandru d’El Ríu de Trubia, na marxe esquierda, ente dos pontes ―el nuevu y el vieyu, de la carretera as-228― y, qu’anque sí ye cierto que ta a una altura topográfica d’unos 3-4 metros penriba’l nivel normal del ríu n’iviernu y tien una parte con una muria de proteición, yá ve cómo’l ríu va erosionando la finca xenerando un pequeñu argayu (Fig. 10).

probabilidá», «Davezu», «Probabilidá Media» y «Probabilidá Baxa» respeutivamente. Pa la so ellaboración tiénse en cuenta la microtopografía de la zona y les evidencies xeomorfolóxiques y físiques esistentes nel área, como la presencia de llamuergues, vexetación típico, pelegrinos y otros materiales que lleva’l ríu nes riaes, etc. Nel mapa de peligrosidá tamién s’inxertaron los riesgos derivaos d’un sistema de tipu torrente conocíu como El Ríu Bargueiru, que xenera un conu de depósitu nel barriu d’El Pedregal, y trés argayos de distinta entidá cartografiaos en campu. MAPA DE RIESGU Pa la ellaboración de la propuesta de mapa de riesgu integráu (Fig. 8) analizáronse, per un llau, los puntos más sensibles al socesu d’inundaciones, riaes, torrentes, argayos o esnidiamientos de lladera. Per otru llau, estudiáronse los llugares más vulnerables o espuestos, los de mayor valor dende’l puntu de vista de la seguridá de la población, el valor económicu o l’artísticu ya históricu. El resultáu de la superposición de datos, dándo-yos puntuaciones a caún de los ítems, ye un mapa de riesgos nel que se gradaron les zones dende «Altu riesgu», pasando per «Riesgu moderáu» y «Riesgu baxu». Les zones en blanco del mapa, correspuenden a zones de riesgu non esistente pa los procesos xeolóxicos esternos descritos hasta agora. Siguióse’l criteriu siguiente, yá citáu: Riesgu = Vulnerabilidá x Esposición x Peligrosidá. Asina, hai que señalar tres puntos conflictivos nesti área d’estudiu:

/30/

Ciencies 7 (2017)

1. Cases del barriu d’El Puente (San Andrés) Nesti sitiu atopámonos con una filera de viviendes asitiaes nel marxe derechu, práuticamente enriba’l ríu, nuna zona de recurrencia d’inundaciones de menos de 50 años y con evidencies clares d’esbarrumbe ―con una ponte

IZQUIERDA Figura 8. Modelu de riesgu integráu na zona d’estudiu

ABAXO Figura 10. Pequeñu argayu al pie d’una casa mui averada al calce d’El Ríu de Trubia

Figura 9. Llinia de viviendes y cases sobre’l calce d’El Ríu de Trubia

(2017) Ciencies 7

/31/

/Estudiu de riesgos xeolóxicos esternos nun tramu d’El Ríu de Trubia ente San Andrés y Veiga Trubia

IZQUIERDA Figura 11. Calce d’El Ríu Bargueiru, ente viviendes y con gran cantidá de vexetación y suciedá

ABAXO Figura 12. Poca lluz de pasu en drenaxes d’El Ríu Bargueiru

DERECHA Figura 13. Argayu en Santiagu, que tien nel so estremu una edificación. Na parte central puede vese bien la zona de rotura y la direición de los materiales.

2. Cases d’El Pedregal (San Andrés) Esta zona del área d’estudiu, anque bien ye cierto que nun ta incluyida práuticamente nel mapa de peligrosidá pa llenes (namás una vivienda o dos vénse afeutaes por tiempos de retornu a mediu plazu) sí ta asitiada nuna zona d’altu riesgu como consecuencia de la presencia d’El Ríu Bargueiru, de direición este-oeste, tresversal al calce del ríu. Esti regatu, de tipu torrente, xenera un conu de depósitu apreciable pola so topografía abombada. Amás, esti regatu percuerre encalzáu ente cases que nun respeten mínimamente la distancia pa que’l regatu drene

/32/

Ciencies 7 (2017)

Les cases d’El Puente y d’El Pedregal, en San Andrés, y el llugar de Santiagu son tres puntos de riesgu na zona estudiada

ciones mui precaries que, en casu de medra del regatu, podríen tupir xenerando un problema muncho más grave del yá esistente (Fig. 12). Per último, tamién hai dalgún argayu nesta zona que sedría lo propio monitorizar. tol caudal en momentos de grandes intensidaes de precipitación, teniendo’l calce gran cantidá de vexetación y suciedá (Fig. 11). Hemos sorrayar, tamién, qu’hai presentes delles pontes y tuberíes de drenaxe en condi-

3. Llugar de Santiagu Nesti llugar el riesgu por inundación tamién ye mui baxu, cuasi nulu, afeutando namás a una vivienda de manera parcial. Sicasí, hai un gran

movimientu en masa na lladera occidental, topográficamente penriba d’un grupu de cases, que nun ha pasase per alto. Resulta difícil esplicar l’emplazamientu, nesti allugamientu y nel ámbitu d’un argayu de cierta importancia, d’una edificación de bastante entidá mui averada a la zona de rotura del argayu (Fig. 13). Nel mapa de riesgu integráu (Fig. 8) esti emplazamientu correspuéndese cola ribera occidental d’El Ríu de Trubia al pasu pel llugar de Santiagu.

(2017) Ciencies 7

/33/

/Estudiu de riesgos xeolóxicos esternos nun tramu d’El Ríu de Trubia ente San Andrés y Veiga Trubia

Esplotaciones agroganaderes Na zona norte del mapa, y xusto sobre la vega d’El Ríu de Trubia, hai asitiaes una bona cantidá d’esplotaciones agroganaderes formaes por ivernaderos, cuadres, casetos de ferramientes y otru tipu d’instalaciones. Magar qu’en nengún casu podemos falar de riesgos como los amosaos enantes, con posible afección a les vides humanes, sí ye de solliñar el valir socioeconómicu d’estes instalaciones que podríen suponer grandes perdes en forma de daños a la propiedá. ENCAMIENTOS P’AMENORGAR EL RIESGU En faciéndose la evaluación del territoriu, de la entidá de los riesgos a los qu’hemos enfrentanos n’El Ríu de Trubia ente San Andrés y Veiga Trubia, podríemos facer delles recomendaciones y encamientos a mou de conclusión qu’habríen ser útiles p’amenorgar los riesgos señalaos nesti artículu. En primer llugar, no tocante al riesgu por riaes ya inundación na vega’l ríu, habría qu’abordar y proponer una ordenación del territoriu seria, faciendo por torgar construcciones nueves nesta zona que xeneren vulnerabilidá y peligrosidá. Nun ta de más echar una güeyada a les ocupaciones tradicionales del territoriu, que dan davezu una idea de qué zones consideraben n’otres époques, enantes de qu’entamaren les ordenaciones del territoriu, asitiamientos válidos pa cada usu del suelu. Nel mesmu sen, la toponimia tamién ufre davezu información mui importante que nun ha despreciase sinón tolo contrario.

/34/

Ciencies 7 (2017)

Un exemplu a evitar sedría’l que podemos ver na figura 14, de construcción recién, y que ta asitiáu na vega’l ríu alloñáu d’otres construcciones. Amás, habría que facer por reforzar les midíes de proteición de les viviendes que tán construyíes enriba, práuticamente, del calce del ríu. En segundu llugar, no tocante al barriu d’El Pedregal, habría que facer obres p’afayar el calce d’El Ríu Bargueiru, caltenelu llimpiu y ensin escombru y basura y eliminar los pasos con pontes de lluz mui pequeña o tubos de drenaxe que puedan xenerar atascu, inundaciones y efeutos-presa. Nesi sen, partiendo de la situación d’anguaño, han diseñase estratexes que torguen daños a les viviendes pente les que pasa y facer un apueste pol so saneamientu. No rellacionao col argayu de Santiagu, sedría importante monitorizalu p’averiguar si se ta moviendo’l terrén na cabecera. Asina, podría determinase en qué situación tán delles cases que s’atopen al pie de la movición de lladera. Amás, ha controlase la so dinámica llateral por si pudiere afeutar a la construcción que podemos ver na figura 13.

N’otru nivel, ye importante que los usos tradicionales del suelu se caltengan vivos, nun dexando nuevos aprovechamientos en zones de cultivu, ganadería y llabores tradicionales, qu’aumenten la esposición de bienes y desanicien zones mui productives pa les actividaes agroganaderes. Pa finar, ye perimportante’l poner en contautu a les instituciones de los conceyos y del país –tamién del personal téunico de la Confederación Hidrográfica– coles persones vecines d’estos llugares y los servicios de proteición civil pa que s’establezan protocolos d’actuación y rempuesta énte una alerta por riada ya inundación que se puede predicir al traviés del análisis en tiempu real d’estaciones d’aforu a lo llargo’l cursu d’El Ríu de Trubia.

Na imaxe axunta (Fig. 15) puede vese’l modelu de ficha que correspuende a esta zona na espublización ARPSI (Árees de Riesgu Potencial Significativu d’Inundación), estudiu desendolcáu pola Confederación Hidrográfica del Cantábricu.

IZQUIERDA Figura 14. Vivienda estilu «fin de selmana» de recréu na vega d’inundación d’El Ríu de Trubia

ABAXO Figura 15. Ficha que correspuende a la zona d’estudiu

(2017) Ciencies 7

/35/

/Estudiu de riesgos xeolóxicos esternos nun tramu d’El Ríu de Trubia ente San Andrés y Veiga Trubia

Referencies bibliográfiques Guía Metodológica para el desarrollo del Sistema Nacional de Cartografía de Zonas Inundables: Evaluación Preliminar del Riesgo (epri). Direición Xeneral del Agua, Ministeriu de Mediu Ambiente y Mediu Rural y Marín (marm). Gutiérrez Claverol, M. (1995).- Geología de Oviedo. Excmo. Ayuntamiento de Oviedo, Uviéu. Gutiérrez Elorza, M. (2008).- Geomorfología. Prentice Hall, Madrid. Marquínez J, L astra J. & P. García (2003).- «Estimation models for precipitation in mountainous regions: The use of GIS and multivariate analysis», en Journal of Hydrology 270(1):1–11. Pello Muñiz, J. (1976).- Hoja Geológica del magna Proaza (Hoja 52). Instituto Geológico Minero de España (igme), Madrid. Sistema Nacional de Cartografía de Zones Inundables (Visor snczi). Direición Xeneral del Agua, Ministeriu de Medio Ambiente y Mediu Rural y Marín(marm).

/36/

Ciencies 7 (2017)

(2017) Ciencies 7

/37/

Les plantes invasores como exemplu d’adautación a un territoriu Situación actual n’Asturies

Por Eduardo Cires Rodríguez & José Antonio Fernández Prieto Departamentu de Bioloxía d’Organismos y Sistemes (Botánica) Universidá d’Uviéu

/38/

Ciencies 7 (2017)

Carpobrotus. Semeya: E. Cires

(2017) Ciencies 7

/39/

/Les plantes invasores como exemplu d’adautación a un territoriu. Situación actual n’Asturies

¿QUÉ ASOCEDE CUANDO S’INTRODUZ UNA ESPECIE NUN ECOSISTEMA ONDE NUN S’ATOPABA DE FORMA NATURAL? es invasiones biolóxiques y, concretamente, les plantes invasores representen güei una de les mayores amenaces pal caltenimientu de la biodiversidá. Munches de les especies invasores tienen carauterístiques comunes de tipu ecolóxicu, xenéticu y morfolóxicu, que faen posible una rápida adautación y dispersión. Poro, conocer les principales especies alóctones ya invasores d’un territoriu y concienciar a la población del peligru ambiental que puen representar dalgunes d’elles, ye un llabor fundamental ya indispensable.

Les plantes invasores son una de les mayores amenaces pal caltenimientu de la biodiversidá El profesor Pío Font Quer (1888-1964) define nel so Diccionario de Botánica (Font Quer 1953) el términu adautación como «el procesu que fai aptu a un muérgnau o, más frecuentemente, a un organismu pa resistir les condiciones del mediu en que s’atopa y afacese a elles». Los procesos evolutivos y xenéticos puen ser factores clave pa determinar si una especie invasora llega a adautase y dispersase nun nuevu territoriu (Prentis et al. 2008). Acacia dealbata. Semeya: E. Cires

/40/

Ciencies 7 (2017)

(2017) Ciencies 7

/41/

/Les plantes invasores como exemplu d’adautación a un territoriu. Situación actual n’Asturies

L’españíu demográficu d’una especie autóctona en nengún casu ye una invasión biolóxica Acordies colos criterios siguíos pola mayoría de los autores, el términu «plantes alóctones» úsase pa definir aquelles especies vexetales que nun son natives d’una fastera o rexón determinada, sinón que proceden d’otres fasteres bioxeográfiques. Per otra parte, el calter «invasor» tómalu aquella especie naturalizada qu’orixina nueves poblaciones auto-perdurables suficientemente alloñaes de la orixinal, produciendo cambeos significativos (en términos de composición, estructura o procesos) nos ecosistemes. Según la Llei 42/2007, de 13 d’avientu, del Patrimoniu Natural y de la Biodiversidá, una especie invasora ye «aquella que s’introduz o establez nun ecosistema natural o hábitat natural o semi-natural y que ye un axente de cambéu y amenaza pa la diversidá biolóxica nativa, yá seya pol so comportamientu invasor, o pol riesgu de contaminación xenética» (Tabla 1). Hai que señalar qu’un españíu demográficu d’una especie autóctona en nengún casu podría considerase como una verdadera invasión biolóxica, por dañible o perniciosa que fora pa otres especies. Ha quedar claro tamién que non toles especies exótiques son necesariamente invasores. Más tovía, los especialistes coinciden n’establecer diferentes graos de poder invasor pa estremar la peligrosidá d’unes y d’otres. Asina, fálase d’especies exótiques tresformadores, que producen una grave alteración de los ecosistemes naturales o semi-naturales, frente a les meramente invasores, q’alterien ecosistemes antropizaos, ruderales o simplemente zones degradaes, y les adventicies o alóctones casuales.

/42/

Ciencies 7 (2017)

ARRIBA Arctotheca calendula. Semeya: E. Cires DERECHA Arundo donax. Semeya: E. Cires

(2017) Ciencies 7

/43/

/Les plantes invasores como exemplu d’adautación a un territoriu. Situación actual n’Asturies

TÉRMINOS BÁSICOS

IZQUIERDA Baccharis halimifolia. Semeya: E. Cires

Flora: conxuntu de plantes d’un país o d’una rexón.

ABAXO Detalle de les fueyes alternes en Baccharis halimifolia, con forma de pina y pequeños llóbulos nos estremos terminales. Semeya: E. Cires

Catálogu: rellación ordenada na que s’inclúin o describen de forma individual llibros, documentos, persones, oxetos, especies, etc. Planta montés: criada naturalmente y ensin cultivu. Planta autóctona o nativa: orixinada y espardida de mou natural na mesma fastera onde habita. El términu contrapónse al d’alóctona. Planta alóctona o exótica: Ye nativa d’una fastera o rexón determinada, sinón que procede d’otres fasteres bioxeográfiques xebraes por barreres espaciales d’aisllamientu que pola mor de l’aición antrópica foron a perpasar. Planta naturalizada: aquella qu’adquier les condiciones necesaries pa vivir y perpetuase nun entornu distintu d’aquel d’onde procede. Planta invasora: ye aquella que ye a xenerar nueves poblaciones a partir de la original xebraes nel espaciu unes distancies mínimes según seya’l so mou de reproducción sexual o vexetativu, con independencia del tipu d’hábitat invadíu. Plantes exótiques invasores tresformadores: plantes que yá amosaron la so potencialidá tresformadora de los hábitats naturales o seminaturales qu’invadieron. Producen una grave alteración de los ecosistemes, frente a les meramente invasores, qu’alterien ecosistemes antropizaos, ruderales o simplemente fasteres degradaes, y les adventicies o alóctones casuales. Plantes exótiques con potencial invasor tresformador: plantes de marcáu calter invasor, pero que básicamente manifiesten esta carauterística n’ecosistemes antropizaos, non constituyendo tovía una grave amenaza a los hábitats naturales.

ARRIBA Tabla 1. Terminoloxía y problemática en xeneral

/44/

Ciencies 7 (2017)

Les especies invasores ufierten, polo tanto, una escelente oportunidá pa estudiar fenómenos d’evolución, adautación ya hibridación, tanto a niveles intra como interespecíficos (Ellstrand & Schierenbeck 2000, Barrett et al. 2008). L’atención al fenómenu de les invasiones biolóxiques y, en concreto, de les plantes vasculares exótiques aumentó nos últimos años pola mor de la toma de conciencia de los problemes que puen xenerar estes especies. Asina queda reflexao na creación d’organizaciones y plataformes dixitales de calter nacional ya internacional, como por exemplu: geib (Grupu Especialista n’Invasiones Biolóxiques), Invasiber (website sobre la introducción d’especies exótiques n’España), issg (Invasive Species Specialist Group) o daisie (Delivering Alien Invasive Species in Europe).

(2017) Ciencies 7

/45/

/Les plantes invasores como exemplu d’adautación a un territoriu. Situación actual n’Asturies

La flora asturiana inclúi 2.807 especies: 2.163 son autóctones, y de les 644 alóctones, tán naturalizaes 207 y 438 caltiénense cultivaes. Más de 15 considérense invasores tresformadores

ARRIBA Buddleja davidii. Semeya: E. Cires IZQUIERDA Detalle de la inflorescencia paniculiforme en Buddeleja davidii y de los frutos tipu cápsula con dos valves. Semeya: E. Cires

La península Ibérica nun ye ayena a esti procesu d’introducción de plantes vasculares alóctones invasores, de forma qu’estes yá tán causando problemes de conservación nos ecosistemes naturales. Les aportaciones d’estremaos grupos científicos concretáronse na redaición del Atlas de las Plantas Alóctonas Invasoras en España (Sanz Elorza et al. 2004) y nel primer mapa d’invasiones de plantes exótiques d’Europa (Chytrý et al. 2009) amás de la estimación na composición y estructura d’estes plantes (Lambdon et al. 2008, Foxcroft et al. 2017). Asturies tien un clima templáu, de temperatura suave y pluviosidá elevada, que fai posi-

/46/

Ciencies 7 (2017)

ble l’asentamientu y propagación de diferentes especies alóctones. Güei’l númberu de plantes vasculares que componen la flora asturiana ye de 2.807, incluyendo toles monteses y les más frecuentemente cultives al aire llibre (Fernández Prieto et al. 2014). Pue indicase que del conxuntu de plantes del catálogu, considérense autóctones 2.163 y alóctones 644, de las que tán naturalizaes 207 y 438 caltiénense esclusivamente por cultivu. Tiense constancia de la existencia de numberoses especies vexetales introducíes, que presenten un claru comportamientu invasor siendo pa producir daños na estructura y composición de los ecosistemes que conlleven una merma de la diversidá biolóxica. Más d’una quincena considéraseles como invasores tresformadores (Buddleja davidii, Carpobrotus acinaciformis, Carpobrotus edulis, Cortaderia selloana, etc.) y una trentena axúntense como invasores clares, constataes o incipientes (Tabla 2).

(2017) Ciencies 7

/47/

/Les plantes invasores como exemplu d’adautación a un territoriu. Situación actual n’Asturies

ESPECIE

ORIXE

HÁBITAT

Acacia dealbata*

Aus. [X]

Ambientes forestales

Aus. y Tas. [S]

Ambientes forestales

Acacia melanoxylon

ESPECIE

ORIXE

HÁBITAT

meF

Fallopia baldschuanica*

Chi. [X]

Ambientes riparios y ruderales

C dec.

meF

Hedychium gardnerianum*

L’Himalaya

Ambientes riparios y ruderales

Helianthus tuberosus

AmeN. [A]

Ambientes húmedos

G riz.

AmeS. [X]

Ambientes ruderales y marítimos

T esc.

Am. Trop. [C]

Ambientes ruderales y marítimos

BIOTIPU

Agave americana*

Méx. [X]

Ambientes ruderales y áridos

C suc.

Ailanthus altissima*

Chi. [X]

Ambientes ruderales y viarios

meF

Ambrosia artemisiifolia*

AmeN. [I]

Ambientes agrícoles

Araujia sericifera*

AmeS. [X]

Toa mena d’ambientes

Arctotheca calendula Arundo donax Austrocylindropuntia subulata (=Opuntia subulata)

Opuntia ficus-indica*

T dec.

C y N Asia [A]

Ambientes riparios y ruderales

Cultivada y amontesada Fasteres húmedes naturales

meF suc. Hyd.

G bulb.

Paspalum dilatatum T

Am. Trop. [MH]

Xardinos y herbazales húmedos

H cesp.

Paspalum distichum

Am. Trop. [MH]

Caminos y fasteres arenices

C dec.

Fasteres húmedes y xardinos regaos

C dec.

Xap. [X]

Ambientes riparios y ruderales

Sableres y peñeos llitorales

C suc.

Robinia pseudoacacia Pi

AmeN. [J]

Cultivada y amontesada

meF

AmeS. [J]

Ambientes ruderales y riparios

C pulv.

Rosa rugosa Pi

Asia [X]

Cultivada y amontesada

Cap. [MH]

Fasteres húmedes salobres

T rept.

Senecio inaequidens*

Cap. [I]

Terrenos removíos y abiertos

C suf.

Ambientes húmedos

G riz.

C suf.

Sableres y peñeos llitorales

Carpobrotus edulis* T

Cap. [X]

Cortaderia selloana* T Cotula coronopifolia T

Cap. [X] Am. Trop. [X]

Ambientes ruderales húmedos

H cesp.

meF nF

Sonchus tenerrimus

E Med. [X]

Cantiles, muries y caminos

Spartina patens* T

W Med. [I]

Marismes y fasteres húmedes costeres

G bulb.

Am. Trop. [MH]

Ambientes arenizos costeros

H cesp.

Am. Trop. [X]

Xardinos de fasteres costeres

G riz.

Sporobolus indicus T

Cap. [X]

Ambientes ruderales y forestales

C esc.

Stenotaphrum secumdatum T

Eichhornia crassipes*

AmeS. [X]

Fasteres húmedes continentales

Hyd.

Tradescantia fluminensis* T

AmeS. [J]

Ambientes húmedos

G riz.

Erigeron bilbaoanus T (=Conyza bilbaoana)

AmeS. [I]

Ambientes ruderales y arvenses

T erect.

Tropaeolum majus

AmeS. [X]

Ambientes ruderales y viarios

T esc.

Vinca difformis

C Med. [X]

Ambientes riparios

C dec.

Erigeron bonariensis T (=Conyza bonariensis)

AmeS. [I]

Ambientes ruderales y arvenses

T erect.

Erigeron canadensis T (=Conyza canadensis)

AmeN. [I]

Ambientes ruderales y arvenses

T erect.

Erigeron sumatrensis T (=Conyza sumatrensis)

AmeS. [X]

Ambientes ruderales y arvenses

T erect.

Aus. [S]

Ambientes forestales y riparios

meF

Ambientes forestales

mgF

Eucalyptus camaldulensis Eucalyptus globulus

Aus. y Tas. [S]

ARRIBA Y DERECHA Tabla 2. Llista alfabética de plantes exótiques invasores d’Asturies. Señálense les plantes exótiques invasores tresformadores (T), y aquelles plantes exótiques con potencial invasor tresformador (Pi). Les plantes incluyíes nel Catálogu Español d’Especies Exótiques Invasores (Real Decretu 630/2013) indíquense con un asteriscu (*)

/48/

Ambientes arvenses y viarios

C suc.

Cap. [X]

Delairea odorata T (=Senecio mikanioides)

meF suc.

Reynoutria japonica* T (=Fallopia japonica)

Cyperus eragrostis Pi

Cultivada y amontesada

Ambientes riparios y viarios

Crocosmia ×crocosmiiflora T (=Tritonia ×crocosmiiflora)

Cap. [MH]

Oxalis pes-caprae*

H escap.

Asia [X]

Chi. [X]

Carpobrotus acinaciformis*

Am. Trop. [A]

Terrenos removíos y abiertos

Pterocarya ×rehderiana

AmeN. [X]

Am. Trop. [I]

Marismes y fasteres húmedes costeres

Buddleja davidii* T

Paspalum vaginatum T

AmeN. [X]

Baccharis halimifolia* Pi

Lantana camara Oenothera glazioviana

Praderíes terofítiques y sableres

AmeN. [X]

Ipomoea indica* Pi

Cap. [I]

Am. Trop. [I]

Azolla filiculoides*

T erect.

BIOTIPU

Ciencies 7 (2017)

Orixe: Afr. (África), AmeN. (Norteamérica), AmeS. (Sudamérica), Aus. (Australia), Cap. (Capense), Chi. (China), Xap. (Xapón), Med. (Región Mediterránea), Méx. (México), Tas. (Tasmania), Trop. (Tropical). Introducción: A (agricultura), I (involuntaria), X (xardinería), MH (mala herba), S (silvicultura). Biotipu: C (caméfitu) , H (hemicriptófitu), Hyd. (hidrófitu), nF (nanofanerófitu), mF (microfanerófitu), meF (mesofanerófitu), mgF (megafanerófitu), T (terófitu) X (xeófitu), bulb. (bulbosu), cesp. (cespitosu), dec. (decumbente), erect. (ereutu), esc. (escandente), escap. (escaposu), pulv. (pulviniforme), rept. (reptante), riz. (rizomatosu), suc. (suculentu), suf. (sufrutescente). Referencies: Torre Fernández (1998, 2003), Díaz González & Nava Fernández (2003), Cires Rodríguez et al. (2006), González Costales (2007), Campos & Herrera (2009), Vázquez & Fernández Prieto (2010), Fernández Prieto et al. (2014, 2017), y datos propios inéditos.

(2017) Ciencies 7

/49/

/Les plantes invasores como exemplu d’adautación a un territoriu. Situación actual n’Asturies

L’aumentu constante nel númberu de plantes que formen parte del catálogu de la nuesa flora vascular pue atribuyise a delles causes. Ye evidente qu’en bona parte ye consecuencia d’una meyor conocencia de la diversidá de la flora autóctona, pero amás, pa esplicar incrementu talu nun hemos escaecer la inclusión d’un númberu cada vegada mayor de plantes cultivaes, y el notable aumentu del númberu de plantes alóctones que se naturalicen y pasen a formar parte del llistáu de plantes silvestres. Valga d’exemplu, como mencionen Bueno Sánchez & Nava Fernández (2014), na última década, son munches les plantes cultivaes que tán introduciéndose nel Xardín Botánicu Atlánticu de Xixón. D’ente elles observóse’l comportamientu invasor en tres especies (Elaeagnus ×ebbingei, Euphorbia characias y Persicaria capitata).

El casu del llamáu Plumeru o Herba de La Pampa (Cortaderia selloana) val como exemplu de lo que ye una especie tresformadora de los ecosistemes naturales o seminaturales cantábricos y que, por tanto, ha catalogase como tresformadora nos catálogos español y autonómicos. Esti tamién sería’l casu d’otres especies como l’Árbol de les Caparines (Buddleja davidii), les Uñes de Gatu (Carpobrotus spp., principalmente C. acinaciformis, C. edulis y los sos híbridos) y diverses especies del xéneru Conyza (C. bilbaoana, C. bonariensis, C. canadensis y C. sumatrensis).

ARRIBA Carpobrotus acinaciformis. Semeya: E. Cires DERECHA Cortaderia selloana. Semeya: E. Cires

/50/

Ciencies 7 (2017)

/Les plantes invasores como exemplu d’adautación a un territoriu. Situación actual n’Asturies

La magnitú de l’amenaza que representen les invasiones biolóxiques afaló l’interés por afondar na conocencia d’esti fenómenu. La mayoría de les introducciones a gran distancia d’especies non natives en nueves fasteres son resultáu direutu o indireutu d’actividaes humanes. D’igual mou, los factores sociales y económicos son con frecuencia tan críticos como los factores biolóxicos na introducción d’especies exótiques. Nun hai que s’escaecer que dalgunes de les plantes naturalizaes más agresives, como por exemplu Baccharis halimifolia, Buddleja davidii, Carpobrotus edulis, Cortaderia selloana o Robinia pseudoacacia, entamaron el so espardimientu a partir d’exemplares escapaos de cultivu, en dalgunos casos introducíos pol hombre con fines diversos, y que llegaron a convertise güei en verdaderes amenaces pa les comunidaes vexetales. D’esta manera, conocer les principales especies alóctones ya invasores d’un territoriu vuélvese un llabor fundamental y necesariu.

DERECHA Cotula coronopifolia. Semeya: E. Cires

/52/

Ciencies 7 (2017)

(2017) Ciencies 7

/53/

/Les plantes invasores como exemplu d’adautación a un territoriu. Situación actual n’Asturies

Les invasiones vexetales fixeron posible conocer que l’adautación evolutiva a nueves condiciones tanto ambientales como biolóxiques (por exemplu, la esclusión d’herbívoros específicos colos que coevolucionaron) pue dase de forma rápida. En realidá, las plantes más invasores son aquelles que s’axusten meyor a les nueves condiciones ecolóxiques del ecosistema receptor. Polo tanto, l’estudiu de la variación xenética per parte de la bioloxía evolutiva pue ayudar a predicir la evolución de poblaciones d’especies invasores en respuesta a práutiques de manexu como, por exemplu, la evolución de la resistencia a herbicides o axentes de control biolóxicu.

DERECHA Oenothera glazioviana. Semeya: E. Cires ABAXO Crocosmia ×crocosmiiflora. Semeya: E. Cires

La llucha contra les plantes exótiques invasores pue facese en caúna de les etapes del procesu de la invasión: entrada, espardimientu y asentamientu de la población. La forma más efeutiva y menos costosa de remanar les especies invasores dañibles ye teneles fuera, ello ye, «prevenir» la so entrada.

El meyor métodu de llucha frente a les invasiones biolóxiques, y dacuando l’únicu eficaz daveres, ye la prevención

/54/

Ciencies 7 (2017)

(2017) Ciencies 7

/55/

/Les plantes invasores como exemplu d’adautación a un territoriu. Situación actual n’Asturies

Referencies bibliográfiques Barrett, S.C., Colautti, R.I. & C.G. Eckert (2008).- Plant reproductive systems and evolution during biological invasion. Molecular Ecology 17(1): 373-383. Bueno Sánchez, A. & H.S. Nava Fernández (2014).- 52. Alerta sobre plantas alóctonas que se escapan de cultivo en el Jardín Botánico Atlántico (JBA) de Gijón. En: Fernández Prieto, J.A., Vázquez, V.M., Bueno Sánchez, A. & E. Cires Rodríguez (Eds.). Notas corológicas, sistemáticas y nomenclaturales para el catálogo de la Flora Vascular del Principado de Asturias. II. Documentos del Jardín Botánico Atlántico de Gijón 11: 295-296. Campos, J.A. & M Herrera(2009).- Diagnosis de la Flora alóctona invasora de la CAPV. Dirección de Biodiversidad y Participación Ambiental. Departamento de Medio Ambiente y Ordenación del Territorio. Gobierno Vasco. Bilbao. Cires Rodríquez, E., Fernández Prieto, J.A. & A. Bueno Sánchez (2006).- Estado actual de las plantas alóctonas e invasoras del Principado de Asturias. Libro de resúmenes del 2º Congreso Nacional sobre Especies Exóticas Invasoras «eei 2006». geib. León. Chytrý, M., Pyšek, P., Wild, J., Pino, J., Maskell, L.C. & M. Vilà (2009).- European map of alien plant invasions based on the quantitative assessment across habitats. Diversity and Distribution 15: 98-107. Díaz González, T.E. & H.S. Nava Fernández (2003).- Catálogo previo de plantas alóctonas invasoras reales y potenciales de Asturias. Conseyería de Mediu Ambiente. Principáu d’Asturies. Ellstrand, N.C. & K.A Schierenbeck. (2000).- Hybridization as a stimulus for the evolution of invasiveness in plants? Proceedings of the National Academy of Sciences 97: 7043-7050. Fernández Prieto, J.A., Cires Rodríguez, E., Bueno Sánchez, A., Vázquez, V.M. & H.S. Nava Fernández (2014).- Catálogo de las plantas vasculares del Principado de Asturias. Documentos del Jardín Botánico Atlántico (Gijón) 11: 7-267. Fernández Prieto, J.A., Vázquez, V.M., Bueno Sánchez, A., Cires Rodríguez, E. & H.S. Nava Fernández (Eds.) (2017). Notas corológicas, sistemáticas y nomenclaturales para el catálogo de la Flora Vascular del Principado de Asturias. III. Naturalia Cantabricae 5(1): 1-41. Font Quer, P. (1953).- Diccionario de Botánica. Ed. Labor. Barcelona. Foxcroft, L.C., Pyšek, P., Richardson, D.M., Genovesi, P. & S. MacFadyen (2017).- Plant invasion science in protected areas: progress and priorities. Biological Invasions 19(5): 1353-1378. González Costales, J.A. (2007).- Plantas alóctonas invasoras en el Principado de Asturias. Conseyería de Mediu Ambiente, Ordenación del Territoriu ya Infraestructures y Obra Social «La Caixa». Uviéu. L ambdon, P.W., Pyšek, P., Basnou, C., Hejda, M., Arianoutsou, M., Essl, F., Jarošík, V., Pergl, J., Winter, M., Anastasiu, P., Andriopoulos, P., Bazos, I., Brundu, G., Celesti-Grapow, L., Chassot, P., Delipetrou, P., Josefsson, M., Kark, S., Klotz, S., Kokkoris, Y., Kühn, I., Marchante, H., Perglová, I., Pino, J., Vilà, M., Zikos, A., Roy, D. & P.E. Hulme (2008).- Alien flora of Europe: species diversity, temporal trends, geographical patterns and research needs. Preslia 80: 101-149. Prentis, P.J., Wilson, J.R., Dormontt, E.E., Richardson, D.M. & A.J. Lowe (2008).- Adaptive evolution in invasive species. Trends in Plant Science 13(6): 288-294. Sanz Elorza, M., Dana Sánchez, E. & E. Sobrino Vesperinas (2004)-. Atlas de las plantas alóctonas invasoras en España. Dirección General para la Biodiversidad. Madrid. Torre Fernández, F. de la (1998)-. Catalogación y tipificación de las plantas introducidas en Asturias. Seminariu d’Investigación. Departamentu de Bioloxía d’Organismos y Sistemes. Universidá d’Uviéu. Uviéu. ― (2003).- Las plantas invasoras en Asturias. Naturalia Cantabricae 2: 33-43. Vázquez, V.M. & J.A. Fernández Prieto (2010).- Reflexiones ante una futura catalogación de la flora invasora en el ámbito cantábrico. Locustella: Anuario de la Naturaleza de Cantabria 7: 86-93.

/56/

Ciencies 7 (2017)

(2017) Ciencies 7

/57/

Les cachiparres (Arachnida, Ixodida) n’Asturies:

faunística d’un taxon quizaleru na tresmisión de malures

Por Vítor Xuan Melero Cimas Biólogu

/58/

Ciencies 7 (2017)

Cachiparra engolada nuna planta. Semeya del autor

(2017) Ciencies 7

/59/

/ Les cachiparres (Arachnida, Ixodida) n’Asturies: faunística d‘un taxon quizaleru na tresmisión de malures

ENTAMU es cachiparres o cabarres son un grupu d’arácnidos (Filu Arthropoda, Clas Arachnida, Subclás Acari, Superorde Parasitiformes, Orde Ixodida) hematófagos, parásitos esternos de los vertebraos terrestres y con importancia médica y veterinaria. Agrúpense en tres families. La familia IXODIDAE o cachiparres reyeres, presenten nel cuerpu un escudu de cutícula terria y parasiten a los más de los vertebraos terrestres. La familia ARGASIDAE o cachiparres blandies, carauterícense por nun tener escudu dorsal endurecíu y por tener les pieces bucales allugaes ventralmente. Parasiten sobre manera páxaros y reptiles. La familia NUTALLIELLIDAE amosa carauterístiques intermedies ente les otres dos families. Nun hai namás qu’un xéneru con una especie nesta familia y esti atópase nel sur del continente africanu. La distribución cosmopolita de les cachiparres, al igual que’l so ciclu biolóxicu, fai qu’estos artrópodos seyan candidatos perafechiscos pa exercer de vectores de patóxenos. Ente les carauterístiques y costumes que desendolquen les cachiparres a favor d’esti tipu de xera alcontramos que:

/60/

Ciencies 7 (2017)

Son pa sacar l’agua del aire que-yos arrodia, lo que fai abondo más cenciello’l caltenimientu de les poblaciones de cachiparres mesmamente n’hábitats estremos. II. Son pa entrar en diapausa, colo qu’aparen les sos funciones fisiolóxiques naquellos periodos nos que les condiciones meteorolóxiques son desfavoratibles o nos que nun heba, o nun topen, agospiadores afayadizos. III. Son pa decatase de la presencia de los sos posibles agospiadores pola mor d’un complexu sistema sensorial que-yos fai posible deteutar estímulos como arumes específicos, cimblíos y cambeos de temperatura. Munches especies de cachiparres, sobre manera de la familia Ixodidae, pueden alimentase accidentalmente sobro’l ser humanu. Una picadura de cachiparra pue, dende pasar inalvertida, hasta producir estremaos cuadros clínicos como mancadures llocales, reaiciones alérxiques que pueden dar en shock anafilácticu o mesmamente paralís d’orixe tóxicu. Al endefechu, estos arácnidos pueden exercer como vectores na tresmisión de malures orixinaes por virus, bacteries y protozoos. Esti ye’l casu de les bacteries del complexu Borrelia burgdorferi sensu lato, axente etiolóxicu responsable de la malura de Lyme. (Ver apartáu a lo cabero d’esti artículu).

CICLU BIOLÓXICU DE LES CACHIPARRES El ciclu biolóxicu de les cachiparres alterna periodos de vida llibre y momentos de vida parásita. Presenten cuatro estayes nel so desendolcu: güevu, llarva, ninfa y adultu (machos y femes), y pa pasar d’una estaya a otra tienen d’alimentase col sangre d’un agospiador y mudar. Les cachiparres reyeres (familia Ixodidos), les que pueden atopase n’Asturies, clasificaríense pol so ciclu vital naquelles con namás qu’un agospiador (llarves, ninfes y adultos aliméntense sobre un mesmu agospiador), aquelles con dos

cuatro pares de pates y son un poco más grandes (2 mm). Topen un agospiador afayadizu, que puen ser pequeños animales monteses, animales caseros y mesmamente’l ser humanu, y aliméntense tamién dellos díes. En tando fartes suéltense, cayen al suelu y muden tamién pente’l morgazu. D’esta muda yá sal un individuu adultu, machu o fema (50 mm). Darréu, llocalicen otra vegada un agospiador, nesti casu grandes animales incluyíu’l ser humanu, y aliméntense per elli. Les femes tiren ente siete y catorce díes alimentándose, y ye sobre l’agospiador y nesi in-

Les cachiparres ixódides muden 2 vegaes en saliendo del güevu: de llarves (de 6 pates y menos de 1 mm) a ninfes (8 pates , 2 mm) y d’estes a adultos (50 mm), y fártense de sangre enantes de les mudes. Nel ciclu echen ente 1 y 6 años agospiadores (les llarves y les ninfes aliméntense sobre un mesmu agospiador y los adultos n’otru) y con tres agospiadores (cada estaya aliméntase sobre un agospiador estremáu). Entamando per una fema fartuca, el ciclu escomencipia cola puesta na vexetación de los güevos. Darréu, la fema muerre. N’aportando les condiciones afayadices (sobre too d’humedanza y temperatura), de los güevos surden les llarves, que namái tienen tres pares de pates y son diminutes (menos de 1 mm). Llueu de llocalizar un agospiador afayadizu, xeneralmente dalgún animal montés pequeñu, comen per elli tres o cuatro díes. En tando entelegaes, déxense cayer al suelu, au muden metíes pente la vexetación. D’esta primer muda surde la ninfa, que yá tien

tre cuando los machos van fecundales. Darréu d’esta llacuada, les femes déxense cayer al suelu y entamen a poner güevos pente la vexetación, zarrando asina’l ciclu. D’otra miente, los machos nun papen namás qu’un llampiayu de sangre, abondo como pa finar la espermatoxénesis. Busquen femes coles qu’apareyase enriba’l mesmu agospiador pel que s’alimentaron y darréu la fecundación, déxense cayer al suelu pa morrer. El ciclu biolóxicu enteru d’un ixódidu pue allargase d’ún a seis años, acordies cola especie de cachiparra, con que tope más o menos llueu agospiadores de los que s’alimenta y tamién coles condiciones esternes d’humedanza y temperatura qu’heba na fastera.

(2017) Ciencies 7

/61/

/ Les cachiparres (Arachnida, Ixodida) n’Asturies: faunística d‘un taxon quizaleru na tresmisión de malures

ECOLOXÍA DE LOS IXÓDIDOS Pola mor d’esta alternancia de vida llibre y vida parásita nel so ciclu vital, les costumes y vezos de les cachiparres asina como la so sobrevivencia ta venceyada ensembre colos fautores esternos de la fastera au viven: presencia d’agospiadores afayadizos, climatoloxía, vexetación y microclima (humedanza y temperatura). L’hábitat natural de los Ixódidos son les fastielles de viesca y de balse, onde amayaden cuasique tol tiempu entemecíos cola foyarasca o no fondero la estaya yerbácea. Esto fáenlo porque toles cachiparres son hidrófiles, colo que precisen pa la so sobrevivencia un clima templáu y con abonda humedanza pa poder caltener el so balance hídricu. Les estremaes especies de cachiparres riquen distintes cantidaes d’humedanza y temperatura, lo que va indicamos el tipu de vexetación más afayadiegu pa caúna. Dalgunes especies pueden apolistronar mesmamente n’ambientes urbanos. Col envís d’adautase a les estremaes condiciones y medios, atópense variamientos del ciclu biolóxicu xeneral. D’esta miente, alcuéntrense especies endófiles, que son aquelles que completen el so ciclu vital dientro de los xoriles de los vertebraos, pelos qu’esguilen y de los qu’amiyen pa completar cada estaya del ciclu. Esti ye’l casu de delles especies del xéneru Ixo-

/62/

Ciencies 7 (2017)

des, como I. frontalis. Tamién topamos especies endo-exófiles, que son aquelles que desendolquen les primeres estayes del so ciclu dientro los xoriles de los sos agospiadores, pero qu’en siendo adultos, salen d’ellos pa completar el ciclu nel esterior. Asina lo faen delles especies del xéneru Dermacentor como D. marginatus y D. reticulatus. Finalmente, tamién s’alcuentren especies exófiles, que son les que desendolquen tol so ciclu vital na vexetación. Les más de les especies del xéneru Ixodes, ente les que s’alcuentra I. ricinus, tán incluyíes nesti grupu. La mayoría de les cachiparres anden activamente a la gueta d’un agospiador namái que nunos periodos perbién afitaos del añu, y sedrá nestos periodos cuando les cachiparres van poder infestar a los sos agospiadores. D’esta miente, la tresmisión de delles malures va tener tamién caráuter estacional. Decatase y tener controlaos estos periodos d’actividá de los vectores ye asuntu quizaleru pa determinar los momentos del añu nos que la xente que pueda entrar en contautu con ellos, va tar en riesgu d’infeición. Cuando les cachiparres remanecen de la diapausa en cualesquiera de les estayes del ciclu biolóxicu, entamen la busca d’agospiador. Esta vien dada por:

rexones tropicales onde les diferencies Hai cabarres qu’aceñen al agospiador o güéspede nel grandor de los díes díes y hasta selmanes, dexándolu namái si se y la temperatura a lo deshidraten. Otres anden en busca del agospiador llargu l’añu son muny nun lo dexen hasta topalu cho menos notories, van tar determinaos pola alternancia ente la estación de lloviu y la estación seca (SonensI. Estratexes d’aceñamientu, nes que les hine 1994). cachiparres esguilen pela vexetación y Una vegada desarreyada la estratexa de queden aceñando sollertes pa xubise a buscamientu d’agospiador por aceñamientu, les un agospiador qu’ande pela redolada y cachiparres sonpa tar asina díes o mesmamenpase a la so vera (Ver semeya d’entamu te selmanes, hasta que’l balancéu hídricu del del artículu). so cuerpu-yos obligue a dase. Entós, tienen de II. Estratexes de caza, nes que les cachipabuscar microhábitats más llentos y protexíos del rres debalen pel tarrén tando sollertes secamientu au se rehidratar. Davezu, les cachip’atacar a un agospiador. parres alternen periodos de busca d’agospiador En dambos casos, les cachiparres aprovecon otros nos que tienen como oxetivu fundachen la so capacidá p’alvertir y reaicionar a demental el rehidratase. Delles especies axusten llos estímulos qu’unvia l’agospiador, como son la busca d’agospiador a ciclos diarios. D’otra los resclavos de co2, de nh3 o la calor corporal. miente, cuando les condiciones ambientales nun El periodu de buscamientu (activu o pasivu,) son les más afayadices, los exemplares nuevinos d’agospiador pue camudar dientro’l rangu zoqu’apuerten a la población entren dafechamenoxeográficu de les distintes especies ya inclusite en diapausa. ve les estremaes estayes del desendolcu d’una Nel casu de les qu’empleguen estratexes de mesma especie y nuna mesma fastera xeográcaza, la táutica estrémase dafechu. Nesti casu, fica, pueden buscar agospiadores en distintes les cachiparres caltiénense achisbando en miépoques del añu. crohábitats protexíos, nos que nun tean albenEstos momentos d’actividá estacional tán testate y cuerran peligru de secar Namái colen controlaos y regulaos pola rempuesta de les cad’estos requexos como rempuesta a un estímulu chiparres a los cambeos nes condiciones medioque tea l’aniciada nún posible agospiador. ambientales que van dase a lo llargu l’añu. D’esta Asina, conocer les estremaes especies de miente, nes rexones templaes y subártiques del cachiparres qu’hai nun territoriu, los sos perioplaneta, van tar determinaos polos cambeos dos d’actividá estacional y diarios, y sobre manel fotoperiodu, pola enerxía solar qu’apuerta nera d’aquelles que son pa tresmitir malures, y pola temperatura ambiental. Pela cueta, nes ye asuntu quizaleru al envís d’aplicar posibles midíes de control.

(2017) Ciencies 7

/63/

/ Les cachiparres (Arachnida, Ixodida) n’Asturies: faunística d‘un taxon quizaleru na tresmisión de malures

ESPECIES DE CACHIPARRES PRESENTES N’ASTURIES. BIOXEOGRAFÍA Recoyida de cachiparres na vexetación Al envís de valorar el riesgu d’infestación por Borrelia, la espiroqueta causante de la malura de Lyme n’Asturies, y col oxetivu de conocer los estremaos aspeutos faunísticos del so vector quizaleru, les cachiparres de la familia Ixodidae y sobre manera n’Asturies la especie Ixodes ricinus, diseñáronse y fixéronse estremaes recoyíes específiques pa esti taxon pela vexetación del nuesu territoriu (Melero, V.X., A. Anadón & F. O. Ocharan 2007). Recoyéronse cachiparres cola téunica nomada blanket dragging, que consiste n’arrastrar una toballa blanca pelos praos, pelos matos y pel estratu yerbaceu y pela maleza de les viesques (Fig. 1). Fixéronse recoyíes estensives per estremaos medios vexetales y n’estremaes llocalidaes de la xeografía asturiana, poniendo enfotu en zones perfrecuentaes pola xente como árees recreatives, xardinos, parques asina como naquelles zones con dalguna figura de proteición ambiental. Tamién se fixeron recoyíes mensuales en delles llocalidaes del nuesu territoriu col envís d’analizar el comportamientu diferencial de presencia y actividá de les estremaes especies de cachiparres, y de les estremaes estayes del ciclu, a lo llargo l’añu (fenoloxía). Arriendes d’esto y col oxetivu de pescanciar los momentos del día de mayor actividá de cada especie, de cada estaya y en cada estación del añu, escoyóse una llocalidá na que taba comprobada la presencia de cachiparres pa facer un muestréu de venticuatro hores (una recoyida cada dos hores) per estación.

/64/

Ciencies 7 (2017)

DESCRIPCIÓN DE LES ESPECIES D’IXÓDIDOS PRESENTES N’ASTURIES. DISTRIBUCIÓN, FENOLOXÍA Y ACTIVIDÁ DIARIA 1. Xéneru Ixodes Ixodes ricinus (cachiparra de los venaos) Ye la especie de cachiparra más frecuente y más abondosa del noroeste d’Europa. Ente los posibles agospiadores d’I. ricinus, alcuéntrense una bayura d’animales, lo mesmo monteses que caseros, incluyíu’l ser humanu. Ye una cachiparra con tres agospiadores a lo llargo’l so ciclu vital. Les femes, ninfes y llarves parasiten mamíferos de tamañu mediu-grande, como oveyes, vaques, venaos y perros. Les ninfes y llarves aliméntense amás sobre mamíferos pequeños como mustélidos y royedores, y tamién sobre delles especies de páxaros y reptiles. Los esperteyos pueden facer d’agospiadores d’I. ricinus namái que d’un mou accidental. A los machos nun ye cenciello atopalos garraos al agospiador. No que cinca a la so distribución mundial, I. ricinus ye común en tol noroeste d’Europa y ta presente na mayor parte de la fastera paleártica occidental. Na Península Ibérica ye perabondosa na faza nortiega atlántica y van amenorgando les sos poblaciones al dir faciéndose mayor la ARRIBA influyencia mediterránea. Figura 1. L’autor recoyendo cachiparres nun prau I. ricinus afáyase en microhábitats mui húmedos y visiegos, como viesques y matos trupos. Un ciclu completu d’I. ricinus (de güevu a adultu) pue durar ente ún y seis años. Ye una especie perimportante pola mor de lo afechisca que ye Ixodes ricinus, la más abondosa n’Asturies, tien 3 agospiadores na vida (incluyíos p’acarrexar y tresmitir una refilelos humanos). Femes, ninfes y llarves parasiten vaques, oveyes, perros, etc.; ra de patóxenos. I. ricinus xuega ninfes y llarves tamién s’atopen en mamíferos pequeños (mustélidos, royedores), un papel quizaleru como vector asina como páxaros y reptiles; los machos ye difícil atopalos nel agospiador. competente na tresmisión del grupu Borrelia burgdorferi sensu

(2017) Ciencies 7

/65/

/ Les cachiparres (Arachnida, Ixodida) n’Asturies: faunística d‘un taxon quizaleru na tresmisión de malures

ARRIBA Mapa 1. Presencia d’Ixodes ricicnus n’Asturies DERECHA Ciclu añal de la especia

lato (malura de Lyme) n’Europa, calteniendo y tresmitiendo’l patóxenu. Al endefechu, ye pa acarrexar y/o tresmitir otros patóxenos como bacteries y protozoos y ye vector de dellos virus. Distribución n’Asturies N’Asturies, ye la especie más numberosa y tamién la más espardida pela xeografía del país (Mapa 1). Atópase per tol territoriu asturianu, dende la faza costera hasta les zones del cordal, y dende l’estremu occidental hasta l’oriental. Ye, ensin dulda nenguna, la especie de cachiparra quizalera n’Asturies. L’altor al qu’apaez I. ricinus n’Asturies va dende los 60 m de Corniana (Salas), hasta los 1.375 m d’El Ḷḷamardal (Gúa, Somiedu). No que cinca a los medios vexetales muestreaos, apaecen exemplares d’esta especie en

/66/

Ciencies 7 (2017)

Lleenda de los mapes: En blanco: ensin mostréu En verde: ensin presencia de la especie En colorao: presencia de la especie

tolos que se fixeron recoyíes, sacante la vexetación de porreos (Ría de Villaviciosa). Ye más abondosa nos matos, sobre manera de felechu y gorbizu, en suelos de viesca, en praos a pacer y tamién pue atopase en praos a siega, en matos dientro de viesca y en sotos. Ocharan et al. (2003) atroparon exemplares d’esta especie n’estremaos medios vexetales de la Reserva Natural Integral de Munieḷḷos (suroccidente d’Asturies). Ente ellos, viesques (carbayeres, viesques entemecíes, fayeos, fresneos, umerales y abeduriales), matos de xinesta y praos a siega. Tamién ta afitada la presencia d’I. ricinus nes árees recreatives (dende agora AR) de San Esteban (Cuñaba, Peñamellera Baxa), «La Pesanca» (Espinaréu, Piloña) y «El Castrín» (Llaíñes, Sobrescobiu), al igual que nel parque periurbanu de La Cuesta’l Naranco (Uviéu).

Fenoloxía n’Asturies Les llarves d’I. ricinus puen atopase nos medios vexetales d’Asturies a lo llargo de tol añu, sacante en xineru. Montoneres de llarves pueden llocalizase na primavera y nel branu, ente abril y setiembre, amosando una estacionalidá perclara. El máximu d’exemplares dase en mayu, con otru picu d’abondancia menos numberosu n’agostu. Neto que les llarves, les ninfes d’I. ricinus tán presentes nos medios vexetales del nuesu país tol añu. Tamién amuesen estacionalidá, con máximos de recoyíes na primavera, en mayu, y un picu menor n’agostu. Ente payares y febreru son munchu menos abondoses, pero caltiénense valores notables de captures en setiembre, ochobre, marzu y abril. No que cinca a los adultos, tán presentes tol añu. Les femes son más numberoses en xunu y los machos en mayu. Actividá diaria d’I. ricinus n’Asturies I. ricinus ye, ensin dulda nenguna, la especie de cachiparra más importante d’Asturies. Mesmo polo abondoso que polo espardío de la so presencia na vexetación del nuesu territoriu. Poro, ye la especie de la que se tienen más datos de captura. Esto, xunto col papel quizaleru que xuega nel tresporte y la tresmisión de les bacteries del grupu Borrelia burgdorferi sensu lato (malura de Lyme) como vector competente n’Europa, fai que seya perimportante l’análisis d’esta especie no que cinca a la so actividá diaria nos medios vexetales del país. Pel branu, les llarves son enforma más numberoses que les ninfes. Los adultos nun apaecen activos nos medios vexetales asturianos. Les llarves tán actives del meudía hasta l’atapecer, rescamplando dos momentos

d’actividá bien claros estremaos ún d’otru unes 4 hores; al entamu y a lo cabero la tarde. La so actividá namás ye dafechu nula enantes d’alborecer. No que cinca a les ninfes, la mayor actividá dase a lo cabero la tarde ya, neto que les llarves, la so actividá nun apara dafechu namás qu’enantes d’alborecer. Pela seronda, les ninfes son más abondoses que les llarves y les estayes adultes entamen a aprucir pente la vexetación asturiano. Les llarves d’I. ricinus son muncho menos numberoses na seronda que nel branu y, a la escontra de lo que pasa nel estivu, caltiénense actives nos medios vexetales demientres tol día, con un momentu perclaru d’actividá pela tarde. Les ninfes, neto que les llarves, tán actives a lo llargo tol día, con máximos

(2017) Ciencies 7

/67/

/ Les cachiparres (Arachnida, Ixodida) n’Asturies: faunística d‘un taxon quizaleru na tresmisión de malures

d’actividá ente la media tarde y l’atapecer. Ente la primer hora de la nueche y la media mañana rescampla una perbaxa actividá de les ninfes. Pel iviernu tamién son más abondoses les ninfes que les llarves. Los adultos tornen otra vegada a amosar una perbaxa actividá o a tar dafechu inactivos. Les llarves pueden atopase sobre manera al meudía. No que cinca a les ninfes d’I. ricinus, apaecen actives tol día. A la escontra que pela seronda, pel iviernu los momentos de mayor actividá son pela mañana. Pela primavera, tornen otra vegada a ser más numberoses les llarves que les ninfes. Los adultos apaecen activos pelos medios vexetales asturianos. Les llarves tán actives les 24 hores, con momentos de máxima actividá pela tarde y al atapecer. Pela nueche y pela mañana l’actividá ye perbaxa. Les ninfes, neto que les llarves, tán actives a lo llargo de tol día. Pela cueta, les máximes d’actividá van ser pela mañana y nes primeres hores de la tarde. Los adultos tán activos sobre manera al atapecer. (Fig. 4).

Ixodes frontalis (cachiparra de los páxaros) Ye una especie d’ixódidu tirando a pequeña mui venceyada colos páxaros y colos ñeros d’estos. Toles estayes del desendolcu d’I. frontalis aliméntense de páxaros, sobre manera andarines, braninos, pioyinos, ñerbatos, palombes, cuervos, pites d’agua y rulles. Accidentalmente tamién pueden parasitar a dellos mamíferos como fuines y melandros. I. frontalis espárdese per toa Europa, dende les Islles Canaries hasta los mones del Cáucasu. Puen atopase exemplares d’I. frontalis en ñeros de páxaros construyíos en viesques de coníferes, neto qu’en viesques de fueya cayedizo, al empar qu’en parques y xardinos. Tamién ye bono d’alcontrar machos no fondero la vexetación, siempres averaos o dientro’l ñeru de dalgún páxaru. No que cinca al so papel na malura de Lyme, ye una especie capaz d’acarretar el patóxenu pero nun ta perafitao que seya pa tresmitilu. D’otra miente, ye acarriador y tresmisor afechiscu d’otros munchos patóxenos.

ABAXO Mapa 2. Presencia d‘ Ixodes frontalis n’Asturies

/68/

Ciencies 7 (2017)

(2017) Ciencies 7

/69/

/ Les cachiparres (Arachnida, Ixodida) n’Asturies: faunística d‘un taxon quizaleru na tresmisión de malures

Distribución n’Asturies N’Asturies ye una especie poco abondosa y bien poco espardida. Tiénense datos d’esta especie nel oriente (ar de San Esteban, Cuñaba, Peñamellera Baxa), del centro-oriente (Llaíñes, Sobrescobiu) y del centro-occidente d’Asturies (La Coḷḷada d’Aguinu, Aguinu, Somiedu) (Mapa 2). Tolos llugares au se recoyó, alcuéntrense nel interior, mui cerca del cordal. L’altor va dende los 352 m del ar de San Esteban hasta los 981 m de La Coḷḷada d’Aguinu. L’únicu mediu vexetal onde apaeció I. frontalis foi’l matu, sobre manera de felechu y artu, dientro de viesques autóctones (sotu con faya y ablanu nel AR de San Esteban, castañal na re-

/70/

Ciencies 7 (2017)

dolada l’AR «El Castrín», Llaíñes, Sobrescobiu y rebollar en La Coḷḷada d’Aguinu). Nun s’atopó pente la maleza al abertal nin en praos. Fenoloxía n’Asturies Tiénense mui pocos datos d’esta especie n’Asturies. Les llarves atropáronse toes nun mesmu muestréu, nel del mes de setiembre. Les ninfes nun amuesen estacionalidá nenguna. Recoyéronse en mayu, agostu y avientu. Rescampla que nun se garraren exemplares adultos d’esta especie nos medios vexetales asturianos en tol añu.

2. Xéneru Haemaphysalis Haemaphysalis inermis (cachiparra ivernal) Ye una especie d’ixódidu ivernal de pequeñu tamañu que s’afaya sobre manera nes viesques con venaos del centru d’Europa. Los agospiadores que más-y presten a los machos y a les femes d’esta especie son los mamíferos grandes, mesmo monteses que caseros, como vaques, caballos, oveyes, venaos, perros, raposes y perrucuspinos. Ente estos, el ser humanu tamién pue ser un agospiador accidental. Por embargu, l’agospiador cimeru ye’l venáu. No que cinca a les estayes inmadures, les llarves avecen parasitar llargatexes, perrucuspinos y delles especies de royedores. Les ninfes asinen a emplegar como agospiadores una bayura de

ABAXO Mapa 3. Presencia d’Haemaphysalis inermis n’Asturies

mamíferos de medianu y gran tamañu, herbívoros y carnívoros y lo mesmo monteses que caseros, como llebres, perros, raposes, xabalinos, corcios, venaos, caballos, oveyes, cabres y vaques. H. inermis espárdese llocalizadamente per Francia, Polonia, Bulgaria, Rumania, Austria, la rexón mediterránea, la Península Balcánica y allega pel este a Irán y pel sur a Asia.

teries del xéneru Rickettsia amás de tresmitir el virus de la encefalitis por cachiparres (tbe). La carauterística actividá ivernal de los adultos d’H. inermis ye asuntu quizaleru na epidemioloxía de les patoloxíes que ye pa tresmitir esta especie. Sobre manera n’aquelles rexones onde s’atopa al empar con otres especies de cachiparres que tamién seyan vectores d’estas patoloxíes y que van tar actives n’otros momentos del añu.

D’adulta, ye una especie dafechu ivernal. Los machos y les femes pueden alcontrase dende ochobre, pero son más numberosos en payares y avientu. Ye nesos meses cuando tán actives pente la vexetación lo mesmo pel día que pela nueche, y inclusive con lloviu o ñeve. Namás entren en diapausa si les condiciones meteorolóxiques se ponen pergafes, como si se formare xelu. Caltiénense nel mediu hasta marzu o abril. Nun ta comprobao qu’H. inermis seya pa acarrexar nin tresmitir Borrelias. D’otra miente, ye vector de, polo menos, dos especies de bac-

(2017) Ciencies 7

/71/

/ Les cachiparres (Arachnida, Ixodida) n’Asturies: faunística d‘un taxon quizaleru na tresmisión de malures

Distribución n’Asturies N’Asturies ye una especie perpoco abondosa pero alcuéntrase bien esballada pela xeografía asturiana (Mapa. 3). La so distribución per Asturies ye bien asemeyada a la del restu d’especies del xéneru Haemaphysalis, tando presente nel oriente: Piepotru (Caravia), El Restañu (Amieva) y San Esteban (Cuñaba, Peñamellera Baxa) y nel centru: Llaíñes, (Sobrescobiu), La Coḷḷá Aciera (Proaza) y Aguinu (Somiedu). Por embargu, H. inermis espárdese más pal occidente que les otres especies, aportando hasta la llende de la fastera central y occidental d’Asturies, llocalizándose en Sigueiru (Cibea, Cangas del Narcea). No que cinca al altor pue alcontrase dende los 217 m de Piepotru hasta los 1.190 m de Sigueiru.

/72/

Ciencies 7 (2017)

H. inermis ta presente sobre manera en gorbizales y felechales, y tamién en dalgún cotollal y dalguna xinestera. Nun s’atropó nin na estaya yerbacea de les viesques nin nos praos a pastiar. Fenoloxía n’Asturies Los adultos tán presentes na vexetación a lo llargu tol añu de mou regular pero non de contino, ensin amosar una estacionalidá clara. El máximu de femes va dase en payares y el de machos n’abril. Rescampla que nun s’atoparen estayes inmadures, nin llarves nin ninfes, d’esta especie nos medios vexetales del país en tol añu.

ARRIBA Mapa 4. Presencia d’Haemaphysalis punctata n’Asturies

Haemaphysalis punctata (cachiparra de les oveyes) Ye la especie del xéneru Haemaphysalis más abondosa na mayor parte d’Europa. Los agospiadores fundamentales de machos y femes d’H. punctata son les oveyes y les vaques. Tamién s’atopen en cabres, caballos, venaos, xabalinos, perros, raposes, llebres, perrucuspinos y delles especies de mustélidos. Magar que nun seya lo qu’avecen, pueden alimentase accidentalmente nel ser humanu. A llarves y a ninfes ye más cenciello atopales sobre pequeños mamíferos pero tamién s’alimenten de páxaros como cuervos, pegues, faisanes, estorninos, gurriones, ñervatos, mosquiteros, escribanes y mederizos. Tamién pue apaecer enriba llargatos. Esta especie espárdese de mou irregular per tola Europa continental y les Islles Britániques, sacante Irlanda. Tamién pue apaecer en dalgunes fasteres del norte d’África, como Exiptu y Arxelia, hasta onde, de xuru, llegaren sobre páxaros migradores. H. punctata afáyase nuna bayura d’hábitats estremaos; dende los mas húmedos y relativamente cálidos del oeste d’Europa hasta los me-

dios semidesérticos d’Asia central. Nun aveza apaecer en fasteres de viesca trupa; ye más cenciello atopala ente la maleza y los arbolexos. Na fastera septentrional de la Península Ibérica, H. punctata pue acarrexar espiroquetes del grupu Borrelia burgdorferi (Manilla 1998), magar que nun tea demostrao que seya quien a tresmitiles. H. punctata xuega un papel perimportante na tresmisión d’otres bacteries, protozoos y virus causantes d’otres malures. Distribución n’Asturies Ye la segunda especie d’ixódidu más abondosa n’Asturies. Por embargu, ta perpoco espardida pel nuesu territoriu (Mapa 4). Pue alcontrase nel oriente d’Asturies, tanto na fastera de costa (Bones, San Esteban, Ribeseya) como na de valle (Rifabar, Espinaréu, Piloña y San Esteban, Cuñaba, Peñamellera Baxa) y tamién s’esbaralla pel centru en fasteres de valle (La Coḷḷá Aciera, Samartín, Proaza y Castru, La Pola, Somiedu) y de monte (La Coḷḷada d’Aguinu, Aguinu, Somiedu).

(2017) Ciencies 7

/73/

/ Les cachiparres (Arachnida, Ixodida) n’Asturies: faunística d‘un taxon quizaleru na tresmisión de malures

L’altor al qu’apaez H. punctata va dende los 79 m de Bones hasta los 981 m de La Coḷḷada d’Aguinu. No que cinca a los medios vexetales, atópase sobre manera en matos de felechu y tamién de gorbizu, cotolla, artu y xinesta. Tamién ta presente en praos a pastiar y a siega. Nun se garraron exemplares d’esta especie nes estayes yerbácees de les viesques. H. punctata ta presente nes árees recreatives de «La Pesanca» (Espinaréu, Piloña) y de San Esteban. Fenoloxía n’Asturies Les llarves d’H. punctata amosen una estacionalidá descomanada. Aprucen nos medios vexetales asturianos a lo cabero la primavera, caltiénense pel branu y tamién al entamu la seronda, ente los meses de mayu y ochobre. El máximu d’exemplares ye n’agostu. Les ninfes caltiénense na vexetación más tiempu que les llarves y tamién amosen estacionalidá. Atópense ente los meses de febreru y setiembre, con máximu n’abril. Atópense adultos d’esta especie a lo llargo de cuasi tol añu. Machos y femes son más abondosos na primavera, con máximos n’abril.

Haemaphysalis concinna (cachiparra del morgazu) L’agospiador principal pa los adultos d’H. concinna son los venaos. Arriendes d’ello, puede llocalizase sobro vaques, caballos, canes, gatos y llebres. Llarves y ninfes parasiten davezu venaos, perrucuspinos, delles especies de royedores, reptiles y páxaros. Les ninfes d’esta especie pueden alimentase sobro’l ser humanu, magar que nun lo faigan davezu. Esta especie espárdese dende’l centru de la costa atlántica europea hasta China y Xapón. Afáyase en viesques templaes y viesques entemecíes. H. concinna pue acarrexar Borrelia burgdorferi, pero nun ta afitao que seya quien a tresmitila. Por embargo, ye un vector competente pa otres bacteries y virus. Distribución n’Asturies N’Asturies ye una especie menos abondosa qu’H. punctata, pero ta más espardida qu’esta (Mapa 5). Estiéndese pel oriente: San Esteban (Cuñaba, Peñamellera Baxa), Bones (San Esteban, Ribeseya), El Llanu Llames (Gobiendes, Colunga), Piepotru (Caravia) y tamién pel centru d’Asturies:

ABAXO Mapa 5. Presencia d’Haemaphysalis concinna n’Asturies

/74/

Ciencies 7 (2017)

(2017) Ciencies 7

/75/

/ Les cachiparres (Arachnida, Ixodida) n’Asturies: faunística d‘un taxon quizaleru na tresmisión de malures

Llaíñes (Sobrescobiu), Rifabar (Espinaréu, Piloña), Caranga Baxu y La Coḷḷá Aciera (Proaza), Aguinu y Castru (Somiedu), El Cantu la Flecha (Tameza) y Tañes (Casu). Nun se recoyeron exemplares d’esta especie pel occidente del país. Neto qu’H. punctata, l’altor al que s’atropó H. concinna va dende los 79m, de Bones hasta los 981 m de La Coḷḷada d’Aguinu. Atópense exemplares d’esta especie sobre manera nos felechales. Tamién en matos d’artu, de xinesta, de cotolla y de gorbizu, asina como en suelos de viesca (castañeos), praos a siega y a pastiar. Ta perafitada la presencia d’H. concinna en tres árees recreatives d’Asturies: ar de San Esteban (Cuñaba, Peñamellera Baxa), ar «La Pesanca» (Espinaréu, Piloña) y ar «El Castrín» (Llaíñes, Sobrescobiu). Fenoloxía n’Asturies Les llarves amosaron estacionalidá abondante. Tán actives ente los meses d’abril y ochobre. El máximu d’exemplares d’esta especie nos medios dase en xunu con un piquín pequenu pel branu, nel mes d’agostu. No que cinca a les ninfes compórtense de mou asemeyáu. Tán presentes ente marzu y payares, col máximu d’abondancia en xunu. De los adultos, machos y femes puen atopase sobre manera pel branu y otra vegada a lo cabero l’iviernu.

3. Xéneru Dermancentor Dermacentor marginatus (cachiparra orniada de les oveyes) Les estayes adultes d’esta especie aliméntense sobro grandes mamíferos como venaos, vaques y oveyes, pero tamién pueden llocalizase sobro canes, llebres, perrucuspinos y tamién seres humanos y páxaros. Les llarves y les ninfes tienen el vezu de parasitar coneyos, royedores y páxaros. D. marginatus distribúise pel centro-sur d’Europa hasta Asia central. Pue alcontrase esta especie en matos d’estepa, viesques templaes, praderíes y brañes. Neto qu’H. inermis, nun ta comprobao que D. marginatus seya quien a acarrexar nin a tresmitir Borrelies. Por embargo, ye’l vector quizaleru nel centru d’Europa de la bacteria Coxiella burneti (qfever) y del virus causante de la encefalitis por cachiparres (tbe), arriendes d’otres bacteries y virus. Distribución n’Asturies N’Asturies ye una de les especies menos abondoses y menos frecuentes (Mapa 6). Ta presente na faza mariñana del oriente: Bones (Ribeseya) y Porreos de la Ría de Villaviciosa, na fastera de valle del centru: La Coḷá d’Aciera (Proaza) y na zona de monte del occidente: Sigueiru (Cibea, Cangas del Narcea). Tamién ta citada esta especie na Reserva Natural Integral de Munieḷḷos (suroccidente d’Asturies) (Ocharan et al. 2003).

IZQUIERDA Mapa 6. Presencia de Dermacentor marginatus n’Asturies

/76/

Ciencies 7 (2017)

(2017) Ciencies 7

/77/

/ Les cachiparres (Arachnida, Ixodida) n’Asturies: faunística d‘un taxon quizaleru na tresmisión de malures

L’altor al que s’alcuentra D. marginatus va dende los 2 m de los porreos de la Ría de Villaviciosa hasta los 1.190 m de Sigueiru. No que cinca al tipu de vexetación, atópase sobre manera n’artadales, cotollales, y xinesteres, siempres con dalgo de felechu. Tamién apaez en praos a pastiar y na vexetación de los porreos de la Ría de Villaviciosa. Toos estos medios vexetales, magar que tean lloñe xeograficamente y qu’heba diferiencies pergrandes n’altor, aseméyense en que toos ellos soporten una carga ganadera perimportante cuasi a lo llargo de tol añu. Nun s’atopó nin en suelos de viesca nin en praos a siega. Ocharan et al. (2003) citen D. marginatus nun prau a pastiar y nuna xinestera del Monte Valdebóis (Seroiro, Ibias, rni de Munieḷḷos). Fenoloxía n’Asturies Neto que d’I. frontalis, nun se tienen munchos datos d’esta especie n’Asturies. No que cinca a los adultos, les femes apaecen nos estremaos medios vexetales asturianos na primavera, a lo cabero’l branu y al entamu la seronda. Los machos aprucen nel branu, n’agostu y setiembre. Rescampla que nun se recoyeron estayes inmadures, nin llarves nin ninfes, d’esta especie na vexetación d’Asturies demientres tol añu.

/78/

Ciencies 7 (2017)

Dermacentor reticulatus (cachiparra de los praos) Los adultos d’esta especie parasiten mamíferos caseros y monteses como perros, caballos, vaques, oveyes, venaos, raposes, llebres y perrucuspinos. Tamién puen alimentase accidentalmente sobro’l ser humanu. Ninfes y llarves aliméntense sobro pequeños mamíferos como royedores, inseutívoros y mustélidos. Tamién puen apaecer dalguna vegada sobro delles especies de páxaros. D. reticulatus espárdese dafechu dende Europa hasta Asia central. Nel noroeste d’Europa ye poco abondosa o de distribución perllocalizada. Afáyase en praderíes, yerbazales y viesques. Pue acarrexar espiroquetes del grupu Borrelia burgdorferi sensu lato, pero nun ta afitao que seya quien a tresmitiles (Kahl et al. 1992). Tamién pue ser quien a acarriar y/o tresmitir otros patóxenos como bacteries, protozoos y virus causantes d’otres malures.

ABAXO Mapa 7. Presencia de Dermacentor reticulatus n’Asturies

Distribución n’Asturies N’Asturies ye una especie poco abondosa pero bien espardida (Mapa 7). Ta perbién representada nel oriente d’Asturies. Apaez na so faza

(2017) Ciencies 7

/79/

/ Les cachiparres (Arachnida, Ixodida) n’Asturies: faunística d‘un taxon quizaleru na tresmisión de malures

mariñana: Celoriu (Llanes), Bones (Ribeseya) y Porréu de Villaverde (Villaviciosa) y na zona de valle: Seyañu (Cazu, Ponga), San Esteban (Cuñaba, Peñamellera Baxa). Tamién s’esparde pel centru, dende la marina: Ciares (Xixón) hasta les zones de valle: Corniana (Salas) y L’Altu Cabruñana (Cabruñana, Grau). Apaez dende los 2 m del Porréu de Villaverde hasta los 400 m de Seyañu. Ta presente sobre manera en praos a pastiar nos qu’heba ganáu siempres o habitualmente, ya inclúinse ente estos medios a la vexetación de los porreos de la Ría de Villaviciosa. Tamién apaeció en felechales y artadales. D. reticulatus ta presente nel suelu del ar de San Esteban (Cuñaba, Peñamellera Baxa) y nel parque urbanu de Los Pericones (Ciares, Xixón). Fenoloxía n’Asturies No que cinca a los adultos, tanto machos como femes amuesen una estacionalidá pergrande. Nun aprucieron nes recoyides d’ente xunu y ochobre y caltuviéronse de contino na vexetación ente payares y mayu. Les femes algamaron el máximu de captures en payares y los machos en febreru. Rescampla que nun se recoyeron estayes inmadures, nin llarves nin ninfes, d’esta especie na vexetación d’Asturies demientres tol añu.

/80/

Ciencies 7 (2017)

Distribución n’Asturies N’Asturies, tanto l’abondanza como la frecuencia d’esta especie ye dafechu testimonial. (Mapa 8). La presencia d’esta especie n’Asturies llimítase a una llocalidá na faza mariñana oriental: Bones (San Esteban, Ribeseya) y otra na zona de valle del centru: La Coḷḷá Aciera (Proaza). L’altor va dende los 85m de Bones hasta los 699m de la Coḷḷá Aciera. Per medios vexetales, namás apaeció nún prau a diente y nún matu de cotolla y felechu.

ARRIBA Mapa 8. Presencia de Rhipicephalus pusillus n’Asturies

4. Xéneru Riphicephalus Rhipicephalus pusillus (cachiparra del coneyu) L’agospiador principal n’Europa de toles estayes de Rh. pusillus ye’l coneyu común o européu. Tamién pue parasitar delles especies de mustélidos, raposes, llobos cervales y varies especies de royedores. L’área d’espardimientu de Rh. pusiullus llimítase a la fastera suroccidental de la rexón mediterránea. Nun xuega papel dalu nin nel caltenimientu nin na tresmisión de la malura de Lyme. Por embargu, Rh. pusillus ye reservoriu de la bacteria Coxiela burnenti (Q-fever) y del virus de la mixomatosis.

Fenoloxía n’Asturies Cuasi nun hai datos d’esta especie nos medios vexetales d’Asturies. Les poques llarves que se recoyeron foron na mesma llocalidá y nel mes de xunu. Nun s’atoparon ninfes nin adultos d’esta especie nos medios vexetales asturianos a lo llargo del añu.

(2017) Ciencies 7

/81/

/ Les cachiparres (Arachnida, Ixodida) n’Asturies: faunística d‘un taxon quizaleru na tresmisión de malures

APÉNDIZ: LES CACHIPARRES O CABARRES COMO VECTOR DE MALURES: EL CASU DE LA BORRELIOSIS DE LYME La borreliosis de Lyme o malura de Lyme ye una de les enfermedaes emerxentes más importantes de les últimes décades en tol mundiu, al igual que la infeición tresmitida por artrópodos (cachiparres) qu’anguaño tien más incidencia n’Europa (Webber 2001) y nos Estaos Xuníos (Steere 1994 y 2001). Trátase d’una zoonosis venceyada cola tresmisión accidental al traviés de cachiparres, sobre manera del xéneru Ixodes que pue afeutar a una serie de muérganos ente los que tán el pelleyu, el corazón, el sistema nerviosu, les articulaciones, los músculos y, tamién, l’oyíu, les ñarices y el gargüelu (Hillyard 1996). Darréu de la inyeición de la bacteria travesando’l pelleyu del agospiador pela cachiparra infestada mientres s’alimenta, el microorganismu entra nes célules epiteliales. Los síntomes d’esta enfermedá manifiéstense en tres estayes: estaya 1:: Infeición Tempranera Llocalizada, carauterizada pola presencia del eritema migratoriu (em). Darrera d’ésta, depués d’unos díes o unes selmanes, vien la estaya 2: Infeición Tempranera Espardida, qu’afeuta al sistema nerviosu, al corazón o a delles articulaciones. Finalmente, pasaes selmanes o meses de la picadura de la cachiparra, apruz la estaya 3: Infeición Serondiega Crónica (Steere 1994 y 2001). Anguaño sábese que la borreliosis de Lyme ye perantigua, atopándose resclavos de la so presencia na momia Ötzi (Home de Similaun o de Hauslabjoch) alcontrada nos Alpes de Ötzal, na llende d’Austria ya Italia nel 1991, y que vivió al rodiu’l 3.300 e.c. (Keller et al. 2012). Esta malura foi descrita a lo cabero la década los 70 y anguaño ye endémica n’amplies zones d’Europa, Asia y los Estaos Xuníos (Steere 2001).

/82/

Ciencies 7 (2017)

Por embargu, la primer referencia d’un niciu de lo que güei se conoz como borreliosis de Lyme vien de lo cabero’l sieglu xix n’Alemaña, onde yá se decataron d’una mancadura percarauterística nel pelleyu y denomáronla acrodermatitis chronica atrophicans. Dellos años depués, en Suecia descríbese una mancadura asemeyada pero cola parte del centru blanca nel mesmu puntu onde picare una cachiparra de la especie Ixodes ricinus. Denomóse erythema chronicum migrans. A lo cabero los años 70 del sieglu pasáu diose un andanciu d’artritis perllocalizada xeográficamente qu’afeutó a 32 neños y a 12 adultos. La cuarta parte d’estes persones amalaes amosaron una mancadura perasemeyada al erythema chronicum migrans que precedía al desendolcu de l’artritis. Tolos casos concentráronse na vera oriental del ríu Connecticut y apaecieron pel branu en fasteres d’arbolíu averaes a les poblaciones de Lyme, Old-Lyme y East Haddam, en Connecticut, New England, EEXX. Al entamu la década los 80, tres delles observaciones mesmo n’Europa que nos Estaos Xuníos, venceyáronse estos nicios col descubrimientu d’una espiroqueta (bacteria), desconocida hasta esa data. Atopóse tanto nel tubu dixestivu d’una cachiparra de la especie Ixodes scapularis como nes muestres del sangre y del llíquidu cefalorraquideu de pacientes qu’amosaben dalgunu de los nicios comentaos enantes. Dende entós, considérense carauterísticos de la borreliosis de Lyme. En 1983 demuéstrase qu’esti microorganismu ye una nueva especie d’espiroqueta, inclúise dientro’l xéneru Borrelia y pónse-y el nome de B. burgdorferi n’honor al so descubridor (Johnson et al. 1984) En 1977, en Villaviciosa diagnostícase serolóxicamente’l primer casu de borreliosis n’Asturies (y tamién nel Estáu español) nun pa-

ARRIBA Fema cargada d’Ixodes sp.

ciente con erythema chronicum migrans (Uruñuela & Díaz 1977). Na borreliosis de Lyme un vector ye cualesquier artrópodu hematófagu qu’asegure la tresmisión d’un patóxenu de forma biolóxica (con multiplicación y/o evolución del axente nel so interior). Quier dicise, que nun ye namái qu’una tresmisión mecánica. El vector de la borreliosis de Lyme en toles llocalidaes onde apaez la malura son les cachiparres del complexu Ixodes ricinus. El garrar la borreliosis de Lyme ta venceyao cola introducción de Borrelia burgdorferi sensu lato por una cachiparra que tea infestada depués d’inxerir la espiroqueta al alimentase d’un animal reservoriu infestáu. El mecanismu d’infestación más frecuente ye la tresmisión direuta al traviés de

la saliva mentanto’l vector s’alimenta. Como les cachiparres namás s’alimenten una vegada per estaya, lo más cenciello ye que la so infeición con espiroquetes se faiga nuna de les estayes y que vaya pasando a les otres, coles mudes, pola mor de la tresmisión tresestadial. El riesgu d’infestación pa los animales (incluyíu’l ser humanu) por borrelies proveniente de cachiparres nuna fastera concreta va tar venceyáu, sobre too, cola densidá de les cachiparres na zona, lo mesmo que colos vezos alimentarios de les cachiparres y cola presencia d’agospiadores afayadizos, que puen ser distintos en cada territoriu. Los principales vectores reconocíos de B. burgdorferi tan incluyíos toos nel xéneru Ixodes. Son les especies I. scapularis y I. pacificus en Norte América, I. ricinus n’Europa y I. persulcatus na Rusia europea y Asia (Steere 2001). Éstes, presenten un ciclu vital de tres agospiadores diferentes. D’ellos, el ser humanu apaez siempres como un agospiador accidental. De les especies de cachiparres presentes n’Asturies, I. ricinus ta confirmada como vector competente pa la malura de Lyme n’Europa (acarretador y tresmisor de la bacteria). D’otra miente, les especies I. frontalis, H. punctata, H. concinna y D. reticulatus puen portar la bacteria magar que nun ta confirmao que seyan a tresmitila.

(2017) Ciencies 7

/83/

/ Les cachiparres (Arachnida, Ixodida) n’Asturies: faunística d‘un taxon quizaleru na tresmisión de malures

Referencies bibliográfiques

Hillyard, P. D. (1996).- Ticks of north-west Europe. Ed. Field Studies Council, Shrewsbury. Johnson R. C., Schmid, G. P., Hyde, F. W. A. G. Steigerwalt & D. J. Brenner (1984).- Borrelia burgdorferi sp. nov.: ethiologic agent of Lyme disease. International Journal of Systematic Bacteriolology 34: 496-497. Keller, A. , A. Graefen, M. Ball, M. Matzas, V. Boisguerin, F. Maixner, P. Leidinger, C. Backes, R. Khairat, M. Forster, B. Stade, A. Franke, J. Mayer, J. Spangler, S. McLaughlin, M. Shah, C. Lee, T. T. Harkins, A. Sartori, A. Moreno-Estrada, B. Henn, M. Sikora, O. Semino, J. Chiaroni, S. Rootsi, N. M. Myres, V. M. Cabrera, P. A. Underhill, C. D. Bustamante, E. E. Vigl, M. Samadelli, G. Cipollini, J. Haas,H. K atus, B. D. O’Connor, M. R.J. Carlson, B. Meder, N. Blin, E. Meese, C. M. Pusch & A. Zink. (2012).- New insights into the Tyrolean Iceman’s origin and phenotype as inferred by whole-genome sequencing. Nature Communications 3:698. 10.1038/ncomms1701 Melero, V.X., Anadón, A. & F. O. Ocharan (2007).- Presencia de Borrelia burgdorferi sensu lato, agente causante de la enfermedad de Lyme, en las garrapatas (Acari, Ixodidae) del Principado de Asturias. Informe inédito. Direición Xeneral de Salú Pública y Planificación, Conseyería de Sanidá, Gobiernu del Principau d’Asturies / Llaboratorio d’Entomología, Área de Zooloxía, Departamentu de Bioloxía d’Organismos y Sistemes, Universidá d’Uvieu. Ocharan, F. J., Anadón Álvarez, M. A., Melero Cimas, V. X., Monteserín Real, S., Ocharan Ibarra, R., García R. & M. T. Vázquez Felechosa (2003).- Invertebrados de la Reserva Natural Integral de Muniellos. Consejería de Medio Ambiente, Ordenación del Territorio e Infraestructuras del Principado de Asturias, Uviéu. Sonenshine, D. E. (1994).- Introduction. En: Sonenshine, D. E. & T. N. Mather (Eds.) Ecological dynamics of tick-borne zoonoses. Oxford University Press, New York. pp.: 3-19. Steere, A. C. (1994).- Lyme disease: a growing threat to urban populations. Proccedings of the National Academy of Sciences of the United States of America 91: 23782383. ― (2001).- Medical Progress: Lyme disease. The New England Journal of Medicine 345 (2): 115-125. Uruñuela Bernedo, J. & D. Díaz Sosa (1977).- Eritema crónico migrans. Actas Dermosifilográficas 68: 109-110. Weber, K. (2001).- Aspects of Lyme borreliosis in Europe. European Journal of Clinical Microbiology and Infectious Diseases 20: 6-13.

/84/

Ciencies 7 (2017)

(2017) Ciencies 7

/85/

Los trestornos del sueñu Dormir de más, dormir de menos

Por Xesús González Rato

Médicu Neurofisiólogu Unidá de Sueñu Serviciu de Neurofisioloxía Clínica Hospital Universitariu Central d’Asturies

/86/

Ciencies 7 (2017)

Nota: esti artículu ye la espublización de la conferencia presentada na UABRA n’agostu de 2016

(2017) Ciencies 7

/87/

/ Los trestornos del sueñu. Dormir de más, dormir de menos

os trestornos del sueñu son ún de los problemes más frecuentes a los que s’encara la medicina moderna, al empar que de los más probetayamente diagnosticaos. Nos últimos tiempos, sicasí, ta surdiendo una mayor sensibilización por ellos, tanto dende’l coleutivu de la población xeneral (que s’esmolez cada vegada más polos problemes que carez de sueñu, y visita más les consultes d’atención primaria), como dende dientro del propiu coleutivu de profesionales médicos (onde, pasu ente pasu, van viéndose grandes avances nel so diagnósticu y tratamientu). Nel Principáu d’Asturies anguaño namái se dispón (dientro del ámbitu de la medicina pública) d’una Unidá de Sueñu de Nivel i (Avanzáu) acreitada pola Sociedá Española de Neurofisioloxía Clínica, allugada nel Hospital Universitariu Central d’Asturies (huca). Trátase d’una unidá integral de diagnósticu y tratamientu de patoloxía del sueñu, a la que se pue acceder tanto dende les consultes d’Atención Primaria como dende les d’Atención Especializada.

CONCEUTOS BÁSICOS Vamos entamar dende’l conceutu más básicu: ¿qué ye’l sueñu? Pa dar una rempuesta cenciella a esta entruga podemos dir de primeres al Diccionariu de l’Academia de la Llingua Asturiana (dalla), onde queda definida na so primer aceición como l’«aición y efeutu de dormir». Lo que nos lleva a la definición de dormir que, siempre dientro de la mesma fonte (dalla), queda definida como «tar nun estáu fisiolóxicu onde la consciencia y la movición dexen cuasi de funcionar». Poro, tamos falando d’un «estáu fisiolóxicu», ello ye, d’un momentu determináu nel que l’organismu humanu tien un nivel de consciencia y de función motora distintos (más baxos) a cuando la persona ta espierta o activa. Ye un estáu físicu, y por tanto, oxetivable. Hai que lo diferenciar, entós, d’otru vocablu rellacionáu que la llingua asturiana tien: el suañu. Esti defínese (dalla) como un «conxuntu d’imáxenes que se

ven cola imaxinación cuando se duerme». Nesti casu vemos que lo que tamos definiendo ye un estáu del maxín, un estáu sicolóxicu, y polo tanto non oxetivable. Dambos conceutos tán rellacionaos, sicasí, nel sentíu de que los suaños xeneralmente asoceden mentes el sueñu (magar que tamién se pue «suañar espiertu»). Tenemos, entós, dos maneres d’enfocar los problemes del sueñu: cuando falamos de los suaños, entendío como «estáu del maxín», y cuando falamos de sueñu propiamente, entendío como «estáu fisiolóxicu». De los primeros ocúpense les especialidaes de la Siquiatría y la Sicoloxía, y de los segundos ocúpase la especialidá de la Neurofisioloxía Clínica (Fig. 1). Estos últimos son de los que vamos ocupanos nes llinies vinientes, dexando los primeros pal apasionante campu freudián de la interpretación de los suaños.

DALGO D’HISTORIA La conocencia que tenemos güei de la patoloxía de sueñu parte de los primeros estudios y descubricimientos que se fixeron dende’l sieglu xix. En 1877, el británicu Richard Caton fixo los primeros estudios que demostraben l’actividá cerebral n’animales mamíferos. Estos enantáronse depués, yá nel sieglu xx, per parte del alemán Hans Berger que, nel añu 1929, fixo los primeros estudios en seres humanos, descubriendo yá per aquel entós el ritmu alfa, l’actividá cerebral que se pue oxetivar en condiciones normales na mente relaxada. Dellos años más tarde, en 1957, l’estaoxunidense William C. Dement y el rusu Nathaniel Kleitman, caún pel so llau pero dando a conocer los resultaos al empar, determinaron y describieron los patrones básicos de l’actividá cerebral nel sueñu. Posteriormente foron asoleyándose descubrimientos cada vegada más frecuentes, siendo determinantes, ente una carretada d’elles, les de Rechtschaffen y Kales, qu’en 1968 llograron estandarizar y estadificar afechiscamente la estructura del sueñu y de les sos fases. Nun foi yá hasta 1990 cuando los trestornos del sueñu quedaron clasificaos definitivamente, per aciu de la icsd («International Classification of Sleep Disorders», Clasificación Internacional de los Trestornos del Sueñu), documentu que se consensuó poles Academies y Sociedaes del Sueñu más relevantes de los cinco continentes, y

DERECHA FIGURA 1. La llende ente’l sueñu y el suañu

/88/

Ciencies 7 (2017)

(2017) Ciencies 7

/89/

/ Los trestornos del sueñu. Dormir de más, dormir de menos

qu’anguaño va yá pela tercer edición revisada, datada nel añu 2014. Yá pa rematar, los criterios que mayormente s’usen anguaño pa la estadificación, que partieron de los autores mentaos enantes Rechtschaffen y Kales, correspuenden a los definíos pola aasm («American Academy of Sleep Medicine», Academia Americana de Medicina del Sueñu), que daten del añu 2007. Asina, magar que los primeros estudios rellacionaos col sueñu yá dieron comencipiu nel sieglu xix, podemos ver que nun foi hasta finales del sieglu xx y entamos del xxi cuando la medicina del sueñu algamó un nivel de consensu y una esmolición determinantes. CÓMO SE PRODUZ EL SUEÑU La siguiente entruga, que de xuru dalguna vegada nos fadríemos, pue ser: ¿Ye preciso dormir realmente? Pues la rempuesta ye, llóxicamente, que sí. Constitúi una necesidá biolóxica na que se produz un anovamientu de les funciones tanto físiques (cosa qu’asocede nes fases de sueñu nomaes non-rem, según vamos ver más alantre) como sicolóxiques (mentes la fase de sueñu nomada rem), de forma que caltién un equilibriu constante cola vixilia, afitando’l llamáu ciclu vixilia-sueñu (o ciclu circadián), hasta’l puntu de qu’una mengua total y allargada de sueñu pue llegar a producir la muerte. El ciclu circadián ye d’una importancia vital pal afitamientu de los patrones del sueñu y de l’alimentación de los animales en xeneral, pero yelo tamién pa l’actividá de toles exes hormonales, la rexeneración celular y l’actividá cerebral, ente otres bayuroses funciones.

/90/

Ciencies 7 (2017)

IZQUIERDA FIGURES 2 y 3. Fisiopatoloxía del procesu de dormir. Efeutu de la lluz y de la escuridá del mediu ambiente

El «reló internu» que marca ciclu talu ye una parte pequeñina del hipotálamu medial del cerebru denomada nucleu supraquiasmáticu. Esta zona ta modulada al traviés de factores esternos al organismu, como la lluz del ambiente. Na retina del güeyu hai unes célules especializaes, les célules ganglionares, que tienen un pigmentu denomáu melanopsina. L’activación d’esti pigmentu per aciu de la lluz nestes célules ganglionares produz una señal que viaxa hasta’l nucleu supraquiasmáticu, que llibera orexina, otra hormona del procesu. Esta tien una doble función: per un llau activa los centros del espertar (llamaos asina por faer xusto eso, activar l’estáu d’alerta del organismu), y per otra parte torga o inactiva la glándula pinial. Esta glándula ye la mayor productora d’otra hormona, la melatonina, que ye promotora del sueñu. A resultes, la presencia de lluz nel ambiente activa los centros del espertar ya inactiva la producción de melatonina na glándula pinial, polo que l’organismu abócase a un estáu de vixilia, d’alerta, d’actividá (Fig. 2). Pela otra banda, cuando nun hai lluz nel ambiente, ocurre exautamente lo contrario: les célules ganglionares de la retina nun estimulen la lliberación de melanopsina, polo qu’esto nun llega a activar les neurones d’orexina del nucleu supraquiasmáticu y, poro, nun s’estimulen los centros del espertar y nun se torga l’aición de la glándula pinial, que polo tanto produz melatonina ya induz el sueñu (Fig. 3).

(2017) Ciencies 7

/91/

/ Los trestornos del sueñu. Dormir de más, dormir de menos

QUÉ ESTRUCTURA TIEN EL SUEÑU Depués de ver el mecanismu de cómo quedamos dormíos, ye preciso ver cuála ye la cadarma del sueñu, cómo s’organiza. Contrariamente a lo que se pue pensar, el tiempu que pasamos durmiendo nun tien una estructura llinial, sinón cíclica; vamos pasando peles distintes fases, afondando hasta llegar al sueñu rem, y volvemos allixerar el sueñu y a pasar otra vuelta per toles fases. Esti númberu de ciclos nun ye fixu, sinón que camuda cola edá: a más edá, menos ciclos, de manera que pasamos dende los 8 o 10 ciclos d’un ñácaru a los 2 o 3 d’un ancianu. Dientro de cada ciclu, l’actividá cerebral pasa per dos partes bien diferenciaes: el sueñu nrem o non-rem (de les sigles ingleses de «Rapid Eye Movements», movimientos oculares rápidos), y el sueñu rem. El sueñu nrem, pela so parte, dixébrase n’otres tres fases, denomaes n1, n2 y n3. • Sueñu nrem: Esta ye la parte del sueñu onde se produz l’anovamientu físicu de les funciones del organismu. Tien tres subfases bien estremaes ente elles: • n1: Fase d’adormecimientu. Ye’l momentu nel que tamos dormilientos, cuando entamamos el sueñu. • n2: Fase llixera del sueñu. Ye un estáu más fondu, pero non fonderu. • n3: Fase fondera del sueñu. Ye cuando se producen los terrores nocherniegos.

• Sueñu rem: Esta ye la fase na que desarrollamos los suaños y cuando se producen les velees. Caúna d’elles tien unes carauterístiques morfolóxiques específiques que nos fai posible estremales unes d’otres, de mou que cuando se revisa la información del estudiu (esti actu ye lo que se llama estadificar el sueñu), represéntase la baxada y xuba de niveles nun gráficu denomáu hipnograma (Fig. 4). Cada pasal de la «escalera» que se va formando constitúi una fase más d’afondamientu nel sueñu, hasta llegar a la fase rem (representada nel hipnograma de la ilustración como una llinia gorda horizontal en color prieto), zarrando un ciclu completu de sueñu. Depués vuelve aniciase otru ciclu, que vuelve dar fin con otra fase rem, y asina too siguío hasta la hora d’esconsoñar. Toos estos datos tocantes a les fases del sueñu recopílense nel estudiu nocherniegu que se fai al paciente, y que recibe’l nome de polisomnografía. Nella, arriendes de la estadificación del sueñu, tamién se monitoricen otres variables y parámetros como la posición corporal, la frecuencia cardiaca, los movimientos oculares (que son una ayuda pa la identificación de les fases rem, por mor de que, como díciemos enantes, ye cuando se producen los movimientos rápidos de los güeyos), el tonu muscular del cazu,

ARRIBA FIGURA 4. Representación gráfica d’un estudiu polisomnográficu d’una nueche completa. Per orde d’arriba abaxo: hipnograma, saturación d’osíxenu del sangre, eventos respiratorios, posición corporal, microespertares y movimientos d’estremidaes

/92/

Ciencies 7 (2017)

(2017) Ciencies 7

/93/

/ Los trestornos del sueñu. Dormir de más, dormir de menos

la señal electrocardiográfica, el movimientu de respiración del tórax y l’abdome, el fluxu d’aire deteutáu tanto en ñariz como en boca, la osixenación del sangre y los movimientos de les piernes, ente otres coses. Toos estos datos vémoslos

en tiempu real mentes se rexistra, y puen revisase a posteriori según seya preciso. Na figura 5 pue vese una instantánea de cómo vemos na pantalla del ordenador toa esa información.

ABAXO FIGURA 5. Visión del estudiu polisomnográficu en tiempu real. Per orde d’arriba abaxo: actividá cerebral (f3-a2, f4-a1, c3-a2, c4a1, o1-a2 y o2-a1), tonu muscular de los músculos del cazu (menton), movimientos oculares (eog i y eog d), electrocardiograma (ecg), fluxu d’aire nasal y bucal (nas-ter), movimientos respiratorios de tórax y abdome (torx y abdm), movimientos d’estremidaes (emg i y emg d), saturación d’osíxenu del sangre (sat o2) y frecuencia cardiaca ( f.card) y posición corporal (posic)

/94/

Ciencies 7 (2017)

CLASIFICACIÓN DE LOS TRESTORNOS DEL SUEÑU Vistos los aspeutos básicos del sueñu y depués de dar delles pincelaes de la so estructura, pasamos agora a ver cómo se clasifiquen los sos trestornos. Magar qu’esiste una tercer edición más nueva del añu 2014, tovía nun ta mui xeneralizáu’l so usu, polo que vamos siguir la cadarma de la icsd na so segunda edición de 2005, que ye la usada davezu en les más de les Unidaes de Sueñu. Atendiendo al orixe de l’alteración, los trestornos del sueñu queden dixebraos en tres grandes grupos: • Disomnies: Son les alteraciones del propiu sueñu. • Parasomnies: Son trestornos qu’asoceden mentes el sueñu, y que lu alteren secundariamente. • Trestornos del sueñu asociaos a otres enfermedaes: Son alteraciones del propiu sueñu pero orixinaes por otres patoloxíes ayenes al mesmu.

1. Disomnies Esti grupu ta dixebráu, a la so vez, n’otros tres subgrupos, según la causa de l’alteración seya interna o esterna a la persona: • Trestornos intrínsecos del sueñu: la causa que los orixina ta dientro del propiu organismu. • Trestornos estrínsecos del sueñu: la causa ye esterna al organismu (mediu ambiente o axentes esternos). • Trestornos del ritmu circadián del sueñu: Tamién los ocasionen causes esternes al organismu, pero nesti casu, arriendes d’alterar la cantidá o calidá del sueñu, resiéntese tamién el propiu ritmu circadián, ye dicir, l’equilibriu ente’l sueñu y la vixilia.

(2017) Ciencies 7

/95/

/ Los trestornos del sueñu. Dormir de más, dormir de menos

L’insomniu ye la patoloxía del sueñu más frecuente, y pue dase hasta nel 50% de la población en dalgún momentu de la vida, seya d’aniciu, caltenimientu o d’espertar enantes de tiempu

Disomnies Trestornos intrínsecos del sueñu Insomniu sicofisiolóxicu Perceición inadecuada del sueñu Insomniu idiopáticu Narcolepsia Hipersomnia recurrente Hipersomnia idiopática Hipersomnia postraumática Síndrome d’apnees obstructives del sueñu Síndrome d’apnees centrales del sueñu Síndrome d’hipoventilación alveolar central Trestornu de movimientu periódicu d’estremidaes Síndrome de piernes bulliciegues

ARRIBA TABLA 1. Trestornos intrínsecos del sueñu

a. Trestornos intrínsecos del sueñu Recordemos que son alteraciones propies del sueñu orixinaes por dalgún problema dientro del propiu organismu. A esti grupu pertenecen les patoloxíes más frecuentes que podemos atopar nuna consulta de sueñu. La llista completa pue consultase na tabla 1; equí vamos describir namái les más importantes, agrupándoles dalgo pa tener una visión xeneral d’elles.

/96/

Ciencies 7 (2017)

Insomnios L’insomniu ye, seique, la patoloxía más frecuente dientro de los trestornos del sueñu. Pue dase n’hasta’l 50% de la población en dalgún momentu de la so vida. Distínguense tres tribes d’insomniu: • Insomniu d’aniciu: Ye la dificultá pa garrar el sueñu al empricipiu de la nueche. • Insomniu de caltenimientu: Ye la dificultá pa dormir darréu, «d’un tirón», prodúcense espertares nocherniegos. • Espertar precoz: Ye la incapacidá pa siguir durmiendo hasta la mañana, espertando enantes de tiempu.

Les causes que lu producen son estremaes: pue ser por mor de otres enfermedaes médiques non rellacionaes col sueñu, por enfermedaes mentales o psíquiques, o bien por causes non conocíes (nesti casu llamámoslo insomniu primariu o idiopáticu). El tratamientu tien un abordax ampliu: abarca dende midíes d’hixene del sueñu (siguir unes normes cencielles y concretes p’ameyorar la calidá del sueñu), pasando pela terapia conductual (esti llabor llévalu a cabu’l sicólogu), hasta llegar al pasal caberu que ye’l del tratamientu con fármacos (que pue dir dende l’alministración de melatonina exóxeno hasta les benzodiacepines). Narcolepsia Ye una patoloxía poco frecuente (al rodiu del 0,5% de la población) que consiste nun sueñu escesivu pel día, hasta’l puntu de quedar dormíu fayendo xeres, o dormise de pies o comiendo. Suelen asociase otros síntomes como: • Cataplexa: ye la perda del tonu de los músculos, xeneralmente énte dalguna emoción incontrolada del paciente (seya bona o mala; por casu, ye típico qu’asoceda cuando’l paciente ri), que lu fai cayer al suelu. Nunca nun se pierde la consciencia, cosa que sí asocede nel síncope o desmayu. • Allucinaciones: tanto visuales como auditives, sobre manera al empricipiu del sueñu (hipnagóxiques) y a lo cabero del sueñu (hipnopómpiques).

• Paralís del espertar: sensación de tar consciente pero nun ser quien a movese, falar nin llevantar de la cama. La causa de toos estos síntomes ye una alteración del sueñu rem, qu’apaez en mayor cantidá, más rápido (ensin pasar primero peles otres fases de sueñu non-rem) y en momentos en que’l paciente entá sigue espiertu. Na so fisiopatoloxía intervienen mecanismos rellacionaos cola orexina. El tratamientu siempre ha ser farmacolóxicu. Pue ayudar la programación de 4 o 5 «micropigazos» d’unos diez minutos a lo llargo’l día, colos que’l paciente esconsoñe daqué del so estáu dormilientu y pue siguir afrontando’l día con mayor o menor normalidá. Hipersomnies Consisten tamién nun sueñu escesivu pel día, pero presentando un sueñu nocherniegu allargáu, a diferencia de la narcolepsia, na que’l sueñu tien una duración normal (lo que ta alterao ye’l sueñu rem, pero non la duración). Enantes de pone-yos esta etiqueta a los pacientes, han descartase otres causes que produzan sueñu diurnu, yá que, como bien sabemos por esperiencia propia, cualesquier causa que conlleve dormir mal la nueche anterior va producir un escesu de sueñu al día siguiente. El tratamientu tien que ser el de la causa que la produza, si se llega a saber. Si non, puen usase fármacos estimulantes del grupu de les anfetamines o del modafinil.

(2017) Ciencies 7

/97/

/ Los trestornos del sueñu. Dormir de más, dormir de menos

Síndrome d’apnees obstructives del sueñu Aproximao, un 4% de la población carez d’esti problema. Consiste nuna obstrucción de les víes aérees superiores, que fai que nun se suelte abondu dióxidu de carbonu (co2), xenerando un escesu d’ello (hipercapnia). Esta situación actúa de señal nel hipotálamu del cerebru, y provoca un espertar per aciu los mecanismos descritos anteriormente. Les causes más frecuentes d’ello son les alteraciones anatómiques conxénites, la toma de relaxantes musculares o d’alcohol (que faen que se produza un zarru de la vía aérea por perder tonu los músculos de la so parede), y sobre manera la gordura. Al presentar tantos espertares nocherniegos, al día siguiente’l paciente tien sueñu de más. Tamién s’asocia a alteraciones cardiovasculares y a trestornos sicolóxicos, con baxu rendimientu llaboral o escolar. El tratamientu consiste na correición de la causa que lo ocasiona (ciruxía de l’alteración anatómica, control de la toma de relaxantes o alcohol, y control del pesu), pero hai munches vegaes que tien que se poner un dispositivu denomáu cpap (del inglés Continuous Positive Airway Pressure, presión positiva continua de les víes aérees), qu’introduz aire nel árbol respiratoriu per aciu d’una mázcara qu’anubre la boca y la ñariz, pa torgar que s’obstruyan les víes aérees. Síndrome de piernes bulliciegues Tamién denomáu de recién como enfermedá de Willis-Ekbom. Afeuta aproximao al 8% de la población. Consiste nun formiguéu xeneralmente nes piernes, que provoca la necesidá incontrolable de tener que les mover pa qu’allivie la sensación desagradable. Suel ocurrir al chucase o al comienzu d’echar un pigazu.

/98/

Ciencies 7 (2017)

A consecuencia d’esto retrásese l’aniciu del sueñu, xenerando insomniu, polo qu’al otru día produz sueñu de más. El tratamientu ye farmacolóxicu, con relaxantes musculares de la mena de les benzodiacepines o bien usando agonistes de la dopamina como la rotigotina, que tien una forma d’alministración en parches. Ha dicise qu’esta enfermedá delles vegaes ta asociada a un déficit de fierro, polo que nestos casos pue resolvese reponiendo les reserves de fierro del organismu. b. Trestornos estrínsecos del sueñu Son les alteraciones del sueñu causaes por un axente esternu al organismu. La llista completa queda espeyada na tabla 2. Dientro d’elles, cabe resaltar como más frecuentes los malos vezos de sueñu (hixene inadecuada del sueñu), l’altitú (insomniu d’altitú), la falta d’adaptación a un llugar estrañu nel que se ta dormiendo (trestornu del sueñu por falta d’adaptación), la falta obligada de sueñu (trestornu del sueñu por hora llendada) o los trestornos por dependencia de fármacos o tóxicos (hipnóticos, estimulantes, alcohol o sustancies toxiques). La solución a toes estes alteraciones, cuando ye dable, ye correxir la causa o situación que produz la modificación del sueñu. c. Trestornos del ritmu circadián del sueñu Nesti grupu ye onde s’atopen les patoloxíes qu’alteren el ritmu vixilia-sueñu regular que tien l’organismu en condiciones normales. Les dos entidaes más frecuentes son el síndrome del cambéu de zona horaria (el famosu jet-lag de la llingua inglesa) y el trestornu del sueñu por trabayu a turnos. El restu de les patoloxíes d’esti grupu pue consultase na tabla 3.

Disomnies Trestornos estrínsecos del sueñu Hixene inadecuada del sueñu Trestornu ambiental del sueñu Insomniu d’altitú Trestornu del sueñu por falta d’adautación Síndrome de sueñu insuficiente Trestornu del sueñu por hora llendada Trestornu d’asociación nel entamu’l sueñu Insominiu por alerxa alimentaria Síndrome d’inxesta nocherniega de comida/bebida Trestornu del sueñu por dependencia d’hipnóticos Trestornu del sueñu por dependencia d’estimulantes Trestornu del sueñu por dependencia d’alcohol Trestornu del sueñu por sustancies tóxiques

ARRIBA TABLA 2. Trestornos estrínsecos del sueñu ABAXO TABLA 3. Trestornos del ritmu circadián del sueñu

Disomnies Trestornos del ritmu circadián del sueñu Síndrome del cambéu de zona horaria Trestornu del sueñu por trabayu a turnos Patrón irregular sueñu-vixilia Síndrome de retrasu de fase del sueñu Síndrome d’adelantu de fase del sueñu Trestornu por ciclu sueñu-vixilia distintu de 24 hores

(2017) Ciencies 7

/99/

/ Los trestornos del sueñu. Dormir de más, dormir de menos

Estes alteraciones trestoquen la regularidá y ritmicidá diaries que presenta’l sueñu, necesitando dellos díes p’adautase a les nueves condiciones. Ha dicise qu’esta ritmicidá diaria nun dura exautamente un día; ye dalgo superior a les 24 hores nes especies animales diurnes como nós. Ye «cuasi diaria», como indica’l propiu nome «circadián», del llatín circa dies (‘al rodiu d’un día’). 2. Parasomnies Son los trestornos qu’asoceden mentes el sueñu y que lu modifiquen en mayor o menor midida; nun son alteraciones propiamente del sueñu, sinón asocedíos concomitantes a él. Dientro d’esti grupu distínguense cuatro apartaos, que vamos dir esbillando un migayín. a. Trestornos del espertar Son entidaes qu’asoceden dientro de la fase fondera de sueñu non-rem (fase n3), duren poco y el paciente nun s’alcuerda d’ello al día siguiente. Hai tres alteraciones descrites: • Espertar confusional: Xeneralmente dase nos neños, ye esa clas de espertares metanes la nueche nos que’l rapaz esconsoña berrando y nun se ye quien a consolalu. • Sonambulismu: Toos sabemos lo que ye, yá que ye dable que dalguna vegada nos pasara a los más de nós. Consiste na realización d’actividaes motores pela nueche, que puen ser cencielles (aiciones automátiques simples) o complexes (l’actu de salir de casa y montar en coche, por casu). Normalmente’l paciente torna pa la cama solu, o pue ser ayudáu por otra persona. Y non, nun pasa nada nin ye malo si espertamos al paciente, lo único que

/100/

Ciencies 7 (2017)

va asoceder ye que simplemente nun va recordar nada de lo que taba fayendo. • Terrores nocherniegos: Son espertares bruscos nos que la persona ta normalmente confusa y desorientada, pue pegar un glayíu y suel acompañase d’una reaición del sistema simpáticu (sudoración, palidez, hiperventilación, etc.). b. Trestornos de la transición sueñu-vixilia Cuando tamos a piques de quedar dormíos, nesa transición de la vixilia al sueñu, puen asoceder delles alteraciones que si son ocasionales y pasen de cuando en vez nun puen considerase patolóxiques porque toos dalguna vegada lo tenemos esperimentao. Pero si se dan mui frecuente o intensamente, tamién alteren el sueñu y constitúin una entidá patolóxica. Estos trestornos son los siguientes: • Mioclonies del sueñu: Pequeñes sacudíes, xeneralmente de les piernes, que suelen asoceder nes primeres fases del sueñu, al entamu. • Somniloquios: Falar cuando se ta dormíu. Puen tar acompañaos polos propios suaños o velees, o nun lo tar. • Cambres nocherniegues de piernes: Son situaciones que puen alteriar en gran midida’l descansu pela nueche. Una situación na que se ve con más frecuencia ye nel trescursu del embarazu. • Trestornu de movimientos rítmicos: Nun ye infrecuente, sobre manera en neños. Consiste nun mover rítmicu del cuerpu o de la cabeza, neto que si tuviera añándose, banciando d’un llau pal otru o dando cabezazos na almuhada.

Parasomnies Otres parasomnies Bruxismu nocherniegu Enuresis nocherniega Síndrome d’aspiración rellacionada col sueñu Distonía paraxística nocherniega Síndrome de muerte súbita nocherniega inesperada Ronquíu primariu Apnea del sueñu infantil Síndrome d’hipoventilación central conxénita Síndrome de muerte súbita infantil Mioclonu del sueñu neonatal benignu

ARRIBA TABLA 4. Otres parasomnies

c. Parasomnies asociaes col sueñu rem Nesta fase del sueñu puen dase otres cuantes parasomnies. Ye’l casu de les velees, del paralís del sueñu (yá desplicao más arriba cuando se faló de la narcolepsia) y de les ereiciones nocherniegues, ente otres. Normalmente, nel sueñu rem piérdese’l tonu de los músculos; ye la fase de mayor relaxación, y ye onde asoceden los suaños. Cuando nun se pierde esi tonu muscular, falamos de trestornu de la conducta nel sueñu rem. Nesta alteración, el paciente presenta abonda actividá motora, que se correspuende colos suaños que ta teniendo al empar. Si se lu espierta nesi momentu, va tar confusu y nun va alcordase de nada. Ye una patoloxía aparatosa, que pue acabar con lesiones tanto del propiu paciente (por dase contra los muebles del cuartu de dormir) como de la pareya que puea tener al llau.

d. Otres parasomnies Equí dientro van el restu de parasomnies descrites hasta la fecha que nun puen asociase a nengún de los otros tres subgrupos. Son una riestra de patoloxíes que yá son muncho menos frecuentes, pero que tamién puen producir grandes alteraciones del sueñu. Hay que destacar ente elles, por casu, el bruxismu nocherniegu (el famosu rucar de los dientes), la enuresis nocherniega (mexase na cama) o’l ronquíu primariu (recordemos qu’en medicina «primario» ye lo que nun se sabe d’ú provién; ye un ronquíu que nun ta asociáu a la obstrucción de les víes aérees, y que por tanto nun pue inxerise nel síndrome d’apnees obstructives del sueñu). La llista completa d’esti apartáu pue consultase na tabla 4.

(2017) Ciencies 7

/101/

/ Los trestornos del sueñu. Dormir de más, dormir de menos

3. Trestornos del sueñu asociaos a otres enfermedaes Yá pa dar fin, depués de falar de les disomnies y de les parasomnies, tenemos el tercer grupu de trestornos del sueñu, onde s’atopen alteraciones del sueñu que tán asociaes a enfermedaes sobre manera mentales y neurolóxiques, pero tamién d’otros oríxenes. • Enfermedaes mentales: les enfermedaes d’esti grupu que puen xenerar alteraciones del sueñu son les sicosis, los trestornos del humor, l’ansiedá, el trestornu de pánicu y l’alcoholismu. • Enfermedaes neurolóxiques: tán descrites como alteradores del sueñu la demencia, la enfermedá de Parkinson, los trestornos dexenerativos cerebrales, la epilepsia, les cefalees y l’insomniu familiar fatal. • Otres enfermedaes: pa rematar, hai otres enfermedaes non neurolóxiques que tamién afeuten al sueñu, como por casu la enfermedá pulmonar obstructiva crónica, l’asma, la isquemia cardiaca nocherniega, el refluxu gastroesofáxico, la úrzula péptica, la fibromialxa y hasta infeiciones parasitaries como la tripanosomiasis (la llamada «enfermedá del sueñu»).

DECÁLOGU PA DORMIR BIEN Como vimos (y namái lo fiximos tocando per enriba les coses), el númberu de patoloxíes que trestoquen el sueñu ye bayurosu. Hai delles que nun se puen evitar (bien por ser xenétiques, bien por dase en situaciones que nun se puen modificar, como por casu’l trestornu del sueñu por trabayu a turnos), pero otres munches sí puen beneficiase d’una serie de recomendaciones clave que constitúin la base de la correuta hixene del sueñu. Ye’l decálogu pa dormir bien. Siguiendo estes pautes, vamos controlar les variables del entornu pa que’l nuesu sueñu seya propiciu pa tener una bona calidá. 1. Llevar un horariu lo más regular posible pa chucase y llevantar. 2. Evitar les sustancies escitantes como la cafeína (café), teína (té) y teobromina (chicolate) nes hores previes a chucase. 3. Evitar fumar cerca de la hora de chucase. 4. Evitar l’alcohol nes últimes hores de la tarde. 5. Facer una cena non abondosa (el sueñu y la fartura llévense mal), pero tampoco dir pa la cama con fame, yá que chucase col estómagu vaciu tamién produz malestar. 6. Evitar l’exerciciu brengosu nes últimes hores de la tarde. Atención al vezu de dir al ximnasiu o salir a correr más acullá de les 8 o les 9 de la nueche. 7. Controlar les condiciones del cuartu de dormir: lluz mínimo, evitar ruíos, temperatura agradable (nin pasar fríu nin morrer de calor; una bona temperatura puen ser los 21-22oC), etc. 8. Escaecer tolos problemes del día, dexalo too pa otru día. A la cama viense a dormir, non a rumiar los problemes. 9. Pue ayudar un llibru (y si ye aburríu, meyor). Evitar l’usu d’aparatos electrónicos con pantalla retroilluminada (teléfonu móvil, tabletes, portátiles, televisión, …), yá que la lluz qu’emiten ta na llonxitú d’onda del azul, que ta demostrao que mengua la producción de melatonina endóxeno, y por tanto produz una mayor dificultá pa dormir. Sí que se puen usar dispositivos de tinta electrónico (e-books), que nun emiten lluz, sinón que lo reflexen (lo mesmo qu’un llibru de papel). 10. Controlar que nun heba inseutos nel cuartu de dormir. El runfíu de los sos esnalíos pue ser un orixe d’insomniu insospechadamente frecuente.

/102/

Ciencies 7 (2017)

(2017) Ciencies 7

/103/

/ Los trestornos del sueñu. Dormir de más, dormir de menos

Referencies bibliográfiques

Allen, R. P., Picchietti, D. L., Garcia-Borreguero, D. et al. (2014).- Restless legs syndrome/Willis–Ekbom disease diagnostic criteria: updated International Restless Legs Syndrome Study Group (irlssg) consensus criteria—history, rationale, description, and significance. Sleep Med. 15: 860–873. A merican Academy of Sleep Medicine (2005).- International Classification of Sleep Disorders. Diagnostic and Coding Manual, 2nd edn. American Academy of Sleep Medicine, Westchester, il. A merican Academy of Sleep Medicine (2014).- International classification of Sleep Disorders, 3rd edn. American Academy of Sleep Medicine, Darien, il. Berry, R. B., Brooks, R., Gamaldo, C. E., Harding, S. M., Marcus, C. L. & B. V. Vaughn (2012).- The aasm Manual for the Scoring of Sleep and Associated Events: Rules, Terminology and Technical Specifications, version 2.0. American Academy of Sleep Medicine, Darien, il. Montplaisir, J., Gagnon, J. F., Fantini, M. L. et al. (2010).- Polysomnographic diagnosis of idiopathic REM sleep behavior disorder. Mov. Disord. 25: 2044–2051. R ahman, S. A., Kayumov, L., Tchmoutina, E. A. & C.M. Shapiro (2009).- Clinical efficacy of dim light melatonin onset testing in diagnosing delayed sleep phase syndrome. Sleep Med. 10(5): 549–555. Schenck, C.H., Boeve, B.F., M.W. Mahowald (2013).- Delayed emergence of a parkinsonian disorder or dementia in 81% of older men initially diagnosed with idiopathic rapid eye movement sleep behavior disorder: a 16-year update on a previously reported series. Sleep Med. 14: 744–748. Vernet, C. & I. arnulf (2009).- Idiopathic hypersomnia with and without long sleep time: a controlled series of 75 patients. Sleep 32(6): 753–759.

/104/

Ciencies 7 (2017)

(2017) Ciencies 7

/105/

/106/

Ciencies 6 (2016)