aiaraldea-com komunikazio leihoak aurten lehenengo aldiz antolatu duen Udako Argazki-postal digitalen lehiaketak harrera paregabea izan du. Udan sareraratu genuen atarian 252 argazki jaso ditugu, eta modu horretan, paraje eta une zoragarriez gozatzeko aukera izan dugu guztiok; etxean edo atzerrian, mundo zabala eta geure mundo txikiak klik baten eskura, aiaraldean. Esperientzia zinez polita izan dela zintzotasunez eta harrotasunez aldarrikatu nahi dugu lerro hauetatik… eta nola ez, eskerrak eta zorionak eman parte hartu duzuen guztioi eta leiho txiki honetara gerturatu zaretenoi, urte askotarako izan dedila! Hala biz!
