Kovehástu:
Mučis argâ Tekstâ já koveh: Saammâl Rodgers
Mun lam Saammâl Rodgers. Mun lam 19-ihásâš nuorâ almai já aasâm Anarist. Mun čaallim pajeuáppen moonnâm ive loopâst já lam eidu algâttâm siiviilpalvâlus. Jiem lah val vises, kuus mun halijdâm vyelgiđ luuhâđ, te tääl lii pyeri ko must lii ive verd äigi smiettâđ ääši.
Keesi lii munjin mielâsumos iveäigi. Mun lijkkuum lieggâ šooŋân sehe toos, et olgon ij taarbâš kevttiđ tälvipihtâsijd. Muu mielâst lii meid suotâs, ko piäiváš páštá já luándust láá fijnâ ivneh. Ton lasseen lii hitruu vyeijiđ tuolmâmpyeráin já eelliđ vuoijâmin.
Mun lijkkuum vyeijiđ pyeráin. Hitruumus lii vyeijiđ keessiv, ko piäiváš páštá. Tast finnee lihâdem já šiev mielâ. Mun laaviim vyeijiđ keesi ääigi pyeráin meiddei tondiet ko jiem lah vala finnim vyeijimkoortâ. Mun vuájám távjá pyeráin Aanaar markkânist. Mun lam meid keččâlâm šleđgâpyerá Hailuotost, já tot lâi aaibâs hävski. Mun lijkkuum kuittâg eenâb normaal tuolmâmpyerán, ko tast finnee eenâb lihâdem.
32
