LOOSTŠ 2/21
ALMOTTÂSAH Čällee: Fabrizio Brecciaroli
Anarâškielâ kandi-, gradu- já náguskirječälleeh eenâb ko kuássin ovdil Oulu ollâopâttuvâst Oulu ollâopâttuv Giellagas-instituutist láá tääl 4 kandičällee, 9 gradučälled já 4 náguskirječällee anarâškielâ linjáást. Tot lii čuuvtij eenâb ko kuássin ovdil. Muáddi kandi- já gradučällee láá jo peessâm uáli kuhás, já sij valmâštuveh taan ive peln. Loopah láá eidu aalgâtmin. Vuávám mield sij valmâštuveh majemustáá puáttee ive loopâst. Náguskirje čäällim vuod lii kuhheeb proosees, mast lii vaigâd adeliđ tärhis äigitaavlu. Jyehi tááhust muádi ive siste mij finnip ennuv uđđâ tutkâmušâid maaŋgâlágánijn fáádáin. Fáárust láá eres lasseen kielâtekno, anarâškielâ
sujâttemoppâ,
suomâkielâ
interferens,
jurgâlemčuolmah
já
pedagogiik. Anarâškielâ ovdán korrâ liävttoin! Kove: Wikimedia
Meiddei anarâškielâlii Wikipediast čälleeh eenâb ko kuássin ovdil Meiddei anarâškielâlii Wikipediast (smn.wikipedia.org/) láá čälleeh eenâb ko kuássin ovdil – ige tuše Giellagas-instituutist! Arctic Indigenous Fund lii mieđettâm Anarâškielâ siärván 28 500 USD, mast 8 000 USD lii Wikipediačällei várás. AKS lii jo pálkkááttâm kulmâ kesipargee, kiäh algâttii cuáŋuimáánu loopâst. Vuossâmuuh artikkâleh láá jo šoddâm: happi, vety, voodoo, hurečuhčá, čuhčá, kiärun (lodde), riävská jna. Kesipargei lasseen kyehti INSAKU-uáppee finnijn pargohárjuttâllâmsaje Wikipedia-čällen. Pargohárjuttâllâm piištij kyehti oho (26.4.–7.5.2021), mon ääigi šoddii fiijnâ artikkâleh čaittâleijein já Säämi ellein. Uđđâ pargovyeimi áánsust anarâškielâlâš Wikipedia ovdán já vijđán Kove: Wikipedia
jotelávt já siskeeld jo masa 2 900 artikkâlid. Lii vala máhđulâš finniđ kesipargo Wikipedia-čällen keessiv 2021. Pargoaaigijn puáhtá ráđádâllâđ. Pargeeh uážžuh jiejah valjiđ kuás porgâđ. Jis taggaar pargo kiäsut tuu, te vääldi peri ohtâvuođâ Anarâškielâ seervi mediapargei (fabrizio. brecciaroli@gmail.com).
Anarâš-kalender ihán 2022: livđekalender Ive 2021 Anarâš-kalender lii livđekalender, mon ulmen lii iäláskittiđ anarâšâi livđumäärbi. Kalender tekstâuásán puátih sehe tekstâ já koveh. Teevstâst láá eđâlduvah, tiäđuh livđeest já livđojeijest. Koveuásán puátih koveh livđojeijest já livđe čuosâttuvâst. Taanihásii kalenderist eromâš lii tot, et toos puátá meid jienâ. Livđepäädih iä puáđi kalender fáárun, mut toh piäijojeh digitaallávt seervi nettisijđoid kuldâlemnáál. Maŋeláá toh almostuveh máhđulávt skiärrun teikâ veikkâ Spotifyst. Livđojeijeeh láá maaŋgâs. Ohtâ máánu lii arkkâdâhlivđe, ađai tot lii Ánná Priijtá Mattus máánu. Mudoi lii ohtâ tááláš livđojeijee jyehi mánuppajan. Livđeh päddejuvvojeh Anarist já Helsigist. Projektist västideh Fabrizio Brecciaroli, Ánná Morottaja já Mikkâl Morottaja. Kove: Wikipedia
5
