Donostiako otoitz liburua

HAUR, GURASO ETA KATEKISTEKIN OTOITZ EGITEKO MATERIALAK

Haurren Idazkaritza Donostiako Gotzaindegia

AURKIBIDEA

Aurkezpena ..............................................................................................................

5

Haurrekin otoitz egiteko materialak • • • • • • • • • • • • • • • • • • • • •

Abendu argia ............................................................................................

Beraien artean [I] .....................................................................................

Beraien artean [II] ....................................................................................

Eguberriak .................................................................................................

Eguberriko oroitzapena ............................................................................

Eskatzeko elkartu .....................................................................................

Eskerrak eman .........................................................................................

Eskerrik asko ezagutu ..............................................................................

Gure barrena eskatu ................................................................................

Haurren esker otoitza ...............................................................................

Jesus gure barruan ...................................................................................

Jesus gurtu Eukaristian ............................................................................

Jesus, zu non bizi zara? ............................................................................

Jesus txikietan ...........................................................................................

Jesusek haurrak maite .............................................................................

Jesusekin solasean ...................................................................................

Jesusen lagunak izan................................................................................

Konfiantzazko otoitza ...............................................................................

Maria, Jesusen ama..................................................................................

Oratorioa ...................................................................................................

Orienteko errege magoak .........................................................................

9 10 11 12 13 14 15 16 17 18 19 20 21 22 23 24 25 26 27 28 30

Gurasoekin otoitz egiteko materialak • • • • • • •

Aita ez zaitut ikusten ................................................................................

Aita Jaungoikoa ........................................................................................

Ama ...........................................................................................................

Arkularia ....................................................................................................

Baraua .......................................................................................................

Espiritu Santuari goratzarrea ..................................................................

Egun berrirako emaiguzu .........................................................................

3

33 34 35 36 37 38 39

• • • • • • • • • • • • • • •

Ezkonduentzat ..........................................................................................

Familiaren alde..........................................................................................

Garizuma....................................................................................................

Gorespen otoitza ......................................................................................

Gurasoekin otoitz egiteko ........................................................................

Gurasoen otoitza [I] ..................................................................................

Gurasoen otoitza [II] .................................................................................

Gurasoen otoitza [III] ................................................................................

Gurasoen otoitza [IV] ................................................................................

Gurasoen otoitza [V] .................................................................................

Jesus bezala bizi........................................................................................

Munduko haur guztien alde......................................................................

Otoitzalditxoa.............................................................................................

Zatoz Jauna ..............................................................................................

Zeruko Ama Mariari ..................................................................................

40 41 42 43 44 45 46 47 48 49 50 51 52 53 54

Katekistekin otoitz egiteko materialak • • • • • • • • • • • • • • • • • • • • •

62 salmoa .................................................................................................

Aita ............................................................................................................

Artzain ona ................................................................................................

Ayelen otoitza ...........................................................................................

Bidaliaren otoitza .....................................................................................

Ene hitz hori ..............................................................................................

Eskerroneko otoitza .................................................................................

Ez zaitzala ezerk aztora ...........................................................................

Gaur zure etxean gelditu ..........................................................................

Gurtu eta izan uste ...................................................................................

Ikasturte hasierako otoitza ......................................................................

Iraun niregan ............................................................................................

Iturritik edan .............................................................................................

Jarraitu niri ................................................................................................

Jainko Aita .................................................................................................

Jesus, erruki zakizkit ................................................................................

Jauna eta ni ..............................................................................................

Konfiantzazko otoitza ..............................................................................

Otoitza [I] ...................................................................................................

Otoitza [II] ..................................................................................................

Pertsona otoitzegilea ...............................................................................

4

57 58 59 60 62 63 64 66 67 68 69 70 71 73 74 75 76 77 78 79 80

AURKEZPENA OTOITZA KRISTAU-IKASKUNTZAREN EREDU GISA

Katekista adiskideok: Haur, guraso eta katekistekin otoitz egiteko material xume hauek argitaratu ditugu, zuen lana erraztu eta barrua aberasteko asmoarekin batetik, eta Haur Katekesian gurasoei eta haurrei laguntzeko baliabide gisara bestetik.

Otoitz egiten ikasteak ez dauka toki handi eta berezirik gaur egun gure familietan, ezta euren seme-alabak erlijio giroan hezi nahi dituzten familietan ere. Halarik ere, haurrei otoitz egiten erakutsi behar zaiela uste dugu, eta, bereziki, bizitzako lehenengo urteetatik gure parrokietako katekesira etortzen diren neska-mutilei.

Otoitz egitea Jainkoarekin hitz egitea da, egunez egun gure barruan sortzen ari garen Zu batekin gure bizitza harremanetan jarriz. Otoitz egiterakoan Jainkoa zertzen, gauzatzen da, hau da, Jainkoa egiazko egiten da. Haurrak nahiz helduak Jainkoarekin hitz egiten duenean, Berarekin benetako harreman bat duela adierazten du.

Haurrekin otoitz egiteko material hauek taldean, hamar bat minututan egiteko pentsatuta daude, bai katekesia hasi aurretik, bai ondoren. Aita Eskolapioen otoitz-gunearen egokitzapen bat txertatu dugu, parrokiako katekesi saio batean burutu daitekeena; era honetan, otoitz-katekesia egin daiteke Ebanjelioko esaldi labur bat hartuta.

Gurasoekin egiteko otoitzak ere baliagarriak izan daitezke eurekin ditugun topaketetarako, baita Famili Katekesiko bileretarako eta euren gogoeta pertsonalerako ere.

Otoitza katekistekin lantzeko: askotan denborarik ezak eta parrokiko egunerokoak bultzata, haurrekin edo gurasoekin landu behar ditugun gaiak hagitz ongi prestatzen ditugu, baina ez diogu denbora gehiegi eskaintzen geure barruaren zaintzari. Aktibistak gara, Mahastiko langile onak gara, baina

5

aldian behin geratu, hausnartu eta otoitz egin behar dugu. Ziur nago gure lana nabarmen aberastuko dugula. Ekarpen honek asko lagun dezake katekisten prestakuntzan eta espirituaren zainketan.

Otoitz egiteko beharrezkoa da lehenik eta behin gure barruan isilune bat egitea; horretarako, Bibliarekin eta sinboloren batekin presta dezakegu gela.

Sortzen dugun giroak asko lagun dezake norbere baitan biltzen.

Gure jarrerak barea eta lasaia behar du izan; astiro hitz egin, oihurik gabe. Jesu Kristoren Jainkoarekin dugun harremanerako otoitzak ematen duen laguntza handiak, asko erraztuko du gure bizitzan hain beharrezkoak diren gogoeta eta barne-behaketa.

Katekesiaren asmoa da pertsonei euren bizitza barneratzeko bidea erakustea, eta otoitza da ezbairik gabe horretarako baliabide nagusia.

Era berean, otoitzak Jaunagan dugun konfiantza (fedea) areagotzen du Pedroren hitzak gure egiten ditugunean: “Utzi Jainkoari zeuen kezka guztiak, bera baita zuetaz arduratzen� (1Pe 5,7).

Konfiantza hori, ordea, ikasi eta landu egin behar da, ez jarrera pasibo batetik, ez Jainkoak gauzak konpondu zain dagoenaren jarrera horretatik, konfiantzazko lankidetzatik baizik, gure ekintzen arduradun garela jakin eta, arazoek konponbiderik ez dutenean Jainkoak gure barrua kontrolatzen lagunduko digun itxaropen oso horretatik baizik.

Halaber, jakin ezazue Haur Idazkaritzako otoitz-taldearen lankidetzari esker gauzatu ahal izan direla eskuartean dituzuen material hauek. Nire eskerrik beroenak guztiei.

Baliagarriak izango zaizkizuelakoan, Haurren Idazkaritza

6

HAURREKIN OTOITZ EGITEKO

MATERIALAK

ABENDUA ARGIA

1. Isildu. Jarri eroso eta esan “ZAIN NAGO”.

2. Gero mantso-mantso esan.

3. Jainko Jauna! Mundua sortu zenuenean gizakiarentzako aurrena nahi izan zenuena argia izan zen: “EGIN BEDI ARGIA”!

Eskerrik asko, Jauna, argiagatik!

Argi guztiengatik!

Kaleetako argiagatik, erakusleihoetako argiagatik, etxeko eta elizetako argiagatik…

Baita era begirada batean jasotzen dugun argiagatik, keinu, edo hitz goxo batean jasotzen dugun argiagatik.

Abendu aldi honetan piztu nahi nuke TOPAKETAREN argia.

Zurekin TOPO egitearen argia, besteekin TOPO egitearen argia.

Unetxo bat zure ondoan egon eta sortzen da argi txinta bat.

Piztu, Jauna, nire bihotza eta nire begirada!

Ez dut lozorroan bizi nahi...

Zure maitasunaren garraren argitan bizi nahi dut.

9

BERAIEN ARTEAN [I]

Isilik sartu gelan, isilik eseri.

Haurrak hainbat aulki. Biribilean eseri.

Gelan bistan Biblia.

•

Ongi etorri bero bat egin haurrei.

•

Bihotzeko otoitza: “Zatoz, Jesus Jauna”

•

Isilune labur bat.

•

Biblia aurkeztu.

•

Irakurri Bibliatik Mt 18,20: “Bi edo hiru lagun, nire izenean bildurik daudenean han nago ni haien erdian”.

•

Errepikatu behin eta berriz esaldia. Ikasi arte.

•

Kantua “Gurekin egon”.

•

Isiltasuna. Jesusekin hitz egiteko unea.

•

Gonbidatu nahi badute otoitzean bizitakoa esatera.

Ondoren katekesia hasi.

10

BERAIEN ARTEAN [II]

Musika ezti bat jarri eta isilik sartu gelan.

Esan bezala eseri bakoitza bere aulkian eta biribilean, nahi bada aulki bat jarri Jesusentzat.

Gelan ipini agerian Biblia eta ondoan kandela bat piztuta.

•

Adierazi Jesus presente dagoela Liburuan, bere Hitzak esaten baititugu. Kandela piztuak, berriz, Bera gogoratzen digu.

•

Begiak itxi eta “JESUS” hitza esan barru-barrutik unetxo batean.

•

Zuzentzen duenak baxu-baxu, eta astiro esango du.

•

Isilunea.

•

Gogoratu Mt 18,20: “Nire izenean bizpahiru lagun nonbait biltzen badira, han nago ni beraien artean”. Esan bi edo hiru aldiz.

•

Kantua “Gurekin egon”.

•

Eskerrak eman gure artean dagoelako.

Ondoren katekesira.

11

EGUBERRIAK

Gelan edo elizan jaiotza jarrita izango da eta beraren aurrean otoitzalditxo bat egingo dugu.

Saiatuko gara haurrak unetxo batean isilik eta lasai Belengo misterioa miresten.

•

Ondoren, Jesusen Jaiotza kontatuko diegu (Lk 2,1-20) laburtuta eta beraiei egokitua. Azpimarratuko dugu esaldi hau.

“Lehen semea izan; oihaletan bildu eta abere-aska batean ezarri zuen, ez baitzegoen ostatuan haientzat tokirik”.

•

Isilunea. Gurtza. Abestia “Hor non dugun...”

•

Jesus Haurtxoari muin eman.

Ondoren nahi bada katekesia.

OHARRA: Gaiak ematen du besterik gabe katekesi bat.

12

EGUBERRIKO OROITZAPENA

•

Isilik sartu gelan, isilik eseri.

•

Biribilean eseri aulkietan.

•

Jesus Haurtxo bat prestatu, ondoan Biblia eta kandela piztuta.

•

Jesus gurtzeko prestatuko gara isilik.

•

Bihotzeko otoitza: esker otoitza Maitasunagatik, gurtu, bihotza eman.

•

Gogorarazi artzaiek esandakoa Lk 2 (16-19) 20.

“Artzainak entzun eta ikusi zutenagatik Jainkoari aintzaka eta goraka itzuli ziren”.

•

Errepikatu eta ikasi.

•

Kantua: “Jesus munduko argia”.

•

Isiltasuna. Jainkoa gurtu eman digun Eguberriagatik, goraipatu Jesus, senideen artean gertatutako une alaiak partekatu. Eskerrak Erregetako (Olentzeroko,...) opariengatik.

•

Kantua: “Eskerrik asko Jauna”.

OHARRA: Gaiak eman lezake katekesi gai bat bezala.

13

ESKATZEKO ELKARTU

Isilik sartu gelan eta eseri biribilean.

Gelan jarri Biblia, kandela piztuta, eta Jesusen ikono bat.

•

Eroso eseri, begiak itxi, eta Jesusi bihotzeko begiekin begiratu eta maitekiro esan “Jesus, maite zaitut”... egon pixka batean.

Abestu “Gurekin egon”.

• Irakurri Mt 18,19. “Zuetako bi Jainkoari zerbait eskatzeko elkartzen bazerate, nire Aitak eman egingo dizue”.

• Azaldu zer esan nahi duen esaldi honek.

•

•

Saiatu esaldia ulertzen eta ikasten.

•

Nor bere baitan bildu eta isilean Jesusi zerbait eskatu, norbaitengatik...

•

Zuzentzen duenak behar larriren batengatik eskatuko dio Jesusi, eta denek esango dute: “Entzun, Jauna, eskatzen dizugu”.

•

Abestu “Gurekin egon”

•

Haurrak nahi badute esan dezatela zergatik eskatu duten.

Ondoren katekesira.

14

ESKERRAK EMAN

Isilik sartu eta eseri biribilean.

Gelan egongo da Biblia.

•

Zuzentzen duenak irakurriko du haurrei egokitutako Lk 17,1119.

•

Ondoren Liburuari muin emango dio.

•

Azpimarratuko du esaldi hau: “Bat, sendatua zegoela oharturik Jesusen oinetara ahozpez erori zen ESKERRAK EMANEZ”.

•

Nor bere baitan bildu eta isilik barru-barrutik esan, zuzentzen duenak mantso eta ezti esango du behin eta berriz “eskerrik asko, Jesus”.

•

Haurrak gonbidatu zerbaitegatik eskerrak ematera, pentsatu isilean, gero esan.

•

“Eskerrik asko, Jauna....” Abestuz bukatu.

Gero katekesira.

15

ESKERRIK ASKO EZAGUTU ETA MAITE NAUZULAKO

Jesus, batzuetan beldur diot bakarrik egoteari, isilik egoteari, nire barrura begiratzeari.

Ez naiz gauza handirik.

Badakizu hori, ongi ezagutzen nauzu eta.

Eskerrak eman nahi dizkizut ezagutzen eta maite nauzulako, zure adiskideetakoa naizelako.

Ongi ezagutu nahi zaitut neuk ere, nire ondoan sumatu, nire izenez nola deitzen nauzun entzun.

Askotan nabil zutaz ahazturik, baina badakit zain zauzkadala.

Sarritan ez naiz zutaz gogoratzen, baina bat-batean, zure ahotsa entzun eta nire alboan aurkitzen zaitut.

Erakutsidazu nolakoa zaren, Jesus, hobeto ezagutu zaitzadan.

Eskerrik asko zuk ezagutzen nauzulako eta maitatzen.

Eskerrik asko nik zu ezagutzeko ematen didazun aukeragatik.

16

GURE BARRENA ASKATU

Gelatxo bat prestatu otoitz egiteko.

Ahal badugu alfonbra bat jarri lurrean eser daitezen.

Kandela piztu eta gogorarazi gure lagunik handiena gurekin dagoela, konfiantza osoz hitz egiten dezakegula gaur gertatzen zaigunaz.

• •

•

• •

Abestuz hasiko gara otoitz egiten: Ni naiz, ni naiz, ni naiz Jauna, zurekin hitz egin nahi dut.

Begiak itxi, eta esan bakoitzak bere barrenera begiratzeko. Zer sentitzen dut? Poza, gaur ikastolan ongi joan zaidalako? Samina, norbaitek iseka egin didalako? Lasaitasuna, bakea, dena ongi joan zaidalako? Urduritasuna, beldurra?... Bakoitzak aska dezala poliki-poliki bere barrua.

Gonbidatu (ez behartu inoiz) Jesusi, gure laguna denez, gure kontuak kontatzera, gaur nola gauden etab., lagun on bati edo gure amari kontatzen diogun bezala.

Bukatuko dugu “Eskerrik asko Jauna, bihotz-bihotzetik” abestuz.

Katekesira pasatuko gara.

17

HAURREN ESKER OTOITZA

Aita ona, eskerrak ematen dizkizugu gu zaintzen eta maitatzen gaituzten, eta guri laguntzen diguten guztiengatik.

Eskerrak, gure guraso, aitona-amona eta etxean, maitasun handiz, gutaz arduratzen diren guztiengatik.

Eskerrak, andere単o eta maisuengatik, guri gauzak irakasten saiatzen direlako, baita elkar errespetatzen eta elkarri laguntzen erakusten digutelako, onak eta atseginak izan gaitezen.

Eskerrak, katekista eta monitoreengatik, Zutaz hitz egiten digutelako, Zu hobeto ezagutu eta gero eta gehiago maita zaitzagun.

Horiengatik eskatzen dizugu gaur: emaiezu zure indarra eta grazia, bete itzazu zeure maitasunez eta Espirituz.

Bedeinka itzazu, Jauna, Amen.

18

JESUS GURE BARRUAN

Isilik sartu gelan. Eseri biribilean.

Biblia bistan egongo da.

Lore-sorta, kapuluak, bistan baita ere.

Musika pixka bat jar daiteke, eztia.

•

Bihotzeko otoitza egingo dugu esanez: “Zurekin, Jesus, pozik nago”.

•

Isilunea. Musika…

•

Irakurri Jainkoaren Hitza, Joan 14,23 “Maite nauenak onartuko du nire mezua: Nire Aitak maite izango du, eta Aita eta biok berarengana etorriko gara eta berarengan biziko”.

•

Abestia: “Zu gabe, Jesus, nora...”

•

Jesus gure barruan dagoenaren poza azaldu, hitz gutxirekin.

•

Harrera ona egin esaten duenari. Gurtu Jauna. Isiltasuna.

Ondoren katekesira.

19

JESUS GURTU EUKARISTIAN

Elizan sagrarioaren inguruan, nor bere baitan bildu.

Ogi handi bat eraman. Bukaeran banatu.

•

Esan ikasi ditugun Jesusen presentziak: gure barruan, gure artean, txikietan....

•

Gaur beste presentzia bat ikusiko dugu. Jesus Eukaristian.

•

Sagrarioaren esanahia azaldu.

•

Jesus Eukaristian ogi eta ardoaren itxurapean egoten dela esan.

•

Irakurri Lk 22, 14,19,17 “Hau nire gorputza da zuentzat ematen dena, egizue hau nire oroigarri”.

•

Musika “Adoramuste...”

•

Isilunean, Jauna gurtu. Une labur batean.

Ondoren katekesiko gelara.

20

JESUS, ZU NON BIZI ZARA?

•

Gelan sartu aurretik, taldea prestatu isiltasun eta harridura giroa sortuz.

• Aulkiak biribilean eratuta eta erdian hizki handiz idatzia.

JESUS, ZU NON BIZI ZARA? •

Hau da guk gaur Jesusi egingo diogun galdera. Baina Jesusek esaten digu: “Aurrena zuei zer iruditzen zaizuen jakin nahi dut: Ni, non bizi naiz?

• Haurren erantzunak entzun (zeruan, elizan, gure bihotzean…) eta lagundu pentsatzen: maitasunez jokatzen dugunean, han dago Jesus; elkarri barkatzen dakigunean, han dago Jesus; besteak, nahiz eta gure lagunak ez izan, onartzen ditugunean, han dago Jesus; gure gauzak besteei uzteko gogoa sortzen zaigunean, han dago Jesus gurekin…

• Orain Jesusi galdetuko diogu : Jesus, Zuk zer diozu, non bizi zara?

Biblia hartu eta irakurri: Jn 1,37-39. Isilune labur baten ondoren beste lauki hau jarri aurreko hizkien gainean: ETORRI ETA IKUSI… •

Jesus, non bizi den eta nolakoa den ikustera eta ikastera etortzen gara katekesira. Esan diezaiogun Jesusi: • Jesús, nik zure antzekoa izan nahi dut, irakats iezaguzu zurekin bizitzen.

• Etxera eramateko, idatzitakoa eman: Jesús, non bizi zara? Etorri eta ikusi. Elkarrekin abestuz bukatu: Jauna, ez nekien Zu nor zinen, ez nor zinen, ez bazinenik; Ni baina zure bila nenbilen, ez nuen inon atsedenik.

21

JESUS TXIKIETAN

Isilik sartu gelan. Eseri biribilean.

Arnasa hartu barru-barrutik. Lasaitu. Kontzentratu.

Beti bezala Biblia egongo da gelan, toki berezian, eta behartsuak azaltzen diren horma-irudi handi bat jar daiteke bistan, baita ur baso bat ere.

•

Nor bere baitan bildu eta bihotzeko otoitza egin esanez: “pozik nago zurekin, Jesus”.

•

Ondoren isilunetxo bat.

•

Jesusen presentzia berri bat azalduko diegula esango diegu haurrei.

•

Irakurri Mt 25,31-40, eta esaldi hau azpimarratu: “Nire senide txikienei egin zeniotena, neuri egin zenidaten”.

•

Komentatu zeintzuk diren senide txikiak, horma-irudia ikusi, esan zergatik dagoen ur basoa...

•

Beren inguruan dauden “senide txikietaz” jabetu.

•

Abestu “Besteak maitatzeko behar zaitu Jesusek...”

Ondoren katekesira.

22

JESUSEK HAURRAK MAITE DITU

Esan haurrei isilik eta errespetuz sartzeko gelan.

Biribilean eseri.

Biblia irekita. Mt 19,13–15 orrietan.

Eseri lasai, nor bere baitan bildu eta begiak itxi.

•

Gonbidatu haurrei barru-barrutik Jesusi galdetzeko: “Jesus, maite al nauzu”?

•

Egon isilik unetxo batean.

•

Ondoren irakurri Mt 19,13-15: “Haurrak ekarri zizkioten Jesusi, eskuak gainean ipini eta haientzat otoitz egin zezan; baina ikasleek haserre egiten zieten. Orduan Jesusek: Utzi haurrei, ez galerazi Niregana etortzen; horrelakoena da-eta zeruetako erreinua. Haiei eskuak ezarri zizkien gainean, eta joan egin zen handik”.

•

Bibliari muin eman.

•

Isilunea egin eta katekistak errepika dezala mantso eta ezti: “Utzi haurrei, Niregana etortzen” “eta eskuak ezarri zizkien gainean”.

•

Senti dezagun, hitz samur horietan eta eskuetan Jesusen maitasuna.

•

Abestia «Nik badut lagun bat maite nauena»

Ondoren katekesia.

23

JESUSEKIN SOLASEAN

Gelatxo bat prestatu otoitz egiteko, ahal badugu alfonbra bat jarri, lurrean eser daitezen. Mahaitxo batean Jesusen irudi bat eta kandela. Piztu kandela eta gogorarazi gure lagunik handiena gurekin dagoela, konfiantza osoz hitz egin dezakegula gaur gertatzen zaigunez.

Otoitza hasiko dugu abestuz: “NI NAIZ, NI NAIZ JAUNA, ZUREKIN HITZ EGIN NAHI DUT” •

Begiak itxi, eta esan bakoitzak bere barrura begiratzeko. Zer sentitzen dut? Poza, gaur ikastolan ongi joan zaidalako? Samiña, norbaitek iseka egin didalako? Lasaitasuna, bakea, dena ongi joan zaidalako? Urduritasuna, beldurra? etab. Bakoitza joan dadila bere barrena askatzen jakinik Jesus gurekin dagoela.

•

Gonbidatu (ez behartu inoiz) Jesusi, gure laguna denez, gure kontuak kontatzera, gaur nola gauden etab., lagun on bati edo gure amari kontatzen diogun bezala.

•

Bukatuko dugu, ESKERRIK ASKO, JAUNA, BIHOTZ BIHOTZETIK abestuz.

Katekesira pasatuko gara.

24

JESUSEN LAGUNAK IZAN

Isiltasuna egin, arnasa barru-barrutik hartuz.

Gelan sartu, eseri biribilean.

Gela girotu: Biblia, Jesusen ikonoa. Eta sobre batzuek, Jesusek idatzitako karta barruan dutela. Bat edo bakoitzarentzat bana.

•

Gonbidatuko ditugu haurrak, Jesusi, begiak itxita, maitekiro begiratzera, eta bihotzez, barru-barrutik esatera: “Jesus, zu zera nire lagunik onena”. Tartetxo bat utzi isilik.

•

Ondoren irakurriko dugu Jn 15,13-16: “Zuek nire lagunak izango zarete, nire esana egiten baduzue”.

•

Esaldia ikasi.

•

Jesusek idatzitako karta irakurri.

•

Eskerrak eman Jesusi, gure laguna dugulako.

•

Abestu: «Nik badut lagun bat».

Ondoren katekesira.

25

KONFIANTZAZKO OTOITZA

Jainkoaren beldur al zara?

Non egongo zinateke seguruago?

Nork maita zaitzake gehiago?

Ernatu, piztu zure konfiantza.

Hasi zure otoitza zeruko Aitari konfiantzazko deiadar batekin.

Nere eskuok zugana zabaltzen dira, Nere gogo hau, lur elkor, zutaz egarri da.

Entzun laster ni, Jauna Arnasa baitut joana.

Ez ezkuta niri zure aurpegia Entzunarazi niri goizean zure maitasuna, Zugan baitut itxaropena.

142 salmoa

26

MARIA, JESUSEN AMA ETA GURE AMA

Elizan Jesusen Amaren irudiaren aurrean, edo gelan Amaren irudi bat eramanda.

•

Amaren irudiari begiratu. Komentatu dakiten guztia.

•

Irakurri Jainkoaren Hitza Joan 19,26-27: “Horra hor zure ama, eta ordudanik ikasleak bere etxean hartu zuen”.

•

Agur Maria errezatu.

•

Mariaren irudiari muin eman. Bitartean Zeruko Amaren kanta bat abestu.

•

Lore-sorta bat utzi Amaren oinetan. Beraiek ekarria.

Ondoren katekesira.

27

ORATORIOA Oratorioa lekuarengatik, gauzengatik, haur-kopuru edo bestelako arrazoiengatik, bere-berean egin ezin denean, katekista bakoitzak bere taldearekin egin ahal izango lukeen modalitatea da beste hau. Egokia litzateke hilean behin gutxienez, katekesi ezberdina egitea, esan nahi baita otoitz, elkarketa, topaketa zentzua duen katekesia egitea: Jesus eta haurra. Horretarako kontuan izango ditugu, esaterako: 1. Gela motibo ezberdinekin, baina bidezkoekin apaindu: aulkiak biribilean jarri, Ebanjelioa, irudia, kandela, ikonoa…

2. Harrera zaindu, beti, baina egun horretan bereziki, zaindu izenak, maitasun zeinuak, detaileak, hitz egin eztiki, goxo, gertutasunez…

3. Isiltasuna zaindu, katekistarengandik hasita, ahots baxua erabili, astiro hitz egin, poliki ibili eta poliki ibilarazi.

4. Arnasketa sakonak eginarazi ezer baino lehen, begiak itxita, jarrera egokian eserita, txandaka hitz eginez, denek batera egin gabe.

5. Ikus ditzatela gelan dauden gauza berriak, esan izenak, azaldu zerbait berria jarri baldin bada…

6. Galdetu astea nola igaro duten, eta hitz egin dezatela denek minutu batzuk… (5 minutu).

7. Prestakuntza honen ondoren, eta beste zerbait bururatu bazaizue ere, eman hasiera eguneko saioari. ¾ Otoitz egin zutik, katekistak zuzenduta. ¾ Ikasi kantu berri bat, laburra, umeentzako egokia. ¾ Ikasi Jaunaren presentziak. Lehenengo egunean Jesusen bizitza aztertu daiteke, labur-labur. ¾ Bihotzaren otoitza “Zatoz Jesus, zatoz”, “Jauna, zure egarri naiz…”, “Jauna, zure maitasunaren egarri naiz…”, “Jauna, zure bakearen egarri naiz…”. Errepikatu aldi bakoitzean horrelako esaldiren bat. Isilunea, isilunea, isilunea…

28

¾ Irakurri testu labur bat, muin eman liburuari, komentatu eta ikasi esaldi bat, testuko garrantzitsuena. Presentziak ikasten diren bitartean, hauekin zerikusia duenen bat: 1.

2.

3.

4.

gure artean gure bihotzean eukaristian haurrengan

¾ Oso garrantzitsua da oroigarriak ere ikastea: gurutzea, ikonoa, kandela, Jesusen Amaren irudia. ¾ Errepikatu esaldia ikasi arte. ¾ Kantuarekin tartekatu. ¾ Bihotzeko otoitzera itzuli, isilik, hitz egin diezaiotela Jesusi, entzun diezaiotela Jesusi, BERAREKIN EGON daitezela. ¾ Bizitutakoa komunikatu; horretarako asko motibatu behar dira, zerbait ezberdina egin, katekistaren aldamenera eraman, zutik jarri…, esaten dutena asko baloratu, estimatu eta eskertu. Saiatu une honetan guztiek parte har dezaten. ¾ Eskerroneko edo goratzarreko kantua,... ¾ Eurek egin dezaketen konpromisoren bat aipatu, komentatu…; izandako esperientziaren bat azaldu, egindako zerbaiten berri eman, gurasoekin otoitz egin etxean, Jesusekin egon gauero… ¾ Amaierako otoitz bat egin elkarrekin, haurrek eta katekistak. ¾ Mariari eskainitako kantu bat. ¾ Isilik eta ordenean irten.

OHARRA. Garrantzitsua da ildo honetan lan egitea, haurrak Jesusekin duen harremanaren bizipena izan dezan, bere neurrira, baina esperientzia.

29

ORIENTEko ERREGE MAGOAK

1. Isilik sartu.

2. Jarri Jesus haurra kuxin baten gainean, kandela txikiz inguratuta, piztu gabe.

3. Haurrak aulkietan eseriko dira.

4. Ebanjelioa irakurri (Mt 2-11): Etxean sarturik, haurra ikusi zuten Maria bere amarekin eta, ahozpezturik, gurtu; ondoren, beren kutxatilak zabalduz, eskuerakutsiak eskaini zizkioten: urrea, intsentsua eta mirra.

5. Haurrak Jesusengana gerturatu, eta belauniko jarriko dira; ondoren, lurrean eserita, bakoitzak bere kandela piztuko du (katekistaren laguntzarekin).

6. Gogoetarako unea.

Magoek haur txiki, behartsu… batengan antzeman zuten Jainkoaren Semea.

Ni konturatzen al naiz Jainkoa orain gurekin dagoela? Non? Behartsuengan, gaixoengan, adineko pertsonengan, gu guztiongan…

Non antzematen dut nik Jainkoa? Otoitzean, nire familian, nire lagunekin…

Zer adierazten du hemen orain Jesus haurraren aurrean belauniko egoteak? Asko maitatzea, gurtzea…

Zer kutxa, zer opari ematen dizkiot nik Jesus haur honi? Zer opari jasotzen ditut niretzat?

7. Isilik, une bat geratuko gara, lasai; asmo on bat hartuko dugu, eta hori izango da aste honetan, edota ahal izanez gero, urte osoan gogoratuko dugun oparia.

8. Guztiok abestuko dugu: “Gau isila, gau donea, Zerutik jaitsi da goazen guztiok arin-arin”.

30

GURASOEKIN OTOITZ EGITEKO

MATERIALAK

“AITA, EZ ZAITUT IKUSTEN”

Ba zen auzoko etxetxo batetan zoriontsu bizi zen familia bat. Baina gau batean sukaldean izugarrizko sutea sortu zen. Garrak zabaltzen hasi zirenean guraso eta haur lasterka kanpora atera ziren. Besarkatu ziren hain ezinduak ikusita, eta pena handiz ikusten zuten beren etxetxoa sugarrak hartuta.

Bat-batean jabetu ziren, ezin esan halako nahigabez, haur txikiena ez zegoela beraien artean. Sugarrak izututa denak irteterakoan, haurrak atzera egin eta goiko solairura igo zen.

Zer egin? Aita-ama etsipenez eta ezintasunez begiratu zuten elkar, senideak negarrez hasi ziren: ezinezkoa zen sugarretara botatzea. Eta suhiltzaileak ez ziren iristen...

Baina, hara non, goiko ganbaran leihoa ireki zen, eta haur txikiena deiadarka hasi zen: “AITA!, AITA!”.

Aitak itxaropenez esan zion “EGIN SALTO, SEME, EGIN SALTO”.

Lurrean haurrak sua eta kea bakarrik ikusten zituen, baina aitaren ahotsa entzun zuen eta esan zion: AITA, EZ ZAITUT IKUSTEN”!

Seme, nik ikusten zaitut eta nahikoa da, EGIN SALTO!, deiadar egin zuen aitak indar guztiz.

Haurrak egin zuen salto eta aitaren beso samurretan erori zen.

Otoitz egiterakoan izan behar dugun konfiantza azpimarratzen du kontakizun honek. Sutan dagoen etxe bateko leihoan dagoen haurrak ez al du irudikatzen Jainkoaren aurrean dagoen kristaua?

Arriskuaren unean, Jaunaren ahotsa entzuten da: Izan konfiantza Nigan, eta jar zaitez nire besoetan. Kristauak, ordea, erantzuteko tentazioa izaten du sarritan: ez zaitut ikusten Aita.

Gu munduan gauez ibiltzen gara, ilunpetan, baina Jainkoak ikusten gaitu; hori da garrantzitsuena.

Jainkoak ez gaitu une bakar batean ere bakarrik uzten. Bere eskutik garamatza, guk nabaritzen ez badugu ere.

33

AITA JAUNGOIKOA

Aita Jaungoikoa, gure eskuetan jarri duzu hain zoragarria den sorkari hau, gure (‌) seme/alaba.

Zure baliabide egin gaituzu, zure maitasunaren ararteko, pertsona on eta kristau zintzo bezala zaindu eta hazten laguntzeko.

Lagun iezaguzu, Jauna, zeregin eder eta handi honetan.

Izan dezagula beti fedearen indarra, zailtasun guztien gainetik lanean jarraitu ahal izateko.

Ez dezagula gure familiarentzat eta mundu guztiarentzat bizitza hobea izateko itxaropena galdu.

Eta, batez ere, Jauna, izan zaitez beti gugan Maitasunaren iturri, maitasun prestu, erne eta eskuzabala, maitasun leiala eta maitekorra, maitasun sendoa, Zuk egunero ematen diguzun bezalakoa.

Fedez eskatzen dizugu: Aintza Aitari,‌

34

AMA

Bada emakume bat bere maitasun neurrigabeagatik Jainkoaz zerbait duena, eta bere zaintza nekaezinarengatik aingeruaz asko duena. Gazte izanik ere, adineko baten gogoeta duen emakumea da, eta zahartzaroan ere gaztaroko kemenarekin egiten du lan. Ezjakina izanik ere, bizitzako sekretuak jakintsu batek baino zorrotzago antzematen dituen emakumea da, eta eskolatua izanik ere, haurren lañotasunera egokitzen da.

Behartsu izanik ere, maite dituenen zorionarekin asetzen den emakumea da, eta aberats izanik ere, atseginez emango luke bere altxorra eskergabetasunaren oinazea bere bihotzean ez jasatearren.

Kementsua izanik ere, haur baten negarrarekin hunkitzen den emakumea da, eta ahula izanik ere, zenbaitetan, lehoi baten basatasunaz hornitzen da.

Bizi den bitartean estimatzen ez dakigun emakumea da, bere aldamenean oinaze guztiak ahanzten direlako; baina hil ondoren, garen guztia eta daukagun guztia emango genuke une batean bederen berriro begiratzeagatik, besarkada bat jasotzeagatik, hitz soil bat bere ezpainetatik entzuteagatik…

Ez iezadazue eskatu, arren, emakume horren izenik, baldin eta zuen albuma malkoz bustitzea nahi ez baduzue, zeren nire bidean igarotzen ikusi nuen…

Zuen seme-alabak hazten direnean, irakur iezaiezue orrialde hau, eta eurek, zuen bekokia musukatuz, esango dizue bidaiari xume eta apal batek, jasotako ostatu bikainaren ordainetan, hemen utzi duela, zuretzat eta eurentzat, bere amaren erretratuaren zirriborroa.

Ramón Ángel Jara Gotzain txiletarra eta Kanoniko argentinarra

35

ARKULARIA Zuen seme-alabak ez dira soilik zuenak, biziak berekin daukan gogoaren seme-alaba dira.

Etorri bai, zuen maitasunaren bitartez etorri dira, baina ez datoz soilik zuengandik; eta zuekin badaude ere, ez dira osoki zuenak.

Zuek ahal duzue zuen maitasuna partekatu; ez hala ere zuen pentsamendu oro, hauek berenak dituzte eta.

Zilegi zaizue hauen gorputzei zuen etxearen babesa ematea, baina ez hauen arimei, zeren eta hauen arimak biharko eguneko etxean bizi baitira, non ametsetan ere ez zinatekeen sartu han ahal izango.

Bai, ahaleginduko zarete hauen antzeko izan daitezen, baina ez ibili erabat zuen pareko egokitzen, zeren bizia ez baitoa atzeraka, bizia ez baitago halaber lehenari atxikirik.

Zuek arkuak zarete, zuen haurrak bizidun gezi baliran tiratzen dituzuelarik.

Arkulariak mugagabeko bidexkan ikusi ohi du jomuga eta Hark bere indarrez ahalbideratzen zaituzte geziak ziztu bizian urrunera jo dezan.

Bilakatuko al da arkulariaren eskuetan ahalbideratze hori zuentzat bozkario, zeren eta Berak maite duen gezi hegalariaren pare maite baitu irmoki diraun arkua bera.

Kalhil Gibran Irakurri ondoan isilune bat gordeko dugu. • Parteka ditzagula bata bestearen sentipenak. •

36

BARAUA

•

Egizu barau inor ez juzgatzeaz; ase edonorengan bizi den Kristoren bitartez.

•

Egizu barau hitz mingarriak erabiltzeaz; ase garbigarri diren esaldiez.

•

Egizu barau nahigabeaz; ase eskerronez.

•

Egizu barau amorruaz; ase eroapenez.

•

Egizu barau ezkortasunez; ase baikortasunez.

•

Egizu barau buruhaustez; ase Jainkoaganako konfiantzaz.

•

Egizu barau kexuka ibiltzeaz; ase inguruarekiko estimuaz.

•

Egizu barau presio atergabeez; ase hutsik ez duen otoitzaz.

•

Egizu barau mingostasunaz; ase barkamenaz.

•

Egizu barau zeure burua haizatzeaz; ase besterenganako errukiaz.

•

Egizu barau zeure buruarekiko esturaz; ase Kristo gurutzatuaren esperantza iraunkorraz.

•

Egizu barau etsipenaz; ase esperantzaz.

•

Egizu barau ahuleziazko pentsamenduez; ase arnasgarri diren agintzariez.

•

Egizu barau Jesusengandik banatzen zaituen guztiaz; ase berarengana hurbiltzen zaituen guztiaz.

37

ESPIRITU SANTUARI GORATZARREA

1. Zatoz, bai, Gogo Guren eta bidal zerutik Zure argi izpia.

3. Bete, argi dohatsu, zintzoen bihotzeko zirriturik barnena.

Zatoz, gaixoen aita, zatoz, doai-emaile, zatoz, bihotzen argi.

Zure laguntza gabe ez du gizonak ezer, ez du ezer on denik.

2. Poz-emaile bikaina etxelagun atsegin, sargorian haize fin.

4. Garbi zikin dagoena, busti, lehor dagoena, zauriak oro senda.

Lan artean atseden, nekean aringarri, malkoetan pozgarri.

Zurrun dena bigundu, makur dena zuzendu, hotz dagoena berotu.

5. Zugan uste on duten zintzoei isuri zazpi doai zerutik.

Zintzo-saria eman, osasun hil-artean, poza betierean. AMEN

38

EGUN BERRIRAKO EMAIGUZU JAUNA‌ Nahikoa alaitasun beti atseginak izateko.

Nahikoa oinaze beti gizatiarrak izateko.

Nahikoa pozkari zoriontsu izateko.

Nahikoa muga apalak izateko.

Nahikoa argi gogotsuak izateko.

Nahikoa iluntasun konfiantza izaten ikasteko.

Nahikoa lagun esku bat eransteko.

Nahikoa arerio egiaz maitatzeko.

Nahikoa gauza partekatu ahal izateko.

Nahikoa behar lagunduak izateko.

Nahikoa fede itxaropena eta maitasuna kutsatzeko.

Nahikoa belarri zorrotz zure Espirituaren ahotsa entzutearren egunero adi-adi egoteko. Amen

39

EZKONDUENTZAT

Bata bestearekin heldu zineten maitasunaren mundura eta bata bestearekin izango zarete halaber heriotzaren hegal zuriek zuen hemengo egunei amaiera ematean, elkarrekin jarraituko baituzue Jainkoaren oroimen isilean.

Maita ezazue elkar, baina maitasuna ez lotura bihurtu...

Lautearen hariak banaka daude kokaturik musika bera osatzen duten arren...

Eman bihotza gogotik, baina ez zuen elkar lagunak osoki beretzat har dezan...

Haritza ez da altzifrearen itzalpe ilunean hazten ahal, ez eta altzifrea ere haritzaren itzalpean.

40

FAMILIAREN ALDE

Zuk, Jesus, mundura etorri zinenean, familia batean bizi nahi izan zenuen, gu bezala.

Bedeinka ezazu gure familia, denok elkar maitatuz bizi gaitezen.

Bedeinka, munduko familia guztiak, eta egizu, lurrean bizi garen guztiok egiaz familia bat izan gaitezela.

GURE AITA

41

GARIZUMA

Jauna, gure bihotz-berritze bidean lagun iezaguzu bihotzeko samurtasuna sumatzen, maitasuna izan dadin zuregana gidatuko gaituena, eta ez beldurra eta ikara.

Emaiguzu otoitzerako Eta barneratzeko espiritua, Senti dezagun zure Aita-Ama izate samurra eta horrela jarrai dezagula bizitzan zure seme-alaba bezala.

AMEN.

GURE AITA

42

GORESPEN OTOITZA

Goresten eta bedeinkatzen zaitugu, mundua egin zenuen Jainko Aita, izadiarengatik eta animaliengatik.

Eskerrak Zuri, Aita: Zuk eginak dira ilargia eta gauez distiratzen duten izarrak; eguzkiaren argia eta beroa; baita euri eta ur freskoa ere; Zuk eginak dira koloretako ortzadarra, baita arnasten dugun airea eta haizea ere; mendi berdeak eta itsaso urdina; landare eta zuhaitzak, loreak eta fruituak, eta era guztietako animaliak...

Emaizkiguzu begi argiak eta bihotza, gauza eder hauetan guztietan zure handitasuna, presentzia eta guganako maitasuna ikus dezagun.

Amen.

43

GURASOEKIN OTOITZ EGITEKO

Itun Zaharreko fededun baten otoitza guretzat harturik, gatoz, gaur, Jauna, zurekin hitz egitera.

Honela dio salmogileak: “Guk entzun eta jakindakoak, gurasoek kontatu zigutena, Jaunaren egintza goresgarriak, haren garaipena eta egin dituen mirariak ez dizkiegu ezkutatuko geure haurrei, baizik eta datorren belaunaldiari kontatuko� (78. salmoa).

Jauna, guk ere hau bera egin nahi dugu: gure aurrekoei esker guregan txertatua izan den zure erregali hau, sinesmena, gure ondorengoei agertu eta kutsatu nahi diegu.

Horretarako zure laguntza izango dugun itxaropenez, prest gaude gure baitan dagoen guztia egiteko. Amen.

44

GURASOEN OTOITZA [I]

•

Has zaitez otoitz hau barrena lasaituz, arnasketa sakon batzuk eginaz...

Bai, Jainkoarekin duzu topaketa. Zu,...aita, ama zara, (bakoitza joan dadila bere barrenean seme alabak aurkezten). Egia da Jainkoak ez duela aurkezpenen beharrik, zuek, haurrak izatea erabaki baino lehen Berak amestu zuen beraiekin eta orain zuei utzi zaituzte altxor horren zaindari.

Eskerrak, diren bezalakoak direlako, bereziak, bakarrak, eta zoragarriak.

Eskerrak beraien bizitzeko gogoagatik, beraien maitasunagatik eta zergatik ez, baita beraien bihurrikeri, eta berekoikeriagatik ere, horrela gizakien izateko era gauzatzen baita.

Eskerrak behin eta berriro gure bizitzara ekarri dituzulako.

Horrela gure Jainko honetaz fidatuz, eskainiko diezue zuen seme alabak, berak zaindu eta gorde ditzan ahaztu gabe zuek jarri zaituztela altxor eder horren zaindari eta hezitzaile. Bere laguntza ez zaizue faltako baina zuen ezpainak behar ditu musukatzeko, zuen bihotzak maitatzeko, zuen eskuak, famili eder hori zaintzeko.

45

GURASOEN OTOITZA [II]

Jainko Jauna, aita, eta ama, izate guztiaren iturri zaituguna, eta guri aita eta ama izateko grazia eman diguzuna.

Bedeinka itzazu egunero gure maitasunaren fruitu diren gure seme-alabak: ..., Lagun iezaguzu guraso eginkizuna ondo betetzen, egian eta maitasunean hazi ditzagun.

Jakin dezagula, geure familian giro ona sortzen, gizaki eta kristau bezala hazteko behar duten elkarganako adiskidantzaeta maitasun-giroa izan ditzaten.

Gida itzazu, Jauna, zeure Espirituaz, zure nahiaren bideetan ibil daitezen.

Isur ezazu hauen bihotzetan zeure maitasuna, bete itzazu alaitasunez eta bizi-pozez.

Zaindu itzazu bizitzako une guztietan.

Bedeinka gaitzazu gu ere, eta gorde denok elkarturik zeure maitasunean eta bakean. Amen

46

GURASOEN OTOITZA [III]

Eskerrak, Aita on Jaungoikoa!

Gure ‌ seme/alaba da egin zeniezagukeen oparirik ederrena.

Eskerrak, Jauna, bere heziketan laguntzen diguzulako, sortzen zaizkigun zalantza eta beldurren aurrean behar dugun indarra ematen diguzulako, eta aurrera egiteko adorea ematen diguzulako.

Zure laguntza eskatzen dizugu gure seme/alabari Zu nor zaren erakusteko.

Zure laguntza gure familian zu antzeman eta zutaz jabetzeko, eta gure etxea maitasun eta errespetuzko lekua izateko.

47

GURASOEN OTOITZA [IV]

Eskerrak, Jauna, egunero gauza miresgarriekin harritzen gaituzulako.

Egun batean maitasunaren garra erein zenuen gugan.

Eskerrak eman nahi dizkizugu gure maitasun-ematea sendoa eta gozoa delako, eta, batez, ere, ugalkorra izan delako.

Eskerrak, Jauna, (‌) seme/alaba maite honengatik, zuk bedeinkaturiko maitasunaren fruitu.

Erakuts iezaguzu Zuk bezala maitatzen, Zuk maite duzula ezagutzera emateko.

Emaiguzu bihotz handi eta zabala gure (‌) seme/alaba etxeko giro bero eta atseginean hazi eta garatu dadin.

Zeinen handia den, Jauna, eman diguzun bizia!

Eskerrak Jauna!

48

GURASOEN OTOITZA [V]

Zuri, zeruko eta lurreko Aita, neurri gabeko samurtasunez maite gaituzuna, gure ahultasunak ezagutzen eta beti barkatzen gaituzuna; eskerrak ematen dizkizugu.

Zuri Jesus, gure senide egin nahi izan zenuena gure bizitzan gure Argi izateko eta itxaropenez bihotza betetzeko; eskerrak ematen dizkizugu.

Zuri Espiritu Santua, Aitaren eta Semearen maitasunagatik gugan jarduten duzuna, eskerrak ematen dizkizugu eta laguntzeko eskatzen: gure familia elkarturik mantentzeko, gure seme-alabentzat jarraibide on bat izateko, bihotzez partekatzeko eta barkatzeko; eta jasotako dohainak egunero eskertzen jakiteko.

Amen

49

JESUS BEZALA BIZI

•

Lehenengo besteengan pentsatzen dugunean

•

Besteengatik arduratzen garenean

•

Behar duenari laguntzera joaten garenean

•

Aldemenean dugunaz gogoratzen garenean

•

Dauzkagun ondasunak partekatzen ditugunean

•

Sufritzen dutenekin egoten garenean

•

Gure denbora besteen onerako ematen dugunean

•

Gutxiago dutenen egoera hobetzeko laguntzen dugunean

… bizi gara Jesusen antzera.

50

MUNDUKO HAUR GUZTIEN ALDE

Jesus, zuk erakutsi diguzu guztiok munduan Aita bat bera daukagula eta famili bat osatzen dugula.

Baina asko dira gaur jatekorik eta etxerik gabe, eskola eta sendagairik gabe bizi diren haurrak: asko, goserik hiltzen daudenak.

Denentzat eskatzen dizugu, Jesus: izan dezatela egunero ogia.

GURE AITA

51

OTOITZALDITXOA

Hartu arnasa sakon, hainbat aldiz, otoitz hau egiten hasi aurretik.

• Ahaztu zure kezkak. Ez dago une hau besterik.

• Barruko isiltasun honetan bakarrik aurki gaitezke Jaunarekin.

•

Aita-Ama Zerukoa, Zure seme-alabak izatearen bozkarioa adierazi nahi dizugu.

Zu zara gure familiako Jaun/Anderea.

Zure maitasuna eta samurtasuna bizi dugu egunero, mugarik ez duena.

Ezagutzen gaituzu, eta barru-barrutik maitatzen gaituzu.

Eta, gure (…) seme/alaba hazteko eginkizunean laguntzen gaituzu.

Gure etxean giro bero eta atsegina aurkitzea nahi dugu, eta zeure etxean bezala sentitzea.

Lagun iezaguzu zure Hitza eta Jesusen Ebanjelioa gure artean oihartzun handiz entzun daitezen, eta bultza gaitzala munduan Bizi-zeinuak ematera.

Lagun iezaguzu gure (…) seme/alabaren fedea esnatzen.

Izan dezala gure fedea bere heziketa erlijiosorako baliagarri eta sustagarri.

Zu ez zara seme-alaba deitzeaz nekatzen.

Emaiguzu, arren, gure familiako kide guztioi Aita-Amaren dimentsio berriak Zugan antzemateko zoria, gainontzeko gizon-emakume guztiak anai-arreba gisa begiratzen eta tratatzen ikasteko.

52

ZATOZ JAUNA

1. Zatoz Jauna!

Gaur zain duzu mundua zorigaitzez hain da hondatua.

Zatoz Jauna! Zabal, otoi, zerua: etor bedi zure erreinua.

3. Zatoz Jauna! nagusi baita dirua jendea maiz dauka zapaldua.

Entzun Jauna, behartsuen oihua etor bedi zure erreinua.

2. Zatoz Jauna!

Hor gabiltza gauez gau, biztu gugan fedearen sua Zatoz Jauna!

Argi ezazu mundu hau: etor bedi zure erreinua.

4. Zatoz Jauna! maitasunez gu bete; jendeak elkar ezin hartu dute.

Zatoz Jauna!

Zuk bat egin mundua: etor bedi zure erreinua.

5. Zatoz Jauna!

Lokarriak zuk hautsi: munduz mundu bihotzean mintza.

Zatoz Jauna.

Ager zaitez ta jaitsi: etor bedi zure erreinua. Amen

53

ZERUKO AMA MARIARI

Zure babesera gatoz ihesi, Jainkoaren Ama; gure otoitzei ez eman esker txarrik behar ordu estuan; arrisku guztietatik onez atera gaitzazu, Birjina eder eta bedeinkatua.

54

KATEKISTEKIN OTOITZ EGITEKO

MATERIALAK

62 SALMOA

Isiltasuna egin, kanpoko eta barruko isiltasuna.

• Eroso eseri, begiak itxi, arnasa barru-barrutik eta lasai hartu.

• Bihotz barrutik esan Jaunari: “Zure egarri naiz”... bi... hiru...aldiz.

• 62 Salmoa irakurri hausnartuaz: •

“Jainko, nire Jainko zaitut, goizetik bilatzen zaitut, zure egarriz daukat gogoa, zure irrikaz haragia, lur idor, egarri, urgabe iduria.

Egona nauzu Zuri begira jauretxean, zure ospea eta indarra ikusi nahian.

Bizia baino hobea bat da zure maitasuna, ezpainok egingo dute zure goralpena.

Goretsiko zaitut bizi naizen artean, jasoko ditut eskuok zure izenean.

Gurinez eta mamiz bezala beteko zait gogoa, ezpain-ikaraz goretsiko zaitu nire ahoak.

Zutaz oroitzen naiz ohe gainean, Zu gogoematen zaitut gauean.

Zu gertatu baitzera nire laguntzailea, pozez oihu dagit zure hegal-itzalean.

Nere gogoa Zuri itsatsia dago, zure eskuinak eutsita nago”.

Berriro irakurri eta gehien esan dizun esaldiarekin gozatu eta gero errepikatu.

• Abestia: “Egarriz noa, deika noa, noiz ikusiko noiz Jainkoa.”

•

57

AITA

Isiltasuna landu, kanpokoa, barrukoa.

• Erlaxatu... kontzentratu AITA hitzean.

• Eta arnasa hartuz behin eta berriro esan AITA...AITA...

• Ondoren Charles de Foucaould-en otoitza mantso-mantso esan, hausnartuz.

•

Nire Aita.

Zugan nagokizu, egin nitaz nahi duzuna.

Dena dela, eskerrak Zuri, edozertarako gertu nago, ontzat hartzen dut dena.

Zure nahia nigan eta zure izaki guztietan, ez dut besterik nahi, Aita.

Nire bizia, zure eskuetan jartzen dut.

Zuri eskaintzen dizut, nire Aita, bihotz bihotzetik maite zaitudalako, eta niretzat, Zu maitatzea, zuri, nire burua eskaintzea, eta zure eskuetan mugarik gabe eta uste onez jartzea delako, ZU, nire AITA zarelako.

•

Isiltasunean egon otoitz honekin unetxo bat.

58

ARTZAIN ONA

Eseri eta giro atsegin eta lasai batean otoitz egiteko prestatuko gara.

• Nor bere baitan bildu. Isiltasuna.

• Gai honetarako kantu aproposa: “Jauna gure Jainkoa”, “Kanta Jaunari” edota “El Señor es mi Pastor” (euskaratuta edo den bezalakoa).

• Norbaitek irakurriko du 23. Salmoa (Uste onezko otoitza), gainontzekoak entzun lasai.

•

Jauna dut artzain; ez naiz ezeren beharrean.

Larre guritan etzanarazten nau, ur baretara eramaten, eta indarrak berritzen; bide egokitik narama, leiala delako.

Ibar beltz-ilunetan banabil ere, Ez dut inolako gaitzen beldurrik, Zu nirekin baitzaude: zure artzain makilak lasaitzen nau.

Zuk atontzen didazu mahaia etsaien begi aurrean, ukenduz gantzutzen didazu burua; gainezka dut kopa.

Bai, zorionak eta leialtasunak inguratuko naute Bizitzako egun guztietan; Jaunaren etxean biziko naiz amaigabeko egunetan.

Beharbada berriro irakurri eta hausnartu Hitza.

• Bihotzeko otoitza: konfiantza, osotasuna, segurtasuna, Maitasuna, Fedea.....

• Esker-otoitza izan dugun bilera dela eta: “Eskerrik asko Jauna”.

•

59

AYEL-en OTOITZA Ayel, Amir-en seme, Kadar-tarren tribu nomadakoak, honela egiten zuen otoitz bederatzi urterekin: “Ene Jainko Ahalguztiduna, arren eskatzen dizut hurrengo oasian gure ganaduarentzako nahikoa larre topatzea, eta palmondoak datilez josiak egotea.

Halaber, eskatzen dizut datorren astean nire aitak Gadir-ko azokara eraman nazala, eta han egiazko gudariek duten bezalako arku bat eta gezi batzuk erostea. Azkenik, nire ahizpa Sara bere sukarretik lehenbailehen sendatzea nahi dut. Arren, eskatzen dizut, ene Jaun Ahalguztiduna”.

Ayelek 14 urte betetakoan, otoitz hau idatzi zuen bere dendaren atarian eserita: “Ene Jainko, indartu ezazu nire besoa tribuko beste ehiztariekin lehia nadin; egizu nire familia Kadar tribuko ahaltsuena; egizu Raquelek nire andregai izatea onar dezan, eta zigortu itzazu beren ganadua gure oasira bazkatzera eramaten dituztenak. Horrela egiten ez baduzu, ukatu egingo zaitut, eta nire eskariak kontuan hartzen dituzten beste jainkoak gurtuko ditut”.

18 urte bete zituenean, eta tribuko ohiturari jarraituz, Ayel kontseiluko kide gisa onartua izan zen, eta bere herentziaren zatia jaso zuen.

Honela hitz egin zien egun horretan Ayelek bere aitari eta senideei: “Gaur zuetariko bat gehiago bezala aitortua izan naiz. Jakin ezazue jaso dugun guztia nire eta nire senideen ahaleginaren fruitua izan dela. Zer uste duzue bada, Jainkoa jaitsi dela zerutik gure artaldeko arkume bakar bat emateko? Ez, ez da Jainkorik. Gizonaren lana da guztia”.

Urte batzuk geroago, gure protagonista gizaseme heldua zenean, Kadartarren tribuak zorigaizto ugari jasan zituen: Amir aitalehena hil zen bat-batean, ganadua gaixotu egin zen, eta bidelapur-talde batek urteetan metatutako guztia lapurtu zieten. Oraingoan, Ayelek honela egin zuen otoitz:

60

“Jauna, barkamena eskatzen dizut barru-barrutik; izan ere, gaitz guzti hauek nire harrokeriaren ondorio izan dira. Aitortzen ditut nire bekatuak, eta iraganeko nire hutsegiteak. Jakin badakit zure errukiak gure antzinako ongizatera itzuliko gaituela. Eskerrak, Jauna”.

Harrez gero, Ayelek Jainko Ahalguztidunaren konfiantzapean hezi zituen bere seme-alabak eta bilobak. Bere bizitzako une guztietan, eta inguruko gauza guztietan Jainkoaren eskua ikusten ikasi zuen. Eta hauxe izan zen bere azken otoitza, hil aurretik egindakoa: “Eskerrak, Jauna, guztiarengatik. Egunero eskaintzen dizkiguzun gauza harrigarriak eta etengabe egiten dizkiguzun mesedeak lehenago ikusteko eta konturatzeko gai izan banintz, askoz zoriontsuago izango nintzen. Orain berandu da, baina, halere, “eskerrik asko” esan nahi dizut”.

TESTUA LANTZEKO 1. Protagonistak otoitzean igarotzen dituen aro desberdinak azaltzen dizkigu testuak. Horietako etaparen batean aurkitzen al zara?

2. Ze parekotasun aurkitzen duzu testu honen eta zure otoitz egitearen artean?

3. Zure otoitza zertan hobetzea gustatuko litzaizuke? Nola lortu dezakezu hori?

4. Itzuli begirada atzera, eta idatz ezazu eskerronezko otoitza jaso duzun guztiarengatik.

61

BIDALIAREN OTOITZA Isiltasunean murgildu eta egin bidaliaren otoitza Zoazte mundu zabalera... hitz hauek niretzat esanak dira. Zure jarraitzailea naiz.

Misioan

zure

jarraitzailea

naiz.

Eskerrik asko Jesus. Txunditurik aurkitzen naiz zure konfiantzaz.

Uzta ugaria da,langileak gutxi, ordea.

Euretariko bat izan nahi dut.

Bihotz berri nazazu lehenengo neu, nik beste batzuei Berri Ona zabal diezaiedan.

Emaidazu AUSARDIA. Bere burua nahikotzat duen mundu honetan lotsa eta beldur naiz.

Emaidazu ITXAROPENA. Gizarte itxi eta susmagarri honetan neuk ere konfiantza gutxi dut pertsonengan.

Emaidazu MAITASUNA. Lur hotz eta bakarti honetan neuk ere maitasun gutxi nabaritzen dut.

Emaidazu JARRAIPENA. Giro eroso eta azaleko honetan neu ere erraz nekatzen naiz.

Bihotz berri nazazu lehenengo neu, nik beste batzuei Berri Ona zabal diezaiedan.

Eskerrik asko, Jesus.

Txunditurik aurkitzen naiz zure konfiantzaz.

62

ENE HITZ HORI Unetxo batean, barrua isiltzen saiatu, bake-bakean jarri eta ondoren egin gozo-gozo Jaunari otoitz.

Ene Hitz hori! Kristo ene Jaun hori!

Bai eder eta bai handi zarela!

Nork zu ezagutu? Nork zu ulertu?

Kristo Jauna, emaidazu Zu ezagutzea. Zu maitatzea Argia zarenez isur zure Jainko argi izpi bat nire anima gaixo honengan Zu ikusi zaitzadan, Zu uler zaitzadan.

Emaidazu Zutaz fidatzea. Zu sinestea.

Zure hitz guztiak argitzen nauten argi izan daitezen Zugana eraman nazaten Eta zuzen-bide eta egi-bidean jarrai dezaizudan.

Ene Jaun Kristo! Ene Hitz hori!

Zu zera nire Jauna, Zu bakarrik nire Maisu, nire Maisu bakarra.

Mintza zakizkit, entzun nahi dizut, Zure hitza egi bihurtu nahi dut.

Hitz hori jaso, hausnartu, egi bihurtu, Zure hitz horretan baitago bizia, alaitasuna, bakea, zoriontasuna.

Mintza, Jauna, Zu zera nire Jaun eta nire Maisu.

Zuri entzun nahi dizut. Zuri bakarrik.

63

ESKERRONEKO OTOITZA

Abestuko dugu: Gurekin egon…

Ikasturte amaiera honetan Jaunari eskerrak eman nahi dizkiogu, kontuan izanik Berak deitu digulako, Berak aukeratu gintuelako gaudela gaur hemen, eta ez merezi dugulako, Berak maite gaituelako baizik.

Entzun dezagun orain Jesusek nola aukeratu zituen berak nahi zituenak.

San Markosek kontatzen digu bere ebanjelioan (Mk 3,13-14).

“Berak nahi zituenei dei egin zien” Berak deitu zigun eta egunero deitzen jarraitzen du.

Ez gara gu Bera bilatzen dugunak, Bera da, gure bidera ateratzen dena.

Bera beti doa gure aurretik, beti aurre hartzen die gure nahiei.

• • • • • • •

Eskatu baino lehen, Berak, eman digu.

Hitz egin baino lehen, Berak, entzun digu.

Negar egin baino lehen, Berak, gure malkoak lehortu ditu.

Barkamena eskatu baino lehen, Berak, barkatu digu.

Erori baino lehen, Berak, altxa gaitu.

Eskerrak eman baino lehen, Berak, esan digu, ez horregatik.

Gaixotu baino lehen, Berak, sendatu gaitu.

Hark bazituen Bere egitasmoak gu amaren sabelean osatu aurretik.

“Berak nahi zituenei dei egin zien” Hainbeste dira eman dizkigun gauzak, etengabe eskerrak esaten ari beharko genukeela.

Hala bada, eskerrak emango dizkiogu Jaunari, ikasturte honen joanean, katekesian edo eguneroko bizitzan jaso dugun guztiarengatik. Asko dira eman dizkigunak, eta on da gogoratzea.

64

ESKERRAK EMAN NAHI DIZKIZUT JAUNA: • • • • •

Zure testigu izateko aukeratu gaituzulako.

Zure seme-alaba txikienen ardura eman diguzulako.

Erortzen garen guztietan altxatzen gaituzulako.

Nire aldamenean ditudan pertsona guztiengatik.

Bizitzan eman dizkidazun gauza anitzengatik.

Abestu dezagun: Eskerrik asko, Jauna…

Eskerrak, Jauna, gure muga guztien gainetik deitzen diguzulako.

• Euren seme-alabak fedean hezteko konpromisoa ahazten ez duten gurasoak badirelako.

• Lehenengo Jaunartzea egin duten neska-mutilengatik.

• Gure eskuetan dauden haur guztiengatik.

•

Abestu dezagun: “Gure Aita”

65

EZ ZAITZALA EZERK AZTORA

•

Barrua baretu, arnasa barru-barrutik hartuz.

•

Isiltasuna egin. Patxadan eseri. Begiak itxi eta nor bere baitan bildu.

•

Unetxo batean egon.

•

Eta mantso-mantso esan: “Ez zaitzala ezerk aztora ez zaitzala ezerk asalda, dena pasakor baita.

Jainkoa ez da aldatzen, pazientziak dena iristen.

Jainkoa berekin duenari, ez zaio ezer falta.

Jainkoa aski baita”.

(Santa Teresa)

•

Behin eta berriz esan.

66

GAUR ZURE ETXEAN GELDITU BEHAR DUT

Isiltasuna egin, kanpoko eta barruko isiltasuna.

• Eroso eseri, begiak itxi, arnasa barru-barrutik eta lasai hartu.

• Bihotz barrutik esan Jaunari: “Zure egarri naiz”... bi, hiru... aldiz.

• Jainkoaren Hitza irakurri patxadan. Lk 19,1-9: •

“Jesus, Jerikon sartu eta herrian barrena zihoan. Bazen han Zakeo izeneko gizon bat, zergalari burua, oso aberatsa, Jesus zein zen ikusi nahirik zebilen. Txikia zen eta Jesus ikusteko pikondo batera igo zen, handik igaro behar baitzuen. Jesusek, hara iristean gora begiratu eta esan zion: Zakeo, jaitsi berehala, gaur zure etxean gelditu behar dut eta. Jaitsi zen, bada, berehala eta pozik hartu zuen etxean.”

• • • • • • • •

Jesusek maitasunez begiratzen dit..

Naizen bezalakoa onartzen nau...

Samurtasunez maite nau...

Babesten nau...

Gustura nago berarekin...

Errepikatu ... “gaur zure etxean, gelditu behar dut”.

Isilune luzea.

Abestia “Gurekin egon...”

67

GURTU ETA IZAN USTE ON Isildu barrena, baretu eta otoitz egin testu honekin.

Ez zaitez larritu bizitzaren zailtasunagatik, bere gorabeherengatik, bere etsipenengatik, bere etorkizunaren argi-iluntasunengatik.

Nahi ezazu Jainkoak nahi duena.

Kezka eta zailtasunen artean, eskain iezaiozu, dena denik, bere asmoak onartzen dituen, zure bihotz xumearen oparia.

Ez du axola zeure burua lur-jota ikusten baduzu, Jainkoak bete-betea ikusten bazaitu, zugan atsegin badu.

Gal zaitez itsu-itsu beretzat nahi zaituen Jainko horrengan, Berarengan zeure uste osoa jarriz: zureganaino etorriko baita, zuk Bera inoiz ikusi ez arren.

Pentsa ezazu bere eskuetan zaudela, hainbat eta estuago gordea, zenbat eta eroriago eta tristeago aurkitzen zaren.

Bizi zaitez zoriontsu, arren eskatzen dizut.

Bizi zaitez bakean.

Inork ez zaitzala larriarazi.

Ez dadila izan bakea galaraziko dizunik ezer,ez zeure burukonekerik, ez zeure hutsegite moralik.

Darizula eta zeure aurpegian gorde dezazula bati irribarre gozoa, Jaunak zuri etengabe zuzentzen dizunaren isla.

Eta zeure arimaren sakonean ezar ezazu, beste ezeren aurretik, indar iturri eta egia neurri gisa.

Jainko-bakez betetzen zaituen guztia.

Gogoratu: estutzen edo larritzen zaituen oro faltsua da.

Bizitzaren berezko legean eta Jainkoak hitzemanaren izenean baieztatzen dizut: horregatik, atsekabeturik eta triste zaudenean Gurtu eta izan uste on.

ON TEILAHARD DE CHARDINA A.

68

IKASTURTE HASIERAKO OTOITZA

1. Isilune bat egingo dugu otoitzerako.

2. Abestia.

3. Otoitz egingo dugu guztiok batera: “Jauna, zuk zaintzen gaituzun maitasun berarekin lagundu nahi diegu aurtengo katekesian gure esku dauden haur guztiei, Zuk haien bihotzetan ereindako fedearen hazia ernatu, hazi eta fruitua eman dezan.

Badakigu Zu zarela indarra eta adorea ematen eta biziarazten duena, baina guk geure ahalegina eta lankidetza eskaini nahi dizkizugu. Emaiguzu, arren, ongi egiteko behar dugun argia eta grazia�.

4. Norberaren eskariak ozen egin eta taldean partekatuko ditugu.

5. Mariari eskainitako abesti batekin emango diogu amaiera. Bera izan zen lehenengo katekista, eta guk, arren, laguntzeko eskatuko diogu; bere konfiantza eta fedea emateko, ikasturtean zehar izango ditugun une zail eta neke guztiak gainditu ahal izateko.

69

IRAUN NIREGAN

•

Isiltasuna sortu dezagun gure inguruan… gure barruan… eta kontura gaitezen, Jaunagan gaudela. Ez da gutxi Bera gure artean dagoela sinestea; baina benetako misterioa oraindik handiagoa da: Jaunagan garela, bat garela Berarekin…

• Egin dezagun otoitza elkarrekin, misterio honetaz jabetzeko eta Espirituari gure bizitza irekitzeko: Zure arnasa, bidal gugana; eta lur azala berritu Jauna (2).

• Irakurri Jn 15,5.4a.7 “Ni naiz mahatsondoa eta zuek aihenak. Norbait niri itsatsia badago, ni berari bezala, horrek fruitu asko emango du; ni gabe ezin baituzue ezer egin. Niri itsatsirik bazaudete eta nire irakatsiek zuengan tinko irauten badute, eskatu nahi duzuena eta izango duzue. Zaudete niri itsatsiak, ni zuei bezala. Honetan azaltzen da nire Aitaren aintza: zuek, nire ikasle izanik, fruitu asko ematean. Aitak maite nauen bezala, halaxe maite zaituztet nik ere zuek; iraun tinko nire maitasunean.Nire aginduak betetzen badituzue, nire maitasunean iraungo duzue, nik neure Aitaren aginduak betez haren maitasunean irauten dudan bezala. Hau guztia nire poza zeuengan izan dezazuen esan dizuet, eta poz hori bete-betea izan dadin”.

Konturatu gaitezen Jesusen osotasuna, gurekin lortzen dela: “Ni naiz mahatsondoa eta zuek aihenak”. − Jesusen bizitza eta nire bizitza bat dira; horregatik dio behin eta berriz: “Iraun niregan”. − Nire eta hurkoaren bizitza, elkarrekin, Jesusengan itsatsiak daude.

• Egi sakon eta pozgarri honetaz konturatu ondoren, − zer sortzen da nire barruan? − zer esan dit Jesusek niri? − zer esan nahi diot nik Berari?

•

Isilunea eta otoitz pertsonala (nahi duenak, denok entzuteko eran hitz egin dezake Jaunarekin): Gure ondoan, Jauna, egon zaitez beti, zu zara gure bide eta gure bizi.

Zuk ezagutzen gaituzu, denok, zu zara gure artzain on, Zure ondoan elkar maitatuz gaitezela beti egon (2). Gure ondoan…

Zu gure poza ta itxaropen, zurekin goaz aurrera, egunen baten zure betiko artaldea izatera (2). Gure ondoan…

70

ITURRITIK EDAN! Barrengo eta kanpoko isiltasuna egin ondoren, mantso-mantso irakur ezazu ondoren datorrena.

Iturria... Egun batez ur bila atera nintzen etxetik. Nere egarria haseko zuen ur bizia behar nuen. Luzaro ibili nintzen. Iturri bat aurkitu nahi nuen, baina bidean nindoala ez nuen topatzen putzu zulo eta uraska zulaturen bat besterik. Nere barruan zerbaitek esaten zidan: Baietz... aurkituko nuela iturria... ur garbia oparo ematen duen iturria... agortzen ez den jarioa duen iturria... Egunak, hilabeteak, urteak eman nituen ibili eta ibili...urratu zitzaizkidan oinetakoak, minberatu hankak...nekatu nintzen zeharo; baina ez nintzen desanimatu!

Pasa nuen lekua franko, mendiak, ordekak, sakon uneak, gora eta behera, eta gero eta seguruago nengoen: “Bai aurkituko dut!

Lur-azpi-azpitik jaiotzen den iturria aurkituko dut!”. Nere itobeharreko egarriak eraginda, ibili eta ibili... bila eta bila... halako batean ohartu nintzen, neure etxe-atarira itzultzen ari nintzela... orduan bihotza taupaka hasi zitzaidan, sartu nintzen etxera, zuzenean sotora jaitsi, hartu aitzurra, egin nuen zuloa... eta harrituta esan nuen:“Hara non dagoen iturria! Iturri sakona! Jario ederreko iturria! Ez da agortzen!”

Garbitu nuen zuloaren ahoa, begiratu sakonera eta oihu egin nuen: “Aurkitu zaitut” Eta erantzun zidan: “aurkitu zaitut”. Ozenago hots egin nuen: “Hor zaude eta maite zaitut” Berak erantzun zidan: “Nik ere maite zaitut”.

Pozaren pozez zoratzen, nire indar guztiekin deiadar egin nuen “Zure bila ibili naiz, maite zaitut!!!” Berak erantzun: Aurkitu zaitut, eta nik ere maite zaitut”.

71

Une hartan neure ahotsa eta bere oihartzuna elkarrekin nahastu ziren. Blai eginda nengoen, neure gorputz guztia ura dariola zegoen, kantari hasi nintzen... iturria eta biok bat eginda geunden! Iturria aurkitzean, neure buruarekin aurkitu nintzen: batek esaten du barnebarnetik: “ni naiz” eta iturriaren hotsak erantzuten dio: “ni naiz”. Izan ere, iturria ni naiz. Iturria neure barruan dagoen Jainkoa da.

Neure baitako iturri hori, nigan dagoen indarra da, neure barruan dagoen Jainkoa da. Norbere barruan begiratzea aski da, Jainkoa hor dagoela antzemateko, Jainkoa baita agortzen ez den biziaren iturria.

Iturri hori aurkitzea norbere burua aurkitzea da!

72

JARRAITU NIRI

•

Nor bere baitan bildu, eta kanpoko eta barruko isiltasuna egiten saiatu.

•

Arnasa hartuaz esan mantso, mantso: “Jesus” bi, hiru... aldiz.

•

Ondoren irakurri Jainkoaren hitza Mt 9,9-13:

“Jesus handik atera eta bidez zihoala, Mateo zeritzan gizon bat ikusi zuen zergak biltzeko mahaian eseria, eta esan zion: “Jarraitu niri”. Mateok zutitu eta jarraitu egin zion. Geroago, Mateoren etxean zegoen Jesus mahaian; bazen beste zergalari eta bekatari asko ere Jesusekin eta honen ikasleekin. Fariseuak, hori ikustean, esan zieten ikasleei: “nola jaten du zuen maisuak zergalari eta bekatariekin?”. Jesusek: “Ez dute osasundunek behar sendagilea, gaixoek baizik... Ez naiz zintzoei dei egitera etorri, bekatariei baizik”.

•

Otoitz egin isiltasunean. Ukitu zaituen esaldian gelditu.... egon...

•

Nahi baduzu partekatu taldean zure bizikizuna.

73

JAINKO AITA NITAZ ARDURATZEN ZARENA

Jainko Aita nitaz arduratzen zarena.

Zugan jartzen dut nire uste osoa.

Nere barruak zugan du atseden.

Zer egin nezake, Zu nigan bazaude?

Zu zara nire babes, zaindu nazazu galbidetik.

Eskerrak ematen dizkizut Jauna entzuten nauzulako, maite zaitut gauza guztien gainetik.

Pozez dago nire bihotza, Zu zaitut nire euskarri, ez utzi zugandik urruntzen.

Emaidazu ausardia zure nahia egin dezadan beti.

Bedeinkatua Zu Jauna, nire Jainko, zure maitasuna betirako delako.

Bihotz garbia sortu niregan.

Zuri deika ari natzaizu, ona bat zara eta errukiorra.

Entzun, Jauna, nire oihu eskaria.

Zugan itxaroten dut, eraman nazazu zure bidetik.

74

JESUS, ERRUKI ZAKIZKIT

•

Egin isiltasuna: ¾ Gorputzekoa ¾ Bihotzekoa ¾ Burukoa

•

Dena isildu ondoren errepikatzen dut: “Jauna, erruki zakizkit” behin eta berriro.

•

Ondoren irakurri Mk 10,46-52: “Bartimeo itsua eskean zegoen bide ertzean eserita. Jesus zela jakitean, oihuka hasi zen: “Jesus erruki zakizkit”. Jesus gelditu eta esan zion: “Zer nahi duzu niregandik?”. Itsuak erantzun “Berriro ikustea, Jauna”. Jesusek esan zion: “Zoaz, zure sinesmenak sendatu zaitu”. Une berean ikusmena etorri zitzaion eta Jesusen ondoan zihoan bidean.”

•

Testuak aukera handiak dauzka bihotzeko otoitza egiteko. Isiltasunean Jaunarekin egoteko.

•

Egon isiltasunean une batean.

•

Bukatzeko abestu “Erruki hutsa dugu , Jauna, errukia ta maitasuna”.

75

JAUNA ETA NI Isildu kanpotik eta barrutik eta, hala, egiozu otoitz Jaunari.

Zure Ahotsa zen… zure Ahotsa zen, Jauna, egunero ezkutuko leku batetik deitzen zidana… zure Ahotsa hain urrun xuxurla bat bailitzan entzuten zena.

Zurea zen, Jauna, nonahi nengoelarik ere, nik bakarrik entzuten nuen Ahotsa, baina ahaleginak egin arren, ez nuen asmatzen nondik zetorren…

Ameskeria bat bilatzen nekatuta, nire baitara itzuli nintzen, eta han barruan, argiro entzun nizun lehen aldiz.

Zeinen gertu gure topagunea!

Nire bihotza zen… Zu barruan zeuden, eta ni, bila eta bila! kanpoan nengoen.

76

KONFIANTZAZKO OTOITZA

Jauna, zure eskuetan jartzen dut ene bizia.

Egizu nitaz nahi duzuna.

Dena dela ere, eskerrak ematen dizkizut.

Edozertarako prest nago.

Guztia onartzeko prest nago, zure borondatea nigan eta sorkari guztietan betetzekotan.

Ez dut ezer gehiago behar, Aita.

Zure eskuetan uzten dut naizen guztia.

Nire baitako maitasun osoa ematen dizut.

Maite zaitudalako eta Zuri emateko beharra dudalako; Zure esku jartzeko, mugarik eta neurririk gabe, konfiantza osoz, Zu nire Aita zarelako.

•

Egin otoitz hau denen artean.

•

Egin isilune bat.

•

Hausnartu otoitza, esaldirik gogokoena eta gehien iradokitzen duena errepikatuz.

77

OTOITZA [I]

JAUNA GURE JAINKOA, BEDEINKATUA ZU, ZERU-LURREN EGILE, BEDEINKATUA ZU, GUZTION SALBATZAILE, BEDEINKATUA ZU, GURE JABE ZARA TA BEDEINKATUA ZU.

“Zatoz nirekin beste ertzera. Zatoz zure baitako azken sentimenduen ertzera, zure nahien hondartza garbietara, nigan bilatzen duzun horren ur gardenetara. Zatoz nirekin. Ez zaitez gelditu ni igaro eta dei zaitzadan zain. Zatoz nirekin orain, zure beldurrak hodei ilunetan esnatu eta maitasunaren sosegua behar duzunean, zure bizitzan ezein gau ilunik eroriko ez denaren segurtasuna behar duzunean. Zatoz nirekin goiza maitasun betean estreinatzen den beste ertzera, bakardadea memoria eta konpainia diren beste ertzera. Zatoz, zatoz nirekin�. AMEN

78

OTOITZA [II]

Jauna, nire bizitza esker kantu bat izatea nahi dut. Gauza askorengatik daukat Zu eskertu beharra.

Eskerrak eman nahi dizkizut biziarengatik, niregan jarri zenituen dohaiengatik, niretzat amestu duzunagatik.

Eskerrak Zure adiskide izan naitekeelako.

Eskerrak maitasun berberaz sortu dituzun gizaki guztiengatik.

Eskerrak, nire ondoan dauden guztiengatik, nire ardurapean dauden katekesiko haurrengatik.

Baita ere eskerrak eman nahi dizkizut, bizitzeko beharrezkoak ditugun gauzengatik: eguratsa, ura, eguzkia, loreak, txoriak e.a.

Eskerrak eskertzen ez dakidan guztiengatik, hori ere zure maitasunaren ezaugarri baita.

79

PERTSONA OTOITZEGILEA...

ALAIA da maitatua sentitu eta maitasunean bizi delako.

KONTENPLATIBOA, guztian beste presentzia antzematen duelako.

ADORETSUA, ez da ezeren beldur ezer ez duelako.

ESKUZABALA, bere talentuak ez dira bereak, bestearen eskura jartzen ditu.

BORONDATEZKOA, bere eskuak beti prest ditu zerbitzatzeko eta laguntzeko.

NEURRITSUA, ez ditu gauza asko behar bizitzeko.

ERRUKIORRA, hunkigarria eta gertukoa da sufritzen dutenekin.

SOLIDARIOA, besteekin partekatzen du.

ASKEA, loturarik gabea, askea maitatzeko eta behar bada bizia emateko.

ITXAROPENTSUA, Espirituaren indarrean erabat fido da, Betetasunezko Bizitzaren bidean.

Bildu zaitez zure baitan, eta eskertu otoitzaren dohaina.

80