ESTATUTOS ASOCIACIÓN DE PROFESIONAIS DOS CIM

ESTATUTOS ASOCIACIÓN DE PROFESIONAIS DOS CIM

Capítulo I.- Denominación. Ámbito. Enderezo. Finalidade.

Artigo 1. Co nome de ASOCIM constitúese unha entidade profesional independente que abrangue aos Centros de Información ás Mulleres de Galicia, non vencellada a ningunha organización ou organismo público afín. Rexerase polo disposto na Lei Orgánica 1/2002 de 22 de marzo que regula as Asociacións e demais disposicións legais vixentes que sexan de aplicación.

Artigo 2. A asociación ASOCIM de profesionais dos Centros de Información ás Mulleres – CIM - é unha asociación sen ánimo de lucro, con plena personalidade xurídica e a capacidade de obrar precisa para a realización dos seus fins, exercer dereitos e disposición de bens, segundo á lexislación vixente que lle sexa de aplicación.

O patrimonio da asociación administrarase autonomamente e será independente do patrimonio das súas socias e socios.

O ámbito territorial desta asociación será o da Comunidade Autónoma de Galicia, lugar no que residen os CIM e as/os profesionais que neles desenvolven o seu labor.

Artigo 3. O enderezo social da asociación de profesionais dos CIM terá a súa sede na avenida de Santiago,núm 65,2ºC da Estrada. C.P 36680 (Pontevedra). Este enderezo poderase trasladar a calquera outro lugar de Galicia, se así o decide a Asemblea Xeral.

Artigo 4. A constitución da asociación é por tempo indefinido. A súa disolución, de ser o caso, decidirase pola Asemblea Xeral co voto dos dous terzos de seus membros presentes ou representados. Actuarán como liquidadores os membros da Xunta Directiva.

A asociación poderá adoptar a decisión de fusionarse ou federarse con outras asociacións que teñan intereses e obxectivos semellantes, por decisión da Asemblea Xeral convocada para este obxecto. Serán precisos dous terzos dos votos dos membros presentes ou debidamente representados.

Artigo 5. O obxecto principal da asociación é a defensa e representación dos intereses das súas asociadas e asociados, a promoción do recoñecemento social das/os profesionais dos CIM , a consolidación dos postos de traballo dentro da Administración local e a prestación dun servizo de 1

calidade velando para que a intervención dos CIMs esté sempre vencellada ao ámbito local.

Asimesmo traballará na loita contra a discriminación e na promoción activa da igualdade de dereitos e oportunidades entre mulleres e homes como garantía dos dereitos humanos e liberdades fundamentais.

Para acadar estes obxectivos, a asociación terá como finalidade: 

A loita contra a violencia de xénero, baseada no feito de ser muller que teña como resultado un dano ou sufrimento físico, sexual, psicolóxico ou económico para calquera muller, así como as ameazas, as coaccións e as privacións arbitrarias de liberdade.



Promoción da eliminación de estereotipos e roles, a coeducación, a educación sexual e a práctica do deporte feminino.



Fomento e impulso da igualdade na área do pleno emprego: a utilización dos mesmos criterios de selección, o dereito a elixir libremente unha profesión, a estabilidade, o ascenso e a formación profesional, así como reivindicar a igualdade de salarios polo mesmo traballo.



Desenvolvemento de accións de apoio

á diversidade e cara aos colectivos máis

desfavorecidos.



Fomento da conciliación da vida persoal, laboral e familiar, a corresponsabilidade entre mulleres e homes no coidado de menores e persoas dependentes.



Organización, participación e/ou colaboración na realización de xornadas, encontros, relatorios, obradoiros, cursos e calquera outra actividade cara a acadar a igualdade.



Promoción da participación das mulleres en asociacións, na súa creación e desenvolvemento.



Fortalecemento da cooperación entre organizacións de mulleres e redes de apoio e intercambio entre profesionais nacionais e internacionais especialistas en igualdade.



Representación

das

aspiracións

de

todas/os

os/as

profesionais

a

coordinación,visibilización,mobilización, negociación e representación cara a consecución dos obxectivos dos membros da asociación.



Formalización de convenios con organismos públicos e privados para a mellora dos intereses profesionais dos membros da asociación.



Asesoramento, información e participación na planificación das políticas de igualdade das Administracións Públicas ou organismos privados.



Colaboración con outros organismos e/ou asociacións cos mesmos fins ou semellantes.



Asesoramento ás asociadas/os na súa calidade de órgano consultivo.

2



Vixilancia pola observancia das normas da ética profesional entre os membros da asociación.



Promover boas prácticas profesionais.



Promover unha formación de calidade dirixida a todas/os as/os profesionais dos CIMs prestada por profesionais de recoñecido prestixio.



Realización de calquera outra actividade que estea de acordo coa finalidade do espírito da asociación.

Capítulo II. Dos membros da asociación.

Artigo 6. Poderá pertencer a esta asociación calquera persoa maior de idade que cumpra os seguintes requisitos:



Ter titulación universitaria.



Desenvolver as súas funcións como persoal adscrito a algún dos CIM que existen dentro da nosa comunidade autónoma.



Posuír o informe favorable á solicitude de acceso que ditará a xunta directiva.



Comprometese a aceptar e cumprir os estatutos.

Artigo 7. En calquera momento, e sempre cun mes de antelación, calquera socia ou socio poderá solicitar a súa baixa por escrito dirixido á xunta directiva.

O número de persoas asociadas será ilimitado. As altas e baixas serán inscritas no libro de rexistro das persoas asociadas do que será responsable a Xunta Directiva.

Artigo 8. A condición de socia ou socio levará aparellada a obriga de pagamento da cota anual que estableza a Xunta Directiva.

Artigo 9. Clases de socias e socios :



Socias e socios fundadoras/es : as/os que participen no proceso de constitución da asociación.



Socias e socios de número: as persoas que entren a formar parte da asociación despois da súa constitución.



Socias e socios de honra: serán persoas de recoñecido prestixio profesional ou persoal que colaboren desinteresadamente coa asociación na realización da súa finalidade.

3

Artigo 10. Os dereitos dos membros da asociación serán:



Poder elixir e ser elixidos para os cargos de dirección.



Participar nas asembleas con voz e con voto.



Recibir información dos acordos adoptados polos órganos da asociación.



Formularlles suxestións aos membros da Xunta Directiva cara ao mellor desenvolvemento e funcionamento da asociación.



Calquera outro que lle poida conceder a lexislación vixente.

Artigo 11. As obrigas dos membros da asociación serán:



Pagar as cotas establecidas.



Acatar e respectar os estatutos e os acordos das asembleas e da Xunta Directiva.



Desenvolver con lealdade o cargo que teña, cando así lles corresponda.



Asistir e votar na Asemblea Xeral.



Contribuír co seu comportamento ao prestixo da asociación e exercer eficazmente o traballo ao que se comprometa de xeito voluntario.

Artigo 12. Perda da condición de socia ou socio:



Renuncia voluntaria, solicitada cun mes de antelación e por escrito .



Por incumprimento das súas obrigas económicas.



Por expulsión acordada pola Xunta Directiva por incumprimento dos estatutos, ou calquera feito grave que supoña o desprestixo ou mingüe a reputación da asociación ou poida alterar, de calquera xeito, a normal convivencia das socias e socios. Contra este acordo poderá presentar recurso dentro dos dez días naturais seguintes á súa notificación.



Pola morte do socio ou socia.

Capítulo III. Órganos de Goberno. Disolución.Modificación

Artigo 13. Os órganos de representación, goberno e administración da asociación son a Asemblea Xeral, a Xunta Directiva e a Presidencia.

A Asemblea Xeral.

4

Artigo 14. A Asemblea Xeral é o órgano supremo da asociación que estará formada por todas as socias e socios en activo. Os acordos que adopte serán de obrigado cumprimento para as persoas asociadas.

Artigo 15. A xuntanza da Asemblea Xeral en sesión ordinaria será unha vez ao ano. As convocatorias poderán realizarse por calquera medio fidedigno para a achega da comunicación (fax, correo electrónico, carta certificada con aviso de recepción).

Artigo 16. Tamén se poderá convocar sesión extraordinaria da Asemblea Xeral cando así o acorde a Xunta Directiva ou cando o propoñan un terzo dos socios e socias por escrito que reflicta o lugar, hora e orde do día do encontro, que terá que asinar, como mínimo.

Artigo 17. A secretaría e máis a presidencia serán os órganos responsables da convocatoria da Asemblea Xeral, que notificarán por escrito a todas as persoas asociadas, con expresión da orde do día, lugar, data e hora da xuntanza. A convocatoria para a sesión ordinaria farase, alomenos dez días antes da súa celebración, e cinco días antes se fose extraordinaria.

Artigo 18. Quedará constituída a Asemblea Xeral, sexa ordinaria ou extraordinaria, na primeira convocatoria cando estean presentes a metade máis un de seus membros. A segunda convocatoria, poderá ser realizada media hora despois da primeira e quedará validamente constituída calquera que sexa o número de socias ou socios presentes.

Artigo 19. A Asemblea Xeral, ordinaria e extraordianria, será dirixida pola presidencia da Xunta Directiva ou pola persoa na que delegue. A secretaría corresponderalle á socia ou socio titular deste cargo, ou, no seu defecto, á vicesecretaría, que será responsable de levantar acta na que se reflictirán os acordos adoptados e será refrendada coa sinatura da persoa que ostente o cargo de secretaria/o, co visto e prace da presidencia, ou quen legalmente as substitúa. Serán inscritas no libro de actas.

A sinatura das actas da Asemblea Xeral e máis da Xunta Directiva poderá realizarse a través do correo electrónico, no que se indique tal feito.

Artigo 20. Son competencias da Asemblea Xeral ordinaria:



Fixar as cotas de aportación á asociación, ordinarias e extraordinarias.



Aprobar os orzamentos e liquidación de contas, de ser o caso.



Aprobar as súas actas.

5



Ter información da xestión da Xunta Directiva.



Elixir os membros da Xunta Directiva.



Aprobar ou rexeitar as propostas de actividades da asociación.



Adoptar as decisións que pola súa importancia sexan precisas.

Artigo 21. Son competencias da Asemblea Xeral extraordinaria:



A decisión de constituír unha federación ou integrarse dentro dunha xa existente.



A disolución da asociación.



A modificación dos estatutos.



A modificación das cotas ordinarias ou achegas extraordinarias, se fose preciso.

Artigo 22. Os acordos adoptados pola Asemblea Xeral ordinaria e extraordinaria respectarán, en calquera caso, os mínimos establecidos no artigo 12.d da LO 1/2002.

Artigo 23. Todas as socias e socios terán voz e voto na Asemblea Xeral e poderán delegar o seu voto para que o presente calquera membro da asociación. A delegación será sempre a través de escrito asinado por ambas as dúas persoas socias no que consten os datos identificativos da persoa que delega e máis da delegada, así como do lugar, data e hora de celebración da asemblea.

Xunta Directiva

Artigo 24. A dirección, administración e representación da asociación é competencia da Xunta Directiva, elixida democraticamente pola Asemblea Xeral convocada a estes efectos . Estará formada por un número impar de membros que desenvolverán os cargos da presidencia, vicepresidencia, secretaría, vicesecretaría, tesouraría e vogais coas funcións que lle otorgan os estatutos. Reunirase, alomenos, unha vez ao ano por convocatoria da presidencia ou, en ausencia ou enfermidade desta, pola vicepresidencia.

Artigo 25. A Asemblea Xeral poderá decidir en calquera momento aumentar ou diminuír o número de vogais que integran a Xunta Directiva e que se encargarán da coordinación das áreas que a asemblea decida.

6

Artigo 26. Os cargos da Xunta Directiva serán voluntarios e non retribuídos. O mandato será de catro anos, agás a primeira renovación parcial que se realizará pasados dous anos e que afectará á vicepresidencia, secretaría e metade das vogalías. Todos os cargos poderán ser reelixidos.

No caso de ausencia ou enfermidade, os membros da Xunta Directiva poderán ser substituídos por calquera outro da mesma, segundo a decisión da maioría. Cando a ausencia sexa na presidencia ou na secretaría, a substitución exerceraa a vicepresidencia e a vicesecretaría respectivamente.

Artigo 27. Os cargos da Xunta Directiva poderán presentar por escrito a esta última, a súa renuncia voluntaria . Tamén poderán ser cesados polo incumprimento das obrigas encomendadas ou dexación das súas funcións.

O procedemento para cubrir as vacantes cando non teña transcorrido aínda a metade do mandato será por nova elección. Para o suposto de faltar menos da metade do mandato estarase ao establecido para os supostos de ausencia ou enfermidade.

Artigo 28. A renovación dos cargos da Xunta Directiva levarase a cabo cada dous anos: na primeira quenda serán renovados os cargos da vicepresidencia, secretaría e metade das vogalías e, na segunda quenda a presidencia, tesouraría e resto das vogalías procurando a funcionalidade e eficacia da representación e administración da asociación no tempo que dure a renovación dos cargos.

Artigo 29. A Xunta Directiva poderá adoptar acordos cando asista, alomenos, a metade máis un dos seus membros. As decisións serán válidas cando haxa maioría simple. Calquera membro da xunta poderá delegar o seu voto noutra persoa da directiva segundo o mesmo procedemento establecido no artigo 23.

Artigo 30. Serán competencias da Xunta Directiva:



Executar os acordos da Asemblea Xeral.



Realizar e someter a acordo da Asemblea Xeral os orzamentos e estado de contas anuais.



Dirixir as actividades da asociación con decisión dos actos a realizar.



Xestión económica e administrativa da asociación.



Redacción do regulamento de réxime interno da Asemblea Xeral, de ser o caso.

Artigo 31. Serán competencias da Presidencia, como autoridade máxima :



Representar legalmente á asociación en calquera organismo público ou privado.

7



Convocar, presidir, rematar e dirixir ás deliberacións celebradas pola Asemblea Xeral e máis pola Xunta Directiva.



Solicitar e cobrar subvencións, doazóns ou herdanzas e legados públicos ou privados.



Sinatura de contratos, convenios e calquera outro documento preciso para o desenvolvemento das actividades da asociación.



Execución dos acordos da Xunta Directiva.



Ordenar pagamentos.



Autorización de actas, documentos e correspondencia coa súa sinatura.



Realizar calquera actuación urxente cara ao mellor desenvolvemento das actividades e finalidade da asociación, da que dará conta á Xunta Directiva e máis á Asemblea Xeral.

Artigo 32. Serán competencias da Vicepresidencia:



Asesorar á presidencia sempre que se lle requira a tal efecto.



Substituír por ausencia ou enfermidade á presidencia, representando á asociación e presidindo a Asemblea Xeral e máis á Xunta Directiva .



Calquera outra función que lle recoñezan estes estatutos.

Artigo 33. Serán funcións da Secretaría:



Levar libro de socias e socios tramitando as altas e baixas.



Levar o libro de actas.



Dar fe dos acordos e expedición de certificados.



Comunicación da constitución ou renovación da xunta directiva, celebración de asembleas, aprobación de orzamentos e estado de contas da asociación.



Dar conta á tesouraría das altas e baixas e de canto sexa preciso.



Substitución da tesoureira/o no suposto de ausencia ou enfermidade.



Dirección dos traballos administrativos.

Artigo 34. Serán competencias da Vicesecretaría:



Realización das funcións da secretaría que a Xunta Directiva decida .



Substitución da secretaría durante o proceso de renovación do cargo ata novo nomeamento.



Substitución á secretaría nos casos de ausencia ou enfermidade nas funcións establecidas no artigo 33.



Asesoramento á secretaría, cando así se lle requira.

8

Artigo 35. Serán competencias da Tesouraría:



Recadación e responsabilidade dos fondos da asociación.



Dar conta das ordes de pagamento expedidas pola presidencia ou pola Xunta Directiva.



Levar o libro de contas no que anotará os pagos e cobros da asociación.



Presentación do estado de contas á Xunta Directiva para a súa aprobación.

Artigo 36. Os pagos ou disposicións en efectivo realizadas pola asociación estarán asinadas, alomenos, por dous dos seguintes cargos: presidencia, vicepresidencia, secretaría, vicesecretaría e a tesouraría.

Patrimonio. Recursos económicos. Orzamentos

Artigo 37. ASOCIM carece de patrimonio fundacional.

Artigo 38. Os recursos económicos previstos para o desenvolvemento da asociación son:



Cotas das socias e socios.



Subvencións de organismos e entidades.



Achegas extraordinarias aprobadas pola Asemblea Xeral.



Legados ou herdanzas.



Calquera outro recurso que sexa lícito.

Artigo 39. Todos os recursos

invertiranse na consecución da finalidade e obxectivos da

asociación, agás o ánimo de lucro.

Artigo 40. A asociación poderá contratar persoal, previa aprobación da Asemblea Xeral.

Artigo 41. Os orzamentos da asociación reflectirán a previsión anual de ingresos e gastos, segundo o establecido nestes estatutos.

9

Para o suposto de facer fronte a asuntos de custos elevados autorizarase a realización dun orzamento extraordinario cuxa confección será competencia da Xunta Directiva e que terá que ser aprobado pola Asemblea Xeral.

Artigo 42. A asociación terá unha relación actualizada das socias e socios que a forman e un inventario actualizado de seus bens, de ser o caso.

As xuntanzas celebradas polos órganos de representación e de goberno reflictiranse nun libro de actas.

A contabilidade será a expresión da situación financeira da asociación, das actividades realizadas e mais o patrimonio, de existir.

O peche do exercicio coincidirá co derradeiro día do ano.

Da disolución da asociación

Artigo 43. Causas de disolución da asociación:



Pola vontade de seus membros, acordado pola Asemblea Xeral Extraordinaria, convocada con esta finalidade e que terá que votar a favor dous terzos de socias e socios.

Artigo 44. No caso de disolución actuará como comisión liquidadora das débedas, se as houbese, a Xunta Directiva. Liquidadas as cargas, se sobrase efectivo destinarase á ONG sen ánimo de lucro que decida a comisión liquidadora.

DISPOSICIÓN ADICIONAL PRIMEIRA. Todo o que non estea previsto nestes estatutos será de aplicación a Lei Orgánica 1/2002,de 22 de marzo reguladora do dereito de asociación e disposicións complementarias.

DISPOSICIÓN ADICIONAL SEGUNDA. Constituída a asociación e aprobados os estatutos por acta fundacional, procederase a elixir a Xunta Directiva, independentemente do número de socias e socios fundadores.

10

DISPOSICIÓN FINAL. O órgano competente para a interpretar dos estatutos será a Xunta Directiva.

11