PRO-magasinet

Informasjon frå PRO

Foto: Asbjørn Lote

Nr. 2 · Årgang 9 · 2015

PRO opplæringskontoret

DETTE ER Avery Dennison NTP · Bilfinger Industrial Services Høyanger · Bilfinger Industrial Services Svelgen · Bilfinger Industrial Service Årdal · Bjarne Espe Trevarefabrikk Ekornes avd. Grodås · Elkem Bremanger · Ewos · Felleskjøpet Agri · Fiskevegen · Fjordpipe · FMC Technologies · Førde Mekaniske Industri · Gas Tech Gasta Design & kommunikasjon · Hagen · Halliburton · Hardangerfrakt · Havyard Ship Technology · Hellenes · IOS Tubular Management · Klausen Industri Svelgen KMI Kleive Mekaniske & Industriservice · Luster Mekaniske Industri · Nesseplast · Nomek · Nortura avd. Sogndal · Nyrstar · Pelagia Florø · Pelagia Kalvåg Pro opplæringskontoret · Rørlegger R. Nigardsøy · Safeclean · Saint Jean Wheels · Solheim Diesel · Solund Verft · Stadpipe · Staro Tech · Stjernekjøp Snorre Cubus · Stryvo Stryvo Bismo · Sunnfjord Industri · Swire Oilfield Services · T. Frivik Taubanedrift · Teekay Petrojarl Production · Tess Florø · Tine avd. Byrkjelo · Trappeprodusenten · Vik Ørsta Wergeland Holdning · West Industri & Skipsservice · West Industri Service · Westmek · Yndestad Mekaniske · Østerbø Maskin

Jorunn Eide Kirketeig – dagleg leiar PRO opplæringskontoret

Vis at de har lærling UTGJEVAR: Opplæringskontoret for prosess og mekanisk industri.

FORMÅL: Denne informasjonen er tilrettelagt for medlemsbedriftene og andre som direkte eller indirekte er involvert i PRO sitt arbeid. PRO ynskjer å være best på utdanning av fagarbeidarar i «våre» fag spesielt og fagopplæring generelt. PRO skal rekruttere lærlingar til medlemsbedriftene i tråd med bedriftene sine behov for fagarbeidarar, i samsvar med bedriftene sine strategiar. PRO skal være eit fleksibelt opplæringskontor i kontinuerleg utvikling for å tilpasse seg bedriftene sine behov.

ADRESSE: Concordbygget Firdavegen 6, Postboks 492, 6803 Førde Telefon: (+47) 57 83 22 60 Telefax: (+47) 57 83 22 45 www.pro.sf.no Dagleg leiar / director Jorunn Eide Kirketeig jorunn.kirketeig@pro.sf.no Mob. (+47) 911 44 966 REDAKSJON: Jorunn Eide Kirketeig Ansvarleg redaktør jorunn.kirketeig@pro.sf.no Mob. (+47) 911 44 966 Kristine Bruheim Redaksjonssekretær kristine.bruheim@pro.sf.no Mob. (+47) 468 15 889 Anita Øygard Tekst og foto anita@atilaa.no Mob. (+47) 901 20 598 GRAFISK PRODUKSJON: A til Å Grafisk Design og Media www.atilaa.no

Lærlingmerket er eit kvalitetsbevis på at bedrifta er godkjent lærebedrift og har aktiv lærekontrakt! Alle bedrifter kan ha lærling. Det er eit strategisk ansvar og val å bidra til at vi har fagarbeidarar i framtida.

Bedrifter som tek samfunnsansvar og har lærling må vere stolte av det og vise fram både lærlingen og Lærlingmerket. Med det nye Læremerket kan alle sjå at dette er ei bedrift som tek samfunnsansvar og er med og utdannar fagfolk og nyttar fagfolk i si bedrift.

Lærlingmerka bedrifter er med på å gje fagutdanning større status i bedriftene. Den ferske merkeordninga er eit viktig bidrag til å gjere bedrifter og lærlingar stolte over fagutdanninga og faget sitt.

For oss som forbrukarar er det viktig å sjå etter Lærlingmerket når vi skal handle varer eller tenester - det er eit bevis på god kvalitet og trygg handel. Den nye merkeordninga vil gjere det lettare for forbrukarar å velje bedrifter med lærlingar.

Lærlingmerking av lærebedrifter er med på å auke statusen til fagutdanninga Folk er opptatt av å ete trygg og berekraftig mat. At Nortura og Tine med fleire har fagarbeidarar og lærlingar i produksjonen er tryggleik for oss som forbrukarar, og viser at maten er produsert av fagfolk.

Jorunn Eide Kirketeig

Merkeordninga er enkel å administrere, men samtidig kan ikkje kven som helst som har hatt lærlingar i staben smykke seg med Lærlingmerket. Merket gjeld berre når bedrifta har aktiv lærling i arbeid.

Lærlingmerket må få stor status. Vi må våge å sette krav til at bedrifter som får delta i anbodskonkurransar kan vise til at dei har Lærlingmerket i heile anbodsperioden. Statusen ved å ha lærlingar vil auke og vil vere viktig for å sikre fleire ungdommar læreplass.

Vi har fått Lærlingmerket og eit godkjenningsbrev frå Utdanningsdirektoratet i posten, fordi vi har eigen lærling i kontor- og administrasjonsfaget. Det er vi stolte av.

KURS: • Vg3 kurs i industrimekanikar, industrimontør, produksjonsteknikk, industrirøyrleggjar og platearbeidarfaget • Instruktørkurs i Førde • Instruktørkurs på cruise Oslo-Kiel

oppstart 15.oktober.2015 10-11.november 2015 ved stor nok interesse vinteren/våren 2016

AKTIVITETAR: • Skihelg i Hemsedal for Pro-lærlingar • Lærlingsamling «kick-off» • Euroskills i Gøteborg INFORMASJON FRÅ PRO

2

11-13.mars 2016 våren 2016 30. november-4. desember 2016 www.pro.sf.no

LærlingprofIlen

ANNE LINN STØLEN - Når folk spør kva eg har gjort i dag veit eg ikkje heilt kva eg skal svare. Ikkje fordi eg ikkje gjer noko, men fordi det er så masse forskjellig at eg ikkje veit kvar eg skal starte, smiler Anne Linn Stølen. Ho er lærling i kontor og administrasjonsfaget hos PRO opplæringskontoret. 17 åringen frå Førde er første års lærling, og fortel at ho i utgangspunktet hadde sett føre seg læretida på butikk eller i ei sikkerheitsbedrift. Då PRO opplæringskontoret var på skulebesøk og fortalde om sin eigen læreplass fann eg ut at eg ville søke, og det har eg ikkje angra på.

Gangsperr av kontorarbeid Anne Linn gjekk 1. året på Sal og service på Hafstad VGS før ho gjekk Sal, service og tryggleik på Mo og Øyrane vgs. - Eg tenkte at kontorarbeid berre var å styre med dokument og papir i tillegg til telefonen. Der tok eg jammen feil, ler den ferske lærlingen. - No går eg med joggesko, smiler ho og viser fram dei rosakledde joggeskoføtene sine. - Det er veldig rart, men eg fekk faktisk gangsperr første veka eg jobba her. Det er mykje trakking på kontoret og opp og ned trappa, fortel ungjenta som er godt vandt med å bevege seg.

Turntrenar På fritida er Anne Linn turntrenar 3 dagar for veka. Rett og slett fordi ho likar å vere aktiv og fordi det er gøy. - Eg var vel helst litt for gammal då eg starta med turn, slik at eg aldri klarer å bli ein av dei be-

ste. - For meg er det viktigaste at det er gøy, og det er veldig kjekt å vere instruktør, seier den mjuke jenta som ikkje har problem med verken å ta spagaten eller stå på hendene inn i mellom PC og kontormøblar.

Utfordrande oppgåver - Det er truleg ein fordel å vere sprek i jobben, for den er også ganske travel og utfordrande seier ho.

- Plutseleg får eg tildelt nye oppgåver som eg ikkje kan så mykje om. Eg får vere med på utruleg mykje spennande, med alt frå å hente posten til å sortere dokument, arrangere næringsreisedag og vere med på bedriftsbesøk til lærebedriftene. Den einaste bakgrunnen eg har frå slikt arbeid er då vi laga ungdomsbedrift på vidaregåande.

Då lærte eg mykje av å ha ansvaret for rekneskap og økonomi.

- FØRSTE VEKA EG JOBBA HER FEKK EG GANGSPERR. Då er det ein fordel å vere sprek turnar - og å bruke joggesko på jobb, smiler lærlingen og turnaren på PRO opplæringskontoret.

Kontorfaget Anne Linn fortel at oppgåvene som lærling i kontorfaget hos PRO opplæringskontoret består av forskjellig kontorarbeid, som å skrive brev og lage mapper for lærlingane i industrifaga, registrere på data, legge ut stoff på facebook og nettsida, svare på telefonen og vere med på ulike møter. - Det er ein del nye ting å lære, og det er gøy. I kontorfag må du like å arbeide på PC, og du må kunne snakke med folk på telefonen. Det er veldig viktig å vere serviceinnstilt og høfleg i tillegg til å vere ryddig, meiner Anne Linn. Ho er godt fornøgd med å vere lærling og meiner det er mange bedrifter rundt omkring som kunne tatt inn ein lærlingar i kontorfaget.

Lærer mykje nytt Det er med litt skrekkblanda fryd Anne Linn stadig kastar seg ut

- Å VERE LÆRLING PÅ PRO OPPLÆRINGSKONTORET ER MYKJE MEIR enn å sitte ved PC-en og ta seg av dokumentasjon, seier Anne Linn Stølen.

INFORMASJON FRÅ PRO

3

på djupt vatn. - Det er godt å ha Kristine her, seier ho og viser til Kristine Bruheim som er sekretær og ein god læremeiser og støttespelar. - Det er eit utruleg godt miljø her, skryter lærlingen. - Her er alltid mykje å gjere og alle som jobbar her gir meg god plass og rask respons på spørsmåla mine.

- Eg stiller kanskje litt for mange spørsmål, smiler ho - men det er slik eg lærer.

Vegen vidare På spørsmål om vegen vidare er kontorlærlingen litt usikker. - Eg har ikkje lyst til å gå meir på skule, men eg kan kanskje tenke meg eit ekstra fagbrev i salsfaget. Det er ei stund framover smiler den spreke lærlingen, som har det travelt med å prøve og å lære nye ting i kvar dag.

www.pro.sf.no

Teknoleiren er komen for å bli I sommar fekk ungdomskuleelevar i fylket sjansen til å bli betre kjent med teknologifaget. Gjennom ei vekes teknoleir i Stryn og Førde satsa PRO opplæringskontoret på å rekruttere ungdommar i fylket til ei framtidsretta fagutdanning. Til saman 16 ungdommar deltok i Førde og Stryn.

«Leirsjefane» Espen Kirketeig og Bengt Edvardsen kan fortelje om stor begeistring på begge leirane.

Ungdommane fekk oppleve ein god miks av leik og læring gjennom å lage sin eigen elbil, samtidig som dei fekk innblikk i teknologiutdanninga. Teknoleiren blir nok eit fast sommartiltak, slår dei to instruktørane fast .

PETER MYKLEBUST, som brukte ei veke av sommarferien sin på teknoleir i Stryn, fortel at han INFORMASJON FRÅ PRO

lenge har vore interessert i teknologi. - Eg driv litt med 3D modellering på hobbybasis, og det var kjempekjekt å få prøve seg på 3D-printing. 15 åringen frå Måløy har planar om å utdanne seg innan teknologi, og fortel at han blei endå meir overbevisst om at dette er det rette etter teknoleiren.

ga, der vi planla og utvikla eigne delar, som vi så fekk skrive ut med 3D-printar. Peter meiner at andre ungdommar som lurer på om dette er vegen å gå bør prøve seg på ein slik leir. Sjølv har han planar om YSK utdanning, der han i løpet av 4 år får fagbrev, studiekompetanse og løn under utdanninga.

- Vi fekk veldig kjekke oppgåver og dei hadde gode instrument med seg, seier ein begeistra unggut. Det kjekkaste var 3D visualiserin-

ADELHEID KRISTIANSEN BREIDVIK fortel at det var litt tilfeldig at ho blei med på teknoleiren i Førde.

- Eg hadde ikkje noko å gjere på, 4

og så såg det veldig gøy ut at vi skulle får lage vår eigen vesle elbil.

Eg likar å prøve nye ting, og dette var heilt nytt for meg. Adelheid fortel at ho lenge har hatt lyst til å prøve 3D-printing. - Det var skikkeleg kult. Vi teikna tannhjul, motorfeste og batterifeste med eit 3D program og så 3D-printa vi delane etterpå.

Ein annan ting som var heilt nytt for Adelheid var sveising. - Det har eg aldri prøvd før, og det var www.pro.sf.no

Alle foto: Asbjørn Lote

ARBEIDSTEIKNING motorfeste til el-bilen.

SVEISING er ei ny erfaring for dei fleste 15 åringar.

ADELHEID KRISTIANSEN BREIDVIK viser fram motorfestet som ho først teikna, og så laga med 3D-printaren.

veldig kjekt. Dei to instruktørane var veldig flinke til å lære frå seg.

I staden for å fortelje kva vi skulle gjere, så viste dei eksempel på korleis ting kunne gjerast. Når vi fekk oppgåvene måtte vi sjølve

ke fag. Eg har funne ut at ein kan starte med TIP og så ta laboratoriefag andre året. Adelheid presiserer at det er ei stund til ho skal velje, så ho er ikkje sikker. Ein ting er ho sikker på; - Elevar som ikkje

prøve å finne dei beste løysingane ut i frå kva dei hadde vist oss.

Denne leiren har fått meg til å tenke litt annleis når det gjeld utdanning. No har eg faktisk litt lyst til å utdanne meg i teknis-

er spesielt interessert i tekniske fag - og kanskje spesielt jenter burde vere med på ein slik leir. Då oppdagar dei at det er mykje vi ikkje veit om desse faga, og at det er veldig kjekt.

KURS FOR NYE LÆRLINGAR Kvar haust startar nye lærlingar i medlemsbedrifter i Pro læretida si med kurs i varme arbeid, kran, truck og lift. I år var intet unntak. Kvar enkelt lærling får tilbod om dei kursa som er relevante for lærefaget og bedrifta. Frå veke 36-38 var 50 lærlingar innom Førde gjestehus og camping for å gjennomføre kurs i varmt arbeid, kran, truck og lift. Etter oppkøyring får lærlingane truck- og kransertifikat.

INFORMASJON FRÅ PRO

5

www.pro.sf.no

Bjarne Espe Trevarefabrikk Det heile begynte i 1948, med gyngestolar, trebollar og fat i ein liten verkstad i Hjelmelandsdalen på Nordfjordeid.

Sortimentet og produkta utvikla seg og Bjarne Espe vart raskt kjend for kvalitet. Nordfjordkjøkkenet er ei kjent og solid merkevare, med ei solid historie. I dag er det 2. og 3. generasjon som driv bedrifta med 15 tilsette.

Nordfjordkjøkkenet skreddarsyr kjøkken frå grunnen av på eigen fabrikk. Sjølv med fleire datastyrte maskiner føregår mange av operasjonane på gamle maskiner etter gamle handverkstradisjonar. - Det vi driv med er industrielt handverk og ikkje to kjøkken er like, fortel Geir Lasse Espe, som er kundekontakt og økonomiansvarleg i familiebedrifta.

- Vi prøver å leve opp til Slagordet vårt «Frå draum til Nordfjordkjøkken», ved at vi skreddarsyr kjøkkena i tett samarbeid med kunden.

Sel direkte til kunde Geir Lasse Espe fortel at dei har opplevd ein eventyrleg auke i etterspørsel dei siste åra. - Det ser ut som trenden med å handle kvalitetsvarer og kortreiste produkt også gjeld for kjøkken, fortel Espe fornøgd. - Vi har kjøkkenutstillinga vår her på fabrikken, og folk kjem frå heile regionen for å sjå og kjøpe. Då får dei samtidig ei omvisning i fabrikken, og mange får ei aha-oppleving når dei ser at alt blir laga lokalt og frå grunnen av. - Våre kjøkken er laga for å vare i 25 år, og vi konkurrerar godt i pris med andre norske leverandørar.

Laga av menneske 45 ulike operasjonar på om lag 25 INFORMASJON FRÅ PRO

ulike maskiner må til før eit kjøkken med t.d. heiltre fyllingsdører er klar for levering. Med så mange ulike prosessar er vi heilt avhengige av fagfolk av møbelsnekkarar og trearbeidarar. Nordfjordkjøkkenet er laga av menneske, ikkje av automatiserte maskiner, og akkurat dette er eit viktig fortrinn for oss. Det gjev betre kontroll på kvar detalj, styrker kvaliteten, og er ein tryggleik både for oss og kunden.

Stort ansvar med lærling Når etterspørselen aukar, aukar også behovet for arbeidskraft. Det er grunnen til at Espe trevare tok inn sin første lærling i 2014. - Vi har ein travel kvardag og etter eit år med lærling fann vi det mest fornuftig å søke støtte hos PRO opplæringskontoret. Det er eit stort ansvar å ta inn lærling, så vi er glade for at vi får hjelp frå nokon som kan det.

MARTIN KVILE er 2. års lærling hos Bjarne Espe Trevarefabrikk, og har hatt hand i mange kjøkken som har gått ut av fabrikken på Nordfjordeid.

- Akkurat no jobbar eg med fresing og listing, men arbeidet er veldig variert. Eg skal innom alle prosessane gjennom læretida, og eg har lært veldig mykje nytt.

Martin fortel at han pendlar mellom Breim og Eid med bil og ferje, og brukar rundt ein time til jobb. - Eg likar godt å køyre bil så det går fint, smiler han. På fritida jobbar han litt heime på garden, eller er ute med vener. - Eg er ikkje sikker på om eg vil gå meir på skule, men no er først og fremst målet å få fagbrev i eit yrke han likar veldig godt. Det er mykje å gjere her hos Bjarne Espe Trevarefabrikk, og han håpar på å fortsetje der når fagbrevet er i boks.

Arbeidsam lærling Martin Kvile (19 år) frå Breim som er 2. års lærling hos kjøkkenprodusenten i Hjelmelandsdalen har bakgrunn frå TIP og industriell møbelproduksjon på Eid VGS. - Eg var utplassert her andre året på vidaregåande, og dermed gjekk det greitt å få seg lærlingplass, fortel Martin.

6

BJARNE ESPE TREVAREFABRIKK • Starta med liten verkstad i 1948 • Lokalisert i Hjelmelandsdalen på Nordfjordeid • Familiebedrift • Skreddarsyr kjøkken frå grunnen • Sel direkte til kundar

www.pro.sf.no

SPEKEPØLSENE TIL GILDE blir produsert og pakka i Sogndal.

Nortura Sogndal Om du et skiva spekepølse eller anna oppskoren spekemat frå Gilde – anten du er i Oslo eller Hammerfest - så kjem den frå Nortura sitt anlegg i Sogndal. Fabrikksjef Anders Knut Molland fortel at dei har spesialisert seg på foredling av kjøt som dei får inn frå heile landet. - I tillegg til spekepølser lagar vi store mengder pinnekjøt til norske julemiddagar.

AUTOMASJONSLÆRLING CHRISTIAN STEINSET leitar etter feil i maskina som limer etikettane på pakkane med spekemat.

- Vi får kjøtsorteringane frose inn til anlegget, og så blir det skore ned og foredla med god kunnskap, salt, røyk og tørking i kontrollerte former, fortel Molland. Anlegget har og ei stor pakkeavdeling, med heile 7 pakkelinjer. I tillegg til eigenprodusert spekemat skivar vi opp og pakkar spekeskinke frå Tynset og eldhusrøykt pølse frå Evanger. - Vi pakkar heile 21 variantar av pølse og 5 variantar av spekeskinke i tillegg til eigenprodusert pinnekjøt.

Norges beste pinnekjøt I 2013 vart pinnekjøtet frå Sogndal kåra til Norges beste, i hard konkurranse med små og store produsentar i landet. Molland fortel at det er avgjerande for kvaliteten at dei får pinnekjøtet

get har vi folk med 45 års erfaring i god miks med nyutdanna teknikarar, fortel teknisk sjef Rune Døsen. Lærling Christian Steinset (20) er siste skot på stammen på avdelinga.

ferskt inn til anlegget frå slakteriet i Førde. - På den måten får vi kjøtet i salt dagen etter det er slakta. I år kjem vi til å sette ny rekord med 600 – 650 tonn pinnekjøt. Pinnekjøtproduksjonen startar så vidt i juli, men frå september er det høgsesong og vi aukar staben frå 86 personar til godt over 100.

Automasjonslærling frå Årdal Christian, som har gått 3 år på fylkeslinja for elektro og automasjon på Årdal VGS, er glad for at han fekk ta utdanninga i heimbygda. Om eit godt halvår er han ferdig med læretida på 1½ år. – Då eg kom her kunne eg ikkje mykje, smiler han. – Eg har starta på scratch og har lært utruleg mykje. Hovudområdet mitt er pakkeavdelinga, og her er det viktig at alt fungerer. Det er mange maskiner å bli kjent med og arbeidet krev ein god porsjon tålmodigheit og ro - og det har Christian, skryt sjefen hans Rune Døsen. Christian fortel at han kan tenke seg å gå vidare på teknisk fagskule og bli ingeniør på sikt.

- Då er du velkommen tilbake, repliserer fabrikksjefen.

Avansert teknikk Fabrikken i Sogndal har etter ei ombygging i 2013 fått ein straumlinjeforma produksjon, og har mykje avansert teknisk utstyr. Mellom anna ein robot som skannar skinkene, skiver dei og kontrollveg, slik at kundane får nøyaktig det dei skal ha. Då er det ekstra viktig med personell med god teknisk innsikt. Her på anleg-

PRO sikrar oppfølging Vi har alltid hatt lærlingar på teknisk avdeling, fortel Døsen – og grunngjev det med at det er beste måten å rekruttere nye fagfolk. Samtidig ser Nortura på det som eit overordna samfunnsansvar å utdanne ungdom. Tidlegare har vi tatt oss av lærlingane åleine, men vi har stor tru på at

TEKNISK SJEF RUNE DØSEN OG LÆRLING CHRISTIAN STEINSET med årets første pinnekjøt, som er salta, tørka og pakka i Sogndal.

INFORMASJON FRÅ PRO

7

PRO opplæringskontoret vil sikre lærlingane ei betre oppfølging.

Det er ein god del krav til teoretisk oppfølging, som vi tidlegare har gjennomført litt etter skippertaksmetoden. For oss er den daglege drifta viktig og då kan oppfølginga bli litt tilfeldig. Med PRO i ryggen er vi sikra ei jamn oppfølging, i tillegg til at lærlingane får vere med i eit sosialt fellesskap og kurs i lag med andre lærlingar.

NORTURA SOGNDAL • Nortura er eit bondeeigd konsern, merkevarene er Gilde og Prior.

• Sogndal er spekematspesialisten til Gilde.

• Straumlinjeforma produksjon (LEAN) • Alt på ei flate 10.000 m2 • Produksjon 2014: - 375 millionar i omsetning - 86 lokale tilsette – over 100 i høgsesongen - 1400 tonn spekepølse - 350 tonn pinnekjøtt - 350 tonn spekemat u/bein

www.pro.sf.no

Frå venstre skiftleiar ved Ekornes Grodås Dagfinn Gjerde, fagansvarleg for industrisnekkerlærlingane Eva Karin Huneide og fagansvarleg for lærlingane i produksjonsteknikk Siri Anette Honningsvåg saman med lærlingane Martin Sørensen Jore, Benjamin Hoddevik og Asilkhan Zakhail.

Ekornes Grodås

Høyrer du ordet Ekornes, så tenkjer du automatisk Stressless, sofa og Sunnmøre.

Men Ekornes er meir enn det du berre ser. I austre enden av Hornindalsvatnet, på Grodås, finn du hjørnesteinsbedrifta som produserar alt du ikkje ser i Stresslessen og sofaen.

- Vi produserar bortimot alle trekomponentane som er skjulte inne i Ekornes sine fastsofaer og Stressless sofaer, fortel skiftleiar Dagfinn Gjerde. - I tillegg produserar vi og armlena av tre til Stressless og ein del pyntelister og bord. Ingen møblar blir sett saman på Grodås, men komponentane blir sendt vidare til fabrikkane i Sykkylven, Hareid og Morganton i USA. J.E. Ekornes på Grodås har 89 tilsette og til saman 4 lærlingar.

Straumlinjeforma produksjon Etter ei omvisning i produksjonslokala forstår ein at det er ei bedrift der ein gjer mange ting for hand parallelt med at det er ei

INFORMASJON FRÅ PRO

Rekruttering Huneide og Gjerde fortel at dei alltid har hatt lærlingar i bedrifta, men at det er nytt for dei å vere med i eit opplæringskontor.

Vi trur at PRO opplæringskontoret vil sikre at lærlingane får god oppfølging, på både det faglige og sosiale planet. For oss er lærlingar avgjerande for rekrutteringa. Vi har totalt fire lærlingar i bedrifta, og for oss er det viktig å lære opp framtidige medarbeidarar. Lærlingane skal lære alle prosessane i produksjonen, og her går læringa begge vegar seier Eva Karin Huneide. Arbeidet blir meir og meir datastyrt, og lærlingane tilfører oss mykje på den fronten.

høgteknogibedrift. Produksjonen er straumlinjeforma, og inn i mellom dei manuelle arbeidsoppgåvene står det celler med robotar som forenklar produksjonen, og gjer fabrikken kostnadseffektiv.

- Vi er leverandør til dei andre møbelfabrikkane i konsernet, og leverer komponentar vidare til kostpris, fortel Eva Karin Huneide, som er møbelsnekker og fagansvarleg for industrisnekkerlærlingane.

- Vi skal produsere og levere raskt når møbelfabrikkane treng det. Vi har innført eit såkalla kanban system - der vi alltid har eit vist tal av komponentane - men ikkje lagervarer. På fabrikken jobbar dei to skift, for å dekke behovet.

8

EKORNES GRODÅS AS • Hjørnesteinsbedrift med nærare 90 tilsette, som jobbar to skift.

• Produserar trekomponentar til konsernet sine fabrikker.

• Bedrifta er høgt spesialisert på innvendige og synlege trekomponentar til sofaer, og delar til Stressless.

• Fabrikken har moderne maskinpark, som også omfattar overflatebehandling av synleg treverk.

• Fabrikken er ordrestyrt etter KANBAN, som er ein måte å avgrense oppstarta arbeid etter behov.

www.pro.sf.no

Næringsreise

Benjamin Hoddevik

15. og 16.september 2015

Benjamin er 18 år og kjem frå Stadlandet. Han er første års lærling i produksjonsteknikk, og har gått på TIP og industriteknologi på Flora VGS - Eg har ikkje vore her så lenge endå, men synes det er ein triveleg arbeidsplass, der eg

får prøvd mykje forskjellig. Målet til fabrikken er at ein ikkje skal gjere det same to dagar etter kvarandre. – For meg er det viktig å sette seg inn i alt som har med maskinene å gjere, seier lærlingen som har mykje nytt å lære dei neste 2 åra.

Martin Sørensen Jore

Martin er 20 år og pendlar frå heimstaden Stryn. Han er inne i sitt andre år som lærling i faget industrisnekker, og har bakgrunn frå tømrar- og møbelindustrilinja på Eid VGS. Martin fortel at han alltid har hatt lyst til å jobbe med tre, og difor er Ekornes midt i blinken for han. No vekslar han mellom å jobbe i produksjonen med store datastyrte CNC mas-

Næringsreise er eit lærerikt arrangement i regi av Sogn og Fjordane fylkeskommune ved «Karriere Sogn og Fjordane». I år var reisa eit samarbeid med Opplæringskontoret for transport og logistikk og Pro Opplæringskontoret for teknikk og industriell produksjon. Deltakarar var rådgjevarar, lærarar, NAV-tilsette og arbeidslivskontaktar.

Næringsreisa starta i Førde, på Concordbygget, der begge opplæringskontora held til.

Der var det informasjon ved bedriftene Firda Billag i Førde og Tenden Transport i Stryn.

Transportfaglærar ved Mo og Øyrane vgs, Reidar Svalheim, og leiar ved PRO-opplæringskontoret, Jorunn Eide Kirketeig, deltok også med orienteringar.

kiner og eigne prosjekt. - Eg skal gjennom 5 prosjekt før fagprøva, og er nettopp ferdig med eit salongbord der eg har gjort alt frå skisse til datateikning og ferdig montert møbel. Det er god læring i desse prosjekta, og Martin fortel at han må lage materialliste, logge prosjektet og til slutt skrive eigenvurdering.

Praktisk arbeid Deretter vart deltakarane delte inn i tre grupper for praktiske øvingar. Her fekk deltakarane prøve seg i fagområde som kan vere aktuel-

Asilkhan Zakhail

Asilkhan er 20 år gammal og første års lærling på Ekornes Grodås som industrisnekker. - Eg kjem opphavleg frå Afghanistan, men har budd i Norge i 5 år, og bur no på Eid. Første året på VGS gjekk eg TIP og andre året på industriell møbelproduksjon. Det er eit INFORMASJON FRÅ PRO

le for elevane dei har kontakt med. Alle fekk prøve å setje saman ein elektrisk båt samt bryne seg på ein quiz med læreplanmål frå VG1 TIP. I tillegg fekk dei prøve trailersimulator og vere med på brannslokking.

Dagen enda med testing av båtane og premieutdeling.

Bedriftsbesøk På dag 2 var det duka for bedriftsbesøk hjå tre svært ulike bedrifter; Trappeprodusenten i Askvoll, Havyard Ship Technology i Leirvik og Nistad transport på Sande.

godt miljø her på Ekornes, og eg er glad for å ha fått lærlingplass her.

Asilkhan er ein aktiv ungdom som i tillegg til å jobbe som industrisnekker driv med både fotball og sykling. - Og så jobbar eg på Coop Mega på Eid, om laurdagane.

9

www.pro.sf.no

CUBUS Stjernekjøp i Florø

På Amfi i Florø finn du ein av dei største motebutikkane i byen. Cubus Florø har satsa stort dei siste åra og utvida til heile 800 m2 . Bjørn som er tredje generasjon i familien Slettevold som driv klesforretning, er opptatt av at det å jobbe i butikk er eit viktig yrke. Difor har dei for første gong tatt inn lærlingar denne hausten.

BJØRN SLETTEVOLD SOM EIG CUBUS I FLORØ, meiner det er viktig at lærlingame Amalie Solvang og Malin Skeie får innsikt i heile spekteret med å jobbe i butikk. – Eg hadde aldri tatt inn lærlingar utan PRO opplæringskontoret i ryggen, seier Slettevold.

- Det å jobbe i butikk er eit veldig viktig yrke, presiserer butikksjefen. - Dei er ansiktet utad, som vi alle må forholde oss til. Samtidig omfattar arbeidet mykje meir enn det å stå i kassa. Personen du møter i butikken er viktig for deg som skal handle, og det er

valt å knytte seg til PRO opplæringskontoret, er svaret klart. – Med dei på laget er eg sikker på at ting blir gjort skikkeleg og at lærlingane får den oppfølginga dei skal ha. Utan PRO opplæringskontoret i ryggen hadde eg aldri tatt inn lærlingar, slår Bjørn Slet-

viktig å rekruttere gode medarbeidarar. Bakgrunnen min for å ta inn lærlingar er først og fremst at ungdommane skal få innsikt og forståing for heilheita i yrket.

PRO avgjerande På spørsmål om kvifor Cubus har

tevold fast. - Det starta i grunnen med at Amalie og Malin som var utplasserte her - medan dei gjekk på vidaregåande - kom og spurte om å få lærlingplass, og samtidig tipsa meg om å ta kontakt med PRO opplæringskontoret.

Malin Skeie

MALIN SKEIE (22) har ansvaret for barneavdelinga på Cubus og er gang med sitt andre fagbrev.

Malin er 22 år og frå Florø. Ho har VG1 og VG2 i Florø på sal, service og sikkerheit. - Eg var utplassert her på Cubus i 1. klasse, men på VG2 var eg utplassert på basen samtidig som eg jobba her på butikken.

Frå 2011 til 2013 var Malin lærling i kontorfaget på PRO opplæringskontoret i Førde. - Etter fagbrevet i kontor og administrasjon kom eg tilbake og fekk fast jobb her på butikken, smiler Malin fornøgd. - Eg har ansvaret for barneavdelinga på Cubus, og må sørje for at den alltid er ryddig og påfyllt med varer.

– Det viktigaste er at rett vare er på rett plass til rett tid, og at vi

held budsjettmåla. – Då eg fekk høyre at Amalie skulle begynne som lærling, spurte eg om det var mulig for meg og – slik at eg kan få fagbrev i salsfaget. Malin tenker at ho kanskje skal starte noko for seg sjølv ein gong, eller få ei meir ansvarsfull stilling. Med to fagbrev opnar det seg fleire moglegheiter.

– Men det er travelt og ikkje tid til så mykje anna, fortel den optimistiske lærlingen. Malin skal vere lærling i eit halvt år og skal gjennom den same teorien og oppgåvene som Amalie skal igjennom på sine to år som lærling.

Amalie Solvang Amalie er 18 år og frå Eikefjord. Ho har VG1 Sal og service på Flora VGS og VG2 på Sal, service og sikkerheit i Sogndal. - Eg har alltid vore interessert i kle og mote og var utplassert her på Cubus medan eg gjekk VG2, fortel Amalie. -Det er veldig variert og kjekt arbeid, så

eg er veldig glad for at eg har fått lærlingplass her. Arbeidsdagen min er aldri kjedeleg. Eg er med på alt frå å pakke opp varer, plassere dei i butikken, hjelpe kundar, lage kampanjar og prise varer.

AMALIE SOLVANG (18) trivast godt med kle og mote, og fekk Cubus i Florø til å ta inn lærlingar for første gong.

INFORMASJON FRÅ PRO

10

CUBUS STJERNEKJØP • Starta av Ingulf Sr. Slettevold som klesbutikken Stjernekjøp i 1968.

• Del av kleskjeden Ø frå 1975.

• Gjekk inn i Cubus-kjeden i 1979.

• Flytta til Amfi-senter i 1994.

• Stor utbygging i 2014, og kåra til Norges finaste Cubus-butikk.

www.pro.sf.no

Westmek i Borgundvågen

JONAS BEITVEIT (18) FRÅ SELJE er første lærlingen til Westmek, og fortel at han har ein variert arbeidsdag i lag med kjekke kollegar.

Yttarst mot havet - yttarst mot vest i Borgundvågen på Stad - finn ein den mekaniske verksemda Westmek.

Dei lagar produkt og tek på seg vedlikehaldsoppdrag for fiskeflåten. Ove Swensen, som er formann for sveis fortel at dei er spesielt spissa mot lineflåten, og har ansvar for vedlikehaldet på fartøya i Ervik-gruppa. - Men vi tek og på oss oppdrag for både landbasert industri og alt innan fiskeri og havbruk.

- Vi produserar utstyr for å handsame fisken om bord i den havgåande flåten, fortel Swensen og nemner produkt som fisketankar, transportørar, gangbaner og forskjellig lineutstyr som linerull og linepresse. - Vi ligg gunstig til for fiskeflåten og har gode kaier rett ved verkstaden. Swensen fortel at Westmek har mange kundar innan vedlikehald med sveising av både aluminium, rustfritt og svart stål.

Høg kompetanse - Westmek har ein stab med høg kompetanse, og tilbyr prosjektering og oppfølging av prosjekt frå planlegging og engineering til ferdig montert og testa utstyr. Når eit fartøy skal klassast gjer vi det i tett samarbeid med Det Norske Veritas, Bureu Veritas og Sjøfartsdirektoratet. Det er viktig for oss å rekruttere unge INFORMASJON FRÅ PRO

PRO opplæringskontoret - og så var vi i gang.

og kompetente nye arbeidsfolk.

I den sammanheng har vi for første gong tatt inn ein lærling i industrimekanikerfaget. Jonas Beitveit er ein arbeidsvillig og kjekk kar, og vi er godt fornøgd med å ha PRO opplæringskontoret med på laget. Det gjer oss trygge på at han får den oppfølginga han har krav på.

Aktiv lærling - Eg jobbar veldig mykje med fiskebåtar og fiskefabrikkane om bord i båtane, fortel Jonas. - Det er mykje spesialarbeid, spesielt med mottaka av fisk til båtane.

I hovudsak er det sveising og boring, og eg lærer stadig nye ting, smiler ein fornøgd lærling. - Sjølv om eg for det meste er stasjonert her på verkstaden, så blir det inn i mellom litt jobb på verfta i Måløy og Raudeberg. Jonas fortel at han jobbar i lag med ein triveleg gjeng, med mykje god humor.

Det er viktig for trivselen. Utanom arbeidstid brukar den spreke attenåringen mykje tid på fotball. Han er aktiv i Selje IL, og har nett lagt bak seg ein god sesong, der dei enda på 2. plass i si avdeling.

Variert arbeid Jonas Beitveit (18) frå Selje har gått på TIP og industriteknologi på Måløy VGS, og starta som lærling i år. - Eg valde dette fordi eg såg på det som eit spennande fag, og så likar eg å arbeide med hendene. Her får eg vere i aktivitet og jobbe veldig variert. Jonas fortel at han var utplassert på Westmek medan han gjekk på VG2, og likte seg så godt at han spurde om å få bli lærling. Dei var positive og vi tok kontakt med 11

WESTMEK • Verkstadhall med kontor, lager og produksjonshall i Borgundvågen.

• Oppdrag innan sveis, maskinarbeid og skipselektronikk.

• Produserer utstyr for behandling av fisk om bord i fiskefartøy.

• Leverer tenester til landbaserte industri og havbruk.

• Vedlikehaldsavtalar med havgåande lineflåte.

www.pro.sf.no

Pro Opplæringskontoret har nyleg tatt inn sin fjerde lærling i kontor og administrasjonsfaget, og har fått tildelt merket for godkjent lærebedrift.

Det gjer oss stolte!

Postboks 492 - 6803 Førde - Telefon: 57 83 22 60 - www.pro.sf.no