Osasun-programa berria

Jarduera Fisikoko Zentroak 60 urtetik gorako pertsonak artatzeko programa integral berri bat jarriko du abian urrian, haien bizi-kalitatea hobetzeko, ezagutzak eta gaitasunak helaraziko dizkieten jardueren eta tailerren bidez. "Osasun Premium" berri honekin arreta pertsonalizatua eskainiko da, norbere bilakaera gauzatu ahal izateko jardueraintentsitate desberdinekin, eta aukeratzen dituen ikastaroak egiteko ordutegi erosoan, bai igerilekuan, bai gimnasioan.

Horrela, zentroak jarduera eta bizitza aktiboko eskaintza zabaltzen du erabiltzaile horientzat, eta begirale-taldeak egindako balorazio fisikoen jarraipen banakakoa egingo die, haien nahiak eta beharrak kontuan izanda.

Laguntza horren barruan sartzen da norbere baldintzetara ongien egokitzen diren eta ariketan esperientzia hobea izateko aukera ematen dieten jardueretarako orientazioa. Azken helburua jende horren zahartze aktiboa eta motibatua sustatzea da, eta bizitza osasungarrira atxiki daitezen bultzatzea.

Informazio gehiago: Jarduera Fisikoko Zentroa