Mag 't toch wel hopen

TEKSTEN: DANIËL LOHUES

MAG ‘ T TOCH WEL HOPEn

— MAG ’T TOCH WEL HOPEN Warme zunne as de eerste echte mooie dag Iederien lacht en zingt Helder water stroomt deur gruune heuvels naor ’n meer waor mens en dier van drinkt En ik hoop ’t wel Ik mag ’t toch wel hopen dat we mekaar later daor wel weer zien En ik hoop ’t wel ’t Moet al hiel raar lopen dat ’t ’n kwestie is van jao misschien Bestiet die wereld waorvan is verteld?

Ik denk ’t wel Daor zit Henk samen met va onder ’n boom John Lennon löp veurbij En mien mamme döt krulspelden van gold derin bij opoe en opa maakt ’n grap En ’t mag nog eben duurn Ik ben hier nog niet klaor Mar ik reken derop Ja ik reken derop dat de grote dag zal kommen dat ’t klaor is hier beneden En dat we ’t dan allemaole weten dat we mekaar later daor wel weer zien Moi

— DANSEN IN DE MODDER Bouwland natte en leeg Der komp nog veul meer regen Iederiene wul binnen blieben Mar ikke nie Ik wul, ik wul der uut Jas an en dan naor buuten Gruune rubber leerzen an Stok in de hand En dan spring ik tot ik der hielmaol onder zit En dan zing ik Wie van jullie döt der met?

Dansen in de modder Bouwland tot in de oorn Gitzwart ja eerlijk waor Iederiene wul netties weden Mar ikke nie Ik wul, ik wul op ’t land Met de ganzen in de modderdans Doen wat ik moet doen Stok in de hand En dan denk ik Kan mij ’t verschelen wat ze doen Wat mij betreft mag iederiene metdoen Kaold zat tot op ’t bot Mooi west, leerzen kapot Sneegie in de hakken Morgen lekker weer

— VAN ’N RIVIER Ärgens in de verte Dagen reizen vanaf hier Ärgens in de bochte van ’n rivier Daor ben ik in ’t echt west Mar ook vaake in ’n droom vlieg ik as ’n vogel daorhen gewoon Daor is alles rustig en compleet Daor is gien verdriet enzo Der is niks daorzoten wat ik mis Ik denk alleen mar kon ik hier mar blieben veur altied Heb der uurn zeten ooit Klaor met alles zunder toekomst ok Mar de stroming spuulde ’t zwarte weg En ik kun verder met mien leben en ik wus waorum Ärgens in de verte Dagen reizen vanaf hier Ärgens in de bochte Van ’n rivier Kan ik altied hengaon in het echt of in de kop Sinds ik dat weet is der niks wat mij stopt Want ’t leben hebben we kregen ja Ku’j met doen wat a’j wullen Maakt niet uut ja hoe ’t heurt en zo Heb ärgens leert hoe ik de tied ’t beste in kan vullen Ärgens in de verte Dagen reizen vanaf hier Ärgens in de bochte Van ’n rivier Daor ben ik hier

— DUUSTERNIS As ik flauwe grappen maak tot vervelends toe Dan ku’j der wel vanuut gaon Da’k dan niks anders doe as diep verdriet verbärgen met onzin en gelach Omdat ’t leben zinloos lek en zwarter as de nacht Duusternis Duusternis Ömdat de keerse mij uitgaon is Duusternis Duusternis Water in de lont As ik uren bezig ben met pannen en met vuur Met zuute, zoer en zolt Dan ben ik hiel secuur Leegte an ’t vulle En dan suddern zacht Ömdat alles veul te rauw is En zwarter as de nacht As ik nog iene lösmaak En pruuf en roek en spuul Uuteindelijk dan sloek ik Waorveur ’t is beduuld Dan zie ik waor ’t wegkomp Waor ik geern kommen mag Eben is niet alles meer Zwarter as de nacht

— GAO’J MET? De wagen stiet al veur Ik heb net uutchecked al Daor lig nog ’n t-shirt Ik ben niet ien die wat verget Mien koffer bij de deur Die van joe dicht naost ’t bère De zunne komp op De snelweg wacht, gao’j met?

Gao’j met?

Gao’j met?

Gao’j met?

Verderop is nog veul meer Verderop is ’t beter weer Verderop is alles anders Gao’j met?

Achter de heuvels daor Daor gruijt ’t koorn hoog Behalve de weg zie’j daor niks as geel en blauw A’j deur die vlakte benn be’j zo bij dat mooie plaatsie ‘n Meer veur ’t motel Echt te gek, gao’j met?

Ben der al vaker west dus daorum weet ik ook zo best Hoe fijn het daor is is misschien waorum ik ’t joe wul laoten zien

— NIKS MOOIERS AS DAT Niet veul mooier as zwemmen op joen 11e in ’n zandgat met het allermooiste weer Ma zit an de kaante met ’n thermosflesse ranja Pa pompt ons de boot op veur de 4e keer Niks mooiers as dat Niks mooiers as dat Ik wol dat ik dat toen weten had Der is niet veul mooier as dat Ja, op joen 22e in ’n auto onderweg met joen allerbeste, beste kameraoden Zomerdag, ramen lös, peuken op de lippen Bruce is op de radio, alles klaor Ja, op joen 33e weer ’s vrijgezel Allennig met ’n glimlach veur ’t vuur Eten en drinken wat joezölf ’t meeste anstiet Poster van joen jeugdheld an de muur Niet veul mooier as op joen 48e ‘n liedtie te zingen zoas dizzen

— IE MAGGEN HIER ALTIED HENKOMMEN Ie maggen hier altied henkommen Okal ben ’k der niet Ie weten waor de sleutel is En waor de koffie stiet Ie hebben joen eigen kamertie ‘t Bère stiet al klaor Kroep hier mar fijn eben weg as ’t weer te gek wordt daor Ie weten hoe de kachel wärkt en gao mar fijn in bad De wien lig in de kelder Kiek mar, pak mar wat Laot mar weten da’j der benn Dan ben ’k ok zo in huus Steek mar vast wat keersen an Vuul joe mar thuus Soms dan zit ’t joe niet met Daor kun jij niks an doen Soms löp ’t joe derover Da’j niet weten wat a’j moeten Laot alles dan mar vallen En vertrek zunder geluud Kom hier dan mar hen Dan be’j der mooi eben tussenuut Blief gewoon zolange as ’t moet Zolange as ’t kan Doe mar mooi wa’j wullen Gao ik ok mien eigen gang En a’j weer weggaon is ’t ok goed A’k ’t mar eben weet Ach dat weet jij ook wel ja Alles is okay

— WAT DOEN WE NOU Keersen uut Alles stille Nooit dacht dat we hier zo kwamen te staon ‘t Leben nemp soms malle bochten Nooit dacht dat ’t zo zul gaon Wat moeten we nou Wat moeten we nou Ik weet eben niet hoe het nou moet zo gauw Wat doen we nou Wat doen we nou Ik kom nou op dit moment echt niet veul verder as Wat moeten we nou Der is gien keus Dit gebeurt ons Alles anders zo opiens veurgoed Smaak van de zunne, geluud van de maone Licht en donker, water en bloed

— OVER JOE Op ’n dinsdagmiddag as ik grös an ’t meijen ben Of in ’n stad in ’t buutenland waor ik gieniene ken Zo opiens ben ie der weer Al be’j der niet in ’t echt As ik ’s middags wakker word met naodörst en met spiet Of as ik juust hiel helder kiek naor hoe de zunne opgiet Zo opiens ben ie der ok Ie benn ja nooit echt weg Over joe, over joe Overal giet alles over joe Over joe, over joe Waor ik ok ben en wat ik ok doe Overal giet alles over joe Met Paosen of met Kerstmis of gewoon 16 april Of ärgens langs de snelweg onderweg naor weet ik veul Elke keer ben ie der weer Al be’j opzich ver weg Nooit kom jij weer terug bij mij dat weet ik al te best As dat kun dan was ie ja allange teruggewest Nooit ’n keer kom ie nog weer En toch be’j der altied

— ZIJ HEF NIKS Zij hef niks, niks gien kwaod in de zinne Zij hef niks, niks gien kwaod in de zinne Je hebben der welken bij, dan zie’j direkt: ‘wat ja ’n minne’ Mar zij hef niks gien kwaod in de zinne Deur de schraole woestenij leup ik half opbrand mar vrij Was gieniene neudig Veul was overbeudig Ik kwam bij ’n rivier en daor stun zij Nooit was ien zo goed veur mij Elke aobend schreien gung veurbij Zij smeet mien stiekelkroon in ’t vuur gewoon ‘Dat stiet joe niet’, zee zij der lachend bij As de wind venienig weijt En de haane drie maol kreijt En mien hart lig weer ’n keer an duuzend stukken ongeveer Dan ben ’k der intrapt weer in iene zoas zij

— VAN DE LIEFDE Maoneschien Rozengeur Cupido hef ’t mar drok Mar veur mij huuft ’t niet meer En dat spiet mij ok Want ik haol van de liefde Ben gek op de liefde mar liefde haolt niet van mij Dansen en zweben, nemen en geben Mar dan is ’t ok mar zo weer veurbij En dan ben ’k weer rustig en vrij An de brugge ‘n hangslottie Kiek dat heb ik nooit daon Misschien ha’k dat wel moeten doen en was alles anders gaon ‘t Is wel goed ‘t Is niet erg Der is meer as liefde

Š Ger Bomans, Different Design Deventer, 2021