Bda18april2015

Page 1

Hoben deteni pa maltrato di cabesante di scol E caso cu a hala hopi atencion e siman aki, ora cu un grupo di hoben cu cara tapa, a ataca cabesante di Colegio Santa Filomena, tabatin otro desaroyo ayera. Autoridadnan a detene e prome hoben, sospecha di ta envolvi den e caso aki. Tur cos a cuminsa despues cu e cabesante di scol, esta Sr. Lopez a entrega keho cu un studiante di

Filomena College Mavo a horta su laptop, na autoridad. Despues cu autoridadnan hala e hoben su atencion, e hoben lo a forma un gang, cu a dicidi di bay agredi Sr. Lopez, na momento cu e tabata cerando scol. E caso aki ta bou di investigacion, y no por descarta cu lo tin mas detencion na caminda.

Diasabra 18 di APRIL 2015 www.bondia.com Email: noticia@bondia.com Tel: 582-7800 Fax: 582-7044 1,50 Florin

Segun Minister de Meza:

Por cuminsa desmantela Valero den 2 luna Vitrina Turistico durante CATA

Entre awo y 2 luna, lo por cuminsa cu e desmantelacion di refineria Valero. Esaki segun declaracion di minister di Energia Mike de Meza. El a declara na Bon Dia Aruba, cu sinembarg ainda ta keda

un chens hopi chikito cu lo por haya un cumprado serio pa e refineria, p’esey gobierno lo tene e porta habri, te na ultimo momento. Lesa mas riba A4

Ayera Aruba a bende su mes durante e vitrina turistico, organisa durante CATA 2015. Segun Sra. Miriam Dabian, directora di ATA Latino America, esaki ta e punto climax di CATA. Awe ta e clausura di, durante e conferencia tabatin 83 operado turistico cu ta bende Aruba. Nan a bishita diferente luga tipico di Aruba, asina nan a haya un “touch di Aruba.” Lesa mas riba pagina A2

Diadomingo awo manifestacion di Venezolanonan

Restaurant Wing Hung a wordo cera

Venezolanonan na Aruba lo manifesta diadomingo awo, na Plaza Siman Bolivar, pa demostra nan mal contento cu e situacion na nan pais. E manifestacion aki lo tuma luga di 5or pa 6or di atardi. Otro meta di e encuentro aki ta, pa mustra solidaridad cu e presonan politico na nan pais. Tur hende ta cordialmente invita pa participa.

Despues cu keho a drenta relaciona cu cuminda malo na Wing Hung Bar & Restaurant na Ponton Departamento di Salubridad a realisa un bishita na e restaurant y a constata cu di berdad e luga su estado paden ta laga di desea pa loke ta higiena y ademas nan a constata cu e persona trahando den cushina no tin carchi berde di salubridad motibonan suficiente cu a haci cu Salubridad a laga cera e luga pa un siman, tempo cu mester wordo uza pa e doñonan por haci un limpiesa completo y busca nan carchi berde pa traha den cushina.


Turn static files into dynamic content formats.

Create a flipbook
Issuu converts static files into: digital portfolios, online yearbooks, online catalogs, digital photo albums and more. Sign up and create your flipbook.