Dialuna 30 di Maart 2015 www.bondia.com Email: noticia@bondia.com Tel: 582-7800 Fax: 582-7044 1,50 Florin
Fiesta Rotaria: sold out!
Bishitando ayera e feria anual di Rotary Club, esta Fiesta Rotaria, por a ripara cu ni merdia a bati y hopi luga ya tabata bashi. Pe ultimo camanan, stoel, lampi y otro cos cu hotel y otro compania a duna den forma generoso, hende tabata ‘bringa’ pa cumpra. E ultimo cahanan di cuminda tabata cambia di man pa prijs baca flaco. Y e ‘Wheel of Fortune’ famoso a keda drey henter dia cu yen di ganado contento, manera e señora riba e potret aki. Den ‘via di hunga’, muchanan por jump riba un gran cantidad di Dino Jump y trampolin. Hasta e hobennan di Aruba Boot Camp a gosa di nan. E organisacion kier yega na un suma di 275 mil florin pero ayera anochi no tabata conoci ainda si a yega e suma aki.
Ausente di trabou halto
Accion di Preventief Fouilleren
Diasabra oranan laat di atardi polisnan a cuminsa prepara y planea un strategia pa haci un control na diferente partinan di nos isla, manera a wordo anuncia caba den cuminsamento di e siman aki cu lo bay tin accionnan di “Preventief Fouilleren.” Diferente gruponan di Polis, Cuerpo Special Arubano, Warda Nos Costa y tambe personal di I.A.S.A. a participa na e accion aki. Nan a cuminsa den e area di Oranjestad, den Hendrikstraat, polis a para e trafico y a tene control riba algun
persona cu tabata presente e momento ey, tambe na Solito nan a controla un persona canando cu un rugtas, pero e tabata tin tur cos na ordo y nan no a haya nada particular. Na Seroe Patrishi na altura di Flores Supermarket durante e control preventivo nan a bin topa un homber cu den su tas e tabata tin un arma di candela caliber 38, e arma a keda confisca y e homber keda deteni y hiba Warda di Oranjestad. Tambe homber y muhe cu tabata na e momento ey riba caya, a wordo
poni contra muraya y a wordo rista. No ta solamente na Oranjestad pero controlnan a wordo hiba tambe pariba di brug, unda tabata tin un team di polis special haciendo controlnan. Esaki muy probablemente lo tin di haber cu e tantisimo casonan di tiramento y problemanan cu tin den cierto area nan di Aruba. No ta conoci si otro weekend e accionnan aki lo continua, pero sigur lo por spera mas control, polis ta haciendo su maximo esfuerso pa trata na combati criminalidad.
Evaluando rutanan di Conchi
Absentismo laboral ta mas halto den trahado publico cu sector priva. Aki ta referi na e cantidad di trahado cu ta bay AO como e cantidad di dia esunnan cu no ta presenta. SVb ta uza dos indicado importante pa tin un control. Lesa pagina A2
Diasabra a sosode un teribel accident unda cu un turista a perde su bida algun minuut despues cu e jeep a bolter na Conchi. Director di Arikok a reacciona riba e accident aki, di cual e ta bisa cu nan ta evaluando e rutanan di Conchi ya cu no ta facil pa por yega eynan. Loke cu e director a compronde ta cu no tabata tin alcohol envolvi sino cu e turista a stuur robes pero ainda mester warda riba e resultadonan. Mirando e accident cu a pasa den fin di siman Arikok ta pensando si lo keda cu dos ruta. Lesa pagina A4