P1M ALANG RELOCATION SITE SA BRGY TAGBONGABONG APROBADO NA Aprobado na sa Sangguniang Panlalawigan ang pagbalhin sa kantidad nga P1,000,000.00 gikan sa lokal nga panggamhanan sa Agusan del Norte ngadto sa lungsod sa Remedios T. Romualdez kun RTR alang sa pagpalit og yuta nga himoon og relocation site nga maghatag og permanenting yutang kapuy-an sa mga residenteng kabos sa Barangay Tagbongabong. Ang tuyo nga mahatagag luna ang mga pamilyang hangtod karon nagapuyo lang gihapon sa mga lugar sa lungsod nga dilikado tungod sa kawad-on nga Caraga INFOCUS
mupalit ug kaugalingong yutang kapuy-an. G i h a t a g a n sa Sangguniang Panlalawigan og otoridad si Gobernador Dale B. Corvera sa pagpirma sa Memorandum of Agreement (MOA) tali sa LGU sa RTR alang sa pagbalhin sa maong pundo. Gilatid sa maong MOA kinsa lamang kadtong pwede moavail ug ang mga gikinahanglang rekesitos. Sa pag-usisa sa SP pinaagi sa Committee on Finance and Appropriation, diin tsirman si Bise Gobernador Ramon A G. Bungabong ang local government sa lungsod sa RTR,
gihatagan prioridad sa tinuig nga programa sa pagpamuhunan ang pag-angkon sa yuta nga gituyo alang sa pagtukod sa usa ka relocation site nga naa sa barangay Tagbongabong nga adunay gilapdon nga kapin o kulang sa upat ka ektarya. Ang maong lakang gi-aprobahan pinaagi sa Sanggunian Resolution No. 574-2020 sa pagpanguna ni Bise Gob. Bungabong inubanan nila Bokal Elizabeth Marie R. Calo ug si Bokal Virgilio R. EscasiĂąas, Jr., isip mga co-authors. (By Jessica O. Mellejor/LGU Agusan del Norte/PIA Agusan del Norte) January 16-22, 2021 |
31
