LGU CBR MOHATAG PRIBILEHIYO SA MGA DIFFERENTLY-ABLED PERSONS NGA OPERATORS SA MOTORIZED TRYCYCLE

Aprobado na ug gideklarang balido sa Sangguniang Panlalawigan sa Agusan del Norte sa ikaduhang pagbasa atol sa sesyon regular kaniadtong Enero 05, 2021, ang City Ordinance No. 2020-038 nga gikan sa Sanguniang Panglungsod sa Cabadbaran ning probinsya, nga nagtugot nga walay bayad ang tanan DiffererentlyAbled Persons (DAP) nga mga operator sa motor traysikol sa rehistro ug uban pang mga singil alang sa katuyoan nga makuha ang mga permits/prangkisa sa pagpadagan sa mga traysikol nga mga pampoblikong sakyanan. Naaprobahan kini base sa Chapter 6, Section 26 of RA 7277, kong giila nga “Magna Carta of Disabled Persons” nga nagkanayon nga hatagan og katakus ang tawo nga adunay kapansanan ug gitugotan nga magmaneho sa mga sakyanan nga motor traysikol nga nahiuyon sa mga balaod ug regulasyon nga giisyu sa Land Transportation Office (LTO) nga may kalabotan sa kinaiyahan sa ilang kakulangan. Ang maong lakang giaprobahan pinaagi sa Sanggunian Resolution No. 003-2021, nga gipangunahan ni Board Member Francisco Y. Chan, Jr., tsirman sa Committee on Ways and Means inubanan nila ni Board Member Rodulfo A. Pitogo ug si Board Member Erwin L. Dano isip mga co-authors. (LGU Agusan del Norte/PIA Agusan del Norte)

By Ramil L. Pasco