BUHIS SA SAND AND GRAVEL DAKU ANG NAHIMONG AMBAG SA PAGTAAS SA KITA SA PROBINSYA

Corvera

Daku ang nahimong ambag sa koleksyon gikan sa buhis sa sand and gravel sa kinatibukang kita sa probinsya sa Agusan del Norte sa tuig 2020 ug nahimong yaweh niini ang ordinansa nga gipasa sa Sangguniang Panglungsod sa tuig 2019 nga nagmandu niini, sumala pa kang Gob. Dale B. Corvera. Sulod sa katuigan nag-charge lang ang probinsya og extraction fee sa mga sand and gravel quarry permittees ug sumala sa gitugot sa Local Government Code nag-imposar ang probinsya pinaagi sa Provincial Ordinance No.

By Shena Mae Pabia Revenue 524-2019, 2019 Revenue Code, sugod sa tuig 2020 og buluhisan sa buhangin ug graba nga kuhaon sa mga kasubaan sa probinysa, pasabot ni Gob. Corvera atol sa Executive Committee meeting sa mga hepe sa opisina sa kapitolyo karong bag-o lamang. Gikan sa kinatibukan koleksyon sa sand and gravel nga Php26,236,009.00 sa tuig 2018 ug Php 41,003,408.00 sa 2019, moakabat sa Php 95,262,333.45 na kini sa tuig 2020. Ang laing Nakatabang mao ang “Build! Build! Build!” program sa gobyerno sa milabay’ng mga tuig” tungod kay midaghan ang demand sa sand and gravel tungod niini, sumala pa ni Adela Antiga, sa Envrionment and Natural Resources Division (ENRD) sa probinsya. Dugang ni Antiga nga nakatabang usab pagbutang sa probinsya og mga personahe sa probinsya sa mga checkpoint nga mosusi sa matag truck nga nagkarga og graba sa probinysa. Butyag ni Antiga nga pinaagi niini masusi kung naay Delivery Receipt [DR] ang mga hauling truck nga gakarga ug buhangin. Kadtong wala niini kolektahan og mga fees, registrations, permits, fines and penalties. Ang pagpataas sa local collection sa probinsya kabahin sa kampanya sa pagpalambo ni Gob. Corvera ubos sa AGUSAN UP! aron mapaangat ang estado sa probinsya gikan sa 3rd Class ngadto sa 1st Class province ug makapadangat ug dugang pang mga serbisyo pag-abot sa 2027.

Kinahanglang naay local collection ang usa ka probinsya nga mga Php500 million matag tuig aron ma-classify nga 1st class province. Naa pa lang sa dul-an sa Php150 million ang lokal nga kita sa probinsya matag tuig. (LGU Agusan del Norte/ PIA Agusan del Norte)