Pagbansay pag-atiman sa mga turista panahon sa kalamidad, gihimo
24
Gipahigayon sa Provincial Training Center ang pagbansay kalabot sa unsay himoon pagatiman sa mga turista panahon sa kalamidad o Incident Command System alang sa mga personahe sa provincial tourism office ug sa municipal tourism officers sa probinsya sa Agusan del Norte.
Ang maong kalihukan agi og inisyatibo nga gibuhat sa Provincial Tourism Division kaabag ang Department of Tourism-Caraga (DOTCaraga) ug ang Provincial Disaster Risk Reduction Office (PDRRMO) sa Agusan del Norte sa pagpadangat sa maong pagbansay.
Tumong sa maong pagbansay nga mahatagan og kaalam ang mga tourism executives kalabot sa disaster preparedness aron mas mahimo silang preparado panahon sa trahedya ug kalamidad.
Sigon pa ni Nelia Arina, regional director sa DOT-Caraga, nakita nila nga usa ang probinsya sa Agusan del Norte sa rehiyon sa Caraga nga disaster prone area. Kini hinungdan nga nanginahanglan
usab sila og tabang sa mga tourism officers sa pagpa-ambit ngadto sa mga stakeholders ang ilang matun-an sa maong pagbansay unya. Sa maong pagbansay, gihisgotan ang kinatibukang impormasyon mahitungod sa ICS, mga proseso mga angayan tamdan ug ang una nilang buhaton pagpahiluna sa mga turista nga anaa sa tourism sites sa tagsa tagsa ka lungsod. (LGUAgusan del Norte/PIAAgusan del Norte)
Caraga Infocus • March 5-11, 2022
