2017-2018
ESKOLA PROGRAMA DIDAKTIKOA
Ekoetxea Urdaibai Eusko Jaurlaritzaren Ingurumen, Lurralde Plangintza eta Etxebizitza Sailak kudeatzen du sail honi atxikita dagoen Ihobe Ingurumen Jarduketarako Sozietate Publikoaren bitartez. Ekoetxea Urdaibain egiten diren ekintza guztiak Eusko Jaurlaritzak Ingurumena hobetu eta babesteko asmoz sortu dituen plan eta estrategiekin bat datoz. Ekoetxea Urdaibaik, 2017-2018 ikasturtetik aurrera Urdaibaiko Biosfera Erreserbari buruzko erakusketa iraunkor berri bat eskainiko du. Horrez gain, biodibertsitatearen inguruko erakusketa orokor bat du, eta horren helburu nagusia Biodibertsitatea zer den azaltzea eta bere balioarekiko sentikortzea da, argazkien, ikus-entzunezkoen, eta muntaketa interaktiboen bitartez. Dorretxeko behatokitik bista zoragarriaz goza daiteke, eta teleskopioak erabiliz, hainbat lekuren xehetasunak aurki ditzakegu: Laidako hondartza, padura, estuarioa inguratzen duten mendi eta basoak, Atxarreko San Pedroko baseliza, etab. Horrez gain, zentroak ingurumen hezkuntza tailerrak garatzeko zonaldea, kanpoaldean kokatzen den jolas-gunea (jolas parkea eta biodibertsitatearen labirintoa), taldeentzako jantoki estalia, auditorioa eta tabernakafetegi zerbitzuak ditu.
INGURU NATURALA: ITSASO ETA LUR ARTEKO GUNE MAGIKOA Urdaibaik aniztasun handia dauka paisaiari eta ekologiari dagokienez, hainbat ekosistema oso ezberdin biltzen baititu: amildegiak, hondartzak, basoak, padurak, ibaiibarrak, etab. Urdaibai gure lurraldeko inguru berezia da eta nazioarteko hainbat babes figura ditu; honako hauek dira aipagarrienak: UNESCOK 1984an Biosfera Erreserba izendatu zuen. 1992an, Mundaka-Gernikako itsasadarra RAMSAR Hitzarmeneko Nazioarteko Hezegune Garrantzitsuen zerrendan sartu zen. Urdaibaiko zenbait eremu NATURA 2000 Sarearen parte dira, Europar Batasuneko babesturiko naturgune sarea.
ESKOLA PROGRAMA DIDAKTIKOA Ingurumen Hezkuntza eta Sentsibilizaziorako Eskola Programa, 2020ko Ingurumen Esparru Programan oinarriturik dago eta Ekoetxea Urdaibaiko ingurumen- hezkuntza programa nagusietako bat dugu. Eskola programa hau behatzeko, aztertzeko, gozatzeko eta hobetzeko hainbat ikas-jardueratan oinarrituta dago. 2017-2018 Eskola Programa Didaktikoa, 2017ko irailaren 18tik ekainaren 22ra bitartean garatuko da, eta honako helburu hauek bilduko ditu: Biodibertsitateari buruz sentikortzea eta ezagutzak hartzea, biodibertsitate orokorrekoak zein lan eremuan oinarritutakoak. Gizakiok ingurunean dugun eragina ulertzea. Ingurumenaren eta Garapen Iraunkorraren garrantzia gure gain hartzea, eta baita horien kudeaketak sortutako erronkak ere. Biodibertsitateak ematen dituen onurak eta bere kontserbazioak gizakiontzat daukan garrantzia ezagutzea. Eskola-eremutik kanpoko harreman pertsonalak erraztea, eta aisialdiaz gozatzeko modu berriak aurkitzea. Hezkuntza-ziklo bakoitzerako proposatutako jardueren edukiek lotura handia dute eskolacurriculumean bildutako helburuekin. Gorde zure eguna 2017ko irailaren 7tik aurrera.
BISITAREN ANTOLAKETA Lanaldia 10.00etatik 16.00etara izango da, 4 zati ezberdin edukiko ditu eta zati horien artean bi atsedenaldi egongo dira, bat gosaltzek o eta bestea bazkaltzeko. Haur Hezkuntzaren kasuan, ordutegia 10.00etatik 15.00etara izango da eta Batxilergoko taldeena 10.00etatik 14.30etara. Modulu formatiboen kasuan, ordutegia 10:00etatik 14:00etara izango da. Parte hartzen duen ikastetxe bakoitzari “Irakaslearen materiala� deritzon agiria bidaliko zaio helbide elektroniko bidez, ikastetxean bertan aurretiko eta ondorengo lanak lantzeko, programa ez baita zentroko egonaldira mugatzen.
Gomendioak Ekoetxea Urdaibaitik, honako gomendioak eman nahi dizkizuegu, bisita egin aurretik: Aurretiz botatako materiala lantzea, unitate didaktikoaren helburuak hobeto ulertzeko. Egingo diren ibilbideetarako oinetako egokiak ekartzea. Ikasleek arkatza edota boligrafoa ekarri beharko dute lan koadernoa osatzeko (haur hezkuntzako kasuan izan ezik). Bisita egunean, komeni da irakasle bat etortzea talde bakoitzeko (talde bakoitzak 20 ikasle izango ditu gutxi gora behera). Bestalde, autobus pribatuarekin zatozenentzat, goizean egingo den ibilaldirako zuen autobusa beharko dugula jakinarazten dizuegu.
ESKURAGARRI DAUDEN ZIKLOAK 2017-2018 ikasturtean 4 unitate didaktiko eta 2 formakuntza-modulu ezbedin dauzkagu aukeran, hezkuntza ziklo zehatzetara egokituak: Haur Hezkuntza
LH1. zikloa
LH2. zikloa
LH3. zikloa
DBH1. zikloa
UNITATE DIDAKTIKOAK
Biodibertsitatearen Hastapenak Biodibertsitatea: Padura Biodibertsitatea: Kostalde harritsua eta hareatzak Biodibertsitatea: Denboran zeharreko bidaia FORMAKUNTZA MODULUAK
Urdaibai, Biosfera Erreserba Zientzia eta itsasoa esperimentatu
DH2. zikloa
Batxilergoa / Ziklo formatiboak
1. UNITATE DIDAKTIKOA
BIODIBERTSITATEAREN HASTAPENAK Helburuak Bizidunak eta bizigabeak bereiztea, landare eta animalien garrantzia ulertu eta beraien kontserbazioarekin sentikortzeko. Jolasen bidez biodibertsitateaz gozatzea, modu didaktiko eta erakargarri batean gure ondare naturalaren aberastasunaz jabetzeko. Izaki bizidunen ezaugarri eta premia ezagutzea, ingurune ezberdinetan bizi-eredu desberdinak aurkitzen direla ulertzeko.
Ekintzak Ibilbidea 1,5 orduko iraupena duen ibilbidea Ekoetxea Urdaibaiko inguruetan. Ikasleek Euskadiko ekosistema nagusiak ezagutuko dituzte ibilbidean zehar aurkituko dituzten txoko ezberdinen bitartez. Hauetako bakoitzean material desberdinak izango dituzte jolasen bidez biodibertsitatea zer den eta duen balioa ikasteko.
Erakusketa “Zer da biodibertsitatea?” erakusketa iraunkorreko edukiak erabiliko dituzte, besteak beste izaki bizidunen bizilekuak eta beharrak ezagutzeko, eta gizakiontzat duten garrantzia ulertzeko.
Behatokia Antolatutako ekintzak paisaia ezberdinen behaketan zentratuko dira haien ezaugarriak ezagutzeko (Koloreak, formak, animalia eta landareak, etab.).
Esperimentu gela (lehen hezkuntzako ikasleek bakarrik) Ikasleek paisaia ezberdinak irudikatuko dituzte taldeka sortutako collage baten bidez, horretarako era guztietako materialak izango dituzte eskuragarri. Bisitaldiaren prezioa “Biodibertsitatearen hastapenak”: 1€ ikasle bakoitzeko.
2. UNITATE DIDAKTIKOA
BIODIBERTSITATEA: PADURA Helburuak Ekosistema bezala padurek dituzten ezaugarriak ezagutzea, bere aberastasunaz jabetu eta bere kontserbazioaren alde sentikortzeko. Paduretan bizi diren espezieak identifikatzea, beraien artean eta inguruarekiko dituzten harremanak ezagutu eta bakoitzaren moldaerak ulertzeko. Padurek gizakioi ematen dizkiguten onurak ezagutzea, errespetuzko jarrerak garatu eta erabilera jasangarrien beharrei buruzko hausnarketa burutzeko. Espezie inbaditzaileek Euskadiko hezeguneetan daukaten presentzia ezagutzea, honek suposatzen duen kalteaz jabetu eta arazoarekin sentikortzeko.
Ekintzak Ibilbidea 2 ordu inguruko iraupena duen ibilbidea Busturiko San Kristobal auzoko paduran zehar. Bertan, paisaiaren behaketa eta espezieen identifikazioa burutu, eta espezie inbaditzaileen problematika ere bertatik bertara ezagutuko dute.
Erakusketa “Zer da Biodibertsitatea?” erakusketa iraunkorreko ikus-entzunezko edukiak erabiliz, padurako biodibertsitateari buruzko ezagutza indartuko da.
Behatokia Paisaiaren analisia, paduran ematen diren erabilerak eta hauek sortzen dituzten eraldaketak landuko dira.
Esperimentu gela Padura eta bertako biodibertsitatearekin zerikusia duten esperimentazio jarduerak egingo dira bertan. Bisitaldiaren prezioa “Biodibertsitatea: Padura”: 1€ ikasle bakoitzeko.
3. UNITATE DIDAKTIKOA
BIODIBERTSITATEA: KOSTALDE HARRITSUA ETA HAREATZAK Helburuak Euskadin aurki dezakegun kostaldeko paisaia-aniztasuna ezagutzea, ekosistema ezberdinek suposatzen duten aberastasunaz ohartu eta beraien kontserbazioan sentikortzeko. Kostalde harritsu eta hondartzetan eta bereziki marearteko gunean bizi diren espezieak identifikatzea, beraien artean eta inguruarekiko dituzten harremanak ezagutu eta bakoitzaren moldaerak ulertzeko. Gizakiak kostaldean egiten dituen erabilerak ezagutzea, lortzen diren onurak kontutan hartuz, errespetuzko jarrerak garatu eta erabilera jasangarriei buruzko hausnarketa burutzeko.
Ekintzak Ibilbidea 2 ordu inguruko iraupena duen ibilbidea Txatxarramendiko irlaren inguruan (Sukarrieta). Ibilbidea itsasbeheran egingo da, marea-putzuak eta hareatzak aztertzeko aukera izanik. Horrela, bertako izaki bizidunak eta ekosistemen ezaugarri nagusiak in situ ikusi ahal izango dituzte. Haur Hezkuntza eta Lehen Hezkuntzako 1. zikloaren kasuan, ibilbidea Mundakako Laidatxu hondartzan egingo dute. Bertan hondartza eta marearteko gunea ezagutzeko jarduerak eta jolasak burutuko dituzte.
Erakusketa “Zer da Biodibertsitatea?” erakusketa iraunkorreko ikus-entzunezko edukiak erabiliz, kostaldeko biodibertsitateari buruzko ezagutza indartuko da.
Behatokia Kostaldeko paisaiaren analisia, behatokitik ikusten diren kostaldeko ekosistema desberdinak eta hauen eraldaketak landuko dira.
Esperimentu gela Kostaldea eta bertako biodibertsitatearekin zerikusia duten esperimentazio jarduerak egingo dira bertan. Bisitaldiaren prezioa “Biodibertsitatea: Kostalde harritsua eta hareatzak”: 1€ ikasle bakoitzeko.
4. UNITATE DIDAKTIKOA
BIODIBERTSITATEA: DENBORAN ZEHARREKO BIDAIA Helburuak Garai desberdinetan espezie desberdinak bizi izan direla ulertzea, izaki bizidunek haien artean eta inguruarekin dituzten harremanak ulertu eta inguruko baldintzetara moldatzen direla ikasteko. Historian zeharreko espezieen desagerpenen zergatiak ezagutzea, egungo errealitatearekin alderatu eta gaur egun gizakiak biodibertsitate galeran duen eragina ulertzeko. Garai ezberdinetan izan diren biodibertsitatearen erabilpen desberdinak ezagutzea bere garrantziaz ohartu eta bere kontserbazioarekin sentikortzeko.
Ekintzak Ibilbidea 1,5 ordu iraupena duen bisita Santimamiñeko multzo arkeologikoan zehar, non ikasleek garai ezberdinetan Euskadin izan den biodibertsitatearen ideia jaso eta gizakiak biodibertsitatearekin izan duen erlazioa ulertuko duten.
Bisita gidatua Ekoetxea Urdaibaira “Zer da Biodibertsitatea?” erakusketa iraunkorreko ikus-entzunezko edukiak erabiliz eta behatokiak erakusten dituen bistak aprobetxatuz, garai ezberdinetako biodibertsitateari buruzko ezagutza indartuko da, zenbait espezieren moldaerak eta eboluzioa hobeto ulertu ahal izateko.
Esperimentu gela Errepliken bidez Paleolito garaiko tresna eta material ezberdinak (ehiza tresnak, sua egiteko materialak, arropak, labar artea, etab.) sortuko dituzte, historian zehar gizakiaren beharrak asetzeko biodibertsitateak izan duen garrantzia ulertzeko. Bisitaldiaren prezioa “Biodibertsitatea: Denboran zeharreko bidaia”: 2€ ikasle bakoitzeko. Unitate didaktiko hau garatzeko beharrezkoa da, taldea autobus pribatuan etortzea. Unitate Didaktiko hau burutzeko Bizkaiko Foru Aldundiaren Ondare Historikoaren Zerbitzuaren laguntza eta Santimamiñeko lan taldearen laguntza izan dugu. UNESCOren ondarea eta erreferentzia lekua da gure lurraldean; kudeaketa arduratsu baten eredu: ikerketa, kontserbazio eta zabalkundea ardatz dituelarik. Proiektu berritzailea: denbora errealeko 3D erreplika birtual bikaina du.
1. HEZKUNTZA MODULUA
URDAIBAI, BIOSFERA ERRESERBA Helburuak Biosfera Erreserba bat sakonki zer den ezagutu eta ondare natural eta kulturalaren kontserbazioaren garrantziaz sentikortzea, Biosfera Erreserben oinarrizko helburua balorean jarriz: Garapen jasangarria. Natura 2000 Sarearen parte diren ekosistema nagusiak, baita Urdaibaiko Biosfera Erreserban dauden geodibertsitatea eta ondare kulturala ezagutzea. Urdaibaiko oinarrizko ekosistemek eskaintzen dituzten zerbitzuei (hornidurazkoak, erregulaziozkoak, kulturalak…) buruzko ezagutzak lortzea.
Ekintzak Ibilbidea 1,5 ordu inguruko ibilbidea Urdaibaiko itsasadarrarekiko paralelo doan landa-ingurutik, Sukarrietatik hasten dena eta Ekoetxea Urdaibain, Busturian bukatzen dena. Ibilbide honetan, Natura 2000 Sarean barne dauden ekosistemak aztertuko dira, batik bat: ibai sarea, artadi kantauriarra, itsasertza eta padurak, eta Urdaibaiko itsasadarra.
Bisita gidatua Ekoetxea Urdaibaira Ekoetxea Urdaibaira egingo den bisita gidatuan, ikasleek Urdaibaiko Biosfera Erreserbaren inguruko ezagutzak sendotuko dituzte, horretarako erakusketa iraunkor berri bat izango dute elementu interaktibo eta bideo mapping-arekin. Bisitaldiaren prezioa “Urdaibai, Biosfera Erreserba”: 1€ ikasle bakoitzeko.
2. HEZKUNTZA MODULUA
ZIENTZIA ETA ITSASOA ESPERIMENTATU Helburuak
Itsas-zientzien alorrean ekintza teoriko-praktikoa burutzea, ikasleak zientziara hurbidu eta ikerketaren inguruko interesa sustatzeko. Ikasleak egun batez zientzialari bihurtzea, biodibertsitatearenganako errespetuaren oinarriak eta arrantza jasangarriarenak zabaltzeko.
Ekintzak Laborategiko jarduera AZTI-Tecnalia-ren bidez, ikasleek arrantza mailan interesa duten espezieen laginketa-tailer batean parte hartuko dute. Modu entretenigarri eta dibertigarrian bere kudeaketa itsas-ekosistemarako zein garrantzitsua den ezagutu ahal izango dute. Horretarako material biologikoa (artisau arrantzatik ateratako arrain eta ornogabe aleak) eta laborategikoa (iktiometroa, identifikazio taxonomikorako gakoa, pintzak, labaina, espageti markak, etab.) erabiliko ditugu.
Esperimentazio gela
Biodibertsitatea: Espezie nagusiak sailkatu eta identifikatu, arrantza sareetan jaus daitezkeen espezie kopuru nabarmena behatuz. Laginketa biologikoak: Populazioaren ezaugarriak ikertu, aleen sexua, pisua, eta neurria hartuz. Otolitoa ere aztertuko dugu adina zehazteko.
Bisita gidatua Ekoetxea Urdaibaira Itsas ikerkuntzak arrantzak ustiatutako populazioen alde biologiko eta kuantitatiboak ikertzen ditu. Ikasleek itsas biodibertsitatearen egungo egoera ezagutuko dute, laborategian burututako laginketa biologikoen emaitzak aztertuz.
Plaza mugatuak
Irailaren 7tik aurrera jasotzen diren deien ordena errespetatuko da eguna gordetzeko. Bisitaldiaren prezioa “Zientzia eta itsasoa esperimentatuâ€?: 1â‚Ź ikasle bakoitzeko.
INFORMAZIOA ETA IZEN EMATEA Erreserbak 2017ko irairalen 7tik aurrera gauzatu ahal izango dira, harremanetan jartzeko honako telefono zenbakietara deituz: 946 870 432 946 870 406 • 946 870 414 • 946 870 402 Deien ordena errespetatuko da egutegia betetzen den arte.
Azpiegiturak • • • •
Jateko gunea. Taberna (astelehenetan itxita). Jolas tokia. Biodibertsitatearen labirintoa.
• • • •
5 hektareako gune berdea. Autobusentzako aparkalekua. 2 Erakusketa iraunkor. Aldizkako erakusketa.
Nola iritsi Trena: Euskotreneko Bilbo-Bermeo linea (Bilbo-Donostia linearekin tren-aldaketa egiteko aukera ere badago). Informazio gehiago izateko eta ordutegiei buruzko kontsultak egiteko: 902 54 32 10; www.euskotren.es Busturiako San Kristobal eta Axpe dira zentrotik gertuen dauden geltokiak. Autobusa: Bizkaibus-eko Bilbo-Bermeo linea. Informazio gehiago izateko eta ordutegiei buruzko kontsultak egiteko: 902 22 22 65; www.bizkaia.net Errepidez: A8-tik bagoaz, BI-635 errepidea hartu behar dugu (Gernikarako norabidea) Zornotzako irteeran. Gernikara iristen garenean, BI-2235-a hartu behar dugu (Bermeorako norabidea) eta aurrera jarraitu Busturiako San Bartolome auzoko biribilgunera iritsi arte. Bertan Ekoetxea Urdaibaira nola joan adierazita dago.
HELBIDEA ETA KONTAKTUA BI-2235 ntz hartu Bermeora
BI-635 ntz hartu Gernikara
A8 irteera Donostiarantz
a Amorebieta-Gernik irteera hartu Gernikarantz
Gernikatik Bermeorako errepidea • San Bartolome auzoa 35 48350 Busturia (Bizkaia) 946 870 432 946 870 406 • 946 870 414 • 946 870 402 www.ekoetxea.eus www.facebook.es/biodibertsitatea hezkuntza@torremadariaga.org
MADARIAGA DORRETXEA Dorretxea XV. mendean eraiki zuten, seguruenik garai hartan bando-gerretan ohikoak ziren defentsarako eginkizunak edukiko zituen dorretxe gisa. XVII. Mendean jauregi erantsia eraiki zioten, bizitoki bihurtzeko asmoz. Dorretxeari erantsitako Erlujuaren Dorrea 1852. urtekoa da, eta San Bartolome auzoko lagun batek eraiki zuen, Busturiako herriak erabil zezan.