vir die eerste keer in boekvorm!
Kinders gaan belangrike lewenslesse leer deur na dié lekkerlees-stories én saamsing-liedjies in hierdie boek te luister. As kinders met hierdie boek klaar is, gaan hulle vir seker ook lewenslange maatjies wees van Carike, Ghoempie en Ghoeghoe!
Linda Korsten het ’n kort rukkie skoolgehou en daarna by die SAUK se TV-afdeling gaan werk. Sy het saam met Louise Smit aan kinderprogramme gewerk en oor die jare heen talle stories vir kinderprogramme geskryf. Die afgelope ses jaar is sy die vervaardiger en regisseur van die Carike en Ghoempie-DVD’s. Linda het onlangs ook die filmwêreld betree en was onder meer medevervaardiger van die uiters suksesvolle fliek Liefling, die movie.
Carike Keuzenkamp carike keuzenkamp
Carike Keuzenkamp is sedert 1967 ’n bekende naam in bykans elke huis in Suid-Afrika. Sy was een van die eerste gesigte van Suid-Afrikaanse televisie toe sy gekies is as die aanbieder van Kraaines, ’n gewilde kinderprogram. In 2001 is die eerste Carike in Kinderland-albums vrygestel. Dit was uiters suksesvol en Carike en Ghoempie vermaak die kinders vandag nog. Die agtste Kinderland-produk (CD en DVD) word vir Kersfees 2011 vrygestel. Die vorige sewe CD’s en DVD’s het almal goue status bereik.
kuier in Kinderland
Welkom in wonderlike, kleurvolle Kinderland, waar kinders gaan saamkuier met Carike, haar twee maatjies, Ghoempie en Ghoeghoe, en al die ander spesiale mense van Kinderland.
carike , ghoempie en ghoeghoe
Carike, Ghoempie en Ghoeghoe
G e s k ry f d e u r l i n da Ko r st e n
Geïllustreer deur Annette van Zyl
Carike Keuzenkamp
G e s k ry f d e u r l i n da Ko r s t e n
Ge誰llustreer deur Annette van Zyl
Hallo Maatjies
Ons het al so baie saam in Kinderland gekuier – en nou kan jy vir Ghoempie en Ghoeghoe oral met jou saamneem! Geniet hulle avonture saam met hulle: Vier Frikkie se verjaardag saam met hom, gaan saam met Ghoeghoe tandarts toe, en luister mooi wanneer ouma Ghoemp vir hulle leer hoe om vir hulle boeke te sorg. Vra vir Mamma of Pappa om die stories vir jou te lees, of luister na die stories op die CD. Sing sommer ook lekker saam met jou gunsteling-liedjies uit Kinderland. Lekker kuier saam met ons in Kinderland! Liefde Carike, Ghoempie en Ghoeghoe
Inhoud 1. Ghoempie en Ghoeghoe 4
2. Ghoeghoe en die donker nag 10
3. Die partytjie 16 4. Ghoeghoe gaan tandarts toe 22
5. Ghoempie en Ghoeghoe leer van boeke 28
3
1. Ghoempie en Ghoeghoe
G
hoempie bly in Ghoempieland, anderkant die reënboog. Hy bly saam met Pappa, Mamma en ouma Ghoemp. Hy het baie Ghoemp-maatjies, maar Ghoeghoe is sy beste maatjie. Ghoeghoe is vandag hartseer. Haar liefling-pop is weg. Ghoempie wil haar troos. Toe kry hy ’n plan. “Ghoeghoe, ek weet wat jou weer bly sal maak.”
4
ĂŤ re
di e p
go sp r in
Gh oe mp ie
n ge oo nb
gl y
af
na
nd Ki
d an er l
,w
eeld ger hy aar
n ku gaa
ier.
5
6
In Kinderland gaan hy na Liana toe, sy is een van sy mensmaatjies. Hy vertel vir haar van Ghoeghoe en haar pop. “Ek dink my Ghoempie-liedjie sal haar weer vrolik maak.” Liana dink dis ’n uitstekende plan. Sy gee vir hom ’n CD met die liedjie op. “Dankie! Ek kom weer een van die dae kuier.” Hy spring op die reënboog en gly terug na Ghoempieland. Ghoeghoe is nog altyd harteer. Maar toe Ghoempie vir haar die liedjie speel, glimlag sy. “Sjoe, hierdie liedjie maak my hartjie bly. Waar kry jy dit?” Ghoempie vertel vir haar van Kinderland se mooi liedjies. Ghoeghoe wil dadelik in Kinderland gaan kuier.
♪
♪
♫
♪
♫
♫ ♪
Saam spring hulle op die reënboog. Dit is Ghoeghoe se beste dag ooit! Sy is weer gelukkig.
7
Kyk na die prentjie. Soek al die maatjies wat lag. Hoeveel sien jy?
8
Dit maak my baie bly as my maatjies gelukkig is. Jy kan ook jou maatjies troos as hulle hartseer is. En wat is beter as ’n mooi liedjie? Luister na my Ghoempie-liedjie. Dit sal almal bly maak.
9
2. Ghoeghoe en die donker nag
G
hoempie en Ghoeghoe slaap vanaand by hulle maatjie Elisma in Kinderland. Ná aandete borsel hulle tande en speel speletjies. Dan is dit slaaptyd. Al die ligte in die huis is al af, maar Ghoeghoe wil nie hulle kamerlig afskakel nie. “Ek wil nog lees,” gaap sy. “Kom nou, Ghoeghoe, dis al laat. Ek kan nie slaap met die lig aan nie.” Ghoeghoe kyk rond. “Ek wil eers kyk of my klere vir môre reg is.”
10
11
12
Ghoeghoe sit haar klere reg, en Ghoempie skakel die lig af. “Nee, Ghoempie, sit aan die lig!” Ghoempie gaan sit by haar. “Ek is bang vir die donker,” fluister sy. Sy vertel vir hom van al die vreemde geluide wat sy in die donker hoor. “Dis net ’n kat op die dak en ’n muis in die huis. Jy hoef nie bang te wees nie.” Dan vertel Ghoempie vir haar Jesus het die donker gemaak. Én alles wat in die donker beweeg. “Jesus bly in ons hartjies. Hy is altyd naby jou, ook as jy in jou bedjie lê.” Hy gee haar ’n drukkie. Ghoeghoe glimlag en skakel die lig af. Nou is sy nie meer bang vir die donker nie. “Dankie, Ghoempie. Lekker slaap.”
13
14
Kyk na die prentjie. Kan jy alles sien wat in die donker beweeg? Gaan een aand saam met Mamma of Pappa tuin toe en kyk na alles daar buite.
Is jy soms bang vir die donker? Hoor jy snaakse geluide as die lig af is? Dink jy dan dis iets wat jou gaan pla? Onthou, Jesus het die lig ĂŠn die donker gemaak. Met Jesus in jou hartjie hoef jy nooit bang te wees nie.
15
G
3. Die partytjie
hoempie en Ghoeghoe is baie opgewonde. Frikkie van Kinderland verjaar vandag. Hulle gaan na sy partytjie toe.
Ghoempie gaan vir hom ’n ronde bal present gee. Ghoeghoe gaan vir hom ’n vierkantige boek gee. Hulle draai die presente met mooi papier toe. By Frikkie se huis kry hulle hom in trane. “Hoekom huil jy, Frikkie?” Ghoeghoe gee hom ’n drukkie. “Spikkels, die hond, het al die eetgoed vir die partytjie opgeëet!” snik Frikkie.
16
17
18
Ghoempie en Ghoeghoe besef hulle moet ander eetgoed kry voor al die maats daar opdaag. Toe kry Ghoempie ’n blink plan. “Onthou jy toe ons gebak en gebrou en allerhande lekker eetgoed gemaak het? Ons kan dit weer doen.” Ghoeghoe dink dis ’n briljante idee. Hulle vra Frikkie om hulle te help. In die kombuis sit elkeen ’n voorskoot aan sodat hulle klere nie vuil word nie. Hulle was hulle hande en spring aan die werk. Ghoeghoe gebruik ronde Marie-koekies en versier dit soos blommetjies, gesiggies, balle en horlosies. Ghoempie neem vierkantige snye brood en maak ’n geskenk, ’n legkaart, ’n huis, ’n kasteel en ’n foto-raam daarvan. Frikkie gebruik reghoekige vingerkoekies en maak karretjies, treintjies en mannetjies. Die eetgoed lyk pragtig en lekker. Frikkie gaan sluit vir Spikkels in die huis toe. Ghoempie en Ghoeghoe gaan sit die eetgoed buite op die tafel. Net toe daag die ander maatjies daar op. Almal geniet die partytjie en sing lekker saam. “Dankie dat julle my gehelp het,” sê Frikkie en begin sy presente oopmaak.
19
Dit was vir Ghoempie en Ghoeghoe lekker om hulle maatjie Frikkie te help. Het jy al ’n maatjie gehelp wat in die moeilikheid was? Jy kan ook vir Mamma of Pappa help. Luister na die Bak-en-brouliedjie. Vra vir Mamma of Ouma om jou te help om sulke lekker eetgoed soos Ghoempie en Ghoeghoe te maak.
20
Kyk na die prentjie. Soek al die sirkels, vierkante en reghoeke. Hoeveel van elkeen sien jy?
21
4. Ghoeghoe gaan tandarts toe
G
hoempie en Ghoeghoe kuier lekker in Kinderland. Maar Ghoeghoe se tand is baie, baie seer. Wat is fout met haar tand? Liana sê dis van al die lekkers wat sy eet. Ghoempie kry ’n plan. “Net Kinderland se tandarts kan jou help, Ghoeghoe.” Ghoeghoe lyk dadelik bang. “Nee, ek gaan nie tandarts toe nie! Hy gaan my seermaak.” Sy besluit om self haar tand te dokter. Sy vat ’n groot sluk koue water. Sy spoel dit heen en weer in haar mond. Dit help glad nie.
22
Frikkie sê sy ma sit altyd ’n naeltjie op haar tand as dit seer is. “Ek kan nie my naeltjie op my tand sit nie. Hy sit op my magie,” kla Ghoeghoe. Frikkie lag. “Naeltjies is speserye.” Ghoeghoe sit ’n naeltjie op haar tand, maar dit bly seer. “Ghoeghoe, net die tandarts kan jou help. Hy sal jou nie seermaak nie.”
23
24
Ghoempie neem haar tandarts toe. Die tandarts is gaaf. Hy maak haar tand gou beter. En hy s锚 sy moet beter vir haar tande sorg. Sy moet twee keer per dag haar tande borsel, n谩 ontbyt en v贸贸r sy gaan slaap. Sy moet ook gesonde kos eet, soos groente en vrugte. Ghoeghoe is bly haar tand is weer reg. Van nou af gaan sy mooi na haar tande kyk. Sy gaan nie meer so baie lekkers eet nie. Sy gaan ook elke jaar by die tandarts kuier.
25
Kyk na die prentjie hier langsaan. Soek alles wat jy nodig het om jou tande gesond te hou.
26
Ek hoop jy kyk mooi na jou tande. Borsel hulle elke dag. En onthou, die tandarts is daar om jou te help.
5. Ghoempie en Ghoeghoe leer van boeke
G
hoempie en Ghoeghoe is terug in Ghoempieland. Liana het vir hulle ’n present gegee. Hulle is baie opgewonde daaroor.
Hulle gaan sit by ’n tafeltjie en maak die present oop. Dis ’n storieboek met baie prentjies. Ghoeghoe kan nog nie lees nie. Sy kyk na al die prentjies. “Gee die boek hier! Ek wil dit lees!” Ghoempie gryp die boek uit haar hande. “Dis nie net jou boek nie! Gee dit!” Ghoeghoe probeer die boek terugvat. Hulle begin baklei oor die boek. Dit lyk amper soos ’n toutrekkery. Die bladsye skeur later, maar hulle hou nie op baklei nie.
28
O
m
u
aG
ho
em p
kom k
yk w
i. aaroor die twee so lawaa
29
“Ghoempie, Ghoeghoe, los dadelik die boek!” Die twee laat val die boek, maar dit is klaar geskeur. “Dit was nie ek nie, ouma Ghoemp.” Ghoempie kyk verleë na die stukkende boek. Ouma sê dit is hulle albei se skuld. “Boeke is belangrik. Ons leer baie uit boeke. Daarom mag ons nie daarin skryf of dit skeur nie. Dit kan vir ewig hou. Baie ander Ghoemps kan dit nog lees.” “Ons is jammer, Ouma.” Ghoempie en Ghoeghoe is in trane. “Toe maar, ons kan die stukkende bladsye vasplak. Maar julle gaan my help.”
30
Luister na die ABC-liedjie en leer nog iets by ons oumas.
Ons dink soms ons weet alles, maar dis nie waar nie. Ons mammas, pappas, oumas en oupas leer vir ons baie dinge. Vandag het ouma Ghoemp ons geleer ons moet ons boeke oppas en met mekaar deel.
31
Outeursreg © 2011 CMP Kids CMP Kids ’n druknaam van Christelike Media Publikasies, Posbus 4502, Durbanville 7551 www.christianmediapublishing.com Reg no: 2010/008573/07 Alle regte voorbehou. Geen gedeelte van hierdie boek mag sonder die skriftelike toestemming van die uitgewer gereproduseer of in enige vorm of langs enige elektroniese of meganiese weg weergegee word nie, hetsy deur fotokopiëring, bandopname, laserskyf of enige ander stelsel van inligtingbewaring. Alle regte van die vervaardiger en eienaar van die werk wat geproduseer word, word voorbehou. Openbare uitvoering, uitsending en verhuring, direk of indirek, van hierdie CD word verbied. Carike Keuzenkamp se deelname aan die publikasie en uitreiking word moontlik gemaak met die vriendelike samewerking van Sony Music. Ghoempie en Ghoeghoe® is ’n geregistreerde handelsmerk en word beskerm deur Suid-Afrikaanse kopieregwette, handelsmerkwette en ander wette wat in die Republiek van Suid-Afrika van toepassing is, asook deur internasionale konvensies en wette van ander lande. Carike Keuzenkamp is die eienaar van alle intellektuele materiaal en in beheer van alle intellektuele goedere.
Publikasie-projekbestuurder: Noeline Neumann Redakteur: Hester Fourie Illustrasies: Annette van Zyl Ontwerp, setwerk en omslagontwerp: Trinity Loubser Fry
Gedruk in China Eerste uitgawe, eerste druk 2011 ISBN 9781920460259
vir die eerste keer in boekvorm!
Kinders gaan belangrike lewenslesse leer deur na dié lekkerlees-stories én saamsing-liedjies in hierdie boek te luister. As kinders met hierdie boek klaar is, gaan hulle vir seker ook lewenslange maatjies wees van Carike, Ghoempie en Ghoeghoe!
Linda Korsten het ’n kort rukkie skoolgehou en daarna by die SAUK se TV-afdeling gaan werk. Sy het saam met Louise Smit aan kinderprogramme gewerk en oor die jare heen talle stories vir kinderprogramme geskryf. Die afgelope ses jaar is sy die vervaardiger en regisseur van die Carike en Ghoempie-DVD’s. Linda het onlangs ook die filmwêreld betree en was onder meer medevervaardiger van die uiters suksesvolle fliek Liefling, die movie.
Carike Keuzenkamp carike keuzenkamp
Carike Keuzenkamp is sedert 1967 ’n bekende naam in bykans elke huis in Suid-Afrika. Sy was een van die eerste gesigte van Suid-Afrikaanse televisie toe sy gekies is as die aanbieder van Kraaines, ’n gewilde kinderprogram. In 2001 is die eerste Carike in Kinderland-albums vrygestel. Dit was uiters suksesvol en Carike en Ghoempie vermaak die kinders vandag nog. Die agtste Kinderland-produk (CD en DVD) word vir Kersfees 2011 vrygestel. Die vorige sewe CD’s en DVD’s het almal goue status bereik.
kuier in Kinderland
Welkom in wonderlike, kleurvolle Kinderland, waar kinders gaan saamkuier met Carike, haar twee maatjies, Ghoempie en Ghoeghoe, en al die ander spesiale mense van Kinderland.
carike , ghoempie en ghoeghoe
Carike, Ghoempie en Ghoeghoe
G e s k ry f d e u r l i n da Ko r st e n
Geïllustreer deur Annette van Zyl