“La
MUSUSAK
BISOUS KISSES
PETONS
BESOS
BICOS BEIJOS
KÜSSE
COLEXIO RURAL AGRUPADO DE RIBADUMIA
Estimadas familias: Hai bicos de boas noites, bicos para cantar, bicos de cores, bicos de sabores … sempre hai un bico para cada ocasión, pero nunca, ¡Nin un biquiño á forza!…. Nesta guía de lectura atoparedes bicos para todos os gustos pero, sen lugar a dúbida, os mellores son aqueles que nos dan e damos aos seres queridos. ¡Feliz día do amor e da amizade!
provisión de besos de Zea”. Ed. Corimbo.
É a primeira vez que a pequena cebra se vai separar dos seus pais. O temor a durmir fóra da casa énchelle de inseguridade. Os seus papás están enchendo unha caixa con bicos para que cada día teña un.... “Besos”. Ed.
Pintar-Pintar Bicos de bruxa, de carnaval, de irmán, trastes… Precioso libro de poesía onde os seus protagonistas son os bicos…
“Mamá, ¿de qué color son los besos?”.
Ed. Imaginarium
A mamá de Pablo fálanos de bicos laranxas cheos de vitaminas, amarelos que son cálidos e intensos, e brancos, que expresan a paz e tranquilidade que sinto ao teu lado…
"Bicos de música”. Ed. Galaxia
Bicos de música para bailar, para choutar, para cantar, para aprender a cruzar, para viaxar con Simbad, para chuchar mel... Bicos de música con CD e DVD.
“Unha manchea de bicos”. Ed. Oceano
Kati ten unha caixiña chea de bicos doces e un gran sorriso. Cando vai para o colexio, sempre leva algún na súa bolsa do almorzo.A súa nai, ó despedírense, sempre lle da algún máis. Sabe que é moito tempo o que bota na escola.
“Nin un biquiño á forza”. Ed. Xunta de Galicia
Hai moitas clases de bicos. Case sempre son agradables e dan sensacións estupendas. Pero tamén hai bicos que dan sensacións raras incluso noxo, como as lambeduras e bicos dun can co nariz mollado e frío…
“Besos Besos”. Ed. Miau
Precioso conto que fala dos bicos da avoa, ruidosos coma saborosas piruletas; dos bicos de papá, que pinchan coma cactos; dos bicos do avó, nos que a súa barba branca parece algodón de azucre…
“En busca del beso”. Ed. Beascoa.
Un día, o rei lanzoulle un rápido bico ao príncipe antes de durmir. Pero o bico saíu voando e escapou pola ventá… Así comezan as aventuras do mellor cabaleiro do reino en busca do bico perdido.
“¡Ningún beso para mí!”. Ed. Tramuntana
O pequeno protagonista, nun acto de rebeldía e de afirmación, decide que non quere máis bicos. Cre que son demasiado pegañosos, ruidosos e contaxian enfermidades. Pero cando vai para cama aparecen os medos… ¿onde están os bicos de mamá?
“Se necesitan besos”. Ed. La Galera Mey atopa un quiosco onde, en lugar de caramelos, pídense bicos e caricias. Unha señora explícalle que calquera bico ou caricia, que a ela lle sobre, pódeo dar a alguén que o necesite…
“La casa de los besos”. Ed. Alfaguara. Libro troquelado con forma de casiña e solapas no seu interior. O protagonista busca polas diferentes habitacións, un bico a súa medida...
“¡Eeeeeh!”. Ed. Destino. A mamá de Lucas debe viaxar á casa da avoa para facerlle unha visita. Ao despedirse dende o tren, o bico que lanza ao seu marido e o seu fillo toma un camiño equivocado por culpa dun inesperado vento. Así se inicia un periplo tras o bico extraviado.
“Besos y achuchones”. Ed. Imaginarium.
A través de pequenos poemas, este libro lémbranos o doces que son os bicos e como agradecemos as apertas. Bicos para os bebés, para os avós, para todo o mundo…
“Un beso antes de desayunar”. Ed. Lónguez Todas as mañás antes de irse ao traballo, a nai de Violeta, déixalle un bico sobre a almofada e un bico doce para o almorzo...
“La abuela necesita besitos”. Ed. Proteus.
A avoa María xa non pode seguir vivindo soa en casa porque se lle esquecen as cousas. Aínda que a súa enfermidade non ten cura, hai bicos milagrosos… Todos necesitamos biquiños, pero os avós como María aínda máis...