EKSPETASAUN SOSIEDADE EDUKADU NO SAUDÁVEL: PAPEL FAMÍLIA, ESKOLA & SOSIEDADE Crisogno Soares Freitas Pereira
Ekspetasaun sosiedade ne’ebé edukadu: 1. Sosiedade ne’ebé dezenvolve interasaun liuhosi komunikasaun variedade (iha koñesementu luan) no respeitu. 2. Sosiedade ne’ebé bele rezolve problema no hatene deside buat ida ho trankuilu hodi hanoin ho kuidade atu hili dalan ida-ne’ebé mak tenke foti ba bem commum. 3. Sosiedade ne’ebé iha kompriensaun ba norma sira no aplika iha moris loron-loron. 4. Sosiedade ne’ebé koriuzu nafatin hodi buka no konkista mundu nia di’ak no furak, no buka lia-loos no lata’uk sala maibé rekoñese hodi nafatin bele aprende hosi faillansu sira atu hadi’a liuhosi vontade artistiku ne’ebé forte no nunka atu ko’alia ne’ebé ladezenvolve an no sosiedade rasik (arbiru). Ekspetasaun sosiedade ne’ebé saudável: 1. Sosiedade ne’ebé iha soberania polítika, hamrik metin iha ekonómika no iha karakter kulturál. 2. Sosiedade ne’ebé realiza prosperidade justu, kombate ki’ak, ignoránsia, no moras. Atu lahamosu dezempregu iha sosiedade laran. 3. Sosiedade ne’ebé realiza moris moos, onestu no transparansia. 4. Sosiedade ne’ebé partisipa iha desizaun no prosesu dezenvolvimentu ne’ebé hakesi ema hotu nia prosperidade (moris di’ak) 5. Sosiedade ne’ebé fó importánsia ba kualidade servisu públiku atu hakonu nesesidade bazika sosiedade nian. 6. Sosiedade ne’ebé fó importánsia kualidade infrastrutura atu aselera dezenvolvimentu kontinua no ambiénte amigável. Papél família atu atinji ekspetasaun sira leten: “Kria kultura pozitivu iha uma atu oan sira aprende no internaliza kultura refere iha sirania an” 1. Ko’alia ho oan sira ho tópiku variedade no husik sira ekspresa sira-nia hanoin no labele enterope sira maibé simu sira no hatán mós ba sira-nia kuriozidade ho klaru, ezatu no loos. 2. Kuda fiar no laran-metin iha oan sira nia mentalidade, atu sira bele apresia sira-nia an no dezenvolve sira nia an katak sira importante no sira importante mós ba ema seluk. 3. Korije oan sira bainhira sira sala, no fó razaun ba sira tanba sá “......ida-ne’e sala”. Papél eskola atu atinji ekspetasaun sira leten: “Kria iklima fiar iha prosesu aprendizajen” 1. Fó motivasaun ba alunu sira atu aprende no tulun sira bainhira sira presiza no dezafia sira atu sira bele aprende mesak .