Responsabilidade

PROBLEMA NO RESPONSABILIDADE

(Venerable K. Sri Dhammananda)

<<…>> Responsabilidade (Pájina 9) Ita hotu iha tendénsia atu fó sala ema seluk ba ita-nia frakeza no insusesu. Dalabarak ita mós hanoin katak “ita mesak mak iha responsabilidade ba ita-nia problema rasik? Ita-nia sofrementu la iha relasaun ho malisan família nian ka sala orijinál ita-nia beiala sira la’ós mós kauza hosi Maromak ka diabu. O-nia sofrimentu mak o-nia hahalok rasik, tanba o mak sai implementadór no libertadór kastigu ne’e. iha momentu ne’ebé hanesan, o mak sai kriadór lalehan no inferno ba o-nia an rasik. O iha poténsia atu sai ema santu nune’e mós ema sala nain. La iha ema seluk mak halo o sai pekadór no santu. O tenke aprende atu lori mesak responsabilidade ba o-nia moris. O tenke aprende atu rekoñese o-nia frakeza rasik la hodi fó sala ka disturba ema seluk. Hanoin ba sabedoria antiga ko’alia

“ema ne’ebé la iha kultura sempre fó sala ba ema seluk; ema ne’ebé menus iha kultura sempre fó sala ba an rasik; no ema ne’ebé iha kultura nunka fó sala ba sé de’it”

Sá tempu de’it difikuldade ne’e mosu. Ita nu’udar ema ne’ebé iha kompriénsaun tenke koko atu buka kauza hosi problema ka sala ne’ebé iha no la hodi fó sala ba ema seluk. Kuandu ema idaidak koko atu hadi’a nia sala no rezolve nia problema rasik, sei nunka iha problema ka konflitu iha mundu ida-ne’e. Maibé ema iha hakarak boot hodi haka’as-an atu hasa’e sira-nia kompriensaun liuhosi esforsu atu halo asaun sira-ne’ebé la kontra buat ida. Sira hili hodi buka 1 | P á j i n a ( Venerable K. Sri Dhammananda)

“bibi-metani”. Sira buka kauza difukuldade sira-nian rasik hodi soe ba ema seluk tanba sira la hakarak atu rekoñese sira-nia frakeza rasik. Ema barak hanoin kona-ba buat bosok no esforsu hodi buka razaun atu haloos sira-nia hahalok to’o hamosu iluzaun katak sira la sala.

Nu’udar Buddha hateten “Ema nia sala fasil liu atu haree, maibé difisil liu haree ita-nia salan rasik.” Sira rejeita sala hodi subar frakeza. Ema barak halo hahalok agresivu ba ema seluk, hodi hanoin katak liuhosi asaun ne’e sira bele hases an hosi situasaun ne’ebé hamoe sira ka hases an hosi keisa sira-ne’ebé diriji ba sira. Sira la konxiénte katak hahalok hanesan ne’e só sei kria de’it problema barak ba sira-nia an rasik, nune’e mós hamosu ambiente ne’ebé la saudável iha sira-nia sorin-sorin. O tenke brani atu rekoñese kuandu sala. La bele halo tuir ema sira-ne’ebé la iha kultura ne’ebé sempre fó sala ba ema seluk.

Buddha kontinua afirma liután katak “ema beik-teen ne’ebé la rekoñese ninia beik, mak ema ne’ebé loos duni beik-teen. No ema beik-teen ne’ebé rekoñese ninia beik, mak ema ne’ebé matenek.” (Dhammapada) O responsabiliza ba sofrimentu ne’ebé o hetan. Bainhira o fó lisensa ba akontesimentu ki’ik atu filafali ba o hodi hakanek ka haterus o, ida-ne’e sei aumenta sofrimentu ne’ebé o iha agora. O tenke kompriende katak la’ós buat sala ne’ebé eziste iha mundu, maibé buat sala ne’ebé eziste iha kada indivíduu.

Tradusaun: Crisogno Soares Freitas Pereira (crisogno.soares.freitas.p@gmail.com) Títulu original: Problems and Responsibilities by Venerable K. Sri Dhammananda Sub-títulu orijinál: Responsabilities © DhammaTalks.net

Referénsia orijinál Sri Dhammananda, K. (s.d.) Problems and responsibilities. DhammaTalks.net. Foti iha loron 13 juñu 2018 hosi website https://www.dhammatalks.net/Books2/Bhante_Dhammananda_Problems_and_Responsib ilities.htm i

Ema ne’ebé iha akontesimentu nia laran loloos la sala maibé hetan akuzasaun katak ema ne’e sala. Iha lian Inglés hanaran scapegoats

2 | P á j i n a ( Venerable K. Sri Dhammananda)