Santu antónio de padua

Santu António de Padua

Loron 13 Juñu, tinan-tinan selebra festa Santu António hosi Padua. Maski espesialmente iha Vila Salazar – Vila Antiga Baucau no jeralmente iha Timor-Leste, ladún selebra ho festa boot maibé iha Nasaun seluk liuliu Portugal selebra festa ne’e ho selebrasaun ne’ebé boot.

Iha hakerek ne’e hakarak reflete istória moris Santu António ne’ebé hatán Maromak nia bolu no ninia papél ba igreja, tanba nia santu ida-ne’ebé mós ho títulu Doutór Igreja Modernu ne’ebé fó kontribuisaun barak hanoin filozófiku no teolójiku iha Igreja Katólika.

Ita presiza hatene katak António hosi Padua la’ós nia naran no orijen lo-loos. Nia aman Martins Vicente Bulhão no inan Teresa Pais Taveira fó naran ba nia mak Fernando Martins bainhira nia moris iha loron 15 Agustu 1195.

Nia família prepara edukasaun ne’ebé di’ak liu ba nia iha eskola lokál maibé António rejeita no tama filafali iha konventu Santo Agostinho iha Lizboa no sai membru kongregasaun Santo Agostinho ne’ebé famozu ho obra edukasaun. Nia aprende Bíblia no Latin. Tanba ho nia família nia moris ne’ebé riku liu, nia sempre hetan vizita hosi ninia família sira no belun sira-ne’ebé lori prezente oin-oin ba nia. Tanba ne’e, Antónia husu ba nia superiór atu muda sai tiha nia hosi Lizboa. Ninia superiór aseita ninia pedidu ne’e, no nia kontinua estudu ba iha Coimbra.

1|Pájina (Santu António de Padua)

Durante nia iha Coimbra, nia halo kna’ar nu’udar resepsionista hodi simu bainaka sira. Iha nia kna’ar ida-ne’e, loron ida iha tinan 1219, bainhira nia ho idade 24, nia hasoru malu ho Fransiskanu nain lima ne’ebé hala’o viajen daudaun ba Maroco nu’udar misionáriu. António interese tebes ho moris simples Fransiskanu sira, ne’ebé tuir nia hanoin katak ida-ne’e mak virtude kristaun lo-loos oinsá moris iha simplisidade nia laran tuir Sagrada Eskritura hanorin.

Tinan tuir mai, fulan Fevereiru 1220, nia simu notísia tristeza katak Fransiskanu nain lima mate nu’udar martíriu. Martíriu nain lima ne’e mak: Santu Berard, Otto, Pedro, Acursio no Ainto. Nia reflete espíritu heroi hosi martíriu nain lima ne’ebé ho brani haklaken Evanjellu to’o sira terus no bolu sira ba Maroco. Nia hakarak tuir Nai nia orden atu husik buat hotu no tuir Nia ho ksolok.

Nia mós espera bele hala’o misaun to’o Maroco. Depois hatan hosi ninia superiór, nia hetan lisensa husik konventu Agostinho atu hela hamutuk ho kongregasaun Fransiskanu. Iha tempu bain-loron tinan 1220, kongregasaun Fransiskanu sira simu nia no hahú aprende hanorin sirane’ebé lider kongregasaun nian fó ne’e mak, Fransisku hosi Assisi. Iha-ne’e mak nia hahú ho legál uza naran António, ho objetivu atu fó onra ba Santu António Boot ne’ebé mós nu’udar naran konventu Fransiskanu iha Coimbra, Portugal.

La kleur de’it, António hetan kna’ar ba Maroco hamutuk ho Fransiskanu sira seluk. Nia espera bele sai martíriu bainhira hala’o kna’ar misionáriu iha rai misaun. Maibé infelizmente to’o iha Maroco nia hetan moras todan no tenke filafali atu hetan tratamentu saúde to’o di’ak mak ba rai misaun.

Iha nia viajen fila ba Portugal, ró ne’ebé nia sa’e hetan dezastre iha tasi Sicilia no halo ró ne’e tenke para iha portu Messina. Iha tempu ne’ebá nia deside atu hela iha Italia no vizita Assisi no koko rejistu an iha konventu Fransiskanu iha rai Italia, maibé nia hetan difikuldade tanba ninia kondisaun saúde. Ikus mai nia hetan oportunidade maibé la tuir nia hakarak, nia hela iha obra saúde, ne’e mak iha klínika ki’ik ida iha sidade li’ur São Paulo, besik Forli, Romagna, Italia tanba haree ninia kondisaun saúde, hodi rekupera ninia saúde, nia mós servisu iha dapur klínika ne’e nian.

2|Pájina (Santu António de Padua)

Iha loron ida, iha oportunidade selebrasaun ordenasaun saserdotál, iha tempu ne’ebá ema bainaka importante sira mós partisipa hanesan saserdote sira hosi kongregasaun Dominikana. Iha momentu ne’e, sira la hatene se loos mak tenke fó pregasaun (omilia), tanba dominikanu sira nu’udar kongregasaun ne’ebé fó importánsia ba iha pregasaun, tanba ne’e hanaran sira mós nu’udar kongregasaun Praedicatorium (Order of Preachers). Maibé dominikanu sira mai laprepara, tanba sira hanoin katak kongregasaun uma na’in (Fransiskanu) mak sei fó pregasaun.

Iha konfuzaun ne’e nia laran, superior konventu ne’e rasik hanoin katak António mak sei fó pregasaun, tanba tuir nia relijiozu ne’ebé di’ak liu pregasaun. Nia bolu António pregasaun tuir Espíritu Santu nia. António ninia pregasaun tanba

sira

sente

lo-loos

hanoin

“Santu António mak Osan-mean Sagrada Eskritura” (Papa Gregorio IX)

Antónia

nu’udar

Fransiskanu sira seluk atu fó no

haruka

nia

atu

fó

nia liafuan ne’ebé horik iha halo

ema

hotu

hakfodak

sentidu hosi pregasaun ida-

ne’e iha momentu espesiál

ida-ne’e.

nu’udar pontu hahú António

nia moris nu’udar pregasaun

ne’ebé

provinsiál husu nia atu fó

koñesidu.

Ninia

Ida-ne’e

pregasaun kona-ba Sagrada

Eskritura

Lombardi iha parte norte

Italia. Ida-ne’e mak momentu

sira, ninia kapasidade ne’ebé

di’ak liu utiliza ba igreja

ninia dezenvolvimentu. Iha

momentu

nu’udar

universidade

manorin

iha

to’o

mak

seluk, to’o

iha

nia

rai

sai

Fransa,

maibé ninia pregasaun mak nu’udar talentu boot liu hosi Maromak ba nia.

Iha tinan 1226, depois tuir enkontru Fransiskanu iha Arles, Fransa no fó pregasaun iha Provence, Fransa, Antónia filafali ba Italia no sai reprezentante iha kapítulu ho Papa Gregorio IX, ninia pregasaun iha amu papa nia oin mós interesante tebes no foti António sai “osan-mean Sagrada Eskritura.”

3|Pájina (Santu António de Padua)

Tinan sia nia laran, António fó pregasaun, halo ema barak konverte no nia halo mós milagre oinoin iha Fransa, Sicilia no Italia. Hosi ninia moris durante tinan sia nia laran nu’udar pregadór, tinan 1222-1224 nia fó pregasaun kontra hasoru fiar seluk iha Italia parte norte, tinan 1224 nia fó pregasaun kontra hasoru hanorin sira hosi seita Albijense iha Fransa parte sudeste. Hosi tinan 1227-1230 nia filafali ba Italia no durante tempu kuarezma tinan 1231, nia fó pregasaun loronloron iha Padua. Nia nu’udar pregadór ne’ebé di’ak liu. Ba ne’ebé de’it nia ba, ema barak tuir nia atu rona ninia hanorin, to’o dala-barak nia tenke ko’alia iha fatin nakloke hanesan kampu boot ida, tanba la iha fatin hanesan uma ba ema barak atu hela iha laran no rona ninia liafuan. Ema barak mak konverte hosi hahalok aat, hanesan: na’ok-teen no ohodór. No ema sira-ne’ebé kontra hasoru igreja mós hadame malu fali ho igreja.

António mós sai provinsiál Fransiskanu nian iha área Emilia-Romana iha Italia iha loron 30 Maiu 1226. Maibé la-kle’ur nia hahú moras. Iha tinan 1231 nia ba retiru hamutuk ho Fransiskanu na’in rua seluk iha área ai-laran Camposanpiero. Iha-ne’ebá, António hela iha uma simples ida iha hali okos. Iha nia viajen filafali ba Padua, Antónia nia is kotu iha viajen klaran bainhira to’o iha konventu ida iha Arcella. Iha loron ne’ebá mak loron 13 Juñu 1231, nia ho idade 36. Bainhira nia mate, labarik barak mak tanis iha dalan no sinu igreja sira lian mesak-mesak.

Nia hakoi iha kapela ida-ne’ebé agora sai parte ida hosi Bazílika Santu António hosi Padua, Italia.

Ninia uma moris fatin iha Lizboa, Portugal mós agora sai Igreja ida-ne’ebé ho naran Igreja Santu António hosi Lizboa.

Tinan ida liu tiha depois António nia mate, nia hetan kanonizasaun nu’udar santu iha loron 30 Maiu 1232. Iha tempu ninia kanonizasaun ne’e, nia hetan títulu “Manorin Igreja nian” hosi Papa Gregorio IX. Ninia títulu prinsipál nu’udar Doutór 4|Pájina (Santu António de Padua)

Igreja fó hosi Papa Pio XII iha loron 16 Janeiru 1946. Ne’ebé to’o ohin loron sidauk iha ema santu ida-ne’ebé hetan kanonizasaun nu’udar santu lalais liu hanesan Santu António hosi Padua, ne’e mak só loron 352 depois nia mate. Bain-bain, prosesu kanonizasaun iha Igreja bele han tempu barak to’o presiza tinan barak.

Tanbasá iha imajen St. António de Padua sempre hatudu meninu Jezús iha nia hitin?

Bainhira ita haree imajen Santu António hosi Padua, nafatin ho figura hakuak labarik Jezús ne’ebé hamriik iha Sagrada Eskritura leten ne’ebé nakloke iha nia oin. Bain-bain Santa Maria no Saun José mak hamutuk ho meninu Jezús, maibé santu António hosi Padua mós nu’udar ema santu Igreja ne’ebé dala-barak liu ho imajen lori meninu Jezús iha ninia hitin leten. Ninia istória mak ne’e:

Iha kalan ida, Santu António hela iha ninia kolega ninia uma, Lord of Chatenauneuf. Santu António reza ho neineik ho fuan no laran to’o kalan boot. Derepente, ninia fatin toba nakonu ho naroman ne’ebé nia roman liu fali loron-matan. No tuir mai, Jezús hatudu An ba nia nu’udar labarik. Chaternauneuf haree naroman ne’e nia roman sai hosi odamatan nia kuak sira, iha-ne’ebé santu Antónia hela ba.

Chaternauneuf hahú hakbesik odamatan ne’e no haree hosi xave fatin nia kuak. Nia haree labarik ki’ik ida-ne’ebé bonitu loos no hamriik iha livru ida nia leten no hakuak António nia kakorok ho nia liman rua. Bainhira santu António loke odamatan no hetan Chaternauneuf, nia husu ba Chaternauneuf atu labele fó hateten sai ba ema saida mak nia haree bainhira António sei moris.

Hakerek husi Crisogno Soares Freitas Pereira

5|Pájina (Santu António de Padua)