Trida Wilkanka L창ka 169 Miskitu Indianka Bila kat Lakan sa Lih Mairin Kati Mani: Kakauhka wal pura matawalsip pura kum
Trida Wilkanka L창ka 169 Miskitu Indianka Bila kat Lakan sa Lih Mairin Kati Mani: Kakauhka wal pura matawalsip pura kum
Naha wauhkataya bila kum wina bila walara lakan ba Cirila Pérez Scott Wood Aurelio Ramos Orlando Calderón Raymundo Eude Laki kaikanka Delton Allen Massac Scott Wood Drida wilkanka laka numba 169 oit winaba indian nani bara tribal nani pri kuntrika nani bilara bahwiba dukiara Naha wauhkataya kli ailal paskuia ba, sip kata “Upla nani wan raitka naniba kainakahbaia bara publik munaia ba proyectoka bilka bak ” alki brih daukisa Naciones Unidas (PNUD) bara upla nani sut raitka naniba dukiara wark dauki kamisanka kau tara ba wal praki, Suiza Apiska Pawanka bara ta baikanka warkka daukiaba (COSUDE) lalahka ba wal. Naha ulbankana kli ulbi ailal kli sakuia, wan richska nani main kaiki yus munaia proyecto Moskitia wiaba wina, GEF bara PNUD silinka ta baikanka wal. Naha laka Miskitu bilara laki ulbanba sipsa kli sakaia, sakuna ya uplika taura ulbanba nina ulbi sakan kaia sa. ©Kuntri Nani Asla Takanka, 2014 Sipsa naha ulbankana kli ulbi sakaia, ya paskan ba nina ulbi.
Naha ulbanka bilara, bara naniba
Drida laka N° 169 aitani kulki saín munanba, 1989 manka bilara
6
WARK DUKIARA KUNTRI SUT ASLA TAKANKA TARA BA KAMPARINSKA Turi plamaika Kanra aisanka ba
7
Piska I.
Pulitik lâka tara ba (Baikanka silpi 1-12)
Piska II.
Tasba nani (Baikanka silpi 13-19)
10 16
Piska III. Wark yabanka bara warkka tanka nani (Baikanka silpi 20)
21
Piska IV. Kultara nata alkan, tawan silpi nani ra ai mihta wihki misin wal warkka ba (Baikanka silpi 21-23)
23
Piska V.
Pliska dawanka rayaka wihki wina tara yamnika kasak kaina kahbanka (Baikanka silpi 24-25)
26
Piska VI. Kul lâka bara pana pana aisaia yabalka nani (Baikanka silpi 26-31)
27
Piska VII. Kuntri wâla aikuki prawi aitabaikaia tanka (Baikanka silpi 32)
29
Piska VIII. Warkka wakaia ta bri nani ba (Baikanka silpi 33)
29
Piska IX. Daukaia tanka tarkika nani (Baikanka silpi 34-35)
31
Piska X.
31
Knata prakira lâka nani (Baikanka silpi 36-44)
Bila Kum wina bila walara lakan ba aitani kulkaia dukira aisi kaikan turka nani daukanba
34
3
Trida Wilkanka Lâka 169
4
“Miskitu wan yapti bila kat, trida wilkanka laka 169 ulbanba, sip kata lakaia MASTA(Miskitu nani asla takanka) bara proyecto Conservación de la Biodiversidad en Paisajes Productivos indígenas de la Moskitia Hondureña (UNDP-GEF) wiaba wal aitabaiki. Naha ulbankana Miskitu bila kasak kakaira nani daukansa, baha mihta MASTA naha ulbanka na baman, aitani kulkan sa”.
Aiwakikira
5
Trida Wilkanka Lâka 169
Drida laka N° 169 aitani kulki saín munanba, 1989 manka bilara (Indian nani an tribal nani pri kuntrika nani bilara)
Kuntri
Noruega México Colombia Bolivia Costa Rica Paraguay Perú Honduras Dinamarca Guatemala Países Bajos Fiji Ecuador Argentina Venezuela Dominica Brasil
Kli aitani win naniba ulbi dinkansa OIT bilara
19.06.90 05.09.90 07.09.90 11.12.91 02.04.93 10.08.93 02.02.94 28.03.95 22.02.96 05.06.96 01.01.98 03.03.98 15.05.98 03.07.00 22.05.02 24.06.02 25.07.02
Nina nani dinkanba 30/08/2002 wina naha piua kat.
6
WARK DUKIARA KUNTRI SUT ASLA TAKANKA TARA BA KAMPARINSKA OIT bui ai Dukia baku drida lakaba alki brinba, kuhbanka tara numba 76° li kati 27 yua 1989 manka bilara, ai karnika alkan wis kati yua 05 ra 1991 manka bilara, Handuras naha lakana aitani kulki alki brinsa 28 yua Kakamuk katira 1996 manka bila wina.
Turi plamaika Kanra aisanka ba Ginebra tasbaia ra aidrubanka daukan kan, wark dukiara apiska, ta brabrira nani mita, paiwan kata, Lihmairin kati matlalkahbi pura kum (7) yua, (1989) mânka ra, asla Takanka nûmba yawan aiska yumhpa pura matawalsip pura matlalkahbi (76) aidrubankara; Aut tani lâkatara bilara ulban yaba Laki kaiki, pramas wilkanka an maisapakanka nani ba, Indian uplika sut dukiara mangkanba (1957) mankara; Kupia krauki sa, Tasba Aiskara Upla Raitka Lâkabilara ulban ba; tasba aiska pramas takanka bilara, Lalah lainkara, asla iwan lainkara an iwanka patranka raitka nani ba; Tasba aiska pramas Takanka bilara La mapara bara pulitik mapara raitka nani ba sim; bâku sim, Tasba aiskara mayara kulkaya apia lâka ailal yus munan kan; Kulkanka yabi sa, (1957) manka wina pawanka ailal baraba, tasba aiskara, indian kiamka nani ba raitka lâka nani ba, kau karhnika pâwi aula sa. Bâku bamna nitka sim bâra sa, tasba aiska ra naha dukiara, lâ satka wâla nani sim mangki brin kaia, bâku nâtkara baman, blahsi piua wina lâ saura daukan nani ba diki sakan kaia; Raitka yabi sa, Indian Masraka nani brinka brî nani ba, ai apiska nani klauna brih wakan kaia, bâku sim ai iwan ka nâtka ba klauna tâ brin kaia, ai lalahka pawanka tânira, bâku sim, ai iwanka patranka ra, ai bila aisanka nani, ai priaska dukiara sin, kuntri tasbaia bila ra iwi lâka kat; Laki Kaiki sa, kuntri ailal bilara, Indian masraka nani ba, upla raitka kau târa nani ba sip kasak yus munras sa sim kiamka wâla nani yus muni ba bâku, baha mita, ai lâka tanka, ai iwanka patranka, an ai nâtka nani ba tiwi aula sa; Kupia krauki sa, indian masraka nani ai karhnika mangkan ba, kiamka nani satka sut dukiara, asla lâkara iwaya mapara, tasba rayaka wal yamni iwanka dukiara, bâku sim, upla tak pana pana lâkara an nûTakanka lainkara sin; 7
Trida Wilkanka Lâka 169
Laki kaikan sa, naha lâka ulban na, lâtara wâla nani ba wina alki ulban sa, baha nani sika: Kuntri sut Asla takanka ba, Plun Mangkaia bara Piaika Dukiara Kuntri asla takanka ba, kulsmalkanka, Sins lâka bara Iwanka tânka dukiara Kuntri Asla Takan ba, bara sin, Wan Wina Târa Yamnika dukiara Kuntri sut Asla takan ba sut bui tâbaikan warkka na daukan sa, bâku sin Abya Yala Tasbaia ra, Indianra Tâbaiki Apiska satka ailal ai pliska kat bangwi nani bui sin tabaikan sa, bâku bamna naha aslika lâka nani sut ba ban ai kainara dauki waia luki sa, lâka nara dia bapan ba kat daukan kaia dukiara; Indian nani dukiara, aisi kaiki lâ bapan kata, 1957 mankara (nûmba 107) ba kli laki kaikaia lukanka wal, kuntri ailal wina makabanka bapi nani ba alki kaikan ninkara, piu bani aisi kaikaia wauhkataya ra, nûmbika walhwal ra mangki bangwan sa, bara; wilkanka kumi dauki yaban kaia sa; bara indian masraka nani dukiara, kuntri asla taki (1957) mankara lâ bapan kan ba kli alki kaikaia dukiara; bâku bara lâka ba alki brin sa, Lîhkâti yawan aiska kum pura matlalkahbi pura kum yua ra, tausin kum pura andat matlalkahbi pura yumhpa pura yawan aiska walhwal pura matlalkahbi pura yumhpa mankara (1989), la raya bapuya na, nina mangkan kabia, Indian masraka alsut lâka:
8
Piska 1. Pulitik lâka tara ba Baikanka silpi 1 1. Naha lâka na yus munan kabia: a) Pri kuntrika bilara, indian masraka nani ai iwanka nâtka, ai pawanka tanka bara lalah mapara satka wâla iwi ba, masraka aslika wâla nani ba wal diprantka bâra nani ba, witin nani sin, aidaukanka nani ba silp ailukanka patranka wal iwi sa apia kaka lâ kum bui kulkan ka yabisa. b) Masraka pri kuntri tasbaya ra iwi nani indian kulki yaba, kan witin nani ba blahsi uplika nani kiamka ba mita, apia sa kaka sim, almuka nani ba tasbaya piska kumra iwi kan kau gabamint nani aipaswi piarkika apu kan taim wina, dia sat lâka munhtara iwi kabia sin, witin nani silp ai iwanka nâtkawâla bri sa, silp ai aslika, ai uplika, ai iwanka nâtka, ai lukanka patranka, politik apia kaka nâtka piska kum brisa. 2. Silp indian masraka baku ai dahra taki ya ba, kasak kulkan kabia, naha lâkana witin nani yûs munbia ai ilpka dukiara. 3. Naha lâka bilara, tawan uplika wisa bara tanka wâla brin kaia api sa wan raitka nani dukiara, naha ra aisi tanka ba karhnika yabi sa wan raitka kuntri aiskara bri yaba dukiara.
Baikanka silpi 2 1. Gabamint nani ba rait pali pâwaya warkka Indian masraka aikuki daukan kaia sa, pain bakahnu dauki raitka ilpka yaia dukiara, bâku muni lika rispikka aiskaba ban kaiara yabia. 2. Naha warka ra natka nani dinkan kaia sa: a) Indian masraka naniba, upla sut wal kumisa raitka ba yus muni kaia sa, sanska nani sin yaban Kaia,sîm raitka nani gabamint lâka bilara plis uplika wâlanani raitka bri ba bâku; 10
b) Indian masraka nanira raitka yan Kaia sa, uplika ra sapa, pain iwaia nâtkara sapa, lukanka patrankara sapa, baha tîlara rispikka yaban kaia sa, ai patrankara lukanka Sutra ai asla takanka lâka nani ra sin; c)Indian masraka nani ra tâ baikan kaia sa,umpira nâtka wina taki waia dukiara, bâku mika indian bara masraka wâla nani aikuki sim bâkunâtkara iwanka kat pain iwi kabia.
Baikanka silpi 3
1. Indian masraka nani ba, airaitka aiska ni pri lâka ra iwan kaia sa, pât apu kira, mayara kulkan nâtka apu kira sin. Naha lâka na yus munan kabia indian waikna bara mairin nanira wal sim bâku. 2. Karhna munan nâtka sat kumi sin apu, alki takaski munanka sin apu, raitka lâka nani ba krikaia apia, indian masraka nani mapara, naha wauhkataya bilara raitka ulban nani ba sin.
Baikanka silpi 4
1. Natka yamni kum bapi brin kaia sa, indian masraka nani, dukia nani, warkka, nâtka, asla takanka bara ritch ka nani aiska, kan kahbaia dukiara. 2. Baha Natka nani ba indian nani aipri ka lâkara kat, aibrinka nani aiska param saki, aisanka nani mapara apia kaia sa. 3. Kuntri luhpika bâku, Indian masraka nani ba ai raitka nani aiska briba mayara kulkanka satka kumi sin munan kaia apia sa, naha lâka bapanka bui.
Baikanka silpi 5
Naha lâka yus munûya bara: a) Yamnika yabi bara kan kahban kaia sa, silp kulkanka, warkka satka, nâtka, priaska, spiritka lâka nani ba sut ra, sim bâku pain laki kaikan kaia sa patka satka nani ba sut, daknira bara yakan kabia sin. b) Rispik munan kaia sa, kulkanka aiskara, daukankara bara indianka daknika aslika nani sutra.
Trida Wilkanka Lâka 169
11
c) Naha lâka na sip kabia Alki daukaia, indian kiamka nani ta baikanka ba wal, nâtka plikaya pat nani taki ba pura luwaia dukiara, iwanka bara wark raya taki ba mapara bapi buaia
Baikanka silpi 6 1. Naha lâka tara yus munaia bara, gabamint nani ba daukan kaia sa:
a) Aima banira lâ râya kum paskaia lukisa bara, baha lâka ba bui indian nanira sauhkaia sipsa kaka, kainara, witin nanira, bara ai aslika takanka nani ra sin, makabi wâlan kaia sa, nâtka wapni nani ba wal; b) Bilka nani bapan kaia sa bara baha bak indian nani ba pri lâka kat sip kabia tîlara dimaia, sim kuntry uplika wâla nani bâku, nâtka alsut ra, iliksan bak manki apiskara, bara manis muni apiskara, bara nâtkawâla nani bâra sa kaka ra sin, alsutra indian masraka nani ba sipsa dimaia ai raitka wal; c) Nâtka nani plikaia indian apiska bara lukanka pâwanka aiska tanka mapara, bara pitka ba kat yuwika nani yaban kaia sa naha warkka nani ba dukiara. 2. Makabi wâlanka nani daukaia ba, naha lâka târa yus munaia dukiara , kasakka lâka aiska wal daukan kaia sa bara tanka yamni kira wal indian masraka ainâtka bri ba kat, aikuki wilkanka kum briaia naha lâkara ulbanba dukiara.
Baikanka silpi 7 1. Indian masraka nani ba raitka brisa ai nîtka naniba, silp
12
ranhwa pliki sakan kaia, ai kainara pâwi waia lâkaba kat,witin nani rayakara ambuk munisa kaka, ai lukanka nanira sapa, ai apiska nanira sapa, ai yamnika spiritka lâkara sapa, bara ai tasbaia witin nani iwi yus muni nani bara sapa sin. Bâku sin, dia sip ba kat,lalahka lainkara, yamni iwaya lainkara, an ai iwanka patrankara sin selp ai pawanka lâka ba plikan kaia sa. Baha purkara, kuntri aiska pawanka warkka dauki ba tilara witin nani rayakara kangbi dukia nani sut tilara dimi; pura kaiki, laki kaiki aikuki warkka ba daukan kaia sa.
2. Indian masraka îwan nâtka, warkka takra ba, rayaka an kul lainkara kau bitar daukaia sa taim, kasak yamni kabia, indianka nani ba aikuki warkka ba daukan kaia. Bâku sin, lalah lainkara,pain pâwaia wauhkataya nani ba tilara aikuki warkka daukan kaia sa. Pâwanka warkka alsutba tilara, indian masraka pawaia nâtka yabalka plikan kaia sa. 3. Gabamint nani ba laki kaikan kaia sa, bilka bara taim, diara tanka sin pliki kaikaia sa, pana pana ilpka ba wal, pâwanka warkka dauki aula ba, tawan uplika nani ba tilara, rayakara, spiritkara, iwanka patrankara, bara ritchka nani ba tilara, ambuk munras sapa. Baha plikanka wina dia sakuya ba lukanka tara daukaia sa kau taura warkka nani daukaia ba tilara. 4. Gabamint nani ba kaina kahbaia warkka daukan kaia sa, indian nani tasbaiara ritska nani main kaikaia dukiara, indianka nani aikuki asla tankara.
Baikanka silpi 8
1. Gabamint lâka bilara ulbanba pitka kat yus munaiataim, Indian masraka nani iwanka nâtka ba, bara blahsi wina ai raitka nani bri ba dukiara sin kulkanka yaban kaia sa. 2. Indian masraka nani raitka brisa ai iwanka nâtka ba kat kaia, bara ai apiska nani ba sin ban brih yus muni kaia, sakuna naha daukanka na kuntri lâka tara nani ba mapara takras kaia sa, bara sim tasba aiska uplika raitka nani wal wapni kaia sa. Naha lâka mankbia taim, bânkra pât takbia sa kaka, wapni mankaia yabalka nani ba pliki sakan kaia sa asla lâkara. 3. Ulbanka daknika 1 an 2,Naha baikanka bilara ba dukiara sipapia sa indian masraka nanira ai raitka yûs munuia ba mapara takaia, kuntri bilara lâ nani sut ba pain yûs munan kaia sa.
Baikanka silpi 9
1. Kuntri bilara lâ nani ba wal sipsa kaka, bara sin tasba aiskara upla nani sut raitka dukiara lâ mankan ba wal sin mapara apia sa kaka, Indian masraka nani ba, ai uplika kum lâ pura luia taim, blahsi piua wina wihta nani ba nahki la dauki kan ba baku panis muniba, rispikka yaban kaia sa.
Trida Wilkanka Lâka 169
13
2. Gabamint tâ uplika bara lâ wihtka nani ba wal, upla kum lâ tara kum krikan sa kaka, lâka dauki piua ra, Indian masraka nani ai lâka dauki ba, kulkanka yaban kabia sa.
Baikanka silpi 10 1. Indian masraka nani kumra kuntri lâka wal panis munai taim, raitka sa laki kaikan kaia, witin nani iwanka, ritchka, bara blahsi piua wina ai lâka brih natka nani ba sin.
2. Lâka dauki ba tilara sanska yaban kaia sa, silakra dingkaia apia yabalka nani ba.
Baikanka silpi 11 Indian Masraka nanira sip taiban laka wal yaka wark karhna sâtka kumi sin daukan kaia apia, mâna aibapi apia prisant sapa sin apia, sip kabia lâ bak kuntri uplika tak ra taibi muni nani ba lika daukaia.
Baikanka silpi 12 Indian Masraka nani ba, raitka tiubiara dukiara, kaina kahban kaia sa, bâku sin, lâ dingkaia pyuara, yakan apia ai asla takanka bak daukan kaia sa, baku lika sipsa witin raitka ba rispit munan kaia. Natka nani sin plikan kaia sa, indianka luhpia nani ba turka wiba tak tanka briaia, bara witin aisi ba sin la uplika ba tanka brin kaia sa, sipsa kaka indian bila wina walara karbi lalakra pliki yaban kaia sa.
14
Piska II. Tasba nani Baikanka silpi 13 1. Naha Laka tara ra ulban na, gabamint nani ba rispitka tara
yaban Kaia sa indian masraka nani ai iwanka natknara bara ai spiritka natkara sin, kulkanka tara yabi ba ai tasbaia nanira. Natka nani sutra kulkanka yabi ba, kuna kau taura tara kulkan Kaia sa asla lakara lukanka nani bara. 2. Naha lâka tara nara nina “Tasba” win ba, baikanka silpi 15wihki 16 walra, baha ninaba mangkanKaia sa tasba piska târa kum bara indian masraka nani iwi ai warkka alsut dauki banghwi ba, natka nani tâkra, sakuna kau târa kulkan kabia, asla lakara warkka dauki nani ba.
Baikanka silpi 14 1. Indian masraka nani ba raitka brisa, ai tasbaya nani blahsi
piua wina briba dinauns muni taikilka dauki brin kaia.Baha purkara, nitkabarasa kaka, natka nani plikan kaia sa kaina kahbaia, indianka masraka nani ba raitka dukiara, tasba wala nani witin nani mihtara apia, sakuna blahsi piua wina bara wark takan sa kaka, kau tara kaikaia ba dakni nani kumkum plis wâlawâla nani ra wih iwi nani ba, apia kaka plis wâlawâla ra plun mangki nani ba rayaka iwanka tanka ba kasak alki kaiki tabaikan kaia sa. 2. Gabamint nani ba, nâtka plikan kaia sa Indian masraka nani blahsi wina ai tasbaia bri nani ba, kaina kahban kaia sa, ai tasbaia nani ba taikilka dauki briaiaba raitka dukiara. 3. Kuntri lâkanani tîlara, nâtka kasak nani ba mangkan kaia sa Indian masraka nani ai tasbaia dukiara blahwi naniba wapnika mangki yabaia dukiara.
16
Baikanka silpi 15 1. Indian raitka ba ai tasbaya bila ra richka nani bâra yaba
kâu taura pain main kaikan kaia sa: naha raitka dukiara aisi ba sika tilara bara sa richka nani ba pain main kaiki yus muni bri kaia ba dukiara 2. Bânkra baha rich nani Indian tasbaya mununtara bara yaba gabamint dukia sa kaka, apia rich wâla bara yaba witin nani aidukia kabia sin gabamint nani ba pain lâkara Indian nanira makabi wâlaia sa, bara laki kaikaia naha warkka rich ka sakaia daukbia taka wina Indian nanira pât nani balaia sip sapa tanka briaia, apia kaka sin rich ka plikaia, warkka kum daukuia sapa, apia ritch ka sakaia warka kum daukaia lukbia sa kaka, Naha indian tasbaya bilara. Bâku takuia sa kaka Indian pliska uplika nani sut kira aikuki daukan kaiasa ilpka ba briaia dukiara, naha warkka wina, bara sin bânkra pât aula sa kaka sin dukiara pâtka praiska mana kum aibapan kaia dukiara.
Baikanka silpi 16 1. Naha baikanka silpi taura ulban yaba wisa, Indian
masraka nani ba ai pliska iwi ba wina saki plis wâlara lakan kaia apia sa. 2. Pat tara kum bâra ba bui naha indianka nani ba plis wâlara lâkaia nitka takbia sa kaka sin, daukan kaia sa indianka nani au wisa kat, baha ba pain win kaia bara tanka pain brin kaia sa. Nâtkawâla apu sa pain nâtkara makabi wali pâtka tanka sut nû takbia taimra daukaia. Witin nani sip aitani wiras kabia plis wâlara lâkaia ba dukiara, sipsa ban gabamint lâka bila ulban ba wal daukaia, nahanâtkara win sa public ra makabi wâlaia tanka ban naha masraka ta bri uplika nani bak ki. 3. Sipsa kaka, naha masraka nani kli ai tasbaya ra balaia sa, blahsi pyua ra iwi kan yabara, ani taim trabilka nani witin nani ra munan plis wâlara lâkan kan nani ba, kli wapnika aimakan sa pyua ra.
17
Trida Wilkanka Lâka 169
4. Kli ai pliskara tawi balaia ba sip apia kabia sa kaka, aisi kaiki kupia krauki wal, apia kaka kupia kumi daukras kabia sim, yabalka kasak kum wal sip kabia sa, pliska dawanka nani ba brih bangwan kaia, yabalka satka sut wina, tasba satka yamni kum, tasbaia wauhkataya ba, witinka nani kaina piua ra brih bangwi kan ba bâku kaia, bâku sin, ai trabilka nani wapnika mangkaia sip dukia kaia sa. Ani taim Pliska dawanka nani ra patka mâna aibapaia ba aitani lukuia sa kaka: lalah wal apia kaka diara wâla wal mâna makabia sa kaka, yan kaia sa naha patka mâna aibapanka ba, kaina kahbaia pitka kat yaban kaia sa. 5. Patka praiska mâna ba aiska pali aibapan kaia sa, naha uplika nani Plis wâlara laki yan iwan nani bara, bankra dukia tiwan dukiara sapa apia kaka dukia sauhkan, pat wahwan nani ba, naha lakanka taka mita.
Baikanka silpi 17 1. Rispik munan kaia sa, naha smalkanka dauki aula ba
tasba raitka dukiara, Indian bâku, dauki aula yaba ra, kan baha ba witin nani silp mangkan sa bamna. 2. Pliska dawanka nani ra makabi wâlan kaia sa, ai tasbaya upla wâlara yabaia takbia kaka, bâku sin ai tasbaya raitka nani ba nâtkawâla wal praki daukbia kaka, plis wâla nani ra lâkaia takbia kaka. 3. Aitani apia kulkan sa swika trinsar nani dimi indian patranka nani brih silp ai ilpka dukiara daukaia, ban kra lâ tanka pain brisas ba mita, taibi muni tasbaika nani ba dakbi briaia munbia kaka.
Baikanka silpi 18 Lâ bilara mangkan kaiasa, saurka lâka mana ba dukiara,
baha uplika nani tankas adar apukira ban ai karhnika wal naha tasbaikara dimaia munbia kaka, bâku sin baha tasbaikara diara sakaia adarka apu yus munaia sin sip apia sa. Gabamint nani ba mita sipsa takaskaia naha dukia nani mapara takbia kaka.
18
Baikanka silpi 19 Kuntri bilara, plun sakaia warkka nani dauki yaba, ai
bisniska sa, indian nanira sin ilpka lâka yabaia sim wâla nani ra dauki bâku, ba mita: a) Tasba piska kau praki yabaia sa nitka bara sa kaka, apia indianka tasbaya bri ba uba silpi bara ainitka nani sut sip briras sa kaka sin, bâku sin kiamka nani kau sahwi ba mita sin; b) Bilka nitka nani ba yabaia sa,tasba warkka dauki ba wal, pâwaia, kan witin nani ba pat aitasbaya bri sa bamna.
19
Trida Wilkanka Lâka 169
Piska III. Wark yabanka bara warkka tanka nani Baikanka silpi 20
1. Gabamint nani ba ai lâka bilara mangkan kaia sa, indian uplika aikuki asla wark taki nâtka kat, lâka ba bui indian wark tatakra ra kaina pain kahbaia dukiara la pain kum manki sur munaia sa, kaina pain kahbaya kantrak kum daukuya bara, an wark takaia nâtka nani gabaimint lâka bilara bara ba uya pain apia sa kaka. 2. Gabamnit nani ba, witin nani dia daukaia karhnika bri nani ba alki daukan kabia, pliska dawanka nani ra, wark tatakra nani sut tila wina mayara kulki lâkanâtka nani ba wapnika mangkaia dukiara, kau pali ba naha piska nani sa: a) Wark briaia sanska bara pyua ra, indian kul diman nani warkka, bâku sin aisanka daukaia kau wark nani pain briaia nâtka dukiara sin; b) Ai mana pitka kat briaia,warkka praiska ba kat; c) Ai wina tara wihki ai rayakara ilpka lâka nani brin kaia sa, wark nani dauki bilara, warkka taka mana, wan wina iplka dukiara, bâku sin wan warkka dauki taka ilpka ba, an sin utla ilpka raitka ba sin; d) Asla takaia raitka brin kaia sa, la wal, wark uplika aikuki prawi wark dauki nani sut tilara pri lâka kat dimi tabaikaia raitka brih bangwi kaia sa, bâku sim, kampani ta bri uplika nani apia kaka, ta bri uplika daknika nani wal prawi ai raitka plikaia sanska brih bangwi sa. 3. Wark daukaia yabalka mangki bangwan kabia ba, kau pali ba ai lâka tilara brin kaia sa:
21
Trida Wilkanka Lâka 169
a) Indian Masraka tila wina wark tatakra barasa kaka, wark tara, silpi, Kuntri walara wih taki nani tilara, baku sin tasba warkka daukisa sapa apia satka wala nanira takisa sapa sin, gabamint lâka tilara wark lâka plamaia ra dia ai raitka bri nani ba sut yaban kaia sa, sim nisan wala uplika nani raitka bri baku yaban kaiasa, bâku sin dia ai raitka bri nani ba maisapakan kaia sa, wark lâka bilara dia bapan ba kat daukan kaia sa; b) Indian masraka wina wark tatakra nani ba, ai rayaka nani mapara sibrinkira warkka dauki taki kaia apia sa, kau pali ba sika puisin nani wal wark dauki nani ba; c) Indian masraka wark tatakra nani ra, taibi munan lâka wal wark kantrakka kum ra dingkan kabia apia sa, baha tilara dimi sa, tras kum bri dukiara upla albika takaia apia sa; d) Indina Masraka wina wark tatakra nani ba, waitna wihki mairin nani ba sin, wark briaia sanska ba kiamka wâla nani bâku sanska brin kaia sa, baha purkara, wark ta bri uplika nani bui wark uplikka mairin nani ra, wark dukiara priskaia lâka nani mapara kaina kahban kaia sa. 4. Indian masraka wark tilara dimi wark dauki pliska nani ra wih pura kaikan kaia sa, warkka ba daukaia dukiara yabalka aitana kasak nani kuakan kaia sa, bâku sin, naha aisi kaiki lâka bapanka na dia aisi ba kat daukan kaia dukiara.
22
Piska IV. Kultara nata alkan, tawan silpi nani ra ai mihta wihki misin wal warkka ba
Baikanka silpi 21 Indian masraka nani ba sut, kultara dimi nata alkaia pliska nani brih kaia sa, kiamkka wâla nani brih bangwi ba bâku.
Baikanka silpi 22 1. Natka nani plikan Kaia sa indian masraka nani ba silp ai
kupia laka wal, kultara dimi nata alkan kaia, ai kupia lâka wal diman kaia, upla sut dimi nani pliskara. 2. Kultara dimi nata alkaia pliska nani upla sut dukia bangwi ba, indian masraka nitka nani kat tabaikan yaras kaka, gabamint bui mangkan kaia sa, indianka luhpia aikuki prawi, witinka nani dia ai brinka ba kat kul tara nanira mangkan Kaia sa. 3. Naha kulka tara watla nani ai warkka ba indian pliskara nahki iwi bangwiba natkara wark daukan Kaia sa, ai rayaka pawanka tanka ra, blasi piua wina nahki nâtkara pâwanka alki balan ba, bara pliska uplika brinka nani kat kulka yaban kaia sa. Naku kulka kuakaia dukiara, tanka pliki kaikaia warkka nani ba, pliska uplika aikuki prawi daukan kabia, bahara makabi wâlan kabia, kulka ba nahki nâtkara bukaia tanka bâku sin, warkka daukaia tanka nani. Sip kabia sa kaka, kulka ba ai kainara wabia taim, indianka luhpia nani mihtara mangkan Kaia sa.
23
Trida Wilkanka Lâka 169
Baikanka silpi 23 1. Ai Mihta ni paskan warkka nani, tawan silpira asla lâkara
dauki warkka nani, bara blahsi wina dauki warkka nani ba, Indian masraka ban raya Kaia warkka tilara sa: antin takaia bâku, miskaia warkka bâku, pispat satka sut wal alki warkkabâku, turbi sakaia warkka nani ba sut ra kulkan ka tara yabankaia sa, kan naha nani ba Indian raiaka bilara karhnika tara pali bamna, kan baha warkka nani ba wal, indian nani ba ai iwanka nâtka bara patranka nani sut ba taura brih wisa tikraskira. Indian masraka nani aikuki, sanska bara taim, gabamint nani ba kaina kahban kaia sa naha nâtka nani ba tikras, kau karhnika yabi bara dauki kaia dukiara. 2. Indian masraka nani makabanka wal, sipsa yaban kaia, aitani sa kaka,sins lâkara ilpka bara lalah lainkara sin ta kasak baikan kaia, auya tikras kira indian nani blahsi wina dauki dukia nani ba, bara iwanka plamaika nani ba sin, bâku sin silp ai nâtka kat pawaia lâka nani ba tara pali kulkan Kaia sa.
24
Piska V. Pliska dawanka rayaka wihki wina tara yamnika kasak kaina kahbanka Baikanka silpi 24 Rayaka kasak main kaikaia lâka ba, tawa, tawa indian nani sut brin kaia sa, barayus munan kabia mayara kulkraskira.
Baikanka silpi 25 1. Gabamint nani bui kaina kaikan kaia sa, wina tara yamni
briaia warkka kasak nani ba Indian masraka mihta ra mangkan kaia, bâku sin witin nani mihtara mangkan kaia sa sanska nani, kan baha wal witin nani sip kabia ridi taki bara ranhwa lâka ra baha ilpka nani briaia, bâkunâtkara sip kabia ai wina tara an ai sinska mapara, kasak yamni tara bri kaia. 2. Wan wina tara yamnika warkka ba daukan kaia sa, tawan uplika aikuki dia sip ba kat, Naha ilpka nani ba ridi taki bakahnu manis muni daukan kaia sa, indian masraka sut aikuki, bara sin nû kaia sa, naha uplika nani nitka, dia sat tasbaya ra iwi yaba, uplika nâtka bara ai iwanka patran ba sin. Baku sin, nahki muni ban rayakaia nâtka, sins nâtkara, inhtawa saika blahsi wina dauki aula ba sut. 3. Wan wina tara yamni briaia warkka nani tilara, pas taura sanska yaban kaia sa, tawanka uplika nani ra kulka dimaia, bâku sin warkka takaia ra sin, bâku sin upla rayaka dukiara kaina plapan kaia sa, wan wina tara yamnika warkka satka wâla nani wal kasak maisa wilki, ban brih warkka ba daukan kaia sa. 4. Wan wina tara yamnika dukiara warkka dauki nani ba, bakahnu daukan kaia sa, Kuntri bilara pawanka warkka, iwanka nâtka, patranka nani, wan kuntri bilara aitani kulkbia ba
26
Piska VI. Kul lâka bara pana pana aisaia yabalka nani Baikanka silpi 26 Nâtka nani plikan kaia sa Indian masraka nani ra sanska
pain yabaia dukiara bara kulnani ba satka sutra aitani diman Kaia, sim kuntri bilara nisan wâlanani raitka bri wal bâku.
Baikanka silpi 27
1. Kul smalkanka bara warkka nani Indian masraka nani lahma ulban ba, daukan kaia sa bara yus munan kaia sa indianka nani aikuki asla lâkara, bâku lika witin nani silp ai nitka ba kat mangkan kabia,bâku sin Indian nani turka dahra, sinska lâka, nâtka nani, kulkanka satka sut, bara ai iwanka nâtka, lalah lainkara ba sut mangkan Kaia sa. 2. Gabamint nani ba nâtka pliki wilkan Kaia sa, indian masraka nani ba smalkanka satka sut ra diman Kaia ba dukiara, bâku sin indianka nani ba kul lainkara smalkanka ulbiba, bara dauki ba tilara manki aikuki warkka ba daukan kaia, bâkulika tawa tawa indian masraka nani alki brin kabia kul lainkara warkka nani ba tak, sip kabia kaka. 3. Baha purkara, gabamint nani ba, indian masraka nanira raitka yaban Kaia sa, silp ai apiska nani mankaia bara kul warkka nani ba sin, bâku sin warkka daukaia apiska nani ba, gabamint bara indian nani aikuki asla lâkara, la plamaika bapan nani ba wal aitani Kaia sa. Baha warkka daukaiara dia dukia nit takisa kaka, sut ba yaban Kaia sa.
Baikanka silpi 28
1. Gabament nani, Indian luhpia nanira smalkisa taim, sipsa kaka, silp aibila ba katkaia sa, bâku apia kaka, witin nani ani bila kau aisi yus muni banghwiyaba ra smalkan kaia sa. Baha ba sip apia kabia sa kaka, kuntri lalka nani ba, indian masraka nani ra makabi wâlan kaia sa, nahki nâtkara naha warkka na daukaia sip kabia sapa. 27
Trida Wilkanka Lâka 169
2. Nâtka yamni nani plikan kaia sa, indian masraka nani ba, kuntrika bilara aisi bila ba pain lan takan Kabia dukiara, bâkuapia kaka, kuntri bilara aisi bila nani ba wina kum lan takan Kaia. 3. Nâtka nani plikan kaia sa, Indian masraka nani aisi bila ba, main kaiki tikras kira yus muni kaia dukiara, bâku sinbila nani ba pakaia bara piua wihka yus munaia warkka nani daukan Kaia sa.
Baikanka silpi 29 Kulra smalkaia plamaika kum ba Indian luhpia nani ra
smalkan kaia sa, sinska lâka aiska mapara bara wark nani lainkara sin, bâku lika sip kabia, wâla nani wal bâku, ai tawanka warkka nani ba kasak alki brih wabia, bara kuntri pâwaia warkka nani ba sin.
Baikanka silpi 30 1. Gabamint nani ba kaina kahbaia warkka daukan kaia
sa, indian masraka iwanka patranka ba kat, baha ba wal, indian ai raitka nani, brih daukaia dukia nani ba marikan kaia, kau pali ba wark lainkara, lalah, kul an wina tara yamnikara sin, naha lâka wina raitka nani bal taki ba sut brin Kaia dukiara. 2. Baha dukiara, nitka bara sa kaka, wauhtaya nani ba indian masraka bila kat lakan kaia sa, bâkusin upla aiskara maisa pakiba dukia nani ba yus munan kaiasa indian nani bila ba kat.
Baikanka silpi 31 1. Gabamint nani ba kaina kahbaia warkka daukan kaia
sa kuntri aiska bilara, kul lainkara, pas taura tawan nani indian masraka lamara iwi mahwi ba, baku lika Indian dukiara lukanka Saura nani bri ba tikankabia. Baha dukiara, trai kaikan kaia sa, blahsi dahra wauhkataya wihki smalkaia wauhkataya nani sut ba, indian turka dahra, bara wâlanani turka wal baku ulban Kaia sa.
28
Piska VII. Kuntri wâla aikuki prawi aitabaikaia tanka Baikanka silpi 32 Gabamnit nani ba nâtka nani plikan kaiasa, Kuntri wâla
gabamintka wal wilkanka nani dauki kira, bâkulika Indian kiamka nani kuntri wâla bilara iwi nani aikuki prawi panapana aitabaikan kaia dukaira.Tila bara mangkan Kaia sa, lalah, Yamni iwaia, iwanka patranka, spiritka bara richka nani sut lainkara aikuki asla wark takan Kaia sa.
Piska VIII. Warkka wakaia ta bri nani ba Baikanka silpi 33
1. Gabamint lalka ba nâtka nani plikan kaia sa naha lâka tara na mankaia dukiara, nitka sa kaka apiskum mangkan kaia sa Indian masraka nani ba ta briaia dukiara, bara baha apiska dia nitka bri ba aitani kat yan kaia sa naha warkka na Yamni brih imhpakaia sa kaka. 2. Baha warkka tilara bri kaia sa: a) Ridi takaia, pana pana aitabaikaia, warkka daukaia bara pura sin kaikaia, indian masraka aikuki bakahnu daukan kaia sa, naha lâkara dia ulbanba kat; b) Kuntri lalka nanira wisa, lasatka wâla nani daukan Kaia sa, bâku sin, lâka nani ba bapi mangkan Kaia sa indian masraka aikuki asla.
29
Trida Wilkanka Lâka 169
Piska IX. Daukaia tanka tarkika nani Baikanka silpi 34 Naha lâka bapan ba kat daukaia dukiara, nâtka sat ailal plikan kaiasa, baha nâtka nani ba swapni wal mangkan kaiasa kuntry bani ai nitka ba kat.
Baikanka silpi 35 Naha lâkatara na bapuia taim, lâ satka wâla nani bilara
Indian raitka karhnika yaban nani ba, mayara batahkan kaia apia sa, baha lâka nani ba sip Kaia sa, kuntri wâla aikuki prawi lâ bapan nani, wilkanka daukan nani, blahsi piua wina ai lâka bri kan nani, iwanka plamaika nani, kuntri bila ba kat wilkanka daukan nani ba sin.
Piska X. Knata prakira lâka nani Baikanka silpi 36 Naha lâkatara na, kainara indian masraka satka nani sut dukiara lâ tara wâla paskan kanyaba1957 mankara, baha watlikara naha na mankisa.
Baikanka silpi 37 Naha lâka tara na, kuntri bani gabamint kaba sain munan kaiasa, bâku lika ai kuntri lâkabâku daukisa, Sain munûya taim Wark Dukiara Kuntri Ailal Asla Takanka Apiskara Ta bri Nani ra maisa pakan kaiasa, buk tara ra nina ba ulban kaia dukiara.
Baikanka silpi 38 1. Naha lâka tara na bui, taibi munan kabia, ani kuntri ka sain muni bara ai nina dinkan nani bara baman.
2. Naha lâka tara na karhnika alkan kabia, kuntri wal sain muni ai nina dinki luan wina kati matawalsip pura wal alkbia ba kat.
Trida Wilkanka Lâka 169
31
3. Baha piûa wina, naha lâka na karhnika alkan kabia, alsut ra, sain munan bara ai nina dinkan pyua ba wina kati matawalsip pura wal (12) lubia ninkara.
Baikanka silpi 39 1. Naha lâkatara na sain munan kuntri ka nani ba sip kabia
ai nina ba burbi sakaia, mani matawalsip alkbia taim, lâkakarhnika alkan piua ba wina, baha ba wauhtaya kum ulbi Wark Dukiara Kuntri nani Asla Takanka ta bri uplika ra blikan kaiasa. Burbanka ba karhnika alkan kabia, makabuya pyua ba wina mani kum alkbia ba kat. 2. Kuntri bani naha lâka tara na sain munan nani ba, mani matawalsip alki luan ninkara, kli mani kum bilkara, ai nina burbaia makabras kaka, baha raitkaba tiwisa, bara taibi munan kabia, kau ai kainara mani matawalsip wâla kum bila kaikaia, bara sin ai kainara, naha raitka ba yûs munaisa kaka, mani matawalsip alkuia bani kat lika daukaia sip kabia, sim naha lâkara ulban ba bâku.
Baikanka silpi 40 1. Wark Dukiara Kuntri nani Asla Takanka Tâbri Apiska bui,
alsutra maisa paki kabia, kuntri ân sain muni ba, winanka dauki nani ba bara burbaia makabi nani ba sin. 2. Asla Takanka lalka nani ra maisa pakuia taim ani kuntrika pat mani matawalsip alki luan nani kli nahalâka na sain munûia sa kaka, asla takan daknika tila ra bangwi nani sut ra maisapakan kabia, ani piua wina naha lâkana kli karhnika alkuya sapa.
Baikanka silpi 41 Wark Dukiara Kuntri nani Asla Takanka Apiska Ta bri ba
mihta maisa pakan kabia, Kuntri tak Asla Takanka Aiyulbrika ra, wauhkataya ra ulbi swiaia dukiara, Kuntri tak Asla Takan Lâka Wauhkataya Plamaia ra, Baikanka Silpi 102 ra dia bapan ba kat, turka tak, kuntri an ai nina sain munan sapa, winanka daukan sapa, bara ai nina burbaia makaban sapa, naha lâka tara nara dia bapan ba kat.
32
Baikanka silpi 42 Ani taim nitka bara sa kaka, Wark Dukiara Kuntri nani Asla
Takan Apiska ta bri ba mihta ulbi maisa pakan kabia kamprins uplika nanira, nahki nâtkara naha lâka na ai warkka dauki auya sapa,bâku sin, nitka bara sa kaka, laki kaikan kabia, naha lâka na piska kum apia aiska sut.
Baikanka silpi 43 1. Bankra Kamprinska ba, naha laka baku walara ya kum daukuia sa kaka, naha lâka na aiska apia kaka piska kum ba laki, praki kaikan Kaia sa,apia lâ raya ba mihka bâku apia wisa kaka lika sip daukras kabia:
a) Lâkatara raia sakuia ba, kuntri kum mita sain munûia sa kaka, naha lâka na selp wina tiwisa (ipso jure), sakuna, Baikanka Silpi 39 ra bapi mangkan ba ban kabia ani taim lâka raia ba aikarhnikabribia ba kat; b) Ani taim wina lâkatara raia ba karhnika alkan piua wina, naha lâka na prakan kabia kuntri nani kau ai nina sain munbia apia dukiara, 2. Naha lâka tara na ai karhnika aiska ba ban bri ai taura wabia, ani kuntrika naha lakana sain munan, sakuna, lâ tara raia takuia bara sain munras nani ba.
Baikanka silpi 44 Naha lâka tara na, inglis bilara wihki prins bilara ulban ba walsut, kasak atia sa.
33
Trida Wilkanka Lâka 169
Bila Kum wina bila walara lakan ba aitani kulkaia dukira aisi kaikan turka nani daukanba
34
1 2 3 4 5
Adoptar Afirmado Además Afirmado que los pueblos indígenas Arreglos constructivos Artesanía, las industrias rurales y comunitarias
6 7 8 9 10 11 12 13 14 15 16 17 18 19 20 21
Artículo Asamblea General Asimilación forzada Asimilación Asistencia sanitaria Asistencia Técnica y Financiera apropiada Asumir progresivamente Autogobierno Autonomía Autosuficientes Capitulo Celebrando Civilizaciones Conciencia Conquista o la colonización Consentimiento libre, previo e informado
22 23 24 25 26
Conservar y reforzar Considerando Consiente Convencido Convenio
27 28 29
Criterio fundamental Cuidados primarios de salud Declaración de las Naciones Unidas
30
Declaración universal de derechos humanos
Alki briaia Baku sin kli aitani wisa. Aitanika wisa indian masraka naniba Pawaia wapnika nani Mihta wakka, tawan silpira asla lakara dauki warkka nani Baikan sirpi Dakni aiska aslika Taiban wal lân takan Natka wala anhtikan Wina tara mapara yamnika ilpka Aitani sins smalkanka bara lalah yabanka natka Tawatawa alkankaia Silp gabamintka. Ranhwa laka / pri laka wal pawaia Silp aitani ba Baikanka tara Liliasa Masraka nani pawanka. Lukanka Taibi muni dukia dakbaia laka Pri lakara, kaina manis smalkanka Wal aitani takan lukanka Main kaiki tâ baikaia. Kulkanka Yabisa Sut nusa Kasak Nûsa Trida laka, Wilkanka laka, Kuntri sut asla taki lâ tara bapan ba Lukanka plamaika Isti wina tara ilpka Kuntri aiska aslika bui aitani kulkan ba wauhkataya Tasba aiskara upla raitka yaban ba
31 32 33 34 35 36 37 38 39 40 41 42 43 44 45 46
Derechos consuetudinario Derechos dimanantes del presente convenio Derechos humanos Desarrollo sostenido y equitativo Destacado Dignidad Discriminación Diversidad de sus culturas Doctrina Ecología de la humanidad En lo sucesivo Enajenarles sus tierras Entorno económico Entrará en vigor Evolución del derecho internacional Exposición a plaguicidas o sustancias tóxicas Filosofías Flexibilidad Formación profesional Fortalecer las identidades Frontera intelectual Funciones autónomas Garantías apropiadas Hostigamiento sexual
Blahsi wina ai lâka dauki ba Naha lâka wina taki raitka nani ba Upla nani raitka Main kaiki bakahnu yus muni Pura luisa Yamni wal Mayara sa luki yaba. Iwanka natka satka wala nani Indian lukanka apia smalkanka. Upla nani iwanka natka Naha wina ai taura Tasbaika dakbaia Lalah lainkara Karhnika alkbia Tasba aiskara raitka pâwanka Puisin nani sut wal takiba
58 59 60
Indemnizarse Injusticia histórica Instituciones políticas, jurídicas, económicas y sociales. Intrusión Ipso Jure La denuncia inmediata de este convenio
61
La naturaleza
Lal mana aibapaia Blahsi wina patkas pat wauhan. Politik, lâ, kakah bara iwanka natka apiska nani. Mutuanka Silp sins takan kaia Mala ai nina burbaia naha lakâ tara na wina. Tasba wina pâwan dukia nani
62 63 64 65
Legislación laboral Legislación nacional Libertades fundamentales Libre determinación
Kark takaia lâka Kuntri bilara laka nani Pri laka plamaika. Pri lakara aitani kulkanka
47 48 49 50 51 52 53 54 55 56 57
Lukanka plamaika Suapni wal Kul dimi lan takan natka Silp ai kulkanka ba tâ baikaia Sinska laka piarkika Ranhwa warkka. Lal mana kasak ba Karnika wina ûr takaia lukanka
35
Trida Wilkanka Lâka 169
66 67
Libres e Iguales a todos los demás pueblos Lugares Arqueológicos
68 69 70 71 72
Menoscabo Modalidades de transmisión Observando las normas internacionales Observando Oficina internacional de trabajo
73 74 75 76 77 78 79 80
Organización internacional Países independientes Participan Plenamente Preocupado Procedimientos apropiados Proclama Solemnemente Programas Programas de formación profesional
81 82 83 84
Propaganda Propiedad intelectual Proposiciones Protección eficaz en materia de contratación Pueblos indígenas y tribales Pueblos Nómadas
85 86
36
Prî bara masraka sut aikuki baku. Almuka nani dukia bara pliska Kau isti dauki natka. Mayara kulkanka Walara lakaia natka nani Kuntri wala nani bapan natka nani ba laki kaiki Laki kaikan /waki kaikan Wark dukiara kuntri sut asla takan apiska Kuntri wala aslika Prî kuntrika nani Rait pali dauki yaba Warisa Daukanka Yamni nani Winisa klirkira pali Ulki saki briba Kul lainkara smalki pakaia ulbanka Smat smalkanka Silp daukan raitka Makabanka nani Wark mapara kasak kaina sunanka Indian masraka nani sut Plis kumira iuras indiaka masraka nani Kli aitani wisa.
87
Que la conferencia adopte un nuevo convenio
88 89 90 91 92
Reconociendo Región geográfica Respetar y promover Restitución establecida Revitalizar
Aitani kulkan sa Tasbaia piska Rispit wal marikaia. Sauhkanka kli paskan ba natka Kli rayaka paskaia.
93 94 95
Restitución establecida Satisfagan las normas mínimas Sindicales
Kli rayaka paskaia. Pura kaikaia Natka bapanba âitani daukan kaia Wark tatakra airaitka dukiara asla takan ba
96 97 98 99 100 101 102 103
Sobrevenidos Sociedad democrático Subrayando Subsistencia Sus propias costumbres o tradiciones Tecnología Teniendo Presente Trabajadores estacionales, eventuales y migrantes
104 105 106
Transparentes Transparentes Urgente necesidad
Purara balan ba Pri lakara iwi nani Markka manki wal Raia kaia Silp ai iwanka natka tradiciones Taim raya yus muni dukia Lukanka kat brih wal Wark uplika pyu banira takiba, sam taim takiba, kuntri wala wina balan ba. Blahsi wina Klir lâkara Isti Nitka
37
Trida Wilkanka Lâka 169