Sentitu, pentsatu, kontrastatu eta, ondoren, ekin

5 urtebetetzea: Pentsionistak eta Astelehenak

“Factor de sostenibilidad” eufemismoa erabilita, Mariano Ra joyren gobernuak pentsioak murrizten joateko bidea jarri zuen martxan; pentsioak erdira jaisteko zorian utzi zituzten eta urte gehiegitan pentsioak prezioen igoeren azpitik eguneratu ziren

G iro horretan, 2018ko urtarrilaren 15ean, Euskal Herriko Pentsiodunen Mugimendua (EHPM) sortu zen Bilbon Harrezkero, ia etenik gabe Euskal Herriko herri gehienetan astelehenero

12:00etan pentsioak defendatzeko elkarretaratzeak egiten dira Gainera, "zerbitzu publikoak" ere defendatzeko konpromiso irmoa hartu da; osasuna eta zaintza, besteak beste Zestoan 2019an hasi ginen elkarretaratzeekin Gurutzean elkartzen gara batzuetan gehiago eta bestetan gutxiago

Anbulatorioko sarreran egon gara pare bat aldiz, bertako langileei babesa emanez; Correos-eko bulego zaharra itxi zenean ere han izan ginen Banketxeek zaharrei arreta txukunagoa aldarrikatuz Kutxabanken aurrean ere egon ginen Orduan izan zen elkarretaratze handiena

Bost urte hauek ez dira alferrik izan "Factor de sostenibilidad" delakoa bertan behera uztea lortu da eta horrekin pentsioak prezioen pare igotzea (%8 5 aurten) 1080 euroko gutxiengo pentsioa, ordea, oraingoz ez da lortu Hau litzateke EHPMren balantzea Zestoara etorrita, gurea bezalako herri txiki batean pankartaren atzean elkartzeak zentzurik ba al du? Beste herrietakoen antzera zalantza hori maiz eduki arren, ez daukagu zalantzarik: kanpotik Zestoari begira ez dago inor, baina Mugimenduaren indarra ez dago hiriburuetako bilkura handietan bakarrik mugimenduaren indarra Euskal Herriko herri txiki eta handietan zabaldua eta sustraitua dago

Astelehenetako elkarretaratzeek 15 minutuko iraupena izaten dute Elkar ikusteko aukera emateaz gain pentsiodunoi dagokigun berriren bat partekatzeko aukera ere bada; hobetu beharreko arloak, kezkak plazaratzeko balio digute Honenbestez, irakurle, gonbidatuta zaude, astelehenera arte!