1. MENSAJEN ADMINISTRADÓR MUNISIPIU LIQUIÇA Hahu husi tinan 2011 wainhira assume responsabilidade hanesan Administradór ne’ebe representa Municipiu Liquiça nu’udar momentun depositadu fiar ida husi Governu Sentral iha periode 2011 to’o ba periode 2020. Ne’e mós hanesan periode ida mak hau afirma husi jestaun no resultadu ne’ebe mak demostra diretamente realidade ne’ebe hau mensiona iha tuir mai. De faktu Administração Municipio Liquiça sob tutela Ministeriu Administrasaun Estatal ho atribuisaun kompetensia sira turi Dekretu Lei no. 3/2016, 16 marsu, ne’ebe kontribui barak ka oitoan ba mudansa no transformasaun ba Munisipiu ida ne’e. Molok termina hau nia servisu nu’udar dirijente iha instituisaun ida ne’e [Administração Municipiu Liquiça], necessariu no importante atu informa ba povu konaba servisu nebe durante ne’e hau ho hau nia estrutura hala’o hodi fo atendimentu ba povu iha municipiu ida ne’e. Asaun no progressu nebe ami hala’o hatudu iha dokumentu ida ne’e, hanesan informasaun ba povu no ba sociedade tomak konaba servisus no responsabilidade nebe ami empenha. Nu’udar dirjente ba municipiu ida ne’e ho Estrutura Municipiu no Posto Administrativu sira, rekonhece katak, durante ne’e ami la la’o mesak maibe hetan apoiu husi komponente hotu, li-liu Liquiça oan sira liu husi kontribuisaun direta no indireta, ideias no hanoin balun husi entidades sira mak hanesan Komandu PNTL Municipiu, Associasaun dos Verteranus, Associasaun dos Intelektuais, Diresaun Servisus Municipal, Delegasaun Territorial, Chefe de Sucos ho Organizasaun Feto, Organizasaun Juventude, CCI, Setor Privadu, Sociedade Civil no komponente hotu, nune’e resultadu servisu ida ne’e, ita hotu nian. Durante hala’o ami knar, ami hasoru dejafiu, maibe, la’os obstakulu ba ami. Dejafiu tanba dalaruma ita la intende ba malu, la rona ba malu, la husu ba malu no dalaruma ita la sai parseiru maibe, sai fali adversariu iha processu governasaun. Hanesan humana ami la perpetua no rekonhece ami nia frakeza, maibe, ami hatudu ami nia pratika no asaun. Pratika no asaun mak konkritiza no justifika faktus no realidade. Tanba ne’e, ami solicita ba komponente hotu atu servisu hamutuk nafatin no mantein koperasaun no kordenasaun ho parte hot-hotu iha processu tomak atu lori progressu no sucessu ba Municipiu no ba povu moris diak. Molok termina, ami hakarak hato’o ami nia agradecimentu ba apoiu no kolaborasaun servisu komponente hotu nebe fo mai ami. Ami iha esperansa katak ho evolusaun sei lori pensamentu no hanoin diak atu hadia rai no povu ida ne’e no ita sei hetan sucessu hodi lori moris diak ba povu no ba municipiu, tanba ita hotu iha komitmentu ida deit, Diak ba Povu no Diak ba Nasaun. Obrigadu. Liquiça,
2021
Domingos da Conceição dos Santos,LCG Administradór Municipio Liquiça ii" "
