2.
Biografia Lideransa Administrasaun Municipiu Liquica a. Mr. Tonny Lapsley Fatin no data moris, Australia Distric Administrator of Liquiça Periode 1 de Janeiru 2000 - 30 de Maiu 2002 Mr. Tonny Lapsley, hetan nomeasaun husi Governo Sentral, Chefe UNTAET, Sergio Vieira de Melo hanesan Distric Administrator ba Distrito Liquiça no nu’udar primeiru Administradór Distrito Liquiça iha tempu ukun an. Administrasaun Distrito Liquiça hamaon iha Direcção Nacional da Administração ba Governo Local no Desenvolvimento [DNAGLD] nia okos, Ministerio da Administração Interna. b. Aurora Ximenes,LCG Fatin no data moris, Baucau 13 de Juñu 1955 Administradóra Distrio Liquiça Periode 1 de Juñu 2002 - 13 de Setembru 2006 Lisensiada iha area Ciensias Governasaun Universitas Timor-Timur [UNTIM] no iha tempu okupasaun hala’o knar nu’udar funsionaria iha Administrasaun Distrito Dili [Kantor Bupati Dili iha Seksaun Finansas] to’o 1999. Iha tinan 2000 “tempu ukun an” hala’o knar nu’udar dosente iha UNTL no iha 1 de Juñu 2002 hetan nomeasaun nu’udar Administradóra Distrito iha Distrito Liquiça. Iha fulan Setembru 2006 hetan konfiansa husi Governo hodi hala’o knar nu’udar Acessora ba Promosaun Igualdade ba Gabinete PM no ikus sai deputada iha Parlamentu Nasional. c. Leonel de Jesus Carvalho Fatin no data moris, Gugleur, Maubara, 16 de Setembru 1946 Administradór Distrito Liquiça Periode 13 de Setembru 2006 - 23 de Fevereiru 2011 Iha tempu portugues hasai kursu Professor Posto Escolar no kolokadu iha Escola Primaria Maliana. Iha tempu okupasaun Indonesia hala’o knar nu’udar professor no ikus mai sai Xefe Servisus Edukasaun Liquiça [Kepala Kantor Depdikbud] to’o 1999, durante okupasaun nia konsegue konklui nia estudus nivel Diploma dua [Bacharelatu]. Iha tempu ukun-an iha 1º Governu hala’o knar hanesan Professor iha Escola Sekundaria Finantil Dili. Iha fulan Setembru 2003 konkore ba pozisaun Administradór Distrito no iha dia 19 de Novembru de 2003 hetan nomeasaun nu’udar Administradór Distrito kolokadu iha Distrito Bobonaro no iha dia 13 de Setembru 2006 hetan transferensia husi Ministerio da Administrasaun Estatal hodi sai Administradór Distrito iha Distrito Liquiça to’o 23 de Fevereiru 2011. d. Domingos da Conceição dos Santos,LCG Fatin no data moris, Metagou, Bazartete 31 de Jullu 1973 Administradór Distrio Liquiça a. Periode 2000-2005- Professor da Eskola Sekundaria Liquiça b. Periode 2005-2006- Vice Diretur da Eskola Sekundaria Liquiça c. Periode 2007-2010- Diretur Eskola Sekudariu Jeral Liquiça d. Periode 23 de Fevereiru 2011 - 23 de Fevereiru 2016 Administrador Distrito e. Periode 23 de Fevereiru 2016 to’o ohin loron Administrador Munisipiu Lisensiadu iha area Ciensias Governasaun Universitas Timor-Timur [UNTIM]. Iha 1 de Janeiru 2010 hetan transferensia ba Ministeriu Administrasaun Estatal kolokadu iha Diresaun Nasional Grafika Nasional no iha 23 de Fevereiru 2011 hetan nomeasaun husi Ministro da Administrasaun Estatal hodi sai Administradór Distrito Liquiça to’o ohin loron. viii"
"
