c urant
dié
• Bergrivier 1Swartland Swartland
• Free • Gratis
Wes-Kaap se #1
12 Junie 2019
55.2%
Bou saam met goeie nuus
Uitgawe 522
12 Junie 2019
Ploeg soos die dae van ouds
Toeskouers kon Saterdag op Swartbergvlei sien hoe daar in die dae van ouds met perde geploeg is. Die ploegdag word jaarliks by Swartbergvlei aangebied en is altyd 'n interessante geleentheid om by te woon. Op 29 Junie word 'n winter-funduro ook hier aangebied.
•CRC MALMESBURY-GEMEENTE NEEM INTREK
Losie word 'n kerk •Johan Viljoen Die historiese Vrymesselaarslosie in Prospectstraat op Malmesbury sal eersdaags die tuiste van die CRC Malmesbury-gemeente word. Dié kerkgroep met meer as 90 gemeentegroepe landswyd, is in 1994 deur pastore At en Nyretta Boshoff gestig. Die Vrymesselaarslosie is vyf jaar gelede deur 'n boorling van die dorp, Johann Treurnicht, gekoop toe die bestaande tak, oftewel losie, van die vrymesselaars hul werksaamhede na 'n ander bestaande losie in die Paarl verskuif het. Sy pa, ds. Nic Treurnicht, was vroeër jare predikant op Riebeek-Kasteel en Malmesbury. Treurnicht is ‘n regsgeleerde en was 25 jaar verbonde aan Sanlam. Hy woon in Durbanville en is ook betrokke by eiendomsontwikkelinge soos die meenthuis-kompleks in Mollstraat op Malmesbury. Wimpie Taute, pastoor van CRC Malmesbury, het aan dié courant gesê dié gemeente is een jaar oud en het begin met ses lidmate. Hy sê sy gemeente wat tans hul dienste in die banketsaal van die stadsaal op die dorp hou, het op die oomblik ongeveer 60 lidmate. Die grootste gemeentes is in Bloemfontein, Pretoria en Johannesburg. Taute vertel CRC beywer hulle om na die plaaslikge gemeenskap uit te reik en streef daarna om in die behoeftes van die moderne persoon te voorsien. Hulle wil voorlopig teen die begin van Julie, as alles volgens plan verloop, hul eerste diens in dié historiese gebou hou.
Die Victoriaanse gebou met sy klassieke invloede, wat kenmerkend uit twee verskillende gedeeltes bestaan, dateer uit die 19de eeu. Die Vrymessalaarstak, St Jan, is volgens dokumentasie in 1866 gestig en toe in die gebou van een van die lede, BJ Croeser, gehuisves. Met sy dood het die tak die gebou bekom en na hul behoefte verander. Die tempel (agterste gedeelte) is in 1871 in gebruik geneem en 22 nuwe lede is ook by die geleentheid aanvaar. In 1905 het die tornado wat baie geboue op Malmesbury beskadig of verwoes het, ook dié gebou ernstig beskadig. Dit is herstel en in 1907 weer in gebruik geneem. dié courant het in 2014 berig Treurnicht het gesê hy het nie 'n spesifieke doel gehad met die aankoop van die gebou nie. “Ek voel dit is eintlik die staat se plig om na die instandhouding van ons ou geboue te kyk. “Maar dit gaan nie gebeur nie en daarom moet ons maar probeer om sover moontlik die geboue in stand te hou.” Hy het bygevoeg dat dit altyd belangrik is dat dit op ‘n ekonomies haalbare wyse gedoen moet word. Die losie is ‘n pragtige gebou en ek sal graag die sigwaarde wil verhoog. ‘n Mens moet mooi dink: Dit is die soort plek wat ons kan inrig om ‘n stukkie van Malmesbury en selfs die groter Swartland te kan uitbeeld.” Treurnicht het intussen baie geld aan restourasiewerk spandeer en het ook met die erfenisstigting beraadslaag oor die wetlike aspekte rondom sy beplande restourasiewerk. Dit het bygedra tot die vertragings en waarom die werk nou eers voltooiing nader.
Bo: Die tornado wat Malmesbury in 1905 getref het, het ook groot skade aan die losie gerig.
NUUS • NEWS
2
12 Junie 2019
NUUS • NEWS
•ANDER IN 1985 VERWYDER
Nuwe huis vir teken
Veiling: Kommersiële én geregistreerde Angus-beeste van reg oor die Wes- en Suid-
Kaap, (Angus Wes- en Suid-Kaap, onder beskerming van SA Angus Genootskap) is die afgelope Donderdag tydens ‘n veiling op die Moorreesburg Skougronde aan potensiële kopers tentoongestel. Altesaam 13 bulle, 60 koeie en verse in alle produksie stadia, het aan die veiling deelgeneem. Die veiling, met afslaer Appie Maritz, bemarker Wilhelm van Niekerk en klubvoorsitter, Hoffie van Blerk, het die geleentheid georganiseer. Die Angus-bul wat vir die hoogste prys opgeveil is, kom van Windmeul Angusstoet, met Pieter Truter van Delico Slaghuis op Riebeek-Kasteel as die koper van dié bees. Van links staan die afslaer, Appie Maritz, Wilhelm van Niekerk, bemarker van BKB en die verkoper en Theuns Bruwer van Windmeul Angus. Truter was nie tydens die fotogeleentheid teenwoordig nie.
Hoe boer ek môre? Die Agri Wes-Kaap Jongboerkomitee se Algemene Jaarvergadering is onlangs op 22 Mei by Eengezind buite Durbanville gehou, kort vóór die gesogde geleentheid waartydens vanjaar se Agri Wes-Kaap Santam Landbou Jongboer van die Jaar aangekondig is. Tydens die kongres, met die tema “Hoe boer ek môre”, is twee paneelbesprekings gehou wat gefokus het op die gronddebat en toekomsgeleenthede vir jongboere. Die algemene boodskap wat gaste en besoekers saam met hulle huis toe geneem het, was een van hoop vir die toekoms. Die deelnemers was Cornelis van der Waal, hoof van navorsing by Wesgro, Phillip Oosthuizen, hoof van navorsing en ekonomie by Sernick Groep, Johann Kotze (gespreksleier),
uitvoerende hoof van die Suid-Afrikaanse Varkvleisprodusente, JP van den Berg, Nasionale Jongboer van die Jaar 2018, Daneel Rossouw, streeksbestuurder by Nedbank Landbou, Theo Boshoff, hoof van regsintelligensie by Agbiz, Pieter Graaff, Nasionale Boer van die Jaar 2018, Arie van Ravenswaay, Assistent-direkteur van Innovasie, Tegnologie en Ontwerp by Elsenburg en Johan Bornman, landbou-ekonoom. Die geleentheidspreker was Bun Booyens, oud-redakteur van Die Burger. Booyens het gesê die landbou was nog altyd ‘n kragtige metafoor in die geskiedenis en kom nie van gister af nie. Aangesien die landbou taai en soepel is, sal die sektor, net soos in die verlede, sy uitdagings met vindingrykheid oorkom, het hy aan die provinsie se jongboere gesê.
Die gedenkteken wat sedert 1961 teen die Botmanskloofpas op Riebeek-Kasteel te sien is, gaan moontlik binnekort verskuif. ‘n Kennisgewing deur Heritage Consult vir die hervestiging van die gedenkteken van die Pieter Cruythoff-ekspidisie, is onlangs gepubliseer as deel van ‘n publieke deelnameproses. In 1661 is ‘n verkenningsgroep onder leiding van Pieter Cruythoff deur hul bevelvoerder, Jan van Riebeeck, gestuur om ondersoek na ‘n nedersetting in te stel. Hulle doel was om uiteindelik die plek van die fabelagtige “stad van goud”, beter bekend as Monomotapa te ontdek, wat hulle natuurlik nooit teëgekom het nie, verduidelik Chris Murphy, erfeniskonsultant van die Swartland Erfenisstigting. Murphy is ook die koördineerder van die Riebeekvallei-museum. Pieter van Meerhof het hierdie ekspedisie geboekstaaf. Hy vertel verder dat dié span op 3 Februarie 1661 in die omgewing van die nek tussen die berg wat deur hulle as Riebeek-Kasteel gedoop is en die hange van Porseleinberg wat in ‘n suidelike rigting strek, aangekom het. Die groep het daarna noordwaarts vertrek. Die gedenkteken is daarom ter herdenking van die tog onder leiding van Cruythoff vir die ontdekking van die nedersetting opgerig. Die gedenkteken is drie eeue later deur Prof. HB Thom, die destydse rektor van die Universiteit van Stellenbosch, onthul. Die spesiale geleentheid het kort ná die opgradering van die Botmaskloofpas plaasgevind. Toe die R46 later reguit en wyer gemaak is, is die plek van die gedenkteken behou. Die gedeelte van die grond waar die gedenkteken geleë is, is in 2003 by die plaas Botmas-
kloof ingesluit. Publieke toegang was toe steeds toegelaat. Rommel word nou op ‘n gereelde basis deur besoekers op die terrein gestrooi, wat die eienaar van die grond noodsaak om die terrein gereeld op eie onkoste skoon te maak. Dié gebeure het die idee laat ontstaan om die gedenkteken te skuif. Volgens Murphy bestaan die gevaar ook dat die gedenkteken beskadig kan word. “Indien die eienaar die area tot die publiek afsper, sal dit geen toegang tot die gedenkteken tot gevolg hê, wat ook die funksie daarvan bevraagteken,” voeg hy by. Drie gedenktekens was op ‘n stadium in die pas opgerig, naamlik vir die Pieter Cruythoff-ekspedisie, die Simon van der Stel-gedenkteken vir sy reis oor dieselfde pas in 1695 en nóg een vir die Afrikaanse taal. Die laaste twee gedenktekens is reeds in 1985 verwyder en voor die De Oude Kerk (nou die Riebeekvallei-museum) op Riebeek-Kasteel hervestig. “Die rasionaal was dat, sou dit verskuif word, dit logies sal wees om die drie gedenktekens weer te herenig.” Nóg ‘n plek wat moontlik oorweeg sou kon word, was die vierkant op Riebeek-Kasteel, maar die gedenkteken gaan oor die ekspidisie na die area. De Oude Kerk word deur die Swartland Munisipaliteit geadministreur en is ook ‘n provinsiale Erfenisterrein. Toestemming vir die voorgestelde hervestiging van die gedenkteken na dié terrein by die museum, moes ook eers deur die raad bekom word, wat gedurende ‘n uitvoerende burgemeesterskomiteevergadering op 22 Mei verleen is. - Charlotte Lesch
NUUS • NEWS
12 Junie 2019
•SKADU-MINISTER VAN VERVOER
Hunsinger glo in effektiwiteit •Johan Viljoen Mobiliteit begin nie by die eerste vier wiele nie. Só sê Chris Hunsinger, Swartlander en vervoerkenner en die DA se nuwe Skaduminister van Vervoer in die nasionale parlement. “Daar is drie vlakke van mobiliteitsversuim voor jy by vervoer met vier en meer wiele kom. "Daar is eers voete, dan fietse en dan motorfietse. “Lugfoto's,” verduidelik Hunsinger, “is 'n baie goeie hulpmiddel in ruimtelike ontwikkelingsplanne en 'n aanduiding van die beste roetes na bestemmings as jy kyk waar voetgangers loop. “Dit is belangrik om voetpaaie te plavei en veiliger te maak en die ander vorme van mobiliteit te bevorder alvorens ons op pad- en spoorvervoer begin fokus.” Hunsinger, 'n boorling van Bloemfontein en vir jare reeds 'n inwoner en oud-raadslid van die Swartland, is onlangs vir sy tweede vyfjaartermyn tot die nasionale parlement verkies. Hy het in die vyfde parlement vir die Demokratiese Alliansie as adjunk-skaduminister van vervoer gedien en was nou betrokke by aksies oor brandende vervoerkwessies. Die DA-leier, Mmusi Maimane, het Hunsinger nou as sy skaduminister van vervoer aangewys. Met 'n groot passie vir plaaslike regering, gesels Hunsinger oor die “voorreg om in die parlement te dien en die kiesers te verteenwoordig”. Hy vertel van die aanpassing toe hy destyds uit 'n regerende plaaslike owerheid in die Swartland 'n paradigmaskuif moes maak om in die amptelike opposisie te dien. “Maar jy kan ook 'n baie effektiewe rol daar vervul. Effektiwiteit is deel van my ingesteldheid. Ek kom uit besigheid.” Hunsinger het aan dié courant vertel hoe die werk as 'n nasionale parlementslid dikwels geromantiseer word met lang ure by straatkafees en koffiewinkels. “Maar dit is harde werk en belangrik om so goed moontlik navorsing te doen om 'n opbouende bydrae te maak.” Hy is ook die kiesafdelingshoof vir Bergrivier en baie trots op die groei wat sy party met die afgelope verkiesing in daardie kiesafdeling gehad het. Die kiesafdeling is ook in die unieke posisie dat al die wyke deur die party beheer word. Hy sê dit is juis die werk in die kiesafdelings wat 'n parlementslid op die grond en in voeling met die mense hou. “Ons het 'n baie effektiewe kies-
afdelingskantoor wat elke maand tussen 260 en 300 mense sien oor rofweg 70 kwessies wat vir hulle belangrik is.” Hunsinger is ook onlangs tot die Demokratiese Allianse se nuwe nasionale koukustesourier in die parlement verkies en sal as een van die party se swepe diens doen. Hy vertel van sy werk in die vorige parlement en suksesse om onder meer die planne te stuit om 'n nuwe Padongeluk-voordeleskema met ekstra brandstofheffings saam met die “bankrot” padongelukkefonds te bedryf. Die planne is in Desember gestuit. Hunsinger het onlangs ook 'n toekenning van APRAV (Vereniging vir die beskerming van padslagoffers) ontvang vir sy bydrae tot dié aangeleenthede oor die afgelope vyf jaar. Die toekenning was vir sy “deurlopende professionele leiding en verbintenis tot die regte van slagoffers van padongelukke en die oppergesag van die reg, u bereidwilligheid om betrokke te raak wanneer 'n bedryf nie was nie, om volhoubare oplossings te soek om die lewens van padgebruikers te verbeter en vir die konstruktiewe strategiese vennootskap met APRAV in die gees van ons pragtige land en sy mense”. Hy is ook deel van die DA-span wat hul tot die hof genader het oor die regte van minderhede in die parlement en oningeligte besluitneming wanneer belangrike verslae nie na behore aandag geniet het nie. Hunsinger sê hy het steeds 'n groot liefde vir plaaslike regering en het ook verlede jaar sy verhandeling by die Bestuurskollege van Suid-Afrika gedoen oor die verband tussen 'n skoon oudit en dienslewering. Uit sy navorsing was dit duidelik
dat die belegging in en skep van goeie dienslewering 'n groter opbrengs lewer ten opsigte van publieke persepsie as die werklike kapitale belegging wat gemaak word. Hunsinger wil nou ook sy PhD aanpak oor 'n model/modelle om finansiële gesondheid by plaaslike owerhede te meet. Gepols oor of, met hierdie uitgebreide navorsing en kennis oor plaaslike regering, sy kop terug staan na plaaslike regering, antwoord Hunsinger baie diplomaties: “Ek het 'n liefde vir plaaslike regering ja, maar ek sal gaan waar die party se bestuur dit die beste ag om my aan te wend.” Oor die paaienetwerk, sê Hunsinger, met die ontwikkeling van Saldanha en die moontlikhede wat dit ontsluit, is daar ook nou vir die eerste keer gekyk na oos-wes-vervoer. “Voorheen is daar net op noord-suid-vervoer gefokus.” Dit kan selfs vervoer vanaf Saldanha na die N1 en die noorde nou in so 'n mate oopstel dat die moontlikheid om die skuif van die houervraghawe vanaf Kaapstad na Saldanha selfs nou ondersoek kan word. Oor openbare vervoer en die My City-busdiens sê Hunsinger dit is belangrik om landelike publieke vervoer ook uit te brei. Hy sê dit is 'n bewese feit dat publieke vervoer wat in sirkels werk, meer effektief is. Daarom sal hy wil voorstel dat die My City Busdiens wat tans tot by Mamre bedien, Malmesbury op 'n sirkelroete insluit. Ook dat die roete na die Helderberg wel ook op Stellenbosch stilhou en in die toekoms ook na die Drakenstein en verder uitgebrei word, aldus Hunsinger.
Safety first for agri Agri Western Cape supports a rural safety plan presented to the rural safety policy committee by the Western Cape Government in a meeting on Thursday 6 June. New plans will be embarked upon in a consultative manner, with various players across the agricultural sector. “Agri Western Cape appreciates that the Western Cape Government had agreed to meet with us as organised agriculture is a critical role player in the agri sector. Investment and crime don’t go hand in hand and the agricultural sector welcomes Minister (Ivan) Meyer’s invitation to join the newly established rural safety technical committee. We believe this is a huge step forward to create a safer and more enabling environment for farmers and farm workers to carry on with food production in a safe environment,” Jannie Strydom, Agri Western Cape CEO, said. Premier Winde said: “The current lack of safety is first and foremost affecting our people, but also our economy. One of the biggest challenges we face in this province is to create jobs and grow the economy but in order to do that, you need an ecosystem to support it. The number one hurdle we face is safety, we have to get that right. Before we even had the first cabinet meeting of this administration, three of our ministers had to go and visit families who had lost loved ones to murder. People need to feel safe and we need to be doing more to make that a reality across the province, in both our rural and urban areas.” According to minister Meyer, people should not live in fear. Farmers cannot farm if they and their employees are constantly having to look over their shoulders.
Pretrit vir HDU
Die Hoërskool Dirkie Uys op Moorreesburg bied op 6 Julie hul jaarlikse Funduro aan om sodoende fondse vir die skool te genereer. Die skool, wat geskoei is op outydse waardes van respek, omgee en verantwoordelikheid, se Funduro begin om 07:30. Die roete van 42km is wel korter as ander roetes, maar dit kan herhaaldelik voltooi word en ryers word nie beperk tot ‘n aantal rondtes nie. Daar is ook dele wat klipperig is, tesame met baie klimme en dalings wat prettige uitdaging bied. Vir die kinders is daar ook ‘n spesiale roete, so bring die hele gesin en maak ‘n gesinsdag daarvan. Vir meer inligting, kontak Frans Hugo by 076 069 5790 of stuur ‘n epos aan sport@dirkieuys.co.za.
3
The Western Cape Government committed to: - The establishment of an interministerial team. The heads of department of Agriculture and Community Safety have been advised to work together to establish the terms of reference by the end of the month. The team will report back to the provincial cabinet. - Invite representatives from organized agriculture, organized labour and the police to join the rural safety technical work stream. - Update the provincial rural safety plan, which was last reviewed eight years ago. - Institute Watching Briefs for cases impacting rural safety which monitors the legal processes around specific cases after an arrest has been made. - Refer matters to the Police Ombudsman - Engage with district municipalities regarding their safety plans with a view to funding projects that focus on innovation, partnerships and technology. Meyer added Agri Western Cape has indicated that they are happy with the steps taken thus far and support the Western Cape Government in this regard. “I look forward to developing partnerships with them and all stakeholders in this sector so that we can work together to solve these issues.” Premier Winde said: “We are doing our best to make this province safe. Our urgent need however is for a strong and professional police service, and an effective criminal justice system. I will continue to raise matters with the police, pursue the intergovernmental dispute with the police Minister Bheki Cele, and raise issues of crime and safety at all levels of government, wherever possible.”
4
12 Junie 2019
NUUS • NEWS
Sakekamer en Swartland Voorspellings lyk gunstig Munisipaliteit vergader Die Malmesbury-sakekamer se jaarlikse vergadering met die Swartland Munisipaliteit, vind Dinsdag, 18 Junie, om 18:30 in die stadsaal plaas. Die munisipaliteit tree as gasheer van die aand op en hier word die nuwe begroting en tariewe verduidelik, nuwe verwikkelinge en meer word met die gehoor gedeel.
Vrae kan ook vooraf aan die voorsitter, Izélle Fouché, gestuur word by info@sakekamer.co.za. Die kostes beloop R140 vir lede en R180 vir nie-lede en sluit aandete in. 'n Kontantkroeg is ook beskikbaar. Bespreek jou plek vroegtydig by info@sakekamer.co.za. Links: Reuben Tharratt en Romeal Swartz van die Hoërskool Swartland op Malmesbury is in die o.16 Boland Grant Khomo-span opgeneem. Foto: Facebook/Hoërskool Swartland Offisieel
Onder: Hierdie leerders van die Hoërskool Swartland op Malmesbury is in die onderskeie Boland-rugbyspanne opgeneem: Estean Herman is in die o.18 Akademierspan opgeneem; Firnin Arendse is in die o.18 Cravenweekspan opgeneem; Marlo Bester is in die o.18 Akademiespan opgeneem.
Junie is bloedskenkermaand
Die Wes-Kaapse Bloeddiens (WKB) vier Nasionale Bloedskenkermaand gedurende Junie en Wêreldbloedskenkerdag op die 14de Junie. Gedurende die maand strewe die WKB daarna om mense bewus te maak van die belangrikheid van bloedskenking. Die tema vir hierdie jaar se Wêreldbloedskenkerdag is ‘Veilige Bloed vir Almal’. “Die tema beklemtoon die feit dat veilige bloed nie net regoor die wêreld benodig word nie, maar ook hier in die Wes-Kaap,” sê Michelle Vermeulen, Skakelbeampte vir die WKB. “Ons het nagenoeg 6 miljoen mense wat in die Wes-Kaap woon en omtrent 75% van dié populasie sal bloed of bloedprodukte in hul leeftyd benodig, maar slegs 1.5% is bloedskenkers, “sê Vermeulen. Die wintermaande is ‘n moeilike tydperk vir bloedinsameling en ons wil daarom ‘n beroep doen op almal wat aan die basiese skenkingsvereistes voldoen om asseblief bloed te skenk. Indien jy tussen die ouderdom van 16 en 75 is, meer as 50kg weeg, gesond is op die dag van skenking en ‘n veilige seksuele leefstyl handhaaf, behoort jy te kan bloed skenk. Besoek gerus www.wcbs.org.za, skakel 021 507 6300 of SMS ‘Bloed’ na 33507 (R1.50 per SMS) om jou naaste bloedskenkkliniek te vind.
Korttermyn weervoorspellings lyk gunstig vir produsente, maar ook vir die aanvul van damvlakke en die aanvul van inwoners se tuine, wat die afgelope tyd swaar getrek het. Tog bring langtermyn weervoorspellings nog onsekerheid oor wat die weer vir die res van jaar inhou. “Vir wintergewasse, het die eerste plantreën van die seisoen eers teen die tweede gedeelte van Meimaand gekom wat amper te laat was. Die weerstelsel wat dit veroorsaak het, was sterker as wat aanvanklike voorspellings aangedui het met meer reën en het dit ook verder noordwaarts gereën as wat verwag was. Die kouefront van 5 en 6 Junie het egter baie minder reën gegee, maar dit sal steeds help vir die jong gesaaides om te vestig," verduidelik Johan van der Berg, landbouweerkundige van Santam oor die afgelope reënval wat die Swartland ervaar het. Hy sê verder dat korttermynvoorspellings daarop dui dat reën rondom 12 en 13 Junie verwag kan word, saam met ‘n volgende koue front en lyk dit asof hierdie stelsel meer potensiaal het om meer betekenisvolle reën te kan bring met verdere koue fronte in die laaste deel van Junie wat ook reën kan bring. “Wat die langer termyn betref (volgende paar maande), is daar steeds baie onsekerheid,” voeg Van den Berg by. “Daar is steeds ‘n swak ontwikkelde El Nino-verskynsel in die Sentrale Stille Oseaan wat dikwels positief is vir reën in veral die eerste tot middelste deel van die winter oor die Winterreënvalgebied. Die ontwikkeling is egter baie swak met die gevolg dat daar ook nie sterk seine is wat duideliker voorspellings gee nie. Tans neig die meeste langtermyn voorspellings na gemiddeld, effens onder gemiddeld of effens bogemiddeld, maar met ‘n baie swak voorspelbaarheid. Dus kan ‘n mens eintlik die afleiding maak dat enigiets moontlik is,” verduidelik hy. Van der Berg het op navraag oor of daar ander aanduidings is, gesê dit is interessant dat gedeeltes van Suidoos-Australië in die eerste week van Junie sneeu begin kry het. Hierdie gebiede kry volgens hom nie gereeld sneeu nie en gewoonlik sneeu dit eers later in die seisoen. “Daar is nogal ‘n redelike ooreenkoms tussen die klimaat van veral Oos-Australië en Suidelike Afrika. Die sneeu wat nou voorgekom het, kan aan die een kant ‘n aanduiding wees van die effek van die huidige El Nino (meer winterreën en
sneeu), maar ook dat koue fronte alreeds vroeg in die winter redelik ver noord die land begin tref. "Soortgelyke toestande is dus nie uitgesluit vir Suid-Afrika nie en is daar ‘n moontlikheid dat koue fronte in die volgende maand of twee dalk meer gereeld en meer intens die suidelike dele van Suid-Afrika kan tref as wat voorspellings tans aandui.” Volgens hom kan dit stormagtige toestande met reën en sterk wind tot gevolg hê indien hierdie patroon gevolg gaan word. Wat die seisoen verder betref, bly September die belangrikste maand vir wintergraanproduksie indien boere kon plant. September val saam met die mees kritiese periode in die ontwikkeling van wintergrane soos koring, hawer en kanola, want dan kan die grootste droogteskade aan die oes veroorsaak word en is die waterverbruik ook op sy hoogste voordat die graan begin ryp word. “Tans is die onsekerheid baie groot, maar lyk dit asof koue fronte met reën vanaf die tweede deel van Junie gaan begin voorkom tot in Augustus. Daarná kan dit dalk swakker wees in September. Dit is egter nog te vroeg en te onseker om veel waarde hieraan te heg,” sluit hy op ‘n meer positiewe noot af. - Charlotte Lesch
Wynproe: Pulpit Rock Wynkelder op Riebeek-Wes het die afgelope Donderdagaand hul eerste Jongwyn-proegeleentheid aangebied
waartydens die nuwe oesjaarwyne vir 2019 deur die wynmaker, Dewald Huisamen bekendgestel is. Die geleentheid wat binne die kelder plaasgevind het, was een groot sukses met gaste wat nie net beïndruk was met die jongwyne nie, maar ook heerlik gesmul het aan vars gebakte brood en sop.
NUUS • NEWS
12 Junie 2019
Cleaver: Malmesbury Superspar spog met een van SA se beste slaghuise
Die onlangse Cleaver-toekennings het weer groot opgewondenheid en tevredenheid by Malmesbury Superspar veroorsaak, toe dié kettingwinkel se slaghuis as een van die beste slaghuise in die land aangewys is. Die toekenningsgeleentheid, waar 2018 se wenners aangewys word, is onlangs in Johannesburg gehou. Hier is Malmesbury Superspar as die nasionale wenner bekroon en het ‘n Platinum Cleaver-toekenning in die kategorie, supermark of kosmarkslaghuise vir hul prestasie ontvang. Wenners is vanjaar vir die 14 keer sedert die Cleaver-toekennings in 2005 as ‘n inisiatief deur die Rooivleis Industrieforum van Suid-Afrika van stapel gestuur is, beloon vir hul slaghuise se uitnemendheid en hoogstaande kwaliteit. Vanjaar was daar ‘n rekordtal van 40 000 benoemings. Malmesbury Superspar het hul eerste Goue Cleaver-toekenning as naaswenner in die
Wes-Kaap in 2010 ontvang. Sedertdien het dié bekroonde slaghuis ses Platinum Cleaver-toekennings as wenner in die Wes-Kaap ingepalm. ‘n Platinum Cleaver-toekenning, as nasionale wenner in hul kategorie, is vir 2012 aan Malmesbury Superspar toegeken. Die Cleaver-toekennings is daargestel om die behoeftes van die verbruiker raak te sien en te bevredig deur die standaard onder slaghuise te verhoog. Daar word ook erkenning gegee aan slaghuise wat verbruikers se verwagtinge oortref met betrekking tot higiëne binne die slaghuis, kwaliteit rooivleisprodukte, die vlak van bevoegdheid deur die beste raad in die voorbereiding van maaltye te bied, asook waarde vir geld. Verbruikers beskou op hul beurt die toekenning as ‘n seël van uitnemendheid en kwaliteit asook ‘n stempel van goedkeuring. Die slaghuis word suksesvol bestuur deur Johanna Julies.
Palm eerste toekenning gedurende 2010 in
5
6
12 Junie 2019
NUUS • NEWS
Kaleidoskoop:
Die duo van Kaleidoskoop het die naweek by Bill & Co op Malmesbury opgetree. Bo is hulle saam met Johann Sadie, Johan Geldenhuys, Anique Jordaan, Johan Jordaan en David Sadie.
ACVV: Die personeel van die onderneming, LRMG het onlangs deel uitgemaak van die
kettingwinkel, PEP se jaarlikse leierskapskonferensie in Somerset-Wes. Ter voorbereiding vir die konferensie, het twee LRMG-spanne ‘n winkeluitdaging onderneem waartydens hulle die geleentheid gebied is om die personeel, winkeluitleg en produkte van PEP van nader te leer ken. Elizabeth Heidi Louw van LRMG, oorhandig die dag se inkopies as ‘n skenking aan ACVV Riebeek-Kasteel. Die items sal gebruik word om behoeftige gemeenskapslede te ondersteun en te help. Bo is Heidi Louw, Magrieta Pietersen, Jolandie Hill, Ezoné Marais, Julian Swarts en Ella de Klerk.
Darling: In 'n energiebelaaide wedstryd het die span van Darling-rugbyklub 'n opskud-
ding in die Groot Uitdaag-reeks van die Boland-unie gesorg toe dié span die kampioene van Wesbank ore aangesit het. Darling het Wesbank met 22-21 geklop. Foto: David Howburg
Gimnastiek: Die gimnaste van die UberGruvi-gimnastiekklub op Riebeek-Kasteel,
het onlangs as deel van die Weskus Gimnastiekspan, op 1 Junie aan die Wes-Kaapse Gimnastiekkampioenskappe deelgeneem. Die gimnaste het teen vier ander streke meegeding. Agter staan Kenli Kuiler, Kira Terblanche, Marin Jooste, Chloe Puchert, Anel Walters en Maxine Cawood met Jade Terblanche, Kenah Seba, Elri Coetzee, Philippa Theron en Jana Bruwer voor op hul knieë. Die kampioenskappe was ook die laaste vir die 2019 kompetisieseisoen.
Kontak ons by 022 487 3221 of stuur 'n epos na izelle@ diecourant.co.za. Besoek ook ons webwerf by www.diecourant.co.za.
Darling troef Wesbank • Abri Adonis Die rugbyspan van Darling het die afgelope Saterdag sy posisie bo aan die punteleer verstewig en sy kans om die Swartland Groot Uitdaag-beker te wen, 'n reuse hupstoot gegee. Dít nádat hulle Wesbank in 'n naelbytstryd laat les opsê het. Die kragmeting was uit die staanspoor baie fisies met beide spanne wat aggressief weggetrek het. Die voorspelers het goeie balbesit bewerkstellig wat hul agterlyne weer in staat gestel het om met die bal te woeker. Dit was Chad Mcurry Mckay wat 'n doring in Wesbank se vlees was met sy goeie spel op die aanval en plettervatte op verdediging. Sy spel het bygedra tot 'n voorsprong van 17-0 in Darling se guns. Wesbank het nie handdoek ingegooi nie. Hulle het hard gewerk om momentum te bou. Dit gekom het in die vorm van die terugkerende Devon van Niekerk. Van Niekerk se krag en spoed het gesorg het vir 'n pragdrie om die spanne te laat water drink op 17-7 in die guns van die tuisspan. Wesbank het die tweede helfte begin soos hulle die eerste helfte geëindig het. Die span se geduld en dissipline by die afbreekpunte is beloon met 'n verdere twee drieë wat die telling op 17-21 gebring het in die guns van die besoekers. Dit was die woelwater skrumskakel, Bevan Abrahams, wat weer op sy stukke was en dus 'n groot kopseer vir Darling se verdediging was. Sy spoed en oog vir 'n gaping het Darling aan die raai gehad. Met die tyd wat begin uitloop het, het dit gelyk of Wesbank die tuisspan gaan klop. Darling het nooit gaan lê nie en het aanval op aanval geloods, terwyl die “Black Magic”-skare hulle verder aangehits het. Wesbank het sy hande in die lug gegooi nadat Darling die bal aangeslaan het en die skeidsregter aandui dat daar nog tyd oor was. Darling het toe Wesbank onder druk geplaas om 'n fout te maak en ná die skrum 'n aanval begin loods. Wesbank was rotsvas op verdediging. Die ervare generaal Earl Lewis het toe Wesbank se stewige verdediging aan flarde geskeur en met die wendrie hul harte gebreek. Dit was Wesbank se tweede agtereenvolgende nederlaag. Dit het ook verseker dat Darling onoorwonne bly. Hulle reis Saterdag na Koringberg wat hierdie naweek 'n ordentlike pak slae op Abbotsdale toegedien is. Koringberg het net nie antwoorde gehad vir die Lillies van Abbotsdale se aanvallende spel nie. Die Lillies het sy toeskouers onthaal met 'n drieëfees. Koringberg, wat geken word aan sy rotsvas verdediging, het net nie vir die wedstryd opgedaag nie. Koringberg het egter laat in die wedstryd verwoed teruggeveg, maar die koeël was reeds deur die kerk konsistorie. Abbotsdale is nou terug in die wedloop om die twee uitspeelplekke. Koringberg sal dié Saterdag sy storie moet ken wanneer hulle die onoorwonne Darling ontvang. Darling behoort egter sy voorsprong bo-aan die punteleer te verstewig met 'n bonuspunt-oorwinning van meer as 15 punte.
Abbotsdale kuier op hul beurt op Porterville, wat nog sy wonde lek na 'n lelike pak deur Moorreesburg. Abbotsdale behoort dié wedstryd met minder as sewe punte te wen. Moorreesburg maak dié naweek 'n draai op Piketberg wat dié seisoen steeds sukkel om behoorlik aan die gang te kom. Piketberg het Saterdag vasgeval teen Never Despair op Malmesbury, terwyl die Rhinos goeie rekenskap van hulself gegee het. Die tuisspan wat onder druk was vir ‘n oorwinning, het die wedstryd goed begin. Piketberg, soos die hele seisoen sover, was gedurig op die agtervoet en is vroeg onder druk geplaas. Met die telling op 7-5 in die besoekers se guns, het die tuisspan op die aanval die bal wyd begin versprei en die besoekers probeer uitoorlê met hulle spoed. Dié spel het vir hulle vrugte afgewerp. 'n Tweede drie het gesorg dat die span die voortou neem. Albei spanne het in die tweede helfte aanvallende spel gelewer en het probeer om hul verdediging op te skerp. Piketberg het nooit gaan lê nie en gedurig terug geveg met Kenith Dirks wat met 'n driekuns geslaag het. Never Despair het darem koelkop gebly en die knoop deurgehaak. Piketberg sal baie positiewe punte uit dié wedstryd kan haal wat Moorreesburg met selfvertroue sal aanpak. Moorreesburg het die afgelope Saterdag weer “champagnerugby” opgedis om Porterville te klop. Moorreesburg het 'n goeie spanpoging bewerkstelling in 'n wedstryd wat gedomineer is deur die voorspelers, Wilhelm Oktober, Janeil Carolus en Artur Adonis aan die spits. Dit was egter die slot, Randall Atkins, wat 'n man-van-die-wedstryd-vertoning opgelewer het. Toe Moorreesburg later vir Euwin Persens en Jehann Bonn oproep, kon Porterville nie meer teenstand bied nie. Albei spelers het Porterville finaal met 'n tweekuns elk begrawe. Moorreesburg se agterlyn begin ook weer sy ritme vind. Dit sal die komende Saterdag goed wees om te sien hoe die skrumskakels, Lorenzo Ockhuis en Flippie Jacobs, teen mekaar opweeg. Albei spelers speel hierdie seisoen kookwater-rugby. Die wedstryd behoort ook voorlangs aandag te trek met albei spanne wat baie fisies in die losgemale is. Moorreesburg behoort wéér die oorhand te hê om die nodige ruimte vir sy gevaarlike spelskeppers, Joe Morris, Frans Hugo en Jaydon Markus, te skep. Wedstryde tussen die buurdorpe sorg gewoonlik vir groot opwinding, maar daar word vermoed dat Moorreesburg die nodige momentum sal hê om Piketberg Saterdag met minder as sewe punte te klop. Never Despair sien die naweek vir Good Hopes wat vars sal wees na 'n blaaskans. Albei spanne smag na 'n oorwinning op hul tuisveld. Die voorspelling is wel dat Good Hopes met minder as vyf punte geklop sal word. Wesbank geniet hierdie naweek 'n blaaskans.
Hokkie:
Riane Lighthart en Tashlynn Solomons van die Laerskool Swartland op Malmesbury is in die o.13 Boland-hokkiespan opgeneem.
NUUS • NEWS DIENSTE SERVICES Haus of Décor. Get your home improvements done on credit. Blinds, shutters, carpets, artificial grass and isoboard ceiling. Call: 081 232 2295. Email: sales1@ hausofdecor.co.za #4730
----------------------------TE HUUR TO LET Tafelzicht, Malmesbury: R11 500,00 pm. 3 Slaapkamers, 1½ badkamer, Oopplan kombuis en leefarea. Aparte waskamer. Dubbel motorhuis. Onmiddellik beskikbaar. Kontak eienaar op 022 487 3916 #4728
----Bachelor Apartment, Malmesbury. Central location. R3000 per month + Deposit. Prepaid power. Call 022 482 1072 #4724
12 12 Junie Junie 2019 2019 MEMORIUMS IN MEMORIAM
kleinseun, Danico -----------------------------
Liefste "Aunty B". Gelukkige verjaardag. Mag God jou omvou met Sy liefde en mag jou lewe geseënd wees. Lief jou baie vriendin - Sarah -----------------------------
16 June. Guess who’s 21? May God guide you and keep you. Have a marvellous birthday. Love – your granny Nonna, your mother, aunts, uncle, nieces and nephews -----------------------------
12 Junie. LEA PETERS. Baie geluk net jou 50ste verjaardag. Hoop jy geniet die dag en mag God jou ryklik seën. Liefde – jou Man, April- en Arries gesinne -----------------------------
Raai wie word 12 op 12 Junie. Baie geluk QUINTON met jou verjaarsdag. Jy moet jou dag geniet seun – Ma Myre, Pa Frank, Robin, Shaday, Ouma en Oupa -----------------------------
CAMERON DOLMAG. Op 10 Junie is dit jou derde jaar by ons Hemelse Vader. Sal altyd in ons herinneringe bly. Van: Bowers familie -----------------------------
CORNEELS VISAGIE (oom Bolman). 12 Junie. ‘n Jaar gelede het God jou kom haal na sy hemelse koninkryk. Ons mis jou elke dag. Van: jou vrou Saline, Clinicia en Rozy -----------------------------
----------------------------GELUKWENSINGS CONGRATULATIONS
CHRISTIE ARENDSE. Babie, geluk met jou verjaarsdag. God rykste seën op jou lewe. Van: Ma, Pa, Ouma, Oupa, Geswill, Reagan, Mariehet, Cairah, Amber, Atta Mattie en Gerrad -----------------------------
ASHLYNN ARENDSE. 14 Junie. Baie geluk met jou 18de verjaardag. God se rykste seëninge. Sterkte vir jou matriekjaar. Liefde – Ma en Pa -----------------------------
JUNE WILLIAMS. 13 Junie. Veels geluk Mammie met die 70ste verjaarsdag. Baie lief vir jou – Allan, Yolene, Janice, Erin, Amy en Sherneill. -----Gelukkige 70ste verjaardag. Baie liefde – jou vriendin, Nonna en familie -----------------------------
LAYLAH RUITERS. 16 Junie. Baie geluk met jou verjaarsdag. Mag jy jou dag geniet. Mammie, tietie en sussa is baie lief vir jou. Van: Mammie, Crystal en La’iqah -----------------------------
10 Junie. AMBER DAMONSE. Baie geluk met jou verjaarsdag. Alles wat mooi is op jou lewenspad. Baie lief vir jou. Van: jou peetma en Damonse familie -----------------------------
Happy bornday to my angel on your ninth birthday love you always much love – Mommy and Kayde ----Geluk Sussa met jou verjaarsdag. Alles wat mooi is. Van: Peetpa en kinders ----ASHUNIQUE. 10 Junie. Baie geluk met jou verjaarsdag. Alles wat mooi is. Van: tannie Landie -----------------------------
10 Junie. JOZEFINA MOUTON (Klein). Jou eerste verjaarsdag in die hemel. Mis jou elke dag - jou man, Bolle, kinders, kleinkinders, Rina en vriende wat jou ken ----------------------------STERFGEVAL OBITUARY
Opportunities to join Swartland Municipality JOHN KAPTEIN. Gebore: 4 September 1943. Oorlede: 7 Junie 2019. Begrafnisdiens: Saterdag, 15 Junie 2019. Besigtiging om 09:00 en die diens neem aanvang om 09:30 by AGS Kerk, Wesbank, Malmesbury -----------------------------
To view the full advertisements, job requirements and response details, please visit www.swartland.org.za or call Mr D. Carolus on 022 487 9400.
Senior Inspector: Law Enforcement (Dog Unit)
Swartland Area Department of the Director: Protection Services
ASHLEY ARENDSE. 17 Junie. Baie geluk met jou 50ste verjaardag. Dankie vir al jou liefde en ondersteuning. God se rykste seëninge. Liefde – vroulief Julia en Ashlynn -----------------------------
LINIGUE RANK (MYBURGH). 10 Junie. Geluk ons bondeltjie vreugde (meelmys). Van: Fortuin Familie ----------------------------CHRISTINA WILLIAMS. Geluk Mammie met jou geboortedag op 10 Junie. Deur God se genade is Mammie vir 59 jaar gespaar. Baie liefde - u enigste dogter Josephine en
• Reference number: V15/19
LAKEYSHIA ANDREA LEANDER. Baie geluk Ma se engel met jou 10de verjaarsdag. Alle mooi wense op jou pad vorentoe. Lief vir jou - Ma, Michaan, Jaylin, Oupa en Tannie -----------------------------
BRINETA BOWERS. Baie geluk met jou 11de verjaarsdag op 13 Junie. Mag jy ‘n baie geseënde dag hê. Liefde – Ouma Wange, tannies, broers, neefs en niggies -----------------------------
10 June. Happy 50th birthday KATÉ -----------------------------
Wow 15 op die 15de!! Baie geluk met jou kroonverjaardag CHELSEA. "Graamaa loves you to bits, you are my special angel" Graamaa Dot ----God's rykste seën met jou 15de verjaarsdag, Chelsea! Jy is baie spesiaal vir ons. Tonne liefde van Mammie, Dadda, Logan en Britney. -----------------------------
• Salary Scale: R263 100 – R341 520 p.a. (T11)
JULIANA BRITTON. Troosdiens: Woensdag, 12 Junie 2019 om 19h00 te AGS Kerk. Begrafnisdiens: Saterdag, 15 Junie 2019. Besigtiging : 09:00 te 3de laan nr. 33. Diens by Kerk: 10:00 - AGS Kerk, Darling -----------------------------
Librarian Darling South Department of the Director: Corporate Services • Reference number: V16/19 • Salary Scale: R197 952 – R256 932 p.a. (T9)
Principal Clerk: Registration and Licensing Swartland Area Department of the Director: Protection Services • Reference number: V17/19 • Salary Scale: R156 216 – R202 704 p.a. (T7)
Wees altyd aan die voorpunt van die goeie nuus met ons sosiale media. Kontak ons by 022 487 3221 of stuur 'n epos na izelle@diecourant.co.za.
Closing date: 21 June 2019 at 12:00 Munisipaliteit • Municipality • Umasipala www.thecandocompany.co.za
136766
courant
8
NUUS • NEWS
dié
12 Junie 2019
SWARTLAND SPORT
Tel: 022 487 3221
12 Junie 2019
Sportuitslae GHOLF
Saterdag, 8 Junie : Stableford Samespel - Adriaan Louw & Johann Ackerman 75; Neill Katzeff & Alex Katzeff 70; Natie Smith & Jan Potgieter 66; Alex Katzeff & Andre Spies 65; Peter Willemse & Riaan Lewis 64; Josef de Beer & Jacques Cilliers 62
Fietsry:
Die suksesvolle Blue Ribbon Yzerfontein Cycle Experience het die afgelope Sondag vir 'n vierde agtereenvolgende jaar op Yzerfontein plaasgevind waartydens sowat 'n 1000 deelnemers onderskeidelik die 78km of 52km bergfietsuitdaging en die 10km en 5km pretdraf aangepak het. Die pretdraf is ook vir die eerste keer vanjaar by die geleentheid bygevoeg en is baie goed ondersteun. Alle inskrywingsgeld word vanjaar aan drie liefdadigheidsorganisasies, naamlik die Internasionale Polisieforum, die Jenna Lowe Trust en die Reach for a Dream Foundation geskenk. Die Inter Brouery-uitdaging was ook 'n eerste waartydens die brouerye, Yzer Bru, Darling Brew en Black Eagle Craft Brewery van Langebaan die stryd teen mekaar aangesê het. Black Eagle was eerste oor die wenstreep waarna hulle die wisseltrofee vir hulself kon toe-eien. Darling Brew het tweede gekom, met Yzerf Bru in derde plek. Die Yzer Bru-span het ook die tweeling, Chané en Annika Venter, wat aan die seldsame genetiese siekte, Friedrich’s Ataxia ly, al langs die 52km roete getrek. Stephen Kriel en Wydeman van der Merwe het die tweeling apart in hul spesiale waentjies getrek, terwyl tien ander fietsryers om die beurt hulle van agter af gestoot het.
Martin Dyason nou 'n Boland-breier Rugby was van ‘n baie jong ouderdom in sy bloed. Hy het egter nie daarvan gedroom om eendag vir die Springbokke uit te draf nie, maar om hulle af te rig en leef vandag daardie passie vir afrigting uit. Martin Dyason, ‘n rugbyafrigter by die Hoërskool Swartland op Malmesbury, is onlangs as die nuwe afrigter van die o.18 Boland Akademiespan aangestel. Die span neem eersdaags aan die Cravenweek-rugbytoernooi op Bloemfontein deel. Martin doen sedert 2013 suksesvol vir verskillende afrigtingsposte aansoek. Volgens hom word die aanstelling van afrigters volgens streng keurings gemaak en sien hy homself as gelukkig om nog elke keer die geleentheid gegun word. Hy beskryf die geleentheid as ‘n groot voorreg. “Wat is tog lekkerder as om vir iets aangestel te word wat absoluut jou passie is,” vertel hy opgewonde. Martin sal vir 'n rukkie sy vrou, Elmie, moet groet, maar maak staat op haar ondersteuning en die kuier op Bloemfontein waar die toernooi vanaf 1 tot 6 Julie plaasvind. Martin het in 2011, direk ná hy sy graad verwerf het, by HSS aangekom waar hy saam met ‘n kollega die o.15-rugbyspan afgerig het. Dié span lê tot vandag toe nog ná aan sy hart, voeg hy by. Hy is kort daarna aangewys as hulpafrigter vir die skool se o.19A en B-rugbyspanne tot 2014. Hy sien 2015, toe hy as hoofafrigter aangestel is, as 'n hoogtepunt in sy afrigtingsloopbaan. Hy beklee tot vandag toe nog daardie posisie. Martin het op die vroeë ouderdom begin rugby afrig, saam met Elmo Wolfaardt by sy rugbyklinieke. Hy het daarna as ‘n student aan-
hou afrig en nog nie weer opgehou nie. “Dit was al van ‘n jong ouderdom af iets wat ek altyd wou doen. My vriende het altyd gedroom om vir die Bokke te speel en ek het gedroom om hulle eendag af te rig,” vertel hy. Martin het matrikuleer aan die Hoërskool Paarl Gimnasium en het as vyfjarige kannetjie sy debuut op die rugbyveld gemaak. Met drie broers kon Martin nie anders as om rugby te speel nie. Sy posisie het aanhoudend verander soos hy ontwikkel het. “Vanaf skrumskakel tot haker, toe flank/ agsteman en soos my afrigter eendag vir my gesê het, ek het myself in die A-span in geëet toe ek voorry toe geskuif het,” vertel Martin. Hy raak steeds opgewonde elke keer as sy voete die gras tref. “Die grootste plesier is as jy iets vir ‘n speler leer en hulle dit toepas en dit werk.” Hy sê verder dat vriendskappe deur afrigting gebou word en hy geniet die ondersteuning en belangstelling van sy familie en vriende. Wat is sy afrigtingsplan vir die komende Cravenweek? "Om dinge eenvoudig te hou, maar om doeltreffend en doelgerig te speel", verklap hy. “Ons het min kontaktyd met die span, so ons as afrigtingspan moes besluit waarop ons fokus
en dan hard daaraan werk.” Afrigting het die afgelope naweek amptelik tydens hul eerste oefenkamp met die verkose spelers afgeskop. “Dit was ‘n geslaagde kamp, al was Worcester Vrydag onmenslik koud,” vertel hy. Volgens hom is die geheim tot ‘n suksesvolle rugbyspeler ‘n gelukkige speler. “‘n Gelukkige speler is ‘n goeie speler. So as jy as afrigter kan slaag daarin dat jou spelers gelukkig is met dit wat hulle leer, doen en behaal, dan sal jy ook sukses behaal. Spelers moet gestimuleer word om hoër hoogtes te bereik. My droom is om ‘n speler op die speler op die veld te stuur, wat meer bied as net rugby.” Hy sê verder dat goeie sportmangees, spanwerk, dissipline, kameraadskap en liefde vir sy medemens, bydra tot ‘n goeie rugbyspeler. “Ek glo dat as jy daardie waardes kan vaslê, kan jy enige speler afrig om tot die beste van sy vermoë te presteer en as elke speler in die span só speel, moet die span mos sukses behaal.” Vyf leerders van HSS sal vanjaar op die veld tydens Cravenweek uitdraf. Fernnin Arendse is gekies vir die o.18 Cravenweek. Estean Herman is gekies vir die o.18 Akademieweek saam met Marlo Bester. Romeal Swartz en Reuben Tharratt is op hul beurt vir die o.16 Grant Khomospan gekies.
WP SQUASH 7 de liga: Malmesbury vs Old Mutual Malmesbury wen 11-6 Francois Hoffman verloor teen Stewart Reid 2-3 Hiran Leng wen Daniel Cloete 3-0 Bernard van Biljon verloor teen Mark Edwards 1-3 Angelo Marman verloor teen Sean Manley 3-0 15 de liga: Malmesbury vs Bergvliet Malmesbury wen 14-2 Gareth de Bruin wen Clark Schotlz 3-0 Johan La Grange wen Michael Jacobs 3-2 Gerhard Havenga wen Kyndon de la Cruz 3- 0 Jaco Meyer wen Dave du Toit 3-0
DUIWE
Moorreesburg Posduifklub - Leeu Gamka JO1 1 Henna & Melt Smit 13:54:40; 2 Franco 14:04:17; 3 Van Der Vyver Hokke 14:07:29; 4 Van Der Vyver Hokke 14:07:57; 5 Frikkie Bester 14:08:44; 6 Singleton Hokke 14:10:08; 7 Yt & Tuis 14:17:36; 8 Singleton Hokke 14:18:51; 9 Diamond Lofts 14:43:41; 10 Boetie & Baron Hokke 14:48:48 Leeu Gamka Ope 1 Franco 14:23:00; 2 CJ Lofts 14:27:12; 3 Singleton Hokke 14:29:19; 4 Henna & Melt Smit 14:29:41; 5 CJ Lofts 14:29:36; 6 Frans Jooste 14:35:45; 7 Van Der Vyver Hokke 14:39:16; 8 Yt & Tuis 14:39:43; 9 Van Der Vyver Hokke 14:40:13; 10 Frans Jooste 14:41:01
Omega Klub - Laingsburg (3) 1 Hok Edas & Pienaar 13.26.13; 2 Arendse Lofts 13.27.15; 3 Manuel Lofts 13.27.36; 4 Kasua Family 13.27.50; 5 Manuel Lofts 13.28.14; 6 Manuel Lofts 13.28.22; 7 Hok Edas & Pienaar 13.29.02; 8 Sheldon Bros 13.28.52; 9 Arendse Lofts 13.28.59; 10 Hok Edas & Pienaar 13.29.11
Malmesbury - Leeu Gamka 1 JO
1 D De Villiers 1325.0131; 2 Cross Border Lofts 1321.3036; 3 G Horn 1309.0772; 4 J Steenkamp 1305.4808; 5 Cross Border Lofts 1305.0094; 6 Cross Border Lofts 1304.8276; 7 G Williams 1304.1595; 8 LF Van Dalen 1301.1960; 9 G Horn 1299.0870; 10 Bordeaux A 1296.8890; Leeu Gamka 1 Ope 1 Kotze Familie Hokke 1364.1248; 2 G Horn 1350.7206; 3 G Horn 1350.2336; 4 J Steenkamp 1332.7828; 5 Marais Hokke (Ksd) 1332.1483; 6 Marais Hokke (Ksd) 1331.5807; 7 Cross Border Lofts 1327.9546; 8 Cross Border Lofts 1327.7664; 9 Marais Hokke (Ksd) 1326.2126; 10 Marais Hokke (Ksd) 1326.0250;
RUGBY - Darling Rugby Klub 15 Junie - Koringberg vs Darling