СЛОБОДНИ СОБИ Интересен е моментот кога ќе влези некоја личност во твојот живот и за прв пат ќе ја отклучи вратата на твојата среќа. Ќе ти покаже што се криело зад неа. Што сѐ се криело во тебе, без да знаеш. И ти стануваш посреќна личност. И целосно се променуваш. Никој повеќе не ти е потребен. Толку многу се врзуваш, што веќе не знаеш што ќе биде со тебе без таа личност. Но, таа личност те напушта. Заминува од твојот живот. Вратата повторно е затворена. Сите оние убави работи кои биле достапни од собата, повеќе ги немаш на достап. И целосно се затвораш. Не дозволуваш никој да пристапи до тебе. Единствено, кога ќе ја здогледаш личноста, го вклучуваш знакот "Слободни соби". Но, таа личност заминува во другиот хотел. Но, ти треба да продолжиш и не го чекај оној кој ја заклучил твојата врата и си заминал. Смени ја бравата. Стави оглас: "Слободни соби". Реновирај го целиот хотел доколку е потребно. Убаво е тоа што чекаш да се врати и сѐ да биде онака како што било. Но, на тоа лице не му се допаднало тоа што го видело во собата и заминало. И којзнае колку соби има сменето од тогаш. И да сака, нема да се врати. Бидејќи тоа што го имаш, повеќе не е интересно за таа личност. Едноставно, дозволи некој друг да се радува на малите нешта кои ги имаш. Што знаеш, можеби ќе се отвори некоја друга врата, кон подобра соба. И ќе се ослободат емоции подобри од претходните. Што доколку има личност која постојано поминува покрај твојот хотел и никогаш не влегла само затоа што знакот "Слободни соби" е изгасен? Прифати ги нештата кои не можеш да ги смениш и фокусирај се кон оние кои можеш да ги промениш. Само така ќе имаш успех. Во спротивно, само тага и разочарување те очекуваат.
1