Ttottoka-pottoka, mutua zirudien dortoka

TTOTTOKA-POTTOKA, MUTUA ZIRUDIEN DORTOKA Ediciones Fortuna etxearen argitalpena www.edicionesfortuna.com www.facebook.com/edicionesfortuna © Edizio honena: 2016, Ediciones Fortuna Sopela (Bizkaia) Jatorrizko izenburua: La tortuga Taratuga es tan tímida que parece muda © Carmen Villanueva Rivero, Ibone Ruiz de Velasco Artaza eta Paul Caballero Barturen Egilea: Carmen Villanueva Rivero Jatorrizko ideia eta kolaborazioa: Ibone Ruiz de Velasco Artaza Ilustrazioak: Paul Caballero Barturen © Itzulpena: Hitzurun Hizkuntz Zerbitzuak, S.L. Donostia (Gipuzkoa) Lehen edizioa. Eskubide guztiak erreserbatuta.

ISBN: 978-84-945027-1-2 IBIC kodeak:YBC-YFU-2ZB-5AC-4Y Legezko gordailua: BI-146/2016 Inprimatzailea: Grafilur, S.A. Basauri (Bizkaia)

TERAPIPUINAK, NOLA ETA ZERGATIK Haur askok, arrazoi bat edo bestea dela-eta, zailtasun batzuk izaten dituzte garatze-prozesuko une jakin batzuetan eta, beren ahalmenei ahalik eta etekin handiena ateraz gainditu behar dituzte, aurrera egiteko. Profesional baten kontsultara jotzea oso lagungarria izan daiteke, eta gomendagarria da, arazo batek denboran irauten badu edo areagotu egiten bada. Batzuetan, ordea, nahikoa izaten da ulermen, maitasun eta pazientzia pixka bat, eta ipuin on bat, haurrari osasuntsu eta zoriontsu hazten laguntzeko.

Terapipuinen bildumaren ideia haurren osasun mentaleko zentro batean sortu zen.Urtetik urtera aholkularitza psikologikoko kontsultak biderkatu egiten zirela ikusita, denen esku uzteko baliabideak egon behar zutela pentsatu nuen. Eta horietako bat izan zitekeela gida-ipuin bat.

Horregatik, ideia nire lankide Carmen Villanuevari azaldu nion. Psikiatra eta ipuin-idazlea den aldetik, haurrak beren burua identifikatuta ikusi ahal izateko pertsonaiak sortu ditu, zailtasunetan lagunduak senti daitezen. Era berean, eta helburu berberaz, gidaliburu labur bat egin zuen gurasoentzat. Paul Caballero ilustratzaileak marrazkia eta kolorea jarri zien pertsonaia xarmangarri horiei.

Arazoak gainditzea lortzen duen fabulazko pertsonaia baten bidez, haur, guraso, tutore eta terapeutentzat lagungarria izatea da terapipuinen helburua. Liburuaren amaieran ziur aski zer gertatzen ari den azaltzen zaio helduari, eta haurrari bere garapenean lagun diezaion aholku txikiak ematen zaizkio.

Guretzat, hainbat urtez, beren istorioez eta irudimen zoragarriaz gero eta hobeto lagundu nahi izatera bultzatu gaituzten haur horiei gure eskerrona eta omena adierazteko bidea da proiektu hau, eta baita haien gurasoei eskertzekoa ere, gure esku utzi baitzuten gure lana ondo egiteko gauzarik baliagarriena: konfiantza.

Ibone Ruiz de Velasco Artaza Psikologoa

Bazen behin dortoka bat, hondartzako zulo batean jaio zena. Bere amak arrautza asko jarri zituen han eta, hautsi zirenean, bere anai-arrebak itsasorantz joan ziren korrika, dortoka guztiak bezalaxe.

Baina bera beldurtu egin zen kaio bat ikusi zuenean, eta hurbilago zeuden dunetara jo zuen, han ezkutatzeko.

Gau guztian ibili zen hondartzatik urrutiratuz, nora jo ez zekiela; eguna argitzerako, oso urrun zegoen itsasoa.

Orduan bakarrik sentitu zen seguru, ezkutatu ahal izateko zuhaitz eta zuhaixka asko ikusi zituenean.

Oso nekatuta zegoenez, burua oskolean sartu zuen, geldi-geldi geratu zen eta‌ hain ongi sentitu zenez‌ loak hartu zuen.

Loa ez zen luzea izan ordea; izan ere, beste animalia batzuek esnatu zuten; jakin-minez begira zituen, bere inguruan.

Mozila gorilak nor zen galdetu zion, eta Patxiku basurdeak animalia ala harria zen jakin nahi zuen.

«Ez duzu bururik eta hankarik?», «badakizu hizketan?», «nola duzu izena?». Denek ezagutu nahi zuten, bere lagun egiteko eta berekin jauzika eta lasterka ibiltzeko.

Dortokak, beldurtu samar bada ere, pentsatu zuen burua aterata ez ziotela minik emango; izan ere, bere oskolera igotzen zirela eta ez zutela pisatzen nabaritu zuen, eta tok-tok egiten ziotenean kilimak baizik ez zituen sentitzen. Beraz, erantzun egin zuen: ÂŤDor-ttttotttoka bat naaaaiz!Âť.

Oihaneko animalia guztiak algaraka hasi ziren, ez baitzen horrela esaten! Geroztik Ttottoka-pottoka dortoka deitu zioten.

Barre egiten ziotela ikusi zuenean, gorri-gorri jarri zen, tomatea bezala, eta beste inooooiz ez zuela hitzik esango erabaki zuen, hanka ez sartzearren.

Haiekin geratu zen bizitzen, ez baitzekien nora jo. Baina besteek jolasean oso ondo pasatzen zutelarik, berak haiek bezalakoa ez izateagatik inbidia sentitzen zuen.

Ez zen ezer egitera ausartzen, eta pentsatzen zuen: Zerbait gertatuko al da, hain lotsatia eta hain beldurtia ez izaten lagunduko didana‌!.

Eta gertatu zen! Izan ere, egun batez, egunsentian, denak elkartuta eta kezkatuta ikusi zituen. Pantxo papagaiari –oso gaizki hitz egiten zuen, baina bost axola hari– entzutera hurbildu zen, eta ekaitz handi bat zetorrela zioen. Euria barra-barra egingo zuela eta oihanean uholdeak izango zirela azaltzen zien.

Zaharrenek esan zuten: ÂŤAlde egiteko prest egon behar dugu, mendira igotzen ez bagara, ito egingo baikara!Âť.

ZER DIRA TERAPIPUINAK? Teraipuinak haur-psikiatra batek idatzitako ipuinak dira, konpondu gabeko gatazka psikologikoren bat duten haurrak zaindu eta hazten laguntzeko, eta gurasoei gida bat eskaintzeko.

Gure fabula txikiak haurrarentzat dibertigarriak eta lagungarriak izango dira, ipuineko pertsonaia batekin identifikatuta sentitu ahal izango denez. Gurasoei eta tutoreei haurrak jasaten duena ulertzeko aukera emango die. Eta lan-tresna egokia izango dira terapeutentzat.

Ipuin baten bidezko dibertsioa eta laguntza, hori da Terapipuina!

www.edicionesfortuna.com www.facebook.com/edicionesfortuna

Ohea bustitzea

Loaren nahastea

Hiperaktibitatea