Rughji è chjuchjulimi
veranu di i pueti
Pasquale
ALBIANA/ CCU
Baldovini
Pasquale Baldovini
Rughji è chjuchjulimi
/
I monti petricosi Sò chjassi ardenti Da fà nasce i curagiosi Chì s’attippanu à passi lenti Sdirinati da l’imbastu Ch’elli si strascinanu Sunniendu di l’attastu Di a pace è di l’affannu È si stanu inalpacati in e cime Fiacchi è spinsirati Rimirendu di a vita u bullichime Chì trimuleghja di tutti i lati È po cume acelli rassirinati Voltanu versu i poghji bassi E piaghje è i stagni impistati È lochi altri da incapriccià si Tandu sempre più murtale Sfruttanu di u tempu andante Custighjendu à rasente l’elpale Da circà si cumosse di gigante
7
Vistigheghju u cantu di l’idee spaperse è ne facciu tilatiche di rise, di stridi è di pienti. Ùn seria megliu alluntanatu da u chjuchjulime ? * Feghju u spechju viotu induva animali chì parlanu si movenu, mughjendu ci u niente à scaccanera è sentu l’estru pueticu chì mi fughje. A dura solitudine, ùn ci hè chè què. È po allora, à chì mandà i so sogni, à chì mandà e so vittorie ? Deve firmà si insignuritu l’omu sulignu ? Cumu ricusà a chjama di l’onori ? Solu s’ellu s’arrizza u pueta, l’orechja appinzata, in e cime di e muntagne, senterà u ringraziu di a terra, è cusì, ne caccerà e so risposte. * U sole di e mane d’inguernu m’arricorda di ficcà mi à nantu à e stonde di u prisente, quelle chì dirascanu i chjassi di l’eternità.
8
Rughji è chjuchjulimi
Mimoria sciolta
Mi fughjenu e maghjine Longu à i ghjorni di a vechjaia Di e nostre stonde verghjine Sott’à u celu, sott’à i faii Ma, Amore, cumu era tù Per piacè, conta mi li torna I risalti di a to giuventù Chì u mo malannu spietatu inforna Di u to nome solu mi ferma Una brumula secca è persa È una musichella inderna Chì annanna a mo mimoria scarsa Cum’hè chì di i to ochji Mi ne scordu à pocu à pocu Ricordi, n’aghju più chè rochji Ch’o vecu more à picculu focu Si cunsuma u mo mondu Senza ch’o possi fà nunda Si stringhje u mo circondu È cusì u pientu abbonda
9
Stava à sente à e parulette di issa vichjarella pueta, abbendata da un velu, è chì puru sintia u mondu cume s’ellu era una mela prufumata sott’à u so sguardu astutu. Forse u ricordu di l’iniziu di a vita nutria tandu u so core fiaccu è colmu à tenerezza da i culori scemi di a vita. * Quandu cunversanu e sponde, si tace u fiume sottu à l’ascosa bellezza. * E fiamme arrutate aprenu e piaghe salvatrice. Ind’a sapera di i sogni u curagiosu feritu ùn fughje micca. Rifiata, è po, si lampa, un’ altra volta, ver’di a so lotta infinita, quella chì u face esse omu.
10
Rughji è chjuchjulimi
Pò esse chì a timichezza Spiega senza pietà Chì eiu, omu senza sgualtrezza Ùn possi chè cantarellà Inde una lingua piatta U marosu chì mi sciacquitteghja Di u zocculu fin’à a teghja Senza una parolla sgalabata I sensi ùn sò più listessi I culori scontranu un nome U rossu empie e pome Frutti di solitu omessi E mo chjame nimu inzerpa È puru ùn ci hè manera di spulà Altru à a mo zerga Di passione ch’o vecu penciulà È fin’à l’orlu di e fureste Briuneghju à sbattagliulera Sopr’à e vanghe, sopr’à e creste È mancu trimuleghja a terra
11
Fiacchezza, amante eterna di a notte, veni puru à copre i mo ochji sbalancati chì ricusanu di vede finisce issu ghjornu, impauriti di dumane. * Sott’à i ditti si sente u granu di e pagine frisgiate da u marosu d’inchjostru. È da culà ci escenu à tempu carezze è pugni di puesia. * Scunvoltu sò da issu corpu chì si sprufonda, chì ùn superchja un saltu di vechja. À quandu seraghju anch’eiu eredu di issu tempu chì rode ossi è anima ? Pensava d’ùn avè paura di issa bocca vorace chì ci aspetta à tutti, fora di quellu chì si lampa in u fiore di l’età, bravu è scemu, presceltu è digraziatu. È puru ogni volta ch'ellu s'avvicina, ogni mane ch’ellu face u mondu, u vecu chì si strascina, è s’acciccia u mo surrisu, fiertà di a mo vita, ch’ùn aghju a forza d’alzà.
12
Rughji è chjuchjulimi
L’acellina è u pueta
Una mane in carrughju Carcu à ghjente affaccendata Infattai un’acella spinsirata Chì u cantu mi paria un rughju Ritta è azzecata viaghjava À mezu à cori arrazati Da i so tacchi spaccati È mai ùn tremulava Auh ! s’o sapia vulà O omancu chjuchjulà, Nè cacciadore, sò Nè balladore, è po, Sfattu cum’ellu hè u mo visu Chì possu cagiunà fora di un risu ? À l'appiattu è svergugnatu Un’ uchjata li lampava È di daretu cuttighjava U so cuntornu bellu zuccatu À mumenti pigliò un crucivia È in un’ alata fugace Sparì lebbia cum’è a bambace ‘Ssu fasgianellu di pazzia
13
Auh ! s’o sapia vulà O omancu chjuchjulà, Nè cacciadore, sò Nè balladore, è po, Sfattu cum’ellu hè u mo visu Chì possu cagiunà fora di un risu ? Stantaratu si firmò Colmu di rimpienti D’ùn avè ballatu cù i venti Chì a mo voglia puru chjamò Cumu puderia allucinà la A mo vita senza sole Eiu ùn aghju chè duie fole Inde u mo fucile da sparà le Auh ! s’o sapia vulà O omancu chjuchjulà, Nè cacciadore, sò Nè balladore, è po, Sfattu cum’ellu hè u mo visu Chì possu cagiunà fora di un risu ?
14
Rughji è chjuchjulimi
Scruccone di versi è falsariu di pueti attalintati, m’inframettu, a mascara in faccia, è bramu di l’estru, fussi tragicu, per una stundarella di gloria. * Fin’à quandu aspetteremu troppu di dumane, ùn si sà. Forse un ghjornu l’ochji chjuderemu è u fischju di u ventu ci disciterà. * Ogni pueta chì s’inframette in a mo mente ci stà cume un migrante ghjuntu in ‘ssu morganu per u sempre, decisu di impone ci a so stampa. Pienu di fiacca, mette à palesu l’orlu di u mo sapè, induva si sparghjenu a machja di a mo ignoranza, i pruni di a verità, e bugie velenose è i lamaghjoni di l’offese. Scunfittu, ùn sò cumu scumbulisce mi cù stu invasore svergugnatu chì in duie parolle vultuleghja e credenze di sempre. Duie vie mi parenu apre si. O l’annegu è facciu nice d’ùn avè lu mai intesu, o giru a cricca, sbalancu u cateru, è u lasciu scialà si là in u campu di u mo pensà.
15
U zappaghjolu parulaghju
Partu zappa nant’à e spalle À sbulicà 'ssu mondu sanu Da sculinà ne fiure immurtale O ancu un dettucciu vanu È zappu, è zappu à scimesca Vistighendu tutti i scaporni Da i più dolci fin’à i scataforni In e cumedie di u Sgiò Vattelapesca O tramezu à i più belli adorni Di e pennate à a settantesca Ma induva site, parullette care Dite mi, cumu ballavate tandu Si dice chì vo vugate sempre u mare Ascosi cum’è battelli di contrabandu L’orechja appinzata Fermu à l’agguattu Casu mai chì s’affacchi una vulata L’aggranferia bellu aggalabatu Un giuvellu mi scupreraghju Cum’è u marinare una terra ignota Vede spuntà da sopra à u maghju À l'orlu d'una marighjata rotta
16
Rughji è chjuchjulimi
O ne buscheraghju stonde sole Di viaghji felici senza move Accolte in l’infinite chjove Ch’aghju sulcatu per tutte e parolle
17
In a notte citadina aghju vistu duie petre celeste. Ballavanu à mezu à a nebbia cunsueta di ‘ssi lochi. Sbalurditu ùn mi sò mossu è cusì hè smarrita davanti à mè una scuperta da fà tremulà u mo core rugnosu, chì dipoi anni è anni ùn hà nemancu più a forza di pienghje. * In a corte u picculu mondu di i chjuchi si sbucina, carcu à salti, di capivultulate capinanzu, di pienti tragichi è di rise tamante. * L’amore aspetta u cavallieru chì s’atteppa serra serra. Da quassù si sente u rimore di u galoppu chì pichja u sole petricosu, da quaiò si sente l’odore di i sintimi. Ma ùn ghjunghje mai u cavallieru chì per u sempre cuntinueghja a so corsa à nantu à stu chjassu infinitu. A scelta di u so destinu ùn ci riflette, per ellu hè bellu chè chjaru limpidu, appressu l’amore sunniatu correrà senza primura di traconi, senza mai rifiatà, chì li feria più dannu di stancià si chè di suvità a strada di a solitudine addisperante.
18
Rughji è chjuchjulimi
U paese di e forche
Ispiratu da una storia vera, accadutu in u paese di Nuceta, oghje sempre chjamatu « u paese di e forche » in a regione.
Inde u paese di e forche, Mossi da u trattu mattutinu, Una brancata di talorchi, Appesa à maldestinu, Pendiculava à l’albore. Era di l’Arrighi a mossa fiera, Spinta cù onore, Dopu à a sterpera di a sera. Di u foscu cullò una vucetta, Scannata è svigurita, Da a traversa di Nuceta, Chì cantò a so razza sfiurita. - « Un Arrighi ùn accetta di Genova A grazia vergugnosa À nantu à un fiore una bonanova Ci ramenta ‘ssa scelta gloriosa Cinque eranu l’omi Impiccati cum’è violi Sfatti ma mai domi U babbu è quattru figlioli »
19
Fù rivolta paisana Contr’à armate spietate, Duie piole è un’arma casana Di rimpettu à spade arrutate. Da u nemicu avvinti Rendinu i ferri sanguinosi. - « Dichjarate vi vinti Davanti à noi vitturiosi, È di a superba reppublica Palisate a dignità È chì a vostra sorte si liga Cù a nostra bona vuluntà » - « Noi, da a vostra schiavitù Sceglimu di e forche a sciagura Chì à l’omi di virtù Ùn li sende chè aria pura »
20
Rughji è chjuchjulimi
Un lume scatinante è po un libru di fulguranze incapiscevule. Una voce di fumu in u teatru, una voce tremante in u spaziu, dui bichjeri inghjalliti, o ancu di più, una chjucarella ochjicastagnu, un ballu sgalabatu, una chjoma di paglia. Eccu u ritrattu di una mansa di ricordi à stracci di una sera memurabile à mezu scurdata. * Quandu sò vultatu in a sapera di i sogni ci aghju sculinatu u lume di a notte. * Si pò fissà una lingua, inquatrà la cume una natura morta è ghjaccià u so sangue di parolle ? Certi l’anu pruvata, dà fà ne un scempiu eternu.
21
À core francu ùn pò stà mutu
Quand’elli si sfondanu i mondi Ferma arrittu l’omu sulignu Carcu à estri fecondi Da u so ochju malignu Ùn risente mancu u cambiu In l’aria ciambastrata Chì ellu viaghja cun ambiu Tramezu ‘ssa terra addestrata Cum’hè ch’ellu ùn ricusa E suppliche d’agrottu Di a ghjente ascosa È di u so spiritu currottu Ch’ellu ùn ne pò pate U populu stancu E verità svelate Da u so core francu L’avvinghjenu i scianchi Tandu à a disperata È li trapananu i fianchi À rombu di pietà ingrata
22
Rughji è chjuchjulimi
Dopu à avè lu spugliatu Di a so forza divina Imbruttendu lu d’ogni latu In sapientone di ruina Sprufonda cusì ellu dinò Avvisendu di u scempiu l’iniziu À tempu à 'ssi maestrò Di a vigliacchezza è di u viziu Spuntanu allora fiori tamanti Induva s’hè firmatu à so alma Cuprendu lu di culori di i santi Per l’eternu à a calma
23