Asciuva ti ne a bocca… …Chì
Ascuiva ti ne a Bocca_int.indd 1
ùn ti ne tocca !
05/03/2015 12:28:33
Ascuiva ti ne a Bocca_int.indd 2
05/03/2015 12:28:38
Antonio Corsarcata
Asciuva ti ne a bocca… …chì ùn ti ne tocca !
Traduzzione di Ghjacumu Thiers
ALBIANA • CCU
Ascuiva ti ne a Bocca_int.indd 3
05/03/2015 12:28:38
Ascuiva ti ne a Bocca_int.indd 4
05/03/2015 12:28:38
Sunta
1. Una furia mediatica !....................................................
7
2. Ind’è i Dantoni, maddalenini ......................................
15
3. In Barcelona ..................................................................
21
4. Impresariu, attori è registu ..........................................
27
5. Un’arretta in Cadaqués. ...............................................
33
6. Da Marseglia longu à a costa di a Corsica ...................
39
7. À a Maddalena, puru ghjunti ! .....................................
45
8. I tituli è a stampa .........................................................
55
9. Residenza libertà survegliata .......................................
59
10. … asciuva ti ne a bocca ..............................................
69
Ascuiva ti ne a Bocca_int.indd 5
05/03/2015 12:28:38
Ascuiva ti ne a Bocca_int.indd 6
05/03/2015 12:28:38
1.
Una furia mediatica !
P
assanu trenta anni è ùn si vede un fiatu è po di un colpu i vidite chì sbarcanu à battellate ! Madama Dantoni ùn hè tantu tranquilla. Sò dui chì anu digià chjamatu è l’altri ùn staranu tantu à affaccà ancu elli. Unu hè un certu Pettinetti o Pettinacci… Ùn hà micca capitu troppu bè… ma chì primura di i pettini è di e pettinette ! L’altru saria reporter è travaglia per RADIO CORSICA FREQUENZA MORA, un nome bellu pumposu. À ciò chì pare face un’emissione regulare ancu cù a Sardegna è l’altri lochi di u Mare Terraniu. Sicuramente pè a ghjente à l’oziu, chì quì à A Maddalena, ùn si hà mancu u tempu à rifiatà, ùn si hà mancu… Quellu chì hà chjamatu u primu hè Antonio Pettinette o Pettinelli… Deve esse un castigu, ma ùn pò fà altru. Hà pruvatu à fà quella chì ùn era comuda, ma hà insistutu Flavio, u maritu, è quand’ellu insiste quellu, andate puru chì ciò ch’ellu hà in capu, ùn l’hà micca in altrò. Allora, ella chì pudia fà ? Si hè data una pettinata à a lesta, si hè cambiata è eccu la quì. U giurnalistu hà dettu nant’à u rispunditore ch’ellu ci hè una presentazione di Vox Mediterranea nantu à Google è ci hè ancu ellu è a so fottò è u so CV, dunque s’ella và à fighjà ci nantu, l’hà da ricunnosce subitu. Ma ella hà pocu a primura di Google, di i siti è di facebook. Noi, i Dantoni, simu à l’antica, o amicu, è ne simu fieri ! Dunque, u giurnalistu, ùn sà mancu cum’ellu hè fattu, ma dumanderà è si farà cunnosce. Pettinette, u giurnalistu, hà dettu à u telefonu ch’ellu u manda u so giurnale à fà un’inchiesta nant’à un fattu chì principia à piglià si a prima pagina di tutti i giurnali di u 7
Ascuiva ti ne a Bocca_int.indd 7
05/03/2015 12:28:38
Mediterraneu. Di fatti chì sarà issu puttachju di un filmu pornò duv’elli sarianu mischjati affari di brunzetti nuragichi è po zitelli minori filmati à l’appiattu da una squatra pocu quenta duve à buleghju ci sarianu attori è cineasti di nomina, catalani è argentini, puttanette o puttanone d’Europa centrale è di tutte e parte ? Assai ne sà po’ella ! È po’ a primura hè più chè poca ! Cumu s’ella ùn avessi nunda altru à fà chè à sente a vuciata trascinà meze verità, cose di quì è di quallà, un affare à cullà è unu à falà, unu chjaru è l’altru torbidu, tepidu, caldu o cutratu, biancu o neru andate à sapè. Andate chì s’è vo pudete vede ci chjaru, site propiu forte è meritate di esse micca giurnalistu in u cumu si chjama ?.. ma in i cutidiani più maiò di u mondu, di quelli chì s’ella si incrochja a fermeture-éclair di un pantalone sardu in Cagliari, si ne sente e ricuccate in Bastia, salta u rimore in Nizza è in Parigi, ghjuntu quallà hè una tunizata, passendu per Francfort è Londra oimè u tempurale è toccu New-York allora custindi attente à u tsunamì ! Hè per quessa chì à a prima telefunata d’issu Pettinelli, ùn ci hà mancu datu retta… infine ùn hà micca rispostu è hè stata à sente u messagiu ch’ellu hà lacatu u giurnalistu nant’à u rispunditore. Issu affare di battellu cù u so equipagiu di giovani sfaccendati è di starlette in vocula ùn li garbava mancu à pena. È hà decisu di lacà corre… Dopu, hè statu u maritu à ramintà li la è à dì li chì l’affare cusì ùn pudia andà è chì ci vulia à passà ci. I giurnali, era d’accordu ancu ellu ch’ellu li piace à stuzzicà u vespaghju più chè a cerca di l’infurmazione è di a verità, ma o Marì, s’è tù ùn li dai capu, u so mendu hè cusì : anu pigliatu cuntattu cù i Dantoni di u Festivale di A Maddalena, è Madama Dantoni ùn hà mancu rispostu. In isse cundizione ci hè da dumandà si ciò chì si passa in isse parte di u Mediterraneu è i Dantoni ciò ch’elli volenu piattà ! Si sà chì e terre di u Sud di l’Europa è l’isule in particulare 8
Ascuiva ti ne a Bocca_int.indd 8
05/03/2015 12:28:38
sò a patria di l’acqua in bocca, ma quantunque, u dirittu di l’infurmazione hè un duvere pè ogni citadinu nettu è pulitu s’ellu sà qualcosa di mette lu à dispusizione di u publicu, tantu più s’ellu hè interrugatu à posta da un giurnale chì ùn si techja micca di puttachji è patarachje, ma face l’inchieste cum’è disidè. È tandu u silenziu di Madama Dantoni ùn hà stupitu a redazzione ! Ma l’osservatori anu fattu l’ipotesi chì sarianu state a ghjente ingiru à ella – è ci era bisognu à dì li la ch’ellu era ellu, u maritu, à esse suspettatu di avè la fatta stà zitta ? – ad avè li dettu è impostu di ùn palisà a minima cosa nant’à iss’affare chì si truvava oramai in manu à a pulizza è sicuramente frà pochi ghjorni in carica à a ghjustizia. È chì diventerà, ma chì diventerà u festivale di u maritu, u Festivale Maddalena a tzìnema, ch’ellu si hè tantu straziatu à almanaccà è à mantene, quella retrospetiva de totu sos films chi issu at dedicadu a s’ìsula in bint’annos che bi benit ogni istiu ? Tandu Maria Dantoni hà tiratu un suspiru tamantu, si hè asciuvata e mani ch’ella hà sempre à bagnu per via di una faccenda o l’altra in cucina o à lavà in terra, hà decisu di mutà versu è di risponde à a chjama di u giurnalistu : « Pronto ! Signor Pettinone ? – Scusi, signora ! Sì, ma lei parla con Antonio Pettinelli, non Pettinone… – Sono confusa, signor Pettinò… – … nelli, sbaglia solo la finale, Pettinelli, ed ora tutto và bene… » S’ellu si và à circà hè ancu simpaticu, issu giurnalistu, mai l’averebbe pensata Maria Dantoni… È si sò fatti unu è l’altru una bella scaccanata. Sempre cù un zinzicu di timichezza da a banda di Madama Dantoni, ma franca è allegra da a banda di l’altru chì senza risposta sinu à issa telefunata, u giurnalistu si dumandava da chì parte accustà u so sugettu in modu veridicu 9
Ascuiva ti ne a Bocca_int.indd 9
05/03/2015 12:28:38
è attu à fidelizà a clientella frolla d’issu organu d’infurmazione novu, ma ch’omu devia assicurà aldilà di a curiusità certa, ma ch’omu devia torna arradicà in u tempu è ind’è l’abitudine. A risposta cascava bè chì u direttore di u giurnale ùn piantava mai di ramintà à tutta a squatra di i so currispundenti ch’ellu ùn era ghjuntu u mumentu di rallegrà si è di cunsiderà ch’elli avianu u so publicu assicuratu. A matina stessa l’avia detta è ripetuta a so canzona chì facia capighjà d’accunsentu tutti quanti l’impiigati presenti in a sala di redazzione : « Attira a nostra formula, hè nova da veru chì ùn si hè mai imaginatu un organu di stampa propiu mediterraneu, dicia Paulu Signuretti. Tandu, stemu attenti à i currenti maiò di a vita pulitica in issa parte viva di u mondu. Ma femu pianu, ùn cappiemu e croniche lucale duv’ellu li piace à ritruvà si, à a ghjente ! I nostri lettori, ci vole à tene à mente ch’elli anu omancu dui capi, quattru ochji almenu, ottu arechje è ùn sò quante identità ! Hè chì sò tutti citadini di stati tamanti, ma membri di cullettività culturale è naziunale più ristrette. » Antonio Pettinelli l’avia intesu tantu è tantu issu discorsu, è li paria più una seca chè qualchì verità nova, ma si dicia dinù chì l’affare funziunava, chì a ghjente aspettava è chì u giurnale si vindia propiu bè, in ogni cità di u circuitu duv’ellu era impiantatu cun currispundenti è depositi. I trè centri principali di Catalogna, Corsica è Sardegna si spartianu a direzzione generale di u giurnale è unu à pressu à l’altru, à ognunu li venia, un semestru dopu à l’altru, a respunsabilità di a ligna edituriale di u giurnale. È tandu Vox Mediterranea rispechjava, di sicuru, e quistione maiò di a regione chì era à u cumandu per sei mesi. Issa urganizazione sistematica avia messu u dubitu à unepochi osservatori, i dui primi anni d’esistenza d’issa voce mediterranea è i cuncurrenti 10
Ascuiva ti ne a Bocca_int.indd 10
05/03/2015 12:28:38
menu sinceri si campavanu à l’appiattu scumettendu cun passione pè a data chì iss’iniziativa utopista si deveria dichjarà in faglitta… Ma l’affare tenia fiatu è e sciffre di l’attività cumerciale stabilianu una crescita regulare di vendita in ogni regione cuncernata, puru s’è l’edizione in limba sarda è quella in corsu a ghjente si vidia ch’ella li rincrescia à pena à leghje la, u talianu è u francese essendu sempre preferite pè a lettura currente, malgradu e spese accunsentute finanzate da singhjune e regione per finanzà e so pulitiche d’ufficialità. Hè capita chì issu successu speratu – è in qualchì modu prumessu da issu principiu di riescita – campava tutti quelli chì travagliavanu à ogni livellu di rializazione di e varie edizione regiunale. Ma Antonio Pettinelli ci avia ancu più piacè chè tutti l’altri s’ellu si pò dì vistu e so origine è i viaghji fatti da i soi dapoi sempre. Oh, ùn avianu micca fattu e corse marine tamante d’Ulisse o di Iasone, nè scumbattutu cum’è quessi l’umatali di u Mare nostrum, ma quantunque ùn avianu nunda à chì vede cun tutti issi lumbricconi ch’omu vede oghje chì ghjè oghje falà nantu à marina à uchjighjà smaravigliati, ma aggrancati, i battelloni chì accostanu è dopu cappiatu ghjente è robba, ùn stanu tantu à riparte à girandulà pè issi paesi. In fatti Antonio Pettinelli ùn avia tantu sceltu ma avia fattu senza troppu riflette cum’è tutti quelli di a so famiglia. Figliolu di un Catalanu maritatu cù una Corsa, avia campatu parechji anni in Cagliari è in Sassari prima di stallà si in Palma di Maiorca duve u Diari de Balears li avia parechje volte datu missione di riportu da fà in Corsica è in Sardegna. Era ind’è l’anni 1995, à l’epica chì e duie isule si eranu avvicinate da pudè almanaccà un’idea è trasfurmà la in 11
Ascuiva ti ne a Bocca_int.indd 11
05/03/2015 12:28:38
prugettu eurupeu. Si chjamava IMEDOC è vulià dì relazione cumerciale, ecunomiche, culturale è pulitiche trà l’Isule di u Mediterraneu Ocidentale. À pocu à pocu isse duie isule avianu riesciutu à scunvince E Baleare è per finisce ancu a Sicilia d’entre in a cumbriccula ! Unite cusì, rapresentavanu una capacità demugrafica di quasi ottu miglioni di ghjente, una ricchezza putenziale è una forza d’urganizazione chì pudia ancu cambià u distinu d’issa parte minurizata sinu à tandu è chì scumbattia da fà si ricunnosce da territoriu è da prugettu puliticu da a Cumunutà Eurupea. À u ghjustu ùn si sapia perchè è duv’ellu era affundatu u prugettu ma ùn eranu più firmatu chè duie vistiche, un sognu è tante dillusione in isse terre chì avianu buscu, in pocu tempu, una credibilità è ancu un pesu chì ùn si pudianu cuntrastà. U fattu si stà chì e mentalità puru poche eranu cambiate è un certu passa è veni era diventatu oramai una cosa nurmale è chjamata à cresce sempre di più. Era quessu l’ambiente di parechji anni più tardi, quandu si era affaccata a previsione di creà Vox Mediterranea chì era, pè a parte catalana, in discussione trà u giurnale maiurchinu è a direzzione di Avui in Barcelona stessa. Cascava chì Antonio Pettinelli eranu pochi mesi ch’ellu avia decisu di stallà si definitivamente in Bastia è da custì facia senza piantà u passa è veni trà issa capitale di Vox Mediterranea è l’altri punti currispundenti. Issa dispunibilità per spustà si ad ogni mumentu è subitu ch’ellu ci vulia li dava oramai un’impurtanza strategica in a manera d’inchiestà di u giurnale sanu. Successu ne avia di più in più, ma ùn li cullava in capu mancu à pena. D’altronde, dopu natu u media per qual’ellu travagliava, dui o trè cuncurrenti avianu riesciutu ancu elli à fà si a so strada è ùn ci vulia à addurmintà si s’omu vulia esse u primu nantu à u colpu ! 12
Ascuiva ti ne a Bocca_int.indd 12
05/03/2015 12:28:38
Ed hè perciò ch’ellu circò quasi subitu à sapè s’è qualchissia altru avia digià dumandatu. A donna rispose ch’ellu si era annunziatu un altru di a RADIO CORSICA FREQUENZA … è po ùn si arricurdava più, ma Pettinelli fù rassicuratu è messe subitu à ottene l’appuntamentu chì li ci vulia. Era per quessa ch’ellu si appiccava à issa Maria Dantoni, issa voce maddalenina duv’ellu cuntava di arradicà a so inchiesta. Dunque, fattu e manere ch’ellu dumandava u galateiu, messe à chere un appuntamentu in cor’di u viaghju ch’ellu devia fà in issa isulella ch’ellu cunniscia benissimu digià. Nè mancu si scurdò di ammintà ch’ellu stava vicinu à a Sardegna, in Corsica, è po di un colpu, cusì cum’ella vi vene certe volte l’ispirazione senza sapè perchè à u ghjustu ma qualcosa vi impunta à parlà di certe cose propiu à l’ispensata, Pettinelli lampò ch’ellu era corsu ellu stessu. Di un colpu, a voce di Madama Dantoni si pigliò dui gradi di tonu più alti è a donna perse vinti anni d’età : « Or guardate u mondu cum’ellu hè chjucu ! Ancu eiu sò Corsa, sò curtinese ! È voi ? – Da a parte di Babbu, simu di Lleida, in Catalogna, ma da quella di Mamma, simu tutti di a Piaghja, Lucciana, Casamozza è a Casinca… – O cum’ella mi face piacè ! Ci aghju a famiglia pè isse parte custindi ! Quand’hè ch’è vo venite à A Maddalena ? – È bè… ùn aghju da stà tantu… Dumane sbarcu. Saraghju ghjuntu in cor’di matinata. – Allora, state à sente, ùn circate nunda, venite à cullaziò è po’ s’è vo state, ùn circate l’hôtel, vè ! A casa hè grande è una camera pè un cumpatriottu ci sarà ! Cusì farete a cunniscenza di u mo maritu chì sarà cusì cuntentu ancu ellu… Allora, hè detta. – È bè… ùn possu dì di nò, vistu cusì bella accolta… è po’ mancu aghju laziu di ricusà ! » 13
Ascuiva ti ne a Bocca_int.indd 13
05/03/2015 12:28:38
È si fecenu unu è l’altra una bella scaccanata di piacè è si dissenu à vede ci. À Pettinelli li ridianu ancu i scarpi da a cuntentezza di avè avutu cusì bella idea è si disse chì cù issa entrata custì, l’inchiesta ùn staria tantu à purtà la à fine è à disciuplicà tutte e quistione ch’ellu muvia issu battellu partutu da Catalogna è chì si era fattu dui scali in Mataró è in Marseglia prima di piantà in u portu di A Maddalena duv’ellu era scuppiatu tuttu l’affare è natu u scandalu. Eranu parechje cause à mette u sussuru in tuttu u Mediterraneu, ma sopra à tuttu a nomina di l’omu chì ci si truvava ligatu è incappiatu. Hè vera chì Jordi Sampere Queró, mettore in scena, figliolu di u grande scrittore chì avaria buscu u Premiu Nobel di Literatura s’ellu ùn fussi mortu prima : Jordi Sampere Mestre, ùn era mancu à pena un scalzacane ! À puntu, issu figliolu avia anticipatu un travagliu di adattazione pè u teatru di l’opera maiò di u babbu : Capelliturchinu, in catalanu : Blau de cabells.
Ascuiva ti ne a Bocca_int.indd 14
05/03/2015 12:28:38
2.
Ind’è i Dantoni, maddalenini n sò stati tantu tutti è trè à accustà u sugettu stessu vistu ch’elli eranu non solu d’accunsentu per dì si tuttu ma ancu cuntenti di cuncretizà in issu modu a sincerità di e rilazione trà cumpaisani corsi è insulari vicini vicini. Antonio Pettinelli hà aghjustatu dinù chì l’affari andavanu in furia è chì dapoi a so telefunata di a vigilia, a redazzione l’avia infurmatu chì l’affare oramai interessava un pruduttore d’origine corsa stallatu in Parigi è rimarcatu à l’ultimu Festivale di Cannes. Ùn starianu tantu à sbarcà à A Maddalena ghjunti da tutte e bande è à dumandà à i Maddalenini di palisà tuttu, di parlà senza ritenuta è ch’elli viutessinu u saccu ! L’entusiasimu di u giurnalistu fece incrispisce una cria moglia è maritu chì temianu a corsa à scimesca di l’infurmazione quand’ella piglia i paesi ! Flavio Dantoni è a moglie risposenu ch’ellu ùn ci era nunda da palisà chì, à so sappiuta, ùn ci era nunda piattu. « Ma chì saccu da viutà ? Ùn ci hè sacchi da viutà ! Eiu, ùn sò nunda ! Ùn la cunniscite a cundizione di e donne, quì, culà, in Corsica in Sardegna è ancu à sulle forche ! Strazià, zimbinà è po chjode si la ! … » aghjunse Madama Dantoni, ritruvendu pè una stundarella a so stizza chì fece dumandà si à u giurnalistu s’ella era u caratteru propiu di a persona o u risultatu di a so cundizione. « Iè, di sicuru, cuntinuò Pettinelli, ma i giurnali si interrugheghjanu cum’hè chì issu Jordi Sempere hè ghjuntu à circà à A Maddalena da pudè fà u so spettaculu strattu da Blau de cabells.
Ù
15
Ascuiva ti ne a Bocca_int.indd 15
05/03/2015 12:28:38
– Ùn ci hè misteru, rispose Flavio Dantoni. A vi dicu cum’ella hè. Sò statu eiu ad avè li prupostu di accettà a presidenza di u nostru festivale di sinemà maddaleninu ! Era un pezzu ch’o circava una persunalità pè issu postu onorificu ma cusì impurtante pè u patrimoniu culturale di e piccule minurità cum’è a nostra : – È cume l’avete sappiutu u so nomu ? – Cunnosce u cunniscia chì ci tenimu quantunque à capu di l’attualità sinematografica è artistica mundiale, tantu più s’ellu si tratta di quella mediterranea, rispose Flavio Dantoni, una cria ammursciatu… – Innò, ma vogliu dì… avete avutu un cuntattu ? – Un cuntattu, un cuntattu, altru chè cuntattu. À racumandà mi lu hè statu un manager d’altu livellu. Antonio Pettinelli si stà zittu chì capisce chì à Dantoni li rincresce à cappià u nome di Dellafrancesca. Ùn hè a prima volta ch’ellu u sente ammintà in issu affare, è capisce ch’ellu ci hà parte centrale ind’è l’azzione. Dantoni in issu mentre dice di l’arrivu di a truppa cun Jordi : – Hà dettu di sì, Jordi Sampere ed hè venutu sinu à quì ! Hè un omu chjappu assai, cridite la puru. È chjamatu in u mondu sanu ! CQFD disse unu, è prova quant’ellu hè di parolla issu omu custindi ! – Iè, ma quantunque, issu festivale, per sente dì, sarà un pocu… speziale, mi scumoda di dumandà la chjara è netta, ma issu festivale ùn era un festivale pornò ? – Pornò ? Ma chì pornò ? In casa meia ùn ci ne entre pornò ! Ùn hè micca vera ! Mughja Madama Dantoni ed hè cum’è spuntanea, finta mancu à pena, l’indignazione chì a suttrenna sana sana. Micca vera, mancu à pena, pornò ùn si ne hè vistu mai quì, nè in casa, nè fora è A Maddalena, cum’è a Corsica, sò terre nette è pulite ! S’ella si affacca, eiu l’aspettu a pornò, 16
Ascuiva ti ne a Bocca_int.indd 16
05/03/2015 12:28:38
s’ella si affacca ci hè questa quì per riceve la ! » è in un gestu estrosu è comicu misura a spazzola à… l’idea di un festivale pornugraficu. Pettinelli ùn si sente tantu bè di pettu à a zerga di a donna chì si pesa di un colpu è parte frumbata à sbuchjà si dui pomi in cucina per caccià si i nervi d’à dossu. Flavio Dantoni u maritu si hà accesu un sigaru – di quelli tuscani, è s’ellu fuma Pettinelli, ch’ellu si ne stucchi unu ancu ellu… –, hè firmatu calmu calmu è videndu cum’ellu hè scumudatu u giurnalistu, li serve un’altra tazzina di caffè è li dice di ùn inchietà si per nunda. E donne sarde è e donne corse si assumiglianu. L’idea di imbruttà si cù issi fatti custì li face vene i spiriti, li face… Ma Maria, s’ella face cusì, hè ch’ella hè una persona franca è sincera, spuntanea è sputica. Vulè li ne ùn ci vole mancu à pena à vulè li ne… è po l’omu cuntinueghja mezu ridoni è mezu seriu : « Ma chì vulete, caru Antonio, sò cusì e nostre donne ! U sangue ùn hè acqua ! È ùn stà tantu à bolle… In Sardegna è in Corsica, listesse listesse. Ùn ponu mette in dubitu a parolla è l’onestità. Subitu chì l’anu in simpatia, à a persona li anu da fà cunfidenza in ogni cosa, è s’è unu li và contru, disgraziatu à ellu… Allora, ùn hè micca contru à voi, ma contru à tutti issi puttachji chì correnu è chì nimu pò fà stancià. – Mi dispiace quantunque di mette u disturbu in una casa chì mi accoglie cun dulcezza è curtesia. – Ma ùn purtate penseru, caru amicu. Fate e dumande è e ricerche quant’è vo vulete. Quì, ùn ci hè nunda da piattà. È in più vi aiuteremu sinu à quant’è no saperemu dà vi risposta. Cù e timpeste di l’infurmazione infuriata, andate chì sapemu e dificultà di u vostru mistieru… – Vi ringraziu, di core, chì mi capite cusì bè. Fighjate issu sborru di tituli, dice Pettinelli aprendu u saccu ch’ellu si avia arrimbatu à a carreia è punendu à unu à unu i giurnali nantu à 17
Ascuiva ti ne a Bocca_int.indd 17
05/03/2015 12:28:38
u tavulinucciu : « Su pornògrafu ispagnolu ». « Su pornògrafu catalanu ». « Jordi Sampere Queró at profanadu s’ànima de sa Sardina ». « In Sardigna cun amore malàidu ». « Ofesa imperdonàbile a sas domus de jana ». « Su Munitzìpiu de Indebadas parte tzivile in su protzessu cuntra sos pornògrafos ». « Gherra cuntra sos profandares de sa domo de jana ». Tandu, a ghjente si dumanda duv’ellu hè u veru è cos’ella hè issa purnugrafia è cos’ellu saria issu « tràfricu de ogetos de arte sarda preistòrica » cum’ellu hè scrittu avà quì è culà ? – A ghjente chì si dumanda, l’opinione sarda, corsa è internaziunale hè più chè lecitu di dà li e risposte chjare chì li venenu di dirittu, ma ci vole à sapè le ghjuste è precise da pudè le porghje… – Và bè. Hè venutu in Sardegna à girà filmi purnugrafichi ? – Ma brullende mi est, vostè ? No apo mai in totu sa bida mia, scusate… in tutta a so vita mai aghju giratu un minutu, un minutu, un solu minutu di purnugrafia ! – Avà site voi chì burlate ! Como mi est brullende vostè. Ùn vi scusate, o sgiò Dantoni. Sò statu allevatu quì è u sardu u capiscu quant’è u corsu ! In sa vìdio-càmera chi li ant secuestradu sunt registrados atos pornogràficos a subra de una barca in mesu a mare. – Caru Antonio, avà sì ch’o vecu chì s’è no cuntinuemu cusì, ùn ci surtimu mancu in flacchina cù a nebbia. Ci vole ch’o vi dichi e cose da u principiu, cum’elle sò iniziate in Barcelona è cum’elle si sò passate fin’à quandu Jordi Sampere Queró è i so cumpagni di viaghju missenu u pede à A Maddalena… – Altru chè l’Odissea, avà sì ch’è no simu partuti pè un viaghju longu longu ! cappiò Maria Dantoni mezu azeza è mezu burlasconi. Pettinelli pensò ch’ella si era calmata propiu in furia… Affacchendu si à a porta di a cucina, circava a cumplicità di a macagna cù un sguardu ironicu lampatu ver’di 18
Ascuiva ti ne a Bocca_int.indd 18
05/03/2015 12:28:38
u giurnalistu. Vistu u saccu d’anni passati inseme à praticà si, a donna sapia chì à u maritu ùn ci era bisognu à pricurà lu per cuntà… D’altronde, ci era un scherzu cunvenutu trà d’elli è chì vulia dì più chè … un discorsu. Quandu unu o l’altra mettia à parla, l’altru venia è, niciu nicioni, li mettia davanti una buttiglia d’acqua minerale è un bichjeru. È secondu l’estru o u sugettu di a chjachjarata, sia si dava capu à u rimproveru, sia ùn si facia casu. Pettinelli avia rimarcatu issu ghjocu chì paria bellu accunciatu è cù una longa pratica… Issu ghjornu custì, Maria sfidò u maritu dumandendu li dinò l’acqua s’ellu a vulia gasata o naturale, ma quellu ùn la sentia mancu più chì si era digià bellu indiatu à cuntà da duv’ellu partia tuttu : u scontru in Barcelona trà Marc Joan Peralta Blanc è Jordi Sampere Queró.
Ascuiva ti ne a Bocca_int.indd 19
05/03/2015 12:28:38