SANJUANAKEIBARREN2019
56
AVIA EIBAR RUGBY EMAKUMEZKOEN TALDEAK OHOREZKO B MAILARA IGOTZEA LORTU DU GOGOR LAN EGINDA
A
via Eibar Rugby Taldea bere urte emankorrenetako batean dago, emakumezkoen senior taldeak historian lehen aldiz lortu baitu euskal liga irabaztea eta igotzea Ohorezko B Mailara, non gizonezkoen senior taldeak ere jokatzen duen. Kategoria honetara iristea lortu duen Gipuzkoako emakumezkoen lehen taldea da gainera.
Nesken taldea duela urte batzuk sortu zen eta, nahiz eta gorabehera handiak izan, eusten eta hazten jarraitu du gaur egunera arte, arrakastatsuenetakoa izan den une honetara arte. Klubean ikasi duten neska guztiak, eta oraindik ere taldean jarraitzen dutenak, garrantzi handikoak izan dira eta dira, gaur egun dauden lekura iristeko.
Klubaren bilakaerak eta emakumezkoen taldearen indarrak eragin dute Eibarko kaleetan errugbiaz hitz egitea eta kirol honek gero eta presentzia handiagoa eta normalizatuagoa izatea herrian; ondorioz, gero eta jokalari gehiago erakartzea lortu dute, eta baita ere bigarren talde bat sortzea, 40 fitxa inguru lortu baitute. Horrela, emakumeen taldea lizentzia kopuru handiena duten emakumezkoen euskal taldeetako bat bihurtu da. Eta lortu du kirol honekiko batere interesik ez zuten emakumeek ere babestea, transmititzen dituen balioengatik eta emakumeen kirolean eskuratu dituen emaitzengatik.
Halaber, talde armaginak, handitzen jarraitzeko harrobi ona edukitzea garrantzitsua dela jakitun, ekipoak ditu sub 12tik hasita kategoria guztietan. Eskolak ere baditu, txikienek balioz betetako kirol batez disfruta dezaten. Garrantzitsua da jokalariak, neskak zein mutilak, eroso egotea klubean, jarrai dezaten eta seniorrera irits daitezen esperientziarekin eta egiten dutenaz gozatzen. Azpimarragarria da 14tik beherako taldea nagusiki neskatilek osatzen dutela, gogotsu etortzen direnak entrenatzera eta gertutik jarraitzen dutenak emakumezkoen seniorra, urte batzuk barru haiek ere ekipo horren partaide izango diren ilusioarekin.
