Sarmura

enrico de lea

sarmura (versi siciliani)

loStretto(altripassaggi) book

N.d.a. : questi versi sono stati composti nel dialetto conosciuto dall’autore tra Casalvecchio Siculo,

la

Valle

d’Agrò, la riviera ionica e Messina.

Sono tratti dai blog “dagli stessi luoghi” e “da presso e nei dintorni”, su wordpress.com

2

ni pari

nni pari, cetti voti, ‘a vita priincuta di minchiati, e t’annu ‘a motti, cu tuttu chi nn’atterra, nni pari chi nn’ascuta, comu na pessona seria

3

e macari

e macari u ‘nfernu capaci chi scumpari puru iddhu, nto cauddu di stu nvernu, unni, si manca ‘u munnu, a chi sebbi u nfernu? si manca u veru, u fausu, mmiscati nto spittaculu riali, ma chi cancia ? e appoi non c’esti nenti, nenti nova annata appress’u natali, mancu distinu annunca bruttu o beddhu divinu o maladittu, spirèmu nta neula o scrusciu o ciusciu, n’authra pisciata d’aceddhu supra ‘u Sthrittu

4

a vidìumu

a vidìumu e a videmmu stampata notti e gghiornu, sta matri ianca e focu, misa luntana, attornu, l’occhiu si facìa un ghiocu a vardarla, a Muntagna, nta chiarità da matinata nto lusthru da sirata – e tuttu lassatu ddhocu

5

nenti

c’esti un nenti fattu di nivi na boria di passaggiu, un ghiacciu unni currivi spittannu u suli, maggiu

6

nto gghianu

giucaumu a ‘mmucciateddha nto gghian’i Carretti, e nni ‘mmucciaumu nta vaneddha, nta ll’ortu di don Nofriu o di don Santu, nta timpa, senza scantu, nta Brigghiu, e arreti d’a currera ‘i ddh’autru don Santu sintìumu sempri i bbuci ‘i Cicciu u pacciu: a storia annau a ddha manera e a vita puru, e sempri ‘mmucciati ristammu, anticchia o lusthru, anticchia o scuru, e chistu sulu sacciu

7

cent’anni

a zia Lucia, contra u muru d’a notti, si mittìa nta na cantunera e non ci putìa a motti, spittava tra vigghia e sonnu, e poi sapìa ch’iddha a vincìa pi tutta a luci ‘i na viduta criata p’a so’ matinata, sapùta iera, a zìa, e dicìa chi, nenti scuru, sulu a vita è vera

8

appoi

appoi n’a vidivi ‘rruari di Ciappazzi o di luntanu, sempri a Signura di vivi e di cu non c’era cchiù, vistuta d’un ghiancu trasparenti – non ci facìa nenti: Padri Don Mariu a facìa scantari ca so ferra 'n manu

9

ie pari

ie pari ca d’u nfernu si inchìu u munnu. cetti voti – ie pari puru chi c’è n’autru nfernu dopu, chiddhu ufficiali si mu ricordunu ci rispunnu: dicitimi pi quali scopu st’autra ‘ggiunta di mali

10

di ddhà supra

vardannu di ddhà ssupra, i’ Santu’Lìa d’unni na vista godi dinthra vaddhuni crista serru armacìa, nta cummunìa di vivi e morti, unni sbattulìa un mantu virdi e iarsu, nt’all’aria e nto sdirrupuni, a vita ca ‘ssaggiammu e nni piacìa, e nnì piacìa a tutti pari un bruttu sonnu chiddhu chi spira a cetti uri da matìna o sira: pi figghi e figghi, pi salvizza i tutti, un prigantozzu conthra i tempi brutti, ittannu simenzi, e caminannu, puru menzi menzi

11

viàtu

viàtu, dici, faciti viàtu nenti tempu non pi vardari u scumiari da marina, ma mancu pi pigghiari ciatu – viàtu, e chissu iè tuttu, si manciu si travagghiu si passìu, e viàtu pur’un diu hav’a ffari ‘u miraculu – ma cchiù non ci sentu, e ddàtini n’anticchia d’abbentu fazzu viàtu, cettu, e dopu mi nni futtu

12

scuta

scuta, si c’è firuta o firita a unni sugnu sugnu, vicinu o luntanu, p’i fatti d’a vita, comu nni capita, si mi nn’addugnu, mi ceccu o spissu ddha ‘n_terra nt’e menzi o nt’a menti, è u stissu, un taddhu i nipiteddha - e, fossi, mi risanu

13

nt'a gghìna

iddhu, c’havìa sarbatu tanta genti a Missina, putìa finiri nt'a gghina d'u ciumi Arò, ffuàtu, ma me nannu a lassàu passari – si ffirràu ‘e lanthrari e spittàu, iddhu sulu , e sarvau puru u mulu, cu ll’aiutu e a cummunìa di tuttu i so’ motti, chi ‘rruàru lesti, nni cuntava, pi sarvizza e cumpagnia

14

‘nsonnu

era carusu e mu nsunnai: me patri avìa a moriri (ma inthr’a du’ simàni) scippatu di mani latri unni c’è a minnulara, unni resta a so’ caminàta a zia Maria scutau e ’a so’ risata pi tuttu Santu Totiru sunau, e quannumai, dicìa, cu murìa nta ‘nsonnu poi campava cchiù ‘ssài e annunca senza scanti nni vulìa fari sonnira tannu pi llungaricci a vita a tutti, com’un miraculu d’i santi

15

sarmura

vulissimu nzignari u passu du tempu comu l’arti da sarmura comu alivi sempri sodi e vivi nta ddha iacqua chi dura: sapennu chi u tempu è eternu e semu sempri dinnthr’a vita, fermi, senza peddiri facci e nomu, senza sbattiri mura mura comu na strhabbiduta taddharita – alivi i nanna nta iacqua da sarmura sabbati ‘ddhà bbanna e nni sarbamu nta ddhu tempu di iacqua e suli e sali, eternu, picchì non c’esti scuru, non c’esti nuddhu ‘nfernu

16

I scatthri (versione siciliana di una traduzione da Charles Bukovski)

I scatthri scinninu ca rema comu piscia ianchi, spumiannu iacqua zzola, doppu i vaddhuna, i scatthri cu i cannarini ie i gigghia di scatthri, i pila scatthri d’i naschi, nsemmula scappi e lazzu, cu tutti i spaddimenti ‘i cori scancillati ie i moli ca splenninu, i scattrhi non si smovunu, puru a motti buttana p’iddhi iè ‘i scinnuta e a pinnicuni, scatthri? scatthrùni!, iànnu i megghiu casi, i megghiu màchini, u megghiu caccariari.

E puru i bruttisonna sunnu sonnira cu micciu, sti scatthri, sunnu ssittati avant’a tìa, c’un risu sciacquateddhu 17

chi c’inchi i cianchi, ie puru ‘e so capiddhi pari ca ci ficiru ‘a bucata.

Quantu campai e quantu n’eppi a vidiri.

E u sapiti pi daveru cu è a motti?

Iè unu di sti scatthri facciòli e malarazza chi ti sthrinci a manu e macari t’abbrazza.

18

chiddhu ca regna

nta stu sdirregnu di iurnata ‘a scurdata e di vita ‘a scurdata chiddhu ca regna supra i zanni tutti su’ i facci sciutti ‘i me’ pathri, ‘i me’ nannu, chi non parrunu ma sannu

notizia Enrico De Lea (1958), messinese tra città, riviera jonica e colline, vive al nord. Ha pubblicato in rete (anche in ebook), su rivista (Specchio, Atelier, Sud) ed in volume (Pause, 1992, Ed. del Leone; Ruderi del Tauro, 2009, L’Arcolaio; Dall'intramata tessitura, 2011, Smasher; Da un'urgenza della terra-luce, 2011, La Luna; Suffragi del bianco, 2013, Officina-Poesia).

Premio Poesia di Strada – Macerata 2010. Premio Ulteriora Mirari 2011. Cura i blog "da presso e nei dintorni" (delea.wordpress.com), con suoi testi., nonché “dagli stessi luoghi” e “lo Stretto (altri passaggi)”.

19

indice

ni pari

pag.

3

e macari

4

a vidìumu

5

nenti

6

nto gghianu

7

cent’anni

8

appoi

9

ie pari

10

di ddhà supra

11

viàtu

12

scuta

13

nt'a gghìna

14

‘nsonnu

15

sarmura

16

i scatthri

17

chiddhu ca regna

18

20