16 minute read
Lácteos locais
by eroski
Tradición e calidade
Detrás dos iogures, das sobremesas tradicionais e dos queixos típicos da túa terra hai pequenas familias que, con coidado e agarimo, elaboran acotío produtos de gran calidade a partir da mellor materia prima e seguindo as receitas de toda a vida.
Otraballo cotián de gandeiros, queixeiros e produtores lácteos contribúe á economía, á cultura e á paisaxe do contorno próximo. Esas pequenas granxas, queixerías e obradoiros que enchen as nosas aldeas son clave para a sustentabilidade do contorno.
Arredor delas xéranse moitos traballos directos e indirectos. Dende os gandeiros e traballadores da propia explotación, pasando polos transportistas que recollen o leite cru e que o levan ás plantas de envasado, e polos seus empregados, os servizos veterinarios, os talleres que reparan a maquinaria, os produtores de penso, etc.
En EROSKI comprometémonos a apoiar todo este traballo e o futuro do sector agroalimentario da mellor maneira que sabemos.
APOIO AOS PRODUTORES
A nosa relación comercial adáptase ás necesidades destas pequenas empresas e produtores e axudamos a impulsar plans de profesionalización que contribúan á sustentabilidade da súa actividade económica no futuro.
Garantimos que os seus produtos artesáns teñen espazo nas nosas tendas á marxe do seu volume de vendas.
Dende EROSKI impulsamos a innovación mantendo a tradición e buscamos, xunto aos nosos provedores locais, novas variedades, envases, e mesmo diferentes formas de elaboración mantendo intactos os valores que tornan únicos eses produtos.
Ano a ano aumentamos a variedade de produtos de proximidade para que os alimentos das nosas tendas sexan máis locais.
Descubre as historias que hai detrás dos nosos queixos, iogures, etc.
ARAGÓN
Villa Villera, lácteos de ouro no corazón de Aragón
Villa Villera é unha pequena empresa familiar de produtos lácteos de Sieso de Huesca, que naceu como granxa de vacún de leite hai máis de 50 anos. Seguindo coa longa tradición familiar, nos anos 90 comezaron a elaborar produtos lácteos como queixos madurados, frescos, requeixo, iogures e sobremesas co leite das vacas da granxa. Produtos que gañaron un gran recoñecemento non só en Aragón, senón tamén internacionalmente, como demostran os tres ouros e dúas pratas gañadas nos World Cheese Awards 2016-2017.
A clave do seu éxito reside nos seus procesos de produción artesanais, que priman sempre a calidade dos produtos, que elaboran con leite natural e sen aditivo ningún. Ademais, controlan todo o ciclo de produción, dende a cría e a muxidura á elaboración e a distribución, que se limita a un radio de 100 quilómetros. Os produtos de Villa Villera elabóranse de xeito artesanal co leite natural das súas propias vacas.
BALEARES
Coinga, o sabor único de Menorca
Coinga naceu como cooperativa gandeira de Menorca en 1966 grazas á alianza entre gandeiros e produtores para impulsar a sustentabilidade do sector lácteo. Dende as súas orixes, Coinga e a illa de Menorca compartiron un destino inseparable que converte o queixo Mahón nun produto único e estritamente ligado ás características xeoclimáticas desta illa, nomeada Reserva da Biosfera pola Unesco.
A humidade, a temperatura e o vento procedente do mar Mediterráneo, que saliniza os pastos, xunto cunha tradición queixeira milenaria, compoñen unha receita única, certifi cada coa Denominación de Orixe Protexida dende 1985.
Todos os membros da cooperativa coidan con mimo cada paso da elaboración. Recollen acotío o leite das súas granxas, repartidas por toda a illa, respectando a súa frescura, para podelo envasar con todo o seu sabor e propiedades e elaborar os seus queixos o mesmo día da recollida.
UN SABOR INCONFUNDIBLE
O sabor do leite de Menorca e dos seus queixos é único e, por iso, o semicurado Coinga foi recoñecido ata en oito edicións distintas como un dos mellores queixos do mundo. É, ademais, o queixo Mahón máis versátil. Ideal para tapas, gratinado, sobre pan torrado con tomate ou na clásica torrada balear con sobrasada quente. Sempre está boísimo.
O seu queixo curado tamén recibiu numerosos premios internacionais ao longo da historia. Madura entre 180 e 240 días, ten un sabor intenso e grande aroma. É perfecto como aperitivo ou sobremesa, acompañado con froitos secos ou froita. Un imprescindible nas táboas de queixos españois.
Todos os produtos de Coinga dispoñen do certifi cado europeo WelfairTM en Benestar Animal, que acredita as boas prácticas que levan a cabo as explotacións e o seu compromiso co campo, a sustentabilidade ambiental e a calidade dos seus produtos.
O leite co que se elaboran os queixos Mahón de Coinga recóllese acotío en Menorca.
GALICIA
Kalekói, a arte de facer iogures de quilómetro cero
Cun nome que lle rende tributo á deusa Kali das tribos celtas que no 1.800 a.C poboaron estas terras, Kalekói é a marca de iogures dunha pequena empresa familiar galega, que en tan só cinco años se deu feito un nome por mor dunha produción artesá e de calidade.
Cun nome que lles rende tributo ás tribos celtas que no 1800 a.C. poboaron estas terras, Kalekói é a marca de iogures dunha pequena empresa familiar galega, que en tan só cinco anos se deu feito un nome por mor dunha produción artesá e de calidade.
Situados en Lalín (Pontevedra), en pleno corazón de Galicia, os artífi ces de Kalekói decidiron hai cinco anos darlles un xiro ás súas vidas. Susana Aguiar, enxeñeira industrial, e Álex Moure, enxeñeiro de electrónica, lanzáronse á aventura de fabricar os seus primeiros iogures, poñendo en valor o leite da gandería dos pais dela. Logo sumáronlle á súa gama iogures en tarro de vidro con froitas como amorodo, mazá ou laranxa.
Os iogures de Kalekói son cremosos e naturais, co inconfundible sabor de toda a vida. Esa é a esencia da marca, un regreso ás orixes e ao que sempre foi o leite que producían as vacas antigamente. Cunha materia prima que provén da súa propia gandería e que é transformada no seu obradoiro, en Kalekói son fi eis defensores da economía rural e da máxima do ciclo pechado de produción. Con iso, conseguen controlar a alimentación das vacas e a transformación do leite para lograr uns iogures saborosos e de calidade, cun sabor que permanece sen variacións durante todo o ano.
Esta pequena empresa familiar, que comezou coa gandería dos seus pais, segue a medrar e a contribuír á economía rural da súa zona. Non só coa creación de postos de traballo para as aldeas pequenas de arredor, senón tamén mercando localmente o alimento das súas vacas e as froitas para a elaboración dos iogures.
A gama de Kalekói inclúe iogures naturais, de froitas, quefi r ou leite.
NAVARRA
Ultzama, sobremesas que nacen no val
No val navarro de Ultzama nace Postres Ultzama, fundada polas familias Ziganda e Galain en 1996 e especializada no coidado tradicional de ovellas e na elaboración artesanal de produtos lácteos autóctonos e de calidade. Proceden dunha familia de pastores e o apego e dedicación ao val é o seu sinal de identidade.
O SEGREDO DO LEITE
Antigamente, o leite muxíase e recollíase nun recipiente de madeira de bidueiro (kaiku), e para fervelo utilizábanse pedras incandescentes (esneharriak) que se botaban no leite, co que se obtiña un aroma e un sabor do característico requeimado (kizkilurrin). Para seguir coa tradición, Postres Ultzama elabora leite de ovella xa con ese sabor a kizkilurrin, para que poidas facer a tradicional callada dende a túa casa.
O segredo de Postres Ultzama débese ao leite de ovella fresco. Contan co seu propio rabaño, que moxen dúas veces ao día, e as súas ovellas latxas pastan ao aire libre. Nas súas instalacións producen leite 100% de ovella, pasteurizado, homoxeneizado, e os seus derivados: callada, iogur, xeado e queixo.
CALLADA ARTESÁ
Apoiados no aproveitamento efi ciente da mellor materia prima, o leite de ovella, e o seu tratamento a través das tecnoloxías máis avanzadas, en Postres Ultzama desenvolven unha ampla gama de produtos lácteos da máxima calidade.
A súa sobremesa por excelencia é a callada artesá, elaborada 100% con leite de ovella do seu val, no que os animais se alimentan de xeito natural. Son fi eis á receita tradicional de preparación, para non perderen o seu peculiar sabor artesanal e auténtico. Unha sobremesa sinxela, exquisita, suave e cremosa.
As ovellas latxas pastan no val navarro de Ultzama ao aire libre e a súa alimentación é natural, o que garante un leite sen igual.
PAÍS VASCO
Goenaga, natural coma a vida mesma
Ocasarío Pokopandegi atópase situado nun contorno singular e, asemade, privilexiado de San Sebastián. En plena zona rural, pero a escasos quilómetros das praias da capital guipuscoana viven os Goenaga.
A familia dedicábase á produción leiteira ata que en 1983 comezaron a elaborar iogures co leite das súas vacas. A súa idea era clara: ofrecer un produto próximo, natural e de confi anza. Para iso, controlan todo o proceso, dende a cría das vacas, a alimentación, a muxidura e, por suposto, a elaboración do iogur.
Ese é o valor que lles achega a familia Goenaga aos seus produtos, a confi anza que dá controlar todo o proceso dende o momento en que as vacas pastan no casarío ata que chegan ás nosas tendas.
CALIDADE SOBRE CANTIDADE
O seu iogur elabórase co leite da gandería propia do casarío Pokopandegi, que se moxe e transforma en iogur en menos de 24 horas, sen engadidos nin aditivos, só leite pasteurizado.
Todas as súas vacas son da raza Brown Swiss, afamadas pola calidade do seu leite, que se caracteriza por un alto valor proteico, no que destaca a presenza da proteína A2, que lle achega unha mellora da dixestibilidade ao leite e ao iogur. De aí o seu lema: More than Milk (Máis ca leite).
Ademais, o gando vive nos pastos, como o fi xo sempre, e na familia coidan en todo momento do seu benestar e da súa alimentación, buscando a calidade do leite sobre a cantidade.
O resultado é un iogur cunha dozura natural, sen engadido ningún, que podes tomar sen que cumpra poñerlle azucre. Gózao só ou acompañado co que máis che guste -froita fresca, froitos secos, marmeladas, etc.-, personalizando cada iogur e ceibando a túa imaxinación.
Os iogures Goenaga elabóranse co leite da gandería propia do seu casarío, que se transforma en menos de 24 horas.
• 75 g de fariña de trigo integral • 70 g de fariña de garavanzos • Un cuarto de culleriña de sal • Media culleriña de lévedo de repostería • 85 g de auga morna • 40 ml de aceite de oliva virxe extra • 3 culleradas de sementes de sésamo negro • 30 g de queixo Idiazábal
ELABORACIÓN. Prequentar o forno a 205 ºC, con calor por riba e por baixo.
Relar o queixo e reservar.
Nunha cunca mesturar as fariñas, o lévedo, o sésamo e o queixo.
Mesturar á parte a auga e o aceite.
Facer un cráter na metade dos ingredientes secos para engadir a auga co aceite e mesturar ben ata obter unha masa homoxénea.
Enfariñar a mesa lixeiramente e, coa axuda dun rolo (tamén enfariñado), estirar a masa o máis fi na posible, de 3 a 4 mm de grosor.
Cortar as galletas coa axuda dun cortador enfariñado e poñelas nunha bandexa cuberta con papel de forno.
Unir a masa sobrante, volver estirar e recortar.
Facer buratiños pequenos cun escarvadentes na masa para decorar.
Introducir as galletas no forno durante uns 10-12 minutos. Cómpre que inchen un chisco e que adquiran unha lixeira cor dourada. Sacar do forno e deixar arrefriar sobre unha reixa.
Para conservalas crocantes pódelas gardar nunha lata hermética. Ata no frigorífi co permanecen frescas. COMENTARIO DIETÉTICO Estas galletas salgadas son unha boa opción como aperitivo acompañadas dun untable saudable como hummus, guacamole ou tapenade. Tamén poden ser unha base para canapés. O queixo Idiazábal dálles un punto moi saboroso.
Propiedades nutricionais. Ao utilizar fariña de trigo integral e tamén de garavanzos, a cantidade e variedade de nutrientes é maior. No tocante á fariña refi nada, a integral achega tres veces máis de fi bra, ferro, potasio ou fósforo, e cinco veces máis vitamina E, magnesio, selenio ou cinc. A fariña de garavanzos, ao ser un derivado de legume, conta cunha achega nutricional moi interesante.
Ademais, estas galletas son unha preparación con gran densidade nutricional, polo que gañan en enerxía, co que a porción debe ser moderada. Apta para. Dietas lactovexetarianas.
Racións: 4
Difi cultade Elaboración
60’
NUTRI-SCORE
A B CC D E
UNHA RACIÓN CONTÉN:
KCAL 263
13%
GRAXA 15,58g
22%
GRAXAS SATURADAS 3,82g
19%
AZUCRES 1,23g
1%
SAL 0,33g
6%
0,30€
POR RACIÓN
Receitas que nunca fallan
5 RAZÓNS PARA INCLUÍR AS NOCES DE CALIFORNIA NA TÚA DIETA COTIÁ
1. Benefi ciosas para a saúde. As noces contan cunha gran variedade de nutrientes e son o único froito seco cunha cantidade signifi cativa de omega 3 (2,7 g por cada 30 g). A Unión Europea recoñece as súas propiedades saudables e afi rma que “unha manchea de noces ao día contribúe a mellorar a elasticidade dos vasos sanguíneos”. 2. Versátiles. O seu sabor suave permite engadilas a calquera prato, achegando textura e cremosidade. Funcionan en receitas doces e mais salgadas! 3. Sen glute. Ao non conteren nin glute, nin sodio, nin carne, nin colesterol son un ingrediente moi útil para utilizar se cociñas para moitos. 4. Proteínas de orixe vexetal. Ao se combinaren coas noces, as receitas baseadas en alimentos vexetais poden ser tan benefi ciosas como unha porción equivalente a un prato de carne, xa que as comidas baseadas en alimentos vexetais son máis ricas en fi bra. 5. Están deliciosas! Asegúrate de gardalas na neveira/conxelador para manteren a súa frescura. TORTILLA DE PATACAS CON QUEIXO E NOCES
INGREDIENTES 3 patacas medianas, media cebola, aceite, 30 g de Noces de California, 4 ovos, 30 g de queixo roquefort, 30 g de gorgonzola, sal. ELABORACIÓN 1. Pelar e cortar as patacas e a cebola. Introducilas nun recipiente apto para o microondas cun pouco de aceite de oliva. Cociñar á máxima potencia 5-10 minutos. 2. Nunha tixola con aceite poñer as patacas. Engadir os queixos e as noces. 3. Engadir o ovo batido, coidando de que se estenda ben. 4. Cando vexamos que está un pouco callada, virar a tortilla. Servir nun prato e... lista para tomar!
Atopa as mellores Noces de California nestes produtos
SEN GLUTE
SEN SODIO
Descubre máis receitas saudables www.nuecesdecalifornia.com
1,65€
POR RACIÓN
Solombo de porco ao leite
• 600 g de solombo de porco nunha peza • 1,250 l de leite enteiro • 2 dentes de allo • 75 g de cebola • 15 ml de aceite de oliva virxe extra (AOVE) • Sal, pementa negra e rosa • 1 folla de loureiro e romeu
ELABORACIÓN. Prequentar o forno a 190 ºC, con calor por riba e por baixo.
Salpementar o solombo. Engadir media cullerada de AOVE nunha tixola e dourar por todos os seus lados. Reservar.
Nunha tixola limpa apta para o forno, engadir media cullerada de AOVE e rustrir os allos e a cebola picada fi na. Así que estean listos, sen que se cheguen a dourar, engadir o leite, unha folla de loureiro e unha póliña de romeu. Deixar cociñar 15 minutos a lume medio para que reduza un pouco.
Introducir o solombo reservado e levar ao forno uns 15-20 minutos, dependendo do grosor.
Sacar do forno, retirar o solombo e reservalo á calor. Retirar tamén a folla de loureiro e o romeu e triturar a salsa. Se cómpre, deixar reducir un pouco a salsa ata obtermos a textura desexada.
Cortar o solombo en toros grosos, cubrir a fonte de servir coa salsa e engadir a carne.
Moer un chisco de pementa negra, uns grans de pementa rosa e unhas follas de romeu e servir decontado.
COMENTARIO DIETÉTICO Propiedades nutricionais. É un prato para tomar con certa moderación, xa que que se trata dunha carne vermella, aínda que o solombo é dos cortes máis magros. Destaca polo seu contido en proteína de alta calidade, pero tamén en graxa e ácidos graxos saturados, aínda que a metade proceden do leite. Amais de ser unha preparación doada, resulta de boa calidade nutricional. Aínda que cómpre lembrarmos que a mellor opción será sempre acompañar os pratos con verduras. Receitas que nunca fallan
Racións: 4
Difi cultade Elaboración
40’
NUTRI-SCORE
A B C D E
KCAL 369
18%
UNHA RACIÓN CONTÉN:
GRAXA 18,62g
27%
GRAXAS SATURADAS 8,15g
41%
AZUCRES 11,36g
13%
SAL 0,71g
12%
da Inxestión de Referencia (IR) para un adulto
Sabías que...? A graxa láctea non supón un factor de risco de enfermidade cardiovascular; de feito, un dos seus ácidos graxos pode exercer certa protección, ao igual ca outras substancias que contén.
