Elkartasuna

Zuk kausak proposatu, eta denon artean aukeratu

Hitza eta botoa eman nahi dizugu 2023. urteko Elkartasun Kausak hautatzeko. Zuk baino hobeto inork ez dakielako zenbat balio duen irribarre batek. Zuk proposatu, eta guk entzun egingo dizugu. Eta denon artean aukeratuko dugu!

Keinu txikiekin, adibidez ordainlekuan txartelarekin ordaindu eta zentimo batzuk emanda, mesede handia egin diezaiokegu gehien behar duenari. Duela bi urtetik hona, diru ekarpen horiekin gauzatzen da zuen elkartasuna eta EROSKIrena zenbait proiektu sozial laguntzeko.

Eskerrak eman nahi dizkizugu zure laguntzagatik. Zure ekarpenekin, eta EROSKIk hori osatzeko jartzen duenarekin, laguntza eman diegu egoera zaurgarrian dauden familiei eta hobetu egin dugu haien elikadura eta bizitza kalitatea, babestu egin ditugu bortizkeria matxistaren biktima izan diren emakumeak eta haurrak, gaixotasun neurodegeneratiboak dituzten pertsonak eta minbizia duten haurrak, baita desgaitasuna eta buru osasuneko arazoak dituzten pertsonak ere. Eta ingurumena eta etxerik gabeko animaliak ere kontuan izan ditugu.

Erakunde askok eskuratu du laguntza hori tarte horretan, eta proiektu asko sendotu da baliabide horiekin.

12.000 pertsona eta 464 ekimen 2021. urtean

Iaz 12.000 pertsonak baino gehiagok helarazi zenizkiguten zuen proposamenak eta 464 proiektu aurkeztu ziren EROSKIren elkartasun programan sartzeko eta, era horretan, gehien behar dutenek jaso ditzaten haren onurak. Dei egiten dizuegu guztien artean zifra horiek gainditzera, 2023ko elkartasun ekimena EROSKI osatzen dugun partaide guztiena izan dadin. Mila esker parte hartzeagatik!

HAUTATU EZAZU ZURE ELKARTASUN EKINTZA

Iaz bezala, eskaera egin nahi dizugu heldu den urtean diru ekarpenak jasoko dituzten kausak eta gizarte proiektuak aukeratzen lagundu gaitzazun. Gonbita egiten dizugu gurekin partekatu ditzazun zure kezkak eta nahiak, eta egoki iruditzen bazaizu, eskatu nahi dizugu elkartasun proiektuen berri eman diezaguzula guk laguntza emateko, izan herrialde mailako edo nazioarteko ekimen handiak, izan hurbilagokoak. Guztiak dira interesgarriak, eta ezagutu egin nahi ditugu.

Zure ekarpenak guri helarazteko, web bidezko galdetegi erraz bat sortu dugu -QR kodearen bidez sar zaitezke -, eta minututxo batzuk besterik ez duzu beharko betetzeko. Jasoko ditugun ekarpen guztiekin, heldu den urteko programa eraiki ahalko dugu.

GKE BAT AL ZARA? AURKEZTU EZAZU ZURE PROIEKTUA

Kanal bat ireki dugu GKEek eta elkarteek beren proiektuak aurkeztu ditzaten. EROSKIn iruditzen zaigu parte hartzea eta entzutea direla lehengairik onenak etorkizuna eraikitzeko.