BCC Culinary Club-en udazkeneko menua.

BCC Culinary Club-etik sustatu egin nahi da kultura gastronomikoa, eta hainbat jarduera antolatzen dituzte gastronomiarekiko kontzientzia eta interesa zabaltzeko zaletasuna dutenen artean.

UDAZKENA

Sasoiko menua

BCC Culinary Club-ek diseinaturiko errezetak

Urte sasoi honek izaten dituen zapore eta koloreak ekarriko dizkizugu mahairaino BCC Culinary Club-ek prestatu duen menu batekin.

Kaki ‘carpaccio’-a ‘mozzarella’ gaztarekin

30’ | Oso erraza | 4 errazio

• 3 kaki • 200 g mozzarella gazta • 35 g intxaur (zurituta) • 30 ml oliba olio birjina estra • Gatza, ezkata erakoa • 50 g errukula

NUTRI-SCORE

B B C D E

Garbitu kakia eta moztu xafl a fi netan. Gorde geroko.

Moztu mozzarella xafl a fi netan. Gorde geroko.

Zatitu intxaurrak eta txigortu zartagin batean 1-2 minutuz, erre gabe.

Utzi hoztera. Platerean aurkezteko garaian, jarri kaki xafl ak eta mozzarella xafl ak txandaka. Horien gainean, intxaur txigortuak eta errukula. Erantsi txorrotada bat oliba olio eta ezkata erako gatza.

Egunaren buruan zenbait fruta errazio hartzeak lagundu egingo digu dieta osasungarri bat egiten. Hemen errezeta bat proposatu dugu menuari sasoiko fruta batekin ekiteko.

Txahalaren xerra perretxikoekin marinatua

1 h + 4 h | Erraza | 4 errazio

• 700 g entrekot (txahalarena) • 50 ml ziape (Dijon) • 200 ml oliba olio birjina estra • 100 ml limoi zuku • 15 ml soja saltsa • Gatza eta piperbeltza

Perretxikoen guarnizioa egiteko:

• 400 g perretxiko (sasoikoak) • Baratxuri atal bat • 30 ml oliba olio birjina estra • Gatza eta piperbeltza

Berduren guarnizioa egiteko:

• 120 g azenario (mini erakoak) • 6 baratxuri berri • 6 tipula (mini erakoak) • 15 g gurin

NUTRI-SCORE

B B C D E

Ontzi batean, nahasi Dijongo ziapea, soja saltsa, oliba olioa, limoi zukua, gatza eta piperbeltza. Eragin guztiari, harik eta nahastura homogeneo bat lortzen den arte.

Sartu entrekotak ontzian eta nahasi ongi likidoak dena estaltzen duen arte.

Estali ontzia fi lm batekin eta utzi hozkailuan marinatzen, 4 ordu gutxienez. Denbora hori pasatu denean, atera hozkailutik eta utzi 30 minutuz giroko tenperaturan.

Eman olioa zartagin bero bati eta kozinatu entrekotak 1-2 minutu alde bakoitzetik. Atera plater batera eta utzi egonean minutu bat.

Perretxikoak prestatzeko, moztu handienak erditik.

Zartagin bero batean, frijitu su bizian perretxikoak baratxuri xehatuekin, olio pittin bat, gatza eta piperbeltza emanda, harik eta gorritzen diren arte. Kozinatu perretxikoak tenperatura handian denbora tarte labur batean, bolumenik ez dezaten galdu. Atera plater batera.

Guarnizioa prestatzeko, garbitu eta zuritu mini erako tipulak. Garbitu mini erako azenarioak eta kendu pusketatxo bat zati berdetik.

Kendu zati berdea baratxuri berriei eta moztu bi zatitan.

Frijitu berdurak su bizian gurin pittin batekin glasatuta gelditzen diren arte.

Zerbitzatu plater zapal batean. Jarri entrekota berduren gainean, eta ondoan, perretxiko erregosien guarnizioa.

Marinatua modu ona da haragiei bestelako zapore batzuk emateko eta testura zertxobait samurragoa eta hezeagoa lortzeko.

Pomelo tiramisua

1 h | Erraza | 10 errazio

• 2 pomelo • 350 g mascarpone gazta • 150 g azukre zuri • 2 arrautza • 10 bizkotxo (soletillazkoak)

NUTRI-SCORE

A B C C D E

Zuritu pomeloak, kendu azala eta moztu bitan atal bakoitza. Gorde geroko. Atera zukua pomelo baten erdiari eta gorde geroko.

Ontzi batean, irabiagailuari bitsadera jarrita, irabiatu arrautza gorringoak 75 gramo azukrerekin.

Gorringoak irabiatu ondoren, erantsi mascarponea, gutxikagutxika, eta jarraitu irabiatzen krema homogeneo bat lortu arte.

Beste ontzi batean, harrotu arrautza zuringoak.

Erantsi zuringo harrotuak mascarpone kremari mugimenduak biribilean eginez. Sartu gozogintzako mahuka batean eta gorde hozkailuan erabiltzeko garaia etorri arte.

Eltzetxo batean, bota pomelo zukua, 5 ml ur eta 75 g azukre. Irakin azukrea disolbatu eta jarabe bat lortzen dugun arte. Utzi hoztera.

Jarri edalontzi bakoitzaren oinarrian soletillazko bizkotxoa, bota pomelo jarabea gainetik, erantsi mascarpone krema eta pomelo atalak. Errepikatu gauza bera 2-3 aldiz, edalontzia osorik bete arte.

Apaindu pomelo atalekin eta menda hosto batzuekin.

Proposamen originala da pomeloa jateko bere garairik onenean. Tiramisu honetan, frutaren mikaztasuna arindu egiten da jarabe gozo batekin eta mascarpone gaztarekin.

Ohar dietetikoa

Udazkeneko menua da, sasoiko produktuekin egina. Hasteko, kakiak, non betakarotenoak nabarmentzen diren (gorputzak A bitamina bihur ditzake). Plater nagusia entrekota da, perretxikoz eta berduraz lagundua; haragi hori erdigantzatsua da eta neurrian jatea komeni da, %8-9 ematen ditu-eta gantzak (erdiak saturatuak) eta %20 inguru kalitate handiko proteinak. Bukatzeko eta udazkena eta zitrikoak badatozela ospatzeko, gozo pittin bat pomeloz egina. Postre horrek ugari ematen ditu gantzak eta azukreak, eta noizbehinka jatekoa da.