საბურთალო საფეხბურთო კლუბი საბურთალო 1999 წელს დაარსდა. 2017 წლის სეზონიდან გუნდმა არენა შეიცვალა და სტუმრებს დავით პეტრიაშვილის სახელობის სტადიონზე მასპინძლობდა. წელს კი საბურთალოს საშინაო არენად მიხეილ მესხის სტადიონი ითვლება. საბურთალოს საკლუბო ფერები წითელი და თეთრია. 2013/2014 სეზონში საბურთალოს დებიუტი ჰქონდა საქართველოს პირველ ლიგაში. 2014/2015 სეზონში იმარჯვა კიდევაც პირველი ლიგის პირველ ჯგუფში და უმაღლესი ლიგის საგზური მოიპოვა. 2016 წლის გარდამავალ ჩემპიონატში, წითელ ჯგუფში საბურთალომ მესამე პოზიცია დაიკავა და ბრინჯაოს პლეი ოფში დინამოს შეხვდა, რომელთანაც ორი მატჩის ჯამში 0:1 დამარცხდა. 2017 წლის პირველობა საბურთალომ მეოთხე ადგილზე დაასრულა, 36 მატჩიდან დააგროვა რა 60 ქულა. ურთიერთშეხვედრები დინამოელთა შეხვედრებს საბურთალოსთან ხანმოკლე ისტორია აქვს. გუნდები საქართველოს ჩემპიონატში სულ რვაჯერ წარდგნენ ერთმანეთის პირისპირ. ხუთ შემთხვევაში დინამომ აჯობა მეტოქეს, ორი მატჩი ფრედ დასრულდა და ერთხელაც საბურთალომ იმარჯვა. გატანილი და გაშვებული ბურთების ბალანსია 17/4 დინამოელთა სასარგებლოდ. 2015 წლის 29 აგვისტოს დინამო არენაზე მათე ცინცაძემ თერთმეტმეტრიანი დარტყმით გახსნა ანგარიში. გიორგი ქვილითაიამ პირველივე ტაიმში მეორედ აიღო საბურთალოს კარი. მესამე გოლი ვახტანგ ჭანტურიშვილის ანგარიშზეა, ხოლო წერტილი ალექსანდრე იაშვილმა დასვა და დინამომ 4:0 იმარჯვა. მეორე მატჩში, რომელიც მიხეილ მესხის სახელობის სტადიონის სათადარიგო მოედანზე 2016 წლის 27 თებერვალს გაიმართა - გიორგი ქვილითაიამ დუბლი შეასრულა, თითო გოლი კი ჯაბა ჯიღაურმა და გიორგი თევზაძემ გაუტანეს საბურთალოს და ისევ 4:0 ჩვენი გუნდის სასარგებლოდ. მესამედ თბილისური გუნდები ერთმანეთს 2016 წლის 30 ნოემბერს, გარდამავალი პირველობის ბრინჯაოს პლეი ოფში შეხვდნენ და გატანილი გოლების გარეშე 0:0 დაცილდნენ. საპასუხო მატჩი დინამომ 4 დეკემბერს 1:0 მოიგო. გოლი საბურთალოს კარში გიორგი ზარიამ გაიტანა. მიმდინარე პირველობაზე დინამომ 23 აპრილს მიიღო თანაქალაქელი და 2:0 აჯობა. გოლები საბურთალოს კარში საბა ლობჟანიძემ და გიორგი თევზაძემ გაიტანეს. მეორე წრის თამაში 17 ივნისს დავით პეტრიაშვილის სახელობის სტადიონზე შედგა და ლურჯ-თეთრების გამარჯვებით 5:0 დასრულდა. გიორგი პაპუნაშვილმა დუბლი შეასრულა, თითო გოლი კი ბაჩანა არაბულმა, საბა ლობჟანიძემ და ნიკა ნინუამ გაიტანეს. მესამე წრის შეხვედრა ამ გუნდებს შორის 2017 წლის 17 სექტემბერს ჩატარდა და საბურთალოს გამარჯვებაც დაფიქსირდა. სტუმრებმა 4:1 აჯობეს დინამოს. გოლი საბურთალოს კარში ლაშა თოთაძემ გაიტანა. 2017 სეზონის ბოლო მატჩი საბურთალოსთან დავით პეტრიაშვილის სტადიონზე ჩატარდა და გატანილი გოლების გარეშე დასრულდა.
საბურთალო
გამარჯვება ჩიხურასთან ეროვნული ლიგის მეხუთე ტურის შეხვედრა ჩიხურასა და დინამოს შორის დავით პეტრიაშვილის სახელობის სტადიონზე გაიმართა. მატჩის დაწყებამდე სპორტულმა ვებ გვერდმა goal.ge- მ მარტის თვის საუკეთესო გოლისთვის განკუთვნილი პრიზი ჩვენი გუნდის ახალგაზრდა ნახევარმცველს - გიორგი კუციას გადასცა. თავად გოლი კუციამ მესამე ტურში სამტრედიელთა კარში გაიტანა. შეხვედრაში ანგარიში მე- 4 წუთზე დინამოელებმა გახსნეს. ლევან ხარაბაძის ზუსტი გადაცემა ნიკა ძალამიძემ ასევე ზუსტი და ძლიერი დარტყმით, დინამოს ფორმით თავის სადებიუტო გოლად გარდასახა. ასევე ამ გუნდების დაპირისპირებაში ძალამიძის გოლი ზემოიმერელთა კარში 50- ე გამოდგა. მე- 12 წუთზე სტუმრებს ორი გოლით დაწინაურება მართებდათ, თუმცა ბუდუ ზივზივაძის შესრულებული თერთმეტმეტრიანი დარტყმა დინო ჰამზიჩმა მოიგერია. ხუთიოდე წუთში კი ჩიხურას ფეხბურთელებმა აღადგინეს წონასწორობა. გოლი გიორგი გაბედავამ გაიტანა. მოვლენები სწრაფად განვითარდა და უკვე 22- ე წუთზე დედაქალაქელები ისევ დაწინაურდნენ. საჯარიმო დარტყმა ზუტად და ტექნიკურად ოთარ კიტეიშვილმა შეასრულა. მეორე ტაიმში მასპინძლებმა შეტევებს უმატეს და საბოლოოდ პენალტიც გამოიმუშავეს. დარტყმა გიორგი გაბედავამ ითავა, ბურთი კი დემეტრე ბულისკერიამ უკუაგდო და თბილისელებს მიჯრით მეოთხე გამარჯვება შეუნარჩუნა.
9 აპრილი
დინამო თბილისის და ჩვენი გუნდის აკადემიის წარმომადგენლები და ფეხბურთელები 9 აპრილის მემორიალთან მივიდნენ. დინამოელებმა 9 აპრილს დაღუპულთა ხსოვნას პატივი მიაგეს და გმირების მემორიალი გვირგვინით შეამკეს.
1. საბურთალო
5
8
12
2. დინამო თბ
5
7
12
3. დილა
5
3
10
4. ტორპედო
5
3
9
5. ჩიხურა
5
5
8
6. რუსთავი
5
-1
6
7. სიონი
5
-4
4
8. ლოკომიტივი
5
-7
4
9. კოლხეთი 1913 5
-9
4
5
-5
3
10. სამტრედია
saburtalo
გიორგი ჭიაბრიშვილი
13. დემეტრე ბულისკერია 25. გიორგი მამარდაშვილი 2. გუჯა რუხაია 3. ლაშა თოთაძე 5. დავით კობოური 19. ლევან ხარაბაძე 10. ოთარ კიტეიშვილი 11. აკაკი შულაია 15. ლაშა ქოჩლაძე 16. გიორგი თევზაძე 18. დმიტრო ივანისენია 20. ნიკა ძალამიძე 21. გიორგი ივანიშვილი 22. ბექა დარცმელია 32. ნიკა ნინუა 9. ბუდუ ზივზივაძე 17. მიხეილ ერგემლიძე 23. თამაზ ბაბუნაძე
17. ლაზარე კუპატაძე 77. ბექა ქურდაძე 2. ნოდარ იაშვილი 4. გაგი მარგველაშვილი 5. ცოტნე ნადარაია 12. ლუკა ლაკვეხელიანი 13. გრიგოლ ჩაბრაძე 88. გიორგი რეხვიაშვილი 7. ვლადიმერ მამუჩაშვილი 20. ელვინ ტერა 24. თორნიკე თარხნიშვილი 39. თორნიკე გორგიაშვილი 42. ვაგნერ გონსალვეში 80. გიორგი დიასამიძე 8. გურამ გოშთელიანი 9. დავით ვოლკოვი 10. გიორგი კოხრეიძე 18. დიმიტრი ტატანაშვილი