ჩვენი მეტოქე მერანი თბილისი
1927 წელს საფეხბურთო კლუბ დინამო თბილისის ორგანიზებით საფეხბურთო სკოლა ნორჩი დინამოელი შეიქმნა. ამ გუნდის უპირველესი დანიშნულება დინამოსთვის ახალგაზრდა ფეხბურთელთა მომზადება და მიწოდება გახლდათ. 1999 წელს ნორჩი დინამოელი პირველი ლიგის გამარჯვებული გახდა და ავტომატურად უმაღლეს ლიგაში დაწინაურდა, სადაც კლუბმა თბილისის სახელით იასპარეზა. სადებიუტო სეზონში თბილისი უმაღლესი ლიგიდან დაქვეითდა. შემდეგ სეზონზე ნორჩი დინამოელი თბილისის მერანს შეურთდა და ასპარეზობდა როგორც ნორჩი დინამო-მერანი-B. 2002 წელს საფეხბურთო კლუბ მერანს ფინანსური პრობლემები შეექმნა, რის გამო გუნდი დაქვეითდა ლიგიდან და დაიშალა. 2003 წლიდან ნორჩი დინამოელი მეორე ლიგაში ასპარეზობდა, 2006 წელს იმარჯვა და პირველ ლიგაში დაწინაურდა. ამის შემდეგ, თბილისის მერანმა (კლუბმა საბოლოოდ თბილისის მერანი დაირქვა) საკლუბო ელიტაში მოხვედრა დაისახა მიზნად, რასაც 2019 წელს უწია. ჩვენმა მეტოქემ ლიგა 2- ის ჩემპიონობა იზეიმა და საუკეთესო ათეულში ჩემპიონის სტატუსით შეაბიჯა.
მწვრთნელი და მერანი
სკ მერანი თბილისის მთავარი მწვრთნელის პოსტზე ამა წლის იანვრიდან გამოცდილი ქართველი ფეხბურთის სპეციალისტი გიორგი დარასელია მუშაობს. მისი თავკაცობით გუნდს მიმდინარე ჩემპიონატში 17 მატჩიდან დაგროვილი 6 ქულით ცხრილში ბოლო ადგილი უკავია და მომდევნო გათამაშებას გუნდი პირველ ლიგაში დაიწყებს.
ურთიერთშეხვედრები
ამ გუნდების გზები ეროვნულ ჩემპიონატში მხოლოდ ერთხელ გადაიკვეთა, როდესაც მატჩი 2020 წლის 7 აგვისტოს მიხეილ მესხი 2- ზე გაიმართა. დინამოელებმა მეტოქე დავით კობოურის და საიმონ ბენიოს გოლებით 2-1 დაამარცხეს.
მერანი თბილისი
გამარჯვება და ქულა ჩემპიონობამდე 5 დეკემბერს დინამო არენაზე ეროვნული ლიგის მე- 16 ტურის გამოტოვებული შეხვედრა შედგა, რომელშიც დინამომ სამტრედიას უმასპინძლა. მატჩი მასპინძლებმა აქტიურად დაიწყეს და პირველივე წუთებიდან სათამაშო უპირატესობაც მოიპოვეს. შეხვედრის დებიუტში რამდენიმე სახიფათო მომენტი სტუმართა კართან გატანილი გოლის გარეშე დასრულდა. პერნამბუკუ, ნოდარ ქავთარაძე და დავით სხირტლაძე მიჯრით ემუქრებოდნენ სამტრედიის კარს. პირველ მომენტში მცველის ხელშიც მოხვდა ბურთი, მაგრამ თამაში გაგრძელდა. ერთობ აქტიური ბრაზილიელის შეტევას პირველი ტაიმის ბოლოსკენ სტუმართა კარში თერთმეტმეტრიანი მოჰყვა, პენალტი ზუსტად ნოდარ ქავთარაძემ შეასრულა. ცოტახანში კი დავით სხირტლაძემ ტრავმა მიიღო და პირველი ტაიმის ბოლოს შესაცვლელი გახდა. მეორე ნახევარი ორივე გუნდმა აქტიურად განაახლა. სამტრედიას დასაკარგი აღარაფერი ჰქონდა და შეტევებში უფრო თამამად ჩაერთო. ტაიმის შუაწელში პერნამბუკუმ შორი მანძილიდან შეამჩნია კარიდან წინ გამოსული კოკა სეფიაშვილი, ბურთიც ძლიერად დაარტყა, თუმცა მეკარემ ბოლო წამს მოახერხა მოგერიება. მცირედით აცდა ბურთი სეფიაშვილის კარს გიორგი გაბედავას მიერ შესრულებული საჯარიმო დარტყმის შემდეგ. ბოლო წუთებში სამტრედიამ რამდენიმე სახიფათო შეტევა განახორციელა, მაგრამ აღარაფერი შეცლილა და დინამომ მორიგი 3 ქულა ჩაიწერა. ბოლო ტურის მატჩს ჩვენი გუნდი 10 დეკემბერს დინამო არენაზე თბილისის მერანის წინააღმდეგ ჩაატარებს და გამარჯვების ან ფრის შემთხვევაში საქართველოს ჩემპიონის ტიტულს მე- 18 მოიპოვებს.
მეორე გუნდს ჩემპიონობამდე ქულა აშორებს
რეგიონული ლიგის დ ჯგუფში მოასპარეზე დინამო 2მა ბოლოსწინა ტურში აკადემიის მოედანზე ჰერეთს უმასპინძლა და დიდი ანგარიშით 15-0 დაჯაბნა მეტოქე. ზურაბიანმა ჰეთ თრეიქი გაიფორმა, დუბლი ლომინაძემ, მორჩილაძემ და ახვლედიანმა შეასრულეს, დანარჩენი გოლები კი აზაროვის, აბუაშვილის, გვიშიანის, იობაშვილის, ხვადაგიანის და ფარულავას ანგარიშზეა. შეგახსენებთ, რომ გათამაშების ამ ჯგუფს დედაქალაქელთა მეორე შემადგენლობა და სართიჭალის შტურმი ლიდერობენ. ამ გუნდებს შორის შეხვედრა კი (6 დეკემბერს უნდა შემდგარიყო და გადაიდო - ახლა კი 11 დეკემბერსაა ჩანიშნული) ჯგუფის გამარჯვებულს და ლიგა 4- ის საგზურის მფლობელს გაარკვევს. დინამოელებს ბურთების შეფარდება (73/6), მეტოქესთან შედარებით (61/6) უკეთესი აქვთ და შესაბამისად გადამწყვეტ შეხვედრაში თბილისელებს ფრეც ხელს აძლევს.
მერანი თბილისი
1. დინამო თბ
17
21
37
2. დინამო ბთ
17
15
35
3. ლოკომოტივი
17
8
29
4. დილა
17
11
27
5. საბურთალო
17
6
24
6. თელავი
17
7
23
7. სამტრედია
17
-8
19
8. ტორპედო
17
-13
16
9. ჩიხურა
17
-22
12
10. მერანი თბ
17
-25
6
ჩისკო მუნიოსი
გიორგი დარასელია
13 30 2 3 5 6 8 9 11 15 16 17 18 19 20 24 27 31 34 38
25 32 2 4 5 8 9 10 13 17 18 19 24 26 27 29 30 33 35 38
ომარ მიგინეიშვილი როინ კვასხვაძე როდნი კლოუსტერი ვიქტორ მონხილი დავით კობოური ბაქარ ქარდავა გიორგი კუხიანიძე გიორგი გაბედავა აკაკი შულაია გიორგი პაპავა გიორგი ქიმაძე პერნამბუკუ ფილიპ ორშულა საიმონ ბენიო თორნიკე კაპანაძე ნოდარ იაშვილი ანზორ მექვაბიშვილი ივან ტრუბოჩკინი ლუკა გაგნიძე ნოდარ ქავთარაძე
რევაზ თევდორაძე ბექა შეყრილაძე გიორგი გაფრინდაშვილი საბა თოლორდავა მორის ნუსუევი ვანო შენგელიძე გიორგი გოგოლაშვილი იაგო დეისაძე ბიძინა მახარობლიძე დაჩი ფოფხაძე გიორგი ხაბულიანი ბექა გაბისკირია დავით ბოლქვაძე კახაბერ კაკაშვილი გივი ქარქუზაშვილი გიორგი დათუნაიშვილი მიშიკო სარდალიშვილი გოგი ფიფია ლუკა თოლორდავა ლევან ხიდეშელი