Firdaposten
tema Utdanning
Fredag 31. januar 2020
13
Utdanning Temabilaget er eit samarbeid mellom Firda, Firdaposten og Sogn Avis.
Flinkast i landet til å fullføre
Lærling: Elevane og lærlingane i Sogn og Fjordane er dei beste i landet til å fullføre utdanningsløpet. Venke Nordeide (54) og Roald Standnes (54) jobbar begge for at trenden skal halde fram Andrea Sørøy Tekst
– Elevane og lærlingane er veldig viktige, dei er framtida vår, seier Venke Nordeide. Ho er elev- og lærlingombod i Sogn og Fjordane fylkeskommune, no Vestland. Tidlegare Sogn og Fjordane var eitt av dei første fylka som fekk ombod for lærlingar, og det har vore Nordeide si rolle dei siste 15 åra. Jobben hennar inneber mellom anna å høyre på elevane og lærlingane og hjelpe dei dersom det oppstår eit problem. – Eg reiser ofte rundt til skulane for å møte elevane. Det er låg terskel for å ta kontakt, og det er viktig at vi får løyst opp i problema som oppstår. Det er viktig å rette opp i ting på eit tidleg tidspunkt, og på den måten skåne både lærlingen og bedrifta, seier ho.
På førsteplass Elevane og lærlingane i Sogn og Fjordane er dei beste i landet til å fullføre skuleløpet. Av dei som startar på yrkesfag, fullfører 71,5 prosent studieløpet innan fem år. Rogaland ligg på ein andreplass med 69,7 prosent, viser tal frå Ungdata. Nordeide trur den låge terskelen for å ta kontakt og at ombodet gjer seg kjent for elevane, kan vere ein av grunnane til at mange fullfører studieløpet, men ho understrekar at det er mange i den vidaregåande opplæringa som gjer ein god jobb for både elevar og lærlingar. – Når problem blir handtert tidleg, kan ein forhindre at lørlingane droppar ut. Samtidig får lærebedrifter ein sjanse til å gi rett hjelp i tide, utan at det endar som klagesaker. Mykje kan løysast digitalt, men ingenting kan erstatte ein støttande samtale, ansikt til ansikt, med den enkelte lærling som treng at nokon bryr seg, seier ho.
TIDLEG UTE: – Når ting blir tatt tidleg, kan ein lettare hindre at lærlingar droppar ut, påpeikar elev- og lærlingombod Venke Nordeide.
FOTO: Bent Are Iversen
Kva er OKSU? ■■ OKSU
(Opplæringskontoras samarbeidsutval) består av 13 opplæringskontora med adresse i Sogn og Fjordane, innanfor alle bransjar. ■■ Har ansvaret for over 1.000 lærlingar i regionen. ■■ Dei arbeider for at politikarane skal ta gode val og legge til rette for lærlingane og dei ulike bransjane. ■■ Styreleiaren har tale- og møterett i fylkestinget, men ikkje stemmerett. ■■ Arbeider for å rekruttere dei rette lærlingane til den rette bransjen.
Ønsker meir praksis i skulen Roald Standnes er styreleiar i OKSU, samarbeidsutvalet til opplæringskontora. Han meiner praksis og opplæring tidleg i skuleløpet kan hindre feilval og fråfall. – Ordninga der elevane får teste kva utdanningsprogram
som passar dei, og synt seg fram for bedriftene, er viktig for å redusere feilval og fråfall. Det er lagt opp til at elevane kan gjere omval dersom faget ikkje passar for dei. Kanskje er dette unødvendig bruk av ressursar om ein blir flinkare både i ungdomsskulen og i vidaregåande skule til å la elevane prøve seg meir i praksis.
Merkar betring Han har merkt seg at dei vidaregåande skulane har vorte betre til å fortelje elevane kva moglegheiter dei har. Dette er ein fordel for både lærlingane og lærebedriftene. – Skulane er meir aktive i formidlingsprosessen. Dette gjer at lærlingane og bedriftene får betre innsyn i kvarandre sine utfordringar. Dette er spesielt viktig når ein skal opplyse elevar – som av ulike grunnar fell frå enkelte studium, men kan gjere det bra i andre – om kva alternativ dei har. Han seier at etterspurnaden etter lærlingar er høg, og fleire
PRAKSIS: At ungdomsskule og vidaregåande skule let elevane prøve seg meir i praksis, er viktig for å redusere feilval og fråfall seinare, meiner Roald Standnes. Han er styreleiar i OKSU, ein fellesorganisasjon for opplæringskontora for dei ulike bransjane. bransjar har utfordringar med rekruttering. – Spør du opplæringskontora, så vil dei seie at næringslivet ønskjer seg fleire lærlingar. Dei vidaregåande skulane er flinke til å utnytte moglegheitene som ligg i yrkesfagleg fordjuping, og bedriftene er flinke til å
tilby praksis både elevar på vidaregåande skule og ungdomsskule, seier han. På spørsmål seier han at restaurant- og matfag og transportfag er fag som har hatt for lite søkjarar over fleire år, men at det stort sett er godt tilpassa.