Brochure elections fohl

Eis Gemeng weider no vir bréngen mat der Équipe vum Buergermeeschter

Gemengewalen GARNICH 8. O k to b er

2 0 17

ga r n ich 2 0 17.lu

8 Stëmmen fir 8 Kandidaten Är Equipe fir eis Gemeng Léif Matbiergerinnen, léif Matbierger, Eis Gemeng huet sech an de leschten Joren weider entwéckelt, net nëmmen wat d’Zuel vun den Awunner ubelaangt, mee och wat d’Qualitéit vun de Gemengestrukturen an Infrastrukturen betrëfft.

Et ass vill realiséiert ginn, vill investéiert a vill Engagement gewise ginn fir sécher ze stellen, datt dës Landgemeng eegestänneg bleift an net zu enger ‘Schlofgemeng’ verkëmmert.

Et heescht net, fir sech op deem Erreechten auszerouen, mee et bleift nach vill ze schaffen fir d’Liewensqualitéit an eisen Dierfer weider ze verbesseren.

Eis Equipe, d’Equipe vum Buergermeeschter, setzt sech paritéitesch, an dat ass nei an der Garnicher Geschicht, aus 4 Fraen a 4 Männer zesummen, déi gewëllt sinn, mat Kompetenz an Engagement, mee awer och mat iech zesummen dës Gemeng weider no vir ze bréngen.

Mir zielen op iech, datt mer ären Optrag kréien, fir mat enger motivéierter Equipe déi néideg Accenter kënnen ze setzen, an dat zum Wuel vun jiddwerengem an eise 4 Dierfer.

Chères concitoyennes, chers concitoyens, Notre commune s’est constamment développée pendant les dernières années, non seulement au regard du nombre d’habitants, mais également au niveau de la qualité des structures et infrastructures communales.

Beaucoup de travail a été accompli, beaucoup de temps a été investi et beaucoup d’engagement a été démontré pour assurer que notre commune rurale reste indépendante et qu’elle ne se restreigne pas à une commune dortoir.

Il ne faut cependant pas se satisfaire des acquis, car nous pouvons continuer à réaliser beaucoup plus de choses pour que la qualité de vie dans nos villages continue à s’améliorer.

Notre équipe, l’équipe du bourgmestre, se compose paritairement de 4 femmes et 4 hommes, une nouveauté dans l’histoire de notre commune. Tous nos candidats sont disposés à faire progresser davantage notre quotidien, en mettant à disposition leur motivation, leurs compétences et leur engagement, et cela ensemble avec vous.

Nous comptons sur votre soutien pour nous mandater le 8 octobre prochain, dans la perspective d’une amélioration continue des conditions de vie de tous les habitants dans nos 4 villages.

2

m at fir d en

K andid ate n P rioritéite n O k to b e r 2 017

An dëser Brochure informéiere mer, wéi mer eis d’Arbecht an de nächste Joren viirstellen a presentéieren eis Prioritéiten:

1

Prioritéit fir eng modern a biergerno Gemengeverwaltung

2

Prioritéit fir eng attraktiv Gemeng wou d’Zesummeliewen fonktionéiert

3

Prioritéit fir secher a schéin Dierfer mat enger optimaler Infrastruktur

4

Prioritéit fir eng kanner- an familljefrëndlech Gemeng

5

Prioritéit fir eng Gemeng, wou all Generatiounen hir Plaz behalen

6

Prioritéit fir en Urbanismus deen den Duerfcharakter nët zerstéiert

7

Prioritéit fir eng energieeffizient an ëmweltfrëndlech Gemeng

8

Prioritéit fir eng kontinuéierlech Verbesserung vun der Mobilitéit

Priorité pour une administration communale moderne et proche du citoyen

Priorité pour une commune où la vie en commun fonctionne

Priorité pour des villages sécurisés et plaisants avec des infrastructures adéquates

Priorité pour une commune propice aux enfants et familles

Priorité pour une commune où toutes les générations ont leur place

Priorité pour un développement urbain sans destruction du caractère rural de nos villages et paysages

Priorité pour une efficience énergétique et un développement écologique

Priorité pour une amélioration de la mobilité de chacun

Consultez la version française de notre programme sur notre site internet: www.garnich2017.lu

3

Eng motivéiert Équipe fir die kommend 6 Joer !

Serge BACKENDORF vu Garnich 41 Joer, bestuet, 2 Kanner Ingenieur

Yolande DRUI-MAJERUS vu Garnich 37 Joer, bestuet Staatsbeamtin

Sonia FISCHER-FANTINI vu Koler 42 Joer, bestuet, 3 Kanner Pédicure médicale diplômée

Georges FOHL vu Garnich 59 Joer, bestuet, 1 Kand Ingenieur

Entwëcklungs- an Test-Ingenieur bei der Firma IEE zu Contern

Member vun der Jugend- a Sportskommissioun

Comitésmember vun der ‘Koler Bierger’ asbl Vice-Presidentin an aktiv Sängerin an der Chorale Sainte-Cécile

President vum Office national du Remembrement Buergermeeschter President vun der Schoulkommissioun President vun der Integratiounskommissioun Gemengevertrieder am Syndikat ZARO (Zone artisanale régionale zu Grass)

4

Une équipe motivée pour les 6 prochaines années !

Marie-Josée GLODT-DONDLINGER vun Duelem 42 Joer, bestuet, 2 Kanner Gestionnaire administrative

Gestionnaire administrative bei der Chambre des Métiers Member vun der Schoulkommissioun

Gemengeconseiller

Karin HIRSCH-NOTHUM vu Garnich 58 Joer, bestuet, 2 Kanner Hausfra

Marcel LENTZ vun Héiweng 49 Joer, bestuet, 3 Kanner Techniker

Arsène MULLER vun Duelem 56 Joer, bestuet, 1 Kand Zänndokter

Member vun der 3.

Alterskommissioun Gemengevertriederin a Sekretärin vum Syndikat Hexemeeschter Gemengevertriederin am Syndikat ‘Leader Lëtzebuerg West’ Sekretärin vum Gaart-an-Heem Garnich-Duelem-Héiweng Techniker bei der CREOS Member vun der Schoulkommissioun President vun der ‘D’Héiwenger’ asbl

Member vun der Infrastruktur- a Feldweeërkommissioun Member vun der Nohaltegkeetskommissioun Member vum Garnicher Klimateam President vun der ‘Duelemer Leit’ asbl Vertrieder vun der ‘Duelemer Leit’ asbl am ‘Leader Lëtzebuerg West’

5

Serge BACKENDORF « Ähnlech wéi a menger Funktioun als Member vum Betribsrot, déi ech schonn zanter 15 Joer an der Firma « IEE SA» ausüben, hunn ech mech vun Ufank un zu Garnich fir d’Sécherheet, d‘Rechter an de Komfort esouwuel vun deene grousse wéi och vun deene klengen Awunner a menger Cité (An der Merzel) mat Erfolleg agesat.

Mat deem selwechten Enthusiasmus wéilt ech mech och fir déi ganz Gemeng asetzen, fir datt d’Gemeng Garnich engersäits déi sympathesch kleng Gemeng bleift, déi ech virun 9 Joer kennegeléiert hunn an anerersäits awer grouss a modern genuch ka gin fir kënnen autonom ze funktionéieren.

A menge Funktiounen als Entwécklungs- an Test-Ingenieur fir Insassenerkennung a Foussgängersécherheet am Automobilsecteur kann ech ënnert anerem eng Rei Erfarungen an der Stroossesécherheet matbréngen, fir ze hëllefen, d’Stroossen an eisen 4 Dierfer méi sécher ze maachen. »

Serge

Yolande DRUI-MAJERUS « Mäin Interesse gëllt ganz besonnesch eise jonke Matbierger, déi leider ee groussen Deel vun hirer Fräizäit ausserhalb vun der Gemeng mussen verbréngen. Et ass mer ee grousst Uleies, mech dofir anzesetzen déi néideg Strukturen ze schaafen fir dass eis Jugend hier Interessen an Aktivitéiten an engem bequemen, sécheren a flexibelen Ëmkrees vun hirem Familljendoheem kënne nogoen.

Als Member vun der Jugend- a Sportskommissioun konnt ech meng Erfarungen an dësem Beräich erweideren. Während dëser Period hunn ech festgestallt, dass nach ganz vill Potential doranner besteet, d’Fräizäitaktivitéiten fir déi Jonk mee awer och fir déi eeler Generatioun auszebauen.

Dëst sollt och dozou féieren, dass méi e groussen Zesummenhalt tëschent de verschiddenen Generatiounen a Kulturen an der Gemeng kann entstoen.

Duerfir wëll ech mech an dëser Equipe an de kommende Joren mat Energie an Enthusiasmus asetzen. »

Yolande

6

Sonia FISCHER-FANTINI « Als aktive Member vun der «Koler Bierger» asbl hun ech matgehollef, aus dem Näischt eraus Eppes op d’ Been ze stellen, waat ufängt séng Friichten ze droen.

Och duerch mäin Engagement an der Chorale Ste. Cécile GarnichDuelem asbl wees ech, waat et heescht eng Hand matunzepaken a Responsabiltéiten ze huelen. Et ass fir mech selbstverständlech, datt ech als Koler Bierger an als Bierger vun eiser Gemeng mäin Bäitrag duerzou ginn datt mer eis als Kommunautéit weider ëntwëckelen an eis Dierfer ëmmer méi liewenswäert gestalten.

Een Thema, waat mir um Häerz läit as d’ Mobilitéit. An zwar souwuel den ëffentlechen Transport, fir secher an efficace op eis jeweileg Destinatioun ze kommen wéi och d’ Mobilitéit vun eis selwer. Op jonk oder al, et as wichteg kierperlech fit ze bleiwen, an dofir well ech mech asetzen fir datt d’Gemeng fir déi materiell, finanziell a professionnel Hëllefen déi néiedeg Virraussetzung schaaft. »

Sonia

Georges FOHL « Als Conseiller, duerno als Schäffen an an de leschte 6 Joer als Buergermeeschter konnt ech d’Entwécklung vun eiser Gemeng matgestalten.

Et ass vill geschafft a vill investéiert ginn ouni déi kommend Generatiounen onnëtz ze hypothekéieren. Mir hu mat de Matbierger zesummen Visiounen entwéckelt wéi eis Dierfer an der Zukunft sollen ausgesinn an esou munches hu mer oder si mer am Gaang konkret ëmzesetzen.

Ech si mer awer och bewosst, dass nach grouss Erausfuerderungen op eis waarden fir d’Liewensqualitéit vu jiddwerengem an eisen Dierfer kontinuéierlech ze verbesseren.

Als Buergermeeschter sinn ech weider motivéiert, fir an dëser Equipe meng Erfarung op Gemengenniveau mee awer och meng berufflech Erfarung mat der néideger Energie an den Déngscht vun eiser Gemeng ze stellen.

Et ass nach vill ze dinn, pake mer et un! »

Georges 7

Marie-Josée GLODT-DONDLINGER « Vu Klengem un wunnen ech an der Gemeng Garnich an dofir läit mir ganz besonnesch d’Erhale vun hirem ländleche Flair um Häerz.

Dorënner fällt och eng permanent Verschéinerung vun eisen Dierfer. An deene lëschte Joren as do ganz vill geschitt an ech well mech asetzen, dass dat an Zukunft och esou bleift.

D’Sécherheet a virun allem Verkéiersberouegung an deene 4 Dierfer ass fir mech eng weider Prioritéit. Et geet drëm fir die néideg Schrëtter ze ënnerhuelen, fir eng Vitessereduzéierung vum Duerchgangsverkéier an eisen Dierfer ze bewierken. Do muss an de nächste Jore weider grouss Efforte gemaach ginn, et geet ëm d’Liewensqualitéit vun de Bierger.

Ech wäert mech engagéieren, fir datt eis Gemeng och an Zukunft eng héichwäerteg Betreiung vun eise Kanner a Jugendlechen ubitt. »

Marie-Josée

Karin HIRSCH-NOTHUM « Als Conseiller hunn ech an de leschten 12 Joer an enger gudder Equipe gehollef, fir datt déi néideg Projeten an eiser Gemeng realiséiert konnte ginn. Ech si weider motivéiert, fir déi nächst 6 Joer meng Erfarung mat eran ze bréngen a mat ze schaffen datt mer op deem Wee weiderkommen.

Meng Aarbecht als Gemengevertriederin am Leader Lëtzebuerg West an am Hexemeeschter hunn ech mat Begeeschterung gemaach a si gär gewëllt mech weider an deem Beräich ze engagéieren.

Et läit mer speziell um Häerz a dofir trieden ech an, datt eis Gemeng sech och an Zukunft am soziale Wunnengsbau engagéiert an déi néideg Schrëtter ënnerhëlt fir e betreit Wunnen vun eiser eelerer Generatioun ze erméiglechen, op doheem oder an enger gréisserer Struktur an eiser Gemeng. »

Karin

8

Marcel LENTZ « Eng modern a liewenswäert Gemeng wou ech mech wuelfillen. Dëst ass Garnich, sou soll et an Zukunft och bleiwen!

Als Grënnungsmember a President vun der „d’Héiwenger“ asbl, wéi och Member an der Schoulkommissioun hunn ech schonns d‘Méiglechkeet kritt, fir mäin Deel duerzou bäizedroen.

En dynamescht Veräinsliewen an eng Zesummegehéieregkeet an den eenzelen Dierfer läit mer doriwwer eraus besonnesch um Häerz an dofir well ech mech asetzen.

An dëser Equipe wëll ech mech op Gemengenniveau engagéieren, fir datt d’Matbestëmmung vun de Bierger weider ausgebaut gëtt an déi Iddien ëmgesat ginn, déi sécherstellen, datt eis Dierfer de ländlechen Duerfcharakter behalen. »

Marcel

Arsène MULLER « Iwwert mäin Asatz bei den ‘Duelemer Leit’ hunn ech de Wee zur Gemengepolitik fonnt.

Wichteg Themen waren a sinn fir mech d’Zesummeliewen, Duerfverschéinerung, an eng douce Mobilitéit tëschent an an eisen Dierfer.

Fir mech soll de ländlechen Raum eng liewenswäert Regioun bleiwen, wou Aarbechtsplazen an eng allgemeng Basisversuergung, wéi z.B. Medezin, Altersstrukturen a Schoul dezentral organiséiert sinn a wou eng dynamesch Bevëlkerung kann gutt an sécher liewen.

Bei eiser Duerfentwécklung sollt opgepasst ginn, dass déi gewuessen Duerfarchitektur erhalen bleift an dass al geschichtsträchteg Haiser, wa nëmme méiglech, net duerch modern Wunnbléck ersat ginn.

Ech wëll mech dofir asetzen, datt eis Gemeng an Ëmweltfroen konsequent virgeet fir domatten d’Bierger ze motivéieren, dat selwecht ze maachen an ech sin duerfir gär bereet, an dëser Equipe eng Hand mat unzepaken. »

Arsène

9

EISE PROGRAMM

10

Consultez la version franรงaise de notre programme sur notre site internet: www.garnich2017.lu

1

Prioritéit fir eng modern a biergerno Gemengeverwaltung

De Kontakt an d’Kommunikatioun mat de Bierger gehéieren mat zu de wichtegsten Aufgaben vun der Gemeng. D’Gemengepersonal muss weider virbereet bleiwen fir kënnen dës Missioun zur Zefriddenheet vun de Bierger ze erfëllen. De Bierger muss d’Gefill behalen, datt seng Gemeng fir hien do ass.

An de leschte Joren ass munches gemaach ginn fir de Kontakt ze vereinfachen: E modernen Internet-Site an de Portal macommune.lu, wou d’Demanden kënnen online gemaach ginn, hunn wesentlech dozou bäigedroen. Weider hu mer duerch eng Flexibiliséierung vun den Ëffnungszäiten, mat der Offer fir moies vun 7 Auer un, iwwer Mëtteg an owes bis 7 Auer op Rendezvous kënnen Gemengeservicer an Usproch ze huelen, de Bierger hiren Zäitopwand un hir Méiglechkeeten ugepasst.

Mir wäerten an Zesummenaarbecht mat dem Gemengesyndikat SIGI déi sougenannten E-commune weider ausbauen, transparent an fir de Bierger novollzéibar gestalten.

Fir de Kontakt mat der Gemeng esou einfach wéi méiglech ze gestalten setze mer weider op traditionell Kommunikatiounsweeër, wéi de Gemengebuet a verstäerken de Kontakt mat de Bierger iwwer Facebook an Twitter.

Fir d’Informatioun méi rapid ze maachen, zum Beispill bei enger Waasserpanne, enger kuerzfristeger Stroossespär oder bei ‚Hëtztfäi‘ fir d’Schoulkanner, wäerte mer de Service sms2citizen ariichten.

Fir eis ass a bleift ëmmer nach déi beschte Kommunikatioun am direkte Kontakt

mat de Bierger.

Mir wäerten en oppent Ouer fir d’Uleies vun de Bierger och an de kommende Joren behalen.

11

2

Prioritéit fir eng attraktiv Gemeng wou d’Zesummeliewen fonktionéiert

D‘Veräiner spillen eng wichteg Roll fir den Erhalt vun enger lieweger Gemeng.

Duerfir wäerte mer sie an Zukunft weider materiell an finanziell ënnerstëtzen.

Mir erkennen och de Wäert vun de Sport-a Kulturveräiner speziell wat hir Kanner- a Jugendaarbecht ubelaangt a stelle sécher, datt sie déi néideg Ënnerstëtzung kréien.

Mir wëllen an de nächste Joren verstäerkt op de Breedesport fir Al a Jonk an op Fräizäitaktivitéite setzen andeems déi néideg Infrastrukturen an eisen Dierfer realiséiert ginn. Et däerf net dobäi bleiwen. Éischt Schrëtter si mat dem Uleeën vun Trëppelweeër, mat der Ausschëlderung vun Vëloscircuiten, den zwou MultisportPlazen zu Garnich an mat der Petanque-Plaz hannert dem Veräinshaus gemaach ginn. Esou eng weider Plaz ass schon an der neier Cité zu Duelem virgesinn.

D’Jugend- a Sportskommissioun huet an de leschte Joren mat hiren Aktivitéiten nei Accenter gesat. Sie soll déi néideg Ënnerstëtzung kréien, fir op deem Wee weider ze fueren.

D’Jugendhaus zu Mamer, wou mer eis säit 2010 un der Gerance bedeelegen, fënnt e gudden Echo bei eise Jugendlechen. Mir fannen et awer och wichteg dass hier Aktivitéiten zousätzlech an eiser Gemeng ausgebaut ginn.

Mir wëllen déi lokal an regional Kulturzeen stäerken, woubäi, niewent de Veräiner, déi am kulturelle Beräich aktiv sinn, d’Kulturkommissioun weiderhin eng wichteg Roll ze spillen huet an och deementspriechend déi néideg Mëttele kritt.

Am Kader vun der ‚Garnicher Ronn‘, wou d’Bierger an de leschte 5 Joer d’Geleeënheet kritt hunn fir iwwer d’Entwécklung an den eenzelen Dierfer ze diskutéieren, goufen 3 Interesseveräiner zu Koler, zu Duelem an zu Héiweng gegrënnt. Des 3 Veräiner droen mat konkrete Projeten ëmmer méi zur Verschéinerung a Beliewung vun hire jeeweilegen Dierfer bäi.

12

Sou ass ënner anerem zu Koler ee grousse Projet entstanen, den zu engem neien Duerfzenter mat regionalem Kino féiert. Zu Duelem sinn zum Beispill d’Raim am Keller vun der Spillschoul zu engem vill benotzten ‚Lieu de rencontre‘ ëmfunktionéiert an eng schéin Plaz niewent der aler Spillschoul amenagéiert ginn.

Zu Héiweng gëtt säit dräi Joer e flott Duerffest vum Interesseveräin organiséiert an Zesummenaarbecht mat der Gemengeverwaltung wäerten d’Raim an der aler Spillschoul renovéiert a méi modern a funktionell gemaach ginn. An dësen 3 Uertschaften ass ët also gelongen. Mir wëllen dru schaffen, datt zu Garnich och en Interesseveräin entsteet, deen, niewent de Projeten, déi de Gemengerot proposéiert, weider Iddien entwéckelt, wéi hiert Duerf kann belieft a verschéinert ginn.

Et läit eis um Häerz fir eise neien Matbierger d’Méiglechkeet ze ginn fir sech an eis Duerfgesellschaft ze integréieren. Duerfir ënnerstëtze mir d’Aktivitéiten vun der Integratiounskommissioun mat enger Informatiounsbroschür déi all 2 Joer nei opgeluecht gëtt a mat ‚Entdeckungsdeeg‘, wou déi interesséiert Bierger déi verschidden kommunal Infrastrukturen kenne léieren, mee awer och d’Fräizäitméiglechkeeten an deene verschidden Veräiner an eiser Gemeng.

Mir trieden dofir an, datt d’Lëtzebuergesch Sprooch als Integratiounssprooch gestäerkt gëtt an Lëtzebuergeschcoursen ugebuede ginn.

Streidereien ennert Noperen kommen ëmmer nees vir. Dowéinst wëlle mer an Zesummenaarbecht mat de Nopeschgemengen e professionelle Mediateur asetzen, dee Problemer schlichte kann falls dat erwënscht ass.

13

3

Prioritéit fir secher a schéin Dierfer mat enger optimaler Infrastruktur

Eis Stroossen a Weeër sinn allgemeng an engem gudden Zoustand. Mir suergen dofir, dass sie weider ënnerhal an, wann néideg, erneiert ginn.

D’Infrastrukturen am Buedem, dat heescht d‘Waasserleitungen an

d‘Kanalisatioun sinn an de leschte Joren konsequent verbessert ginn. Och do kommen nach gréisser Aarbechten ob eis duer, déi et gëllt ze meeschteren.

An de leschte Joren huet den Duerchgangsverkéier an all eisen Dierfer dramatesch zougeholl. Domadder, a grad well och d’Vitesslimitatiounen oft net agehale ginn, stëllt dëst een eeschten Problem duer fir d’Liewensqualitéit vun eise Bierger.

Ee Bureau d’Etudes huet sech an de leschte zwee Joer konkret mat der Problematik vun eiser Verkéierssituatioun beschäftegt fir ee kohärent Konzept virzeleeën, wat d’Sécherheet op eise Stroossen duerch an tëschent den Dierfer ubelaangt an awer och vun de staatlechen Instanzen acceptéiert gëtt. Éischt Initiativen hu schon positiv Resultater bruecht. Dozou gehéieren zum Beispill déi zwou zousätzlech rout Luuchten zu Garnich an zu Duelem, d‘Opstellen vun sougenannten verkéiersberouegenden Schikanen an déi 8 DialogVitesseschëlter, déi mer an Zesummenaarbecht mat der Police des Routes vu Capellen installéiert hunn.

14

Et ass fir eis eng absolut Prioritéit fir op deem Gebitt gutt weider ze kommen an nei Mesuren an Zesummenaarbecht mat dem zoustännege Ministère ze realiséieren am Sënn vun der Sécherheet an der Liewensqualitéit vun den Awunner. Dozou gehéiert och de Rondpoint Botterkräiz zu Garnich wou mer elo laang genuch vum Ministère vertréischt gi sinn.

Mir setzen eis duerfir an, datt d’Police systematesch Vitesskontrollen iwwerall do mécht, wou ëmmer erëm ze séier gefuer gëtt, mee awer och fir Policepatrullen haaptsächlech nuets duerch eis Dierfer a speziell hier reegelméisseg Präsenz op Problemplazen.

Mir wëlle préiwen ob vill frequentéiert Duerfplazen, Foussgängerweeër, Zebrasträifen a Busarrêten uerdentlech beliicht sinn. Dat gëllt virun allem am Wanter, wa vill Schüler mueres an owes am Däischteren ënnerwee sinn. Ouni de Sécherheetsaspekt ze vernoléissegen, musse mer awer dobäi oppassen, datt et net zu enger sougenannter Liichtverschmotzung kënnt.

Defibrillatoren kënne Liewen retten. Eis Gemeng, mat 5 installéierten Apparater, huet déi héchsten Densitéit pro Awunner am ganze Land.

Eis Pompjeeën an hiren First Responder spillen eng ganz wichteg Roll fir d’Sécherheet vun eise Bierger. Mat dem neien Asazzenter a neiem Equipement hu sie gutt Viraussetzungen fir hir nobel Missioun ze erfëllen. Mir wäerten hinnen och an Zukunft, am Kader vun eise gesetzleche Méiglechkeeten, déi néideg Ënnerstëtzung ginn.

Mir kréien ëmmer erëm gesot, datt eis Dierfer an engem propperen a gefleegten Zoustand sinn. Well dëst fir eis kee Luxus ass mee ee feste Bestanddeel vun enger liewenswäerter Gemeng, wäerte mer eisen Techneschen Servicer weiderhin déi néideg Moyenen zur Verfügung stellen an zesumme mat den eenzelen Interesseveräiner Mesuren ergräifen, déi eis Dierfer nach méi schéin maachen.

15

4

Prioritéit fir eng kanner- a familljefrëndlech Gemeng

Eis Gemeng huet an de leschte Joren ganz vill an d’Grondschoul souwéi an d’Kannerbetreiung investéiert. Et ass eng Maison Relais entstanen an et sinn al Gebaier am Schoulkomplex renovéiert ginn fir se motivéierend, gesond, modern an altersgerecht ze gestalten.

Dobäi konnten zousätzlech Klassesäll geschaafe ginn, déi ee permanent Wuessen vun eiser Gemeng mëttelfristeg ofsécheren.

Mir ënnerstëtzen weider den Fortschrëtt am Enseignement fir datt eis Schoul innovativ bleift.

Mir wäerten dofir suergen, datt mëttelfristeg de Précoce der Demande no ausgebaut gëtt.

Eis Maison Relais huet iwwer d’Landesgrenzen eraus eng grouss Renommee. Mir si gewëllt, eist dozou bäizedroen, datt dëst och esou bleift.

Wann d’Betreiung vun de Kanner a méi Hänn läit, ass eng kohärent Zesummenaarbecht tëschent all den Acteuren wichteg a muss openeen ofgestëmmt ginn. Dowéinst musse mer sécher stellen, datt déi gutt Kooperatioun tëscht der Maison Relais an der Grondschoul weiderhin erhale bleift.

Eis Equipe ass gewëllt, e kandgerecht, gesond an equilibréiert Iessen mat regionalen a Fairtrade Produiten an der Kantin vun der Maison Relais ze garantéieren.

Mir wäerten eis Spillplazen op de Leescht huelen an thematesch villfälteg, altersgerecht a sécher Spillplazen an den eenzelen Dierfer nei gestalten oder schafen.

16

Am Sënn vun enger kandgerechter Gemeng wëlle mer vu Spezialisten préiwe loossen, ob et sënnvoll a machbar ass, fir an eenzelen Citéen Spillstroossen unzeleeën.

Well mer iwwerzeegt sinn, datt d’Musek eng wichteg Roll an der Erzéiung vun eise Kanner spillt, wäerte mer eis dofir asetzen, datt d’Museksschoul eng obligatoresch Aufgab vun der Gemeng bleift fir datt all Kand eng héichwäerteg musikalesch Grondausbildung kréie kann.

Mir kënnen eis virstellen, datt interesséiert Jugendlecher eng qualifizéiert Ausbildung zum Babysitter vun eiser Gemeng ugebuede kréien an een effikasse Kontakt tëschent Babysitteren an Elteren iwwer eng Online-Plattform hiergestallt gëtt. Dat selwecht kann dann och fir aner Déngschter wéi zum Beispill d‘Weidervermëttelen vun Nohëllefsstonnen gebraucht ginn.

Eis Equipe wäert d’Idee vun engem Jugendgemengerot ophuelen fir datt eis jong Generatioun léiert, Verantwortung ze iwwerhuelen an sech an d’Entscheedungsprozesser vun der Gemeng abréngt.

17

5

Prioritéit fir eng Gemeng, wou all Generatiounen hir Plaz behalen

Kee verléisst gär aus Altersgrënn säin Heemechtsduerf. Duerfir wëlle mer d’Méiglechkeet fir e ‘Betreit Wunnen’ an eiser Gemeng schafen. Dat wier e gréissert Appartementshaus mat qualifizéiertem Personal dat 60+ Aktivitéiten ubidd, ewéi och engem ëffentlechem Restaurant.

Mir wëllen mat gemeinsamen Aktivitéiten déi ënnerschiddlech Generatiounen méi no zesumme brengen an den Zesummenhalt an eiser Gesellschaft stäerken.

18

6

Prioritéit fir en Urbanismus deen den Duerfcharakter nët zerstéiert

Eis Gemeng ass eng klassesch Landgemeng mat all deenen Virdeeler, déi de ländleche Raum ze bidden huet. Fir d’Liewensqualitéit an den eenzelen Dierfer weider ze verbesseren, wëlle mer fir déi néideg ëffentlech Gréngfläch suergen.

Am Kader vum neien PAG (Flächennotzungsplang) wäert eis Equipe all privat Initiativ ënnerstëtzen, déi sécherstellt, datt geschichtsträchteg Gebaier net aus dem Duerfbild verschwannen.

Mir wäerten all Geleeënheet notzen, bezuelbare Wunnraum fir jonk Familljen ze schafen a weider Sozialwunnengen fir mannerbemëttelt Bierger zur Verfügung stellen.

Beim Bau vu Sozialwunnengen suerge mer dofir, datt dës Haiser sech gutt an d’Duerfbild apassen.

19

7

Prioritéit fir eng energieeffizient an ëmweltfrëndlech Gemeng

D’Gemeng Garnich huet bei der Zertifizéierung am Kader vum Klimapakt mat der Regierung mat 70% vun de Punkten en excellent Resultat kritt an ass domadder ënner de beschten 10 Gemengen klasséiert.

Dëst Resultat weist, datt vu villen Acteuren an de leschte Joren Grousses geleescht gouf. Als Equipe si mer der Meenung, datt mer net do stoe bleiwe sollen mee dorobber opbauen.

Mir wëllen konsequent virufueren mat der energetescher Sanéierung vun de kommunale Gebaier.

D’Gemenge soll bei der Notzung vun erneierbaren Energien ee Virbild sinn.

Duerfir wäerten mir bei Neibauten vill Gewiicht op d’Notzung vun erneierbarer Energie leeën.

Säit engem Joer ass d’Gemeng am Gaang ee Programm ëmzesetzen, fir d’Stroossebeliichtung mat LED-Luuchten energetesch ze verbesseren. Dëst wëll eis Equipe konsequent weider féieren.

Mir sinn der Meenung, datt an Zukunft bei der Planung vu Lotissementer, een koherent Energiekonzept muss virleien, deen och op dem gemengeneegenen Solarkadaster opbaut.

Säit 2 Joer kënnen d’Bierger an eiser Gemeng Subside kréien fir d’Produktioun vu Waarmwaaser mat Sonnenenergie an bei der Installatioun vu Reewaasserreservoiren. Mir wäerten dëse Service nach weider a sënnvoll ausbauen.

De Projet vum Garnicher Wandpark um Rebierg fënnt weider eis voll Ënnerstëtzung. D’Bierger sollen hei iwwer ee sougenannten Crowdfunding selwer kënnen an déi Energieproduktioun mat investéieren.

Mir setzen eis an fir eng nohalteg Notzung vun eise Bëscher a versichen mat eise Nopeschgemengen ee Projet op d’Been ze setzen, fir d’Holz och als Energiequell nohalteg ze gebrauchen.

20

8

Prioritéit fir eng kontinuéierlech Verbesserung vun der Mobilitéit

Mat der Aféierung vun der Linn 333 vum Wandhaff op d’Dippech-Gare an der neier Linn 332 vu Stengefort iwwer Garnich op de Belval huet sech d’Mobilitéit däitlech verbessert. Och d’Aféierung vum Proxibus zesummen mat de Gemengen Stengefort a Käerch huet munch Verbesserung bruecht. Dëst gëllt och fir d‘Erweiderung vun der Nightrider Card.

Mir sinn eis bewosst, datt an eiser Gemeng nach munch Schwächten am Ëffentlechen Transport bleiwen, déi et gëllt ze eliminéieren. Do wäerte mer eis mat aller Energie asetzen fir Léisungen erbäi ze féieren. Wéi esou oft, geet dat nëmmen an enger kollegialer Zesummenaarbecht mat eisen Nopeschgemengen.

Fir d’Mobilité douce weider no fir ze bréngen, musse mer déi néideg Verbindungen tëschent den Dierfer fir Cyclisten a Foussgänger schafen.

21

ga r n ich2 0 17. lu 22

D’Gemeng Garnich huet an de leschte 6 Joer insgesamt 17,752 Millioune € am Extraordinäre Budget investéiert an ass trotzdeem mat 1.265 € wäit ënner der Prokappverscholdung vu virun 12 Joer bliwwen.

Bei allem Enthusiasmus fir dës Gemeng

mat neien Investitioune weider no vir ze bréngen, däerfe mer net vergiessen, datt mer responsabel mat eise finanzielle Moyen ëmgoe mussen.

Esou viirsichteg wëll eis Equipe och an den nächste 6 Joer weider fueren.

23

Aller toujours plus loin dans notre commune avec l’équipe du bourgmestre

Élections communales

G A R N I C H , l e 8 o c to bre 2017 Consultez la version française de notre programme sur notre site internet: www.garnich2017.lu