IúilM. Fómhair 2014 Eagrán 22
...scáthán Nuachtlitir Ghaeilge Chomhairle Cathrach Dhoire
Ráchairt mhór ar Dhianchúrsaí Líofa i nDoire
Líofa 2015
Polasaí Gaeilge Rath ar Ghaelscoil Éadain Mhóir
Comórtas Lá na dTeangacha Claisceadal
Ag lorg do shinsir Oifigeach Gaeilge
Ar an Satharn 13 Meán Fómhair 2014 cuireadh dianchúrsaí Gaeilge saor in aisce ar fáil ar fud fad an Tuaiscirt le maoiniú ón Roinn Cultúir, Ealaíon agus Fóillíochta. I nDoire, chuir Cultúrlann Uí Chanáin Lá Mór Dianchúrsaí ar siúl le tacaíocht ó Chomhairle Cathrach Dhoire agus maoiniú ó scéim na Roinne agus d‟fhreastail 68 duine ar chúrsaí Gaeilge ag leibhéil éagsúla, ó bhunleibhéal go hardleibhéal. Bronnadh 36 fáinne ar fhoghlaimeoirí ag deireadh Lá na nDianchúrsaí: 5 fháinne óir san áireamh. Ceiliúrtar Breithlá Líofa gach Meán Fómhair agus i mbliana socraíodh go gcuirfí Lá Mór Dianchúrsaí ar fáil i gceantracha éagsúla le deis a thabhairt do dhaoine teacht ar chúrsaí Gaeilge ar chostas ar bith agus le feasacht an phobail ar an fheachtas, a bhfuil sé mar chuspóir aige daoine ó réimse cúlraí a spreagadh chun Gaeilge a fhoghlaim agus chun líofacht a bhaint amach faoin bhliain 2015 a spreagadh. Má tá suim ag aon duine clárú le feachtas Líofa 2015 is féidir gach eolas a fháil mar aon le hacmhainní foghlama ar shuíomh idirlín Líofa: www.liofa.eu áit a bhfuil eolas ar chúrsaí i do cheantar féin. Lean leat go líofacht! Tuilleadh grianghraf i lár an eagráin seo
www.facebook.com/foramphobalnagaeilge
@foramphobal
...scáthán
Lch 2
Comhghairdeas le daltaí Ghaelscoil Éadain Mhóir! D‟éirigh go geal le páistí Ghaelscoil Éadain Mhóir i mbliana sna scrúduithe GCSE. Rinne 16 páiste na scrúduithe seo roimh dheireadh na scoilbliana agus béim ar an scríbhneoireacht, labhairt, léitheoireacht agus éisteacht. D‟éirigh le níos mó ná 60% de na páistí seo grád A* agus A a fháil agus tugadh marcanna iomlána do chuid mhaith de na páistí sa scrúdú labhartha agus scríofa. Bhí foireann na scoile thar a bheith sásta leis na torthaí seo. Dúirt Príomhoide na Scoile, Mary Nic Ailín: “Bhí obair chrua le déanamh ag na páistí seo le seacht mbliana anuas agus iad anseo ar scoil linn. D‟oibrigh siad féin agus a gcuid múinteoirí ranga, Alicia Uí Chathain agus Maria Cutliffe, go dian dícheallach i mbliana agus tá sé sin le feiceáil sna torthaí seo. Tá muid iontach bródúil as na páistí ar fad. Tá a gcuid tuistí fíorshásta agus beidh siad ag céiliúradh leo anois agus iad ag toiseacht amach sna meánscoileanna i mí Mheán an Fhómhair.”
Príomhoide Mary Nic Ailín le Múinteoir Maria Cutliffe agus páistí Ghaelscoil Éadain Mhóir Bhí na páistí seo ar fad ag freastal ar Ghaelscoil le seacht nó ocht mbliana anuas. Níl Gaeilge sa bhaile ag bunús a dteaghlach. Thug a gcuid tuistí an-tacaíocht don scoil agus bhí siad in ann tacaíocht a thabhairt dá gcuid bpáistí sa bhaile fosta agus iad ag foghlaim agus ag fás aníos. Tá tacaíocht curtha ar fáil do thuistí agus do pháistí na scoile ar dhóigheanna éagsúla i rith na bliana ach is iad seo na rudaí is mó: líne oscailte do thuistí i ndiaidh am scoile chun ceisteanna a chur faoin obair bhaile atá le déanamh; suíomh idirlín na scoile, www.gaelscoileadainmhoir.com ar a bhfuil áit lárnach ag na tuistí; leathanach Facebook na scoile; cruinnithe rialta le foireann na scoile; oícheanta eolais agus seisiún traenála do thuistí. Cuireann Gaelscoil Éadain Mhóir an-bhéim ar an dátheangachas. Bíonn deis ag páistí na scoile seo ard chaighdeán a bhaint amach sa Ghaeilge agus sa Bhéarla roimh dheireadh Rang a 7. Comhghairdeas le gach duine sa scoilphobal!
Lá na dTeangacha Eorpacha - Comórtas Grianghraf Deis do Scoileanna Tá Comhairle na hEorpa a eagraíonn Lá Eorpach na dTeangacha ag lorg grianghraf a léiríonn páistí i mbun fhoghlaim teanga. Bainfear úsáid as an ghrianghraf a bhaineann mar áis phoiblíochta. Deis chun do scoil agus an Ghaeilge a phoibliú! Ní mór do ghrianghraf a chur isteach roimh an 14 Samhain 2014 agus tá duaiseanna ar fáil. Tá gach eolas ar shuíomh idirlín EDL: http://edl.ecml.at/Photocompetit ion/tabid/3125/Default.aspx
...scáthán
Lch 3
Ag lorg do shinsir i nDoire
Treoir do dhaoine ar mhaith leo a shinsir as Doire a rianú Tá treoir foilsithe ag Comhairle Cathrach Dhoire le cuidiú le daoine atá ag déanamh taighde ar a sinsir as Doire teacht ar na foinsí is fearr le heolas a fháil ar stair a dteaghlach. Leagann an chaipéis amach an córas a ba chóir a leanstan céim ar chéimle taighde a dhéanamh ar na daonáirimh agus ar thaifid eaglaise srl. Más mian leat cóip den treoir a fháil i nGaeilge nó i mBéarla déan teagmháil le Pól Ó Frighil, Oifigeach Gaeilge, Comhairle Cathrach Dhoire, T: 028 71 376 579 nó cuir ríomhphost chuig gaeilge@derrycity.gov.uk
Claisceadal Cois Feabhail Ceardlanna Amhránaíochta Cuirfear tús le Claisceadal Cois Feabhail ag Cultúrlann Uí Chanáin ag tosú ar an Luan 29 Meán Fómhair ag 7:30in. Ní cór atá i gceist ach grúpa daoine a bhfuil spéis acu in amhránaíocht na Gaeilge agus a thagann le chéile le foghlaim faoin ghné sin dár n-oidhreacht cheoil, le eolas a chur ar na hamhráin, a gcúlra agus scéalta a bhaineann leo, agus, ar ndóigh, na hamhráin féin a fhoghlaim. Baintear úsáid as Gaeilge agus Béarla sa chomhphlé. Tosaíonn an Claisceadal ar 7.30 p.m. maireann sé uair go leith agus £2 /€2 an táille atá ar gach seisiún. Saorchead isteach ag mic léinn go dtí an Nollaig agus £1 / €1 an seisiún ina dhiaidh sin). Tuilleadh Eolais: Risteard Mac Gabhann ogmios@virginmedia.com
...scáthán
Lch 4
Dianchursaí Líofa i nDoire Múinteoir Caitlín Ní Bhroin i mbun ranga meánleibhéil ag Cultúrlann Uí Chanáin
Bunfhoghlaimeoirí Gaeilge le múinteoir Caitríona Devlin sa Spéirghairdín
...scáthán
Dianchursaí Líofa i nDoire
Múinteoir Mary Nic Ailín le scaifte glanfhoghlaimeoirí a rinne scrúdú „Cúpla Focal‟
Oifigeach Gaeilge Chomhairle Cathrach Dhoire, Pól Ó Frighil le hiarrthóirí ar Scéim an Fháinne
Lch 5
...scáthán
Lch 6
Sraith Léachtaí - Island Voices
Brian Mullen le Pól Ó Frighil - Oifigeach Gaeilge agus Margaret Edwards, Oifigeach Oideachais
Ar an Mháirt 23 Meán Fómhair chuir Brian Mullen, Láithreoir le BBC Raidió Uladh tús le sraith léachtaí Island Voices a eagraítear gach bliain ag Comhairle Cathrach Dhoire le téamaí oidhreachta agus teanga a phlé. Is é téama na bliana seo ná „Ár gComhoidhreacht Cheoil‟ mar go bhfuil cathair Dhoire ag ceilúradh a stádais mar Chathair an Cheoil 2014. Ar an Déardaoin 23 Meán Fómhair, beidh Fred Freeman ó Ollscoil Dhún Éidinn ag tabhairt léachta ag Iarsmalann an Túir dar teideal „The Irish in Scotland—The Songs of Robert Tannahill‟ a dtabharfaidh cuntas ar bhailiúchán cheoil Robert Tannahill a scríobh amhráin faoi na heisimircigh Éireannacha a chuaigh go hAlbain sa 19ú haois. Sa léacht deireanach ar an 23 Samhain 2014, beidh Eibhlín Ní Dhochartaigh ó Chultúrlann Uí Chanáin agus Derek Moore ó the Londonderry Bands Forum i láthair le cur síos a dhéanamh ar an obair pháirtíochta atá ar siúl idir an dá eagraíocht agus go príomhá, le labhairt faoin obair a rinne siad le chéile le hullmhú d‟Fhleadh Cheoil na hÉireann 2013. Tá gach léacht saor in aisce agus cuirtear lón ar fáil. Más mian leat d‟áit a chur in áirithe cuir glaoch ar: Iarsmalann an Túir, T: 028 71 372411 nó seol ríomhphost chuig tower.reception@derrycity.gov.uk Déardaoin 23 Deireadh Fómhair 2014 The Irish in Scotland: The Songs of Robert Tannahill Dr Fred Freeman, Ollscoil Dhún Éidinn Lón 12:30, Léacht 1:00-2:00 Déardaoin 23 Samhain 2014 Divided by History, United by Music Eibhlín Ní Dhochartaigh agus Derek Moore Lón 12:00, Léacht 12:30-2:00
Maoiniú agus Deiseanna
Maoiniú: Colmcille
Lch 7
Deis do Cheoltóirí Óga
Tá scéim deontas Cholmcille oscailte d‟iarratais le haghaidh tionscadail a chuireann aidhmeanna Cholmcille chun cinn. Tá go dtí an 20ú Deireadh Fómhair ag iarratasóirí le hiarratas a chur isteach agus baineann na babhta seo le hiarratasóirí atá lonnaithe in Éirinn. Táthar ag súil leis go mbeidh babhta eile den scéim deontas oscailte in Earrach 2015. Tá gach eolas maidir leis an scéim ar fáil ar shuíomh idirlín Colmcille www.colmcille.net nó is féidir teagmháil a dhéanamh leis an Oifigeach Forbartha: Maolcholaim Scott, Foras na Gaeilge, Teach na Gheata Thiar, Béal Feirste BT1 6ED, T: 028 90 890 983, mscott@forasnagaeilge.ie Tá iarratais á lorg ag an Chomhairle Ealaíon ó Thuaidh i gcomhar le BBC Thuaisceart Éireann ó na ceoltóirí óga is fearr le cúig dheontas £5,000 a bhaint. Is féidir le hionstraimithe óga idir 18 agus 26 cur isteach agus amhránaithe idir 18-29 bliana. Ní mór d‟iarratais bheith curtha isteach fán 2ú Deireadh Fómhair 2014: www.artscouncil-ni.org/funding/scheme/youngmusicians-platform-award
Polasaí nua Gaeilge do cheantar na hOllchomhairle nua Agus deireadh ag teacht le Comhairle Cathrach Dhoire agus Comhairle Ceantair an tSratha Báin mar atá aithne ar an dá chomhairle seo faoi láthair agus Ollchomhairle nua le bunú i mí Aibreáin 2015, tá polasaí nua Gaeilge dréachtaithe le freastal a dhéanamh ar phobal na Gaeilge i gceantar na hOllchomhairle nua. Tá an dréachtpholasaí seo bunaithe ar dheachleachtas bheartas reatha Chomhairle Cathrach Dhoire agus cé go gcreidtear go bhfuil an beartas seo sásúil agus muid ag dul chun tosaigh, beidh deis ag an phobal an beartas a mhúnlú mar beidh an polasaí curtha faoi athbhreithniú bliantúil. Cuireadh an dréachtpholasaí nua Gaeilge faoi bhráid na gComhairleoirí de chuid na scáthchomhairle nua ag tús mhí Mheán Fómhair agus faomhadh é ag an chruinniú sin. Tiocfaidh an beartas nua isteach i bhfeidhm i mí Aibreáin 2015.
GAEILGE & FÁILTE Tá fáilte romhat do ghnó a dhéanamh le Comhairle Cathrach Dhoire trí Ghaeilge. Tabhair cuairt ar leathanach Gaeilge na Comhairle Cathrach le heolas a fháil ar an liosta seirbhísí agus le foirmeacha agus iarratais choitianta a fháil as Gaeilge, nó bain triail as ár líne thiomanta Ghaeilge: T: 028 71 376 579 www.derrycity.gov.uk/gaeilge
...scáthán
Lch 8
Seachtain na Gaeilge 2015 Tá aip nua SnaG ar fáil don iPhone anois ar iTunes agus Android ar Google Play! Faigh eolas faoi imeachtaí Gaeilge atá ag tarlú in aice leat, agus foghlaim nath úr gach lá le Frása an Lae
Feachtas nua do Sheachtain na Gaeilge 2015 seolta Tá grúpaí Gaeilge ar fud fad oileán na hÉireann ag díriú a gcuid aigne ar phleanáil fá choinne Seachtain na Gaeilge a bheas ar siúl ón 1 - 17 Márta 2015. Tá lógó nua ag Seachtain na Gaeilge chomh maith le mana nua, Bain Triail Aisti - Surprise Yourself! Leis an mhana seo, tá súil ag lucht eagrúcháin na féile go meallfaidh an feachtas foghlaimeoirí nua, daoine nár bhain úsáid as Gaeilge le fada an lá chomh maith le cainteoirí Líofa Gaeilge leis an Ghaeilge a úsáid i slite nua agus difriúla le linn na féile. Beidh foireann Sheachtain na Gaeilge sásta cruinnithe áitiúla a reáchtáil fosta: Más suim leat imeacht do Sheachtain na Gaeilge i do cheantar a fhorbairt in 2015, déan teagmháil le foireann Sheachtain na Gaeilge le cruinniú áitiúil a eagrú agus a reáchtáil i do cheantar. Ná bíodh leisce ort teagmháil a dhéanamh le Brenda brenda@cnag.ie nó le Seán ag sean@cnag.ie.
Fóram Phobal na Gaeilge—Doire Tagann Fóram Phobal na Gaeilge le chéile gach ráithe faoi stiúir Chomhairle Cathrach Dhoire. Tá an fóram comhdhéanta de ghrúpaí Gaeilge, Gaelscoileanna agus Gaeilgeoirí aonair ó cheantar na Comhairle Cathrach ar suim leo theacht le chéile le cúrsaí forbartha teanga sa cheantar a phlé. Le bheith mar ball den fhóram cuir r-phost chuig an Oifigeach Gaeilge ag gaeilge@derrycity.gov.uk
Oifigeach Gaeilge Pól Ó Frighil Oifigeach Gaeilge Comhairle Cathrach Dhoire 98 Bóthar na Trá Doire BT48 7NN T: (028) 71 376 579 gaeilge@derrycity.gov.uk www.derrycity.gov.uk/gaeilge FÁILTE roimh thuairimí agus mholtaí ar a bhfuil sa nuachtlitir seo. Má tá seirbhís uait i nGaeilge nach bhfuil ar fáil faoi láthair tabhair le fios dúinn. Má tá foirm uait i nGaeilge téigh chuig www.derrycity.gov.uk/gaeilge áit a bhfuil foirmeacha coitianta na Comhairle Cathrach ar fáil i nGaeilge. Má tá eolas uait ar aon seirbhísí eile sa Chomhairle Chathrach déan teagmháil linn. Má tá formáid eile den nuachtlitir ag teastáil uait, bí i dteagmháil linn.
Seirbhísí Gaeilge Chomhairle Cathrach Dhoire curtha ar fáil le caoinmhaoiniú ó: