Aibreán-Meitheamh 2014
Eagrán 21
Eagrán 21
DC C
...scáthán Nuachtlitir Ghaeilge Chomhairle Cathrach Dhoire
Gaeilge & Fáilte
Féile Pan
Cheilteach 2014
Lá Siamsaíochta
ag Bunscoil Cholmcille
Slí Cholmcille
Blúiríní & Fógraí
Oifigeach Gaeilge
Gaeilge & Fáilte: Mar chuid dá hiarrachtaí le spreagadh a thabhairt don phobal úsáid a bhaint as seirbhísí na Comhairle trí Ghaeilge, tá Comhairle Cathrach Dhoire ag cur ranganna Gaeilge ar fáil dá foireann ón bhliain 2008 i leith, agus tá blath ag teacht ar an fhoghlaim! I rith Sheachtain na Gaeilge cuireadh an grúpa is déanaí d’fhoghlaimeoirí faoi scrúdú béil le fáinne a ghnothú agus tá lúcháir ar an Chomhairle gur éirigh le gach duine a chuaigh faoi scrúdú. O thosaigh Scéim Theagasc na Gaeilge sa Chomhairle in 2008 tá 19 fáinne bronnta ar an fhoireann agus cáilíochtaí éagsúla bainte amach ag fostaithe, Teastas Eorpach na Gaeilge agus Dioplóma sa Ghaeilge le hOllscoil na hÉireann san áireamh. San eagrán seo, léiríonn muid na bealaí gur féidir leat do chuid gnó a dhéanamh le Comhairle Cathrach Dhoire trí mheán na Gaeilge!
www.facebook.com/foramphobalnagaeilge
@foramphobal
...scáthán
Lch 2
Gnóthaíonn foireann Chomhairle Cathrach Dhoire fáinní
Scéim Theagasc na Gaeilge: Lucht freastail bhunrang Gaeilge ag Comhairle Cathrach Dhoire a ghnóthaigh fáinní le linn Sheachtain na Gaeilge 2014. Sa ghrianghraf thuas ó chlé tá: Robbie Irwin (Roinn Chomhshaoil), David Mullan (Roinn Chomhshaoil), Julie McGeehan (Iarsmalann an Túir), Thomas Caroll (Roinn Chomhshaoil), Pól Ó Frighil (Oifigeach Gaeilge/Oide an Chúrsa), Colum Lynch (Halla na Cathrach), agus Jim Gallagher (Roinn Chomhshaoil). Tá 19 fáinne bronnta ar oibrithe ó thosaigh Scéim Theagasc na Gaeilge in 2008, trí fháinne óir san áireamh. #gaeilgeagusfáilte
Déan do ghnó leis an Chomhairle Cathrach trí Ghaeilge Cuir glaoch orainn: Tá líne Ghaeilge ar leith ag an Chomhairle. Cuir scairt ar T: (028) 71 376 579 le labhairt go díreach leis an Oifigeach Gaeilge nó le teachtaireacht a fhágáil i nGaeilge ar an ghlórphost. Scríobh chugainn: Is féidir leat scríobh chuig an Chomhairle Chathrach i nGaeilge agus freagra a fháil i nGaeilge. Cuir do litir chuig: Comhairle Cathrach Dhoire, 98 Bóthar na Trá, Doire BT48 7NN. Cuir ríomhphost chugainn nó tabhair cuairt orainn ar-líne: Is féidir leat ríomhphost a chur chuig gaeilge@derrycity.gov.uk nó tabhair cuairt ar ár leathanaigh Ghaeilge ar líne: www.derrycity.gov.uk/gaeilge Facebook: www.facebook.com/foramphobalnagaeilge Twitter: @foramphobal
gaeilge & fáilte
...scáthán
Lch 3
Féile Pan Cheilteach 2014 Seoladh Oifigiúil
Seoladh Oifigiúil na Féile Pan Cheiltí ag Cultúrlann Uí Chanáin. Tá gailearaí grianghraf ón fhéile ar fáil trí chuairt a thabhairt ar chuntas Flickr na Comhairle Cathrach: https://www.flickr.com/photos/derrycitycouncil/
Féile Pan Cheilteach 2014 Clár na dTeangacha Ceilteacha
An Dr Niall Comer ó Ollscoil Uladh a thug léacht ar ‘Logainmneacha Dhoire’ ag Iarsmalann an Túir mar chuid de chlár na dTeangacha Ceilteacha de chuid na féile.
An Dr Art Hughes ó Ollscoil Uladh a thug dhá léacht: ‘Gaeilge Mhanann’ agus ’Oidhreacht Ind-Eorpach, Cheilteach agus Ghaelach’ ag Cultúrlann Uí Chanáin.
...scáthán
Lch 4
Gailearaí an Phobail Lá Siamsaíochta ag Bunscoil Cholmcille Seodra don uile dhuine
Páistí ar an timpeallán tachrán
Iardhaltaí ag baint sult as an lá
Péinteáil ingne
Scoil Samhraidh Cholm Cille Slí Cholmcille
Slí Cholmcille Anuraidh, don chéad uair i níos mó ná ceithre chéad bliain ceiliúradh traidisiún meánaoiseach oilithreachta a bhaineann le Naomh Cholmcille i nDoire agus i mbliana leanadh leis an traidisiún nua athbheoite ar lá na féile, 9ú Meitheamh. Sa ghrianghraf thuas tá scaifte a tháinig amach ar lá na féile le filleadh ar choischéimeanna Cholmcille.
...scáthán
Lch 5
Comórtas Ealaíne na Féile Pan Cheiltí
Cérbh iad na Ceiltigh? Bronann leasmhéara Dhoire an Seanóir Gary Middleton teastais agus duaiseanna ar bhuaiteoirí chomórtas ealaíne na Féile Pan Cheiltí ó bhunscoileanna áitiúla sa chathair ag bronnadh oifigiúil i Halla na Cathrach, Doire ar an Mháirt 17ú Meitheamh 2014. Eagraíodh an comórtas seo ag Lisa Anderson, Oifigeach Caidrimh Pobail atá ag obair le Cultúrlann Uí Chanáin ar chúrsaí deachaidrimh agus b’é téama an chomórtais ná ‘Cérbh iad na Ceiltigh?’ Comhghairdeas libh ar fad!
Blúiríní & Fógraí Maoiniú ar fáil
Scéal na Gaeilge
Tá scéim deontas Cholmcille de chuid Fhoras na Gaeilge oscailte faoi láthair d’iarrthóirí as Éirinn atá ag iarraidh an nasc le Gaeil na hAlban a neartú agus a chur chun cinn. Is é an 1ú Lúnasa 2014 an spriocdháta le haghaidh iarratas agus tá tuilleadh eolais le fáil ó Maolcholaim Scott, Oifigeach Forbartha, Colmcille, T: (028) 90 890 983, ríomhphost: mscott@forasnagaeilge.ie
Beidh Scéal na Gaeilge ar taispeáint ag Cultúrlann Uí Chanáin ón Luan 23 Meitheamh go dtí an Aoine 11 Iúil. Seo deis le cuairt a thabhairt ar thaispeántas a rinneadh i gcomhar le pobal na Gaeilge i nDoire mar chuid de Chathair Chultúir 2013 agus a léiríonn scéal na teanga sa cheantar seo ó thús ama go dtí an lá atá inniu ann. Tá lámhleabhair ildaite lánGhaeilge agus dhátheangacha ar fáil ó: Pól Ó Frighil, Oifigeach Gaeilge T: 028 71 376 579, gaeilge@derrycity.gov.uk nó is féidir leat cóip leictreonach saor in aisce a íoslódáil díreach ó chartlann ISSUU trí chuairt a thabhairt ar http://issuu.com/gaeilge/docs/sceal_n a_gaeilge
Cúrsa Saor in Aisce
Bíonn cúrsa Gaeltachta do dhaoine fásta ag Comhairle Uladh CLG sna Dúnaibh gach bliain. Tá an cúrsa oscailte do gach ball reatha de CLG agus tá sé SAOR IN AISCE. Beidh an cúrsa ar siúl ón Luan 21ú go dtí an Aoine 26ú Iúil 2014 agus tá tuilleadh eolais ar fáil ó: Dónal Mac an Ailín, T: 028 3752 1900, donal.mcanallen.ulster@gaa.ie
...scáthán
Lch 6
Bí ar an eolas le Fóram Phobal na Gaeilge
Ar mhaith leat bheith ar an eolas is déanaí faoi shaol na Gaeilge i nDoire? Brúigh ’Is maith liom’ ar leathanach Facebook Fhóram Phobal na Gaeilge-Doire le bheith ar an eolas is déanaí faoina bhfuil ag tarlú sa cheantar ó thaobh imeachtaí, ranganna is ciorcail chomhrá de. Eagraíonn Fóram Phobal na Gaeilge cruinniú gach ráithe le deis a thabhairt do ghrúpaí agus dhaoine aonair atá ag obair in earnáil na Gaeilge go háitiúil theacht le chéile. Más maith leat bheith ar an liosta le heolas a fháil faoi faoin fhóram déan teagmháil le Pól Ó Frighil, Oifigeach Gaeilge, gaeilge@derrycity.gov.uk
Bí linn ar líne www.facebook.com/foramphobalnagaeilge Seirbhísí Gaeilge Pól Ó Frighil Oifigeach Gaeilge Comhairle Cathrach Dhoire 98 Bóthar na Trá Doire BT48 7NN T: (028) 71 376 579 gaeilge@derrycity.gov.uk www.derrycity.gov.uk/gaeilge FÁILTE roimh thuairimí agus mholtaí ar a bhfuil sa nuachtlitir seo. Má tá seirbhís uait i nGaeilge nach bhfuil ar fáil faoi láthair tabhair le fios dúinn. Má tá foirm uait i nGaeilge téigh chuig www.derrycity.gov.uk/gaeilge áit a bhfuil foirmeacha coitianta na Comhairle Cathrach ar fáil i nGaeilge. Má tá eolas uait ar aon seirbhísí eile sa Chomhairle Chathrach déan teagmháil linn. Má tá formáid eile den nuachtlitir ag teastáil uait, bí i dteagmháil linn.
Seirbhísí Gaeilge Chomhairle Cathrach Dhoire curtha ar fáil le caoinmhaoiniú ó: