...scáthán
Eagrán 26, Fómhar 2015
Nuacht i nGaeilge ó Chomhairle Chathair Dhoire & Cheantar an tSratha Báin
………………………………………………………………………………….
Seirbhís i nGaeilge uait? Seirbhísí Gaeilge - An bhfuil a fhios agat gur féidir leat do ghnó a dhéanamh le Comhairle Chathair Dhoire & Cheantar an tSratha Báin i nGaeilge? An bhfuil a fhios agat go bhfuil 100% de dhaoine a mbaineann úsáid as na seirbhísí Gaeilge sásta, nó iontach sásta leis an dóigh a ndéantar freastal orthu? San eagrán seo, gheobhaidh tú breis eolais maidir leis na seirbhísí atá ar fáil ón Chomhairle le tacú leat do ghnó a dhéanamh linn i nGaeilge agus gheobhaidh tú achoimre faoi rátaí sástachta an phobail leis na seirbhísí reatha agus faoin dóigh ar mian leis an Chomhairle na seirbhísí a fheabhsú amach anseo. Má ghlac tú páirt sa suirbhé seo, gabhann an Chomhairle buíochas leat as ucht an aiseolais dearfaigh! Má tá ceist ar bith agat faoi aon ghné de sheirbhísí Gaeilge na Comhairle, nó má tá amhras ort faoin dóigh is fearr le tabhairt faoi sheirbhís a iarraidh, déan teagmháil leis an Oifigeach Gaeilge ar ár líne tiomanta Ghaeilge T: (028) 71 376 579 nó seol r-phost chuig gaeilge@derrystrabane.com. Fáilte roimh Ghaeilgeoirí ag gach leibhéal cumais, fhoghlaimeoirí san áireamh. Tuilleadh eolais ar ár leathanach Gaeilge www.derrystrabane.com/gaeilge Gaeilge agus Fáilte
www.facebook.com/foramphobalnagaeilge Twitter @foramphobal @dcsdcouncil www.derrystrabane.com/gaeilge
Lch 2
Seirbhísí Gaeilge Athbhreithniú 2015 Athbhreithniú 2015 - I mí Lúnasa 2015, chuaigh Comhairle Chathair Dhoire & Cheantar an tSratha Báin i gcomhairle leis an phobal le sástacht leis na Seirbhísí Gaeilge reatha a mheas agus le hathbhreithniú foirmeálta a dhéanamh ar an seirbhísí. Le treochtaí a mheas, achoimrítear thíos torthaí suirbhé na bliana seo i gcomparáid leis na torthaí ó 2009 agus 2012 agus tugtar ar an leathanach thall eolas maidir leis na dóigheanna ar féidir leis an Chomhairle teacht ar sheirbhísí a fheabhsú. Tá cóip iomlán de na torthaí suirbhé ar fáil trí cuairt a thabhairt ar ár gcartlann fhoilseachán: http://issuu.com/gaeilge/docs/
Suirbhé maidir le Seirbhísí Gaeilge
2009
2012
2015
% de dhaoine a bhí sásta leis an tseirbhís san iomlán
100%
96%
100%
% de dhaoine a bhí sásta nó iontach sásta leis an suíomh idirlín
80%
88%
84%
% de dhaoine a shíl go raibh an nuachtlitir go maith nó ar fheabhas
Ní raibh sé ann ag an am
95%
94%
% de dhaoine a shíl go raibh an leathanach Facebook go maith nó ar fheabhas
Ní raibh sé ann ag an am
81%
100%
% de dhaoine a fuair freagra ar r-phost laistigh d’am réasúnta
64%
96%
100%
% de dhaoine a fuair freagra ar litir laistigh d’am réasúnta
64%
73%
88%
% de dhaoine ag baint úsáid as an Líne Ghaeilge
64%
52%
40%
% de dhaoine a mbeadh faitíos orthu ag iarraidh seirbhíse
90%
82%
84%
Lch 3
Seirbhísí Gaeilge Torthaí & Moltaí Feabhais Torthaí - Ba chúis mhór áthais don Chomhairle go raibh 100% de dhaoine a d’fhreagair an suirbhé sásta leis na seirbhísí as a bhain siad úsáid ach tá sé tábhachtach go gcoinníonn muid an ráta sástachta ard; le cinntiú nach dtitfidh an figiúr sin siar, tá moltaí feabhais déanta ag an Chomhairle le gur féidir leis an phobal bheith muiníneach as dúthracht na Comhairle tógáil ar an fhondúireacht dearfach seo. Sa tábla seo thíos achoimrítear na spriocanna feabhais atá aimsithe ag an Chomhairle mar aon le gníomhartha as a mbainfear feidhm le cinntiú go mbainfear na spriocanna amach. I measc na ngníomhartha atá beartaithe, tá athbhreithniú bliantúil le cinntiú a dhéanamh de go bhfuil muid in ann treochtaí a mheas bliain ar bhliain agus le cinntiú go n-aithneofar bearnaí a luaithe agus is féidir. Sprioc
Gníomhartha
Ráta sástachta a choinneáil ag 100%
Leanstan leis na seirbhísí á mheas go rialta
Sástacht leis an suíomh idirlín a mhéadú go 90%
Méid agus éagsúlacht an eolais i nGaeilge ar an suíomh idirlín a mhéadú
Sástacht leis an nuachtlitir a choimeád nó a mhéadú
Fócasghrúpa a bhunú le tabhairt faoi cheisteanna nuachtlitreach
Amscála freagraithe litreach a fheabhsú
Athbhreithniú a dhéanamh ar an cheist i gcomhthéacs na Cairte Custaiméara
Feasacht ar an Líne Ghaeilge a ardú
Feachtas margaíochta a dhearadh chun feasacht ar an tseirbhís a ardú
Muinín an phobail as seirbhísí a iarraidh a mhéadú
Dul i ngleic le freagróirí a dúirt go mbeadh fáitíos orthu leis an fhadhb a mheas
Suirbhé Iomlán: http://issuu.com/gaeilge/docs/
…………………………………………………………………………………. Cad é mar a bhaintear úsáid as Seirbhísí Gaeilge na Comhairle? Is iomaí bealach ar féidir leat úsáid a bhaint as seirbhísí Gaeilge Chomhairle Chathair Dhoire & Cheantar an tSratha Báin. Is féidir leat cuairt a thabhairt ar ár suíomh idirlín ag www.derrystrabane.com/gaeilge nó teagmháil dhíreach a dhéanamh leis an Oifigeach Gaeilge ar ár líne thiomanta Ghaeilge, T: 028 71 376 579, ar an ríomhphost ag gaeilge@derrystrabane.com nó trí litir a sheoladh chugainn: 38 Bóthar na Trá, Doire BT48 7NN nó 47 Bóthar Dhoire, An Srath Bán BT82 8DY. Ná bíodh aon fhaitíos ort! Gaeilge agus Fáilte! An úsáideann tú na meáin shóisialta? Más fearr leat is féidir leat úsáid a bhaint as na meáin shóisialta le teagmháil a dhéanamh leis an Chomhairle. Tá leathanach Gaeilge ag an Chomhairle ar Facebook www.facebook.com/formaphobalnagaeilge agus is féidir teacht orainn ar Twitter fosta @foramphobal
Lch 4
Léacht - An Gorta Mór agus an Ghaeilge Sraith Léachtaí Teanga Iarsmalann an Túir, Doire Déardaoin 26 Samhain, 12.30in Filleann sraith léachtaí teanga Island Voices ar Iarsmalann an Túir arís i bliana le trí léacht a thaiscéalann an tionchar atá ag gnéithe socheacnamaíochta ar thírdhreach na dteangacha sa taobh seo tíre. I mbliana agus muid ag comóradh 170 bliain ó bhí an Gorta Mór ann tá sé d’onóir againn go mbeidh an Dr Fionntán de Brún linn ar an Déardaoin 26 Samhain le léacht dar teideal ‘The Great Famine and the Irish Language’ a thabhairt mar chuid den tsraith. Fiosróidh an Dr de Brún, atá ina léachtóir sinsearach ag Ollscoil Uladh an tionchar a bhí ag an mhórchaibidil seo i stair na hÉireann ar mheath na Gaeilge agus ar an iompú teanga ó Ghaeilge go Béarla. Le d’áit a chur in áirithe ag an léacht seo gabh i dteagmháil le: Iarsmalann an Túir ar T: 028 71 372 411 nó cuir ríomhphost chuigtower.reception@derrystrabane.com. Cuirfear lón ar fáil. Le clár iomlán Island Voices a líoslódáil tabhair cuairt ar ár suíomh idirlín: www.derrystrabane.com/Things-To-Do/Whats-On
Pól Ó Frighil, Oifigeach Gaeilge le Margaret Edwards, Oifigeach Oideachais—Comhairle Chathair Dhoire & Cheantar an tSratha Báin
Glac Páirt Lá Mór Faire Éan ar Scoil Tá Comhairle Chathair Dhoire & Cheantar an tSratha Báin ag obair i gcomhpháirtíocht leis an Chumann Ríoga um Chosaint Éan le Lá Mór Faire Éan ar Scoil a eagrú dár nGaelscoileanna áitiúla. Is é an Cumann Ríoga um Chosaint Éan (Royal Society for the Protection of Birds) an charthanacht chaomhantais is mó sa tír, ag spreagadh an phobail le dídean a thabhairt don dúlra. Gach bliain, iarrann an Cumann Ríoga um Chosaint Éan (RSPB) ar pháistí líon na n-éan ar thailte na scoile a chomhaireamh. Cuidíonn an Lá Mór Fáire Éan leis an RSPB chun eolas a bhailiú maidir leis an dóigh a bhfuil ag éirí le héin ar fud fad na tíre. Anuraidh, ghlac beagnach 75,000 páiste ó 2,000 scoil páirt agus tháinig an lon dubh, an druid agus an sléibhín amach ar bharr. I mí Eanáir 2016, beidh Comhairle Chathair Dhoire agus Cheantar an tSratha Báin ag iarraidh ar Ghaelscoileanna an cheantair páirt a ghlacadh sa Lá Mór Faire Éan ar Scoil agus eagrófar na gníomhaíochtaí ar fad trí mheán na Gaeilge. Tuilleadh eolais ó: Pól Ó Frighil, Oifigeach Gaeilge, Comhairle Chathair Dhoire & Cheantar an tSratha Báin, Doire BT48 7NN, Líne na Gaeilge: T: 028 71 376 579, r-phost: gaeilge@derrystrabane.com, www.derrystrabane.com/gaeilge
An Meantán Mór
Lch 5
Fóram Phobal na Gaeilge Céad Chruinniú Eile Tá cuireadh ort freastal ar an chéad chruinniú eile d’Fhóram Phobal na Gaeilge (Doire & An Srath Bán) a bheas ar siúl ar an Déardaoin 12 Samhain ag oifigí Chomhairle Chathair Dhoire & Cheantar an tSratha Báin i nDoire ag 2.30in. Tá sceideal cruinnithe socraithe anois mar a leanas: Máirt 12 Eanáir 2016, 2.30in, Oifigí na Comhairle ar an tSrath Bán; Déardaoin 3 Márta 2016, 10.30rn, Oifigí na Comhairle i nDoire; Máirt 3 Bealtaine, Oifigí na Comhairle ar an tSrath Bán. Is féidir le duine ar bith ar suim leis nó léi bheith i láthair freastal agus páirt a ghlacadh sa chomhrá, ach fios a chur ar an Oifigeach Gaeilge, Pól Ó Frighil, T: 028 71 376 579 nó trí ríomhphost a sheoladh chuig gaeilge@derrystrabane.com. Fáilte roimh chách.
…………………………………………………………………………………. Saol na Gaeilge sa cheantar Bí ar an eolas is déanaí Tá muid ar líne - Is féidir leat fanacht cothrom chun dáta lena bhfuil ag tarlú sa cheantar Comhairle ó thaobh na Gaeilge de trí ‘like’ a thabhairt dár leathanach pobail ar Faceboook faoin ainm ‘Fóram Phobal na Gaeilge’ áit a fhéicfidh tú blúiríní eolais agus scéilíní agus faoi imeachtaí, tionscnaimh agus gníomhaíochtaí Gaeilge sa phobal mar aon le heolas faoi sheirbhísí Gaeilge na Comhairle. www.facebook.com/foramphobalnagaeilge @foramphobal
………………………………………………………………………… Dialann an Phobail Claisceadal
Turas chun na Gaeltachta
Tagann Claisceadal cois Feabhail, ceardlann amhránaíochta le chéile gach oíche Luain i gCultúrlann Uí Chanáin, Doire.
Tá deireadh seachtaine sa Ghaeltacht á eagrú ag Cultúrlann Uí Chanáin ar an Aoine 20 Samhain. Is deis sultmhar í seo chun do chuid Ghaeilge a chleachtadh agus chun sult a bhaint as deireadh seachtaine lán de chraic agus shiamsaíocht.
Ní cór atá i gceist ach grúpa daoine a bhfuil spéis acu in amhránaíocht na Gaeilge agus a thagann le chéile le foghlaim faoin ghné sin dár n-oidhreacht cheoil, le eolas a chur ar na hamhráin, a gcúlra agus scéalta a bhaineann leo, agus, ar ndóigh, na hamhráin féin a fhoghlaim. Baintear úsáid as Gaeilge agus Béarla sa chomhphlé. Tá scaifte breá páirteach sa Chlaisceadal faoi láthair ach bíonn fáilte i gcónaí roimh dhaoine nua. Tosaíonn an Claisceadal ar 7.30 p.m. maireann sé uair go leith agus £2 an táille atá ar gach seisiún. (Saorchead isteach ag neacha léinn go dtí an Nollaig agus £1 an seisiún ina dhiaidh sin.) Tuilleadh eolais: Risteard Mac Gabhann ogmios@virginmedia.com
Beidh costas £85 ar an turas, lena n-áirítear an bus, 2 oíche leaba & bricfeasta, béile amháin agus rang Gaeilge! Caithfear éarlais de £40 bheith istigh fán 23ú Deireadh Fómhair chun d’áit a chinntiú. Má tá suim agat, bí i dteagmháil linn: carolmc@culturlann-doire.ie.
Lch 6
Seimineár Eolais faoi Mhaoiniú ón Eoraip 20 Samhain 2015 Deiseanna maoinithe ón Eoraip Is iomaí deis atá ar fáil do ghnóthaí áitiúla, eagraíochtaí stáit agus eagraíochtaí pobail teacht ar mhaoiniú ón Aontas Eorpach (AE). Is é is cuspóir leis an seimineár seo ná eolas a roinnt maidir leis an dóigh is fearr le teacht ar mhaoiniú ón AE. Tá réimse de chistí maoinithe ar fáil faoi réimse de chatagóir éagsúla: athrú aeráide; forbairt iompair; fuinneamh in-athnuaite; sabháilteacht bhia; freastal ar dhaonra atá ag dul in aois; cruthú fostaíochta; sláinte agus cultúr san áireamh. Le cuidiú leat dul i dtaithí ar na cláir éagsúla agus le cuidiú leat cur isteach, tá foireann thiomanta bunaithe le teagmhálaithe éagsúla atá freagrach as achar saineolais amháin, mar shampla, innealtóireacht, mion- agus meanghnóthaí, sláinta, tionsclaíochta, fuinneamh agus deiseanna Thuaidh-Theas. Beidh Martina Anderson agus Matt Carthy, Airí Phairlimint na hEorpa i láthair, mar aon le hionadaí ó Oifig Choimisiún na hEorpa i mBéal Feirste, ionadaí ón Chláir Speisialta an AE agus ionadaí ó Intertrade Ireland i measc eile. Cluinfidh tú díreach ó na hionadaithe faoi na róil s’acu, fán obair a dhéanann siad, agus go mór mór faoin thacaíocht is féidir leo a thabhairt do thionscnaimh agus faoin dóigh ar éirigh le grúpaí eile maoiniú a fháil faoin chóras. Seo deis uathúil le do chuid eolais féin ar na deiseanna iontacha atá ar fáil ón AE a mhéadú. Más mian leat féin nó le do ghrúpa clárú, gabh i dteagmháil le: Oifig Mhéara Chathair Dhoire agus Cheantar an tSratha Báin, ag T: 028 71 376 507 nó seol ríomhphost chuig mayor@derrystrabane.com Fáilte roimh chách!
…………………………………………………………………………………. Oifigeach Gaeilge Pól Ó Frighil Oifigeach Gaeilge Comhairle Chathair Dhoire & Cheantar an tSratha Báin 98 Bóthar na Trá Doire BT48 7NN T: (028) 71 376 579 www.derrystrabane.com/gaeilge gaeilge@derrystrabane.com
FÁILTE roimh thuairimí agus mholtaí ar a bhfuil sa nuachtlitir seo. Má tá seirbhís uait i nGaeilge nach bhfuil ar fáil faoi láthair tabhair le fios dúinn. Má tá foirm uait i nGaeilge téigh chuig www.derrystrabane.com/gaeilge Má tá eolas uait ar aon seirbhísí eile sa Chomhairle déan teagmháil linn. Má tá aon fhormáid eile den nuachtlitir ag teastáil uait, bí i dteagmháil linn. GAEILGE & FÁILTE
Seirbhísí Gaeilge curtha ar fáil le caoinmhaoiniú ó Fhoras na Gaeilge: