...scáthán
Eagrán 28, Earrach 2015
Nuacht i nGaeilge ó Chomhairle Chathair Dhoire & Cheantar an tSratha Báin
………………………………………………………………………………….
Doire Gearrliostaithe do Phríomhchathair Eorpach na nÓg
Cathair na nÓg 2019 Stádas Phríomhchathair Eorpach na nÓg i ndán dúinn? Tá céim mhór chun tosaigh tógtha ag Comhairle Chathair Dhoire & Cheantar an tSratha Báin ina cuid iarrachtaí le stádas mar Phríomhchathair Eorpach na nÓg don bhliain 2019 a bhaint amach. Chuir trí chathair déag iarratas isteach agus gearrliostáladh cúig chathair a rachaidh ar aghaidh go dtí an chéad chéim eile den phróiseas moltóireachta, Doire ina measc. I rith thréimhse ullmhúcháin an iarratais chuaigh Comhairle Chathair Dhoire & Cheantar an tSratha Báin i gcomhairle le heagraíochtaí in earnáil na Gaeilge le tacaíocht don iarratas a iarraidh agus tá muid buíoch do chách a thacaigh linn! Má éiríonn leis an chathair an gradam mór seo a bhaint, beidh féilire bliana curtha le chéile le freastal ar dhaoine óga idir 16-24 d’aois. Fógrófar an buaiteoir ag Tionól Ginearálta Fhóram Eorpach na nÓg sa Bhulgáir i mí na Samhna 2016. Ba mhaith leis an Chomhairle iarraidh ar an phobal leanstan de bheith ag tacú leis an iarracht i rith an chéad chéim eile den chomórtas. #eyc19
www.facebook.com/foramphobalnagaeilge @foramphobal @dcsdcouncil www.derrystrabane.com/gaeilge