FRAWLU u l-Furketta
Darba twieled Frawlu u kien Frawlu tassew tajjeb.
Frawlu issa kiber sew...
u spiss kien iħobb jiltaqa’ ma’ sħabu l-frott tal-bott, imqattgħin biċċiet żgħar, li kienu jgħixu fl-istess kċina bħalu.
Tadama darba qaltu biex joqgħod attent minn Furketta, għax jispiċċa mqatta’ bħall-bqija tal-frott f’dik il-kċina.
“Furketta ma tħenn għal ħadd. Taqbdek taħt idejha u tqattgħek biċċa biċċa”, widdbitu tadama mqattgħa.
U hekk ġara, darba fost l-oħrajn, waqt li kien sejjer iżur lil sħabu, Furketta ħatfitu taħt idejha.
Issara mhux ftit Frawlu sabiex jipprova jinħall mill-qabda ta’ Furketta
biċċa, wara biċċa, Furketta bdiet tqattgħu.
Frawlu issa kien qata’ qalbu li jeħlisha minn taħt id Furketta
però feraħ mhux ftit, meta ra lilu nnifsu mqatta’, u nduna li issa ser jispiċċa bħal sħabu l-frott,u jkun wieħed minnhom.
Frawlu issa kien kollu ħerqan, biex Furketta tagħmel xogħolha malajr kemm jista’ jkun ħalli jmur ħdejn sħabu, speċjalment ħdejn tadama mqattgħa.
Ħsieb u Fotografija Joseph Vassallo