МАРТ 2021
18 ЛУЃЕ И КОМПАНИИ
KAPITAL.MK I БРОЈ 1095
КОСТАЛ МАКЕДОНИЈА И ВО УСЛОВИ НА ПАНДЕМИЈА ИМАШЕ РАСТ НА ПРОДАЖБИТЕ, ИНВЕСТИЦИИТЕ И ВРАБОТУВАЊАТА
ВИКТОР МИЗО, ДИРЕКТОР НА КОМПАНИЈАТА: ГОДИНАВА ПЛАНИРАМЕ 200 НОВИ ВРАБОТЕНИ И УШТЕ 31 МИЛИОН ЕВРА ИНВЕСТИЦИИ Во годината во која сите се соочувавме со ефектите на најголемата здравствена и економска криза досега, во Костал Македонија беа реализирани нови 322 вработувања при што инвестициите надминаа износ од 14 милиони евра, a продажбите 51 милиони евра што е зголемување од над 50% споредено со обемот на продажби за 2019 година.
автор:
ИГОР ПЕТРОВСКИ
В
о изминатата 2020 година, која беше исклучително специфична поради здравствениот предизвик што резултираше и со економска криза, голем број компании го намалуваа бројот вработени. Костал Македонија, фабриката за производство на автомобилски компоненти и делови лоцирана во Охрид, во услови на редуцирано производство и намалени приходи споредено со планираните успеа ги зачува сите постојни вработувања и активно вработуваше нови. Така, во годината во која сите се соочувавме со ефектите на најголемата здравствена и економска криза досега, во Костал Македонија беа реализирани нови 322 вработувања при што инвестициите
надминаа износ од 14 милиони евра, a продажбите 51 милиони евра што е зголемување од над 50% споредено со обемот на продажби за 2019 година. „И 2021 година ќе биде година на предизвик за автомобилската индустрија. Првите два месеци не се добри продажбите на нови возила, особено во Европа, каде што на петте најголеми пазари – Германија, В. Британија, Франција, Италија и Шпанија – има вкупен пад од 25%. И за март не очекувам поголемо подобрување бидејќи во западна Европа сe’ уште има локдаун во некои земји, пролонгиран до крајот на март, а и процесот на вакцинирање е релативно бавен. Веќе со почеток на пролетта, а потоа и летото, ако се’ биде во ред со справувањето со пандемијата, ќе има зголемена побарувачка на возила, но нема да биде подеднакво за сите категории и сегменти. Ќе има позначајно
