34 СВЕТ
МАРТ 2021
KAPITAL.MK I БРОЈ 1095
ПАЗАРИ НА КАПИТАЛ
ОПТИМИЗМОТ ЗА ВТОРАТА ПОЛ НА ГОДИНАТА Е РИЗИК ЗА ПАЗА Економските показатели за првиот квартал ќе бидат полоши од очекуваните, главно заради услужниот сектор, а најновите економски податоци од Кина се исто така полоши од очекуваните, но останува фактот дека тие сè уште се во зоната на раст. Новиот петгодишен план во Кина става уште поголем акцент на помалку еколошката технологија и индустрија и поголема тежина на домашната потрошувачка. Оптимизмот за втората половина на годината останува на високо ниво во светот, што може да претставува одреден ризик за пазарите, бидејќи очекувањата се многу големи. ГЕНЕРАЛИ ИНВЕСТМЕНТС
П
(редакциска опрема Капитал)
андемијата минатиот месец бележеше добар пад и забавување, но податоците од минатата недела веќе не се толку оптимистички. Графиконите за бројот на новозаразени покажаа нагорен тренд на глобално ниво, ситуацијата во моментов е најтешка во Латинска Америка, но во Европа и некои азиски земји се покажуваат трендови кои не се најперспективни. Ограничувањата на јавниот живот остануваат во голема мера, но охрабрувачки во целата приказна е тоа што во моментот мерките во голема мера повеќе не се заоструваат, иако нивната употреба е продолжена до
крајот на март и почетокот на април. Нова пресвртница со отворањето може да се случи по Велигден. Вакцинацијата продолжува, но практично насекаде е побавна од очекуваната и постојат сомневања за успехот на вакцините против новите видови на вирусот. Фајзер во понеделникот објави дека нивната вакцина, во лабораториска средина и на вештачки одгледуван вирус, многу сличен на новите мутации што се појавуваат во светот и така дејствува успешно. Ќе видиме каква ќе биде состојбата на теренот. Бидејќи мерките за ограничување на ширењето на вирусот продолжуваат сериозно да ја попречуваат економската активност, особено во услужниот сектор, земјите се обидуваат да го надополнат прекинот со стимулативни мерки. Во САД, Сенатот конечно одобри
нов огромен пакет од 1,9 трилиони долари, што опфаќа и директна финансиска помош за семејствата и деловните активности, како и широка програма за инвестиции, особено во инфраструктурата и зелената економија. Ова продолжува да ги зајакнува очекувањата за инфлација и следствено да ги зголемува цените на материјалите и енергијата на нови, повисоки нивоа. За прв пат од пандемијата, нафтата ја надмина вредноста од 70 долари за барел, а ОПЕК очигледно засега нема намера да ги зголемува квотите. Економските показатели за првиот квартал ќе бидат полоши од очекуваните, главно заради услужниот сектор, а најновите економски податоци од Кина се исто така полоши од очекуваните, но останува фактот дека тие сè уште се во зоната на раст. Новиот петгодишен план
