Motibazioa

Motibazioari buruz hitz egin ahal izateko, lehenengo oso garrantzitsua da niretzat motibazioa zer den ondo ulertzea. Guztiok daukagu motibazioari buruzko ideia orokor bat, gure egunerokotasunean maiz erabiltzen den kontzeptu bat delako. Baina, zer da motibazioa?

Motibazioa, pertsona batek duen nahi bat betetzeko jartzen duen gogo eta indarra da. Helburu bat duen orok jarriko ditu bere gogo guztiak helburu hori lortzeko, eta ahal duen guztia egingo du hori lortu ahal izateko. Hori da motibazioa. Baina, kontzeptu hau oso zabala da eta esparru askotan ematen da. Ni eskolako motibazioan zentratuko naiz. Haurrek duten motibazioan hain zuzen.

Eskola garaian haurrek gauza asko ikasten dituzte, gauza berri askori buruz ikasten dute eta informazio ugari jasotzen dute egun bakar batean. Horregatik, hain zuzen, iruditzen zait oso garrantzitsua dela haurrak eskolan motibatuak egotea. Baina, oso zaila da hori lortzea. Haurrak asko aspertzen dira gelan daudenean irakaslea gauzak azaltzen ari ben bitartean, patiora jolasera joateko orduaren zain edo etxera joateko gogoz egoten dira. Gelan daudenean irakaslea uneoro hitz egiten badago, haurrak aspertuak sentitzen dira eta ez dute entzuten ari direna ikasteko inongo motibaziorik. Arazo hau asko ematen da eskoletan, eta horregatik diot haurrak motibatzea zaila dela. Nire ustez, zaila da bai, baina ez ezinezkoa, eta hori lortzearen ardura irakaslearena dela uste dut.

Irakaslea da gela barruan autoritatea duen pertsona, berak diona egiten dute haur guztiek eta horregatik iruditzen zait irakasleak haurrak motibatzeko ardura eta bidea daukala. Horrez gain, haurren artean bata besteari motibatzea ere oso garrantzitsua da, eta horrek gelako giroa ona izaten lagunduko luke.

Motibazioa oso garrantzitsua dela argi dago, motibaziorik gabe ez genituzke gure helburuak lortzeko gogo guztiak jarriko. Beraz, nik eskola esparruko motibazioa ezinbestekoa dela uste dut, eta gehienbat irakaslearen lan moduan ulertzen dut gai hau.