Lítt gróið land

Lítt gróið land Alls voru 444 úttektarreitir flokkaðir sem hálfgróið land. Af þeim voru 20 skráðir sem blanda tveggja eða fleiri landgerða, eða um 4,5% reitanna. Þessi yfirborðsflokkur kom fyrir í öllum hæðarbilum (Tafla 8). Flatarmál lítt gróins lands á landinu er áætlað á bilinu 23.061-23.861 km2 eftir því hvaða nálgun er beitt (sjá kafla 3.1). Gróðurþekjan í úttektarreitum var að jafnaði 6,4%. Þessi yfirborðsflokkur er skilgreindur með 0-20% gróðurþekju og skiptast úttektarreitir á þekjubil innan þeirra marka. Önnur þekja en gróður var metin í reitum teknir 2012 og síðar. Klappir voru í 21% reita, grjót í 79%, melur í 62%, mold í 22% og sandur í 64% reita. Þekja rofdíla í reitum er að meðaltali 2,8%, og um 27% í þeim reitum, sem eru með rofdílum. Í lítt grónu landi voru rofdílar í 10% reita, og eða 46 reitum. Stærð og virkni rofdíla var metin í reitum sem skoðaðir voru 2012 og síðar, og var stærð díla metin í 4 reitum virkni skráð í 3 reitum. Í þessum reitum var meðalþvermál rofdíla metið 114 cm og var virkt rof í öllum reitum sem það var skráð. Aðrar rofmyndir voru skráðar í og við 63% reita sem flokkaðir voru sem lítt gróið land. Í gróðurrömmunum var heildarþekjan metin 3,1% og þekja mosa og blóma og birkninga mest eða 1,9%. Næst komu grös og hálfgrös með 1,8% þekju að meðaltali. Þekja sinu í römmunum var metin 1,3% að meðaltali í reitum í lítt grónu landi 2012 og síðar. Blaðhæð var að jafnaði 2,0 cm í þeim römmum sem hún var metin í og sinuhæðin 1,1 cm. Meðalþekja kjarrs var 0,9% og kjarrhæðin að meðaltali 11,6 cm í reitum með kjarri í og engir reitir með kjarrhæð >100 cm. Af eftirsóttum beitarplöntum sem skráðar voru var gulvíðir algengastur og fannst í 7% reita, túnsúra í 6% og grávíðir í 4% reita. Af síður bitnum plöntum þá var blóðberg algengast eða í 39% reita, þursaskegg í 29% og grasvíðir í 24% reita. Þúfur voru skráðar í 3 reiti í lítt grónu landi, þar af 2 með smáþýft og 1 í þýft. Torfur voru skráðar í 27% reit af þeim voru 18 (11%) skráðar með stöðuga jaðra og 25 (15%) með virkt rof í jöðrum. Af þeim reitum sem skráðir voru í lítt gróið land voru 43 (10%) skráðir með uppgræðslur sem eru 35% allra reita þar sem uppgræðsla er skráð til staðar. Þ.e.a.s. 35% reita sem í er skráð uppgræðsla flokkast sem lítt gróið land. Beit var ekki merkjanleg í 81% reita, lítil beit í 13%, miðlungs beit í 3%, mikil beit í 2% og 1% reita innan lítt gróins lands var skráð sem þungbeitt land. Beitarmerki á gróðri voru ekki merkjanleg í 96% reita, lítilsháttar í 1%, jafnbeitt í 1% og rótnagað í 1% reita. Mat á beit er ívið hærra í reit og umhverfi en ummerki á gróðri segja til um. Ummerki beitardýra voru í og við 34% reita, sem flokkaðir voru sem lítt gróið land. Algengast var að traðk væri til staðar eða við 31% reita. Sauðfé var við 24% reita og skítur í og við 19%. Þessar þrjár vísitölur um beit gefa ekki allar sömu niðurstöðu. Ummerki beitardýra eru í og við rúm 30% reita, beit merkjanleg í rúmlega 20% reita og beitarmerki á gróðri greinanleg í um 4% reita.

Meðal jarðvegsdýpt í reitum innan hálfgróins lands var metin 38 cm. Jarðvegur var >100 cm í tæpum 11% reita. Án þeirra reita var dýptin 21 cm að meðaltali.