Nuviteies

La Moda Harajuku

La moda Harajuku ie cunesciuda sun dut l mond. Tla capitela dl Iapan, Tokio, iel na pert dla zità che à inuem Jingumae. Iló iel nce la stazion dla ferata y l ridl ntëurvia à inuem Harajuku. Nia for ne ie chësc inuem da giaté sun la chertes de zità. Harajuku ie un di zëntri de moda plu cunesciui dl Iapan. Tlo iel truepa butëighes y boutique y n giata dantaldut da cumpré moda per i jëuni. Ma la moda Harajuku ie plucheauter cunesciuda, ajache la vën mustreda y purteda sun streda, alalergia. La ie na moda che va dal fin al stravagant. Danter la stazion y l parch Yoyogi se urta de dumënia domesdi truep jëuni cun guanc dassënn particuleres y truepa jënt a fé fotografies. Tl parch daujin iel pona nce grupes de jëuni che fej mujiga, la majera pert mujiga rock. N stil che ti semea mpue al stil punk y che vën vendù truep a Harajuku vën tlamà Harajuku-Kei. La esprescion Haraiuku girls vën adurvà ti media per descrì i jëuni (dantaldut mutans) che se tira sëura guanc de stii desfrënc, ma che sauta tl uedl o à na cumbinazion particulera de culëures, p.ej. Lolita elegantes, Gothic-Fans cun pirsing y ciavëi lonc, tifosi de Decora-Kei cun paruches de uni culëur y Cosplayers trac sëura cun guanc sciche chëi da carnescià (tl Internet posses ti cialé coche chisc cëla ora).

Na Planta De Bambesc Sun La Luna

N sperova che la planta de bambesc che n ova sentà ora tl lander cinesc Chang'E-4 vivëssa y crescëssa, ma do trëi dis che n ova audì che la ova scumencià a mené, iela morta dlaceda via. Per sëuraviver te n scatula de mitel minoven che l bastësse avisé lessù l linëus dl surëdl, ma la temperatura ie arsida a -170°C. La scatula ne fova nia sciaudeda y coche cërc studiëusc ova bele udù danora, ie mortes duta la sumënzes che fova laite: chëles de bambesc, de patat y de Arabidopsis, na planta che fej na pitla flëura.

La Biescia Cun 35 Kg De Lana

Chris ie l inuem de na biescia merino dl’Australia, che ie jita perduda. Do 5 ani l’ai inò giateda, do che l’ova vivù dassëula y che deguni l’ova tenduda. N escurscionist l’ova ududa dlongia Canberra y do n valgun dis iesi stai boni de pië la biescia. Bën 5 persones à tendù per 40 menuc la biescia, tulan demez n iede la pert dedoravia y pona chëla dlongia la pel. De ndut fovel aprësciapuech 35 kg de lana.

MATERIAI PER FÉ AUTI:

Ciuldì pa no i fé cun materiai ecologics o rezitlei?

La BMW à prejentà chëst ann a Minca sun la fiera di mesuns da furné l auto BMW i Vision Circular, che dëssa unì fat defin cun material rezitlà y cun materiai che crësc do.

Tla Florida iel unì fat n auto da 525 ciavei y ie fat defin de cianapia

Per lauré ora l dedit di auti possel unì adurvà d’uni sort de draps: per la BMW i3 ai tëut eucaliptus (n lën) y kenaf, n material lesier che vën fat ora dla planta dla melva (n ciof); per la Hyundai IONIQ 5 tulerai ECONYL, n fil fat ora de vedla rëies da pië pësc fates de nylon, sambën dant netedes; per fé i sic dla Polestar 2 toli bozes de plastica rezitledes y per l rest dl dedit dl auto toli plastica resteda dala produzion de corch. I tepihs vën fac ora de vedla rëies da pië pësc fates de nylon; i materiai per la Renault ZOE vën tëuc da cioi de segurëza rezitlei, resć de stof y bozes de plastica rezitledes; per i sic dla Lancia Ypsilon toli plastica abineda adum tl’eghes dl mer Mediteran.

A chësc drap ti diji SEAQUAL® YARN; per i Ford ai purvà a tò la stlofa sutila che ie ntëur l granel de café (che vën scenó smacheda) y a la mescedé adum cun plastica y autra sustanzes. Cun chësc mescedoz lesier uei fé pertes de auti.

Ora de chël à la firma Ford mo svilupà bioplastica fata cun la stlofa, i stintli y la sumënza de pomodori.

Monce i montli ai purvà a fé cun n material inovatif, l Taraxagum, n material fat cun la ravises de na sort de zicoria salvera.

Materia Prima

Per creare vestiti per bambini e adulti, si inizia dalle materie prime che possono derivare dal mondo animale, come la lana, dal mondo delle piante o vegetale, ad esempio il cotone o il lino. Le materie non naturali possono derivare dal petrolio o dalla cellulosa. Quest’ultima viene prodotta fra l’altro con i cascami (resti) del cotone come la viscosa, usata per la produzione di biancheria e camiceria. Ogni materia dev’essere lavorata per poter ottenere un filo continuo. Avviene poi la tessitura o l’intreccio di fili orizzontali e perpendicolari (verticali). La tessitura si fa sul telaio, strumento antichissimo e, si ottiene cosí la stoffa.